לאנג-טערמיניגע קאסטומערס, וויאזוי שאפט מען זיי?
פארעפענטליכט: דינסטאג ספטמבר 03, 2013 11:56 am
(דער ארטיקל איז אין דער פיפטער אויסגאבע פון מי מנוחות)
איך הער כסדר פון מענטשן איבער זייערע ביזנעסער און ברענדינג, און איך האב אויפגעכאפט א שטארקע טעות, און איך וויל גלייך ביים אנהייב פאררעכטן אט דער טעות, ברענדינג מיינט נישט לאגאס, א לאגא איז נישט א ברענד.
וואס איז עס יא?
לאמיר גיין שטאטעליך.
וואס מיינט "ברענד"?
דער ווארט איז שוין אין באנוץ הונדערטער יארן, פון ווען מענטשן האבן אנגעהויבן מאכן סימנים אויף זייערע בהמות כדי מען זאל זיך נישט אויפטוישן ביים פאשען אין די פעלדער און אז מ'זאל וויסן צו וועם אומצוקערן א פארלוירענע בהמה.
געווענליך איז דער סימן געווען אז מ'האט אריינגעקריצט, אריינגעברענט, א צייכן אין דעם בעל חי.
פון דא נעמט זיך דער ווארט 'ברענדינג', און 'בראנד-וואונד' איז אויך פונעם זעלבן שורש.
וואס איז א ברענד?
א ברענד איז דער אויסקוק וואס מענטשן האבן אויף א קאמפאני אדער פראדוקט, אין קורצן; א ברענד איז א געמיש פון ערווארטונג (expectation) פונעם קאסטומער און א צוזאג (brand promise) פונעם קאמפאני.
ווען די צוויי טרעפן זיך טאקע צוזאם איז דאס ממש ענבי הגפן, א שלום בית וואס מ'וואונטשט זיך צו האבן אינדערהיים.
צום ביישפיל, פון וואלמארט ערווארטן מענטשן א super-store וואו זיי וועלן טרעפן אלע זייערע געברויכן פאר ביליג, און דאס זאגט דער קאמפאני צו. פארדעם וועט איר נישט טרעפן קיין איין וואלמארט וואס איז שיין דיזיינד פון אינעווייניג, ווי אויך וועט איר עפי"ר נישט טרעפן דארט קיין לוקסוריעזע קליידער וכדו', ווייל נישט פאר דעם זענען זיי דא, און אויב זיי וועלן עס יא צושטעלן וועלן זיי מוזן הייבן די פרייז.
קאקע-קאלע האט אין די אנהייב ניינציגערס געמוזט ספענדן גאר אסאך געלט און כוחות צוריק צו פארדינען דעם טראסט פון זייערע קאסטומערס, ווייל זיי האבן עקספערימענטירט מיט א קליינע טויש אינעם רעסעפי.
אין דעם פאל האבן מענטשן ערווארט זייער אלטע באליבטע געטראנק און דער קאמפאני האט משנה געווען פון זייער צוזאג.
וויאזוי ארבעט ברענדינג?
משל'ט אייך אויס אז איר גייט אריין אין גראסערי און אלעס האט ווייסע באטלעך, ווייסע באקסעס און ווייסע בעגס, אלעס איז ווייס מיט א פשוט'ע סטיקער אויף דעם 'קעטשאפ', 'וויין', 'טשאקלאד' אא"וו, וואס וועט געשען? איר וועט ארויסגיין פון דארט ווי שנעל איר קענט, פארוואס? ווייל איר דערקענט מער נישט דעם קעטשאפ צו וואס איר האט זיך צוגעוואוינט, איר דערקענט מער נישט פונקטליך וועלכער וויין איר גלייכט, ממילא פארלירט איר דעם קאנעקשאן מיט דער קאמפאני פון דער געוויסער אייטעם, און אפמאכן וועלכע יא צו קויפן איז אביסל צו שווער ווען אלעס קוקט אויס די זעלבע.
דער מענטשליכער מח ארבעט זייער אינטערעסאנט.
ווען דער אויג שיקט א מעסעדזש אז ער זעט עפעס, כאפט דער מח צום ערשט אויף דעם שעיפ פונעם זאך, נאכדעם כאפט עס אויף די קאלירן, און דערנאך אלע אנדערע אינפארמאציע.
אז די ווייב שיקט אייך קויפן מילך פרובירט צו גיין אין א גראסערי וואו איר זענט נאך קיינמאל נישט אריין, איר וועט זען אז ווען דער אויג וועט זען דעם פרידשידער וועט עס קודם אויפכאפן די שעיפ פון די באטלעך, קומענדיג נענטער וועט איר שוין באמערקן א חילוק צווישן די רויטע און בלויע מילך, הערשט ווען איר וועט שטיין ביים פרידשידער וועט איר שוין דערקענען צווישן גאלדען פלאו און דבש.
ארומגייענדיג אין גראסערי וועט איר שוין וויסן בערך וועלכע פראדוקטן פון וועלכע קאמפאני איר ווילט, ווייל איר טראסט די קאמפאני פון פריער, איר האט זיך איבערגעצייגט אז די קאמפאני שטעלט זיך צו צו אייערע געברויכן, צו אייער ערווארטונג.
וויאזוי איז געשען דער קאנעקשאן? דורך זיין consistent, איר ווייסט שוין אז דאס און דאס ווערט אייך צוגעשטעלט דורך די-און-די קאמפאני אקוראט אזוי ווי איר זענט צוגעוואוינט.
אויב אבער וועט דער קאמפאני טוישן זייער פעקעדזשינג אדער קוואליטי אד"ג, וועט איר גאנץ מעגליך טוישן צו אן אנדערע ברענד, ווייל דער קאנעקשאן האט זיך אפגעהאקט, דער מח דערקענט שוין נישט תיכף דעם פראדוקט און קען אייך נישט הייסן וואס צו נעמען.
אוודאי מאכט זיך אמאל אז א קאמפאני מוז, מאיזה סיבה, טוישן זייער אויסזען, אין אזא פאל וועט א נארמאלע קאמפאני ספענדן נאכדעם שווערע געלטער, אויף אדווערטייזמענטס און אנדערע וועגן, כדי צוריק אריינצוברענען זייער אימעדש ביי די קאסטומערס.
אנצוקומען אויף די מדריגה, אז מענטשן זאלן קויפן אייער פראדוקט אדער סערוויס ווייל זיי טראסטן אייך אדער אייער פראדוקט, גייט נישט איבערנאכט, מ'דארף פאר דעם שוויצן בלוט און געלט א לאנגע צייט און צוביסלעך בויט מען אויף א שיינע זאך.
פארהאן א פאפולערע ווערטל “overnight success takes years”.
ס'איז א פשוט'ע זאך אז אויב איינער וויל אינסטענטלי זיין סוקסעספול וועט ער בדרך הטבע נישט מצליח זיין.
לגבי פעקעדשינג, איז דא אן אינטערעסאנטער פאקט, 68-70% פון שאפפערס מאכן אפ אין געשעפט ביים שעלף וועלכע פראדוקט צו קויפן און פון וועלכע ברענד.
אדווערטייזמענט דינט עפ"ר צו באשאפן ביים ליינער א געברויך זיך אויפצוהייבן און גיין איינקויפן.
און נעמט אריין דער פאקט אז אין אן עוורידש סופערמארקעט איז אויסגעלייגט ארום פערציג טויזנט (40,000) אייטעמס, קומט אויס אז דער דורכשניטליכער איינקויפער, וואס פארברענגט איין שעה א וואך אין גראסערי, האט 10 סעקונדעס אויפצוכאפן יעדע פראדוקט.
פאר די סיבה (וואס איז לאו דוקא שייך ביי גראסערי אייטעמס) איז דער סאמע וויכטיגסטער זאך צו זען צו זיין אנדערש פונעם קאמפעטישן, ווייל איר האט נאר 10 סעקונדעס צו מאכן א שטארקע קעיס פארן קאסטומער, נאר 10 סעקונדעס אים צו געבן א געהעריגע סיבה פארוואס ער זאל קויפן אייער פראדוקט אנשטאט דעם קאמפעטישנס. איר קענט דאך נישט שטעלן א סעילסמאן אין יעדע געשעפט וואו אייערע אייטעמס ליגן, מאכט מען פארדעם א גוטע פעקעדשינג, וואס דאס דינט במקום סעילסמאן.
ביליגערע פרייזן איז דער לעצטער זאך אויף די ליסטע, דאס איז גוט איינמאל א שמיטה פאר א סעיל.
איר האט שוין געזען אמאל א ישיבה וואס גייט ארום נאך געלט און זייערע צעטלעך זאגן "מיר געבן די ביליגסטע שכר לימוד"? זיכער אז נישט, ווייל זייער ביזנעס אפפערט קוואליטי, ער שטעלט צו א גוטן חינוך און דאס קאסט געלט. אז ס'וועט זיך אויספעלן וועט מען שטילערהייט דערציילן פאר פאטענציעלע נדבנים אז "מיר האבן אין אונזער ישיבה כך וכך בחורים וואס צאלן זייער ביליג".
אבער מיר האבן לעצטנס געזען א ישיבה, ישיבה תלפיות, וואס זיי נעמען נישט אן מיט א זיכערקייט אז יעדער וועט זיי שטיצן, האבן זיי געמאכט א דיפערענט איידיע אריינצובאקומען געלט.
איך ווייס נישט וויפיל זיי האבן אריינגעלייזט יענע נאכט, אבער ס'זיכער סאך מער ווי וואס זיי וואלטן געמאכט דורך א טראדיציאנאלע דינער.
א קלוגער ביזנעסמאן וועט זען אויסצונוצן יעדע געלעגנהייט צו פארשפרייטן זיין ברענד, א געלעגנהייט אריינצוקריכן צו מענטשן אין קאפ מאכט זיך נישט יעדן טאג.
לאמיר איצט אנהייבן דורכגיין די שטאפלען פון א סוקסעספולע ברענדינג.
צום ערשט דארפט איר, פרישער ביזנעס אונער, זיך אראפזעצן און מאכן א קלארע פלאן וואו איר צילט מיט דעם ביזנעס, וואו איר ווילט האלטן 6 חדשים פון יעצט, 1 יאר פון יעצט און אין 5 יאר ארום, אן א קלארע ביזנעס פלאן וועט איר זיך גאר שנעל פארלירן אויב איר וועט זיך אנשטויסן (און געווענליך שטויסט מען זיך אן) אין דורכפעלער אויפן וועג צום סוקסעס, כ'האב שוין געהערט פון אפאר סוקסעספולע מענטשן אז זיי האבן וועכנטליכע און חודש'ליכע goals.
דערנאך מאכט א קלארע און גרונטליכע חשבון וואס אייער מארקעטינג בודשעט איז (ראטזאם דורכצורעדן מיט א מומחה). אן א בודשעט וועט איר בדרך הטבע גאר שנעל פארלירן טרעק וואס יא און נישט צו טון.
דאן זאלט איר רואיג דורכגיין און ענטפערן אויף די פאלגענדע 3 שאלות, ביטע פאפט זיך נישט!
1) ווער בין איך?
(איך בין חיים, איך פארקויף סגולה בינטלעך)
2) ווער דארף עס וויסן?
(מיטליעריגע אידענעס וואס גלייכן צו מזכה זיין די גאנצע משפחה מיט גוטע עצות און סגולות)
3) פארוואס זאל זיי אנגיין ווער/וואס איך בין?
(ווייל איך שטעל זיי צו קאסטום סעטס פון אלע סגולות וואס זיי ווילן, אזוי קענען זיי רואיגערהייט אויסטיילן פאר יעדעם לויט זייער צרה)
ווייסט שוין אונזער חיים וואס ער טוט - און וואס ער טוט נישט (פארקויפן סגולה בינטלעך איז אנדערש ווי צושטעלן מנינים פאר אבלים), צו וועם ער צילט - און צו וועם נישט (25 יעריגע אינגעלייט וועלן אים לאכן אין די אויערן אריין). יעצט קען מען שוין אנהייבן דורכצוקוקן די מיטליעריגע אידענעס וואס פונקטליך עס רעדט צו זיי, וואס גלייכן זיי אא"וו, און לויט דעם הייבט מען אן צו טראכטן פון א נאמען פאר די קאמפאני.
דער נושא פון נעמען איז אביסל פארנעפלט ביי אסאך מענטשן, לאמיר אייך געבן אפאר טיפס דערוועגן.
1) וועלן זיין ווי יעדעם איז דער מענטשליכער נאטור, קיינער וויל נישט זיין "אנדערש". מ'זעהט עפעס וואס ארבעט און מ'וויל נאכקאפירן.
זייט וויסן אז אין ביזנעס איז דאס זייער נישט גוט. א גוט-באקאנטער נאמען וועט טאקע קלינגען גוט און פראפעשאנעל, אבער געדענקט אז דער נאמען איז באקאנט געווארן אין משך פון א לאנגע צייט וואס די אייגנטומער האבן אריינגעלייגט שווערע כוחות און געלט דאס אויפצובויען.
גוגל האט גענומען א שטיק צייט ביז ס'האט זיך איינגעגעבן ביי מענטשן.
פאמעגרענעט האט געמאכט א 'דיפרענט' נאמען, ער האט געוואוסט צו וועם ער צילט יא און נישט, פארדעם מיינט נאכנישט אז אלע נייע סופערמארקעטס מוזן יעצט הייסן נאך א פרוכט.
און דאס איז שוין אויסער דער פאקט אז מ'האט גארנישט פון נאכקאפירן, ווייל איינע פון די עיקר שווערע ארבעט איז צו זיין אנדערש פונעם קאמפעטישן ווייל איר ווילט דאך אז מענטשן זאלן האבן א סיבה פארוואס צו קומען דייקא צו אייך און נישט צום קאמפעטישן.
(קומט מיר אויפן געדאנק א היימישע קינדער קליידער קאמפאני וואס רופט זיך All Navy, זעט אויסצומיידן אזעלכע איידיעס)
2) ווייסט וואס אייער קאסטומער וויל.
נאכן דורכטון די מארקעט, ווייסט איר שוין בערך וואס אייער "ברענד-פאזישאן" איז, דארפט איר זען צוצושטעלן פאר אייער מארקעט א נאמען וואס וועט זיי כאפן, אויף די וויכטיגסטע און אנדערשסטע וועג וואס אייער פראדוקט שטעלט צו זייערע געברויכן.
איר וועט מעגליך זיין זייער פרייליך מיט אייער פראדוקט און ווי גוט ס'קוקט אויס, אבער אויב אייער מארקעט זוכט עפעס ספעציפיש, זעט צו האבן א נאמען וואס וועט זיין גוט פאר זיי, אפילו אויב דער נאמען איז נישט ממש וואס איר האט זיך אויסגע'חלומ'ט.
3) פראבירט נישט צו מאכן א נאמען וואס זאל גלייך אויסזאגן אלעס וואס אייער ביזנעס טוט.
א נאמען איז נישט קיין ביאגראפיע, ס'דארף נישט אלעס דערציילן. רייץ אן דעם קאסטומער מיט די וויכטיגסטע פרט פונעם ביזנעס אז ס'זאל כאפן זיין נייגער, איר וועט אים שוין שפעטער אלעס דערציילן דורך פעקעדשינג, אדווערטייזמענטס אד"ג.
קוקט למשל Amazon, זיי האבן אנגעהויבן מיט פארקויפן ביכער אנליין. שטעלט אייך פאר זיי הייסן ווען cheapbooksonline.com, איר וואלט גאר שנעל פארגעסן וואס און ווער דער קאמפאני איז, די נאמען עמעזאן ציהט נייגער און ס'הערט זיך זייער דיפערענט און פריש.
4) האט נישט אזוי מורא צו מאכן א נאמען וואס וועט אייך ברענגען אטענשאן.
אז אונזער חיים זאל א נאמען געבן זיין ביזנעס "ראצפערט" (שרעקט אייך נישט, ס'איז נאר א משל...) וועלן אפשר געוויסע מענטשן אים זאגן אין שול, "הע, אין ראצפערט האט מען נישט געזען אזויפיל ישועות ווי מ'זעט ביי דיר!", אבער אין רוב פעלער איז דאס אסאך בעסער ווי נאכלויפן אנדערע, מיט א נאמען ווי "ישועות כולל".
ס'איז טאקע א שטיקל ריסק, אבער א גרעסערע ריסק איז ווערן אויסגעמישט אין איין קוגל מיט דעם קאמפעטישן.
5) מאכט א נאמען וואס זאל נאך זיין רעלעוואנט אין 5-10 יאר פון יעצט.
ס'קען זיין אינטערעסאנט פאר איינעם יעצט א נאמען צו געבן זיין ביזנעס "יאיר לפיד טראקינג" ווייל דאס הערט יעצט יעדער, אבער אין 5 יאר ארום וועט דער יעניגער זיך כאפן 'אממ, וואס זאג איך דא'?
6) זעהט אז דער נאמען זאל זיך הערן גוט, זאגן גרינג, און זיך אויסלייגן אן קיין טעותים.
זייט נישט צו "זיס", ענדערש זייט גראד און צום פינטל.
איך זאג נישט אז "פאמעגרענעט" איז נישט גוט, אבער וויפיל פון אייך קענען קלאר ארויסזאגן די ווארט? ווער פון אייך ווייסט וויאזוי מען ספעלט עס?
אוודאי האט מען שוין געהערט פון קאמפאניס וואס האבן מצליח געווען אן א גוטע נאמען, אבער איך גלייב נישט אז איר ווילט פרובירן אויף די וועג.
אז איר טוט עס שוין, טוט עס גוט דעם ערשטן מאל.
נאכן האבן א נאמען קען מען זיך נעמען בויען א סטראטעגיע, וויאזוי צו דעזיינען די לאגא, פעקעדשינג, עדס און אלעס אינצווישן.
אויב האט חיים א סטאר, איז ראטזאם אז ער זאל לויט די אינפארמאציע אויך דעזיינען זיין סטאר, אז "זיינע" קאסטומערס זאלן ליב האבן אריינצוקומען און זיך פילן באקוועם איינצוקויפן.
איך מוז דא מפסיק זיין, זייט מיר מוחל, איר וועל אי"ה פרובירן ממשיך צו זיין אויף אייוועלט.קאם.
(איך האף צו גיין ווייטער לכשירחיב, אויב איר ווילט, פארשטייט זיך)
איך הער כסדר פון מענטשן איבער זייערע ביזנעסער און ברענדינג, און איך האב אויפגעכאפט א שטארקע טעות, און איך וויל גלייך ביים אנהייב פאררעכטן אט דער טעות, ברענדינג מיינט נישט לאגאס, א לאגא איז נישט א ברענד.
וואס איז עס יא?
לאמיר גיין שטאטעליך.
וואס מיינט "ברענד"?
דער ווארט איז שוין אין באנוץ הונדערטער יארן, פון ווען מענטשן האבן אנגעהויבן מאכן סימנים אויף זייערע בהמות כדי מען זאל זיך נישט אויפטוישן ביים פאשען אין די פעלדער און אז מ'זאל וויסן צו וועם אומצוקערן א פארלוירענע בהמה.
געווענליך איז דער סימן געווען אז מ'האט אריינגעקריצט, אריינגעברענט, א צייכן אין דעם בעל חי.
פון דא נעמט זיך דער ווארט 'ברענדינג', און 'בראנד-וואונד' איז אויך פונעם זעלבן שורש.
וואס איז א ברענד?
א ברענד איז דער אויסקוק וואס מענטשן האבן אויף א קאמפאני אדער פראדוקט, אין קורצן; א ברענד איז א געמיש פון ערווארטונג (expectation) פונעם קאסטומער און א צוזאג (brand promise) פונעם קאמפאני.
ווען די צוויי טרעפן זיך טאקע צוזאם איז דאס ממש ענבי הגפן, א שלום בית וואס מ'וואונטשט זיך צו האבן אינדערהיים.
צום ביישפיל, פון וואלמארט ערווארטן מענטשן א super-store וואו זיי וועלן טרעפן אלע זייערע געברויכן פאר ביליג, און דאס זאגט דער קאמפאני צו. פארדעם וועט איר נישט טרעפן קיין איין וואלמארט וואס איז שיין דיזיינד פון אינעווייניג, ווי אויך וועט איר עפי"ר נישט טרעפן דארט קיין לוקסוריעזע קליידער וכדו', ווייל נישט פאר דעם זענען זיי דא, און אויב זיי וועלן עס יא צושטעלן וועלן זיי מוזן הייבן די פרייז.
קאקע-קאלע האט אין די אנהייב ניינציגערס געמוזט ספענדן גאר אסאך געלט און כוחות צוריק צו פארדינען דעם טראסט פון זייערע קאסטומערס, ווייל זיי האבן עקספערימענטירט מיט א קליינע טויש אינעם רעסעפי.
אין דעם פאל האבן מענטשן ערווארט זייער אלטע באליבטע געטראנק און דער קאמפאני האט משנה געווען פון זייער צוזאג.
וויאזוי ארבעט ברענדינג?
משל'ט אייך אויס אז איר גייט אריין אין גראסערי און אלעס האט ווייסע באטלעך, ווייסע באקסעס און ווייסע בעגס, אלעס איז ווייס מיט א פשוט'ע סטיקער אויף דעם 'קעטשאפ', 'וויין', 'טשאקלאד' אא"וו, וואס וועט געשען? איר וועט ארויסגיין פון דארט ווי שנעל איר קענט, פארוואס? ווייל איר דערקענט מער נישט דעם קעטשאפ צו וואס איר האט זיך צוגעוואוינט, איר דערקענט מער נישט פונקטליך וועלכער וויין איר גלייכט, ממילא פארלירט איר דעם קאנעקשאן מיט דער קאמפאני פון דער געוויסער אייטעם, און אפמאכן וועלכע יא צו קויפן איז אביסל צו שווער ווען אלעס קוקט אויס די זעלבע.
דער מענטשליכער מח ארבעט זייער אינטערעסאנט.
ווען דער אויג שיקט א מעסעדזש אז ער זעט עפעס, כאפט דער מח צום ערשט אויף דעם שעיפ פונעם זאך, נאכדעם כאפט עס אויף די קאלירן, און דערנאך אלע אנדערע אינפארמאציע.
אז די ווייב שיקט אייך קויפן מילך פרובירט צו גיין אין א גראסערי וואו איר זענט נאך קיינמאל נישט אריין, איר וועט זען אז ווען דער אויג וועט זען דעם פרידשידער וועט עס קודם אויפכאפן די שעיפ פון די באטלעך, קומענדיג נענטער וועט איר שוין באמערקן א חילוק צווישן די רויטע און בלויע מילך, הערשט ווען איר וועט שטיין ביים פרידשידער וועט איר שוין דערקענען צווישן גאלדען פלאו און דבש.
ארומגייענדיג אין גראסערי וועט איר שוין וויסן בערך וועלכע פראדוקטן פון וועלכע קאמפאני איר ווילט, ווייל איר טראסט די קאמפאני פון פריער, איר האט זיך איבערגעצייגט אז די קאמפאני שטעלט זיך צו צו אייערע געברויכן, צו אייער ערווארטונג.
וויאזוי איז געשען דער קאנעקשאן? דורך זיין consistent, איר ווייסט שוין אז דאס און דאס ווערט אייך צוגעשטעלט דורך די-און-די קאמפאני אקוראט אזוי ווי איר זענט צוגעוואוינט.
אויב אבער וועט דער קאמפאני טוישן זייער פעקעדזשינג אדער קוואליטי אד"ג, וועט איר גאנץ מעגליך טוישן צו אן אנדערע ברענד, ווייל דער קאנעקשאן האט זיך אפגעהאקט, דער מח דערקענט שוין נישט תיכף דעם פראדוקט און קען אייך נישט הייסן וואס צו נעמען.
אוודאי מאכט זיך אמאל אז א קאמפאני מוז, מאיזה סיבה, טוישן זייער אויסזען, אין אזא פאל וועט א נארמאלע קאמפאני ספענדן נאכדעם שווערע געלטער, אויף אדווערטייזמענטס און אנדערע וועגן, כדי צוריק אריינצוברענען זייער אימעדש ביי די קאסטומערס.
אנצוקומען אויף די מדריגה, אז מענטשן זאלן קויפן אייער פראדוקט אדער סערוויס ווייל זיי טראסטן אייך אדער אייער פראדוקט, גייט נישט איבערנאכט, מ'דארף פאר דעם שוויצן בלוט און געלט א לאנגע צייט און צוביסלעך בויט מען אויף א שיינע זאך.
פארהאן א פאפולערע ווערטל “overnight success takes years”.
ס'איז א פשוט'ע זאך אז אויב איינער וויל אינסטענטלי זיין סוקסעספול וועט ער בדרך הטבע נישט מצליח זיין.
לגבי פעקעדשינג, איז דא אן אינטערעסאנטער פאקט, 68-70% פון שאפפערס מאכן אפ אין געשעפט ביים שעלף וועלכע פראדוקט צו קויפן און פון וועלכע ברענד.
אדווערטייזמענט דינט עפ"ר צו באשאפן ביים ליינער א געברויך זיך אויפצוהייבן און גיין איינקויפן.
און נעמט אריין דער פאקט אז אין אן עוורידש סופערמארקעט איז אויסגעלייגט ארום פערציג טויזנט (40,000) אייטעמס, קומט אויס אז דער דורכשניטליכער איינקויפער, וואס פארברענגט איין שעה א וואך אין גראסערי, האט 10 סעקונדעס אויפצוכאפן יעדע פראדוקט.
פאר די סיבה (וואס איז לאו דוקא שייך ביי גראסערי אייטעמס) איז דער סאמע וויכטיגסטער זאך צו זען צו זיין אנדערש פונעם קאמפעטישן, ווייל איר האט נאר 10 סעקונדעס צו מאכן א שטארקע קעיס פארן קאסטומער, נאר 10 סעקונדעס אים צו געבן א געהעריגע סיבה פארוואס ער זאל קויפן אייער פראדוקט אנשטאט דעם קאמפעטישנס. איר קענט דאך נישט שטעלן א סעילסמאן אין יעדע געשעפט וואו אייערע אייטעמס ליגן, מאכט מען פארדעם א גוטע פעקעדשינג, וואס דאס דינט במקום סעילסמאן.
ביליגערע פרייזן איז דער לעצטער זאך אויף די ליסטע, דאס איז גוט איינמאל א שמיטה פאר א סעיל.
איר האט שוין געזען אמאל א ישיבה וואס גייט ארום נאך געלט און זייערע צעטלעך זאגן "מיר געבן די ביליגסטע שכר לימוד"? זיכער אז נישט, ווייל זייער ביזנעס אפפערט קוואליטי, ער שטעלט צו א גוטן חינוך און דאס קאסט געלט. אז ס'וועט זיך אויספעלן וועט מען שטילערהייט דערציילן פאר פאטענציעלע נדבנים אז "מיר האבן אין אונזער ישיבה כך וכך בחורים וואס צאלן זייער ביליג".
אבער מיר האבן לעצטנס געזען א ישיבה, ישיבה תלפיות, וואס זיי נעמען נישט אן מיט א זיכערקייט אז יעדער וועט זיי שטיצן, האבן זיי געמאכט א דיפערענט איידיע אריינצובאקומען געלט.
איך ווייס נישט וויפיל זיי האבן אריינגעלייזט יענע נאכט, אבער ס'זיכער סאך מער ווי וואס זיי וואלטן געמאכט דורך א טראדיציאנאלע דינער.
א קלוגער ביזנעסמאן וועט זען אויסצונוצן יעדע געלעגנהייט צו פארשפרייטן זיין ברענד, א געלעגנהייט אריינצוקריכן צו מענטשן אין קאפ מאכט זיך נישט יעדן טאג.
לאמיר איצט אנהייבן דורכגיין די שטאפלען פון א סוקסעספולע ברענדינג.
צום ערשט דארפט איר, פרישער ביזנעס אונער, זיך אראפזעצן און מאכן א קלארע פלאן וואו איר צילט מיט דעם ביזנעס, וואו איר ווילט האלטן 6 חדשים פון יעצט, 1 יאר פון יעצט און אין 5 יאר ארום, אן א קלארע ביזנעס פלאן וועט איר זיך גאר שנעל פארלירן אויב איר וועט זיך אנשטויסן (און געווענליך שטויסט מען זיך אן) אין דורכפעלער אויפן וועג צום סוקסעס, כ'האב שוין געהערט פון אפאר סוקסעספולע מענטשן אז זיי האבן וועכנטליכע און חודש'ליכע goals.
דערנאך מאכט א קלארע און גרונטליכע חשבון וואס אייער מארקעטינג בודשעט איז (ראטזאם דורכצורעדן מיט א מומחה). אן א בודשעט וועט איר בדרך הטבע גאר שנעל פארלירן טרעק וואס יא און נישט צו טון.
דאן זאלט איר רואיג דורכגיין און ענטפערן אויף די פאלגענדע 3 שאלות, ביטע פאפט זיך נישט!
1) ווער בין איך?
(איך בין חיים, איך פארקויף סגולה בינטלעך)
2) ווער דארף עס וויסן?
(מיטליעריגע אידענעס וואס גלייכן צו מזכה זיין די גאנצע משפחה מיט גוטע עצות און סגולות)
3) פארוואס זאל זיי אנגיין ווער/וואס איך בין?
(ווייל איך שטעל זיי צו קאסטום סעטס פון אלע סגולות וואס זיי ווילן, אזוי קענען זיי רואיגערהייט אויסטיילן פאר יעדעם לויט זייער צרה)
ווייסט שוין אונזער חיים וואס ער טוט - און וואס ער טוט נישט (פארקויפן סגולה בינטלעך איז אנדערש ווי צושטעלן מנינים פאר אבלים), צו וועם ער צילט - און צו וועם נישט (25 יעריגע אינגעלייט וועלן אים לאכן אין די אויערן אריין). יעצט קען מען שוין אנהייבן דורכצוקוקן די מיטליעריגע אידענעס וואס פונקטליך עס רעדט צו זיי, וואס גלייכן זיי אא"וו, און לויט דעם הייבט מען אן צו טראכטן פון א נאמען פאר די קאמפאני.
דער נושא פון נעמען איז אביסל פארנעפלט ביי אסאך מענטשן, לאמיר אייך געבן אפאר טיפס דערוועגן.
1) וועלן זיין ווי יעדעם איז דער מענטשליכער נאטור, קיינער וויל נישט זיין "אנדערש". מ'זעהט עפעס וואס ארבעט און מ'וויל נאכקאפירן.
זייט וויסן אז אין ביזנעס איז דאס זייער נישט גוט. א גוט-באקאנטער נאמען וועט טאקע קלינגען גוט און פראפעשאנעל, אבער געדענקט אז דער נאמען איז באקאנט געווארן אין משך פון א לאנגע צייט וואס די אייגנטומער האבן אריינגעלייגט שווערע כוחות און געלט דאס אויפצובויען.
גוגל האט גענומען א שטיק צייט ביז ס'האט זיך איינגעגעבן ביי מענטשן.
פאמעגרענעט האט געמאכט א 'דיפרענט' נאמען, ער האט געוואוסט צו וועם ער צילט יא און נישט, פארדעם מיינט נאכנישט אז אלע נייע סופערמארקעטס מוזן יעצט הייסן נאך א פרוכט.
און דאס איז שוין אויסער דער פאקט אז מ'האט גארנישט פון נאכקאפירן, ווייל איינע פון די עיקר שווערע ארבעט איז צו זיין אנדערש פונעם קאמפעטישן ווייל איר ווילט דאך אז מענטשן זאלן האבן א סיבה פארוואס צו קומען דייקא צו אייך און נישט צום קאמפעטישן.
(קומט מיר אויפן געדאנק א היימישע קינדער קליידער קאמפאני וואס רופט זיך All Navy, זעט אויסצומיידן אזעלכע איידיעס)
2) ווייסט וואס אייער קאסטומער וויל.
נאכן דורכטון די מארקעט, ווייסט איר שוין בערך וואס אייער "ברענד-פאזישאן" איז, דארפט איר זען צוצושטעלן פאר אייער מארקעט א נאמען וואס וועט זיי כאפן, אויף די וויכטיגסטע און אנדערשסטע וועג וואס אייער פראדוקט שטעלט צו זייערע געברויכן.
איר וועט מעגליך זיין זייער פרייליך מיט אייער פראדוקט און ווי גוט ס'קוקט אויס, אבער אויב אייער מארקעט זוכט עפעס ספעציפיש, זעט צו האבן א נאמען וואס וועט זיין גוט פאר זיי, אפילו אויב דער נאמען איז נישט ממש וואס איר האט זיך אויסגע'חלומ'ט.
3) פראבירט נישט צו מאכן א נאמען וואס זאל גלייך אויסזאגן אלעס וואס אייער ביזנעס טוט.
א נאמען איז נישט קיין ביאגראפיע, ס'דארף נישט אלעס דערציילן. רייץ אן דעם קאסטומער מיט די וויכטיגסטע פרט פונעם ביזנעס אז ס'זאל כאפן זיין נייגער, איר וועט אים שוין שפעטער אלעס דערציילן דורך פעקעדשינג, אדווערטייזמענטס אד"ג.
קוקט למשל Amazon, זיי האבן אנגעהויבן מיט פארקויפן ביכער אנליין. שטעלט אייך פאר זיי הייסן ווען cheapbooksonline.com, איר וואלט גאר שנעל פארגעסן וואס און ווער דער קאמפאני איז, די נאמען עמעזאן ציהט נייגער און ס'הערט זיך זייער דיפערענט און פריש.
4) האט נישט אזוי מורא צו מאכן א נאמען וואס וועט אייך ברענגען אטענשאן.
אז אונזער חיים זאל א נאמען געבן זיין ביזנעס "ראצפערט" (שרעקט אייך נישט, ס'איז נאר א משל...) וועלן אפשר געוויסע מענטשן אים זאגן אין שול, "הע, אין ראצפערט האט מען נישט געזען אזויפיל ישועות ווי מ'זעט ביי דיר!", אבער אין רוב פעלער איז דאס אסאך בעסער ווי נאכלויפן אנדערע, מיט א נאמען ווי "ישועות כולל".
ס'איז טאקע א שטיקל ריסק, אבער א גרעסערע ריסק איז ווערן אויסגעמישט אין איין קוגל מיט דעם קאמפעטישן.
5) מאכט א נאמען וואס זאל נאך זיין רעלעוואנט אין 5-10 יאר פון יעצט.
ס'קען זיין אינטערעסאנט פאר איינעם יעצט א נאמען צו געבן זיין ביזנעס "יאיר לפיד טראקינג" ווייל דאס הערט יעצט יעדער, אבער אין 5 יאר ארום וועט דער יעניגער זיך כאפן 'אממ, וואס זאג איך דא'?
6) זעהט אז דער נאמען זאל זיך הערן גוט, זאגן גרינג, און זיך אויסלייגן אן קיין טעותים.
זייט נישט צו "זיס", ענדערש זייט גראד און צום פינטל.
איך זאג נישט אז "פאמעגרענעט" איז נישט גוט, אבער וויפיל פון אייך קענען קלאר ארויסזאגן די ווארט? ווער פון אייך ווייסט וויאזוי מען ספעלט עס?
אוודאי האט מען שוין געהערט פון קאמפאניס וואס האבן מצליח געווען אן א גוטע נאמען, אבער איך גלייב נישט אז איר ווילט פרובירן אויף די וועג.
אז איר טוט עס שוין, טוט עס גוט דעם ערשטן מאל.
נאכן האבן א נאמען קען מען זיך נעמען בויען א סטראטעגיע, וויאזוי צו דעזיינען די לאגא, פעקעדשינג, עדס און אלעס אינצווישן.
אויב האט חיים א סטאר, איז ראטזאם אז ער זאל לויט די אינפארמאציע אויך דעזיינען זיין סטאר, אז "זיינע" קאסטומערס זאלן ליב האבן אריינצוקומען און זיך פילן באקוועם איינצוקויפן.
איך מוז דא מפסיק זיין, זייט מיר מוחל, איר וועל אי"ה פרובירן ממשיך צו זיין אויף אייוועלט.קאם.
(איך האף צו גיין ווייטער לכשירחיב, אויב איר ווילט, פארשטייט זיך)