ק/פ פון וואטס עפפ
אחינו בני ישראל!
עס רעדט צו אייך א איד וועלכער האט נאך קיינמאל נישט גערעדט צום פאבליק,
אבער עס קומט אמאל א מצב וואס ההכרח לא יגונה.
לאמיר אייך דערציילן א געשיכטע וואס בדידי הוה עובדא.
איך פלעג אלע יארן זיין א נהנה מיגיע כפי מיט א ברייטקייט געארבעט שווער און פארדינט ב"ה זייער שיין.
ויהי היום, אין ויהי אלא לשון צער.... די ביזנעס האט ליידער געכאפט א שלעכטע דריי, און ווען די מזל שפילט גייט אלעס מיטן פיטום אראפ, איך בין געווארן א בעל חוב, אזש כ'האב זיך געשעמט ארויסצוגיין אויפן גאס...
א ידיד מיינער האט מיר דאן פארבינדן מיט'ן מאנסי'ער צדיק, פארזיכערנדיג מיר אז איך בין אין גוטע הענט... בלויז א טאג דערויף האב איך געהאט אין האנט א טשעק פון א גמ"ח, א סכום עצום! גענוג צו דעקן אלע מיינע חובות, און נאך אביסל צו קענען ממשיך זיין מיין ביזנעס.
כ'האב געמאכט דריי פעימענטס פאר'ן גמ"ח, אבער מער האב איך ליידער נישט געקענט. דער גמ"ח אפיס האט כסדר גערופן אז עס דארף ווערן באצאלט, כ'האב זיי געענטפערט אז ס'איז נישט אין מיין יכולת, מער האב איך פון זיי נישט געהערט.
צוויי יאר שפעטער האט מיר די מזל ב"ה צוריק אויפגעשיינט, פארשטייט זיך אז כ'האב נישט פארגעסן פונעם גמ"ח, איך רוף זיי אן אז איך וויל זיי באצאלן דעם הלוואה, זיי קוקן אויף מיין אקאונט, און מיינע אויערן גלייבן נישט וואס איך הער: "ס'איז געווארן אפגעצאלט פאר צוויי יאר צוריק", ענטפערט רואיג דער סעקראטאר אויפן אנדערן זייט ליין.
"דאס מוז זיין א טעות" האלט איך זיך ביי דאס מייניגע. איך בעט צו רעדן מיטן בעל הגמ"ח אליינס, כ'ווער אריבער געטרענספערט צום מנהל, און איך פרוביר אים אויפצוקלערן דעם טעות וואס דא גייט פאר. ער עפנט אויף מיין אקאונט, און זאגט מיר צו מיין שטוינונג, אז דאס איז נישט קיין טעות! כ'האב פשוט געהאט אויף מיין הלוואה דעם בעסטן ערב וואס שייך, אן ערב וואס צאלט כסדר אויס הלוואות אן פרעגן קיין שאלות.
איך בין געבליבן שאקירט... מען רעדט דא פון א ריזן הלוואה! דער צדיק האט נישט אזוי פיל, וויאזוי קען דאס זיין?
ער פרעגט מיר: דו האסט זיך נישט געוואונדערט וויאזוי דו האסט אפילו געקענט באקומען אזא הלוואה? אן אזא קראנטן ערב גיבט זיך נישט אזאלכע הלוואות...
און ער לייגט צו שטיל: דא ביזט נישט דער ערשטער און נישט דער לעצטער.
כ'האב אבער מחמת גרויס בושה נישט געקענט רופן דעם צדיק איבערבעטן און מקיים זיין דעם והשיב... האב איך געמאכט דעם בעל הגמ"ח פאר א שליח אים צוריקצוצאלן דאס געלט.
מורי ורבותי יעצט ווען אט די אלע פעולות פונעם צדיק האבן אים אריין געשלעפט אין אזא מצב איז אונזער חיוב אונזער פליכט אלס הכרת הטוב אים צו באצאלן!
עס איז אונזער ערבות, פאר אונזער ערב
מנאי הק'..........
(כ'וואלט געשריבן מיין נאמען ווען נישט איך שעם זיך)
https://www.charidy.com/storm/1