אידישע וועלט פארומס

וואס קען איך טון מיט א שווערען טעעננעט וואס אזוי פראסטערהייט - צאלט ער נישט קיין רענט - אר פאָשט- ער שלעפט-- ער קרעכצט
סוף פסוק קיין געלט גיט ער נישט///
רבותי ווער קען עפעס העלפען ציט א תורהדיגע עצה
פשוט אים ארויסווארפען ?... ווט ער מיך בארעדען און גאנצען שטאט.. און גיי פארענטפער דיך פאר יעדען אז איך האב א מורגידזש צו צאלען..

וואס טוט מען

ווער עס האט א עצה /עקספיריענס ביטע מודיע זיין

דוד

זאג אים אפן אין פנים אויב ביז סוף וואך באצאלט ער נישט זאל ער פריי לאזן דעם אפארטמענט
געדענק
אויב די דירה וועט גיין צי פארקלויזדשער ח"ו צי די וועסט לכבוד דעם בלייבן שולדיג בייי א צווייטן וכדומה וועט מען דיר פונקט אזוי בארעדן אין די גאנצע שטאט

דוד משמש, עס ווענדט זיך, אויב יענער מיטשעט זיך געפערליך דעמאלס פרעג א רב וויאזוי זיך אומצוגיין, אויב אבער יענער האט א פיינע קאר מיט א סעלפאון צו צאלן יעדע חודש, דעמאלס לענ"ד זאלסטו פארלאנגען פון אים די געלט בכל התוקף און אים סטראשענען ארויסצוווארפן אויב ער צאלט נישט, אדער רוף אים צו דין תורה פראסט פשוט

כ'האב אמאל געהערט פון איינעם וואס האצעך געמיטשעט מיט אזא פראבלעם, ער האט געשיקט איינעם צו יענע טענענט מכלומר'שט אז די לענדלארד האט אים געשיקט קוקן די דירה, און די טענענט האט געכאפט די מעסעדזש... (כ'ווייס אבער נישט אויף ווי לאנג ס'האט געהאלפן)

האט ער א ליעס?
איז זיין טאטע, שווער אים גוט געשטאנען ביים פארדינגען?
איין זאך איז זיכער, נישט לאזן די זאך שלעפן צו לאנג, ווייל די חובות זאמלען זיך זייער שנעל.

לפי ידיעתי זענען פארהאן עטליכע פארשוינען וואס זענען געאייגנט קעיר צו נעמען פון אזעלכע חברה.

מען קען נישט ארויסשרייבן אין פארום אבער פרעג דיך נאך. זיי וועלן קעיר נעמען פון אלעם. (פארשטייצעך זיי לאזן זיך באצאלן)

צום זאך האט געשריבן:כ'האב אמאל געהערט פון איינעם וואס האצעך געמיטשעט מיט אזא פראבלעם, ער האט געשיקט איינעם צו יענע טענענט מכלומר'שט אז די לענדלארד האט אים געשיקט קוקן די דירה, און די טענענט האט געכאפט די מעסעדזש... (כ'ווייס אבער נישט אויף ווי לאנג ס'האט געהאלפן)

נע, די עצה העלפט נישט...
אני הקטן, ווען איך האב נאך געוואוינט ביי א לענדלאר, האב זיך געמוטשטעט מיט א פארקערטע פראלבעם, אז איך האב געהאט פאר א לענדלאר "א קיה מיט הויזן", וועלכער עס האט יעדן צווייטן טאג אנגעכאפט א צווייטן משוגע'ת, אמאל ווען ער האט געוואלט עפעס פועל'ן ביי מיר און איך האב נישט געהאלטן דערביי, האט ער געטאן דעם שטיקל און געשיקט איינעם קוקן מיין דירה (יענער האט באמת געזוכט א דירה און געמיינט אז איך גיי טאקע שוין ארויס), אבער עס האט נישט קיין סך געהאלפן ווייל ווען יענער האט מיר געפרעגט ווען איך גיי האב איך אים געלאזט וויסן אז איך האלט דערווייל נאכנישט ביים גיין, און דרך-אגב האב איך אים דערציילט עטליכע עפיזאדן פון מיין לענדלאר ביז זיין אפעטיט איז פארגאנגען און פון זיך אליין נישט געוואלט נעמען די דירה.
אלזא דער עצה העלפט נישט אלעמאל.

נאר וואס יא, איך מיין אז חידוש איז גערעכט, עס ווענדט זיך ווער דער טענענט איז און צי ער לעבט אויף מותרות.
אבער ווייטער געשמועסט, קען דאס נישט יעדער לענדלאר מחליט זיין, ווייל מיין געוועזענער לענדלאר פלעגט מיר קומען זאגן (ווען ער האט געוואלט אז איך זאל צאלן 50 פראצענט פון געז און לעקטער, אויף די מיטער וואס איך האב געשערט מיט זיין הויז...) אז איך בין צו ברייט מיט געלט, און מיר געברענגט א ראיה אז ער הערט ווי איך באד מיינע קינדער דריי מאל א וואך, און ער האט אויך אמאל געזען די לעקטער ברענען אין די צייט וואס לפי החשבון (!) האט קיינער נישט געדארפט זיין אינדערהיים.
ממילא, אויב דער לענדלאר איז א נארמאלער מענטש, דארף ער מחליט זיין צי דער טענענט איז נארמאל און לעבט שפארזאם וכו' כפי דברי חידוש...

א זייטיגע זאך וואס זיס האט דערמאנט.

לגבי "שערן" מיטערס איז א גיהנם פאר זיך, קיינמאל איז קיינער נישט צופרידן מיט די תוצאות פונעם בילל, יעדער האלט אז יענער האט פארנוצט מער.

עד היום ווערט מיין וואסער מיטער געשערט מיט נאך שכנים און איך האלט אויך אז איך צאל פיהל ארויף..

און ספעשל אויב דער בילל איז אויף אייער נאמען ..............

איך האב געצאלט מיין שכן'ס עיר קאנדישאן פאר 4 יאר, א דאנק מיין לענדלאר וואס אינטערסירט אים גארנישט נאר רענט צייטליך

זיס איך מיין אז מטאר ביי אזא לענדלארד נישט וואינען נישט מענטשליך אין נישט תורהדיג

אגב אורחא וויל איך אזוי פרעגן, מיין טענענט קאלט מיר היינט צופרי אן און פרעגט מיר אויב ער קען פארדינגען די דירה אויף שבועות פאר איינעם, וואס איז די הלכה, דארף ער מיר לענדלארד אויך געבן דערפון, אדער דאס איז זיין ריוח?

ווארד, איך ווייס נישט וויזוי ס'גייט, אבער איך פארשטיי, אז ס'דארף זיין זיין רוח, אבער ווען דו זאגסט עם אז ס'איז זיין, ביטע זאג עם ער זאל זיין מענטשליך, און נישט בעטן אין די וועלט אריין..

ר' ווארד, איט אלל דיפענטס וואס עס שטייט אין די ליעס, דאס אליין אז ער פרעגט שוין פארדינט אפרישיעישאן פונעם לענדלארד.

אינעם ליעס שטייט אז ער טאר עס נישט ארויסדינגען פאר קיינעם דערפאר האט ער מיר געקאלט פרעגן

אויב אזוי ווענדט זיך שוין צו דו ווילסט אים געבן א טריעט לכבוד יו"ט, דו מוזט נישט און די דארפסט נישט [און טייל וועלן אפילו זאגן אז דו טארסט נישט] אים נאכגעבן.

פארשלאפן:
איך פארשטיי ער מוז נישט ער דארף נישט אבער פארוואס זאל ער נישט טארן?

אגב: אז מ'רעדט דא פון פארשידענע נושאים האב איך געטוישט די קעפל צו "באהאנדלען א טענענט"

ר' פאקט: איך האב עס געשריבן אין רינגעלעך וויל איך האלט נישט אזוי, לדעתי דארפן מען נוצן א פינפטן שו"ע, יעדער טענענט איז אן אנדער מסכתא.

ר' פארשלאפן: איך פארשטיי פארוואס איר האלטס נישט אזוי, איך האב נאר ליב צו הערן נאך א צד, בין איך נייגעריג אויב איר ווייסט די צדדים (די הווא אמינא'ס) פארוואס זאל ער נישט טארן?

איך בין מחולק:

איך בין א לענדלאר און איך בין בשיטה אז אויב דו ווייסט ווער עס קומט אריין אין די דירה (אדער וואספארא סארט מענטשן) דארף מען לאזן, פארוואס נישט?

איך האב אויך אריינגעשריבן אין ליעס אז ער טאר עס נישט פארדינגען, דאס האב איך געטאן זיך צו פארזיכערן אז עס ווערט נישט אריינגעברענט פרעמדע עלעמענטן, אבער אויב ער פרעגט פאר דעם און איך ווייס וועמען ער ברענגט אריין, לאז איך אים בחפץ לב.

בנוגע צו דער לענדלאר זאל מאכן עפעס ריווח; פארוואס עפעס?

זיס האט געשריבן:בנוגע צו דער לענדלאר זאל מאכן עפעס ריווח; פארוואס עפעס?

ווייל די רעכט איז זיינס און ער דארף עס נישט אוועק געבן אומזינסט.

thefact האט געשריבן:ר' פארשלאפן: איך פארשטיי פארוואס איר האלטס נישט אזוי, איך האב נאר ליב צו הערן נאך א צד, בין איך נייגעריג אויב איר ווייסט די צדדים (די הווא אמינא'ס) פארוואס זאל ער נישט טארן?

דערפאר ווייל עס איז דא אזעלכע וואס ווען מ'גיט זיי א פינגער דארפן זיין א האנט.

דער טענענט איז אן ארנטליכער, און פארדינט צו באקומען א "יא" אלס ענטפער!

איך האב אמאל געוואוינט פורנישד, און אויפן זומער האב איך פארדינגן מיין דירה פאר א פרישע פארפאלק (איך געדענק נישט אויב איך האב געפרעגט רשות פון מיין לענדלארד, אדער אויב עס איז געשטאנען אינעם קאנטראקט א ווארט וועגן פארדינגן ווייטער), עס איז מיר געווען א שטארקע הילף בשעתו צו קענען באצאלן די רענט.

אזוי ווי עס איז מיר זייער נוגע יעצט וויל איך וויסן ווי אזוי ס'איז ביים עולם (אין וויליאמסבורג),

ווער צאלט די וואסער ביל, די לענדלאר אדער די טענענט?

יישר כוח למפרע.


נ.ב. די רעדע איז איבער די נייערע סארט דירות מיט צענדליגע אפארטמענטס אין א בילדינג.

אין א קאנדא, געווענליך דער טענענט.