וואס איז יא א ביזנעס #4 - דער ענד יוזער
פארעפענטליכט: דינסטאג אוגוסט 26, 2014 3:52 am
ביז אהער האמיר שוין עסטעבלישד אז יעדע גוטע ביזנעס איז באמת א וועליו פראדוקשן פלענט, וואו די ביזנעס באשאפט וועליו פאר די וועלט, אויך האמיר מסביר געווען אז יעדער וואס זעט איין די ווערד וואס די קאמפאני שטעלט צו געט פון זיין געלט אנשטאט די וועליו וואס ער באקומט, און דער מקבל איז אן אינטעגראלער חלק פון די וועליו סטראקטשור פון די קאמפאני איז ס'איז פונקט אזוי וויכטיג פאר די קאמפאני פשוט צו קענען באשליסן וויפיל די ווערד - פון די ווערד וואס די קאמפאני פראדוצירט - איז טאקע. (און דאס איז וויפיל זיי זענען גרייט צו צאלן דערפאר).
יעצט וועלן מיר אויסוועלגערן די צווייטע פוינט מיט צוויי וויכטיגע נקודות. איינס אין די פאזיטיווע זייט פון האלטן דעם ענד-יוזער פאר די אויגן און געדענקען ווי ווייט דער קונה שפילט א ראלע באשליסט וויפיל די קאמפאני פראדוצירט באמת - און דערפאר איז מורא'דיג וויכטיג פאר א קאמפאני צו וויסן פאר "וועם" עס עקזיסטירט. די צווייטע פוינט איז אויף די נעגאטיווע זייט ווי ווייט ס'קען שאדן פאר קאמפאני אויב מ'האט נישט קיין ספעציפישן ענד-יוזער אין מיינד ביים שאפן די קאמפאני/וועליו.
די בענעפיט פון וויסן ווער דער ענד-יוזער איז.
ווי שוין אויסגעשמועסט באשאפט א קאמפאני א ווערד דורך דעם וואס די קאמפאני נעמט אוועק א ווייטאג אדער שטעלט זיך צו א תענוג פאר מענטשן. אויב דער מענטש מוטשעט זיך שטארק איז ער גרייט צו געבן מער אוועק צו נעמען דעם צער. א פילינג אין די ציין האט א פרייז, אבער א רוט קאנאל האט גאאאאאר אן אנדערע פרייז, ס'איז בכלל נישט אין די זעלבע רענדזש, ווייל א לעכל באדערט, אבער אן אפענע לאך ביז צו די נשמה איז גאר אן אנדערע מסכתא…
קיינער ווארפט נישט פאר דעם דענטיסט אז מאכן א פילינג נעמט צוואנציג מינוט און א רוט קאנאל נעמט פינף און פערציג מינוט און ס'וואלט געדארפט קאסטן עטוואס מער פון דאפלט, און נישט אכט-צען מאל מער. יעצט שטעלטס ענק פאר אויב דער דענטינסט וואלט נישט געקוקט אויף די רעסיווינג ענד פון זיין סערוויס, וויאזוי וואלט ער געפרייזט א רוט-קאנאל? ממש אזוי ווי קיינער ווארפט נישט פאר… א פילינג נעמט צוואנציג מינוט קאסט עס פופציג דאלער, און דעיס נעמט פופציג מינוט קאסט עס הונדערט צוואנציג.
פארוואס וואלט ער אזוי געטוען? ווייל וויאזוי דען זאל ער אנכאפן די מציאות לגבי די פרייז? וואס נאך האט ער אויף צו רעכענען וויאזוי מ'צאלט אים?
די פרייז בעיס
לאמיר עס אויסשמועסן. מענטשן מיינען אז די סיבה פארוואס מ'רעכנט פאר א לעבל ברויט דריי דאלער איז ווייל די מעל האט געקאסט פופציג צענט, די וואסער דריי סענט, די אייער פופצן סענט, די הייוון נאך אפאר פיאסטער, דער אויוון, די לעקטעריק, די געז, די לעיבאר, די דעליווערי, די בוקקיעפינג, האט געקאסט צוויי א האלב דאלער א ברויט, און דער סוחר מוז דאך אויך מאכן עפעס א גרייצער - הענס דריי דאלער איז די פרייז.
דער אמת קען נישט זיין ווייטער פון דעם. ווייל אויב זאל א קאמפאני אזוי פרייזן זייערע זאכן וועלן זיי ארויסגעטראגן ווערן פון ביזנעס ממש אזוי שנעל ווי יונה הנביא'ס בלום, ווייל מארגן גייט קומען א גרעסערע קאמפאני און זיי גייען אלעס קויפן און גרעסערע קאוונטומען באלק, און אלעס גייט זיי זיין ביליגער, און זיי גייען אויך צולייגן נאר פופציג סענט פאר זייער ריוח, און די ענד-טאוטל וועט זיין נאר צוויי דאלער א קאוודער, און היות דער נעכטיגער בעקער צאלט אוועק צוויי א האלב פאר'ן פראדוצירן דעם ברויט, איז ער אין די רעד נאך פאר'ן פארקויפן, מוז ער ווערן אויס בעקער.
וואס איז יא דער אמת? דער אמת איז אז א ברויט קאסט בערך די פרייז וואס די סוחרים זעען איין אז מענטשן גייען צאלן צו האבן פרישע ברויט. ווי דערמאנט, אויב איז עס א שעת מלחמה אין די פרייז פערציג טויזנט גרייצער פאר איין שאלעשידעס בילקע, בזמן שלום קען מען באקן אינדערהיים אויך ברויט, אבער ס'איז א באדער, שאצט מען וויפיל ס'איז ווערד פאר א פעמילי נישט צו דארפן באקן אליין ברויט, און דאס איז די פרייז.
מ'וועל מיר שפעטער רעדן פון די איינע חלק - אלטערנאטיוון - מער באריכות, אבער אין פינטל איז עס אייביג די זעלבע שאלה: וואס איז דיין ווערד-באשאף? און אויב דו וואלסט עס נישט באשאפן וואס וואלט ווען דער עולם זיך אן עצה געגעבן אן דיר? וויפיל וואלט מען זיך געדארפט מוטשענען און/אדער צאלן פאר יענע עצה? און "דער דיפענרעץ" וואס דיין עצה האט אין פרייז אדער אין צייט אדער אין געשמאק מער פון די נענטסטע אלטערנאטיוו - דאס איז דיין ווערד.
האמיר שוין דערמאנט די מעשה מיט'ן ארבעטער וואס קען נוצן א שרויפן-ציער אדער זיינע ציין פאר די שרויפן און מיינט אז די פרייז גייט לויט זיין מיה…. איז צוריק צום דענטיסט. אויב פרייזט ער זיין פאך לויט וויפיל "ארבעט" ער מוז אריינלייגן איז ער פארטיג נאך איידער ער האט אנגעהויבן. האט איינער יא געהאט שכל, און אונז אלע דארפן צאלן פאר אלע נארישע דענטינסטס צוליב דעם איינעם חכם…
לאמיר נאכאמאל נוצן עפל'ס אייפעד אלס משל. אזויווי ס'איז א פובליק קאמפאני מוזן זיי דערציילן די הוצאות והכנסות אין דיטעיל סוף יאר. האבן זיי געשאצט אז צו פאבריצירן א גאנצע אייפעד - די טעקנאלידזשי, די רעטינע סקרין, די פראסעסער, די אוטלעטס, די מאגניזיום טשעסי וואס אלעס צוזאם, די הארד דרייוו, די מעמערי, די פעקעדזשינג, דעזיין, באקס, און אפילו די דירעקט שיפינג פון בעידזשינג סטרעיט צו דיר אהיים - אלעס אינאיינעם קאסט זיי גאנצע דרייצן דאלער א שטיק!
און וויפיל בעטן זיי דערפאר? פינף און צוואנציג? הונדערט צוואנציג? אדער פינף, זעקס, און זיבן הונדערט דאלער! די מערסטע פאני פארט איז אז קיינער רעדט זיך נישט אפ! האו קאם? דער תירוץ איז אז יעדער צאלט פאר די ווערד וואס מ'באקומט דערפון, און אויב זאל סיי וועלכע עווערידזש קאמפאני טרייען דאס נאכצומאכן גייען זיי דארפן צאלן כמעט די פרייז, ואם כן איז יעדער מודה איז דאס איז באמת ווערד די געלט, איי עפל מאכט עס פאר כמעט אומזיסט? הו קעירס! וויפיל עפל קען זיך שפארן מיט די קאסטן ביים פראדוצירן דעם פראדוקט איז זייער אייגענע ריוח. איך האב באקומען א פינף הונדערט דאלערדיגע פראדוקט, אפגעזען וויפיל ס'האט למעשה געקאסט.
קומט אויס לפי זה אז אויב האט מען נישט דעם קונה אין מחשבה קען מען באמת נישט אויסרעכענען וויפיל דער סערוויס אדער פראדוקט איז עכט ווערד אין די מארקעט, ווייל ס'האט דאך באמת נישט קיין שום פארבינדונגען צו וויפיל ס'קאסט צו פראדוצירן. ס'דא זאכן וואס קאסטן גארנישט און מענטשן וועלן זיין גרייט צו צאלן אסאך, און ס'דא זאכן וואס קאסטן אסאך און קיינער גייט נישט צאלן פאר דעם.
עס עי סייד נאוט:
פראפעסיאנאלן פאלן זייער אסאך אריין אין די פערפעקשאניזם לאך צוליב וואס מ'כאפט נישט דעם פונקט.
- מיין פערפל איז באמת די בעסטע אין וועלט! קאסט עס!
- נו, איך קאסט עס, און איך זעה נישט פון וואס דו רעדטסט.
- נאה, (געט ער א ווילדע מאך מיט די האנט), וואס פארשטייסטו צו פערפל?!…
יונגערמאן אויב איך - דער קאסטומער - פארשטייט נישט צו פערפל גייט דיר קינער נישט צאלן דערפאר, אפגעזען ווי גוט ס'איז 'עכט'. נעם ארויס [פערפל] און לייג אריין [פלאמבינג, לעקטעריק, אינסולעישן, פעינטינג, קאמפיוטער סערוויס, קאודינג, דעזיין, קאקאש קעיק, מזוזות] סיי וועלכע זאך וואס דער עכטער מבין אויף די גוטסקייט פון דיין דזשאב איז נאר א פראפעשאנל (און אויב דיין קאסטומער איז אזא פראפעשאנל גייט ער נישט קומען צו דיר…) איז דיין חפץ/סערוויס גארנישט ווערד --- פאר'ן קאסטומער! נאר פאר דיר…
ס'געווען א אידל וואס פלעגט שטיין פארקויפן קאפלעך, (פארשטייט זיך אז ער האט זיך געשטעלט נעבן א קאנסטראקשן סייט וואו קיינער דארף נישט קיין קאפלעך…) נאך אפאר שעה וואס קיינער האט נישט געקויפט האט ער זיך אליין אנגעטון א נייע קאפל…. אז קיינער קויפט נישט זאל איך כאטש קויפן איינס…
אויב קוקסטו אויף דיין געשמאק און דו געפעלסט 'דיר' קענסטו דיר אנטון א קאפל און קוועלן פונעם גוטן דיעל… אויב ווילסטו אנדערע זאלן עס קויפן דארפן זיי אנערקענען אין די ווערד פון דיין פראדוקציע, ווי א אידל א געקומען צום שינאווא'ר רב אז שוין אפאר נעכט וואס ער חלומ'ט זיך אז ער איז א גרויסע רבי, ונפשו בשאלתו צו ער זאל אינוועסטן אין די שמונה בגדים, און בית מדרש, פובליק בעסקיסעס וכו', האט אים דער שינאווא'ר רב געענטפערט: ווען די חסידים וועלן זיך חלומ'ען קענסטו אנהייבן צו אינוועסטן… כל זמן נאר די חלומ'סט, מאך הטבת חלום…
עד כאן הסייד נאוט.
יעדער זאגט ס'איז צו טייער, אויסער דער ענד יוזער
דאס איז געווען די פאזיטיווע פוינט פון האבן דעם ענד-יוזער אין מיינד. די נעגאטיווע פוינט איז אז דער עולם פארשטייט טאקע נישט צו אינטריקעסיעס וואס דער פראפעשאנל פארשטייט, און זיי שאצן יעדע זאך לויט וויפיל זיי מיינען אז ס'גייט קאסטן.
- וויפיל איז עס?
- צוויי הונדערט דאלער?
- וואאאאסס???!!!!
ענד יו אר דאן!
יעדער קונה וויל האבן גוט אבער ער קען נאר שאצן 'גוט' לויט זיין מצב. אויב דארף עס עכט שטארק, און ער ווייסט פארוואס ער דארף עס איז עס אים ווערד כל הון דעלמא, און צוויי הונדערט דאלער איז ביליג. אויב דארף ער עס נישט, פארשטייט נישט פארוואס ס'ווערט בכלל פארקויפט און קויפט נאר ווייל ס'איז דא א סעיל איז עס זייער טייער.
און די איינציגסטע וועג צו קענען טרעפן די פאר חברה וואס גייען פארשטיין פונקטליך וואס דו פארקויפסט און פארוואס ס'לוינט זיך יא צו צאלן איז נאר אויב דו גייסט צו זיי רעדן אויף זייער שפראך - מיט זייער ספעציפישע פראבלעם און זיי גיין זיך אזוי שטארק טרעפן אין דיינע ווערטער, אז זיי גייען זיך אויסדרייען קוקן ווער ס'רעדט צו זיי אזוי אפן פון צעטל ארויס… אזא מענטש וועט אויפשפרונגען און אויסרופן: אויף דעם האב איך שוין געווארט יאאאארן!
און די איינציגסטע וועג דאס זאל געשען איז אויב דער בעל הקאמפאני גייט נישט פארקויפן פאר "יעדעם איינעם" די "בעסטע" פערפל. געדענק: יעדער איז קיינער!
שוין געווען אמאל ביי א סאפיסטיקעיטעד מסיבה? און דער בעל דרשן שטעלט זיך אויף פאלייטלי פרעגן מיט אזא זיסע הארסי-שמייכל וואס שפריצט אקסישקייט (בד"וו איז עס אן איסור פון כלאים אויסער די אנויאינג צער בעלי חיים פונעם עולם): וויאזוי פילט יעדער?
משוגענער! 'יעדער' האט פארשפעטיגט! קיינער דא הייסט נישט יעדער! וויאזוי זאל איך וויסן וויאזוי 'יעדער' פילט? איך קען אים נישט, איך האב נישט געטראפן היינט, און נעכטן אויך נישט. א רחמנות אויף א מענטש וועמען זיין טאטע געט אים א נאמען יעדער…
אז דו רעדסט צו איינעם האסטו א טשענס אז יענער זאל דיר הערן, אבער דו רעדסט צו יעדעם הערט קיינער נישט. און אויב ווייסטו נישט צו וועמען דו רעדסטו יא, אויטאמאטיש רעדסטו צו קיינעם נישט, ואשר על כן 'מוזטו' וויסן וועמען דו גייסט סערווירן,
וועמען דו גייסט בענעפיטירן מיט דעם ביזנעס?
און וואסערע וועליו גייסטו אים צושטעלן?
און ווי שטארק דארף ער עס?
און וויפיל גייט ער זיין גרייט צו צאלן?
און יעצט האסטו א ביזנעס! א וועליו פראדוקשן מאשין.
יעצט וועלן מיר אויסוועלגערן די צווייטע פוינט מיט צוויי וויכטיגע נקודות. איינס אין די פאזיטיווע זייט פון האלטן דעם ענד-יוזער פאר די אויגן און געדענקען ווי ווייט דער קונה שפילט א ראלע באשליסט וויפיל די קאמפאני פראדוצירט באמת - און דערפאר איז מורא'דיג וויכטיג פאר א קאמפאני צו וויסן פאר "וועם" עס עקזיסטירט. די צווייטע פוינט איז אויף די נעגאטיווע זייט ווי ווייט ס'קען שאדן פאר קאמפאני אויב מ'האט נישט קיין ספעציפישן ענד-יוזער אין מיינד ביים שאפן די קאמפאני/וועליו.
די בענעפיט פון וויסן ווער דער ענד-יוזער איז.
ווי שוין אויסגעשמועסט באשאפט א קאמפאני א ווערד דורך דעם וואס די קאמפאני נעמט אוועק א ווייטאג אדער שטעלט זיך צו א תענוג פאר מענטשן. אויב דער מענטש מוטשעט זיך שטארק איז ער גרייט צו געבן מער אוועק צו נעמען דעם צער. א פילינג אין די ציין האט א פרייז, אבער א רוט קאנאל האט גאאאאאר אן אנדערע פרייז, ס'איז בכלל נישט אין די זעלבע רענדזש, ווייל א לעכל באדערט, אבער אן אפענע לאך ביז צו די נשמה איז גאר אן אנדערע מסכתא…
קיינער ווארפט נישט פאר דעם דענטיסט אז מאכן א פילינג נעמט צוואנציג מינוט און א רוט קאנאל נעמט פינף און פערציג מינוט און ס'וואלט געדארפט קאסטן עטוואס מער פון דאפלט, און נישט אכט-צען מאל מער. יעצט שטעלטס ענק פאר אויב דער דענטינסט וואלט נישט געקוקט אויף די רעסיווינג ענד פון זיין סערוויס, וויאזוי וואלט ער געפרייזט א רוט-קאנאל? ממש אזוי ווי קיינער ווארפט נישט פאר… א פילינג נעמט צוואנציג מינוט קאסט עס פופציג דאלער, און דעיס נעמט פופציג מינוט קאסט עס הונדערט צוואנציג.
פארוואס וואלט ער אזוי געטוען? ווייל וויאזוי דען זאל ער אנכאפן די מציאות לגבי די פרייז? וואס נאך האט ער אויף צו רעכענען וויאזוי מ'צאלט אים?
די פרייז בעיס
לאמיר עס אויסשמועסן. מענטשן מיינען אז די סיבה פארוואס מ'רעכנט פאר א לעבל ברויט דריי דאלער איז ווייל די מעל האט געקאסט פופציג צענט, די וואסער דריי סענט, די אייער פופצן סענט, די הייוון נאך אפאר פיאסטער, דער אויוון, די לעקטעריק, די געז, די לעיבאר, די דעליווערי, די בוקקיעפינג, האט געקאסט צוויי א האלב דאלער א ברויט, און דער סוחר מוז דאך אויך מאכן עפעס א גרייצער - הענס דריי דאלער איז די פרייז.
דער אמת קען נישט זיין ווייטער פון דעם. ווייל אויב זאל א קאמפאני אזוי פרייזן זייערע זאכן וועלן זיי ארויסגעטראגן ווערן פון ביזנעס ממש אזוי שנעל ווי יונה הנביא'ס בלום, ווייל מארגן גייט קומען א גרעסערע קאמפאני און זיי גייען אלעס קויפן און גרעסערע קאוונטומען באלק, און אלעס גייט זיי זיין ביליגער, און זיי גייען אויך צולייגן נאר פופציג סענט פאר זייער ריוח, און די ענד-טאוטל וועט זיין נאר צוויי דאלער א קאוודער, און היות דער נעכטיגער בעקער צאלט אוועק צוויי א האלב פאר'ן פראדוצירן דעם ברויט, איז ער אין די רעד נאך פאר'ן פארקויפן, מוז ער ווערן אויס בעקער.
וואס איז יא דער אמת? דער אמת איז אז א ברויט קאסט בערך די פרייז וואס די סוחרים זעען איין אז מענטשן גייען צאלן צו האבן פרישע ברויט. ווי דערמאנט, אויב איז עס א שעת מלחמה אין די פרייז פערציג טויזנט גרייצער פאר איין שאלעשידעס בילקע, בזמן שלום קען מען באקן אינדערהיים אויך ברויט, אבער ס'איז א באדער, שאצט מען וויפיל ס'איז ווערד פאר א פעמילי נישט צו דארפן באקן אליין ברויט, און דאס איז די פרייז.
מ'וועל מיר שפעטער רעדן פון די איינע חלק - אלטערנאטיוון - מער באריכות, אבער אין פינטל איז עס אייביג די זעלבע שאלה: וואס איז דיין ווערד-באשאף? און אויב דו וואלסט עס נישט באשאפן וואס וואלט ווען דער עולם זיך אן עצה געגעבן אן דיר? וויפיל וואלט מען זיך געדארפט מוטשענען און/אדער צאלן פאר יענע עצה? און "דער דיפענרעץ" וואס דיין עצה האט אין פרייז אדער אין צייט אדער אין געשמאק מער פון די נענטסטע אלטערנאטיוו - דאס איז דיין ווערד.
האמיר שוין דערמאנט די מעשה מיט'ן ארבעטער וואס קען נוצן א שרויפן-ציער אדער זיינע ציין פאר די שרויפן און מיינט אז די פרייז גייט לויט זיין מיה…. איז צוריק צום דענטיסט. אויב פרייזט ער זיין פאך לויט וויפיל "ארבעט" ער מוז אריינלייגן איז ער פארטיג נאך איידער ער האט אנגעהויבן. האט איינער יא געהאט שכל, און אונז אלע דארפן צאלן פאר אלע נארישע דענטינסטס צוליב דעם איינעם חכם…
לאמיר נאכאמאל נוצן עפל'ס אייפעד אלס משל. אזויווי ס'איז א פובליק קאמפאני מוזן זיי דערציילן די הוצאות והכנסות אין דיטעיל סוף יאר. האבן זיי געשאצט אז צו פאבריצירן א גאנצע אייפעד - די טעקנאלידזשי, די רעטינע סקרין, די פראסעסער, די אוטלעטס, די מאגניזיום טשעסי וואס אלעס צוזאם, די הארד דרייוו, די מעמערי, די פעקעדזשינג, דעזיין, באקס, און אפילו די דירעקט שיפינג פון בעידזשינג סטרעיט צו דיר אהיים - אלעס אינאיינעם קאסט זיי גאנצע דרייצן דאלער א שטיק!
און וויפיל בעטן זיי דערפאר? פינף און צוואנציג? הונדערט צוואנציג? אדער פינף, זעקס, און זיבן הונדערט דאלער! די מערסטע פאני פארט איז אז קיינער רעדט זיך נישט אפ! האו קאם? דער תירוץ איז אז יעדער צאלט פאר די ווערד וואס מ'באקומט דערפון, און אויב זאל סיי וועלכע עווערידזש קאמפאני טרייען דאס נאכצומאכן גייען זיי דארפן צאלן כמעט די פרייז, ואם כן איז יעדער מודה איז דאס איז באמת ווערד די געלט, איי עפל מאכט עס פאר כמעט אומזיסט? הו קעירס! וויפיל עפל קען זיך שפארן מיט די קאסטן ביים פראדוצירן דעם פראדוקט איז זייער אייגענע ריוח. איך האב באקומען א פינף הונדערט דאלערדיגע פראדוקט, אפגעזען וויפיל ס'האט למעשה געקאסט.
קומט אויס לפי זה אז אויב האט מען נישט דעם קונה אין מחשבה קען מען באמת נישט אויסרעכענען וויפיל דער סערוויס אדער פראדוקט איז עכט ווערד אין די מארקעט, ווייל ס'האט דאך באמת נישט קיין שום פארבינדונגען צו וויפיל ס'קאסט צו פראדוצירן. ס'דא זאכן וואס קאסטן גארנישט און מענטשן וועלן זיין גרייט צו צאלן אסאך, און ס'דא זאכן וואס קאסטן אסאך און קיינער גייט נישט צאלן פאר דעם.
עס עי סייד נאוט:
פראפעסיאנאלן פאלן זייער אסאך אריין אין די פערפעקשאניזם לאך צוליב וואס מ'כאפט נישט דעם פונקט.
- מיין פערפל איז באמת די בעסטע אין וועלט! קאסט עס!
- נו, איך קאסט עס, און איך זעה נישט פון וואס דו רעדטסט.
- נאה, (געט ער א ווילדע מאך מיט די האנט), וואס פארשטייסטו צו פערפל?!…
יונגערמאן אויב איך - דער קאסטומער - פארשטייט נישט צו פערפל גייט דיר קינער נישט צאלן דערפאר, אפגעזען ווי גוט ס'איז 'עכט'. נעם ארויס [פערפל] און לייג אריין [פלאמבינג, לעקטעריק, אינסולעישן, פעינטינג, קאמפיוטער סערוויס, קאודינג, דעזיין, קאקאש קעיק, מזוזות] סיי וועלכע זאך וואס דער עכטער מבין אויף די גוטסקייט פון דיין דזשאב איז נאר א פראפעשאנל (און אויב דיין קאסטומער איז אזא פראפעשאנל גייט ער נישט קומען צו דיר…) איז דיין חפץ/סערוויס גארנישט ווערד --- פאר'ן קאסטומער! נאר פאר דיר…
ס'געווען א אידל וואס פלעגט שטיין פארקויפן קאפלעך, (פארשטייט זיך אז ער האט זיך געשטעלט נעבן א קאנסטראקשן סייט וואו קיינער דארף נישט קיין קאפלעך…) נאך אפאר שעה וואס קיינער האט נישט געקויפט האט ער זיך אליין אנגעטון א נייע קאפל…. אז קיינער קויפט נישט זאל איך כאטש קויפן איינס…
אויב קוקסטו אויף דיין געשמאק און דו געפעלסט 'דיר' קענסטו דיר אנטון א קאפל און קוועלן פונעם גוטן דיעל… אויב ווילסטו אנדערע זאלן עס קויפן דארפן זיי אנערקענען אין די ווערד פון דיין פראדוקציע, ווי א אידל א געקומען צום שינאווא'ר רב אז שוין אפאר נעכט וואס ער חלומ'ט זיך אז ער איז א גרויסע רבי, ונפשו בשאלתו צו ער זאל אינוועסטן אין די שמונה בגדים, און בית מדרש, פובליק בעסקיסעס וכו', האט אים דער שינאווא'ר רב געענטפערט: ווען די חסידים וועלן זיך חלומ'ען קענסטו אנהייבן צו אינוועסטן… כל זמן נאר די חלומ'סט, מאך הטבת חלום…
עד כאן הסייד נאוט.
יעדער זאגט ס'איז צו טייער, אויסער דער ענד יוזער
דאס איז געווען די פאזיטיווע פוינט פון האבן דעם ענד-יוזער אין מיינד. די נעגאטיווע פוינט איז אז דער עולם פארשטייט טאקע נישט צו אינטריקעסיעס וואס דער פראפעשאנל פארשטייט, און זיי שאצן יעדע זאך לויט וויפיל זיי מיינען אז ס'גייט קאסטן.
- וויפיל איז עס?
- צוויי הונדערט דאלער?
- וואאאאסס???!!!!
ענד יו אר דאן!
יעדער קונה וויל האבן גוט אבער ער קען נאר שאצן 'גוט' לויט זיין מצב. אויב דארף עס עכט שטארק, און ער ווייסט פארוואס ער דארף עס איז עס אים ווערד כל הון דעלמא, און צוויי הונדערט דאלער איז ביליג. אויב דארף ער עס נישט, פארשטייט נישט פארוואס ס'ווערט בכלל פארקויפט און קויפט נאר ווייל ס'איז דא א סעיל איז עס זייער טייער.
און די איינציגסטע וועג צו קענען טרעפן די פאר חברה וואס גייען פארשטיין פונקטליך וואס דו פארקויפסט און פארוואס ס'לוינט זיך יא צו צאלן איז נאר אויב דו גייסט צו זיי רעדן אויף זייער שפראך - מיט זייער ספעציפישע פראבלעם און זיי גיין זיך אזוי שטארק טרעפן אין דיינע ווערטער, אז זיי גייען זיך אויסדרייען קוקן ווער ס'רעדט צו זיי אזוי אפן פון צעטל ארויס… אזא מענטש וועט אויפשפרונגען און אויסרופן: אויף דעם האב איך שוין געווארט יאאאארן!
און די איינציגסטע וועג דאס זאל געשען איז אויב דער בעל הקאמפאני גייט נישט פארקויפן פאר "יעדעם איינעם" די "בעסטע" פערפל. געדענק: יעדער איז קיינער!
שוין געווען אמאל ביי א סאפיסטיקעיטעד מסיבה? און דער בעל דרשן שטעלט זיך אויף פאלייטלי פרעגן מיט אזא זיסע הארסי-שמייכל וואס שפריצט אקסישקייט (בד"וו איז עס אן איסור פון כלאים אויסער די אנויאינג צער בעלי חיים פונעם עולם): וויאזוי פילט יעדער?
משוגענער! 'יעדער' האט פארשפעטיגט! קיינער דא הייסט נישט יעדער! וויאזוי זאל איך וויסן וויאזוי 'יעדער' פילט? איך קען אים נישט, איך האב נישט געטראפן היינט, און נעכטן אויך נישט. א רחמנות אויף א מענטש וועמען זיין טאטע געט אים א נאמען יעדער…
אז דו רעדסט צו איינעם האסטו א טשענס אז יענער זאל דיר הערן, אבער דו רעדסט צו יעדעם הערט קיינער נישט. און אויב ווייסטו נישט צו וועמען דו רעדסטו יא, אויטאמאטיש רעדסטו צו קיינעם נישט, ואשר על כן 'מוזטו' וויסן וועמען דו גייסט סערווירן,
וועמען דו גייסט בענעפיטירן מיט דעם ביזנעס?
און וואסערע וועליו גייסטו אים צושטעלן?
און ווי שטארק דארף ער עס?
און וויפיל גייט ער זיין גרייט צו צאלן?
און יעצט האסטו א ביזנעס! א וועליו פראדוקשן מאשין.