אידישע וועלט פארומס

אזוי ווי עס איז דאך היינט ערב יום כיפור, בין איך זיכער אז די טייערע קרעטשמע ברודער ווילן אריינכאפן נאך א מצוה צום יום הדין.

איך זוך אוואו מען קען באקומען דעם קאמפיוטער סיסטעם וואס מען זעהט לעצטענס אין סאך בתי מדרשים ווי עס שרייבט זיך אויף אלע זמנים, און צומאל אויך אלע שיעורים און עס האלט זיך אין איין טוישן, איר ווייסט דאך אוודאי וואס איך מיין, אין טייל בתי מדרשים שרייבט מען אויך דארט אויף מעסעדשעס פאר די מתפללים, צו וועגן נישט פארשפעטיגן חלילה זמן תפילה אדער ווועגן אויסלעשן דעם סעלפאן וגו' וכו'

אויב איינער ווייסט וואו מען קאן דאס באקומען, און בערך וויפיל עס קאסט, און ער וועט מיר דאס לאזן וויסן דאן, דאן וועל איך אים זייער דאנקבאר זיין און ער וועט אריינכאפן און זיך איינקויפן דעם זכות פון חסד מיט א אידישן ברודער לכבוד דעם יום הדין.

http://www.jeii.com/jcalendar.cfm

דאכצעך מיר (נישט זיכער) אז עס קאסט צווישן 4-5 טויזנט דאלער.

טהור
א גוטע וואך מזאל מיר האבן געפויעלט אלעס גוטס.

איך האב פאר יו"ט פונקט גערעדט מיט די פאקט דערוועגן און ער האט מיר געזאגט מ'קען לכאורה מאכן אזא זאך פאר ביליגער ווי 4000 דאללער.

מקען עס מאכן מיט נאך אסאך זאכען, למשל עס זאל ווייזן אין וועלכן שטיבל ס'שטעלט זיך יעצט א מנין, ווי עס קומט יעצט פאר א שיעור, אויך קען מען צילייגען וואס מען וויל און וויאזוי מען וויל עס זאל אויסזען למשל מ'קען צילייגען אז מ'זאל זען וויפיל מינוט מ'דארף ווארטן אויף די נעקסטע מנין וכדומה, פאר די חיובים א מודעה וועלכע מנין ס'האט נישט קיין בעל תפלה קבוע וכדומה ווי ער וועט קענען כאפן א ברעטל, צי ס'איז דא א ברית און בהמ"ד אז מ'זאגט נישט קיין תחנון היינט, צי ס,איז דא א גרויסע יארצייט וכדומה ועוד ועוד

יעצט כאפ איך אז מן הסתם דארפסטו עס פאר דיין באקאנטע שלש סעודת בית מדרש

יא סקען אויך האבן די אפשען פון זען ווער סאיז מנדב שלש סעודות די וואך סגייט אוטמאטיש מדארף עס נישט אנשטעלן יעדע וואך וד"ל

פאטאקי, דו רעדסט אודאי נאר פון די פראגראם, מיט די קאמפיוטער מיינעך קאסט עס א שיינע פאר אלפים

פאטאקי, כ'האב געלאכט ווען כ'האב מיר דערמאנט פון יענעם שאלעשידעס... איי נאסטאלאגיע...

ווער בין איך? האט געשריבן:פאטאקי, דו רעדסט אודאי נאר פון די פראגראם, מיט די קאמפיוטער מיינעך קאסט עס א שיינע פאר אלפים

פארוואס דארף די קאמפיוטער קאסטן א שיינע פאר אלפים?

פרעג לעווי, ער האט עקספיריענס

איך האב נישט צופיל עקספיריענס, איך האב עס געקויפט פאר א בית המדרש פאר אפאר יאר צוריק, איך האב מיך דעמאלטס נאכגעפרעגט ביי אפאר בתי מדרשים ואס האבן עס שוין געהאט און אלע האבן עס באקומען ביי דער פלאץ, האב איך עס אויך געקויפט דא.

איך ווייס נישט אויב עס איז דא ערגעץ צו באקומען ביליגער אדער נישט, איך בין אבער געווען זייער צופרידן מיט די סערוויס, סיי מיטן אויסלערנען וויאזוי עס צו נוצן, סיי מיטן אויסשטעלן די זמנים אז עס זאל שטימען מיט די מנהגי המקום און אלעס קאסטעמייזען אזוי ווי איך וויל, ווי אויך מיט די פילע אפציעס.

ווי אויך ווען איך האב נאר געהאט פראבלעמען האט ער מיר זייער שיין ארויסגעהאלפן.

אזוי ווי איך האב געשריבן איז עס שוין געווען פאר אפאר יאר צוריק ממילא ווייס איך נישט זיכער די פרייז און קען זיין בכלל אז זייט דעמאלטס איז שוין די פרייז אראפ אדער ארויף.

הצלחה רבה.