א מענטש אלס א 'פייטער'

פסיכאלאגיע און מעדיצינען

די אחראים: זייער נייגעריג,אחראי,thefact

אוועטאר
מתבונן
שר האלף
תגובות: 1037
זיך איינגעשריבן אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

א מענטש אלס א 'פייטער'

  • ציטיר
  • צו לייגן א דאנק דארפט איר זיין אריינגעלאגט

תגובה דורך מתבונן »

לאור דעם חשובן ניק ספיידער, מיט זיין תגובה דא, און דא, וועל איך פראבירן דאס בעסטע מסביר זיין דעם פוינט. הרב ספיידער וויל פארשטיין, וואס איך זע איין אין קוהרענס טערעפי וואס איך האב מסביר געווען דא, און הרב נשמה דא, מער פון אנדערע שיטות ווי סי. בי. טי.. זעט מען נישט געוואלדיגע רעזולטאטן מיט אנדערע מהלכים אויך? איז נישט סי. בי. טי. אסאך מער פראקטיש און צו די זאך?

היות דאס קען זיין א נושא בפני עצמו, האב איך מחליט געווען צו מאכן אן עקסטער אשכול דערפאר, אז מערן זאל עס קענען אויסשמועסן צוזאמען.

ווי נישט ווי איז דאך יעצט אויך פארשת קרח, ווי מען קען זיך אויסלערנען אסאך לעקציעס וואס פאסירט ווען מען איז אין א פייט.

וזאת למודעי, אז די שפראך וואס איך נוץ אין דעם אשכול, איז בשום פנים ואופן נישט אראפצוקוקן אויף סיי ווער וואס לייד פון א מחלת הנפש, נאר איך פיל אז מען וועט עס סאך בעסער פארשטיין דעם קאנצעפט וואס איך וויל ארויסברענגען ווען איך נוץ די שפראך פון 'יצר הרע', 'טמטום', 'גאות', אד"ג,. מיר אלע זענען געשלאגן אין דעם במדה או אחרת, ודי.

סימפטאמען כתוצאה פון דער געפיל פון גאות

די נושא פאנגט זיך אן מיט א גאר א פאנדעמענטאלע שאלה.

וואס איז די גאנצע מעשה מיט טערעפי, וואלט נישט יעדער בר דעת אנגענומען זיין חבר'ס עצה, אז אויב ער טוט דאס און דאס גייט אים דאס לעבן זיין גרינגער? אז איינער לייד פון א פאביע, וואלט אים נישט געווען גרינגער פשוט אנצונעמען און טראסטן וואס דער טערעפיסט זאגט אים, אז ס'גייט גארנישט פאסירן אויב ער גייט אריין אין עלעוועיטער? די שאלה פאנגט זיך שוין אן סאך פאר דעם, וואלט דען נישט א מענטש געווען סאך רוהיגער אויב ער פאלגט טאקע דעם חובות הלבבות שער הבטחון און זיך אינגאנצן פארלאזן אויפן אויבערשטן אויף יעדע טריט און שריט? אלזא וואס מאכן זיך מענטשן אזוי משוגע?

אויב וואלטן מענטשן אזוי געלעבט, וואלט דאך שוין וועלט לאנג געווען וועלט.

אבער קושיא מעיקרא ליתא. איך האב אמאל געזען געשריבן פון ר' מאטל זילבער שליט"א, אז אויב וואלט יעדער וואס דארף גיין פאר טערעפי געפאלגט גלייך וואס מ'הייסט אים, וואלט דאך אלעס געפארן אזוי גרינג. נאר וואדען? א מענטש האט אין זיך גאות, און ס'פאסט אים נישט אנצונעמען וואס יענער זאגט, און איינער וואס דארף אנקומען צו טערעפי איז אין א מצב וואס ער איז נאטירליכערהייט נישט גרייט אזוי גרינג אנצונעמען וואס יענער זאגט. ער איז טאקע אנגעצויגן, און וויל זיך זייער שטארק העלפן, אבער טיף טיף איז די שורש פונעם פראבלעם א געוויסע גאות. היות מענטשן זענען מענטשן, און מיר אלע זענען געשלאגן מיט גאות במדה זו או אחרת, ממילא פאסט זיך נישט אזוי שנעל זיך אינטערצוגעבן. שרייבט ר' מאטל, אז די קינץ פון א מומחה בתורת הנפש, איז איבערצוקומען דעם גאות, אז דער מענטש זאל מסכים זיין זיך צו בייגן. פארשטייט זיך אז וואספארא גרעסערע 'קעיס' ס'איז, דארף דער מומחה זיין סאך מער 'עקספיריענסד' צו קענען משפיע זיין דעם מענטש איבערצוקומען זיין גאות, א זאך וואס ווערט נאר שווערער, ווי שווערער די קעיס איז.

דאס איז דער קונץ און פלאנטער פון טערעפי – איבערצוקומען דעם שאור שבעסה, און דער מענטש זאל מסכים זיין זיך צו בייגן.

עס איז נישט קיין גרינגע ארבעט, און יעדע טערעפיסט אויף זיין וועג האפט אז זיין ארבעט זאל נושא פירות זיין, און זיין קליענט זאל זיך ארויסדרעזען פון זיין פלאנטער.

עס איז נישט קיין חילוק פון וואס מען לייד, צו זאל עס זיין א פאביע, עקזייעטי וכדו', איז אלס דא דער 'שאור שבעסה' וואס בלאקט קענען פון רוהיגערהייט עקסעפטן אז 'אלעס איז אקעי', ווי מיר וועלן שפעטער מסביר זיין
לאמיר אריינטראכטן אין דעם אביסעלע טיפער. עס פילט זיך ווי א שווערע געפיל, אבער אין חסידישע און מוסר ספרים, ווערט דאס אנגערופן מיט פארשידענע נעמען, 'שאור שבעסה מעכב', 'טמטום הלב', וכדו'.

איך וויל נאכאמאל ארויסברענגען, אז די מטרה פון שרייבן אזוי, איז נישט ח"ו צו באשולדיגן איינער וואס לייד פון ענקזייעטי אז ער איז זיך אליין שולדיג. נאר דאס איז די טבע פון א מענטש, צו ווערן באיינפלוסט פון געוויסע געפילן און כוחות, וואס שטערן אים במשך הזמן אנצוקומען דארט ווי ער וויל, און עס קומט ארויס אין פארשידענע סימפטאמען. און די סיבה פארן עס אזוי אראפלייגן איז צו פארשטיין דעם יסוד וויאזוי א מחלה נפשית ווערט פאבראצירט ווי מיר וועלן מסביר זיין בהמשך.

בקיצור:
דער באטרעפענדער איז אין א פייט פון 'זיך נישט לאזן', און דער טערעפיסט דארף טרעפן א וועג וויאזוי איבערצוקומען דעם 'בלאק' אז דער מענטש זאל זיך יא לאזן.

אויב מען פייט, פייט עס צוריק!

לאמיר אביסל דורכשמועסן א גרויסע יסוד פונעם געפיל פון גאות – פון זיך נישט לאזן.

פון ווען דער מענטש ווערט געבוירן, איז ער אין א פייט. א פייט צווישן די חלק האלקי שבו, און די חלק הרע שבו. די צוויי חלקים שלאגן זיך כסדר ארום ווער זאל איבערנעמען די מאכט, כידוע פונעם ספר התניא, בפרט מיט די קלארע שיעורים פון אונזער חשוב'ער טייערע מגיד"ש הרב האנטעך שליט"א וואס לייגט אראפ די ענינים אזוי שיין כשמלה נקייה. אבער דאס איז עס, א מענטש איז נישט 'איין' כח, עס איז א הרכב פון צוויי הויפט חלקים, און אין די צוויי הויפט חלקים צוטיילט זיך עס אויף כמה חלקים אין די ג' מוחין און ז' מידות, אא"וו. עס קומט כסדר פאר העפטיגע וויכוחים צווישן די צוויי מחנות פון כוחות. די חלק הטוב אינעם מענטש וויל טון אלעס אין די וועלט בכדי פטור צו ווערן פון דעם רע וואס לאזט נישט נאך, און די רע וויל פטור ווערן פונעם טוב וואס לאזט נישט נאך.

וואס פאסירט געווענטליך ווען עס גייט פאר א מלחמה צווישן צוויי לענעדער? מען פראבירט אריינצומישן אנדערע אין די מלחמה צו קומען צו הילף, אלס מיט די מטרה אז איינער זאל עווענטואל געוואונען און אינגאנצן אויסראטן דעם שונא.

דער פראבלעם איז אבער אז אנדערש וואו אין א מלחמה, קען מען די צוויי חלקים נישט אינגאנצן אויסראטן, ווי דער תניא שרייבט, אז היות מיר זענען בינונים, וועט דער מלחמה אייביג בלייבן. אונזער עבודה איז צו שטיין אין די זייט, און נישט ווערן איבערגענומען פון די מלחמה. ווען דער רע וויל איבערנעמען, זאל מען זיך שיינערהייט מסיח דעת זיין דערפון, אבער מען דארף נישט צוריק פייטן.

איינע פון די גרעסטע פראבלעמען וואס פאסירט אין דעם מלחמה, איז אז מען פראבירט יא צוריק צו פייטן. די טבע פון די נפש איז, אז אויב מען פייט, פייט עס צוריק מיט סאך א גרעסערע כח ווי פון פריער. דאס איז דער טבע פון גאות, איך וויל דיך זען 'אראפ', און איך זאל זיין 'ארויפ'.

רב דסלר זצ"ל שרייבט אין מכתב מאליהו (ח"א ע' 235, ח"ג ע' 40), אז אויב איינער איז מכניע דעם יצר הרע, אבער ער ארבעט עס נישט אויס אינגאנצן, וועט עס טאקע העלפן לפי שעה, אבער ווען דער יצר וועקט זיך צוריק אויף, דעמאלס וועקט ער זיך צוריק אויף אסאך שטערקער פון די לעצטע מאל. ווייל די טבע פון די יצר איז (און דאס איז די נאטירליכע טבע אין א מענטש פון זיינע מידות), אז אויב מ'שטופט אים אוועק, שיסט ער נאכדעם צוריק שטערקער. איז אפילו אויב דו האסט מצליח געווען אים אוועקצושטופן פריער, גייט יעצט זיין צוויי מאל אזוי שווער. דאס מאכט די מלחמה מיטן יצר הרע, און די ארבעט אויף עבודת המידות, זייער זייער שווער, ווייל יעדע מאל וואס מ'איז מצליח מנצח צו זיין דער נאטור, גייט אבער די נעקסטע מאל זיין סאך שווערער.

רב דסלר איז מסביר מיט דעם דער עומק כוונת הגמרא אין סוכה, 'יצרו של אדם מתגבר עליו בכל יום', דער יצר הרע איז זיך מתגבר – שטערקער ווי נעכטן. ווען ער וועקט זיך אויף מארגן, איז ער שוין דאפעלט שטערקער פון נעכטן. ווי אויך פארשטייט ער אז דאס איז די עומק כוונת הגמ' אז 'כל הגדול מחבירו, יצרו גדול הימנו', אז ווי מער א מענטש ארבעט אויף זיך, און הייבט זיך אויף העכער פונעם יצר, ווערט דער יצר הרע נאר שטערקער פון די פעולת ההכנעה וואס מען האט געטון נעכטן. און מען זעט עס טאקע, אז די מענטשן וואס זענען מער קאכעדיג און היציגער בטבע, קענען האבן בטבע סאך שטערקערע יצר הרע'ס, ווייל בטבע פייטן זיי סאך מער פון סתם מענטשן, און דאס איז גורם אז דער יצר הרע ווערט סאך סאך שטערקער ביי זיי ווי ביי אנדערע די נעקסטע מאל עס וועקט זיך אויף.

דער געדאנק איז נישט קיין סוד. וויפל מאל פראבירט מען אויפצושטיין פארטאגס, און עס ווערט שווערער יעדע מאל, ביז מען גיט אינגאנצן אויף? און דער תירוץ איז, ווייל מען האט פראבירט צו 'אונטערדריקן' דעם יצר, אבער נישט ארבעטן 'מיט' אים.

אויב דאס איז די מצב, שטעלט זיך א שווערע שאלה, וויאזוי קומט מען איבער אזא יצר הרע? אויב וויל איך אים בייקומען, מיינט עס אז מארגן גייט ער זיין סאך שטערקער, און סאך שווערער איבערצוקומען, אויב אזוי פארוואס זיך אנפאנגען? וויאזוי קען מען אים באמת מנצח זיין? ווי מער א מענטש וועט זיך שלאגן מיט זיינע יצרים, וועט זיך דער יצר אויפוועקן מיט פרישע וועגן צו פרדרייען דעם קאפ פונעם מענטש, און די סייקעל איז ענדלעס. וויאזוי דרייט מען זיך ארויס פון דעם?

פייט נישט צוריק - בוי דיך אויף, אדער ווייז אויף קלאר דעם אמת

אויף דעם איז דא כמה מהלכים אין ספרים. רב דלסר איז דאס מסכם בקיצור (ח"ג ע' 47-48), מען קען דאס טון דורך משיג זיין השגות א-לקית, און זיך מתבונן זיין אין גדלות ה', און אויפבויען דעם אור אינעם הארץ, איינזען די געשמאק אין רוחניות, אוטומאטיש וועט דער יצר נישט האבן אזא השפעה אויף אים, ווייל ער לעבט אין אן אנדערן וועלט. אין אנדערע ווערטער, ער גייט נישט אראפקלאפן דעם יצר אין אים אנשרייען ווי משוגע ער איז, נאר ענדערשער אויפבויען זיין אייגענעם לעבן, און איינזען ווי געשמאק עס איז צו לעבן דעם רוחניות'דיגן לעבן, ממילא וועט נישט אויספעלן צו צוקלאפן דעם יצר. דאס איז מער ווייניגער דער מהלך אין ספר התניא, זיך נישט צופיל שלאגן מיטן יצר ווייל מען קען אים סייווי נישט צוקלאפן, און מען דארף אים נישט צוקלאפן ווייל די אהבה מוסתרת אין א יוד איז אלעמאל דא, און וועקט זיך אויפ מפעם לפעם, און דעמאלסט קען מען דאס אויפהייבן און לעבן מיט דעם, און ווען דער יצר קומט אריין זאל מען פשוט מסיח דעת און איינזען די גוטסקייט וואס מען האט פון לעבן מיט חלק הא-לקי.

דער אנדערע וועג איבערצוקומען דעם יצר, איז דורך ווייזן דעם יצר דעם אמת אז ער איז אפגעפרעגט מיניה וביה. נישט אים אראפקלאפן און אים אנשרייען ווייל דעמאלס וועט ער צוריקפייטן, נאר דורך אים ווייזן קלאר אז דאס וואס ער וויל, פאסירט נישט. קעגן דעם קלארן אמת, קען זיך דער יצר נישט קעגנשטעלן, ער קען נאר אנגיין מיט זיינע מעשיות ווילאנג ער קען פארדעקן דעם אמת, אבער אויב דער אמת איז קריסטאל קלאר, דעמאלסט פארמאכט ער זיך דאס מויל.

דער בחינה רעד רב דסלר אסאך מאל ארום, אז דער יצר הרע, וויל באהאלטן אלע טענות אינעם סובקאנשעס, ווי צו זאגן, 'קוק עס נישט אן!' לעב אינעם שקר. אבער דער מענטש ווייסט עס, און אויב ער וויל באמת וויסן דעם אמת.

'מה שנעלם מן האדם ע"י פעולת התת-ההכרה (דער סאבקאנשעס) באמת יודע אותו האדם, אלא שרצון יצרו להסתירו. והיינו 'איהו לא חזי, מזליה חזי' (מגילה ג.)', (מכתב מאליהו ח"ד ע' 298).

און אין ח"א ע' 52 רעד ער שטארק ארום פון דעם נקודה, ווי דער יצר לאזט נישט זען דעם אמת, אבער אויב וויל דער מענטש קען ער זיך לאזן עס זען, און דאס איז די ארבעט פון לימוד המוסר, זיך צו לאזן זען די אייגענע נגיעות וואס מען וויל נישט בדרך כלל זען. דער כח אמת וואס מען קומט צו דורך זיך לאזן זען דעם אמת, צוברעקעלט דעם יצר הרע, ווייל ער האט נישט וואס צו ענטפערן.

בקיצור ביז יעצט:
• בטבע וועט א מענטש פייטן יעדע זאך וואס מען וויל אים הייסן צו טון.
• דאס פאסירט ווען מען גייט צו מיט א מהלך פון 'פייטן', 'איבערקומען', אדער 'צודריקן'.
• עס מאכט דער מלחמת היצר, און בכלל עבודת המידות, פילפאכיג שווערער, ווייל אויב מען פייט, ווערט דער פייט דאפעלט שטערקער.
• כדי איבערצוקומען דעם יצר, מוז מען נעמען איינע פון די צוויי מהלכים, א', אדער אויפבויען מער די תענוג אינעם חלק הטוב, ב', אדער אויפווייזן קריסטאל קלאר, אז דער יצר איז נישט גערעכט, און ווי ער איז זיך סותר מיניה וביה.

דער פראבלעם וואס ליגט אונטער יעדע מחלת הנפש

יעצט צוריק צו אונזער נושא פון טערעפי.

ווען איינער דערקייקעלט זיך צו א מצב פון 'עקסטרעם' - זיין דאגה איז פארוואנדעלט געווארן אין 'עקזייעטי' זיין זיך נאך סיפוק אין לעבן איז פארוואנדעלט געווארן אין 'דעפרעסיע', זיין נטייה צו טון אלעס 'ריכטיג' איז פארוואנדעלט געווארן צו OCD, זיין נטייה צו הנאה האבן פון דער וועלט איז פארוואנדעלט געווארן צו ביי 'פאלער' אדער 'עי. די. עיטש. די'., זיין טבע פון זיכן נאנטשאפ, איז פארוואנדעלט געווארן אין 'בארדערליין פערסענאלעטי דיסארדער', זיין נטייה צו גאוה, איז פארוואנדעלעט געווארן צו 'נארסעסיזם', אא"וו – און זיי קומען אן צו טערעפי, ווייל זיי ווילן זיך דערזען ארויס פון זייער עקסרעמע מצב, מיט וועלכע וועג לעבן זיי מיט זייערע יצרים / געפילן / סאבקאנשעס וכדו'? האבן זיי אלס אויפעבויעט זייער חלק הטוב? האבן זיי פראבירט אויפצואווייזן דעם יצר הרע זייערע ווי זיי זענען אפגעפרעגט מיניה וביה? אדער האבן זיי אלס פראבירט צו 'פייטן' און 'אונטערדריקן' דעם יצר / געפילן?

שוין עס איז אביסל שפעט, עמער צוריק קומען אי"ה נאך שבת.
אויב טרעפט איר זיך שפירן פארקריפעלט יעדע שני וחמישי צייט מיט כראנישע ווייטאגן (רוקן ווייטאג, מאגן פראבלעמען, ענקזייעטי וכדו') און שוין באזיכט ביי אלע דאקטוירים אן קיין רעזולטאטן, דאן באשטעלט אייער אפוינטמענט צו קענען שפירן ווייטאג-פריי. [email protected]
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

מתבונן!!! איך האב נישט די ווערטער, חזקה על חבר שאינו מוציא מתחת ידו דבר שאינו מתוקן, קום צוריק און ענדיג ווייטער ווייל איך מיט אנדערע שלינגען מיט דארשט יעדע איינציגסטע שורה דיינע! יישר כח וחזק ואמץ שכרך הרבה מאוד!

לגבי די וועגן וויאזוי מנצח צו זיין די יצר, עס איז אמת אז א סך שרייבן טאקע אז די מהלך איז דייקא נישט זיך צו "שלאגן" מיטן יצר, אבער ס'קלאר יא געווען אזא מהלך אויך, עיין ערך ראשית חכמה.
אוועטאר
ספיידער
שר חמישים ומאתים
תגובות: 284
זיך איינגעשריבן אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

סיז מיר א גרויסע כבוד

  • ציטיר
  • צו לייגן א דאנק דארפט איר זיין אריינגעלאגט

תגובה דורך ספיידער »

אהההה.... אונזער אלעמען באקאנטן מחנך נפלא ועובד השם הייבט אן א נייעם אשכול מיטן ציהל ארויס צו העלפן קלאר צו מאכן און ענדגילטיג שטעלן אויף די אייגענע פיס די יודן מבקשי השם ומבקשי האמת, מיט שפאנונג און רגש קודש געב איך א קליק, איך רייב מיינע אויגן דאס אומגלויבלעכע זאך פאסירט דא בריש גלי לעיני כל בית אייוועלט, נישמער נישווייניגער די מגיד שטעלט זיך גאר אויף א שטיקל ספיידער, קיינער איז יעצט נישט ביי מיר אין אפיס פרייטאג נאכמיטאג איך שפרינג אויף פון פלאץ, איך לאז מיך ארויס אין א טאנץ... ווער וויל מיט טאנצן??? ווילסט נישט? איך פארשטיי דיר ווילסט נישט טאנצן מיט א ספיידער (זאג מיר ווען האט דיר א ספיידער לעצטע מאל געמאכט טאנצן??.....)

מ׳זאגט נאך פון צדיקים אז ווי העכער א מענטש איז אלס מער וועט ער זיך אראפ לאזן צו די קליינע נפשות, מתבונן יישר כח פאר די חיזוק איך ווארט מיט שפאנונג אויף די המשך

נ.ב. אזוי ווי איך בין אליינס אין די ליין פון העלפן יודישע קינדער מיט חיזוק וכו׳ וויל איך מעורר זיין א וויכטיגע זאך.
ווי עס קוקט אויס וועט מען דא אויסשמועסן מערערע מהלכים פון רפואות וויאזוי צו העלפן נפשיות׳דיגע שווערעקייטן, אויב איז איינער יעצט אינמיטן די פראצעדור פון גיין צו א פראפעשענעל פאר הילף איז די ערגסטע זאך וואס ער קען טון איז צו ליינען שיטות ומהלכים, מיין עדווייס פאר אזא איינעם איז: ר׳ יוד איר זענט יעצט אונטער כוואליעס פון ווייטאג, איר זענט יעצט צומישט, מאכטס נישט אייער לעבן שווערער, און די רבוש״ע זאל אייך געבן פיל מיט שמחת החיים אסאך מער ווי איר קענט אייך נאר פארשטעלן
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע
אוועטאר
האנטעך
שר חמישים ומאתים
תגובות: 338
זיך איינגעשריבן אום: מיטוואך פעברואר 04, 2015 12:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך האנטעך »

מתבונן!!
הערליך שיין!!
א גרויסע יישר כח!
כ'ווארט מיט אומגעדולד אויף המשך..
תרנגול
שר שלשת אלפים
תגובות: 3342
זיך איינגעשריבן אום: מיטוואך נאוועמבער 04, 2009 11:33 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך תרנגול »

wow מתבונן
הפלא ופלא!
הנותן לשכוי בינה...
אוועטאר
מתבונן
שר האלף
תגובות: 1037
זיך איינגעשריבן אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך מתבונן »

ספיידער האט געשריבן:נ.ב. אזוי ווי איך בין אליינס אין די ליין פון העלפן יודישע קינדער מיט חיזוק וכו׳ וויל איך מעורר זיין א וויכטיגע זאך.
ווי עס קוקט אויס וועט מען דא אויסשמועסן מערערע מהלכים פון רפואות וויאזוי צו העלפן נפשיות׳דיגע שווערעקייטן, אויב איז איינער יעצט אינמיטן די פראצעדור פון גיין צו א פראפעשענעל פאר הילף איז די ערגסטע זאך וואס ער קען טון איז צו ליינען שיטות ומהלכים, מיין עדווייס פאר אזא איינעם איז: ר׳ יוד איר זענט יעצט אונטער כוואליעס פון ווייטאג, איר זענט יעצט צומישט, מאכטס נישט אייער לעבן שווערער, און די רבוש״ע זאל אייך געבן פיל מיט שמחת החיים אסאך מער ווי איר קענט אייך נאר פארשטעלן


ריכטיג ספיידער, און איך וויל אויך קלאר שטעלן און מאכן א דיסקלעימער, אויב ארבעטסטו שוין מיט א מייעץ, און עס ארבעט פאר דיר, זיי ממשיך מיט אים, און פאלג זיינע אנווייזונגען. יש הרבה דרכים למקום, ודו"ק. אונזער מטרה דא איז אויסצושמועסן וויאזוי פארשידענע טערעפיס ארבעטן, די מטרה דערפון, און געבן א פלאטפארמע צו קענען פרעגן און ענטפערן, זה בונה וזה סותר.
אויב טרעפט איר זיך שפירן פארקריפעלט יעדע שני וחמישי צייט מיט כראנישע ווייטאגן (רוקן ווייטאג, מאגן פראבלעמען, ענקזייעטי וכדו') און שוין באזיכט ביי אלע דאקטוירים אן קיין רעזולטאטן, דאן באשטעלט אייער אפוינטמענט צו קענען שפירן ווייטאג-פריי. [email protected]
אוועטאר
מתבונן
שר האלף
תגובות: 1037
זיך איינגעשריבן אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך מתבונן »

עמער ממשיך זיין בע"ה.

דער פייט

צוריק צו אונזער קושיא, וויאזוי פאסירט דאס אז א מענטש זאל אנקומען צו אן 'עקסטרעמע' ווערסיע פון זיין מידה?

דער תירוץ אויף דעם איז, ווייל דער דומינאנטישע וועג וויאזוי ער האט זיך געספראוועט מיט זיינע אינסטינקטס און געפילן, איז געווען מער ווייניגער דורך 'פייטן' און 'איבערקומען' און 'צודריקן'. מאנכע וועלן זאגן, נו דאס איז דאך דער וועג וויאזוי מען דארף בייקומען דעם יצר הרע און די געפילן, אזוי שטייט דאך אין ספרים! 'מ'דארף זיך שלאגן מיט די יצר הרע!' עס קען זיין אז ס'איז דא אזא וועג ווי דער חשובער ניק מה פתאום האב געברענגט פונעם ראשית חכמה, אבער פון די ספרי חסידות זעט מען קלאר אז נישט דאס איז די ריכטיגע וועג אין היינטיגע דורות (כידוע וואס די ספרים זאגן אז היינט דארף זיין קודם 'עשה טוב', און נישט ווארטן אז ס'זאל זיין 'סור מרע', מ'זאל טון גוטע זאכן, און די רע וועט שוין פון זיך אליין אוועקפאלן, ע"ד די ערשטע וועג וואס רב דסלר האט געשריבן אויבן, ווי אויך פונעם ספר התניא זעט אויס אז עס גייט מיט 'היסח הדעת' נישט מיטן זיך שלאגן, ווייל מיטן זיך שלאגן וועסטו קיינמאל נישט פארטיג ווערן).

יעדע מאל ווען איינער קומט אריין צום טערעפיסט אין אפיס און ער זאגט אז ער איז שטארק אנגעצויגן אזש ער איז ממש פאראלאזירט, מיינט דאס באמת, אז ער וויל צודריקן א כח וואס וויל אים ארויסנעמען פון קאנטראל אין א געוויסע וועג.

דער פייט פון ענקזייעטי / פאוביעס

לאמיר געבן א פשוטע משל, איינער ליידט פון א פאביע אריינצוגיין אין אן עלעוועיטער. וואס איז דער פראבלעם? דער פראבלעם איז אז דער מענטש האט 'מורא' צו פילן די געפיל פון די פחד וואס גייט אים איבערנעמען ווען ער גייט אריין גיין אינעם עלעוועיטער. ער וויל דאס נישט פילן. אנשטאטס צו לאזן די געפיל זיין, און פארט אריינגיין אינעם עלעוועיטער, גייט ער אריין אין א פייט מיטן געפיל אז ס'זאל אים נישט לאזן איבערנעמען. פארשטייט זיך אז די צווייטער חלק פונעם פראבלעם איז, אז היות ער וויל פייטן דעם פחד געפיל, פייט דער פחד געפיל צוריק אויף א שטערקערעם פארנעם! און ער וויל יעצט נאך שטערקער צוריקפייטן, און ס'נעמט נישט קיין עק. היות ער האט נישט קיין כוח אזויפיל צו פייטן, ממילא איז ענדערש בעסער, בכלל נישט אריינצוגיין און אויסמיידן דעם גאנצן פייט.

לאמיר גיין א שטאפעל ווייטער.

א מענטש וואס ליידט פון פארקריפעלטע ענקזייעטי. וואס איז דער פייט? מאכט זיך גאנץ אפט, אז דער מענטש האט מורא אז אויב ער גייט נישט זיין אנגעצויגן, גייט ער פילן עפעס א צער. אין אנדערע ווערטער מיינט דאס, אז דער מענטש וויל 'צודריקן' די צער, ווייל ער האלט עס נישט אויס. די וועג וויאזוי ער צודריקט עס און ער אנטלויפט דערפון, איז דורך זיין 'עקסטרעם' אנגעצויגן, אזוי ווי איינער גליטשט זיך אויף גליטשעדיגע אייז מיט זיין קאר, און ער גארטעלט זיך אן מיט אלע זיינע כוחות וואס ער האט נאר, זיך צו ראטעוון דאס לעבן, און אפשטעלן די קאר. אזוי אויך וויל דער אנגעצויגענע מענטש, זיך אנגארטלען מיט אלע כוחות וואס ער האט נאר, צו אראפהאלטן די צער אז ס'זאל אים נישט איבערנעמען.

פארוואס וויל נישט דער מענטש פילן דעם צער? ווייל ס'איז זייער נישט געשמאק, און ער ווייסט נישט וויאזוי צו ריכטיג באהאנדלען דעם צער. אבער היות מען 'פייט' דעם צער, וויל דער צער צוריקפייטן. קיינער האט נישט ליב ווען מען באזייטיגט אים. צער וויל ארויסקומען און זיך אויסרעדן, ממילא וועט יעצט די ענערזשי פון די צער ווערן שטערקער בכדי 'יא' צו קענען ארויסקומען און זאגן וואס ס'וויל. די תוצאה דערפון גייט זיין, אז דער מענטש גייט אנצונדן זיינע ענקזייעטי ברעיקס און נאך שטערקער ברעיקן בכדי נישט צו דארפן דיעלן מיט דעם אנשיקעניש וואס וויל אינוואדירן זיין באוואוסזיין.

אזוי בלייבט דער מענטש שטעקן אינדערמיט מיט'ן דיאגנאז פון ענקזייעטי.

וואס וואלט אבער געווען ווען דער מענטש בלייבט מיט די צער, און פילט עס, הערט עס אויס, און זעט וואס דער צער איז בכלל, וועט ער וויסן וואס צו טון, אדער פשוט עקסעפטן די מציאות וויאזוי ס'איז?

ער וואלט אויסגעמיטן א פייט.

אבער נאטירלעך איז ער אין 'פייט מאוד' און כאפט זיך אליינס נישט אין די פייט וואס ער איז.

לאמיר נעמען נאך א דוגמא. אבער די נעקסטע פאר דוגמאות, זענען אפשר נישט אזוי באקאנט, און נישט יעדער קוקט עס אזוי אן. אבער וואס אנדערע פרעפעסארן האבן געזען, און ווי איך האב מיך דאס איבערגעצייגט פון מיין עקספיריענס וואס איך האב געזען, איז דאס די ריכטיגע ווארהייט איבער די סימפטאמען.

דער פייט פון אנארעקסיע / בולימיע

עס איז דא א קאנדישן וואס הייסט 'אנארעקסיע', און א קאנדישן וואס הייסט 'בולימיע'. ביידע זענען עסן-דיסארדערס איינער פארקערט פונעם צווייטן. אנארעקסיע, פאסירט ווען דער מענטש הונגערט זיך אויס מיטן ציל צו פארלירן וואג וכדו', ביז עס ווערט ממש סכנת נפשות. עס דערייקעלט זיך אזוי ווייט, אז זיי ווערן ממש עדיקטעד נישט צו קענען עסן. פשוטו כמשמעו. די חברה מוזן זיין אין שפיטאל פאר אבזערוואציע ביז זיי קומען צוריק צו די כוחות.

בולימיע, איז פארקערט. דער מענטש פרעסט זיך אזוי אן, אזש די שפיץ פונעם קליין פינגער פיט שוין נישט אריין אינעם מאגן. נאכן זיך אנפרעסן, קומט די פאזע פון זיך אויסליידיגן. מען מאכט זיך ברעכן, אדער דייעריע, בכדי פטור צו ווערן פון אלע איבריגע עסן וואס מען האט זיך אנגעשטאפט. אז מען טוט דאס איין מאל איז נישט געפערליך, אבער די מענטשן ווערן עדיקטעד דאס צו טון. די רעזולטאטן זענען די זעלבע פון אויבן, מען פארלירט מיניראלן אינעם קערפער פון זיך אזויפיל 'קלינען', אז זיי ברויכן אויך אנקומען אין שפיטאל זיך צוריק צו כאפן די נשמה.

אין די מעדעצינישע וועלט זענען די ביידע מצבים צוויי באזונדערע דיסארדעס. אבער אין אמת'ן אריין זענען ביידע איינס, נאר איינס טוט צודריקן די אנדערע. ווי איך האב געהערט פון דר. ריטשערד שווארץ (דער מייסד פונעם IFS מהלך) וואס האט זיך אויסגעדריקט ביי א דרשה, 'אן אנארעקסיק איז באמת א בולימיק, און א בולימיק איז באמת'ן אן אנארעקסיק'. איינער וואס לייד פון אנארעקסיע פראבירט באמת צו פייטן די כח אים אים וואס וויל באמת פרעסן, דערפאר הונגערט ער זיך אויס בכדי ח"ו זיך נישט נאכלאזן און צוקומען צו אזא פרעסעריי. דער חלק וואס וויל אבער פרעסן וויל פי כמה צוריק פייטן און נאך מער פרעסן, און אזוי בלייבט עס א פייט ביז מען באהאנדעלט עס. דאס זעלבע איז פארקערט, דער בולימיק רוקט אריין אזוי סאך, ווייל ס'האט מורא אז ער וועט ווערן אנארעקסיק און זיך אויסהונגערן, דערפאר פראבירט ער מיט אלע כוחות צו פייטן. און פארשטייט זיך אז די חלק וואס וויל זיך אויסהונגערן וואקסט יעצט צוויי פאכיג, און וויל זיך נאך מער אויסהונגערן ווייל ס'האט נישט ליב אזויפיל זיך אנצושטאפן, און דער בולימיק כוח, דארפ יעצט ארבעטן צוויי מאל אזוי סאך, איבערצוקומען דעם פייט.

פארוואס איינער וועט אויפן אויבערפלאך זיין אן אנארעקסיק, און דער אנדערע וועט אויפן אויבעפלאך זיין א בולימיק? דאס ווענד זיך אסאך אינעם פערסענאלעטי טייפ מיט וואס דער מענטש פילט באקוועמער זיך צו איידענטפעצירן. ווער עס פארשטייט צום אניאגראם, קען פארשטיין אז דער אנארעקסיק וועט זיין מער 'איינזער'
געשטומט, און דער בולימיק וועט זיין מער 'זיבענער' געשטימט.

דער פייט פון OCD / ADHD

דאס זעלבע איז מיט OCD, און ADHD. און אמת'ן אריין האב ביידע עפעס פון ביידע, אין א געוויסע זין. די סיבה פארוואס איינער איז אזוי עקסטרעם און פערפעקט, איז ווייל אן אנדערע כח אין אים שטופט אים צו זיין 'אויס' פערפעקט. און ווען ער איז ממשיך צו זיין זייער פערפעקט, וויל יענע חלק ארויסשפרינגען פון די הויט און האבן fun אויף ווי ווייט מעגליך צו אן עקסטרעם. אבי נישט צו זיין אינטער די אייזערנע גראטעס פונעם 'פערפעקטער' און גארנישט קענען טון נאר אויב ס'איז הונדערט פראצענט. ווען דער פערפעקט חלק דיטעקט אז עפעס אין אים וויל סתם האבן fun, ווערט ער אויפגעברויזט, און ווערט נאך מער פערפעקט, מיט א האפענונג צו צודריקן דאס ווילד קינד אין אים וואס וויל זיך סתם אזוי ענזשויען.

דאס זעלבע איז פארקערט. דער adhd, איז שרעקליך נערוועז אז איינער אין אים וויל אים 'ריסטריקטן', און אים האלטן אין קאנטראל, ווייל דאס מיינט אז איך גיי פארלירן מיין fun, ממילא ווערט ער מער צופלויגן, בכדי נישט צו פילן ניטאמאל דער 'קאנטראלער'. ווידעראום דער קאנטראלער ווערט מורא'דיג נערוועז אז איינער שווענד אפ דאס לעבן אויף גארנישט, און וויל איך איינשפארן אין א תפיסה, אז ער זאל זיך נישט דערווייגן צו האבן fun נאכאמאל, נאר זיכן 'תכלית'. וחוזר חלילה, און זיי קומען זיך קיינמאל נישט געהעריג אויס, ווייל יעדער זיכט צו אנטלויפן פונעם צווייטן. דער רעזולטאט דערפון איז, אז מען בלייבט צוריסן ערגעץ אינדערמיט אן קיין געהעריגע גאנג, און מען בלייבט צומישט. ווער וועט בלייבן ocd, און ווער וועט בלייבן adhd? ווענד זיך וועלעכע סארט פערסאנאלטי ער איז. איז ער מער 'איינזער' געשטומט, וועט דער פערפעקט חלק גובר זיין, היות דאס רעדט מער צו אים, און אויב איז ער א 'זיבענער', וועט דער adhd חלק מער גובר זיין און זיין אויפן אויבערפלאך.

מ'קען אזוי ווייטער ארום רעדן מיט יעדן דיסארדער, אבער האפענטליך איז דער פוינט קלאר.

אז מען פארשטייט דעם קאנצעפט, וועט מען פארשטיין די שוועריגקייט וואס דער טערעפיסט האט. ווייל חוץ פון דעם וואס מען האנדעלט מיט איינעם וואס ווייסט נישט וויאזוי זיך צו בארוהיגן, האנדעלט מען גאר מיט איינער וואס אין די סאמע הויכע שטאפל פון א גאר ערענסטע פייט. עס איז זייער שווער צו זאגן פאר איינעם בשעת ער שלאגט זיך מיט איינעם, 'האלאו! סטאפ, הער דיך אויף צו שלאגן!', קענסט רעדן צום לאמפ, ער שלאגט זיך דא אויף עפעס, זעסט נישט ווי ער שוימט פון כעס? ער וויל דא צו עפעס אנקומען. ער וויל יענעם באזייטיגן און איבערקומען. קענסט אים נישט זאגן סתם, סטאפ. דאס זעלבע פאסירט דא. קענסט נישט זאגן פאר דעם פאביע ליידענדע, סטאפ מורא צו האבן, דו זעסט נישט אז ס'גארנישט? ווייל ווען ער גייט אריין אינעם עלעוועיטער איז ער ראשו ורובו אין א פייט, און דו קענסט צו אים נישט רעדן און גארנישט מסביר זיין.

טערעפי – צו סטאפן דעם פייט

טערעפי, פראבירט מיט אלע וועגן איבערצוקומען די סארט פייטס. עס פראבירט צו ברענגען שלום אינעם סיסטעם און צוגיין צום נושא אן א פייט. אויב דער טערעפיסט איז מצליח אפצושטילן דעם פייט, ווערט מען רוהיג און מען קען אנקוקן די נושא מיט א ריכטיגע פראספעקטיוו.

די שאלה איז נאר, וועלעכע פייט איז דער טארגעט פונעם טערעפיסט איינצושטילן? דאס קען זיין א גרויסע פאקטאר אינעם סוקסעס פונעם טערעפיסט.

לאמיר מסביר זיין וואס איך מיין מיט דעם.

יענקל איז א חשובער טאלאנטפולער יונגערמאן, אבער א קליינע חסרון האט ער, ס'איז אים שווער צו אנהאלטן א tone. דאס האט גורם געווען אז ס'איז אים שווער געווען צו קענען שיין זינגען. ער פלעגט צוגיין צום עמוד, און צו יעדעמס ערשטוינונג האט מען באקומען א געדאווענאכטס פון פארשידענע נוסחאות, אנגעהויבן פון די וואכענדיגע, און געענדיגט ביי די יום טוב'דיגע. פאר א לאנגע צייט האט זיך יענקל געמוטשעט מיט דעם און כסדר געהאפט אז אט אט וועט קומען דער טאג ווען ער וועט קענען אראפלייגן א שיינעם דאווענען. אבער דער טאג איז קיינמאל נישט אנגעקומען. בלית ברירה האט ער מחליט געווען אז אין דעם גלגול גייט ער נישט זוכה זיין אראפצולייגן א שיינעם ממקומך. וכך הוה, אין זיין ביהמ"ד האט יעדער געוואוסט אז ווען יענקל גייט צו צום עמוד קען זיין פורים. און יעדער האט זיך צוגוואוינט דערצו.

ווען יענקל איז געקומען צו מיר, איז ער געקומען וועגן גאר עפעס אנדערש. ער איז געקומען מיט א אטעמען פראבלעם. מאכט זיך אסאך מאל אז ער קען זיך פשוט נישט כאפן דעם אטעם. פארשידענע פראפעסארן ווי אויך סתם עמך יודן, האב פראבירט אים צו געבן דעם פיזישן דיאגנאז, אבער דערווייל האט ער נאך גארנישט געטון. ער האט געוואלט הערן פון מיר אויב איך קען טרעפן אן 'עמאציאנאלע שורש' אין דעם אנשיקעניש.

איך האב אים אביסל אויסגעפרעגט, און מיר האבן צוזאמען אביסל 'אראפגענאגעלט' וואו דער פראבלעם קומט ארויס. מיר זענען צוגעקומען אז דער עיקר פראבלעם קומט ארויס ווען ער גייט צו צום עמוד. דארט דארף ער זיך יעדע 5 ווערטער אפשטעלן און זיך כאפן דעם אטעם. אזוי רעדענדיג פונעם עמוד גיט ער אזא 'דערמאן', אז די איינציגסטע 'ערענסטע' פראבלעם וואס ער האט נאר געהאט אין לעבן, איז דער זינגען פראבלעם ביים עמוד. אבער יענע פראבלעם איז שוין פון לאנג געלייזט געווארן, ווייל ער האט שוין אויפגעגעבן אויף דעם און שלום געמאכט מיט די מצב, ממילא זעט ער נישט וואו דאס קען בכלל האבן אן עפעקט אויף אים און האבן סייוואספארא שייכות צום יעצטיגן אטעמען פראבלעם.

איך האב געהערט וואס ער זאגט, אבער איך האב בכל זאת געוואלט פראבירן מיין מזל און זען אויב ער האט טאקע 'באמת' אויפגעגעבן אויף זיין חלום. ווען מען שטייט פארן עמוד איז טאקע דא אימתא דציבורא, אבער אויף אזוי ווייט, איז דאך טאקע מעגליך אז דער אלטע פראבלעם האט נאך איבערגעלאזט שיריים.

איבריג צו זאגן, אז אין די נעקסטע שטונדע האבן מיר צוזאמען אויסעפונען, אז אין אמת'ן אריין טיף טיף אינעם אונטערבאוואוסטזיין האט יענקל באמת 'נישט' אויפגעגעבן אויף זיין חלום פון קענען שיין זינגען. און אנשטאטס צו באמת עקסעפטן זיין גורל, איז ער באמת אריין אין א פייט בשעת'ן דאווענען, וואס האט אוומוועלענדיג אים אריינגעלייגט אין א שטארקע סטרעס, און אים נישט געלאזט אטעמען.

דער דוגמא איז דוגמא אחת מני אלף, ווען א מענטש 'זאגט' אז ער האט אויפגעגעבן דעם פייט און זיך אונטערגעגעבן, ווען אין פאקט האט ער נישט אויפגעגעבן. דאס ברענגט נייע פראבלעמען וואס מען האט פריער נישט געהאט. ביי די פאל פון יענקל, איז דער פאבלעם ב"ה נעלם געווארן איינמאל ער האט דאס איינגעזען, ווייל יעצט האט ער טאקע געקענט אויפגעבן זיין פייט, און באמת מסכים זיין אז דאס איז נישט זיין טאלאנט (אגב, מיט ווייטערדיגע ארבעט האט ער ב"ה צוריק באקומען דעם טאלאנט אויכעט, און ב"ה געקענט נאכדעם פיין זינגען ב"ה, אבער דער אטעמען פראבלעם איז שוין אוועק פאר דעם).

דערפאר איז וויכטיג צו פארשטיין, אז ווען מען קומט סטאפן א פייט, דארף מען זיין קלאר וועלעכע פייט גיי איך דא סטאפן, און פארוואס עס זאל ארבעטן.

אינעם קומעדיגן קאפיטעל האפן מיר אביסל איבערצוגיין פארשידענע וועגן וויאזוי די שיטות אין טערעפי פראבירן דאס צו ערפילן, און אינאיינוועגס, וועט מען קענען זען קלארער, פארוואס און ווען איין טערעפי וועט ארבעטן איבער די צווייטע.
אויב טרעפט איר זיך שפירן פארקריפעלט יעדע שני וחמישי צייט מיט כראנישע ווייטאגן (רוקן ווייטאג, מאגן פראבלעמען, ענקזייעטי וכדו') און שוין באזיכט ביי אלע דאקטוירים אן קיין רעזולטאטן, דאן באשטעלט אייער אפוינטמענט צו קענען שפירן ווייטאג-פריי. [email protected]
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

זייער זייער קלאר און שיין געשריבן! א אמת'ע דאנק, אויב וואלט איך נישט געליינט אויף אייוועלט נאר די ארטיקל האט זיך עס שוין געלוינט!

מתבונן האט געשריבן:דער פייט פון OCD / ADHD

דאס זעלבע איז מיט OCD, און ADHD. און אמת'ן אריין האב ביידע עפעס פון ביידע, אין א געוויסע זין. די סיבה פארוואס איינער איז אזוי עקסטרעם און פערפעקט, איז ווייל אן אנדערע כח אין אים שטופט אים צו זיין 'אויס' פערפעקט. און ווען ער איז ממשיך צו זיין זייער פערפעקט, וויל יענע חלק ארויסשפרינגען פון די הויט און האבן fun אויף ווי ווייט מעגליך צו אן עקסטרעם. אבי נישט צו זיין אינטער די אייזערנע גראטעס פונעם 'פערפעקטער' און גארנישט קענען טון נאר אויב ס'איז הונדערט פראצענט. ווען דער פערפעקט חלק דיטעקט אז עפעס אין אים וויל סתם האבן fun, ווערט ער אויפגעברויזט, און ווערט נאך מער פערפעקט, מיט א האפענונג צו צודריקן דאס ווילד קינד אין אים וואס וויל זיך סתם אזוי ענזשויען.

דאס זעלבע איז פארקערט. דער adhd, איז שרעקליך נערוועז אז איינער אין אים וויל אים 'ריסטריקטן', און אים האלטן אין קאנטראל, ווייל דאס מיינט אז איך גיי פארלירן מיין fun, ממילא ווערט ער מער צופלויגן, בכדי נישט צו פילן ניטאמאל דער 'קאנטראלער'. ווידעראום דער קאנטראלער ווערט מורא'דיג נערוועז אז איינער שווענד אפ דאס לעבן אויף גארנישט, און וויל איך איינשפארן אין א תפיסה, אז ער זאל זיך נישט דערווייגן צו האבן fun נאכאמאל, נאר זיכן 'תכלית'. וחוזר חלילה, און זיי קומען זיך קיינמאל נישט געהעריג אויס, ווייל יעדער זיכט צו אנטלויפן פונעם צווייטן. דער רעזולטאט דערפון איז, אז מען בלייבט צוריסן ערגעץ אינדערמיט אן קיין געהעריגע גאנג, און מען בלייבט צומישט. ווער וועט בלייבן ocd, און ווער וועט בלייבן adhd? ווענד זיך וועלעכע סארט פערסאנאלטי ער איז. איז ער מער 'איינזער' געשטומט, וועט דער פערפעקט חלק גובר זיין, היות דאס רעדט מער צו אים, און אויב איז ער א 'זיבענער', וועט דער adhd חלק מער גובר זיין און זיין אויפן אויבערפלאך.

לעצטנס האב איך געהערט פון אפאר אידן וואס זענען דייאגנאזירט מיט ביידע, סיי ADHD און סיי OCD, האיך יתקיימו שניהם?
אוועטאר
מתבונן
שר האלף
תגובות: 1037
זיך איינגעשריבן אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך מתבונן »

מה פתאום??? האט געשריבן:זייער זייער קלאר און שיין געשריבן! א אמת'ע דאנק, אויב וואלט איך נישט געליינט אויף אייוועלט נאר די ארטיקל האט זיך עס שוין געלוינט!

מתבונן האט געשריבן:דער פייט פון OCD / ADHD

דאס זעלבע איז מיט OCD, און ADHD. און אמת'ן אריין האב ביידע עפעס פון ביידע, אין א געוויסע זין. די סיבה פארוואס איינער איז אזוי עקסטרעם און פערפעקט, איז ווייל אן אנדערע כח אין אים שטופט אים צו זיין 'אויס' פערפעקט. און ווען ער איז ממשיך צו זיין זייער פערפעקט, וויל יענע חלק ארויסשפרינגען פון די הויט און האבן fun אויף ווי ווייט מעגליך צו אן עקסטרעם. אבי נישט צו זיין אינטער די אייזערנע גראטעס פונעם 'פערפעקטער' און גארנישט קענען טון נאר אויב ס'איז הונדערט פראצענט. ווען דער פערפעקט חלק דיטעקט אז עפעס אין אים וויל סתם האבן fun, ווערט ער אויפגעברויזט, און ווערט נאך מער פערפעקט, מיט א האפענונג צו צודריקן דאס ווילד קינד אין אים וואס וויל זיך סתם אזוי ענזשויען.

דאס זעלבע איז פארקערט. דער adhd, איז שרעקליך נערוועז אז איינער אין אים וויל אים 'ריסטריקטן', און אים האלטן אין קאנטראל, ווייל דאס מיינט אז איך גיי פארלירן מיין fun, ממילא ווערט ער מער צופלויגן, בכדי נישט צו פילן ניטאמאל דער 'קאנטראלער'. ווידעראום דער קאנטראלער ווערט מורא'דיג נערוועז אז איינער שווענד אפ דאס לעבן אויף גארנישט, און וויל איך איינשפארן אין א תפיסה, אז ער זאל זיך נישט דערווייגן צו האבן fun נאכאמאל, נאר זיכן 'תכלית'. וחוזר חלילה, און זיי קומען זיך קיינמאל נישט געהעריג אויס, ווייל יעדער זיכט צו אנטלויפן פונעם צווייטן. דער רעזולטאט דערפון איז, אז מען בלייבט צוריסן ערגעץ אינדערמיט אן קיין געהעריגע גאנג, און מען בלייבט צומישט. ווער וועט בלייבן ocd, און ווער וועט בלייבן adhd? ווענד זיך וועלעכע סארט פערסאנאלטי ער איז. איז ער מער 'איינזער' געשטומט, וועט דער פערפעקט חלק גובר זיין, היות דאס רעדט מער צו אים, און אויב איז ער א 'זיבענער', וועט דער adhd חלק מער גובר זיין און זיין אויפן אויבערפלאך.

לעצטנס האב איך געהערט פון אפאר אידן וואס זענען דייאגנאזירט מיט ביידע, סיי ADHD און סיי OCD, האיך יתקיימו שניהם?


מיטן נייעם נאטאפאקאציע סיסטעם, זעט מען גלייך אז מה פתאום האט שוין צוטירט עפעס.

ווען ביידע כוחות זענען מער ווייניגער אויפן אויבערפלאך, דאס הייסט ביידע כוחות שלאגן זיך סאך מער איינער קעגן דעם אנדערע, וועט מען זיי דיאגנאזן מיט ביידע. דאס מיינט א דיאנגנאז אין די מענטל העלט פעלד - א כוח וואס זעט זיך אן אינדרויסן.
אויב טרעפט איר זיך שפירן פארקריפעלט יעדע שני וחמישי צייט מיט כראנישע ווייטאגן (רוקן ווייטאג, מאגן פראבלעמען, ענקזייעטי וכדו') און שוין באזיכט ביי אלע דאקטוירים אן קיין רעזולטאטן, דאן באשטעלט אייער אפוינטמענט צו קענען שפירן ווייטאג-פריי. [email protected]
אוועטאר
מה פתאום???
שר ארבעת האלפים
תגובות: 4402
זיך איינגעשריבן אום: דאנערשטאג יולי 09, 2015 5:16 pm
לאקאציע: עיה״ק צפת

  • ציטיר
  • צו לייגן א דאנק דארפט איר זיין אריינגעלאגט

תגובה דורך מה פתאום??? »

מיט די נייע נאטאפאקאציע סיסטעם וכו'...

טענקס עגען..
אוועטאר
ספיידער
שר חמישים ומאתים
תגובות: 284
זיך איינגעשריבן אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ספיידער »

זייער שיין! כ'האב שטארק הנאה געהאט
מתבונן האט געשריבן:
דער פייט פון OCD / ADHD

דאס זעלבע איז מיט OCD, און ADHD. און אמת'ן אריין האב ביידע עפעס פון ביידע, אין א געוויסע זין. די סיבה פארוואס איינער איז אזוי עקסטרעם און פערפעקט, איז ווייל אן אנדערע כח אין אים שטופט אים צו זיין 'אויס' פערפעקט. און ווען ער איז ממשיך צו זיין זייער פערפעקט, וויל יענע חלק ארויסשפרינגען פון די הויט און האבן fun אויף ווי ווייט מעגליך צו אן עקסטרעם. אבי נישט צו זיין אינטער די אייזערנע גראטעס פונעם 'פערפעקטער' און גארנישט קענען טון נאר אויב ס'איז הונדערט פראצענט.


סיזמער אינטערעסאנט צו הערן א נייע געדאנק אפצולערנען ADHD

ווי איך האב פארשטאנען ביז היינט איז ADHD א קאגנעטיוו פראבלעם אז עס פעלט פון די מענטש די כשרון פון מצמצם זיין די מוח און פילטערן די אינפארמעישן אזויווי איך האב גע'הערט פון ר' ישעי' וועבער, און ר' ישעי' איז טאקע נישט מייעץ קיין מעדיקעישן אויב ער זעהט אז די ADHD נעמט זיך פון אן אימאושענעל פראבלעם אדער פון די אישיות פון די מענטש
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע
אוועטאר
האנטעך
שר חמישים ומאתים
תגובות: 338
זיך איינגעשריבן אום: מיטוואך פעברואר 04, 2015 12:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך האנטעך »

מתבונן
ADD אדער ADHD קען מען היילען לויט דיר?
דהיינו ווען דער מענטש הערט זיך אויף צו שלאגן קומט ער צוריק אין סיסטעם?
אוועטאר
האנטעך
שר חמישים ומאתים
תגובות: 338
זיך איינגעשריבן אום: מיטוואך פעברואר 04, 2015 12:12 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך האנטעך »

קודם ווען כ'האב דאס געזעהן
מתבונן האט געשריבן:זיין נטייה צו הנאה האבן פון דער וועלט איז פארוואנדעלט געווארן צו ביי 'פאלער' אדער 'עי. די. עיטש. די'.,
האב איך שוין געזען א באהאלטענע באמבע יעצט איז עס שוין אפען..
זאג מיר איז עס ריכטיג וואס אלע מגידי שיעור שרייען אויף די עידידי חברה אז זיי האלטען ביי גארנישט נישט מער זיי האבן נישט קיין קבלת עול??
שטארק זיך
שר שבעת אלפים
תגובות: 7764
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

ספיידער האט געשריבן:זייער שיין! כ'האב שטארק הנאה געהאט
מתבונן האט געשריבן:
דער פייט פון OCD / ADHD

דאס זעלבע איז מיט OCD, און ADHD. און אמת'ן אריין האב ביידע עפעס פון ביידע, אין א געוויסע זין. די סיבה פארוואס איינער איז אזוי עקסטרעם און פערפעקט, איז ווייל אן אנדערע כח אין אים שטופט אים צו זיין 'אויס' פערפעקט. און ווען ער איז ממשיך צו זיין זייער פערפעקט, וויל יענע חלק ארויסשפרינגען פון די הויט און האבן fun אויף ווי ווייט מעגליך צו אן עקסטרעם. אבי נישט צו זיין אינטער די אייזערנע גראטעס פונעם 'פערפעקטער' און גארנישט קענען טון נאר אויב ס'איז הונדערט פראצענט.


סיזמער אינטערעסאנט צו הערן א נייע געדאנק אפצולערנען ADHD

ווי איך האב פארשטאנען ביז היינט איז ADHD א קאגנעטיוו פראבלעם אז עס פעלט פון די מענטש די כשרון פון מצמצם זיין די מוח און פילטערן די אינפארמעישן אזויווי איך האב גע'הערט פון ר' ישעי' וועבער, און ר' ישעי' איז טאקע נישט מייעץ קיין מעדיקעישן אויב ער זעהט אז די ADHD נעמט זיך פון אן אימאושענעל פראבלעם אדער פון די אישיות פון די מענטש

למתבונן ולכל מי שמתבונן...
ריכטיג, פארהאן פעלער אין וועלעכע דעם מענטשנס טבע'דיגע שוועריקייט מיט נעמען אן עול און אחריות (עי די די וכד'). ברענגט אים זיך זעלבסט צו פראסקענען, אזוי צו זאגן... אויף זיינע אומ'שלימות'ער. כמובן מיט הגזמות נוראות. כאילו דער אי-שלימות איז עפעס א ריזן קאטעסטראפע. מיינענדיג אז עס וועט אים גאר מאטיווירן צו טוהן בעסער. ווען למעשה ברענגט ער זיך אריין דורך דעם, אין אן אומגעהוירן אנגעצויגנקייט (או סי די וכד'), וואס קען אנקומען עד כדי כך אזש ביז צום האלטן זיין גייסטיגן זינען פאר'משכונ'ט, סדר היום טאטאל געשטראנדעט. אלעס צוליב פערפעקשאניזם.

אבער עס איז נישט אבסעלוט. צומאל איז עס די נטי' פונעם מענטשליכן עגא, צו ערווארטן פון זיך אומרעאליסטישע הויכן און השלמות, אפילו און אפוועזנהייט פון שוועריקייטן מיט עול און אחריות.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
אוועטאר
ספיידער
שר חמישים ומאתים
תגובות: 284
זיך איינגעשריבן אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ספיידער »

האנטעך האט געשריבן:מתבונן
ADD אדער ADHD קען מען היילען לויט דיר?
דהיינו ווען דער מענטש הערט זיך אויף צו שלאגן קומט ער צוריק אין סיסטעם?


איך קען נישט מתבונן׳ס מהלך אבער איך גלייב אז אפילו אויב מען קען נישט היילן די מחלה אליינס קען מען אבער מינימייזן די ווייטאג, אומצופרידנהייט, און יאוש וואס adhd ברענגט מיט מיט זיך, דורכדעם וואס די מענטש לערנט זיך אויס זיך בעסער צו פארשטיין
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע
אוועטאר
ספיידער
שר חמישים ומאתים
תגובות: 284
זיך איינגעשריבן אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ספיידער »

האנטעך האט געשריבן:קודם ווען כ'האב דאס געזעהן
מתבונן האט געשריבן:זיין נטייה צו הנאה האבן פון דער וועלט איז פארוואנדעלט געווארן צו ביי 'פאלער' אדער 'עי. די. עיטש. די'.,
האב איך שוין געזען א באהאלטענע באמבע יעצט איז עס שוין אפען..
זאג מיר איז עס ריכטיג וואס אלע מגידי שיעור שרייען אויף די עידידי חברה אז זיי האלטען ביי גארנישט נישט מער זיי האבן נישט קיין קבלת עול??

לאמיר זאגן אז די מגיד שיעור איז יא גע׳רעכט אז די בחור האט נישט קיין קבלת עול סאו וואס איז די עצה אויף דעם? שרייען? (מעיבי..)
לאמיר זאגן די בחור איז זיך אליינס שילדיג אדער זיין פראבלעם קומט פון שלעכטע מידות אויב די מגיד שיעור וויל אבער אפילו אין אזא פאל העלפן די בחור דארף ערמאכן א סטראטעגיע וויאזוי אים צו העלפן, אויב די סטראטעגיע איז שרייען? כל הכבוד, אבער סתם שרייען ווייל יענער האט נישט קיין עול וואסי די תועלת?
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע
אוועטאר
מתבונן
שר האלף
תגובות: 1037
זיך איינגעשריבן אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך מתבונן »

ספיידער האט געשריבן:סיזמער אינטערעסאנט צו הערן א נייע געדאנק אפצולערנען ADHD

ווי איך האב פארשטאנען ביז היינט איז ADHD א קאגנעטיוו פראבלעם אז עס פעלט פון די מענטש די כשרון פון מצמצם זיין די מוח און פילטערן די אינפארמעישן אזויווי איך האב גע'הערט פון ר' ישעי' וועבער, און ר' ישעי' איז טאקע נישט מייעץ קיין מעדיקעישן אויב ער זעהט אז די ADHD נעמט זיך פון אן אימאושענעל פראבלעם אדער פון די אישיות פון די מענטש


ווען איינער איז אין א פייט, קען ער טראכטן קלאר? איינע פון די זאכן וואס שטייט אין ספרים אויף די שעדליכקייט פון כעס, איז אז ס'נעמט אוועק די דעת, און מ'קען נישט מאכן קיין געהעריגע דיסישענס. ווייל ווען די מוח פיבערט און איז אנגעהיצט, איז זייער שווער צו קענען קלאר טראכטן. ווען מען איז אין א פייט, איז דאך יעדער אויפגערעגט אויפן צווייטן, און יעדער וויל זען דעם אנדערן אין דער ערד, קען מען קלאר טראכטן אין אזא מצב? ואם כי גוזמה קתני אין אונזער פאל, אבער אין א געוויסע זין זענען די מוחות פון די סארט מענטשן און כסדר'דיגע היציגען פייט, איינער וויל אייננעמען די וועלט, און דער אנדערע פראבירט צו מאכן גבולים, און יעדער איז משוכנע אז דער אנדערער וויל סתם דרייען א קאפ. איז שייך צו טראכטן קלאר?

דו קענסט נאר פרעגן, פון וואו פאנגט זיך עס אן? פאנגט זיך עס אן אז ס'איז נישטא קיין ישוב הדעת, און דערפאר זענען די ביידע חלקים אויף א הייוועי און ס'איז שווער זיי צו סטאפן, וואס פארטייט זיך מאכט די קאגנעטיוו חלק ערגער? אדער זענען זיי געבוירן געווארן מיט דעם קאגנעטיוו חלק, נאר שפעטער איז אויס געווארן העיזי פונעם פייט?

איך גלייב אז עס קומט אויף איינמאל. די ריכטיגע עי די די'ניקס, ווערן אזוי נאטירלעך געבוירן מיט ווייניגער ישוב הדעת, און מיט א שטערקערע כח הרצון אנצוקומען מיט וויפל ס'שייך און גארנישט זאל נישט שטיין זייער וועג. דאס מאכט אוטומאטיש אז עס זאל ביי זיי נתקיים ווערן דעם 'כל הגדול מחבירו, יצרו גדול ממנו', ווייל זייערע כוחות זענען נאטירלעך גרעסער, ממילא זענען אלע זייערע נסיונות גרעסער מחמת דעם פייט, כפי שכתבתי בשם רב דסלר. ביי די וואס ווערן נישט געבוירן אזוי, נאר דעוועלאפט זיך שפעטער פון עמאושענעל פראבלעמען, איז עס זיכער א דיירעקטע תוצאה פון די סטרעס און די פייט וואס גייט פאר אין זיי.

און דאס ברענגט די קושיא וואס האנטעך פרעגט,
האנטעך האט געשריבן:מתבונן
ADD אדער ADHD קען מען היילען לויט דיר?
דהיינו ווען דער מענטש הערט זיך אויף צו שלאגן קומט ער צוריק אין סיסטעם?


אויב קען מען ארבעטן אויף זיי אז די צוויי חלקים זאלן מאכן שלום צווישן זיך, אז יעדער זאל זען אז ער האט א תפקיד פאר זיך, דער כח הרצון זאל איינזען אז אמאל דארף מען גבולים אויך, און דער בעל הגבולים זאל איינזען אז פאר זיין כח הרצון קען מען נישט אלעמאל מאכן אזאנע עקסטרעם גבולים, דעמאלסט איז ער אויסגעהיילט, און דער קאגנעטיוו חלק קומט אוטומטיש צוריק, ווייל עס הערשט א רוהיגקייט. דער פראבלעם איז אבער, אז אסאך עי די די'ס, זענען שוין צו אימפאלסיוו, אז דער מהלך גייט נישט ארבעטן פאר זיי, ווייל זיי גייען נישט האבן די געדולד אריינצוקוקן וואס גייט פאר אין זיי. פאר זיי וואלט סי בי טי געווען די בעסטע אפציע, זיי צו סטאבאלזירן וואלט נישט געשאט. אבער פארהאן אזעלעכע וואס קענען יא דאס דורכגיין, און פאר זיי ארבעט עס זייער פיין.

בכל אופן ווען דער עי די די איז שוין טיף פארפארן, איז נאך דא אסאך ארבעט אויף אים חוץ מפשר צו זיין די צוויי חלקים, ווי ספיידער שרייבט,
ספיידער האט געשריבן:איך קען נישט מתבונן׳ס מהלך אבער איך גלייב אז אפילו אויב מען קען נישט היילן די מחלה אליינס קען מען אבער מינימייזן די ווייטאג, אומצופרידנהייט, און יאוש וואס adhd ברענגט מיט מיט זיך, דורכדעם וואס די מענטש לערנט זיך אויס זיך בעסער צו פארשטיין


שטארק זיך האט געשריבן:למתבונן ולכל מי שמתבונן...
ריכטיג, פארהאן פעלער אין וועלעכע דעם מענטשנס טבע'דיגע שוועריקייט מיט נעמען אן עול און אחריות (עי די די וכד'). ברענגט אים זיך זעלבסט צו פראסקענען, אזוי צו זאגן... אויף זיינע אומ'שלימות'ער. כמובן מיט הגזמות נוראות. כאילו דער אי-שלימות איז עפעס א ריזן קאטעסטראפע. מיינענדיג אז עס וועט אים גאר מאטיווירן צו טוהן בעסער. ווען למעשה ברענגט ער זיך אריין דורך דעם, אין אן אומגעהוירן אנגעצויגנקייט (או סי די וכד'), וואס קען אנקומען עד כדי כך אזש ביז צום האלטן זיין גייסטיגן זינען פאר'משכונ'ט, סדר היום טאטאל געשטראנדעט. אלעס צוליב פערפעקשאניזם.

אבער עס איז נישט אבסעלוט. צומאל איז עס די נטי' פונעם מענטשליכן עגא, צו ערווארטן פון זיך אומרעאליסטישע הויכן און השלמות, אפילו און אפוועזנהייט פון שוועריקייטן מיט עול און אחריות.


ס'איז ריכטיג אז ביי די סארט עי די די'ס איז זייער פראבלעם אין זייער נאטירליכע פערסאנאלאטי, אבער מיין פוינט איז אפילו דעם הויכן עגא וואס ערוווארט הויכע שלימות, מאכט ער זיך אוטומאטיש אויך די צורך פון דארפן האבן הויכע גבולים. ווייל דאס איז די נאטירליכע אינסטינקט פון א מענטש, אז מ'קען נישט לעבן סתם אין די וועלט אריין, נאר דער עי די די וויל דאס נישט אנערקענען, מוז ער דאס אוועקשטופן פון זיין באוואוסטזיין, און דערפאר בלייבט ער אימפולסיוו.
כנלע"ד.

ספיידער האט געשריבן:
האנטעך האט געשריבן:קודם ווען כ'האב דאס געזעהן
מתבונן האט געשריבן:זיין נטייה צו הנאה האבן פון דער וועלט איז פארוואנדעלט געווארן צו ביי 'פאלער' אדער 'עי. די. עיטש. די'.,
האב איך שוין געזען א באהאלטענע באמבע יעצט איז עס שוין אפען..
זאג מיר איז עס ריכטיג וואס אלע מגידי שיעור שרייען אויף די עידידי חברה אז זיי האלטען ביי גארנישט נישט מער זיי האבן נישט קיין קבלת עול??

לאמיר זאגן אז די מגיד שיעור איז יא גע׳רעכט אז די בחור האט נישט קיין קבלת עול סאו וואס איז די עצה אויף דעם? שרייען? (מעיבי..)
לאמיר זאגן די בחור איז זיך אליינס שילדיג אדער זיין פראבלעם קומט פון שלעכטע מידות אויב די מגיד שיעור וויל אבער אפילו אין אזא פאל העלפן די בחור דארף ערמאכן א סטראטעגיע וויאזוי אים צו העלפן, אויב די סטראטעגיע איז שרייען? כל הכבוד, אבער סתם שרייען ווייל יענער האט נישט קיין עול וואסי די תועלת?


ריכטיג ספיידער. און מעגליך אז זיי האבן טאקע נישט קיין קבלת עול, ווייל זיי זענען שוין אויסגעברענט פון זיך הרג'ענען מיט זייער אויבערהארן, און שרייען וועט זיכער נישט העלפן, וואס יא? א גוטע קושיא.
אויב טרעפט איר זיך שפירן פארקריפעלט יעדע שני וחמישי צייט מיט כראנישע ווייטאגן (רוקן ווייטאג, מאגן פראבלעמען, ענקזייעטי וכדו') און שוין באזיכט ביי אלע דאקטוירים אן קיין רעזולטאטן, דאן באשטעלט אייער אפוינטמענט צו קענען שפירן ווייטאג-פריי. [email protected]
אוועטאר
ספיידער
שר חמישים ומאתים
תגובות: 284
זיך איינגעשריבן אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ספיידער »

מתבונן האט געשריבן: און שרייען וועט זיכער נישט העלפן

פארוואס זיכער נישט? עקספלעין.
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע
גוטע פריינד
אנשי שלומינו
תגובות: 8
זיך איינגעשריבן אום: מיטוואך יולי 06, 2016 12:22 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך גוטע פריינד »

יישר כח רב מתבונן פאר ארויסגעבן פארן עולם אזוינע וויכטיגע און ווערדפולע אינפארמאציע,
שכרך הרבה מאד!
אוועטאר
מתבונן
שר האלף
תגובות: 1037
זיך איינגעשריבן אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך מתבונן »

ספיידער האט געשריבן:
מתבונן האט געשריבן: און שרייען וועט זיכער נישט העלפן

פארוואס זיכער נישט? עקספלעין.


ווייל ער איז שוין אויסגעברענט פון הערן אזויפיל שרייען. ווען מען שרייט אויף אים ווערט ער טויב, און זיין כח ההתנגדות צינד זיך מער אן. מען קען אים אפשר צודריקן און אנשרייען, אבער פאר די לאנג ראן וועט עס אים נאר אריינלייגן אין מער מתח, און אולי אפילו צוברענגען צו ווערן א גרעסערע פורק עול.
אויב טרעפט איר זיך שפירן פארקריפעלט יעדע שני וחמישי צייט מיט כראנישע ווייטאגן (רוקן ווייטאג, מאגן פראבלעמען, ענקזייעטי וכדו') און שוין באזיכט ביי אלע דאקטוירים אן קיין רעזולטאטן, דאן באשטעלט אייער אפוינטמענט צו קענען שפירן ווייטאג-פריי. [email protected]
אוועטאר
ספיידער
שר חמישים ומאתים
תגובות: 284
זיך איינגעשריבן אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ספיידער »

מתבונן האט געשריבן:
ספיידער האט געשריבן:
מתבונן האט געשריבן: און שרייען וועט זיכער נישט העלפן

פארוואס זיכער נישט? עקספלעין.


ווייל ער איז שוין אויסגעברענט פון הערן אזויפיל שרייען. ווען מען שרייט אויף אים ווערט ער טויב, און זיין כח ההתנגדות צינד זיך מער אן. מען קען אים אפשר צודריקן און אנשרייען, אבער פאר די לאנג ראן וועט עס אים נאר אריינלייגן אין מער מתח, און אולי אפילו צוברענגען צו ווערן א גרעסערע פורק עול.

די זאגסט עס פאר א זיכערע כלל, הלכה למעשה?
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע
אוועטאר
מתבונן
שר האלף
תגובות: 1037
זיך איינגעשריבן אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך מתבונן »

הלכה למעשה זאלסטע פרעגן דיין רב. אויף א פארום קען מען נישט פסקענען קיין הלכות חינוך, ווייל יעדע פאר איז אנדערש. אבער באופן כללי ווייס איך פון עקספיריענס איז דאס די כלל ביי די סארט מענטשן.
וואס וועט זיין אויף איינעם וואס האט אין זיין לעבן נישט געהערט קיין הויך ווארט? אפשר ביי אים וועט איין שריי העלפן, ווייל ער איז נישט צוגעאווינט דערצו, אבער רוב פון די חברה קומען שוין נאכן שרייען.
אויב טרעפט איר זיך שפירן פארקריפעלט יעדע שני וחמישי צייט מיט כראנישע ווייטאגן (רוקן ווייטאג, מאגן פראבלעמען, ענקזייעטי וכדו') און שוין באזיכט ביי אלע דאקטוירים אן קיין רעזולטאטן, דאן באשטעלט אייער אפוינטמענט צו קענען שפירן ווייטאג-פריי. [email protected]
אוועטאר
ספיידער
שר חמישים ומאתים
תגובות: 284
זיך איינגעשריבן אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

  • ציטיר
  • צו לייגן א דאנק דארפט איר זיין אריינגעלאגט

תגובה דורך ספיידער »

מתבונן האט געשריבן:הלכה למעשה זאלסטע פרעגן דיין רב. אויף א פארום קען מען נישט פסקענען קיין הלכות חינוך, ווייל יעדע פאר איז אנדערש. אבער באופן כללי ווייס איך פון עקספיריענס איז דאס די כלל ביי די סארט מענטשן.
וואס וועט זיין אויף איינעם וואס האט אין זיין לעבן נישט געהערט קיין הויך ווארט? אפשר ביי אים וועט איין שריי העלפן, ווייל ער איז נישט צוגעאווינט דערצו, אבער רוב פון די חברה קומען שוין נאכן שרייען.

הבנתי!

מיין ארעמע מיינונג איז אז יעדע פאל איז אנדערש אפילו ביי אדהד,

סתם שרייען ווייל די שרייער וויל ארויסברענגען זיין פעין איז קעגן די יודישע מדה פון סבלנות, און אויב וויל איך מחנך זיין מיין תלמיד אויף סבלנות האב איך אים יעצט געגעבן א פארקערטע לעקציע

אויב אבער זעהט די מחנך אז שרייען וועט אויף וועקן די תלמיד, און ער טוט עס לטובת התלמיד איז זיכער דא פעלער וואס עס וועט העלפן סיי יעצט און סיי אויף שפעטער, אויב וועט ער וועגן דעם דעוועלאופן א סאב קאנטשעס בלאקעדזש וועט מען עס שפעטער קעיר נעמען,

מ׳קען נישט זאגן אז סיי וועלכע מענטש וואס איז א מחנך/טאטע/מלמד מוז מעסטן יעדע ווארט וואס ער רעדט כדי ח״ו נישט צו אטאקירן די סאב קאנטשעס מיינד, מ׳קען דעך אראפ גיין פון זינען ווען מען איז מחנך אויף אזא אופן,

אדער זענען דא מענטשן וואס ווילן בכלל נישט מחנך זיין זייערע קינדער און זיי זאגן שמע בני מוסר אביך, און זיי זענען כסדר ביזי צו גיין אונטערערדיש אבי נישט נארמאל צו זאגן פאר די קינד וואס ער דארף זיך פארעכטן, און די קינדער זענען נישט קיין בהמות זיי ווייסן זייער גוט אז די עלטערן זענען צומישט, דערשראקן און באזארגט... זיי באמערקן די אומדירעקטקייט, און זיי פילן די אומזיכערקייט פון די עלטערן, און וועלכע זאך גייט דורכדעם אריין אינעם קינדס קאנטשעס און סאב קאנטשעס מיינד?.... פאביע, ענגזייעטי, און נישט האבן די כוחות צו פעיסן די מציאות...

וואס איך האלט יא קלאר ווי די טאג איז, אז דערנידערן א קינד, אים זאגן ביסט גארנישט ווערד, אדער איך האב דיך פיינט, אדער ביסט נישט מיין קינד אז די פירסט דיך אזוי אויף, וואס אטאקירט די קינד נישט זיינע מעשים דאס קען אנמאכן א פסידא דלא הדר, און עס איז נישט אויסגעהאלטן נישט תורה׳דיג און נישט שכל׳דיג

כנלע״ד ברור ונכון
לעצט פארראכטן דורך ספיידער אום מיטוואך יולי 13, 2016 1:37 pm, פארראכטן געווארן 1 מאל.
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע
שטארק זיך
שר שבעת אלפים
תגובות: 7764
זיך איינגעשריבן אום: דינסטאג יולי 28, 2009 8:23 pm
לאקאציע: ביים נעקסטן שטאפל

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטארק זיך »

דברי בעל הספיידער (ממשפחת הtaranchula?), נראים.
דער פראבלעם איז קיינמאל דער פראבלעם!
עס איז וואס ליגט אונטערן פראבלעם.
אוועטאר
מתבונן
שר האלף
תגובות: 1037
זיך איינגעשריבן אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך מתבונן »

אינעם פאריגן תגובה האבן מיר פראבירט אראפצולייגן די שוועריגקייט וואס א מומחה בתורת הנפש דארף קענען ערצייגן. ער דארף קענען סטאפן א פייט אינעם מענטש, וואס דער מענטש וויל באמת נישט אזוי גרינג אויפגעבן. די נגיעות לאזן אים נישט. טיפער גערעד, די חלקים אינעם מענטש זענען משוכנע אז איין חלק וויל 'געוועלטיגן' איבער אים, און וויל זיך נישט לאזן, פונקט ווי א ריבעליעס קינד וויל זיך נישט לאזן פון זיינע מחנכים ווייל זיי ווילן סתם 'געוועלטיגן' אויף אים און אים צונעמען זיין פרייהייט.

פון אלע שיטות אין טערעפיס, זעט מיר אויס, אז יעדער איינער, אין איין וועג אדער אן אנדערס, פראבירט דאס צו ערפילן. יעדער מיט זיין וועג פראבירט צו טרעפן א לייזונג צו דעם מיליאן דולדיריגע קושיא – וויאזוי איז מען משפיע אויפן מענטש צו סטאפן זיין פייט און ער זאל מסכים זיין צו דאס וואס איז יעצט? ווילאנג מען טרעפט נישט א לייזונג דערצו, בלייבט דער מענטש אין א סטראגעל, פון וואס ער אליינס ווייסט נישט מיט וואס ער סטראגעלט.

לאמיר נעמען א דוגמא פון די פשוט'סטע מהלך וואס איז דא צו איבערקומען א פאביע – עקספאוזשער טערעפי.

וואס איז די פחד פון א פאביע? ס'איז א פחד פון פילן א פחד. ווי לדוגמא, 'איך האב מורא צו פילן די אומאיינגענעמע געפיל פון זיין אינעם עלעוועיטער', אדער, 'איך האב מורא צו פילן די פחד פון זיין 'סטאק' אינמיטן ביהמ"ד ביי נקדישך'. און צו פילן דעם עצם פחד אליין, איז דאך אומדערטרעגליך, ווייל דער עצם פחד האט אין זיך שרעקעדיגע געפילן, אז אפשר גיי איך חלש'ן? אפשר גיי איך ווערן סטאק און איך גיי נישט קענען אטעמען? וכו' וכו'. ווי מער מען האט מורא אז שרעקעדעיגע זאכן גייען געשען, אלס מער פראבירט מען אוועקצוגיין פון דעם פחד, ווייל מען האט עס אפילו מורא צו פילן, און דאס פראדעצירט א פאביע. אנשטאטס זיך צו לאזן פילן, אז אפשר גיי איך טאקע חלש'ן, שלאגט מען זיך מיט די פחד זיך עס אפילו נישט צו לאזן פילן. היות מען האט נישט קיין כח זיך אזויפיל צו שלאגן בלייבט מען אינדרויסן, און מיט די צייט פארגעסט מען אפילו פון וואס מען האט מורא, מ'ווייסט נאר אז איך האב מורא אריינצוגיין אינעם עלעוועיטער. איך ווייס אפילו נישט פארוואס.

וואס טוט עקספאוזשער? עס טוט איין זאך. סטאפ דיך צו שלאגן מיטן פחד. גיי אריין אינעם פחד! איי ס'איז שווער? מ'וועט אריינגיין צוביסלעך. צוביסלעך צוביסלעך, וועסטו זיך צוגעוואוינען צו פילן דעם פחד, און דו וועסט זען אז ס'פאסירט נישט גארנישט. איי אפשר גיי איך חלש'ן? אויף דעם איז דא כמה מהלכים. ביהעיוויורעלי, וועט מען אים אויסלערנען, אז מעגליך אז דו וועסט טאקע חלש'ן און מען וועט דיך פשוט דערמונטערן. אן אנדערע וועג צו באהאנדלען דעם געפיל איז מער אויף א קאגנאטיוו וועג, ווי אנצוקוקן דעם געפיל ווי א wave וואס קומט אריין מיט א קראפט, אבער ס'איז נאר א wave וואס גייט באלד אריבער גיין, און ס'איז נישט געפערליך.

מיט א שטארקע רצון, און דורך פאלגן די הוראות, קען א מענטש אנקומען צו א מצב אז ער זאל זיך טאקע קענען מער ערלויבן 'אריינצוגיין' אינעם פחד, ווי ענדערשער זיך שלאגן מיט פחד.

וואס איז ווען עס האנדעלט וועגן מער 'טריקי' געפילן, ווי געפילן פון נישט זיין ווערד, אדער שולד געפילן, ווי @ספיידער לייגט עס שיין אראפ במתק לשונו אין אן אנדערע פלאץ,
ספיידער האט געשריבן:מענטשן זענען זייער פאני זיי צינדן אן ביי זיך שלעכטע געפילן און תוך כדי דיבור הייבן זיי אליינס אן עס צו פייטן...

אבער דאס איז די מציאות, מענטשן מאכן זיך זייערע געפילן אינסטינקטיוו, פאר זייערע געברויכן, אדער אין לשון הקודש, פאר די אייגענע נגיעות. א מענטש כאפט אבער נישט אז ער מאכט דאס, און קוקט דאס אן כאילו עפעס וואס וויל אים ארונטעררייסן, און דערפאר 'פייטן' זיי מיט דעם און ווילן עס זען אין דער ערד.

אויף דעם זענען דא נאך מהלכים וויאזוי צוצונעמן די געפילן, זען וואס זיי ווילן, און וואס זיי זאגן, און אזוי צוביסלעך קענען זען דעם אמת, א דוגמא ווי ספיידער האט אזוי שיין צולייגט דעם נושא דא. מען לערנעט אויס דעם מענטש פארשידענע וועגן, וויאזוי ער זאל זיך נישט דארפן שלאגן מיטן געפיל. קודם קען מען צונעמען דעם געפיל און זען, וואס איז די מטרה פון דעם געפיל, און מנ"פ, האט עס א מטרה, הער אים אויס און טו וואס מ'דארף, רעד ער נישט צום זאך, מאך דיך נישט וויסענדיג און טו ווייטער וואס דו דארפסט צו טון. נאך א וועג איז צו צוטיילן די מעשים און די 'עצם' מענטש. דו ביזט ווייטער חשוב וויאזוי דו ביזט, נאר דיינע מעשים דארפסו פאררעכטן.

אנדער מהלכים פראבירן צו ארבטען אויף אביסל אן אנדערן אופן. לדוגמא, מיינדפולנעס, און ACT, פראבירן צו לייגן א שטארקן דגוש אויף די 'יעצט', ווי צו זאגן, מיט אלע פראבלעמען וואס דו האסט, וואס נעמט עס אבער אוועק פון די מציאות אז יעצט איז יעצט. דו לעבסט נאך, ס'דא זאכן וואס גייען דיר גוט, קוק ארום ווי די ביימער וואקסן ווייטער מיט די פראבלעמען וואס זענען דא. עכ"פ די וועלט איז ווייטער וועלט, מציאות איז ווייטער מציאות, און דער פראבלעם איז נאר א 'חלק' פונעם לעבן, אבער נישט דאס 'גאנצע לעבן'. מיט דעם מהלך וועט האפענטליך דער מענטש קענען אביסל 'ארויסקריכן' פונעם לעכעל וואס הייסט 'פראבלעם', און קענען אנקוקן דאס לעבן מיט א פארגרעסערונג גלאז. די רעזולטאטן דערפון זענען זייער שיין.

פאזעטיוו סייקאלאזשי. טוט בעיקר אדרעסירן און אויסלערנען צו טרעפן 'נאר' פאזאטיווע געפילן, און אלע נעגעטיווע געפילן זאל מען לייגן אין א זייט. די האפענונג איז, אז אויב וועט מען ארויפברענגען די פאזאטיוו, וועט די נעגעטיוו צו גיין ווי א זייפן בלאז. דער טאקטיק ארבעט ווייטער מיטן אויבערדערמאנטן יסוד. מיר גייען זיך טאקע נישט שלאגן מיטן נעגעטיוו, מיר גייען זיך פשוט נישט וויסענדיג מאכן דערפון, נאר אויבויען דעם פאזאטיוו אזוי שטארק, אז דער נעגעטיוו זאל נישט האבן אזא השפעה. דער מהלך שטומט זייער מיט וואס מיר האבן אויבן געברענגט בשם די ספרים, אז מ'איז עוסק אינעם 'עשה טוב', און דער 'סור מרע' גייט שוין אוועק אוטומאטיש.

און אזוי קען מען גיין ווייטער און ווייטער.

אבער... און דא קומט דער 'אבער'. ווען איינער ארבעט ארויף זיין פאזאטיוו אן אדרעסירן דעם נעגעטיוו, טוט דאס טאקע סאטפן דעם פייט מיטן נעגעטיוו? פאסירט טאקע אז דער פייט סטאפט אינגאנצן? לאזן זיך געפילן אזוי 'איגנארירן'? פארהאן אמאל אז יא, אבער פארהאן געפילן וואס לאזן זיך נישט אזוי שנעל איגנארירן. ווען איך איגנאריר מיין קינד, ווערט ער זייער אויפגערעגט. די געפילן זענען גארנישט אנדערש.

לאמיר געדענקען דעס יסוד.

יעדע מאל מ'וויל אין א געוויסע וועג 'צודריקן' א געפיל, וועט יענער געפיל צוריקפייטן בבוא מועד. נישט אלעמאל גלייך, אבער ווען עס קומט די ריכטיגע מינוט, גייט עס צוריקפייטן.

איז טאקע ריכטיג אז מיט די אלע אויבערדערמאנטע טאקטיקן איז דער פייט געווארן אויס? אסאך מאל יא, אבער אסאך מאל... נישט. עס האט 'מינומייזד' די פייט לויט די יעצטיגע אומשטענדן, אבער זייער מעגליך אז ער וועט נאך ארויסקומען אין אן אנדערע אומגעוואונטשענע וועג. א דוגמא אויף דעם איז דער מעשה מיט אונזער חשוב'ן יענקל, וואס מיר האבן דערמאנט איינעם פאריגן תגובה. ער האט באמת 'מסכים' געווען אז ער דארף נישט קענען זינגען, אבער 'באמת' האט ער 'נישט' אויפגעגעבן אויף דעם. די תוצאה דערפון איז געווען, אז ער האט מפתח געווען א נייע פראבלעם וואס איז פריער נישט געווען – שווערע אטעמען פראבלעמען.

און דא קומט אריין קוהערענס טערעפי.

ק"ט האט א מורא'דיגע מהלך צוצוקומען צום פוינט וואס מאכט דעם מענטש 'אנהאלטן' דעם פראבלעם. דער מענטש האט א נגיעה אנצוהאלטן דעם פראבלעם, און ק"ט דעקט דאס אויף. עס דעקט אויף פארוואס ער האלט באמת אז דער פראבלעם דארף זיין, נישט סתם עפעס א געפיל וואס פילט אזוי. נאר א פאקט. א מציאות.

ק"ט איז אין זייער אסאך וועגן דומה צו סי. בי. טי., און נוצט אסאך טאקטיקן פון אפטיילן מחשבות פון די מציאות ווען עס פעלט אויס, אבער צו די פוינט פון דערגיין די פונקטליכע מציאות וואס טוט טרייבן דעם פראבלעם. עס קומט אן סאך אסאך טיפער צום שורש הפראבלעם – דעם פייט, און די וועג אז דער מענטש זאל 'באמת' אויפגעבן דעם פייט. עס זאל זיין קלאר פון זיך אליין אז ס'איז נישטא וואס זיך צו פייטן בכלל. עס איז א מציאות. איך דארף עס נישט גלייבן, עס איז א פאקט. דאס איז א דרגה וואס פאסירט נישט אזוי אפט ביי אנדערע מהלכים. ביי אנדערע מהלכים הערט מען אויסדריקן, און דאס קען מען הערן פון מענטשן וואס זענען שוין אריבער עפעס ארבעט ביי אנדערע מהלכים, אז מ'קען טאקע פילן אז עס האט געארבעט, אבער פארט פילט מען ווי.. עפעס... פארט עפעס... האקט נאך דארט. איך פיל טאקע בעסער, אבער 'אונטער' דעם קאכט נאך עפעס.

דאס איז בעיסיקלי די אויפטו פון ק"ט. צו באמת אוועקנעמען דעם פייט וואס האט אנגעהויבן דעם פראבלעם, ביזן טיפן שורש. ווען מען קומט צו צום אמת'ן שורש, קומט מען צו צו א מצב וואס דער מענטש קען האבן צוויי מציאות'ן פאר זיך, וואס ביידע פאר זיך פילן זיך אמת, אבער פארט קענען ביידע נישט זיין אמת אויף איין מאל, דאס צווינגט דעם מענטש צו עקסעפטן איין אמת, און דער אנדערע אמת, פאלט אוועק, עס ווערט א פארגאנגענהייט. 'אמאל' איז עס געווען אמת, אבער נישט היינט. מיט אזא צוגאנג טוט מען אוועקנעמען סיי וועלעכע קאנפליקט וואס קען פאסירן צווישן געפילן. ביידע געפילן פארשטייען אז 'נאר' איינס קען זיין אמת, און דער אלטע געפיל גיט כבוד פארן נייעם געפיל ווי מסביר געווען באריכות אין מיינע שיעורים.

מיינט דאס אז אן אנדערע מהלך ארבעט נישט? בכלל נישט. עס ארבעט פיין. אבער עס פעלט אזא inner peace פון פילן אינגאנצן רוהיג מיט זיך אליין. א מענטש האט פארשידענע חלקים אין זיך, וואס זענען נישט אלעמאל מסכים מיט די 'גוטע' ארבעט וואס מען טוט. און אפילו ווען א חלק מענטש איז מסכים, איז אבער אן אנדערע חלק נישט מסכים. זיך סתם פרעגן מיט 'שכל', אויב מען איז מסכים, וועט נישט אלעמאל ארויסקומען די תשובה. די וועג וויאזוי ק"ט קומט אן צו דעם, טוט דורכשניידן דעם טמטום הלב אנצוקומען צום אמת – די נגיעה וואס דער מענטש האט נישט געוואלט זען פאר זיך אליין. עווענטואל מאכט דאס גרינגער פארן מענטש, צו קענען פילן דעם ריכטיגן אמת פון זיך אליין, אויף א וועג פון עס אינגאנצן עקסעפטן כמות שהוא אן קיין פייט. ווען דאס פאסירט, קומט א מורא'דיגע רוהיגקייט, וואס דער מענטש זעלבסט האט זיך געוואונטשן פאר יארן אזוי צו פילן.

ווען איינער זעט אז דאס איז וואס ער פילט מיט אן אנדערע מהלך, כל הכבוד. ק"ט איז נישט דער איינציגסטער מהלך וואס טוט דאס ערפילן. אויב איינער פילט אז דאס האט פאסירט צו אים ביי סי בי טי, כל הכבוד, מעגליך. און מעגליך אז ער ברויך נישט אנקומען ווייטער פון דעם. אבער ווען איינער זעט אז דאס גיט אים נאך אלס נישט די רוהיגקייט פון קענען אנקומען צו וואס ער וויל, זאל ער וויסן, געב נישט אויף, עס איז נאך דא האפענונג. ס'איז דא א וועג דורכצוברעכן אפילו די גרעסטע אייז. מעגליך אויך אז ווער עס האט עס נישט געשפירט אויף די אייגענע הויט, וועט זיין שווער צו פארשטיין די עמקות דערפון. איך קען נאר רעדן פון מיין נסיון במשך די יארן. וישמע החכם ויוסיף לקח.

פון וויפעל איך האב גערעד מיט פראפעסעיאנאלן אינעם פעלד, סיי היימישע און סיי נישט היימישע, און האבן געטון סי בי טי, און נאכדעם געליינט עקערס ביכער וועגן ק"ט, האב איך געהערט פון יעדעם איינעם די זעלבע ריספאנס, 'WOW! עס פילט אן א לאך וואס מיר האבן פון לאנג געזוכט'. פון איינער, אן אלטער זעצער און לאנגיעריגע טערעפיסט, וואס האט שוין דורכגעטון 150 שיטות אין טערעפי (אזוי זאגט ער, צו ער איז מגזם ווייס איך נישט), איז נישטא קיין שיטה וואס קומט ארויס אזוי קלאר, 'פארוואס' עס ארבעט, און 'וויאזוי' עס ארבעט, ווי ק"ט. אלזא אזוי ווי איך האב מיר דאס אויכעט איבערגעצייגט, איז דאס פאר מיר א גרויס חשיבות זיך מתחמחה צו זיין אין דעם מהלך, און דער באשעפער זאל מיר געבן די סייעתא דשמיא צו קענען העלפן יודן, ווייל אפילו מיט ק"ט ברויך אסאך אסאך סייעתא דשמיא. ונזכה במהרה זיך באמת אויסצולייזן בביאת משיח צדקינו, אמן.

קאמענטארן און הערות ווערן נתקבל.

הצלחה וכל טוב.
אויב טרעפט איר זיך שפירן פארקריפעלט יעדע שני וחמישי צייט מיט כראנישע ווייטאגן (רוקן ווייטאג, מאגן פראבלעמען, ענקזייעטי וכדו') און שוין באזיכט ביי אלע דאקטוירים אן קיין רעזולטאטן, דאן באשטעלט אייער אפוינטמענט צו קענען שפירן ווייטאג-פריי. [email protected]
שרייב תגובה

צוריק צו “תורת הנפש”