מארטגעדש מיט א קא-סיינער

עצות טובות אויפן טעגליכן לעבן

די אחראים: זייער נייגעריג, אחראי, thefact

אוועטאר
יידישע קהילות
שר האלפיים
תגובות: 2509
זיך איינגעשריבען אום: דאנארשטאג אוגוסט 28, 2014 4:03 pm

מארטגעדש מיט א קא-סיינער

תגובהדורך יידישע קהילות » דאנארשטאג מאי 03, 2018 11:39 pm

איז אזא זאך ביי די געווענטליכע בענק אז איינער וואס האט נישט קיין גוטע אינקאם, אבער נישט קיין שלעכטע קרעדיט, זאל קענען באקומען א מארטגעדזש אויף זיין נאמען מיט א קא-סיינער וואס האט גוטע אינקאם?
ביטע ענטפערט מיט אנווייזונגען אדער דא אדער מיט פרטים און טעלפאן נומבערס צו מיר אין אישי.
א דאנק
"כל האומר דבר שמועה מפיהם של צדיקים הם מתפללים עליו וממליצים טובה עליו - ספר חסידים אות רכ"ד
מיין אימעיל: SeforimVelt@gmail.com

איסר האטלקי
שר האלפיים
תגובות: 2243
זיך איינגעשריבען אום: פרייטאג יולי 15, 2016 12:37 am
לאקאציע: אין בעסמענט

תגובהדורך איסר האטלקי » דאנארשטאג מאי 03, 2018 11:47 pm

יא. נארמאלע זאך. עס העלפט נישט קיין סאך געווענליך אויב די קרעדיט איז נישט גוט, אבער אויף צו באקומען בעסערע ראטעס העלפט עס אסאך.
כתיבה וחתימה טובה לכל בית ישראל, שנה טובה מתוקה ונחמדה!
כ"ד המברך הק' איסר דאורייתא, פה אטליה יצ"ו

אוועטאר
יידישע קהילות
שר האלפיים
תגובות: 2509
זיך איינגעשריבען אום: דאנארשטאג אוגוסט 28, 2014 4:03 pm

תגובהדורך יידישע קהילות » פרייטאג מאי 04, 2018 12:14 am

איסר האטלקי האט געשריבן:יא. נארמאלע זאך. עס העלפט נישט קיין סאך געווענליך אויב די קרעדיט איז נישט גוט, אבער אויף צו באקומען בעסערע ראטעס העלפט עס אסאך.

קרעדיט איז גוט, אבער קיין אינקאם!
"כל האומר דבר שמועה מפיהם של צדיקים הם מתפללים עליו וממליצים טובה עליו - ספר חסידים אות רכ"ד
מיין אימעיל: SeforimVelt@gmail.com

אוועטאר
ישוב הדעת
שר האלף
תגובות: 1101
זיך איינגעשריבען אום: זונטאג מארטש 11, 2018 4:34 pm

תגובהדורך ישוב הדעת » פרייטאג מאי 04, 2018 12:15 am

יידישע קהילות האט געשריבן:
איסר האטלקי האט געשריבן:יא. נארמאלע זאך. עס העלפט נישט קיין סאך געווענליך אויב די קרעדיט איז נישט גוט, אבער אויף צו באקומען בעסערע ראטעס העלפט עס אסאך.

קרעדיט איז גוט, אבער קיין אינקאם!

דעמאלטס העלפט עס, מידיעה ברורה

אזוי וויל איך
שר חמש מאות
תגובות: 739
זיך איינגעשריבען אום: מיטוואך מאי 13, 2015 5:55 pm

תגובהדורך אזוי וויל איך » פרייטאג מאי 04, 2018 11:42 am

ישוב הדעת האט געשריבן:
יידישע קהילות האט געשריבן:
איסר האטלקי האט געשריבן:יא. נארמאלע זאך. עס העלפט נישט קיין סאך געווענליך אויב די קרעדיט איז נישט גוט, אבער אויף צו באקומען בעסערע ראטעס העלפט עס אסאך.

קרעדיט איז גוט, אבער קיין אינקאם!

דעמאלטס העלפט עס, מידיעה ברורה

אוועטאר
איד'ל מיטן פידל
שר חמש מאות
תגובות: 730
זיך איינגעשריבען אום: דאנארשטאג מאי 01, 2014 10:14 am
לאקאציע: צווישן די סטרונעס

תגובהדורך איד'ל מיטן פידל » פרייטאג מאי 04, 2018 12:03 pm

ישוב הדעת האט געשריבן:
יידישע קהילות האט געשריבן:
איסר האטלקי האט געשריבן:יא. נארמאלע זאך. עס העלפט נישט קיין סאך געווענליך אויב די קרעדיט איז נישט גוט, אבער אויף צו באקומען בעסערע ראטעס העלפט עס אסאך.

קרעדיט איז גוט, אבער קיין אינקאם!

דעמאלטס העלפט עס, מידיעה ברורה

מחנך ב2018
שר חמישים
תגובות: 70
זיך איינגעשריבען אום: פרייטאג ינואר 26, 2018 12:10 pm

תגובהדורך מחנך ב2018 » פרייטאג מאי 04, 2018 12:51 pm

זיכער דארף מען האבן א גוטע אינקאם און עטוואס קרעדיט, א קא-סיינער איז בעיקר געמאכט פאר יונגעלייט וואס האבן נאכנישט געניג יאר אפיציעל געארבעט און זייער קרעדיט איז געבויט אויף הינערישע פיס נישט האבענדיג כמעט עפעס אויף זייער נאמען, דאן קומט גאר גוט צוניץ א קא-סיינער. אויב אבער מען האט אנגעזעצט די קרעדיט וועט א קא-סיינער זילטש העלפן.

אוועטאר
איד'ל מיטן פידל
שר חמש מאות
תגובות: 730
זיך איינגעשריבען אום: דאנארשטאג מאי 01, 2014 10:14 am
לאקאציע: צווישן די סטרונעס

תגובהדורך איד'ל מיטן פידל » פרייטאג מאי 04, 2018 1:04 pm

מחנך ב2018 האט געשריבן:זיכער דארף מען האבן א גוטע אינקאם און עטוואס קרעדיט, א קא-סיינער איז בעיקר געמאכט פאר יונגעלייט וואס האבן נאכנישט געניג יאר אפיציעל געארבעט און זייער קרעדיט איז געבויט אויף הינערישע פיס נישט האבענדיג כמעט עפעס אויף זייער נאמען, דאן קומט גאר גוט צוניץ א קא-סיינער. אויב אבער מען האט אנגעזעצט די קרעדיט וועט א קא-סיינער זילטש העלפן.

א גוטע קרעדיט און עטוואס אינקאם כצ''ל

אזוי וויל איך
שר חמש מאות
תגובות: 739
זיך איינגעשריבען אום: מיטוואך מאי 13, 2015 5:55 pm

תגובהדורך אזוי וויל איך » זונטאג מאי 06, 2018 4:20 am

מחנך ב2018 האט געשריבן:זיכער דארף מען האבן א גוטע אינקאם און עטוואס קרעדיט, א קא-סיינער איז בעיקר געמאכט פאר יונגעלייט וואס האבן נאכנישט געניג יאר אפיציעל געארבעט און זייער קרעדיט איז געבויט אויף הינערישע פיס נישט האבענדיג כמעט עפעס אויף זייער נאמען, דאן קומט גאר גוט צוניץ א קא-סיינער. אויב אבער מען האט אנגעזעצט די קרעדיט וועט א קא-סיינער זילטש העלפן.

די אינקאם דארף נישט זיין גיט

קראלי
שר העשר
תגובות: 13
זיך איינגעשריבען אום: פרייטאג מארטש 09, 2018 10:43 am

תגובהדורך קראלי » זונטאג מאי 06, 2018 9:17 am

ניין די אינקאם דארף נישט זיין גוט.

אוועטאר
חברותה
שר חמש מאות
תגובות: 711
זיך איינגעשריבען אום: מיטוואך דעצמבער 29, 2010 1:18 pm

תגובהדורך חברותה » זונטאג מאי 06, 2018 11:05 am

איך האב געקלאוזט עטליכע יאר צוריק מיט א קא-סיינער, איך האב געמאכט עטליכע הונדערט דאלער א וואך, אבער קרעדיט האב איך געהאט גאנץ גוט.
די באנק האט גענומען מיין קרעדיט מיט מיין קא-סיינער'ס קרעדיט און געמאכט אן עוורעדזש פון ביידע צוזאמען.

דערנאך איז דא די פעימענטס, ווער באצאלט די מארטגעדזש? אויב די באצאלסט אכטצן מאות א חודש און דיין אינקאם איז ווייניגער שטימט עס נישט, און זיכער נישט פאר פראגראמען.
איך האב טאקע באקומען א רעיס עטליכע חדשים שפעטער אזוי האב איך עס געקענט באצאלן פון מיין באנק אקאונט, (איך האב עס שוין ריפיינענסט אויף מיין נאמען)

משה רויד
אנשי שלומינו
תגובות: 1
זיך איינגעשריבען אום: מיטוואך אוגוסט 10, 2016 5:18 pm

רבית אלערט

תגובהדורך משה רויד » זונטאג מאי 06, 2018 11:31 am

מיין ערשטע תגובה אין אייוועלט, אבער מאך זיכער צו פרעגען א רב וואס קען גוט הלכות רבית איידער איהר טוט אזא זאך.
מיט א נער חתמ׳ט מען נישט, אפילו אויף עשרת הדברות. ממילא גיי איך נישט חתמנ׳ן מיט זיך.

אוועטאר
אַבּערוואַס
שר האלפיים
תגובות: 2105
זיך איינגעשריבען אום: מאנטאג סעפטעמבער 02, 2013 5:13 pm

תגובהדורך אַבּערוואַס » זונטאג מאי 06, 2018 11:33 am

לאמיך א טראפעלע צולייגן וואס אנדערע האבן שוין געזאגט, נאר מיט אנדערע ווערטער;

צו ארויסצוגעבן א מארטגעדזש קוקט די באנק נאך בעיקר צוויי זאכן 1) גוטע קרעדיט וואס האט באמת אויך צוויי חלקים 1. סקאור 2. צייט אפשניט (היסטארי). 2) אינקאם וואס איז גענוג צו קענען דעקן דעם חודש'ליכן מארטגעדזש פעימענט פין 45-50 פראצענט פין די אינקאם-טו-דעבט רעשיאו, דהיינו מ'נעמט אייער טאטעל פארדינסט לאמיר נעמען א משל 5000 דאלער א חודש און מ'רעכנט אראפ אלע אייערע חודש'ליכע לייעבילטי פעימענטס, ווי למשל א קאר-ליעס 300, קרעדיט קארד פעימענטס 250, (די כלל איז מ'רעכנט נאר וואס קומט ארויף אויף אייער קרעדיט ריפארט), בלייבט איבער 4450 נעט אינקאם, פין דעם סכום קענט איר עפפארדן צו באצאלן לאמיר גיין מיט 50% פאר אייער מארטגעדש חודש'ליך, דהיינו 2225 דאלער. און דאס רעכנט שוין אריין אייערע פראפערטי טעקסעס און אינשורענס פאר דעם הויז, דהיינו לאמיר זאגן אז טעקס וועט אייך קאסטן 800 א חודש, אינשורענס 125 (אפי' אויב איר צאלט דאס נישט חודש'ליך, ווערט עס אזוי גערעכנט), קענט איר למעשה נאר צאלן א מארטגעדזש פעימענט פין 1300 טאטעל. וואס לויט די היינטיגע ראטעס (ארום 5.5 פראצענט) מיינט דאס בערך א 230,000 לאון פאר 30 יאר.

יעצט אויב ווילט איר האבן א גרעסערע לאון, קענט איר ברענגען א קא-סיינער וואס טראגט פאקטיש דעם לייעביליטי פינעם חוב אייניג מיט אייך, און אויב ער פארדינט אויך למשל די זעלבע סכום פין אויבן, קענט איר שוין ארויסנעמען 460,000 וכו'.

אויב האט איר גענוג אינקאם אבער נישט גענוג קיין גוטע קרעדיט (ד"ה נישט קיין שלעכטע אויך נישט, נאר פשוט שוואכע היסטאריע בכלל), דענסמאל קענט איר אויך צוברענגען א קא-סיינער וואס האט גאר א גוטע קרעדיט, און דאדורך קריגן דעם לאון.

און איין ווארט, צווישן דעם 'בארראוער' און 'קא-סיינער' דארף זיין אין טאטעל גענוג א גוטע 1) קרעדיט און 2) אינקאם 3) אן קיינע שלעכטע קרעדיט היסטאריע צו קוואליפייען.

קודם א קורצע הקדמה, לאמיר פארשטיין עטליכע נקודות אין די הירארכיע פין א מארטגעדזש, וועט דאס אייך געבן א בעסער'ן בליק פ"וו געוויסע קאפלייענס רעקוויערמענטס זענען וואס זיי זענען;

1) פעני-מעי און פרעדי-מעק;
רוב רובם מארטגעדזשעס ווערן פארקויפט דורכ'ן 'לענדער' נאך גאר א קורצע צייט צו איינע פין די צוויי אויבנדערמאנטע ריזן מחמת כמה סיבות, און דאס איז אפיציעל אזוי, דערום זענען זיי די 'דע-פאקטא' בעה"ב אויף די רעגיולעישענס וואס אנבאלאנגט מארטגעדזשעס ווייל אנדערש וועלן די 'לענדינג בענק' עס נישט קענען פארקויפן צו זיי.

2) פעדעראלע רעגולאציעס;
פארשטייט זיך אז אזוי ווי אין יעדע נושא אנבאלאנגט בענקינג, האט די פעדעראלע גאווערנמענט (FDIC) זייער אייגענע רעגולעישאנס וואס די באנק מוז נאכקומען כדי צו קענען זיין אין ביזנעס.

3) מארטגעדזשעס = אינקאם;
די עיקר אינקאם פאר סיי וועלכע באנק - און בפרט אזוי פאר די בענק וואס ספעשעלייזען בעיקר אין מארטגעדזשעס - איז פשוט געבן פאר מענטשן ווי מער לאונ'ס (און דאס האט כידוע צוגעברענגט די 08' קראך), דערום דארף מען פארשטיין, אז מער ווי די צוויי אויבענדערמאנטע אגענטורן פאר וועמען זיי מוזן בע"כ קאמפלייען, זוכן זיי פונקט ווי אייך צו קענען קלאוזען דעם מארטגעדזש (און אז איר ווילט דוקא א ראי', קוקטס ווי גרינג מ'קריגט א קרעדיט קארד מיט א הויכע ספענדינג פאוער, אנע שום דאקיומענטעישען וכדו' בלויז ווייל דארט זענען נישטא אזעלכע שטרענגע רעגולעישאנס, ודו"ק), און ממילא זענען זיי געוונליך נישט איטערעסירט צו וויסן קיין שום אינפארמאציע וואס זיי מוזן נישט, ודו"ק.

יעצט, לאמיר אויסרעכענען עטליכע ווערטפולע נקודות וואס זענען נוגע ביי א רעזידענשעל מארטגעדזש (א הויז ביז פיר יוניט'ס הייסט רעזידענשעל) אויף פארשידענע אופנים;

1) 3 לאון אמאונט לעוועל'ס;
רעזידענשעל מארטגעדזש לאונ'ס ווערן קאטעגאריזירט אין דריי, און דאס מאכט אויס וויפיל די קרעדיט סקאור דארף זיין און וויפיל אינטערעסט רעיט צו רעכענען, און אזוי אויך געוויסע אנדערע רעסטריקשענס, ווי העכער אלס טייערער /שווערער צו קוואליפייען; 1. לאון אמאונט ביז בערך 452,000 הייסט א 'לאו בעלענס' אדער 'סטענדערד קאנפארמינג' לאון, 2. העכער ווי 452,000 ביז בערך 679,000 הייסט א 'היי בעלענס' אדער 'היי קאנפארמינג' לאון, 3. העכער ווי 679,000 הייסט א 'דזשאמבא'. און ס'איז דא פארשידענע רעגולאציעס סיי מצד די בענק און סיי מצד די רעגירונג באזירט אויף די שטאפלען.

2) אינטערעסט רעיט;
די LTV (לאון_טו-וועליו) רעשיאו קען מאכן א חילוק אין די אינטערעסט רעיט, דהיינו אויב נעמט איר א 75% מארטגעדזש קריגט איר איין ראטע, ווידער אויב נעמט איר 80% איז עס שוין אנדערש, אפגערעדט ביי 90% קען עס מאכן א וועלט א חילוק.

3) PMI, טעקס און אינשורענס 'עסקראו';
ביי א מארטגעדזש פין העכער 80% וועט די באנק פארלאנגען PMI (מארטגעדזש אינשורענס, קאסט לויט א געוויסע פראצענט פינעם טאטעל לאון אמאונט), און אז די טעקס און אינשורענס זאלן ווערן באצאלט חודש'ליך, וואס גייט אריין אין א 'עסקראו' ביי די באנק און זיי צאלן עס ווען ס'קומט די צייט. משא"כ ביי א נידעריגערע LTV קען מען עלעקטן עס אליינס צו צאלן ווען ס'איז דא, וואס ברענגט אראפ די טאטעל וואס מ'מוז צאלן "יעדן חודש".

4) הויכע לאון-טו-וועליו;
אין א פאל וואס מ'דארף צוקומען צו א 90% מארטגעדזש וכדו' לוינט זיך אמאל עס צוצוטיילן, דהיינו נעמען צוויי מארטגעדזש'ס. דער ערשטער נאר ביז 80% LTV, און נאך איינס פאר די איבעריגע 10%, די מעלה איז אז מ'צאלט נאר די העכערע אינטערעסט רעיט און PMI פאר די צווייטע מארטגעדזש, און איינמאל דאס איז אפגעצאלט בלייבט מען נאר מיט א געהעריגע 80% לאון.

5) קא-סיינער;
א קא-סיינער ווי פארשטענדליך ווערט דאך זיין אינקאם גערעכנט משועבד צו דעם מארטגעדזש, דהיינו אויב וויל ער מארגן נאכאמאל ארויסנעמען א לאון וועט אים די לייעביליטי פין זיין קא-סיינינג אראפברענגן זיין נעט אינקאם. און די עצה דערויף איז אז דער אריגינעלער באראוער זאל מאכן אלע פעימענטס אליינס, און ווען דער קא-סיינער קען ווייזען ביים עפלייען פאר א נייע מארטגעדזש אז נאר דער אריגינעלער באראוער צאלט דעם מארטגעדזש פאר די לעצטע 12 חדשים (12 קענסעלד פעימענט טשעקס וואס קומען פינעם באראוער'ס אקאונט), וועט די באנק נישט רעכענען דעם קא-סיינד מארטגעדזש אלס זיין עקספענס.

6) פריימערי רעזידענס;
א פריימערי רעסידענס (ד"ה אז דער וואס קויפט דעם הויז וואוינט אויך דערין) און אפי' א סעקאנדערי רעזידענס מיט געוויסע תנאים, קוואליפייד פאר א בעסער אינטערעסט רעיט, ווי אויך א העכערע LTV ווי א אינוועסטמענט.

7) פראפערטי אינקאם;
אויב האט די פראפערטי א אינקאם, (דהיינו אויב מ'קויפט א הויז נישט פאר אייגענע באנוץ, אדער ס'האט נאך א דירה וואס איז א רענטעל) קען מען רעכענען 75% פין די אינקאם צו אפפ-סעטן די מארטגעדזש, דהיינו למשל די טאטעל מאנאטליכע מארטגעדזש פעימענט איז 3000 און די אינקאם פין די רענטעל איז למשל 1800, רעכנט די באנק 1350 גלייך אנטקעגן די מארטגעדזש, און מ'דארף נאר אויפווייזן אייגענע אינקאם צו קענען צאלן די איבעריגע 1650 (+טעקס און אישורענס פארשטייט זיך), און דאס איז אפי' צו קוואליפייען פאר א אנדערע מארטגעדזש ווערט דאס אזוי דידאקטעד אז ס'זאל נישט הייסן אזא הויכע עקפענס אויפ'ן ערשטן. דאס האט אבער צוויי תנאים; 1. די אינקאם דארף זיין בעיסד אויף 'אפרעיזד וועליו', ד"ה מ'קען נישט בעטן רענט וויפיל מ'וויל און דאס רעכענען אלס אינקאם, נאר ס'מוז שטימען מיט די מארקעט (אן אויסנאם איז אויב די טעקס-ריטוירן ווייזט שוין דעם אינקאם פין פאריאר, וואס קען זיין נוגע איינמאל מ'איז שוין דערין פאר א פרישע מארטגעדזש אדער האו"ם-עקוויטי ליין-אוו-קרעדיט), 2. מ'דארף ווייזן א ליעס פין א טענענט אויף לכה"פ א יאר.

8) FHA לאון;
ווי שוין אויסגעשמועסט און אנאנדערן אשכול, איז דא צו קריגן פעדעראל-גאווערנמענט-אינשורד לאונ'ס א שטייגער ווי ביי ביזנעס א SBA, און דאס קען מען קוואליפייען אפי' מיט גאר נידעריגע 'קרעדיט סקאור' אזוי נידעריג ווי 560, און גאר א קליינע 'דאון-פעימענט' אזוי ווייט ווי 2.5%, די דאונסייד דערפין איז; 1. ס'קאסט טייערער (בערך אזוי ווי יעדע הויכע LTV לאון), 2. ס'האט פארשידענע לימיטעישאנ'ס און רעגולעישאנס וואס אנבאלאנג די פראפערטי וואס מ'וויל קויפן, און נישט אלע 'פארקויפער' זענען גרייט צו דיעל'ן דערמיט, 3. ס'האט א געוויסע לימיט אויף די לאון אמאונט, ווענצעך ווי א געגנט.

9) אינקאם;
כדי אייך צו קענען בארגן מוז די באנק מאכן זיכער אז איר האט א שטאנדהאפטיגע (גענוג הויכע) אינקאם צו קענען באצאלן דעם מארטגעדזש, און כדי דאס צו באווארענען וועלן זיי פארלאנגען 'אינקאם היסטארי' צומאל 'פעי-סטאבס, און צומאל אויך 'טעקס-ריטורנ'ס' פאר א געוויסע תקופה צו מאכן זיכער א ז ס'איז נישט קיין אנגעשטעלטע זאך, אבער ס'איז דא אמאל וואס ס'מאכט סענס אז עמיצער האט לעצטנס אנגעהויבן פארדינען מער, און מ'קען אננעמען אז דאס איז נישט א זאך וואס 'כאשר בא כן ילך', ווי למשל איינער וואס האט נארוואס גארדואירט קאלעדזש און באקומען גלייך א גוט באצאלטע דזשאב, איז אמאל גענוג אזוי ווייניג היסטארי ווי א חודש צוויי צו קוואליפייען, וכדו', ודו"ק.

פארשטייט זיך אז ס'זענען דא כו"כ פרטים און אפי' כללים וואס כ'האב נישט אויסגערעכנט, און קען זיין אז מ'דארף ווען מאכן אן אשכול פאר זיך דערוועגן, אבער אלס א התחלה איז עס זיכער גוט, כ'בין זיכער אז געוויסע פין די פרטים איז נישט באקאנט פאר יעדן, און אדרבה, 'אל תמנע טוב מבעליו' יעדער איז מכובד צוצולייגן און אויסצובעסערן כפי ידיעתו.

______
דיסקלעימער; כ'בין נישט קיין מארטגעדזש בראוקער און כ'גיב נישט קיין לעגאלע עדווייס.
ווארט א מינוט, לאמיך נאכקוקן...

אוועטאר
אַבּערוואַס
שר האלפיים
תגובות: 2105
זיך איינגעשריבען אום: מאנטאג סעפטעמבער 02, 2013 5:13 pm

תגובהדורך אַבּערוואַס » זונטאג מאי 06, 2018 11:41 am

משה רויד האט געשריבן:מיין ערשטע תגובה אין אייוועלט, אבער מאך זיכער צו פרעגען א רב וואס קען גוט הלכות רבית איידער איהר טוט אזא זאך.

ביי א הויז איז אסאך לייכטער (ווייל די באנק האט פאקטיש די הויז אלס משכון, ס'איז דוכט זיך פארהאן עפעס א ש"ך דערויף) און בפרט ווען יענער איז נאר א קא-סיינער, אויך דארף מען מאכן זיכער אז די באנק איז נישט קיין אידישע בעה"ב.

אבער בכלליות איז טאקע ריכטיג און וויכטיג דורכצושמועסן מיט א רב יעדעס מאל וואס מ'קריגט געלט אויף א צווייטנ'ס נאמען/קרעדיט.
ווארט א מינוט, לאמיך נאכקוקן...

אוועטאר
ישוב הדעת
שר האלף
תגובות: 1101
זיך איינגעשריבען אום: זונטאג מארטש 11, 2018 4:34 pm

תגובהדורך ישוב הדעת » זונטאג מאי 06, 2018 12:03 pm

ישר כח אבערוואס!! זייער קלאר!

אוועטאר
איד'ל מיטן פידל
שר חמש מאות
תגובות: 730
זיך איינגעשריבען אום: דאנארשטאג מאי 01, 2014 10:14 am
לאקאציע: צווישן די סטרונעס

תגובהדורך איד'ל מיטן פידל » זונטאג מאי 06, 2018 12:23 pm

ישוב הדעת האט געשריבן:ישר כח אבערוואס!! זייער קלאר!

בנימין
שר חמישים ומאתים
תגובות: 359
זיך איינגעשריבען אום: זונטאג אוקטובער 16, 2011 10:58 am
לאקאציע: ניו יארק

תגובהדורך בנימין » זונטאג מאי 06, 2018 12:32 pm

ישוב הדעת האט געשריבן:ישר כח אבערוואס!! זייער קלאר!
מארקעטינג\ברענדינג עדווייס? פרעגט מיר אין אישי, כ'ענטפער גערן.

אוועטאר
האסט נייעס
שר חמש מאות
תגובות: 619
זיך איינגעשריבען אום: מיטוואך מארטש 30, 2016 11:43 am
לאקאציע: דא... אויב זעהסטו נישט, קוק גוט..

תגובהדורך האסט נייעס » זונטאג מאי 06, 2018 1:00 pm

שכח זייער קלאר!

אוועטאר
אַבּערוואַס
שר האלפיים
תגובות: 2105
זיך איינגעשריבען אום: מאנטאג סעפטעמבער 02, 2013 5:13 pm

תגובהדורך אַבּערוואַס » זונטאג מאי 06, 2018 3:09 pm

המשך..

10) דאון פעימענט;
לאמיר א רגע פארשטיין, אויב דער באנק קוקט סייווי נאך א מענטש'נס פארדינסט און קרעדיט צו מאכן זיכער אז מ'קען דעם מענטש טראסטן אז ער וועט מאכן די פעימענטס, דאן צו וואס פעלט אויס בכלל א 'דאון פעימענט'? זאל די באנק געבן די גאנצע 100% LTV, און מאכן נאך אביסל געלט! סייווי האבן זיי דאך די הויז אלס א משכון, און אבוויעסלי אויב די 'אפרעיזעל' איז אריינגעקומען אז דאס איז די פרייז קענען זיי דאך העכסטנס פארקלאוזן און פארקויפן דאס הויז אויב יענער צאלט נישט, און צוריקמאכן זייער גאנצע געלט?!

נאר דער אמת איז, אז די באנק איז נישט אין די ריעל עסטעיט ביזנעס, און איז נישט אינטערעסירט צו האבן/פארקויפן הייזער, ממילא די רגע וואס זיי דארפן זיין פארנומען מיט פארקלאוזען הויז דערלייגן זיי טעכניש געלט, קודם ביז מ'שלאגט זיך אויס צאלט מען דאך געווענליך נישט, נאכדעם, אויב א הויז שטייט א לאנגע צייט, דארפן זיי דאך צאלן די אינשורענס און מעינטענענס, זאת ועוד, נישט אלעמאל אפי' די 'אפרעיזעל' איז אריינגעקומען אויף א געוויסע סכום מיינט דאס אז דאס בלייבט אזוי, ס'קען געשען אז א שטיק צייט שפעטער איז די הויז מער נישט ווער אזויפיל מחמת כמה סיבות, און בפרט מארטגעדזשעס ווערן ארויסגעגעבן איבעראל, און זיי קענען נישט האבן זייערע אייגענע אגענטן קעיר צו נעמען פין אלעם ביזדערווייל, און דאס ווער ארויסגע'סוב'ט צו גרויסע מענעדזשמענט קאמפאני'ס וואס לאזן זיך באצאלן שיין, און דערפאר טאקע פארקויפט זיך א פארקלאוזשער הויז אזוי ביליג, ווייל די באנק וויל זיך זען ארויס מיט מאקסימום קעש אבער מער פין אלעם אזוי שנעל ווי מעגליך, יעדן טאג וואס זיי זיצן דערמיט איז זיי א וועיסט אוו מאני.

יעצט, אויב וואלט די באנק געגעבן מארטגעדזשעס "נאר" בעיסד אוו קרעדיט און אינקאם, וואלט דאך יעדער געמאכט דעם חשבון, "א שאד צו צאלן רענט, כ'קען דאך קויפן פאר די זעלבע חודש-געלט א אייגנס", איי ווער זאגט אז מ'וועט קענען צאלן די מארטגעדש אלעמאל (פאר 30 יאר געווענליך)? נאר וואס האט מען דען צו דערלייגן? אויב וועט עס נישט געלונגען וועט די באנק פארקלאוזען, אבער דערווייל האב איך א הויז! און העכסטנס וועט מען דעמאלטס גיין דינגען וכדו'... בקיצור דער מענטש וואס קויפט האט נישט קיין עכטע צד הפסד, און ממילא וואלט די באנק אין די לאנג ראן געהאט זייער אסאך שאדן.

כדי דאס צו פארמיידן, האט מען געמאכט דעם געדאנק פין א 'דאון פעימענט', און דאס טוישט דעם גאנצן בילד, ווייל אז א מענטש לייגט אריין זיין אויסגעהארעוועטע געלט, וועט ער האבן אן אייגענע שטארקע אינטערעסע סיי פאר'ן קויפן צו מאכן זיכער אז ס'זעט טאקע אויס ווי מ'גייט קענען באצאלן, און סיי אויב ס'מאכט זיך א שוועריקייט זיך אנשטרענגן צו באצאל, ווייל אז נישט דערלייגט ער אלעס וואס ער האט אריינגעלייגט פין זיין אייגן געלט אויך.

יעצט קומען מיר צו צו נאך א נקודה, ס'איז א וואויל באוואוסטע כלל, אז די 'ריטורן אוו אינוועסטמענט' איז נידעריגער ווי ווייניגער די 'ריסק' איז, יעצט די באנק האט זייער וועג פין קאלקיולעיטן ריסק בעיקר בעיסד אויף וויפיל טשאנס זיי האבן אז דער 'באראוער' וועט זיי נישט אנזעצן, און ממילא ווי העכער די דאון-פעימענט און ווי העכער די קרעדיט אדער ווי ווייניגער יארן די לאון איז אלס א נידעריגערע אינטערעסט רעיט וועט מען קריגן.

די זעלבע זאך אויב רעדט זיך עס פין איינעמ'ס 'פריימערי רעזידענס', איז אויך פארשטענדליך אז א מענטש וועט זיך מער אנשטרענגן צו באצאלן און עס נישט לאזן פאלן, אמער ער וויל דאך נישט פארלירן דעם דאך איבער'ן קאפ, און נאך אזעלכע סיבות, עכ"פ דערפאר, וועט מען פאר א 'פריימערי רעזידענס' קריגן א בעסערע אינטערעסט רעיט, און אפי' ביז א 95% מארטגעדזש, ווס. א 'אינוועסטמענט' וואס די רעיט איז לכתחילה העכער, און געווענליך געבט די באנק נישט מער ווי 75% LTV, און אויב יא איז עס מיט א זייער א הויכע אינטערעסט רעיט.

(אגב, צוליב די אויבנדערמאנטע סיבות קען מען פין א קרעדיט קארד יא קריגן גרעסערע סכומים אן קיינע משכונות, ווייל; 1. די אמאונט וואס זיי בארגן איז נישט 'אזוי' גרויס, 2. זיי פארלאנגען טאקע גאר א גוטע קרעדיט, 3. זיי בעטן ריזיגע אינטערעסט, און אפי' ווען זיי געבן א יאר אומזיסט טוען זיי עס נאר מיט די האפענונג אז איר בלייבט סטאק מיט זיי שפעטער אויך, און דאן וועלן זיי אפמאכן זייער געלט.)

יעצט, כדי דער גאנצער בנין זאל שטימען מוז אבער די 'דאון-פעימענט' זיין פין 'אייער אייגענע געלט', ווייל אויב נישט איז דאך הדרה קושיא לדוכתי' פ"וו זאלט איר נישט אוועקוואקן פין דעם פראפערטי און לאזן אלע אייערע בע"ח הענגן מיט זייער געלט (דהיינו, די באנק "מיט" דער פין וועמען איר האט געבארגט פאר'ן דאון פעימענט?! ווייל פאקטיש האט איר דאך ווייטער נישט אייער געלט אינוועסטירט דא (למחצה לשליש ולרביע).

למעשה אבער ווי געשמועסט, די באנק דארף נאר מאכן זיכער אז די דאון-פעימענט איז אייער'ס וויאזוי דאס איז אייער'ס איז שוין לימיטעד ווי ווייט זיי גייען דאס נאך, ווי למשל אויב באקומט איר א מתנה פין א בלוט-קרוב (דוקא, ווייל סתם א מענטש טיילט נישט קיין געלט פאר אייך..) און יענער שרייבט אונטער א גיפט-לעטטער איז עס אוקעי, ווידער אויב די געלט קומט סתם אזוי ארויס פין אייער באנק אקאונט, און ס'ליגט שוין דארט פאר צוויי ביללינג-סייקל'ס דהיינו ס'דא צוויי באנק סטעיטמענטס וואס ווייזן אז דאס געלט איז דארט געלעגן, זענט איר דאך שוין א מוחזק, און זיי וועלן נישט פרעגן מער, אויסער אויב די 'יעיר-טו-דעיט' וועט נישט שטימען, והיינו אז די ערשטע 3 חדשים פין יאר האט איר נאר געהאט דארט 50,000 און פלוצליג האט איר אריינגעלייגט 250,000, וועט דאך די עווערעדזש בעלענס זיין זייער אףף, וועלן זיי יא בעטן צו זען פין וואו די געלט איז צו אייך אנגעקומען. ווידער אויב ווארט איר נאך 2 ביללינג סייקל'ס וועט די עווערעדזש שוין זיין סאך העכער, און דאן קען ווייטער זיין אז אלעס וועט לכתחילה שטימען, ותן לחכם ויחכם עוד.

אזוי אויך דארף מען נעמען אין אכט, אז ווען מ'רעדט פין דעם סכום וואס די באנק דארף זען פין וואו דאס קומט (אז ס'איז אייער'ס), רעדט מען אויסער די דאון פעימענט אויך פין די 'קלאוזינג קאסטס' וואס קען אליינס באטרעפן א 20-30 טויזנט דאלער, אזוי אויך ווילן זיי זען אז איר בלייבט נאך אין אייער באנק אקאונט מיט גענוג געלט פאר די קומענדיגע עטליכע (כ'מיין 6) חדשים פאר מארטגעדזש פעימענטס + טעקס און אינשורענס.
ווארט א מינוט, לאמיך נאכקוקן...

דניאל בוימענגארטן
שר חמישים ומאתים
תגובות: 428
זיך איינגעשריבען אום: דאנארשטאג ינואר 05, 2017 12:44 pm

תגובהדורך דניאל בוימענגארטן » זונטאג מאי 06, 2018 4:53 pm

שכח הרב אבערוואס!

אוועטאר
כאפצעם
שר שמונת אלפים
תגובות: 8747
זיך איינגעשריבען אום: דאנארשטאג יולי 10, 2014 9:28 am
לאקאציע: לויפט

תגובהדורך כאפצעם » זונטאג מאי 06, 2018 7:08 pm

זייער קלאר, שכח!

אַבּערוואַס האט געשריבן:אזוי אויך ווילן זיי זען אז איר בלייבט נאך אין אייער באנק אקאונט מיט גענוג געלט פאר די קומענדיגע עטליכע (כ'מיין 6) חדשים פאר מארטגעדזש פעימענטס + טעקס און אינשורענס.

דאס איז ביי אינוועסטמענט. ביי פריימערי דארפן זיי כמעט גארנישט
"וואס איר זעהט און הערט איז נישט וואס פאסירט" (טראמפ - יולי 2018)

אוועטאר
אַבּערוואַס
שר האלפיים
תגובות: 2105
זיך איינגעשריבען אום: מאנטאג סעפטעמבער 02, 2013 5:13 pm

תגובהדורך אַבּערוואַס » זונטאג מאי 06, 2018 7:18 pm

כאפצעם האט געשריבן:זייער קלאר, שכח!

אַבּערוואַס האט געשריבן:אזוי אויך ווילן זיי זען אז איר בלייבט נאך אין אייער באנק אקאונט מיט גענוג געלט פאר די קומענדיגע עטליכע (כ'מיין 6) חדשים פאר מארטגעדזש פעימענטס + טעקס און אינשורענס.

דאס איז ביי אינוועסטמענט. ביי פריימערי דארפן זיי כמעט גארנישט

קאררעקט, פארגעסן דאס אנצוצייכענען. שכח!
ווארט א מינוט, לאמיך נאכקוקן...

אוועטאר
צולייגער
שר האלף
תגובות: 1710
זיך איינגעשריבען אום: מיטוואך אוגוסט 04, 2010 11:08 am
לאקאציע: איבערגעלייגט

תגובהדורך צולייגער » זונטאג מאי 06, 2018 7:51 pm

כאפצעם האט געשריבן:זייער קלאר, שכח!

אַבּערוואַס האט געשריבן:אזוי אויך ווילן זיי זען אז איר בלייבט נאך אין אייער באנק אקאונט מיט גענוג געלט פאר די קומענדיגע עטליכע (כ'מיין 6) חדשים פאר מארטגעדזש פעימענטס + טעקס און אינשורענס.

דאס איז ביי אינוועסטמענט. ביי פריימערי דארפן זיי כמעט גארנישט

אינטערסאנט, מיין מארגעדזש בראקער האט גע'טענה'ט אז כ'ברויך עס יא האבן.

ווענגלייך א אינשורענס פאליסי (האול לייף) איז אויך גוט פאר דעם, זינט עס איז דאך נאר על כל צרה שלא תבוא.
לאמיר עס צולייגן, שטאטעלעך... איינס ביי איינס...

אוועטאר
צולייגער
שר האלף
תגובות: 1710
זיך איינגעשריבען אום: מיטוואך אוגוסט 04, 2010 11:08 am
לאקאציע: איבערגעלייגט

תגובהדורך צולייגער » זונטאג מאי 06, 2018 7:53 pm

אויש כ'פארגעסן, א גרויסן דאנק מר. אבערוואס, קילורין לעיניים.
לאמיר עס צולייגן, שטאטעלעך... איינס ביי איינס...

בשבילי נברא
שר האלף
תגובות: 1449
זיך איינגעשריבען אום: מאנטאג ינואר 18, 2010 10:53 am

תגובהדורך בשבילי נברא » זונטאג מאי 06, 2018 8:21 pm

יישר כח פארן שרייבן אזוי שיין און קלאר.


צוריק צו “ולאחיו יאמר חזק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 10 געסט