אידישע וועלט פארומס

איך וויל בעטן רשות פון די מנהלים וחברים היקרים הע"ח, ארויף צו ברענגען אויפ'ן טיש א פארשלאג, פון וועלכע כל ישראל חברים קענען געוואלדיג געניסען, אבער צו דעם פעלט זיך אויס קאאפעראציע פונעם ציבור,
נאר אזויווי איך בין נאך היבש ניי דא בין איך נישט זיכער צו חברים פון מיין סטאטוס זענען ערלויבט ארויף צוברענגן גענצליך נייע איידיעס.

אלזא ווארט איך צו הערן פון די הננהלה צו עס איז עפראווד, און פון די חברים צו עס פאסט (האחד בא לגור...?).

ארויף ברענגען פארשלאגן קען יעדער, צו מ'וועטעס אננעמען, דאס עט מען שוין זען שפעטער, סאו קודם גיי אן.

איך_הער האט געשריבן:ארויף ברענגען פארשלאגן קען יעדער, צו מ'וועטעס אננעמען, דאס עט מען שוין זען שפעטער, סאו קודם גיי אן.

ס'איז בכלל נישט אזוי פשוט, אז איך בין מציע עפעס וויל איך ס'זאל זיין שיין מסודר מ'זאל פארשטיין וואס איך וויל ארויסברענגן, מה-דאך (דריי מיטן גראבן פינגער...) פאר א נאר ווייזט מען נישט קיין האלבע ארבעט, כל שכן א חכם...
און אנגרייטן א לענגערע ארטיקל נעמט צייט, און ס'איז א שאד אריינצולייגן ארבייט אין די וועלט אריין.

על כן וויל איך וויסן, צו מען קאנסידערט ערנסט רעיונות פון 'גרינע' אוויא איך?

מ'קאנסידערט. עס לאנג ס'איז צו די זאך און דורכפירבאר, און ס'איז נישט קעגן די תקנות פון די היימישע קרעטשמע.

אקעי, איך גיי טון מיין האומווארק.

האלט דיך נישט אזוי קליין. האסט עפעס פארצושלאגן, ביז הענט.

שכוח קרעמער זיסער, אט אזוי וועל איך טאקע טוהן.

איך מוז אבער באטאנען אז אויב איז דיין פארשלאג אז מען זאל מיך בלאקירן פון דא, וועל איך עס נישט טאלערירן!

גרויזאמער האט געשריבן:איך מוז אבער באטאנען אז אויב איז דיין פארשלאג אז מען זאל מיך בלאקירן פון דא, וועל איך עס נישט טאלערירן!

קרעמער האט געשריבן, אז כ'מעג גיין ביז הענט, גייט עס אריין אין דיזער קאטאגאריע?

נו? רעד שוין דארט

זאג וואס דו ווילסט, די ערגסטע וואס קען זיין אז מ'וועט דיר אוועק מאכן מיט א תגובה,
זאג נאר, דו האסט מורא פון א תגובה,
האסט דיר געפיקט א נאמען "שטארק זיך" פליז האלט דיך צו דיין ניק....

האסט וואס צו זאגן אדער יא? ס'איז שפעט ס'איז באלד שבת..

נו?

בע"ה
איך וועל אייך נישט לאזן לאנג ווארטן.
והנה - און אין:

ווי באקאנט איז א יעדע אינאוואציע –ערפינדונג דער פראדוקט פון א באשרענקנוג, דאס הייסט, א קאר איז ערפונדן געווארען ווייל די ביז דעמלאסט'דיגע טראספארטאציע מיטלען זענען געווען באגרעניצט און שנעלקייט. לעקטער איז ערפונדען געווארען צוליב וואס ביינאכט האט א מענטש זייער ווייניג געקענט פראדוצירן, צוליב פינסטערנישט.
ובכן, ווען איינער קומט אויף מיט א נייע רעיון, קומט דאס געווענליך פון א געוויסע באגרעניצונג, וועל איך מיט דעם אנהייבן.

אט איז וואס האט מיר געברענגט צו מיין פארשלאג.

די 'היימישע קרעטשמע' איז א פלאטפארמע נאר פון אידן יראים ושלמים, וועלכע גלייבן אז: הוא לבדו עשה עושה ויעשה לכל המעשים, אלע וואס דרייען זיך דא פארשטייען אז וואס מיר טוען איז נאר בתורת השתדלות אבער די רעזולטאטן זענען גענצליך מעשי ה', הגם דער דמיון רעדט אונז צומאל איין אז עס קומט אונז קרעדיט פאר אונזערע אויפטוען, אין וועלעכע מיר האבן פאקטיש נישט.
אין אונזער פארבלענדעניש כאפן מיר זיך נישט אלץ אז אויף יעדן טריט און שריט דארפן מיר מתפלל זיין, איבערדעם דערמאנט מען אונז דדא דארט פון אויבן: צילייגער ביסט נישט בעל בית.

מאכט זיך אמאל אז א מענטש דארף דורכגיין פארשידענע זאכן צו וועלכע מען שפירט אז מען דארף א באזונדערע סייעתא דשמיא, צו איז דאס בנוגע פרנסה, חינוך, געזונט, ביים מאכן א שמחה.
אין ווער רעדט נאך אין פאל פון, ל"ע, א צרה, ווען מען איז ממש פארלוירן מען ווייסט נישט וואו זיך אהין צו טאן, דאן קוקט מען נאר ארויף צום הימל און מען ווארט אויף ישועת השם, אבער ווען מען דערזעהט זיך שוין אין אן אומגעווענליכן מצב, פעלט צומאל אויס מער ווי אן איינפאכע תפילה.
אין אט די אלע פעלער קען דער תפילת הרבים זייער פיל אויפטאן, יעדער איינער ווייסט פון פעלער וואו ס'האט שוין ליידער געהאלטן ביי א מצב פון הילפלאזיגקייט, און פארט האבן אידישע קינדער איינגעריסען וועלטן, אין אזוי ארום ממשיך געווען א ישועה, שלא כדרך הטבע.

דאס איז ווען ס'איז דא דער תפילת הרבים, אבער ווי קומט מען אן דערצו, ביי אן איש מפורסם, א ציבור'ישער מענטש, האבן מענטשן א פערזענליכן געפיהל, אבער ווען עס קומט צו פריוואטע מענטשן איז זייער זעלטן אז דער ציבור זאל נעמען ערנסט די צעטל אויפן שול וואנט, פון וועלעכע ס'איז נעבאך דא אזויפיהל.

דער טעקסט מעסעדזש סיסטעם, איז א שטיקל ישועה, אבער ווי געזאגט, נאר א שטיקל, ס'רוב מענטשן געבן א קרעכטץ, פארווארדלן עס נאר ווייטער, אין יוצא געווען.
לאור הנ"ל, וויל איך פארשלאגן
די תפילה בולעטין

א פלאץ אין אידישע וועלט, וואס זאל זיין געאייגנט אויף מתפלל זיין פאר אידן.

חברי הקרעטשמע וואס זענען גרייט אוועקצוגעבן אביסל צייט פאר אנדערע זאלן זיך איינשרייבן אלץ משתתפים, כמבואר להלן, און בעזר השם, וועלן מיר אויפטוהן גדולות ונצורות
צוגיין זאל עס בערך אזוי:

1. יודיע צערו לרבים
ווען איינער האט חלילה עפעס א דורכגאנג א קליינע צו א גרויסע, זאל ער דאס ארויפשטעלן אויפ'ן בולעטין (אשכול?), דאס מודיע זיין צערו אליין קען ברענגן א ישועה כמבואר בגמ':
פארשטייט זיך אז צו ארויפשטעלן א בקשה דארף מען נישט זיין קיין משתתף.

2. קול קורא
אויב מעגליך, זאלען אלע משתתפים באקומען יעדן פאוסט אויף אי מעיל, און אזוי ארום פארשנעלערן דעם פראסעס.

3. זיך אונטער נעמען א געוויסע תפילה
די משתתפים זאלן זיך אויסקלויבען א געוויסע קאפיטל תהילים אדער עפעס אן אנדערע קליינע תפילה, באופן עס זאל זיין אויספירבאר, און דאס אריינשרייבן לעיני כל העם. (אפשר מיט די צייט וועט זיך צוזאמשטעלן עפעס א סיסטעם ווי למשל אויסזאגן תהילים וכדומה)

4. ויזעקו אל ה' בצר
באלד ווי דער משתתף זעהט א פרישע פאוסט איבער עימיצער וואס דארף א ישועה, זאל מתפלל זיין תפילה קצרה, דאס קאפיטל וואס ער האט זיך אויסגעוועלט.

5. ויכתב בספר זכרון
נאכ'ן ענדיגן די תפילה זאל מען אריינסיינען מודיע צו זיין אז מען האט טאקע מתפלל געווען.
די דערמאנטע נקודות זענען די הויכפונקטן, די טעכנישע חלקים האב איך נישט אויסגעארבעט, פשוט ווייל איך פארשטיי נישט דערצו, אדרבה זאל דער עולם זאגן צו עס איז אויספירבאר אדער נישט.

נו, אהער מיט די קאמענטס.

שטארקי, וואס דארפסטו? א צומי? א באטי? זאגזשע שיין.

זאג די איידיע, אנע האומווארק.

די פארשלאג איז מעכטיג,
)פארוואס די האסט אזוי מורא געהאט ווייס איך נאך נישט)

איך גלויב שווער אז איינער וועט דא זאגען ניין, די טעכנישע חלק קאן איך נישט, אבער דאס אמאל זיכער אז אויב די זאך ארבעט זיך אויס האסטו דיך איינגעהאנדעלט א פיינעם זכות פארן יום הדין, אשרי חלקך

סאכדעס האט געשריבן:שטארקי, וואס דארפסטו? א צומי? א באטי? זאגזשע שיין.

זאג די איידיע, אנע האומווארק.

נאדיר אפאר מבני חת,
חח..חחחח.ח..ח
שא עיניך, הויב אויף די אויגן, איין תגובה פאר דיינעם...

עס איז שוין לאנג דא אזא זאך אויף אן אנדערע וועבסייט די ישיבה ווארלד ווי מ'זאגט אויס גאנץ תהילים אדער אן אנדערע פאל געמאכט א סיום ששה סדרה משנה אד"ג
פארוואס זאג איך איך דאס ווייל איך וויל איר זאלט עס וויסן

נו אדרבה, ברענג אהער אינפארמאציע, וויאזוי ארבעט דאס, איז עס ממש פון וואס מיר רעדן דא, איזער בעסער, אנדערשט וכו' וכו'?
און בעיקר וויאזוי שטעלט מען דאס אהער טעכניש?

א גוטע וואך... א גוטע וואך.

נו רבותי, וואס זאגט איר צו מיין פארשלאג?
אי זעס אינטערסאנט, קען מעןעס אויספירן...?
מנהלים, חברים, מיר ווארטן אויף אייך.

מען דארף נישט קיין מנהלים דערצו, עס דארף זיין חברים וואס זאלן זיך צושטעלן, דאס אלעס.

קרעמער האט געשריבן:מען דארף נישט קיין מנהלים דערצו, עס דארף זיין חברים וואס זאלן זיך צושטעלן, דאס אלעס.

מכאן הקריאה יוצאת:

ווער עס איז אינטרעסירט צו נעמען א חלק אין דעם בולעטין, זאל זיך ביטע אנרופן דא אין דעם אשכול.
פארשטייט זיך אז ווי מער חברים עס וועלן זיך אנרופן, אלס מער טשאנס האט עס זיך אויסצוארבעטן,
..................................................
קריינא דאיגרתא, איהו להוי פרוונקא.
איך וויל נעמען א חלק אין דעם גרויסן זכות
כ'מעען אז כ'וועל זיך אונטערנעמן צו זאגן קאפיטל קכא, שיר למעלות אשא עיני וכו'.
נו ווער נאך

איך בין א פרישע.... אבער איך בין גרייט.
ויה"ר שיתקבלו תפלתינו ברחמים וברצון לפני אדון כל.
אויב מעגליך וואלט געווען א שיינע זאך ווען עמיצער מאכט א שמחה בעז"ה זאל ער דאס אויך מודיע זיין דא אינעם להחיות בהם נפש כל חי,
און אפשר זאל מען אויך זאגן א שטיקל תפילה אז די שמחה זאל אריבער גיין בהרחבת הדעת ובשלום ושלוה.

איך בין אויך גרייט

און נאכמער!!!
איך עפן מיין פאסט קעסטל פאר די וואס ווילן מעלדן א תפילה בולעטין אן זייער ניק (די וואס האלטן ווי ר' מאיר אז חיישינן לגילותא...)
קענען שיקן אן אימעיל צו watercomputers+tefillah@gmail.com
און די די וואס ווילן מעלדן א שמחה בולעטין אן זייער ניק
קענען שיקן אן אימעיל צו watercomputers+simcha@gmail.com

מ'מעג אפילו מעלדן פאר א חבר (זעלבסטפארשטענדליך מיט יענעם'ס רשות)

ב"ה זאכן פאסירן דא שנעלער ווי געראכטן.

יישר כוח פאר פעטריטשקע און די פאקט, פארן זיין די ערשטע זיך אצושליסן.
ספעציעל איז הערליך דער נייער געדאנק, מען זאל קענען מעלדן שמחה'ס.
פעטריטש א דאנק פאר דעם איידיע, די פאקט ייש"כ פאר די אי מעיל קעסטעלעך.

נו ווער נאך, מי ומי ההולכים..?

ג"א מצטרף.

המתפלל בעד חבירו והוא צריך לאותו דבר הוא נענה תחלה.

ב"ה פראמינענטע חברים שטעלן זיך צו.
יש"כ ר' משה קארנפעלד, עס איז א גרויס חשיבות.
...................................
רבותי מיר האבן נאך נישט קיין ששה מתפללים....
נו, לאזט אייך נישט בעטן, שליסט אייך אן.