הילף אין שלום בית

עצות טובות אויפן טעגליכן לעבן

די אחראים: זייער נייגעריג, אחראי, thefact

ליבע איד
שר העשר
תגובות: 31
זיך איינגעשריבען אום: מוצ"ש יוני 17, 2017 11:01 pm

הילף אין שלום בית

תגובהדורך ליבע איד » פרייטאג אוגוסט 18, 2017 10:37 am

בסייעתא דשמיא וויל איך גרינדען אן אשכול וואס וועט זיין געווידמעט אויף שלום בית.

אזויפיל מענטשן מוטשענען זיך מיט שלום בית. אזויפיל מענטשן דרייען זיך ארום אנע קאפ אנע מח אנע הארץ, נישט וואוסענדיג וואס איז נעקסט, דא ענדיגט זיך עס? דא פאנגט זיך אן? פון דעם רעדט מען? האב איך דען דאס געוואלט?

פון די שענסטע און בעסטע פון אונז (שששש.... איך אויך, זאג נישט פאר קיינעם) מוטשענען זיך מיט שלום בית. עס איז נישט קיין גרינגע זאך, בכלל נישט גרינג. די מעשיות פאנטאזיעס, משלים און חלומות זענען אלעס שטותים און הבלים. אין אמתע ריאליטעיט איז דאס א שווערע זאך צו עררייכן. עס פאדערט טאג טעגליך צו ארבעטן דערויף. עס קען אונטער קומען פלוצלונג מצבים אומגעראכטן, און טאמער מען האט געמיינט אז ׳שלום׳ עלי נפשי איך האב שוין שלום בית, ווערט מען געוואויר אז מען איז נאך נישט ביים שפיץ.

און האט נישט קיין טעות! די מענטשן פון וועם איך רעד דא זענען סוקסעספול, פאפולער, און נארמאלע מענטשן. דו וואלסט געהאלטן טויזענט פראצענט אז דער האט עפעס אן אויסערגעווענליכע שלום בית.. אין הארצן ביסטו אים אפילו מקנא.... (לאך נישט..)

צוליב פארשידענע סיבות רעדט מען נישט גענונג פון דעם נושא ביי אונז. עס איז ווייטאגליך ווייל אזויפיל מענטשן שפירן אז זיי זענען עפעס ׳נישט פון די נארמאלע׳ און דעריבער איז פאר זיי שלום בית נישט קיין גרינגע ארטיקל. און באמת האט יעדער איינער א גוטע שלום בית...

עס איז א ווייטאג.

דעריבער האב איך געשפירט אז עס איז שוין העכסט צייט צו גרינדען אן אשכול געווידמעט בלויז אויף דעם.

די אשכול איז פאר אמתע עקספיריענס פון מענטשן וואס זענען דאס אדורך, אדער גייען דאס אדורך. איש את רעהו יעזורו ולאחיו יאמר חזק. זאל יעדער פרעגן זיינע שאלות. אבער ביטע נישט אדורכגיין די ליניעס פון צניעות.

און אצינד איידער מיר הייבן אן וואלט איך געוואלט אז דער עולם זאל אריינקומען און געבן זייער מיינונג איבער אזא סארט אשכול. ביטע רופט אייך אן ווארעם.

ליבע איד
שר העשר
תגובות: 31
זיך איינגעשריבען אום: מוצ"ש יוני 17, 2017 11:01 pm

א שאלה

תגובהדורך ליבע איד » פרייטאג אוגוסט 18, 2017 10:45 am

וויאזוי זאל איך רעאגירן ווען מיין בני בית ווערט אנגעצויגען און איז נערוועז? איך בין ממש צופאלן, איך ווער זייער פארלוירען און צובראכן. מיין טאג אין נישט קיין טאג.

ביטע ענטפערט. אפילו נאר איין שורה איז גענונג.

אוועטאר
עין טובה
שר שלשת אלפים
תגובות: 3801
זיך איינגעשריבען אום: דאנארשטאג נובעמבער 27, 2014 9:46 pm
לאקאציע: 127.0.0.1
פארבינד זיך:

תגובהדורך עין טובה » פרייטאג אוגוסט 18, 2017 11:06 am

קודם, שלום עליכם אייך.

ליבע איד האט געשריבן:צוליב פארשידענע סיבות רעדט מען נישט גענונג פון דעם נושא ביי אונז

ביי אונז אין קרעטשמע רעדט מען אויך נישט גענוג דערפון... אפשר האט עס א סיבה?
איבער דיין שווערע שאלה וואס דו האסט געפרעגט, דאס דארף א געהעריגע מומחה אפשאצן, ס'איז נישטא קיין ענטפער וואס וועט פארענטפערן די שאלה פאר יעדעם וואס האט די פראבלעם, יעדע פאל איז א פאל פאר זוך.

כללו של דבר; פרוביר צו זעהן "פארוואס". ווערן נערוועז איז זייער א כלליות'דיגע זאך און ס'קען זיין פילצאליגע גורמים.

הצלחה אויף דיין וועג.

נב קיין שלום בית מומחים דרייען זיך נישטא, כפי מטיב ידיעתי
...

בא שבת בא מנוחה
שר חמישים ומאתים
תגובות: 451
זיך איינגעשריבען אום: זונטאג נובעמבער 20, 2016 7:18 pm

תגובהדורך בא שבת בא מנוחה » פרייטאג אוגוסט 18, 2017 11:06 am

ליבע איד האט געשריבן:וויאזוי זאל איך רעאגירן ווען מיין בני בית ווערט אנגעצויגען און איז נערוועז? איך בין ממש צופאלן, איך ווער זייער פארלוירען און צובראכן. מיין טאג אין נישט קיין טאג.

ביטע ענטפערט. אפילו נאר איין שורה איז גענונג.

די זעלבע וועג וויאזוי די וואלסט רעאגירט אויב דיין קינד איז אנגעצויגען/נערוועז... זיי העכער לאז עס נישט דיך אפעקטירן.. אין אויך פארגעס נישט אז די ביסט די משפיע, סאו שטארק דיך אין זיי משפיע א רואיגקייט אין א ציפרידענהייט עט זי זיך ציביסלעך טוישען...

abr
שר מאה
תגובות: 240
זיך איינגעשריבען אום: זונטאג דעצמבער 22, 2013 8:25 pm

תגובהדורך abr » פרייטאג אוגוסט 18, 2017 11:07 am

ווער זאגט אז די דארפסט ראגירען אויף די מינוט ?
נאמבער איינס. זאג צו דיר און הארץ איך נעם אן די מצב יעצט אזוי ווי עס איז .
איך except אז איך בין יעצט און אזא מצב.

זכאי
שר חמישים ומאתים
תגובות: 343
זיך איינגעשריבען אום: זונטאג דעצמבער 14, 2014 5:00 pm

תגובהדורך זכאי » פרייטאג אוגוסט 18, 2017 11:13 am

במקום שאין איש העל איך נעמען דאס ווארט.
זייער אסאך מאכן א גרויס טעות ווען עס קומט צו אזא מצב אז די פרוי איז נערוועז. מיר מענער ווילן געווענדליך פרייוועסי ווען מיר זענען אנגעצויגן און אך און וויי אויב איינער נערווירט אונז דאן. דאס איז אבער נישט אזוי ביי פרויען זיי דארפן דיירעקט סופורט ווען זיי זענען נערוועז און ספעציעל פון זייער חשובע מאן.
איז די ערשטע זאך איז אנצוקוקען די מצב פון איר פערספעקטיוו פשוט טראכטן א מינוט פון איר, ווי אזוי און פארוואס זי איז יעצט נערוועז. נאכדעם דארפסטו נישט טוען צי פיהל, דו דארפסט איר נאר מאכן שפירן אז די פארשטייסט איר. זי דארף נישט קיין חיזוק ווערטער אדער איך ווייס וואס פשוט און גראד איר זאגען ״חני איך פארשטיי דיר אזוי גוט עס איז זיכער געווען א שווערע טאג היינט מיט די קינדער אמת? אפשר פארציילסטו מיר מער פון דיין טאג היינט....״

אסאך הצלחה און סייתא דשמיא

ממש אזוי
שר האלף
תגובות: 1554
זיך איינגעשריבען אום: זונטאג מארטש 19, 2017 6:58 pm

תגובהדורך ממש אזוי » פרייטאג אוגוסט 18, 2017 11:54 am

ליבע איד, שכוח פארן ארויפברענגן אזא וויכטיגע נושא אויפן טיש, דער אייבישטער זאל העלפן עס זאל קיינמאל נישט אראפגיין פון טיש, ווייל מיר אלע קענען דאס נוצן. יעצט בנוגע דיין שאלה, האב איך אמאל געהערט פון ר' יום טוב גלעזער, זאגט ער אז בכלליות ווען א פרוי ווערט נערוועז און אנגעצויגן און זי האט מלא טענות וויל זי דיך טעסטן, דאס הייסט זי פרובירט דיר אויס, פארשטייט זיך סוב קאנשעס, אבער זי פרובירט אויס צו זען אויב דו וועסט איר אקצעפטירן אזויווי זי איז מיט אירע מודס און געפילן.

לעניית דעתי קומט דיין צובראכענקייט פון עטליכע טעותים. (איך בין נישט הונדערט פראצענט זיכער ווייל איך ווייסט נישט פונקטליך די מצב אבער איך בין משער)

1. דו פארשטייסט נישט וואס עס ליגט אונטער די אנגעצויגענקייט
2. דו רעאגירסט נישט מיט א פאסיגע רעאקציע

אונטער די אנגצויגענקייט ליגט א פשוטע אידישע מאמע, וואס איז זייער איבערגעמוטשעט מיט איר אנגעפילטן טאג, און כאטש וואס דו האסט אויך א פולער טאג און דו טוסט ביזנעס אדער דו לערנסט פלייסיג, האט זי אויך איינס!!! און זי דארף האבן די רואיגיייקט זיך צו קענען געבן א צולאז אויפן מאן... ווייל פון דיר איז די איינציגע ארט וואס זי קען געניסן פון חיזוק און סופארט. סאו, איידער דו ווערסט צופאלן, שטעל זיך אפ איין מינוט און טראכט אריין, וואס וויל זי???? און וויכטיג איז אויך אז דו זאלסט וויסן אז דו דארפסט גארנישט ענפערן אויפן פלאץ נאר פיל מיט מיט איר, און געב איר די געפיל אז זי ווערט אויסגעהערט. דערנאך גיי אריין אין א שטוב און כאפ עטליכע טיפע אטעמעס און טראכט אריין אין וואס איך האב דא אויבן געשריבן, נעמליך אז דאס וואס זי איז יעצט אנגעצויגן און זי שרייט קומט ווייל אזוי קוקט אויס א מאשין וואס ווערט איבערגעשטרענגט און האט נישט מער קיין געז!

עס גלייבט זיך זייער שווער אז אויב דו וועסט דאס טוהן וועט זי זיך נישט בארואיגן. מענה רך ישיב חימה זאגט שלמה המלך. על פי דרך הטבע ווערט א מענטש בארואיגט למחצה לשליש ולרביע ווען דער אנדערער ענטפערט מיט א רואיגקייט און ווערט נישט אריינגעכאפט אין די כעס.

צוקלאפט ווערן מיינט אז דו קוקסט דאס אן ווי א פערזענליכע פארשעמונג ווי זי האט דיך נישט ליב. איך בין רוב זיכער אז דאס איז נישט אזוי. פארקערט טאמער וואלט זי דיך נישט ליב געהאט וואלט זי נישט געשריגן אויף דיר!! טראכט אריין דערין.

אדרבה זי האט דיך ליב און וועגן דעם וויל זי דיין אטענטשען!! זי וויל דו זאלסט איר זאגן. איך פארשטיי דיר. דו ביסט אזוי איבערגעשטרענגט. אז דו וועסט איר געבן דאס וועט זי דיר ארויפקוקן און מחשיב זיין נאכמער וויל אלעס אין די וועלט. בדוק ומנוסה.
דערפרישט אייך מיט אן אויסוואל פון איבער 500 אינספערעישענעל quotes! ווערט אפדעיטעד טעגליך.
http://www.ivelt.com/forum/viewtopic.php?f=25&t=36292

אוועטאר
דניאל אויערבאך
שר חמש מאות
תגובות: 837
זיך איינגעשריבען אום: זונטאג ינואר 08, 2017 4:31 pm

תגובהדורך דניאל אויערבאך » פרייטאג אוגוסט 18, 2017 12:02 pm

ממש אזוי (יד"נ) טאקע ממש אזוי!
א קליגע איד האט מיר דאס אמאל געזאגט ווען כהאב גערעדט צו אים בנוגע אזא מעשה וז'ל
"זי שרייט צו דיר, נישט אויף דיר"

אוועטאר
דניאל אויערבאך
שר חמש מאות
תגובות: 837
זיך איינגעשריבען אום: זונטאג ינואר 08, 2017 4:31 pm

תגובהדורך דניאל אויערבאך » פרייטאג אוגוסט 18, 2017 12:02 pm

דניאל אויערבאך האט געשריבן:ממש אזוי (יד"נ) טאקע ממש אזוי!
א קליגע איד האט מיר דאס אמאל געזאגט ווען כהאב גערעדט צו אים בנוגע אזא מעשה וז'ל
"זי שרייט צו דיר, נישט אויף דיר"

פינקט ווי ווען דו רעדסט זיך אפ צו דיין רב, דו שרייסט נישט אויף אים נאר דו רעדסט זיך אויס

ליבע איד
שר העשר
תגובות: 31
זיך איינגעשריבען אום: מוצ"ש יוני 17, 2017 11:01 pm

תגובהדורך ליבע איד » פרייטאג אוגוסט 18, 2017 12:22 pm

שכח פאר אלעמען. עס קומט לכאורה אויס פון אלע תגובות, אז דו איינציגע זאך וואס איז פאסיג און גוט פאר דעם מצב איז זיך האלטן רואיג און פרובירן צו אויסהערן וואס זי וויל אונטער די noise וואס זי מאכט.

חיים אלכסנדר
שר מאה
תגובות: 105
זיך איינגעשריבען אום: זונטאג אוגוסט 13, 2017 7:11 pm

תגובהדורך חיים אלכסנדר » פרייטאג אוגוסט 18, 2017 12:29 pm

איך האף אז פרויען ליינען נישט די שורות. (אויב יא, אנטשולדיגט, אויף ענקער אייגענע אחריות).

צוליב סיבות האב איך אמאל געמוזט נעמען א קוירס אין "קלערדזשי סופארט פאר דאמעסטיק ווייעלענס" (גייסטליכע הילף פאר שלום בית פראבלעמען).

דער רעדנער, א PhD, האט דארט ג'דרש'נט אז ווען א פרוי קומט אריין צו דיר וויינען ווי שלעכט איר מאן איז און וויפיל זי ליידט צוזאם וכו', זאל מען אייביג איר ענטפערן א "פאורפול מעדזשיק 3-ווארט סטעיטמענט".

- "איך גלייב דיר"

אויף מיין שאלה, וויאזוי קען איך דאס זאגן פאר איך הער ביידע צדדים, און וואס הייסט איך גלייב דיר, וואס גלייב איך?

האט ער מסביר געווען אז עס איך בכלל נישט רעלעווענט וואס זי זאגט און וויפיל אמת עס ליגט דערין, און אוודאי זאלסטו איר נישט גלייבן קיין איין ווארט. "דו ביסט דא איר מחזק צו זיין, און דאס איז וואס זי וויל הערן!"...

זי וויל מען זאל איר ווייזען טראסט און סימפאטיע.

ע"כ.

ר' יום טוב
שר האלף
תגובות: 1303
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » פרייטאג אוגוסט 18, 2017 12:54 pm

ווען א פרוי רעדט זיך אפ אז עפעס טוט איר וכדו', גיב נישט קיין עצות. זאג נישט קענסט נעמען טיילענאל א.ד.ג. ווי אויך ווען זי רעדט זיך אפ אויף עמיצן אדער עפעס, ערווארט זי נישט אז איר מאן זאל איר ארויסהעלפן דערוועגן. זי קען זיך אליין אן עצה געבן, זי דארף בלויז סימפאטיע און מיטגעפיל.
הק' יום טוב חדב"ן הרה"ג קלונימוס אבימלך הלוי טייטלבוים שליט"א דומ"ץ דק"ק שעלפענעפיץ והגלילות ומלפנים אב"ד קראמפלארנא יצ"ו.

אוועטאר
Kosher Travel
שר האלף
תגובות: 1823
זיך איינגעשריבען אום: מיטוואך מארטש 30, 2016 7:40 pm
לאקאציע: Yehupesville
פארבינד זיך:

תגובהדורך Kosher Travel » פרייטאג אוגוסט 18, 2017 1:16 pm

די חבירים האבן שוין דא געשריבן זייער גיטע זאכן. אויב איך מעג אביסל מוסף זיין:

מען דארף געדענקן אז בכלל, א פרוי איז נישט די זעלבע מין ווי א מאן. א פרוי האט געפילן. א מאן איז פראקטיש. ממילא זעה איין אז דיין פרוי "טראכט אנדערשט". יעצט ווער זאגט אז די ביסט גערעכט מיט דיין הילוך המחשבה, אפשר איז זי? די תירוץ איז אז ביידע זענען גערעכט.

א פרוי דארף מען כסדר ארויסזאגן ווי שטארק מען האט איהר ליעב. ניין, אז דו זאגטס נישט, ווייסט זי נישט. אפילו אויב די ביסט א גיטע מאן און די ברענגסט כסדר געלט. ניין, מיין דארף נישט זאגן מיט גוי-אישע לשונות. אבער מען דארף יא זאגן. מכבדה יותר מגופו. זי האט שווער געארבייט צו מאכן סאפער. זאג ארויס מיטן מויל בפה מלא: איך בין דיר מכיר טובה פאר די גיטע סאפער. איך ווייס אז עס איז נישט אהנגעקומען גרינג ווייל עס איז דא פיצלעך קינדער.
Oh... and by the way, dinner was delicious

מען מעג מחולק זיין! אויב א מאן (אדער פרוי) זאגט אז זיי קריגן זיך קיינמאהל נישט, דאן איז איינער אדער א pushover אדער די צווייטער אן abuser. נאר... מיט רעספעקט. מען טאר "קיינמאהל" (נאכאמאהל און נאכאמאהל, קיינמאהל, קיינמאהל) נישט אטאקירן די "גברא", נאר די issue.
איך האלט מען זאל נישט די וואך קויפן טעפ פאר פסח ווייל די מארטגעדז איז נאכנישט באצאהלט. אבער קיינמאהל נישט זאגן "דו ביסט financial clueless.

מען "מוז" מאכן צייט כאטשיג איינמאהל א וואך פאר Totty-Mommy צייט.

מען מוז איינהאלטען א הלכות פון די כתובה. קויפן קליידער און jewelry כפי השגות ידו.

דערנאך דארף מען פשוט געדענקען אז א מצווה קומט נישט אייביג אהן גרינג. שלום בית איז א מצווה.
מנין, כשר עסען, כשר האטעלס Worldwide Jewish and Kosher Directory
http://www.KosherTravelInfo.com

~~~~~~~~~~~~~
ביטע אנטשולדיגען, אונזער מאנסי, ניו יארק אידישע דירעקטארי שלאפט איצט. אפשר וועט ער זיך אויפוועקען אסאך בעסער ווי פריער. אפשר נישט.

אוועטאר
חושב מחשבות...
שר האלפיים
תגובות: 2097
זיך איינגעשריבען אום: מיטוואך מארטש 16, 2016 9:25 pm
לאקאציע: בין שמים לארץ

תגובהדורך חושב מחשבות... » פרייטאג אוגוסט 18, 2017 2:08 pm

דניאל אויערבאך האט געשריבן:ממש אזוי (יד"נ) טאקע ממש אזוי!
א קליגע איד האט מיר דאס אמאל געזאגט ווען כהאב גערעדט צו אים בנוגע אזא מעשה וז'ל
"זי שרייט צו דיר, נישט אויף דיר"

;l;p-
יסוד החסידות: קודם זיי א "חסיד" פון דיר אליינס, גלייב אין דיינע כוחות!

שלוה
שר חמישים
תגובות: 70
זיך איינגעשריבען אום: זונטאג אוגוסט 07, 2016 2:01 am

תגובהדורך שלוה » פרייטאג אוגוסט 18, 2017 2:39 pm

אין קורצען, פראבירט זיך צו מקשר זיין מיט אייער בני בית מיט די חלק פין איר וואס וויל זיך נישט אויפפירען נערוועז. ווי שווער ס'איז פאר אייך אז זי ווערט נערוועז איז דאס פאר איר פיל שווערער.

ניצט דאס אויס אלס א זאך וואס זאל אייך ברענגען נענטער איינער צום אנדערען. לאזט נישט אז א אויפירונג זאל אייך מרחק זיין איינער פין די אנדערע.

ממש אזוי
שר האלף
תגובות: 1554
זיך איינגעשריבען אום: זונטאג מארטש 19, 2017 6:58 pm

תגובהדורך ממש אזוי » פרייטאג אוגוסט 18, 2017 2:57 pm

שלוה האט געשריבן:אין קורצען, פראבירט זיך צו מקשר זיין מיט אייער בני בית מיט די חלק פין איר וואס וויל זיך נישט אויפפירען נערוועז. ווי שווער ס'איז פאר אייך אז זי ווערט נערוועז איז דאס פאר איר פיל שווערער.

ניצט דאס אויס אלס א זאך וואס זאל אייך ברענגען נענטער איינער צום אנדערען. לאזט נישט אז א אויפירונג זאל אייך מרחק זיין איינער פין די אנדערע.


זייער גוטע פוינט
דערפרישט אייך מיט אן אויסוואל פון איבער 500 אינספערעישענעל quotes! ווערט אפדעיטעד טעגליך.
http://www.ivelt.com/forum/viewtopic.php?f=25&t=36292

ליבע איד
שר העשר
תגובות: 31
זיך איינגעשריבען אום: מוצ"ש יוני 17, 2017 11:01 pm

וואס האלט איר?

תגובהדורך ליבע איד » פרייטאג אוגוסט 18, 2017 4:26 pm

וואס איז די חילוק צווישן א פריינדשאפט צווישן צוויי חברים און שלום בית? מיין שאלה איז פארוואס קריגן זיך פארפעלקער ארום, בשעת ווען מיט זייערע פריינט זענען זיי אמבעסטן.

ענטפערט ביטע, לאמיר זיך אויסשמועסן אינאיינעם. ברענגט ארויס וואס איר האלט אויף דעם ענין.

אוועטאר
יאסעלע
שר האלף
תגובות: 1090
זיך איינגעשריבען אום: פרייטאג פאברואר 24, 2017 2:50 pm

תגובהדורך יאסעלע » פרייטאג אוגוסט 18, 2017 4:34 pm

איך בין מסופק צו דו פרעגסט ווייל דו ווילסט וויסן, אדער ווייסעכוואס אנדערש...

בנוגע דיין שאלה, איז די תירוץ אז א פרוי האט אנדערע נאטורן ווי מענער, זיי זענען מער סענסעטיוו, זיי דארפן פיל מער אנערקענונג און א גוט ווארט, בפרט פון די מאן, און זיי פארשטייען נישט קיין רמזים, און אין געוויסע פעלער וועלן זיי אויסטייטשן סטעיטמענט'ס פאר שטעכונגען אדער באליידיגונגען וואס וועט ברענגען צו נערוועזיקייט, אז אפשר האלט נישט מיין מאן פון מיר.

אגב, לייען מיין אישי ביטע.
כלל גדול: אז ס'טוט וויי שרייט מען. און אז נישט איז מען רואיג. אייגנס
יאסעלע'ס פריוואטער אשכול

ליבע איד
שר העשר
תגובות: 31
זיך איינגעשריבען אום: מוצ"ש יוני 17, 2017 11:01 pm

תגובהדורך ליבע איד » פרייטאג אוגוסט 18, 2017 5:08 pm

יאסעלע האט געשריבן:איך בין מסופק צו דו פרעגסט ווייל דו ווילסט וויסן, אדער ווייסעכוואס אנדערש...

בנוגע דיין שאלה, איז די תירוץ אז א פרוי האט אנדערע נאטורן ווי מענער, זיי זענען מער סענסעטיוו, זיי דארפן פיל מער אנערקענונג און א גוט ווארט, בפרט פון די מאן, און זיי פארשטייען נישט קיין רמזים, און אין געוויסע פעלער וועלן זיי אויסטייטשן סטעיטמענט'ס פאר שטעכונגען אדער באליידיגונגען וואס וועט ברענגען צו נערוועזיקייט, אז אפשר האלט נישט מיין מאן פון מיר.

אגב, לייען מיין אישי ביטע.



בנוגע דיין אומקלארקייט פון מיינע מאטיווען, ר׳ יאסעלע, לאמיך דיר זאגן. און איך מיין אז אויב דער עולם וועט זיך אויסשמועסן צוזאמען, דער מיט אן עצה, דער מיט אן אנאליז, דער מיט א געדאנק וועלן מיר קענען צוזאמען וואקסען. מיינע פראגן זענען עכטע פראגן וואס איך האב אבער אויך אזעלכע וואס נאך אנדערע האבן און שעמען זיך צו פרעגן. אויך פרעג איך שאלות וואס איך שפיר וועט ברענגען עווערנעס.

אוועטאר
אלי' מקוה יוד
שר האלף
תגובות: 1586
זיך איינגעשריבען אום: דאנארשטאג מאי 18, 2017 11:52 pm

תגובהדורך אלי' מקוה יוד » פרייטאג אוגוסט 18, 2017 6:31 pm

קען איך אייך מיט עפעס בייהילפיג זיין? פילט אייך פריי מיר צו קאנטאקטן אויף הענגאוטס elyemikva@gmail.com, כ'וועל פרובירן דאס בעסטע.

רופא נפשות
שר מאה
תגובות: 177
זיך איינגעשריבען אום: מאנטאג מאי 23, 2016 2:33 pm

תגובהדורך רופא נפשות » פרייטאג אוגוסט 18, 2017 6:35 pm

אלעס פיין און וואויל, די פרוי איז א אנדערע מין פונעם מאן, דער מאן דארף יורד זיין לסוף דעתה, כאטש וואס זי זאגט עס נישט. מען דארף ווערן א נביא עדיף מחכם קודם צו ״כאפן״ וואס זי וויל, און נאכדעם דארף מען עס ״צושטעלן״. שיין. אבער אפשר זאל די פרוי זיך אריינלייגן און כאפן אז דער מאן אז א אנדערע מין פון די פרוי און ווען ער רעדט מיינט ער יא וואס ער רעדט, און עס ליגט נישט קיין באהאלטענע חשבונות אונטער יעדע זאך, און אז לויט זיין טבע וועט ער נאטירליך נישט כאפן וואס איר באדערט פון זיי שרייט ״אויף״ אים, כאטש וואס בעצם מיינט זי צו שרייען ״צו״ אים, וכו׳.

בקיצור, די נייע מהלך אין שלום בית איז אז דער מאן דארף אוועקגעבן זעקס שעה א טאג צו שטודירן וואס זיין אידענע שמעקט יעצט, און מען דארף כסדר ״כאפן״ וואס עס ליגט אונטער די קוועטשערייען. און מען דארף איר פארשטיין. ומי שלא עשה את כל כנ״ל דמו בראשו. איי אפשר פארקערט? אפשר זאל זי פארשטיין אז דער מאן איז אנדערש און רעדן ווי א מענטש?

יא אבער פרויען זענען ״בטבע״ בלא בלא בלא..

אוועטאר
חברותה
שר חמש מאות
תגובות: 756
זיך איינגעשריבען אום: מיטוואך דעצמבער 29, 2010 1:18 pm

תגובהדורך חברותה » פרייטאג אוגוסט 18, 2017 6:37 pm

ליבע איד האט געשריבן:וואס איז די חילוק צווישן א פריינדשאפט צווישן צוויי חברים און שלום בית? מיין שאלה איז פארוואס קריגן זיך פארפעלקער ארום, בשעת ווען מיט זייערע פריינט זענען זיי אמבעסטן.

ענטפערט ביטע, לאמיר זיך אויסשמועסן אינאיינעם. ברענגט ארויס וואס איר האלט אויף דעם ענין.


עס איז דא מערערע חילוקים, איין פשוט'ע חילוק איז אז ביי א חבר ביזסטו נישט אראפגעבינדן. דהיינו אז די ביזט נישט אין די גיסטע יעצט, קענסטו אוועקגיין און אפילו גיין יעצט שמועסן מיט א צווייטן. ביי א ווייב ביזסטו אראפגעבינדן, די מוזט איר טרעפן און שמועסן יעדן טאג צו די ביזט יא אין די גיסטע צו די ביזט נישט. אויב די ענטפערסט איר נישט אירע קשיות וועט זי אנהייבן צו בלאזן.

קענסט עס זעהן ביי בחורים וואס זענען מוראדיג נאנט איינער צום צווייטן (ביי אונז אין ישיבה האט מען זיי גערופן קאפעלס) זיי דרייען זיך טאג אין נאכט איינער מיטן צווייטן, וועסטו זעהן אז אויב איינער האט געשמועסט ביי לאנטש מיט א צווייטן וועט די אנדערע גאר נאנטע חבר אויספרעגן פונקטליך וואס האבן ענק געשמועסט א.א.וו. און טאקע ביי גאר נאנטע חבירים מאכט זיך מער פייטס טאקע פון שטותים.

אבי.גערעדט
שר האלף
תגובות: 1008
זיך איינגעשריבען אום: זונטאג דעצמבער 13, 2009 12:07 pm

תגובהדורך אבי.גערעדט » מוצ"ש אוגוסט 19, 2017 11:52 pm

פונקט בינעך געזיצן ביי א קידוש, האט איינער אנגעהויבן רעדן פון שלום בית אישוס, איך האב צוגעלייגט א אויער זייענדיג אונטערן איינדרוק פון דעם אשכול דא, יענער האט געדרש'נט אז ער האט נישט קיין פראבלעם צו רעדן פון זיינע פערזענליכע אישוס ווייל ער האלט אז עס איז נישטא אפילו אין קאפל וואס האט נישט אזאלעכע זאכן, עס איז פשוט די נארם, סדר העולם, נאר וואס דען, זאגט ער ווייטער, די קאפל צווישן זיך דארף אפמאכן פעלזן פעסט אז עס איז נישטא אזא זאך אז מ'לייגט זיך שלאפן פאר מ'האט זיך גענצליך אויסגעגליכן, און אויף דעם דארף מען שטיין מיט א אייזערנע שטארקייט, ער זאגט אז ער קען פערזענליך אפאר קאפעלס וואס וואלטן שוין לאנג געווען צוטיילט ווען נישט די דאזיגע מנהג טוב

ממש אזוי
שר האלף
תגובות: 1554
זיך איינגעשריבען אום: זונטאג מארטש 19, 2017 6:58 pm

תגובהדורך ממש אזוי » זונטאג אוגוסט 20, 2017 12:52 am

חברותה האט געשריבן:
ליבע איד האט געשריבן:וואס איז די חילוק צווישן א פריינדשאפט צווישן צוויי חברים און שלום בית? מיין שאלה איז פארוואס קריגן זיך פארפעלקער ארום, בשעת ווען מיט זייערע פריינט זענען זיי אמבעסטן.

ענטפערט ביטע, לאמיר זיך אויסשמועסן אינאיינעם. ברענגט ארויס וואס איר האלט אויף דעם ענין.


עס איז דא מערערע חילוקים, איין פשוט'ע חילוק איז אז ביי א חבר ביזסטו נישט אראפגעבינדן. דהיינו אז די ביזט נישט אין די גיסטע יעצט, קענסטו אוועקגיין און אפילו גיין יעצט שמועסן מיט א צווייטן. ביי א ווייב ביזסטו אראפגעבינדן, די מוזט איר טרעפן און שמועסן יעדן טאג צו די ביזט יא אין די גיסטע צו די ביזט נישט. אויב די ענטפערסט איר נישט אירע קשיות וועט זי אנהייבן צו בלאזן.

קענסט עס זעהן ביי בחורים וואס זענען מוראדיג נאנט איינער צום צווייטן (ביי אונז אין ישיבה האט מען זיי גערופן קאפעלס) זיי דרייען זיך טאג אין נאכט איינער מיטן צווייטן, וועסטו זעהן אז אויב איינער האט געשמועסט ביי לאנטש מיט א צווייטן וועט די אנדערע גאר נאנטע חבר אויספרעגן פונקטליך וואס האבן ענק געשמועסט א.א.וו. און טאקע ביי גאר נאנטע חבירים מאכט זיך מער פייטס טאקע פון שטותים.



עס ליגט נאך א נקודה דא. אונזער הייליגע תורה זאגט אונז אין סאמע ערשטע פרשה: אעשה לו עזר כנגדו. די פשט ווייסן אלע אז דורך דעם וואס זי איז כנגדו דאס הייסט אן אנדערע נאטור ווי אים, אנדערע נטיות, רצונות, צרכים וכו׳ דורך דעם ווערט דער מענטש א מושלם, ער ארבעט זיך אויס, און טאקע דייקא דורכדעם וואס זי איז פארקערט ווי אים.

א חבר קענסטו אפלאזן, א חבר קענסטו נישט רעדן אפאר יאר, א חבר איז געווענליך אביסל ענליך צו דיר. א מענטש זאל ווערן א מושלם מוז ער האבן א ווייב. יעצט, פארוואס פעלט אויס זיך צו קריגן? זייער פשוט. צוויי מענטשן וואס זענען אינאיינעם אין א לעבן וועלן זיך בהכרח קומען צו רייבן. עס איז נישט מעגליך אנדערש. נאר, ווער עס לערנט זיך די חכמה פון אפעקטיווע קאמיוניקאציע נעמט די שוועריקייט און מאכט דאס פאר א געלגענהייט. און אזוי ווערט ער א מושלם, א גאנצע מענטש.

סאו, קומט אויס, א מענטש מוז צוקומען צו א ווייב כדי ער זאל ווערן גאנץ. צוויי מענטשן וואס געפונען זיך אין א לעבן צוזאמען האבן בדרך הטבע קאנפליקטען. (אויב נישט איז עס ווארשיינליך פראבלאמאטיש). די קאנפליקטען קענען ווערן אויס געארבעט דורך געזונטע קאמיוניקעישן, און אזוי לערנט זיך די מענטש זאכן וואס ער וואלט נישט זיך געלערענט ווען ער איז אומפארהייראט. ממילא, לעניות דעתי איז די רייבערייען משורשן א מוראדיגע סימן פון אן אפערטוניטי א געלגענהייט, און עס ווייזט נאר אז מען דארף גיין זיך לערנען וויאזוי דאס צו טוהן ריכטיג.

ביי חברים דארפסטו נישט זיך רעכענען מיט יענעם אזויפיל ווי ביי א ווייב, דו דארפסט נשיט אזויפיל ארבעטן אויף וותרנות, דו דארפסט נישט אזויפיל ארבעטן אויף פארשטיין יענעם ארויסקוקן פון זיך, דו דארפסט נישט אזוי ארבעטן אויף אחריות, אויף כבוד עצמי וכו וכו אלע זאכן וואס מיר ווערן נאר בעסערע מענטשן דערפון און מיר קומען צו צו אונזער שלימות אויף דער וועלט.
דערפרישט אייך מיט אן אויסוואל פון איבער 500 אינספערעישענעל quotes! ווערט אפדעיטעד טעגליך.
http://www.ivelt.com/forum/viewtopic.php?f=25&t=36292

איך לאך
שר מאה
תגובות: 190
זיך איינגעשריבען אום: מיטוואך סעפטעמבער 02, 2015 6:22 pm

תגובהדורך איך לאך » זונטאג אוגוסט 20, 2017 1:02 am

רופא נפשות האט געשריבן:אלעס פיין און וואויל, די פרוי איז א אנדערע מין פונעם מאן, דער מאן דארף יורד זיין לסוף דעתה, כאטש וואס זי זאגט עס נישט. מען דארף ווערן א נביא עדיף מחכם קודם צו ״כאפן״ וואס זי וויל, און נאכדעם דארף מען עס ״צושטעלן״. שיין. אבער אפשר זאל די פרוי זיך אריינלייגן און כאפן אז דער מאן אז א אנדערע מין פון די פרוי און ווען ער רעדט מיינט ער יא וואס ער רעדט, און עס ליגט נישט קיין באהאלטענע חשבונות אונטער יעדע זאך, און אז לויט זיין טבע וועט ער נאטירליך נישט כאפן וואס איר באדערט פון זיי שרייט ״אויף״ אים, כאטש וואס בעצם מיינט זי צו שרייען ״צו״ אים, וכו׳.

בקיצור, די נייע מהלך אין שלום בית איז אז דער מאן דארף אוועקגעבן זעקס שעה א טאג צו שטודירן וואס זיין אידענע שמעקט יעצט, און מען דארף כסדר ״כאפן״ וואס עס ליגט אונטער די קוועטשערייען. און מען דארף איר פארשטיין. ומי שלא עשה את כל כנ״ל דמו בראשו. איי אפשר פארקערט? אפשר זאל זי פארשטיין אז דער מאן איז אנדערש און רעדן ווי א מענטש?

יא אבער פרויען זענען ״בטבע״ בלא בלא בלא..

עעענדליך נעמט זיך איינער אהן פאר אונזער באקרידעוועטע רעכטען!

כמים קרים!


צוריק צו “ולאחיו יאמר חזק”

ווער איז אונליין

באנוצערס וואס דרייען זיך דא: Volunteer און 9 געסט