בודזשעט: וויאזוי קומט איר אויס?

עצות טובות אויפן טעגליכן לעבן

די אחראים: זייער נייגעריג, אחראי, thefact

מי חכם
שר ארבעת האלפים
תגובות: 4051
זיך איינגעשריבען אום: זונטאג מארטש 13, 2011 2:02 pm

תגובהדורך מי חכם » מאנטאג ינואר 09, 2017 10:00 pm

ליין איבער וואס כ'האב געשריבן און טרעף מיר די חילוק.
מִ֚י כְּהֶ֣חָכָ֔ם וּמִ֥י יוֹדֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעֹ֥ז פָּנָ֖יו יְשֻׁנֶּֽא׃

אט אזוי
שר האלף
תגובות: 1129
זיך איינגעשריבען אום: דינסטאג אוגוסט 19, 2014 5:49 pm

תגובהדורך אט אזוי » מאנטאג ינואר 09, 2017 10:10 pm

הלוואי שיהיה אז בחורים זאלן ארבעטן אזוי ווי די מיידלעך סוועט זיין א ישועה ברוחניות ובגשמיות פאר די עלטערן און נאכמער פאר זיי אליין הלוואי הלוואי

רודף שלום
שר העשר
תגובות: 33
זיך איינגעשריבען אום: מיטוואך נובעמבער 02, 2016 1:48 pm

תגובהדורך רודף שלום » מאנטאג ינואר 09, 2017 10:31 pm

מי חכם האט געשריבן:דאס איז אייביג געווען ביי כלל ישראל איז א פאקט, לית מאן דפליג.
.

איך האב גראדע אנדערע פאקטן, און איך קען שטארק באשטיין עס אויסצושמועסן. איך וויל אבער הערן דא וואס דער עולם האט צו זאגן וועגן 'בודזשעטינג'

חדשות
שר מאה
תגובות: 173
זיך איינגעשריבען אום: מאנטאג דעצמבער 05, 2016 5:11 pm

תגובהדורך חדשות » מאנטאג ינואר 09, 2017 11:04 pm

איך מיין אז דער אשכול איז ארפגעפארן פון די ליניע.

עס האט זיך אנגעהויבן מיט די פראגע ווי אזוי אן ארבעטער קען לעבן היינט פון זיינע וועיזשעס, מען איז אוועקגעפארן צו בחורים זאלן יא אדער נישט ארבעטען, און ווי אזוי פון טויזענט דאלאר וועיזשעס ווערט גאר 2000 ווען עס קומט צו באצאלען די גראסערי מיין גראסערי מאן זאגט אז ער באקומט אפילו נישט די ערשטע טויזענט, און צו דער רבי האט איינגעפירט פארן אין די קאנטרי.

יעצט צוריק צום נושא.

ווי איך זע עס איז דא 3 חלקים.

1. דאס שווענדערישע לעבן ביי געוויסע. מען פזרט געלט אן א חשבון, אויסגאבעס, אדעסי, טייערסטע קליידער לויט די לעצטע מאדע, וואס ציעט אריין עקסטרע צענדליגער טויזענטער א יאר.
2. וואוינען אין שטאט וואס לייגט צו אן עקסטערן לאסט פון טויזענטער דאלאר.
3. דעם נייעם געדאנק וואס איז א דבר פשוט ביי 99% פונעם נייעם דור. א געדאנק וואס איז קיינמאל נישט גווען נאר איז געבוירן געווארן דא אין אמעריקא. אז עס טאר זיך חלילה נישט דערקענען אויף איינעם אז ער האט נישט קיין געלט. דער געזעץ זאגט אז נישט קיין חילוק וויפיל געלט מען האט נישט, טאר זיך עס אויף קיין פאל נישט אנזען נישט אינעם גראסערי ארדער, אויפן מחותנתע קלייד, אין די שיינקייט און גרויסקייט פון די דירה, און נאך הונדערטער ביישפילן. און ווער עס דערוואגט זיך צו ווידערשפעניגען דעם געזעץ, ווערט אפגעסטעמפעלט אלס א שנארער, א חזיר, א קארגער בהסכמת כל היאכנעס.

אין די ערשטע 2 איז דא עפעס וואס א יחיד קען טוען, דאס דריטע חלק איז אבער א ריזן פראבלעם וואס דער יחיד איז כמעט ווי אין תפיסה און הלואי ווען מען קען מען ווען מחנך זיין אונזערע קינדער בעסער, אז אדרבה עס איז נישט קיין שום בושה אז מען געבט נישט אויס וואס מען האט נישט, אדרבה כמבואר בביאור הלכה וברש"י ובגמרא.

ביני לביני פראבירט וואס איר קענט איבער די ערשטע 2, און אז עס בלייבט נאך אלס א דעפעציט, איז דא נאך איין אויסגעהאלטענע עיצה, שנארן. שנארן איז אסך סך מער אויסגעהאלטען ווי בארגן. וכך שמעתי מכמה גדולי ישראל. עמיצער וואס בארגט אן א חשבון, אדער מיטן חשבון פון בטחון אדער ברכה ווי @בלעטעל זאגט איז קלאר נישט אויסגעהאלטן, און קרוב הדבר לאיסור גזילה ממש.

אט אזוי
שר האלף
תגובות: 1129
זיך איינגעשריבען אום: דינסטאג אוגוסט 19, 2014 5:49 pm

תגובהדורך אט אזוי » מאנטאג ינואר 09, 2017 11:20 pm

למעשה איז דא א גרויסע פראצענט כלל ישראל וואס פארדינען צווישן 100 און 200 טויזענט דולר א יאר + שאר ירקות און ספארט א באן ב'ה

חדשות
שר מאה
תגובות: 173
זיך איינגעשריבען אום: מאנטאג דעצמבער 05, 2016 5:11 pm

תגובהדורך חדשות » מאנטאג ינואר 09, 2017 11:22 pm

אט אזוי האט געשריבן:למעשה איז דא א גרויסע פראצענט כלל ישראל וואס פארדינען צווישן 100 און 200 טויזענט דולר א יאר + שאר ירקות און ספארט א באן ב'ה


מער ווי 35%...?

אט אזוי
שר האלף
תגובות: 1129
זיך איינגעשריבען אום: דינסטאג אוגוסט 19, 2014 5:49 pm

תגובהדורך אט אזוי » מאנטאג ינואר 09, 2017 11:47 pm

לאמיר זאגן 40 פראצענט פלאס 20 פראצענט עשירים די איבריגע 40 מוטשענען זיך ליידער

חדשות
שר מאה
תגובות: 173
זיך איינגעשריבען אום: מאנטאג דעצמבער 05, 2016 5:11 pm

תגובהדורך חדשות » מאנטאג ינואר 09, 2017 11:52 pm

אט אזוי האט געשריבן:לאמיר זאגן 40 פראצענט פלאס 20 פראצענט עשירים די איבריגע 40 מוטשענען זיך ליידער


פאר דעם געלט לאמיר שוין זאגן 60% פלאס 30% עשירים.

איר זענט פעסט אין דריעם לענד...

הייבט אייך אן ארומקוקען אין אייער שול און זאגט מיר וויפיל אידן מאכן 150K א יאר אינקלודינג עשירים...

אט אזוי
שר האלף
תגובות: 1129
זיך איינגעשריבען אום: דינסטאג אוגוסט 19, 2014 5:49 pm

תגובהדורך אט אזוי » מאנטאג ינואר 09, 2017 11:58 pm

35 האסטו אויך געהאלטן ניין?

נאטרוליסט
שר האלף
תגובות: 1112
זיך איינגעשריבען אום: דינסטאג נובעמבער 06, 2007 2:40 pm

תגובהדורך נאטרוליסט » דינסטאג ינואר 10, 2017 12:01 am

וואס פארשטייסטו נישט.
ביי מיר אין שול זענען פאראן א ריזיגע מספר פון אידן וועלכע זענען ״עכטע עשירים״ נאר אן געלט...

זיי דרייוון די שענסטע אויטאמאבילן, מאכן חתונה כאחד הנגידים. עסן יעדע צווייטע נאכט אין די טייערסטע רעסטאראנען. קויפן וויין יעדן שבת קודש פאר 120 א פלאש, וכו׳ וכו׳.

מיר האבן ב״ה עשירים אדירים, נאר אביסל גרינס און זיי זענען פיין מסודר.

אט אזוי
שר האלף
תגובות: 1129
זיך איינגעשריבען אום: דינסטאג אוגוסט 19, 2014 5:49 pm

תגובהדורך אט אזוי » דינסטאג ינואר 10, 2017 12:20 am

נישט דא אזא זאך אז זיי ערלויבן זיך די אלע זאכן האבן זיי געלט ב'ה פאר דעים
איך טוה עס נישט ווייל איך האב נישט קיין איבעריגס פינטל

אוועטאר
ווישוואש
שר האלפיים
תגובות: 2886
זיך איינגעשריבען אום: דאנארשטאג סעפטעמבער 04, 2014 12:14 pm

תגובהדורך ווישוואש » דינסטאג ינואר 10, 2017 1:32 am

אט אזוי האט געשריבן:נישט דא אזא זאך אז זיי ערלויבן זיך די אלע זאכן האבן זיי געלט ב'ה פאר דעים

נישטא אזא זאך? געבט נאר א שנעלע קאל קרן עזר.
Once the game is over, the king and the pawn go back in the same box

ראספשע
שר חמש מאות
תגובות: 536
זיך איינגעשריבען אום: מאנטאג אוקטובער 10, 2016 11:43 am

תגובהדורך ראספשע » דינסטאג ינואר 10, 2017 1:31 pm

איך זעה מיך דא ארום אין דעם אשכול כ'מיין איך בין דער גרעסטער גביר ב"ה....
כ'גיי שוין נישט אין קאנטרי פאר די לעצטע פופצן יאר...., יע יע יע יע, (איך בין פארדעם אויך נישט געגאנגען.....)
כ'קוק ארויס פון פענסטער, העי, וואו זענען די משולחים???
איין מינוט, איינער ביפט אריין.
העלאו, דיס איז קאן-עדיסאן, ווי לעט יו נאו, יו העוו ען אוסטענדינג בעלענס אוו......, יור סערוויס וויל בי דיסאקנעקטעד...
ואיקץ והנה חלום

ר' יום טוב
שר חמישים ומאתים
תגובות: 388
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » דינסטאג ינואר 10, 2017 3:18 pm

אט אזוי האט געשריבן:נישט דא אזא זאך אז זיי ערלויבן זיך די אלע זאכן האבן זיי געלט ב'ה פאר דעים
איך טוה עס נישט ווייל איך האב נישט קיין איבעריגס פינטל

איר ווייסט וויפיל אידן ס'האבן זיך געבויט פאלאצן און קיינמאל באצאלט די קאנסטראקשאן?? (מיטן אויסרייד אז די ארבייט איז נישט גענוי וואס זיי האבן ערווארטעט וכדו') און דאס וואס זיי האבן יא געמוזט באצאלן אלס דיפאזיט, האבן זיי אנגעזעצט עטליכע קרעדיט קארדס/לאונס אדער געמאכט שארט סעילס מיט ביזנעס/האום עקוויטי/מארגעדזש ליינס. מ'דארף טאקע וויסן וויאזוי, אבער אז ס'איז פיקוח נפש ממש קען מען דאס באווייזן...

עשירות אין אונזער קאמיוניטי איז א געוויסע סארט עדיטוט. איינער וואס וויל זיין אין די קאטאגאריע, קען אנפאנגען זיין קאריריע מיטן אהערשטעלן א $7000 וואך נאכט, רעדן פון מאכן מיליאנען אויף עמעזאן, און שנדר'ן עשרת אלפים פאר צדקה, בו בזמן ווען ער פארמאגט נישט קיין אייגענע דירה.

איך און דו ווען מיר האבן אן איבריג דאללאר וועלן מיר דאס אפשפארן אפילו מיר ווייסן נאכנישט די צוועק איבער וואס מיר וועלן דאס דארפן ניצן. אנדערש איז ביי די אזויגערופענע 'עשירים' וועלכע וועלן דאס אוועקשפענדן אויף זייערע נישטיגע געברויכן, אפילו זיי האבן א קינד אין די יארן.

ווען איך און דו געבן א $100 נתינה פאר א צוועק א.ד.ג., וועט קיינער נישט מאכן קיין וועזן דערפון. פיל אנדערש איז ווי ווען דער אזויגערופענער 'עושר' געט $50. סיי דער אופן הנתינה, און אויך די בלאזערייען רינגס און ארום זענען בולט באופן בהול... ביי די דינער'ס ווערן אויסגערופן נעמען פון מאסיווע בעלי חובות און ציפערן וועלכע האבן נישט קיין שייכות מיטן מציאות, בעת פאקטישע נדבות פון 50 אלפים ווערן בככל נישט דערמאנט.!

איך און דו צאלן ערליך פולע פרייז שכר לימוד. דו וועסט זיין אין שאק צו הערן אז דער שיינער ביזנעסמאן מיטן גרויסן מויל אין שול, האט נאכן זיין שולדיג אין אלף השישי באוויזן אויסצוהאמערן אן אפמאך מיט די הנהלה פאר א טיפן דיסקאונט!!... אבער פרוביר אים נישט צו נאכקאפירן. מען דארף זיין א פערזענליכקייט ספעציעל געאייגנט דערצו מיחידי סגולה...אן אנדרייער מיט וועם מ'מוז זיך רעכענען. האבן רינדיגע גלעזער איז נאכנישט גענוג...

דער זעלבער איז שולדיג אין גראסערי/בוטשער, קויפט עליות אין שול פאר געפעפערטע פרייזן און באצאלט כמעט נישט, (נישט ממש אזוי, גרייט צו באצאלן בלויז מיט עפעס א פאליטישן תנאי וואס ער ווייסט אז דער גבאי וועט במילא נישט קענען נאכקומען...) דער זעלבער בארגט זיך אן פון אונז פשוט'ע מענטשן אונזער ביסל סעיווינגס און באצאלט דאס קיינמאל נישט.

פרעג אין די געשעפטן וועלכע סארט שרייבן שטענדיג אויף, און דארפן זיך ספראווען מיט זייערע צוריקגעקומענע טשעקס. פרעג די גמ"ח'ן ווער עס זענען די גרעסטע אנזעצער. שיינע אידן מיט ברייטע פלייצעס...

עמיצער דערציילט מיר היינט אזוי:

זיין משפחה מיטלמעסיגע בעלי פרנסה זענען אנגעשלאסן אין א קהילה וואס האט שטארקע חתונה תקנות, צו וועלכע זיי שטעלן זיך צו אן קיין חכמות. איז אבער פאראן איינע פון די געשוויסטער - א שיינער איד וואס האט נישט קיין שוה פרוטה לפורטה - און געהערט צו אן אנדערע קהילה אן קיין תקנות, שטעלט זיך אהער און מאכט חתונה ווי אן עושר, און איז דעריבער שטארק אנגעוויזן אויף די הילף פון די געשוויסטער, במתנת חינם והלוואות שאינם חוזרות, צו קענען באצאלן די +$80,000 חתונה.

גענוג אויף יעצט.

ראספשע
שר חמש מאות
תגובות: 536
זיך איינגעשריבען אום: מאנטאג אוקטובער 10, 2016 11:43 am

תגובהדורך ראספשע » דינסטאג ינואר 10, 2017 3:24 pm

וויפיל פראצענט בתוכינו זענען טאקע אזוינע קראקן?
און ווי לאנג האלט דאס אן?
דו האלסט טאקע אז עס זענען נישטא כהיום א שיינע מספר 'אמת'ע עשירים' בתוכינו?

יאנקעלע קליגער
שר האלפיים
תגובות: 2821
זיך איינגעשריבען אום: דינסטאג אפריל 30, 2013 5:18 pm

תגובהדורך יאנקעלע קליגער » דינסטאג ינואר 10, 2017 4:10 pm

איך האב נישט קיין אדעסי ( איך האב בכלל נישט קיין קאר)
איך פאר נישט אין קאנטרי
איך עס נישט אין קיין רעסטוראנען
איך וואוין אין א ביליגע אפארמענט
איך האב נאך "גארנישט" אפגרעיטעד אין מיין דירה זייט'ן מופן 11 יאר צוריק
נייע קליידער קויפט מען ביי מיר פון לעצטע סיזען פאר 50% אף
שבת'דיגע דאסטער'ס קויפט מען נישט יעדעס יאר א נייע און ווען מ'וואקסט עס אויס באקומט עס די אינגערע שוועסטער
וכו' וכו' וואס איך טוה נישט

וואס איך האב יא ב"ה איז א משפחה פון אכט קינדער קע"ה און מיין בודזשעט א יאר קומט אן נאנט צו 90.000 און איך שעם מיך צו זאגען וויפיל דערפון מיינע וועדזשעס דעקן
און יא איך קען נאך אסאך אינגעלייט וואס זענען אין דעם קאטעגאריע ווי מיר,

סא פונקטליך ווי דארפ'ן מיר נאך שניידן?
העי! דו, זיי נישט אזוי פארזעצט,
עפעס א לחלוחיות גוטסקייט איז אראפגערונען צו דיר אויך, אז דו וועסט עס איינזען וועסטו אנהייבן שפירן אז אך טוב וחסד ירדפוני.

בשבילי נברא
שר חמש מאות
תגובות: 887
זיך איינגעשריבען אום: מאנטאג ינואר 18, 2010 10:53 am

תגובהדורך בשבילי נברא » דינסטאג ינואר 10, 2017 4:10 pm

ראספשע האט געשריבן:וויפיל פראצענט בתוכינו זענען טאקע אזוינע קראקן?
און ווי לאנג האלט דאס אן?
דו האלסט טאקע אז עס זענען נישטא כהיום א שיינע מספר 'אמת'ע עשירים' בתוכינו?

אויב א' יו"ט (אינדערוואכן) שרייבט אזוי, מוז זיין אז עטליסט 85% בתוכינו פירן זיך אזוי אויף, און באלד ווערט עס שוין א פאקט אויך....

ר' יום טוב, במחילת כבודך, דריי נישט א קאפ מיט פאקטן בלויז ווייל דו האסט אנגעטראפן עפעס א דרייקאָפּ וואס האט דיר נישט געצאלט אמאל וואס ער איז דיר געקומען...

ר' יום טוב
שר חמישים ומאתים
תגובות: 388
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » דינסטאג ינואר 10, 2017 4:52 pm

ליינט בעפאר.
מיין תגובה איז ארויפגעגאנגען אויפן הוה אמינא ס'דא ביי אונז למראית העין 40 ביז 60 פראצענט עשירים וואס דערפאר איז פאר זיי די גאנצע נושא פון בודזשעט נישט נוגע, ווען באמת איז דאס בלויז ביי 15 פראצענט. דאס טוט בכלל נישט רעפלעקטירן די עצם נושא האשכול וואס איז א ברענענדיגער פראבלעם פאר יעדן צוגלייך, אפילו דער שפארזאמסטער מענטש.

די פראגע איז וואסייסט עושר. איך קען גרויסע 'מיליאנערן' וועלכע מאכן נישט מער ווי 200,000 א יאר. איך קען א היבשע צאל פשוט'ע אינגעלייט מיט אויסגעצאלטע הייזער און א היבשע פאר 'עשירים' מיט גרויסע מארגעדזשעס. איך קען אזעלכע וואס האבן א שטיק צייט געזען הצלחה וועלכע האט נישט לאנג אנגעהאלטן. אבער אויפגעריסן איז מען שוין געבליבן.

אזוי אויך זענען פאראן אזעלכע וואס זענען רייך געווארן דורך שריט וואס קיין נארמאלע מענטש וואלט נישט אונטערגענומען, אדער דורך די היימישע עקאנאמיע ווי שוין באשריבן באריכות אין אנדערן אשכול ואכמ"ל. עס זענען פאראן ביי אונז פילע אויפגעבלאזענע ציפערן נישט קיין סאלידע נכסים.

אט אזוי
שר האלף
תגובות: 1129
זיך איינגעשריבען אום: דינסטאג אוגוסט 19, 2014 5:49 pm

תגובהדורך אט אזוי » דינסטאג ינואר 10, 2017 4:58 pm

יומטי איי לאוו יא

ראספשע
שר חמש מאות
תגובות: 536
זיך איינגעשריבען אום: מאנטאג אוקטובער 10, 2016 11:43 am

תגובהדורך ראספשע » דינסטאג ינואר 10, 2017 4:59 pm

ערעב יום טוב, די נומערן 80 טויזנט דאלער'דיגע חתונה, בעת ווען די חתונה איז צאמגעשטעלט פון הלוואות שאינם חוזרות ... איז היבש איבער געטריבן [אולי האט זיך געמאכט אזוינס אמאל, אבער המקרה לא יתמיד].

לגופו של ענין, האב איך זיך דערמאנט א וואדזשנער טייטש פונם שימלויער רב זצ"ל הי"ד אויפן פסוק 'וירש זרעך את שער אויביו', די שונאים און אומפארגינער'ס געווענליך שאצן אפ דעם מענטש מיט א נישט געשטויגענע עשירות, 'יענער' איז קורח רייך, ער פארמאגט מיליאנען, הייזער וכו' וכו'.
האט דער רבוש"ע אנגעווינשן אברהם, וירש זרעך, דיינע קינדער זאלן טאקע ירש'נען, 'שער אויביו' אזוי רייכקייט באמת, לויט וויפיל זייערע שונאים זענען זיי משער, ודפח"ח

אט אזוי
שר האלף
תגובות: 1129
זיך איינגעשריבען אום: דינסטאג אוגוסט 19, 2014 5:49 pm

תגובהדורך אט אזוי » דינסטאג ינואר 10, 2017 5:01 pm

וואס מיינסטו מיט שריט וואס קיין נארמאלע מענטש וואלט נישט אינטערגענומען?

אוועטאר
סאדאם חוסעין
שר שלשת אלפים
תגובות: 3483
זיך איינגעשריבען אום: דאנארשטאג אפריל 30, 2015 5:10 pm

תגובהדורך סאדאם חוסעין » דינסטאג ינואר 10, 2017 5:20 pm

א זייטיגע נאוט: איך האב שוין ארויסגעהאלפען אסאך אידען מיט געלט/ צוזאמען שטעלן געלט פאר זייער חתונה,
רוב חתונות וואס מען שטעלט צוזאם אין קרית יואל איז אין פאראדייס נישט אין אולם עקשטיין,
[מיין שכל'דיגע הסבר איז ווייל דעי מענטשען וואס מאכן חתונה אין אולם עקשטיין זענען מער שפארזאם בטבע, ממילא האבן זיי מער געלט צו חתונה מאכן,]
סאדאם בן באראק חוסעין

חדשות
שר מאה
תגובות: 173
זיך איינגעשריבען אום: מאנטאג דעצמבער 05, 2016 5:11 pm

תגובהדורך חדשות » דינסטאג ינואר 10, 2017 5:29 pm

אט אזוי האט געשריבן:35 האסטו אויך געהאלטן ניין?

זיכער נישט.

מיין אפשאצונג, לכל היותר 1 פון 5 וואס מאכט 100-200K פלאס, אין דעם זענען שוין אריינגערעכענט די עשירים אויך. די איבריגע 80% קומט נישט אויס.

יעצט איינער וויל זיך דינגען און זיין גאר אפטימסטיש און זאגן אז עס איז דא 35% אנטקעגן 65ֵ, נו, החרשתי.

אבער 40+20 איז סתם געזויגן פון עולם הדמיון ארויס וואס מיטן מציאות קיין שייכות. (מי יתן והיה).

רודף שלום
שר העשר
תגובות: 33
זיך איינגעשריבען אום: מיטוואך נובעמבער 02, 2016 1:48 pm

תגובהדורך רודף שלום » דינסטאג ינואר 10, 2017 5:33 pm

ראספשע האט געשריבן:ערעב יום טוב, די נומערן 80 טויזנט דאלער'דיגע חתונה, בעת ווען די חתונה איז צאמגעשטעלט פון הלוואות שאינם חוזרות ... איז היבש איבער געטריבן [אולי האט זיך געמאכט אזוינס אמאל, אבער המקרה לא יתמיד].



ערעב איד, איך קען דריי אזעלכע מענטשן פון די נאנט. פאר צוויי פון זיי דארף איך 'כסדר' ארויסנעמען געלט פון מיין טאש, ווען למעשה האבן 'זיי' א גרויסע הויז מיט שיינע מאלדינגס, א לימיטעד מיניווען, און זיי מאכן שמחות ווי גראף פאטאצקי אליין. און איך גיי שוין מיט די זעלבע בעקיטשע פאר די לעצטע 5 יאר. און נישט ווייל איך האב א קלענערע תאוה ווי זיי צו א זיידענע בעקישע.

חדשות
שר מאה
תגובות: 173
זיך איינגעשריבען אום: מאנטאג דעצמבער 05, 2016 5:11 pm

תגובהדורך חדשות » דינסטאג ינואר 10, 2017 5:39 pm

יאנקעלע קליגער האט געשריבן:איך האב נישט קיין אדעסי ( איך האב בכלל נישט קיין קאר)
איך פאר נישט אין קאנטרי
איך עס נישט אין קיין רעסטוראנען
איך וואוין אין א ביליגע אפארמענט
איך האב נאך "גארנישט" אפגרעיטעד אין מיין דירה זייט'ן מופן 11 יאר צוריק
נייע קליידער קויפט מען ביי מיר פון לעצטע סיזען פאר 50% אף
שבת'דיגע דאסטער'ס קויפט מען נישט יעדעס יאר א נייע און ווען מ'וואקסט עס אויס באקומט עס די אינגערע שוועסטער
וכו' וכו' וואס איך טוה נישט

וואס איך האב יא ב"ה איז א משפחה פון אכט קינדער קע"ה און מיין בודזשעט א יאר קומט אן נאנט צו 90.000 און איך שעם מיך צו זאגען וויפיל דערפון מיינע וועדזשעס דעקן
און יא איך קען נאך אסאך אינגעלייט וואס זענען אין דעם קאטעגאריע ווי מיר,

סא פונקטליך ווי דארפ'ן מיר נאך שניידן?

איר דארפט זיך בכלל נישט שעמען... אדרבה איך קוק אייך ארויף.

שעמען זאל זיך דער וואס שפענדעוועט אין די וועלט אריין נישט קיין חילוק צו מען האט צו נישט.

וואס קענט איר יא טוען? ווי די גמרא זאגט אין נדה "יבקש רחמים ממי שהעושר שלו", פראבירט צו זען וואס/צו איר קענט טוען עפעס אין די זייט, און צום לעצט בעט פאר הילף, אזוי ווי מען האט זיך געפירט איו אלע דורות מימות משה רבינו ביז 40 יאר צוריק.

בארגן און אויסגעבן געלט אן א חשבון, דרייען מיט חובות זאל זיין די לעצטע אויף אייער ליסט.


צוריק צו “ולאחיו יאמר חזק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 6 געסט