די סוגיא פון מארטגעדזשעס והמסתעף

עצות טובות אויפן טעגליכן לעבן

די אחראים: זייער נייגעריג, אחראי, thefact

אוועטאר
ישוב הדעת
שר האלף
תגובות: 1166
זיך איינגעשריבען אום: זונטאג מארטש 11, 2018 4:34 pm
לאקאציע: רעקליינער

תגובהדורך ישוב הדעת » מאנטאג אוקטובער 15, 2018 6:19 pm

הרב רעסטאראנט רעדט פון קאמערשעל
אמת אז עס מען שפארט די פי וואס זיי נעמען פאר זיך, אבער אליינס דיעלן מיט די בענק אן עקספיריענס קען זיין, יצא שכרו בהפסדו.

אוועטאר
פערספעקטיוו
שר העשר
תגובות: 27
זיך איינגעשריבען אום: מאנטאג פאברואר 20, 2012 8:15 pm
פארבינד זיך:

תגובהדורך פערספעקטיוו » דאנארשטאג אוקטובער 18, 2018 3:48 pm

blue moon האט געשריבן:עס איז בפשטות זייער גרינג צו עפלייען פאר א מארטגעדש ווען די קויפסט די ערשטע הויז, די ארבעטסט אויף א w2 מיט צוויי יאר געפיילטע ריטוירענס. די דאון פעימענט מיט א שמיטץ אריבער ווארימט זיך אין דיין באנק אקאונט פאר זעקס חדשים. און קיין שום קרעדיט קארד ביללס.

וואס טוט אבער איינער וואס האט אן אייגענע ביזנעס? ארבעט אויף קעי וואן? 1099? אדער א געמיש פון אלע פיר? פיילט נישט אין צייט לעגאל מיט אן עקסטענשען? האט איטליכע רענטעל הייזער? ניצט קרעדיט קארדס פאר ביזנעס אדער פריוואטע אויסגאבן. האט פארמעגען אין טראסט אקאונטס. וכו' וכו'. דא הייבט זיך אן די ראולער קאוסטער. איר זאלט מיר מוחל זיין, איך האב נאכנישט געטראפען א היימישען בראוקער וואס זאל קענען עדוויזען א קלייענט אז ער זאל קענען צוזאם שטעלען א פעקדזש פאר אנדערורייטינג.איך האב נאכנישט געטראפען א היימישען בראוקער וואס זאל קענען עדוויזען א קלייענט אז ער זאל קענען זאגען דיין אפליקעשען וועט ווערען אנגענומען ביי די באנק אדער יענע באנק. אז עס זאל קענען אפראווד ווערען אין צוויי וואכען.

עס גייט מיר נישט אריין אין קאפ פארוואס.
רוב היימישע ביזנעס לייט זענען מער נוטה צו קאטאגאריע #2. פארוואס פארשטייען נישט די בראוקערס אז איז ארדער צו זיין סוקסעספול דארף ער קענען די ארט פון אנדערורייטינג?

איך, ווי מיין חתימה איז מעיד עלי כרבבות עדים, בין נישט קיין מארטגעדזש-מענטש און קען נישט ארויסשאקלען קיין ענטפערס פון דער ארבל – בפרט אויף אזא קאמפליצירטע פראגע, וואס האט על-פי רוב נישט קיין תשובה כללית און וועט זיין אנדערש ביי יעדן פאל.

וואס איך קען אפשר יא טאן איז, עטוואס מסביר זיין די שאלה פון חברינו 'בלויע לבנה' און פארוואס ער, אין זיין חצי-תשובה'דיגע שאלת חכם, טענה'ט
פארוואס פארשטייען נישט די בראוקערס אז איז ארדער צו זיין סוקסעספול דארף ער קענען די ארט פון אנדערורייטינג?


איינע פון די זאכן וואס א באנק וויל וויסן ווען עמיצער קומט פאר א מארטגעדזש איז, צי יענער וועט קענען באצאלן דעם חוב. דער מארטגעדזש איז א הלוואה, וואס ווערט באצאלט צוביסלעך מיט חודש'ליכע פעימענטס אין משך פון א שיינע פּאר יאר. די באנק וויל אויף ווי ווייט מעגליך פעסטשטעלן, אז איך מאך גענוג געלט צו קענען מאכן די חודש'ליכע פעימענטס.

ווען א מענטש האט א דזשאב אויף א פלאץ און ווערט, ווי א געווענליכער דזשאב גייט, באצאלט א באשטימטן געהאלט, וואס באשטייט יעדעס מאל פונעם זעלבן סכום, איז די זאך זייער פשוט און גראד: דו פארדינסט יעדן חודש כך וכך –לאמיר זאגן $5,000; מיר האבן דערצו אויך צוזאמגערעכנט דיינע אנדערע פינאנציעלע התחייבות'ער פון יעדן חודש, וואס באטרעפן, לאמיר זאגן, $1,500. בלייבסטו לויטן חשבון יעדן חודש מיט $3,500. דיינע מאנאטליכע מארטגעדזש פעימענטס לויט'ן סכום הלוואה וואס דו ווילסט וועלן באטרעפן $2,000. מסקנא: דער חשבון שטימט; האסט גענוג צו באצאלן.

וואס טוט זיך אבער ווען עמיצער פארדינט נישט א באשטימטן סכום יעדע וואך – למשל, א סעילסמאן, וואס פארדינט קאמישאן, א פראצענט פון וויפיל ער פארקויפט? דא איז שוין דער ענין מיט וויפיל געלט ער פארדינט שוין אביסל אנדערש. ווייל וויאזוי קען איך וויסן וויפיל דו וועסט פארדינען אין צוויי חדשים ארום? וואס טו איך אויב אין א יאר ארום וועסטו מאכן ווייניגער סעילס? אין אנדערע ווערטער, וויאזוי קען איך פעסטשטעלן אז דו וועסט יעדן חודש פארדינען גענוג צו קענען צאלן דעם מארטגעדזש?

די באנק וועט בדרך כלל בעטן דעם חשבון פון די פארגאנגענע צוויי יאר. זי וועט צוזאמרעכענען וויפיל מיין קאמישאן האט באטראפן יעדן חודש אין לויף פון די פארלאפענע צוויי יאר, און זען וויפיל עס באטרעפט אין דורכשניט. לאמיר זאגן אז דורכאויס די לעצטע 24 חדשים האב איך פארדינט א סך הכל פון $120,000. נעמט מען דעם סכום און מ'צעטיילט עס אויף 24. דאס קומט אויס צו $5,000. איך האב, אין אנדערע ווערטער, אין די לעצטע צוויי יאר פארדינט $5,000 א חודש. איז פשט אז דער מארטגעדזש שטימט מיט מיינע מעגליכקייטן. געוואלדיג!

דאס איז אבער אבער נאר א טעימה פון א קאמפליצירטער אפליקעישאן. וואס טוט זיך ווען עמיצער האט אן אייגענע ביזנעס? דא איז שוין דער חשבון – פון ביידן, הוצאות און הכנסות – מער פארצווייגט. (עמעזאן, אין וואס א סך היימישע יונגעלייט זענען עוסק, איז א גוטע דוגמא.) און וואס טוט זיך ווען עמיצער פארמאגט מער ווי איין ביזנעס – עמעזאן, ריעל עסטעיט, און איז נאך דערצו א שותף אין א דריטער ביזנעס-אונטערנעמונג? און וואס איז מיט עמיצן וואס האנדלט מיט ריעל עסטעיט און האט שותפים אין יעדן דיעל? און וואס איז די הלכה ווען ער האט מערערע עסקים מיט מערערע שותפים, און אין יעדן דיעל אין זיין פראצענט שותפות אנדערש ווי אינעם אנדערן?

כיוצא בו מיט הוצאות. מענטשן וואס זענען אין ביזנעס וועלן געווענליך האבן א ביזנעס אקאונט. אין צוגאב צו זיין פערזענליכער באנק אקאונט, וועט ער האבן איין, צי גאר עטליכע ביזנעס באנק קאנטעס. דער מארטגעדזש נעמט דאך דער מענטש אליין, און נישט די ביזנעס, בלייבט ער אליין, נישט די געשעפטן, אחראי צו באצאלן. ווען די באנק מאכט אירע חשבונות, אינטערעסירן איר דעם מענטש'ס פערזענליכע הוצאות. במילא קומט דא א סדרה מיט שאלות וועגן אויסגאבן – וואס קען מען אריינרעכענען אלץ ביזנעס הוצאות, און וואס זענען פערזענליכע הוצאות?

ווען עמיצער פארמאגט א ביזנעס (נישט קיין חילוק צי ס'איז אנליין אדער אין ווירקליכן לעבן), וועט ער געווענליך עפענען א 'קאמפאני'. עס זענען אבער פאראן מערערליי 'קאמפאניס' – LLC, קארפארעישאן, און נאך. קארפארעישאנס זענען אויך פאראן עטליכע סארטן (הגם צוויי פון זיי זענען די גאנגבארסטע). דער סוג קאמפאני וואס עמיצער פארמאגט וועט א סך אויסמאכן לגבי דעם מענטש'ס בעלות און שייכות מיט דער ביזנעס/קאמפאני און די פארדינסטן און נכסים פונעם עסק אונטער דער ביזנעס. דאס איז אגב נישט קיין ענין בלויז לגבי מארטגעדזשעס, נאר מאכט א גרויסן חילוק אין נאך אספעקטן. אבער ביי א מארטגעדזש זענען די פרטים גאר נוגע, און דער וואס מאכט דעם מארטגעדזש דארף דא שוין זיין אן ערנסטער בקי אין די שבילי המארטגעדזש. זיך 'אויסקענען' אין דער מארטגעדזש וועלט איז ווייט נישט גענוג, און אן די נויטיגע ידיעות און דערפארונגען וועט מען גרינג אריינפארן אין פראבלעמען און פלאנטערנישן.

און דאס איז פשט אינעם בלוי-לבנה'דיגן ווייגעשריי,
רוב היימישע ביזנעס לייט זענען מער נוטה צו קאטאגאריע #2. פארוואס פארשטייען נישט די בראוקערס אז איז ארדער צו זיין סוקסעספול דארף ער קענען די ארט פון אנדערורייטינג?


אבער, ס'איז דא האפענונג! זע נאר וואס מיין אונטערשריפט האט צו זאגן איבער דעם ענין --s
לעצט פאראכטן דורך פערספעקטיוו אום מאנטאג אוקטובער 22, 2018 3:29 pm, מאל פאראכטן געווארן 1 סך הכל.
איז אזוי. בעצם ארבעט איך ביי Ark Mortgage, נאר נישט אינעם מארטגעדזש סעקטאר. הוראה אין הלכות מארטגעדזש האב איך נישט, אבער אביסל דולה-ומשקה'ן מעג איך דאך. טאמיר ווילט איר טרינקען מער ווי איך בין דולה, קענט זיך זיך ווענדן צו Ask Ark, אויף 888-275-8516.

אוועטאר
בערל קראקאווער
שר חמש מאות
תגובות: 879
זיך איינגעשריבען אום: דינסטאג מאי 17, 2016 1:18 pm
לאקאציע: בעקבתא דמשיחא

תגובהדורך בערל קראקאווער » זונטאג אוקטובער 21, 2018 12:05 pm

קודם ברויך איך זיך באדאנקען פאר הרב פערפעקטיוו, פאר אייערע רייכע און געשמאקע תגובות.

איר שרייבט גאר געשמאק מיט א פליסענדער פעדער׳ל, און זייער קלאר און צום טאקט!

יעצט וויל איך פרעגן אזוי אויבערפלעכליך,
איינער וואס וויל עווענטואעל אפלייען פאר א מארטגעדזש, און צוליב זיין פעטער׳ס שטיצע, האט ער - אייגענע - גאנץ א קליינע הכנסה.

ברויך ער זיך ווען צופאכענען מיט די ארבעט, ס׳זאל זיין א דבר שיש בו ממש צו צייגן פאר די מלוה.
איז די פראגע ווי לאנג בעפאר ברויך ער זיך שוין ארויפשארן די ארבעל?

מוז עס זיין א לענגערע צייט בעפאר?
אדער איז גענוג א קורצע תקופה בעפאר?

א שיינעם דאנק פאר אייער ווערדפוּלע ארבעט.
ראש הקהל
הויפט געווינער - שרייבעריי פארמעסט תשע''ז
יעדע רגע איז אפן די גרוב, און אז אז איך בין אריבער נאך א טאג
׳אודך ה׳ בכל לבבי כי חסדך גדול עלי והצלת נפשי משאול תחתי׳! אין אזא שווערע וואקלדיגע וועלט. דאך ׳איך בין ווייטער דא׳!


אוועטאר
פערספעקטיוו
שר העשר
תגובות: 27
זיך איינגעשריבען אום: מאנטאג פאברואר 20, 2012 8:15 pm
פארבינד זיך:

תגובהדורך פערספעקטיוו » מאנטאג אוקטובער 22, 2018 5:36 pm

שקויעך פאר די קאמפלימענטן. כ'האב זיי געגעסן מיט גרויס אפעטיט :grin:

איידער מיר גייען ווייטער, ווערט דער עולם געבעטן צו באהאלטן די ספרים און ארויסנעמען די דריידלעך (וד"ל, והבן, ודו"ק, ואכמ"ל, והוא רחום יכפר וכו').

יעצט וויל איך פרעגן אזוי אויבערפלעכליך,
איינער וואס וויל עווענטואעל אפלייען פאר א מארטגעדזש, און צוליב זיין פעטער׳ס שטיצע, האט ער - אייגענע - גאנץ א קליינע הכנסה.

כפי ידיעתי, איז דער אויבערפלעכליכער ענטפער אז יא, ס'איז שייך צו באקומען א מארטגעדזש אפילו ווען מ'איז אנגעוויזן אין רעגירונגס שטיצע, און דער גוטער פעטער איז מסכים אז אפילו מענטשן מיט ווייניג הכנסה זאלן האבן א מעגליכקייט זיך איינצוהאנדלען א דירה. (אוועקלייגן די דריידלעך און צוריק ארויסנעמען די ספרים.)

ערנסט גערעדט (ס'הייסט, ביז יעצט האבן מיר גערעדט בדחנות?), קען מען באקומען א מארטגעדזש אפילו ווען מען מוז אנקומען צו רעגירונגס שטיצע, הגם די ברירות זענען אין אזא פאל מער באגרעניצט ווי פאר מענטשן וואס האבן זיך אפגעלאזט פונעם פעטער און יא ארויפגעשארט די ארבל. עס וועט זיך כמובן א סך ווענדן אין פארשידענע פרטים - דעם סכום, די דירה, וויפיל קינדער מ'פארמאגט, און נאך.

איז, קענען קען מען באקומען אפילו מיט אראפגעדרייטע ארבל. די שאלה וועט זיין וואס איז די בעסטע ברירה פאר אייך, און צי דאס וועט דער פעטער לאזט שטימט מיט אייערע געברויכן און אומשטענדן. ס'איז דערפאר ראטזאם זיך צו פארבינדן מיט א mortgage adviser, וועלכער וועט אייך ענטפערן בפרטית כדת מה לעשות.
איז אזוי. בעצם ארבעט איך ביי Ark Mortgage, נאר נישט אינעם מארטגעדזש סעקטאר. הוראה אין הלכות מארטגעדזש האב איך נישט, אבער אביסל דולה-ומשקה'ן מעג איך דאך. טאמיר ווילט איר טרינקען מער ווי איך בין דולה, קענט זיך זיך ווענדן צו Ask Ark, אויף 888-275-8516.

אוועטאר
געריבענער סוחר
שר מאה
תגובות: 223
זיך איינגעשריבען אום: מאנטאג יולי 30, 2018 10:50 am
לאקאציע: ביים פארהאנדלונגס טיש

תגובהדורך געריבענער סוחר » מאנטאג אוקטובער 22, 2018 5:55 pm

עדווייס פאר @קראקאווער, אז מען איז נהנה משלחן איזבל איז זייער שווער זיך א ריר צו טוהן...

לאז דיר אפ פון די אלע גוטע פעטערס וואס סאו קאלד קלאפן זיי דיר אין די פלייצע, אבער ער לאזט דיר נישט שטייגן... מבשרי אחזה, סאיז א סטראגל אין די בעגינינג אבער לבסוף יערב לכם, נישט איין מארגעטש, נאר אסאך מארגעטשעס וועסטו נאך עפראווד ווערן.
....To win a negotiation you have to show you're willing to walk away

אוועטאר
לאז געמאכט
שר האלפיים
תגובות: 2342
זיך איינגעשריבען אום: פרייטאג דעצמבער 14, 2007 11:55 am

תגובהדורך לאז געמאכט » מאנטאג אוקטובער 22, 2018 9:43 pm

איר ענטפערט בכלל נישט די שאלות השואל... ער פרעגט ווי לאנג מען דארף קענען צייגן גוטע איינקומפט.

די תירוץ איז (מזכרוני) אויב האט איר א געהעריגע סטעדי דזשאב מיט גוטע אינקאום, דארף עס נישט זיין לאנג בכלל. אויב אבער ביזטו סעלפ-אימפלויט איז אלעס אסאך שטרענגער, מען ברויך בדר''כ צייגן די שטייער בויגנס פון צוויי יאר און זיי נעמען די עוורעדזש פון ביידע.

אוועטאר
בערל קראקאווער
שר חמש מאות
תגובות: 879
זיך איינגעשריבען אום: דינסטאג מאי 17, 2016 1:18 pm
לאקאציע: בעקבתא דמשיחא

תגובהדורך בערל קראקאווער » מאנטאג אוקטובער 22, 2018 10:17 pm

א דאנק פאר אלע משיבים.

ווי איך פארשטיי פון די תשובות איז אז מ׳קען אדורך שוויצן - כמובן שווערער - אפילו אזוי פוילערהייט.

און יא 100% גערעכט געריבענער סוחר.
מ׳האב מיר אבער געוואלט וויסן וויפיל צייט בעפאר איך זאל דאס נעמען אין באטראכט, אפילו מ׳איז גרייט צו סטראגלען - און ווי איינער האט זיך מיר אויסגעדרוקט אלעס האט ער נאך אראפגעשליגן, אבער ווען ס׳געקומען ׳סוף יאר׳ און ער האט נאך געמוזט צוריק געבן, הוי עד כאן! דעריבער האב איך געפרעגט, בעיקר כלפי די הכנה.

און פון הער לאז געמאכט שמעק איך גאנץ א צופרידנשטעלנדער ענטפער, אז מיט עפעס א דבר הרגיל וואס איז סטעדי ברויך עס נישט זיין צו לאנג?
וואס הייסט אבער - דא ביי אונזער שמועס - ׳גוטע אינקאם׳?
ראש הקהל
הויפט געווינער - שרייבעריי פארמעסט תשע''ז
יעדע רגע איז אפן די גרוב, און אז אז איך בין אריבער נאך א טאג
׳אודך ה׳ בכל לבבי כי חסדך גדול עלי והצלת נפשי משאול תחתי׳! אין אזא שווערע וואקלדיגע וועלט. דאך ׳איך בין ווייטער דא׳!


אוועטאר
מונאוויטש
שר האלף
תגובות: 1521
זיך איינגעשריבען אום: זונטאג נובעמבער 22, 2015 6:08 pm
פארבינד זיך:

תגובהדורך מונאוויטש » מאנטאג אוקטובער 22, 2018 10:20 pm

אינקאם איז איין זאך און עמפלאוימענט איז א צווייטע זאך.

און אלגעמיין וועט מען ביי אן ארבייטער פארלאנגען אן ארבייט היסטאריע פון 2 יאר אינעם זעלבן פעלד. ביי א סעלף-עמפלאויד פערזאן וועט מען פארלאנגען 3-2 יאר אין די זעלבע קאמפעני.

לגבי אינקאם. ביי א וועידזש ארבייטער מען וועט קוקן אויף די איצטיגע וועידזשעס אויב עס איז פיקסט און באלאנסירט. א גרויסע שפרינג אין וועידזשעס איז א רויטע פענדל, און מוז ווערן אינטערגעבעט מיט א שטארקע הסברה.

אן ארבייטער וועלכע קריגט א שפרינגעדיגע אינקאם, צב"ש זיין אינקאם איז באזירט אויף קאמישן, און ווי אויך סעלף עמפלאוימענט, וועט מען מאכן אן עווערידזש פון די לעצטע צוויי יאר אינקאם.

אוועטאר
לאז געמאכט
שר האלפיים
תגובות: 2342
זיך איינגעשריבען אום: פרייטאג דעצמבער 14, 2007 11:55 am

תגובהדורך לאז געמאכט » דינסטאג אוקטובער 23, 2018 8:36 am

בערל קראקאווער האט געשריבן:און פון הער לאז געמאכט שמעק איך גאנץ א צופרידנשטעלנדער ענטפער, אז מיט עפעס א דבר הרגיל וואס איז סטעדי ברויך עס נישט זיין צו לאנג?
וואס הייסט אבער - דא ביי אונזער שמועס - ׳גוטע אינקאם׳?

גוטע אינקום מיינט אז די קענסט ווייזן אז די האסט גענוג איינקומפט צו קענען געהעריג באצאלן די הלוואה נאך אלע רעגולער עקספענסעס. סא דעס ווענד זיך צווישן אנדערע ווי גרויס די הלוואה איז, וויפיל חובות/עקספענסעס די האסט, און וויפיל ריזיקע די באנק האלט ביים נעמען אויף דיר.

סא צו זאָגן מער דעטאליש דארף מען זיין א לייסענסט בראוקער און הערן די פונקטליכע פאקטן. איך בין נישט לייסענסט אבער כ'קען גיבן גוטע רעפרענס אויב זיכט איר עמיצן... הצלחה.

אוועטאר
פערספעקטיוו
שר העשר
תגובות: 27
זיך איינגעשריבען אום: מאנטאג פאברואר 20, 2012 8:15 pm
פארבינד זיך:

מארטגעדזש ווערטערבוך – LTV

תגובהדורך פערספעקטיוו » פרייטאג אוקטובער 26, 2018 11:23 am

די מארטגעדזש-וועלט (ווי אזויפיל אנדערע אינדוסטריעס) פארמאגט זיך איר אייגענע שפראך און וואקאובאלאר, וואס קלינגען פרעמד פאר עמיצן וואס דרייט זיך נישט אין יענע מקומות – בעצם, רוב פון אונז. ווען עמיצער זוכט צו באקומען א מארטגעדזש, טרעפט ער זיך אלס תוצאה אין א נעפל. דער בראוקער איז מסביר במה הדברים אמורים, אבער איך טרעף זיך ביים דור הפלגה און פארשטיי נישט אז דער רעדט פון א האמער, נישט פון א ציגל אין קאפ. דער מארטגעדזש בראוקער בעצם טוט וואס ער דארף טאן: רעדן וועגן מארטגעדזשעס. וואס איז ער שולדיג אז דער בעל 'צאינה וראינה' האט זיך דערווייל נישט גענומען די מי צו פארטייטשן די ווערטער אויף לשון אשכנז המדוברת בינינו?

האב איך זיך מתבונן געווען און אריינגעטראכט און חוקר געווען און געפרעגט מיין הארץ, ביז מיינע נירן האבן מיר אריינגעשעפשעט אין אויער אן עצה אז כ'זאל זיך אנגארטלען די לענדן און אריינקריכן אינעם סוף פסוק פונעם "במקום שאין איש". (הגם ס'איז נישט אמת. מיר האבן דא פיינע אידן, ווי 'מונאוויטש' זאל זיין געזונט און אנדערע, וואס זענען היפשע אישים אין דעם מקום, אבער – ווייסט דאך: כ'פיל זיך בעסער זיך אהערצושטעלן ווי איך בין דער ערשטער און איינציגער וואס נעמט זיך עס אונטער. וואס גייט דיר אן?) ובכן, אשתדל להיות איש, לברר הדברים כשמלה און דערציילן אויף עברי טייטש די פירוש המילות פון עטליכע גאנגבארע ווערטער, ראשי תיבות, טערמינען, און זאצן וואס וואוינען אינעם מארטגעדזש זענען תושבים און שכנים פונעם מארטגעדזש אבער הערן זיך פרעמד פאר די וואס זיצן אינדרויסן.



LTV
LTV איז די ראשי תיבות פון Loan to Value . אויף אידיש: וויפיל פונעם שוויות פונעם הויז די באנק איז גרייט צו געבן א הלוואה. דאס הויז קאסט, לאמיר זאגן, 500-טויזנט דאלאר. וועט די באנק מסכים זיין צו בארגן 450-טויזנט דערפון, און דער לוקח-לווה וועט דארפן אויפקומען מיט דעם פארבליבענעם סכום פון פופציג-טויזנט דאלאר. די LTV, דער פראצענט וויפיל פון דער ווערט די באנק איז מסכים צו אויסצובארגן, איז אין דעם פאל 90. (90 פראצענט פון 500-טויזנט איז 450-טויזנט.)

די באנק וויל נישט בארגן דעם גאנצן סכום וואס דאס הויז קאסט, ווייל זי וויל איך איך, דער לווה וואס קויפט די דירה, זאל אויך אינוועסטירן עפעס געלט. די באנק נעמט דאס הויז אויף וועלכן זי גיט א מארטגעדזש אלס א משכון. אין פאל דער חוב ווערט נישט באצאלט, נעמט זי אוועק דאס הויז (צי דירה), פארקויפט עס, און מאכט אזוי ארום צוריק דאס געלט וואס זי האט געבארגט. למעשה איז די באנק נישט אין דער ביזנעס פון ריעל עסטעיט און זוכט נישט צו דארפן אנקומען צו אזא מצב. אויב איך, דער בארגער, לייגט אבער דא אריין אביסל אייגן געלט, וואס וועט גיין לטמיון אויב די באנק וועט פון מיר צונעמען די דירה, האב איך שוין א שטארקן שטופ צו באצאלן, און אפילו אויב כ'וועל זיך אמאל באגעגענען מיט א שווערן דורכגאנג און ס'וועט מיר שווער אנקומען, וועל איך זיך איבערשטרענגען צו באצאלן די מארטגעדזש פעימענטס כדי מיין געלט זאל נישט פארפאלן גיין.

Loan to Value: וויפיל פראצענט פונעם סך הכל שוויות פון דער דירה די הלוואה באטרעפט.
איז אזוי. בעצם ארבעט איך ביי Ark Mortgage, נאר נישט אינעם מארטגעדזש סעקטאר. הוראה אין הלכות מארטגעדזש האב איך נישט, אבער אביסל דולה-ומשקה'ן מעג איך דאך. טאמיר ווילט איר טרינקען מער ווי איך בין דולה, קענט זיך זיך ווענדן צו Ask Ark, אויף 888-275-8516.

אוועטאר
מונאוויטש
שר האלף
תגובות: 1521
זיך איינגעשריבען אום: זונטאג נובעמבער 22, 2015 6:08 pm
פארבינד זיך:

תגובהדורך מונאוויטש » פרייטאג אוקטובער 26, 2018 12:04 pm

איך וועל נאר צולייגן איין הערה.
די LTV איז באזירט אויף די נידעריגערע פון די 'פרייז' און די 'אפרעיזעל'.
צב"ש. א הויז וועלכע פארקויפט זיך פאר 500k, אבער דער אפּרעיזער שאצט אז די הויז איז בלויז ווערט 450k, וועט 90% LTV זיין 405k.
ווידעראום אויב די אפּרעיזעל איז העכער, וועט מען קוקען בלויז אויפן פרייז.
(פארשטייט זיך אז דאס איז בלויז נוגע ביי א מכירה. ביי א ריפיינענס קוקט מען אלץ אויפן שאצונג.)

אוועטאר
פערספעקטיוו
שר העשר
תגובות: 27
זיך איינגעשריבען אום: מאנטאג פאברואר 20, 2012 8:15 pm
פארבינד זיך:

תגובהדורך פערספעקטיוו » פרייטאג אוקטובער 26, 2018 12:43 pm

יא, יא. כ'האב זיך גע'ישוב'ט צי כ'זאל דערמאנען דעם מענין לענינ'דיגן פרט.
איז אזוי. בעצם ארבעט איך ביי Ark Mortgage, נאר נישט אינעם מארטגעדזש סעקטאר. הוראה אין הלכות מארטגעדזש האב איך נישט, אבער אביסל דולה-ומשקה'ן מעג איך דאך. טאמיר ווילט איר טרינקען מער ווי איך בין דולה, קענט זיך זיך ווענדן צו Ask Ark, אויף 888-275-8516.

אוועטאר
יידישע קהילות
שר האלפיים
תגובות: 2726
זיך איינגעשריבען אום: דאנארשטאג אוגוסט 28, 2014 4:03 pm

תגובהדורך יידישע קהילות » פרייטאג אוקטובער 26, 2018 1:42 pm

א חבר האט א הויז פרי-ענד-קליער, א גוטע אינקאם וכו' אבער האט פראבלעמען מיט זיין סיטיזענשיפ.
קיין מארטגעדש קען ער נישט באקומען. שוין פראבירט מיט אלע מיטלען.
וואס איז די בעסטע עצה אויף צו באקומען א פריוואטע (היימישע) מארטגעדש?
איך רעד נישט פון "הארד מאני" דהיינו הויכע פראצענטער. איך פרעג צו עס איז דא צו באקומען גאנץ צוגעגליכענער ראטעס פאר א פריוואטע הלוואה.
אחרי ככלות הכל איז דאס א פארזיכערטע חוב, דער מלווה באקומט טייטל און אלעס.
ביטע ענטפערט דא אדער פריוואט.
"כל האומר דבר שמועה מפיהם של צדיקים הם מתפללים עליו וממליצים טובה עליו - ספר חסידים אות רכ"ד
מיין אימעיל: SeforimVelt@gmail.com

אוועטאר
פערספעקטיוו
שר העשר
תגובות: 27
זיך איינגעשריבען אום: מאנטאג פאברואר 20, 2012 8:15 pm
פארבינד זיך:

מארטגעדזש ווערטערבוך – Appraisal

תגובהדורך פערספעקטיוו » מיטוואך אוקטובער 31, 2018 1:24 pm

פירוש רש"י אויף אן 'אפּרעיזאל' איז: שאצונג. אין דעם מארטגעדזש-קאנטעקסט, איז Appraisal די אפשאצונג וויפיל א שטיק קרקע מיט'ן הויז זענען ווערט.

ווען א באנק גיט א מארטגעדזש, וויל זי באקומען א משכון, אלס גאראנטי אז דער לוה וועט באצאלן דעם חוב. דער משכון איז דאס הויז, אויף וועלכן דער מארטגעדזש ווערט ארויסגענומען. אויב וועט דער לוה אויפהערן באצאלן, וועט די באנק פון אים אוועקנעמען דאס הויז און פארקויפן, און דאס געלט וועט געווידמעט ווערן צו באצאלן דעם מארטגעדזש-חוב. כדי צו פילן רואיג מיט דעם משכון, וויל די באנק זיכער מאכן אז דאס הויז איז ווערט כאטש אזויפיל ווי דעם סכום פון דער מארטגעדזש-הלוואה. פאר דעם צוועק נעמט מען אן Appraiser, וועמענס עקספערטיז איז גענוי דאס: אפשאצן די ריכטיגע ווערט פונעם הויז.

די באנק רעכנט זיך זייער שטארק מיט דער מסקנא פונעם Appraisal און וועט נישט באשטעטיגן דעם מארטגעדזש איידער דער Appraiser גיט ארויס זיין פסק איבער'ן שוויות. אויב דער Appraiser קומט צו דער החלטה אז דאס הויז איז ווערט ווייניגער ווי דעם סכום וואס דער לוה צאלט דערפאר, וועט די באנק איגנארירן דעם אמת'ן פרייז און געבן א מארטגעדזש אויפ'ן סמך פונעם אפרעיזאר'ס מיינונג.
איז אזוי. בעצם ארבעט איך ביי Ark Mortgage, נאר נישט אינעם מארטגעדזש סעקטאר. הוראה אין הלכות מארטגעדזש האב איך נישט, אבער אביסל דולה-ומשקה'ן מעג איך דאך. טאמיר ווילט איר טרינקען מער ווי איך בין דולה, קענט זיך זיך ווענדן צו Ask Ark, אויף 888-275-8516.

אוועטאר
פערספעקטיוו
שר העשר
תגובות: 27
זיך איינגעשריבען אום: מאנטאג פאברואר 20, 2012 8:15 pm
פארבינד זיך:

מארטגעדזש ווערטערבוך – Adjustable-rate / Fixed-rate

תגובהדורך פערספעקטיוו » פרייטאג נובעמבער 02, 2018 1:16 pm

פירוש: א בייגעוודיגער מארטגעדזש (ARM) קעגן א פארגליווערטן מארגעדזש (Fixed Rate); א מארטגעדזש וועמענס פעימענטס בלייבן די זעלבע לאורך ימים ושנים טובים, קעגן א מארטגעדזש וועמענס פעימענטס שפרינגען ארויף און אראפ, געוואנדן אין דער גיסטע פונעם מארקעט.

א מארטגעדזש איז א הלוואה מיט ריבית. דאס מיינט, אז דער לווה באצאלט דעם חוב מיט פראצענט. וויפיל פראצענט? דא קומען אריין די צוויי אידן הנזכרים לעיל, Adjustable rate און Fixed rate. דער פראצענט-ציפער וויפיל ריבית דער לווה וועט באצאלן קען איינגעפרוירן ווערן ביים נעמען דעם מארטגעדזש און עס בלייבט ווי עס דורכאויס דער גאנצער תקופה ביז דער מארטגעדזש ווערט אויסגעצאלט, אדער קען דער ציפער זיין בויגזאם און בייט זיך און קנייטשט זיך אינאיינעם מיט די מארקעט-אומשטענדן.

די ריבית-ראטעס, 'אינטערעסט רעיטס' בלע"ז, טוישן זיך כסדר. א 'פיקסד רעיט' מארטגעדזש איז עפעס וועמענס ריבית-ציפער – וויפיל פראצענט ער וועט דארפן באצאלן אויפ'ן קרן – ווערט באשטימט ביים אנהייב ווען מ'נעמט דעם מארטגעדזש און בלייבט אזוי אומבארירט לאורך ימים ושנים ביז דער מארטגעדזש איז אינגאנצן באצאלט. מיט אן 'עדזשאסטעבל רעיט' (ARM) טוישן זיך די מארטגעדזש פעימענטס יעדע שטיק צייט, געוואנדן אין וואו דער מארקעט שטייט דעמאלט.

אין איין ווארט: דער חילוק למעשה צווישן די צווייערליי מארטגעדזשעס שטעקט אין דעם, צי אייערע מארטגעדזש פעימענטס זאלן בלייבן די זעלבע חודש איין, חודש אויס, פון אנהייב ביז אויס; אדער צי דער סכום פון די פעימענטס זאלן זיך בייגן און קנייטשן און זיך טוישן יעדע שטיק צייט.
איז אזוי. בעצם ארבעט איך ביי Ark Mortgage, נאר נישט אינעם מארטגעדזש סעקטאר. הוראה אין הלכות מארטגעדזש האב איך נישט, אבער אביסל דולה-ומשקה'ן מעג איך דאך. טאמיר ווילט איר טרינקען מער ווי איך בין דולה, קענט זיך זיך ווענדן צו Ask Ark, אויף 888-275-8516.

שמואל בארג
שר האלף
תגובות: 1603
זיך איינגעשריבען אום: דאנארשטאג פאברואר 18, 2016 6:44 pm

תגובהדורך שמואל בארג » זונטאג נובעמבער 04, 2018 9:32 am

הגם קיין גרויסע חידושים בין איך נישט געוואויר געווארן דא, פשוט ווייל דאס האבן מיר שוין דורכגעטון אין עבר, אבער די קלארקייט און כראנאלאגיע איז זייער אינפארמאטיוו און אינטערעסאנט צו לייענען.

ייש"כ 'פערספעקטיוו', ומשנהו בדומה לו 'מונאוויטש'.

אוועטאר
געריבענער סוחר
שר מאה
תגובות: 223
זיך איינגעשריבען אום: מאנטאג יולי 30, 2018 10:50 am
לאקאציע: ביים פארהאנדלונגס טיש

תגובהדורך געריבענער סוחר » זונטאג נובעמבער 04, 2018 10:00 am

שמואל בארג האט געשריבן:הגם קיין גרויסע חידושים בין איך נישט געוואויר געווארן דא, פשוט ווייל דאס האבן מיר שוין דורכגעטון אין עבר, אבער די קלארקייט און כראנאלאגיע איז זייער אינפארמאטיוו און אינטערעסאנט צו לייענען.

ייש"כ 'פערספעקטיוו', ומשנהו בדומה לו 'מונאוויטש'.

גא''מ. שיין מסדר געווען, אפילו סרוב ווייס איך שוין, ליין איך מיט אינטערעס, קיפ איט אפ.
....To win a negotiation you have to show you're willing to walk away

אוועטאר
פערספעקטיוו
שר העשר
תגובות: 27
זיך איינגעשריבען אום: מאנטאג פאברואר 20, 2012 8:15 pm
פארבינד זיך:

תגובהדורך פערספעקטיוו » מאנטאג נובעמבער 05, 2018 10:42 am

שקויעך, ר' שמואל און הרב סוחר :)

כ'וויל מאכן א קליינעם אומוועג אוועק פון פירוש המילות און צולייגן א ווארט וועגן מעגליכע מעלות און חסרונות מיט די צווייערליי מארטגעדזש-ברירות הנ"ל.

די מעלה פון א פארגליווערטן (Fixed-rate) מארטגעדזש איז פשוט: דו ווייסט גענוי וויפיל דער חודש'ליכער ביל וועט באטרעפן און קענסט אזוי ארום גרינג מאכן דעם חשבון צי דו קענסט זיך דערלויבן דעם מארטגעדזש, צי ס'איז אפשר כדאי צוצואווארטן אביסל. א בייגעוודיגער (Adjustable-rate) מארטגעדזש וועט בדרך כלל זיך אנהייבן מיט נידעריגערע פעימענטס ווי א פיקסד רעיט; אויב זאלן די ראטעס אראפגיין נידעריגער, וועלן דיינע מארטגעדזש-פעימענטס מיטגיין. אזא מארטגעדזש קומט אבער מיט א סכנה פון ארויפשפרינגען אינעם המשך צו גאר הויכע ציפערן, און אויב די אינטערעסט-רעיטס פאלן אריין אין א מצב פון גדלות המוחין און הייבן אן ארויפקלעטערן, קענסטו זיך גרינג טרעפן מיט גאוותו-עד-שחקים מארטגעגזש-פעימענטס.

ובכן השאלה נשאלת, פארוואס זאל א מענטש וועלן אפילו נעמען אזא סארט אומבאלאנצירטן, אומסטאבילן מארטגעדזש?

דער אמת איז, אז אן ARM איז זייער קאמפליצירט און שווער געהעריג צו פארשטיין. א שיינע צאל מענטשן וואס האבן אינעם עבר גענומען אזא שפרינגער-מארטגעדזש, זענען פשוט נישט געווען געהעריג אינפארמירט און זענען, ווי מ'זאגט, אריינגעפאלן. דער מארטגעדזש-מאן האט זיי נישט געהעריג מסביר געווען וואס דאס מיינט פאר אים, אדער האט דער מארטגעדזש-נעמער נישט געהעריג געמאכט דעם חשבון.

עס זענען אבער פאראן אזעלכע וואס פארשטייען יא במה הדברים אמורים און באשליסן צו נעמען בכוונה ובידיעה אן עדזשאסטעבל, טאקע און בעיקר צוליב די נידעריגערע פעימענטס ביים אנהייב פונעם מארטגעדזש. א פיקסד רעיט מארטגעדזש קומט מיט העכערע מארטגעדזש פעימענטס, און אויב די באנק פילט אז אזא סכום יעדן חודש איז העכער מיין פינאנציעלן יכולת, וועט זי מיך אפזאגן און מיר נישט געבן דעם מארטגעדזש. איך וויל (צי מוז) אבער יעצט קויפן א הויז, אדער ס'גייט מיר לעבן צו האבן פונקט דעם הויז; האב איך די ברירה צו נעמען אין באטראכט אן עדזשאָסטעבל מארטגעדזש, וועמענס לעת-עתה'דיגע פעימענטס זענען גענוג נידעריג אריינצופּאסן אין מיין יעצטיגן בודזשעט, אז די באנק זאל זיין רואיג און צופרידן און מיר בארגן ס'געלט.

אויב זענען די רעיטס דעמאלט נידעריג און דער כללית'דיגער קו בשעת מעשה איז אז זיי פארן אויף אראפ, קען עס אין אזא פאל זיין א געוואונטשענער מהלך. אויב מארטגעדזש ראטעס הייבן נאך עטליכע יאר אן ארויפגיין, האב איך די ברירה צו ריפיינענסן דעם מארטגעדזש – ארויסנעמען א פרישן מארטגעדזש, דאסמאל א פיקסד רעיט, וואס זאל גיין צו באצאלן דעם יעצטיגן און וועמענס פעימענטס וועלן יעצט איינגעפרוירן ווערן לויט די דעמאלטיגע מארקעט-אומשטענדן.

הלכה למעשה, זענען רוב רובם מארטגעדזשעס וואס מענטשן נעמען יא ממין הפיקסד רעיט, טאקע ווייל באופן כללי איז עס פראקטישער און זיכערער. ס'איז אבער כדאי צו וויסן אז ס'איז פאראן די אנדערע ברירה, און אויב דער חשבון שטימט איז אפשר יא א מהלך עס לכל הפחות צו נעמען אין באטראכט.
איז אזוי. בעצם ארבעט איך ביי Ark Mortgage, נאר נישט אינעם מארטגעדזש סעקטאר. הוראה אין הלכות מארטגעדזש האב איך נישט, אבער אביסל דולה-ומשקה'ן מעג איך דאך. טאמיר ווילט איר טרינקען מער ווי איך בין דולה, קענט זיך זיך ווענדן צו Ask Ark, אויף 888-275-8516.

אוועטאר
צייט שטיפער
שר חמש מאות
תגובות: 552
זיך איינגעשריבען אום: דאנארשטאג מארטש 17, 2016 12:50 pm
לאקאציע: וואו נישט וואו...

תגובהדורך צייט שטיפער » מאנטאג נובעמבער 05, 2018 10:46 am

ביז וויפיל קען מען קויפן פוינטס אראפ צוריקן די רעיט?

מיר האט מען פארגעשלאגן ביזן אראפרוקן אזויפיל ווי 4.5
ווידעראום האב איך געהערט פון א צווייטן וואס האט באוויזן אראפ צוקוועטשן ביז אזוי נידריג ווי 4.2

ביז ווי קען עס גיין?

אוועטאר
מונאוויטש
שר האלף
תגובות: 1521
זיך איינגעשריבען אום: זונטאג נובעמבער 22, 2015 6:08 pm
פארבינד זיך:

תגובהדורך מונאוויטש » מאנטאג נובעמבער 05, 2018 12:10 pm

צייט שטיפער האט געשריבן:ביז וויפיל קען מען קויפן פוינטס אראפ צוריקן די רעיט?

מיר האט מען פארגעשלאגן ביזן אראפרוקן אזויפיל ווי 4.5
ווידעראום האב איך געהערט פון א צווייטן וואס האט באוויזן אראפ צוקוועטשן ביז אזוי נידריג ווי 4.2

ביז ווי קען עס גיין?

נישט פארהאן קיין כלל, אלעס ווענדט זיך אין די מארקעט. אבער בדרך כלל, וועט (ביי א פיקסט-ראטע, 30 יאריגע הלואה) די ערשטע ראטע-רעדוקציע פון 375. קאסטן בערך איין פוינט (=איין פראצענט פון די הלוואה). אבער ווי ווייטער מען פארט אראפ אלץ גרעסער וועט זיין דער פוינט דיפערענץ, און עס לוינט נישט פשוט צו צאלן אזויפיל געלט פון פראנאויס פאר בלויז א קליינע רעדוקציע אין די ראטע.

צב"ש:
(ראטע - פוינטס)
5% - 0
4.875% - 25.
4.75% - 625.
4.625% - 1.00
4.5% - 1.5
4.375% - 2.375
4.25% - 3.5

ביי אן אדזשאסטעבל ראטע (ARM) זענען די פוינטס פיל פליסיגער. למשל, לאמיר זאגן אז די ראטע אויף א 5 יאריגע אַרם איז 4.5% (פאר די ערשטע פינף יאר), איז מעגליך אז פאר צוויי פוינטס וועט איר קריגן א דיסקאונט ביז 3.5%, אדער גאר נידריגער.

(איך באטאן נאכאמאל אז דאס איז אלעס בלויז די רוּל אָוו טאָמב בדרך כלל, בלויז צו פארשטיין דעם קאנצעפט. ווען עס קומט להלכה למעשה, מאכט זיכער אויסצושמועסן אלע אפציעס מיט א מארטגעדזש עקספערט.)

מאתים
שר מאה
תגובות: 194
זיך איינגעשריבען אום: מאנטאג נובעמבער 24, 2014 12:19 pm

תגובהדורך מאתים » דינסטאג נובעמבער 06, 2018 12:38 pm

לכבוד הרב פערספעקטיוו, [און מונאוויטש] גאר שיין און ציענד אראפ געלייגט מיט א סענס און הומאר ייש"כ פארן מזכה אידן מיט נוצבארע אינפארמאציע , ווי עס לויטעט ARK סטעיטמענט," פרעגט אייער פראגע בחינם" Ask Ark'
(און נישט פארגעסן א ביקור גומלין..)

אז איך וויל נעמען א מארגעדזש אויף א LLC פאר Real estate דארף איך אויפווייזן מיין פערזענלעכע אינקאם (אויסער א גוטע קרעדיט פארשטייצך) ? אדער די באנק קוקט נאר אריין אויף די פעציפשע אינוועסטמענט אויב ס'עט עס קענען באצאלן, ?_

און אז איך וויל קויפן עטליכע הייזער אויף די אויבענדעמאנטע LLC וועלן זיי נעמען אין באטראכט אלע אנדערע פראפערטיס , אדער נאר אויף די וואס איך ליי די געלט,
און היי אבאוט אז איך מאך עטליכע LLC האט איינס א שייכות מיט די אנדערע?

און אז איך לייג אויף א טראסט קען די טראסטי נעמען א לאון פאר אינוועסטמענט פארן טראסט?
(ווי איך ווייס האבן די בענק נישט ליב צו דילן מיט קיין טראסט'ס )
יש"כ
'ומאתים לנוטרים את פריו'' פי' הרמב"ן שתה"מ יהיה בוודאי מאתים שנה לפני אלף הששי וע"ז אין צריך אפי' להתפלל רק על קודם זה.

אוועטאר
ישוב הדעת
שר האלף
תגובות: 1166
זיך איינגעשריבען אום: זונטאג מארטש 11, 2018 4:34 pm
לאקאציע: רעקליינער

תגובהדורך ישוב הדעת » דינסטאג נובעמבער 06, 2018 1:53 pm

מאתים האט געשריבן:לכבוד הרב פערספעקטיוו, [און מונאוויטש] גאר שיין און ציענד אראפ געלייגט מיט א סענס און הומאר ייש"כ פארן מזכה אידן מיט נוצבארע אינפארמאציע , ווי עס לויטעט ARK סטעיטמענט," פרעגט אייער פראגע בחינם" Ask Ark'
(און נישט פארגעסן א ביקור גומלין..)

אז איך וויל נעמען א מארגעדזש אויף א LLC פאר Real estate דארף איך אויפווייזן מיין פערזענלעכע אינקאם (אויסער א גוטע קרעדיט פארשטייצך) ? אדער די באנק קוקט נאר אריין אויף די פעציפשע אינוועסטמענט אויב ס'עט עס קענען באצאלן, ?_

און אז איך וויל קויפן עטליכע הייזער אויף די אויבענדעמאנטע LLC וועלן זיי נעמען אין באטראכט אלע אנדערע פראפערטיס , אדער נאר אויף די וואס איך ליי די געלט,
און היי אבאוט אז איך מאך עטליכע LLC האט איינס א שייכות מיט די אנדערע?



דו דארפסט א כמו קאמערשעל מארגעדש, ווייניג בענק געבן א פיקסד רעיט פאר דעים, אבער עס איז דא..

אוועטאר
פערספעקטיוו
שר העשר
תגובות: 27
זיך איינגעשריבען אום: מאנטאג פאברואר 20, 2012 8:15 pm
פארבינד זיך:

תגובהדורך פערספעקטיוו » מיטוואך נובעמבער 07, 2018 2:10 pm

מאתים האט געשריבן:לכבוד הרב פערספעקטיוו, [און מונאוויטש] גאר שיין און ציענד אראפ געלייגט מיט א סענס און הומאר ייש"כ פארן מזכה אידן מיט נוצבארע אינפארמאציע , ווי עס לויטעט ARK סטעיטמענט," פרעגט אייער פראגע בחינם" Ask Ark'

בשם מיר און מונאוויטש (זכין לאדם שלא בפניו): יישר כח!

אז איך וויל נעמען א מארגעדזש אויף א LLC פאר Real estate דארף איך אויפווייזן מיין פערזענלעכע אינקאם (אויסער א גוטע קרעדיט פארשטייצך) ? אדער די באנק קוקט נאר אריין אויף די פעציפשע אינוועסטמענט אויב ס'עט עס קענען באצאלן, ?_

@ישוב הדעת האט ריכטיג באמערקט, אז מ'רעדט דא פון א קאמערשאל מארטגעדזש, וואו די מנהגי המקום זענען לחלוטין אנדערש ווי ביי רעזידענשאל. כ'וואלט אבער דרך-אגב'דיג צוגעלייגט, אז ס'איז יא פאראן א מעגליכקייט צו באקומען א רעזידענשאל מארטגעדזש ביי אזא פאל, און כ'וואלט דיר מציע געווען דורכצורעדן די פרטים מיט א מארטגעדזש אדווייזאר.

לגופה של השאלה. דער כלל ביי קאמערשאל מארטגעדזשעס איז, אז די באנק קוקט סך ווייניגער אויפ'ן מענטש און סך מער אויפ'ן פראפערטי גופא. אנדערש ווי ביי רעזידענשאל, וואו די באנק קוקט זייער שטארק אויפ'ן מחותן, איז א קאמערשאל מארטגעדזש מער דומה צו א זיווג שני, וואו דער עיקר איז די מדוברת און די זאך ארום און ארום איז שוין נישט אזוי וויכטיג. די באנק וועט לכאורה וועלן באקוקן דיינע פערזענליכע פינאנצן, אבער דעם עיקר געוויכט וועט זי לייגן אויף דעם הוצאות-הכנסות חשבון פונעם פראפערטי אויף וועלכן דו זוכסט ארויסצונעמען דעם מארטגעדזש. די באנק וועט אויך נישט קוקן אויף אנדערע פראפערטיס און אנדערע LLCס -- מער ווי סתם צו באקומען א בליק אויף דיין היסטאריע און שייכות מיט ריעל עסטעיט האנדלונגען און אינוועסטירונגען.

און אז איך וויל קויפן עטליכע הייזער אויף די אויבענדעמאנטע LLC וועלן זיי נעמען אין באטראכט אלע אנדערע פראפערטיס , אדער נאר אויף די וואס איך ליי די געלט,
און היי אבאוט אז איך מאך עטליכע LLC האט איינס א שייכות מיט די אנדערע?

לייגן מער ווי איין פראפערטי אויפ'ן זעלבן LLC איז נישט די בעסטע זאך. די סיבה אריבערצופירן דאס בעלות פון א פראפערטי פון דיר אלס יחיד צו אן LLC, איז כדי אפצוטיילן דעם הויז פונעם מענטש און זיינע אנדערע פארמעגנס. פארוואס זאלסטו טאן עפעס וואס קען שעדיגן דעם עיקר ציל פונעם LLC? (גירסא דינקתא מורמלט מיר דא אונטער אז מעשה לסתור אז אן עוולה וואס טאר נישט דורכגעלאזט ווערן אן קיין געהעריגער מחאה :shock: ). אויב איז די סיבה פארוואס דו האסט זיי אלע כל-הנערימ'דיג צוזאמגעכאפט אונטער איין LLC ווייל דו ווילסט ארויסנעמען איין גרויסן מארטגעדזש אויף אלע פראפערטיס, איז דא אן עצה, Blanket Mortgage שמו, וואס איז געמאכט ממש פאר אזא פאל: איין שירם-מארטגעדזש אויף מערערע פראפערטיס, וואס באלאנגען צו א צאל באזונדערע LLCס.
איז אזוי. בעצם ארבעט איך ביי Ark Mortgage, נאר נישט אינעם מארטגעדזש סעקטאר. הוראה אין הלכות מארטגעדזש האב איך נישט, אבער אביסל דולה-ומשקה'ן מעג איך דאך. טאמיר ווילט איר טרינקען מער ווי איך בין דולה, קענט זיך זיך ווענדן צו Ask Ark, אויף 888-275-8516.

מאתים
שר מאה
תגובות: 194
זיך איינגעשריבען אום: מאנטאג נובעמבער 24, 2014 12:19 pm

תגובהדורך מאתים » דאנארשטאג נובעמבער 08, 2018 7:00 am

ייש"כ הרב פערספעקטיוו פאר די ענטפערס,
סא לכאו' איז היינו הך ביי א טראסט אז די באנק וועט בעיסן אויף די פאקטישע אינוועסטמענט צו ס'וועט אריינברענגען גענוג געלט צו באצאלן, מיין לויער האט מיר אבער געזאגט אז די בענק גלייכן נישט צו דילן מיט א טראסט, און לויט אים לייגט מען די דיעד אויפן LLC וואס איז געאוינט ביים טראסט, און אז די באנק בעט די operating agreement וועלן זיי דאך אלעס זען? גיי פארשטיי
'ומאתים לנוטרים את פריו'' פי' הרמב"ן שתה"מ יהיה בוודאי מאתים שנה לפני אלף הששי וע"ז אין צריך אפי' להתפלל רק על קודם זה.

אוועטאר
יאצמעך
שר האלפיים
תגובות: 2800
זיך איינגעשריבען אום: מאנטאג אפריל 13, 2015 4:09 pm
לאקאציע: ביים עם הארץ אין מויל

תגובהדורך יאצמעך » דאנארשטאג נובעמבער 08, 2018 9:44 am

מאתים האט געשריבן:ייש"כ הרב פערספעקטיוו פאר די ענטפערס,
סא לכאו' איז היינו הך ביי א טראסט אז די באנק וועט בעיסן אויף די פאקטישע אינוועסטמענט צו ס'וועט אריינברענגען גענוג געלט צו באצאלן, מיין לויער האט מיר אבער געזאגט אז די בענק גלייכן נישט צו דילן מיט א טראסט, און לויט אים לייגט מען די דיעד אויפן LLC וואס איז געאוינט ביים טראסט, און אז די באנק בעט די operating agreement וועלן זיי דאך אלעס זען? גיי פארשטיי

פאר דעם לאזט מען געווענדליך איין פראצענט פון די LLC אויפ'ן פריוואטן נאמען. וכן נוהגים, שטייצעך ס'ווענד זיך וואס דדי ציל פונעם טראסט איז, ואכמ''ל.
ביטע נעמט נישט מיין שווייגן פאר א שתיקה כהודאה.


צוריק צו “ולאחיו יאמר חזק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 7 געסט