טייערע ברודער;
Keeping up with the Joneses
https://en.wikipedia.org/wiki/Keeping_u ... he_Jonesesוואס דאס איז פיער פרעשור (מען טוהט ווייל מען האט נישט קיין ברירה; נאר ווייל "יענער" טוהט אזוי), איז דער עיקר פראבלעם דא.
אוודאי דארף יעדער האבען שכל אז וואס דער גביר קען טוהן קענסטו נישט; אים האט דער אייבערשטער געבענטשט מיט א סאך געלט און דיר נישט. אבער דער גביר איז נישט דיין שונא, און מיינט דיר נישט קיין שלעכטס. טאמער באלאנגט ער צו א קהלה און זיין רב אדער רבי בעהט אים אז ער זאל זיך צושטעלען צו די תקנות, וועלען עס א גרויסע חלק טוהן; ווייל זיי פארשטייען דער פסיכילאגיע דא, און אויך דער מצוה דערפון. אויב ער וויל געבען כיד ה' הטובה עליו; קען ער געבען וויפיל ער וויל "נאך" די חתונה; וואס דענמאלט מאכט עס שוין נישט אויס צו דער רעסט אוו כלל ישראל און עס גייט קיינעם נישט אן.
ס'דא א היינטיגע נארמע, און דאס איז צווישען 40-50 טויזענט דאלער. דאס איז "רוב" עולם, און פון זיי רעדט דא דער גאנצע אשכול. פאר די וואס קענען עפארדען חתונה צו מאכען אלע קינדער פאר פופציג אדער מער טויזענט דאלער א קינד, רעדט נישט דאס אשכול. זיי דארפען נישט קיין עצות; זיי האבען שוין דער עצה אין דער האנט.
יעצט אז דאס איז קלאר, לאמער צונעמען דאס רוב פון כלל ישראל וואס פאלט אריין אין דער קאטיגאריע פון וואס די אשכול רעדט.
דער ערשטע קאטיגאריע איז די וואס האבען פרנסה בריווח, אבער נישט אויף חתונה מאכען אלע קינדער פאר 50 טויזענט א קינד.
אין אנהייב גייט עס זיי גרינג; אבער מיט א שטוב פון קינדער הייבט עס אן ווערען שווערער און שווערער; איז דא וואס ווילען בלייבען שיינע אידען (און מען זאל מיינען אז זיי האבען געלט), בארגען זיי זיך פון זייער האום עקוויטי, 401K, א.ד.ג. און באצאלען עס ביז זיי דארפען חתונה מאכען דאס נעקסטע קינד.
די וואס האבען דאס נישט אדער האבען עס שוין אויס געליידיגט; מוזען זיך שוין פארשווארצען דאס פנים און בארגען פון גוטע פרייד און פון גמח"ים, און אויב זענען זיי שוין מעקסד דארט אויך; מוזען זיי צו קומען צו קופות הקהל און פון דאס גוטהארציגקייט פון ידידים און משפחה אבער עס ריעטשד נישט דער גאס.
נאכדעם איז דא א קאטיגאריע "דער ארימאן", דער גרויסע ארימאן און דער קליינער ארימאן (א באדייטינדע צאל פאלען אריין אין דער קאטיגאריע) וואס אדער האבען זיי נישט פרנסה בריווח, אדער האבען זיי שוין זיך אן געבארגט ביי די זין, לבנה, און די שטערן; אדער האבען זיי פשוט א סאך קינדער און קאלעפסען ערגעץ אין דערמיט אדער אין אנהויב. ווי ס'זאל נישט זיין, האבען זיי נישט קיין ברירה און מוזען חתונה מאכען פאר די זעלבע 40-50 טויזענט דאלער, און אפילו אז זיי זאלען שניידען לעבעדיגע שטיקער פון די עקספענסעס, האבען זיי די 35 טויזענט דאלער אויך נישט. זיי זענען א גרויסע רחמנות; און מען מוז זעהן זיי צו העלפען.
יעצט, לאמער ממשיך זיין מיט עצות, ווי ציפט מען אראפ דאס קאסט? ווייל למעשה קען עס אן גיין א לאנגע צייט, אבער ערגעץ קען עס פלאצען.
ווען עס פלאצט קאסט עס כלל ישראל מער ווי 35 טויזענט דאלער א משפחה בגשמיות וברוחניות.
איך שרייב דא א ביסעל גראפיש, אז מען זאל פשוט פארשטיין דער פראבלעם. מער ווי האלב עולם האט א פראבלעם און טייל א קריטישע פראבלעם, און דאס מוז אדרעסירט ווערען.