איידיעס פאר חנוכה פארטיס - מענער

[שאץ מאץ]

פארטי! פארטי!
דעיס ווארט גריצלט אין די אויערן פון עטליכע וואכן פאר חנוכה ביז אפאר טאג נאך חנוכה...

דאס אז די ווייבער זענען מחליט שוין וואכן פריער וועלכע געים מ'גייט שפילן, און וועלכע אקטיוועטי איז אינטרעסאנט, איז רוב מאל נישט נוגע פאר אונז "מענער",
דאס אז יעדער מוז ברענגען א בילד פון זיך אלץ קינד און מ'פראבירט צו געסן ווער דאס איז, וכדומה.... וואס האט דאס מיט מיר?

רוב מאל זיצן די מענער אין די זייט פאר 2 שעה און מ'טוט נישט גארנישט, (איינער מיט א סמארט פאון האט אביסל יא וואס צו טון....)

איינער האט מיר היינט געבעטן צו עפענען אזא אשכול ווי מענטשן זאלן קומען מיט איידיעס וואס צו טון ביי חנוכה פארטי'ס ביים עזרת אנשים,

למשל, איינער איז אויף געקומען מיט א בייפאל, היינט נאכט איז די דריטע חנוכה לעכטל, אויסגעטיילט פאפירן מיט פעדער'ס פאר יעדן איינעם, און מ'זאל שרייבן אלעס וואס מ'געדענקט וואס האט שייכות מיט נומבער 3, די ענפער'ס זענען געוועהן להפליא...
איינער האט אפי' געשריבן אז פון מאל צו מאל ווערט ער צו'דריי-ט......
וכן פערדע נאכט, פיפטע נאכט, וכו',

שנית, א משפחה מיט קאלירפולע מענטשן, האט מען אויסגעפרעגט דעם ציבור קשיות (מ'מוז נישט ענפערן נאר אז מ'וויל) דעם שמש האט מען געפערגט למשל וואס טוט מען אז מ'האט א מאנגל אין קעיק שבת ביים קידוש?....
דעם מלמד וואס טוט ער ווען א טאטע זאגט אז זיין יונגל קען נישט קיין איין ווארט, וכו' וכו',
ארבעטער'ס ווען איז געוועהן דיין שווערסטע טאג אין די ארבעט?,
דערצייל טשיקאווע עפיזאדן פון דיין ארבעט,
מ'קען אפי' פרעגן שאלות פון די בחורים, לגבי חברותות, מגידי שיעור, וכו'

און אזוי ווערט אינטרעסאנטע טאקינג פוינט'ס....

ווער ס'האט נארמאלע איידיעס - פאר מענער, זאל אהער לייגן, והציבור יהנה.

[גראבער]

ביי אינזער משפחה. קעניינע הארע א גרויסע משפחה מיט עטליכע חתונה געהאטע אייניקלעך האט איינער ארום געקאלט פאר די מסיבה אז יעדער איינער זאל מיט ברענגען עפעס וואס ער האט נאך פון אלץ בחור צי פון אלץ יונגעל
סאיז געווען מוראדיג! יעדער העט געברענגט זייער אינטערעסאנטע זאכען! אפילו די ראש המשפחה האט געוויזען חפצים פון עטליכע פיפציג יאר צירוק! סאיז געווען זייער אינטערעסאנט און עפעס וואס האט ארויפגעברענגט נאסטאלגיע און זכרונות פונעם אמאל!

[לכאורה]

געוואלדיגע רעיון, ר' גראבער!

[שלשה אחים]

געוואלדיגע אשכול. איך האב היי יאר באמערקט אין די קינדער אפטיילונג פון מאמענט א גאנצע סעט פון גוטע געימס (כ׳ווייס נישט פארוואס זיי האבן עס געלייגט ביי קינדער אפטיילונג בשעת רוב געימס זענען פונקט אזוי פאר ערוואקסענע, מסתמא פאסט נישט צו מאכן געימס נאר אונטערן מאנטל אז ס׳איז פאר קינדער, אבער לאמיר זיך נישט נערן, מיר טאטעס דארפן אויך עפעס צו טון ביי די לאנגווייליגע פארטיס.

איך לייג דא ארויף דעם געים וואס איך האב גענומען מאנטאג נאכט צו די פארטי, דער עולם האט זיך מחיה געווען. אזוי האבן זיי געימס פאר יעדע נאכט פלאס נאך אפאר פעידזשעס פיל מיט איידיעס
ֿ

[מי יודע]

איי שאצל, ווי א שירעם נאך א רעגן, ווי א אתרוג נאך סוכות, צוויי טאג נאכן באערינג חנוכה פארטי דערמאנסטו דיך....

שוין, וועט מען מוזן געדענקן דעם אשכול אויף איבער א יאר אין פריידן, שכויעך פארן אונז אינזין האבן

[כאפצעם]

כמיין אז די פראבלעם איז נאר ביי גרויסע משפחות.

[יחזקאלע]

חוששני משום מושב ליצים

[סביב העולם]

ייש"כ שאצי פאר'ן גיין פתיחה
לאמיר צולייגן מיין ערפארונג אין די ענין:
איין יאר האט יעדער באקומען א צוויטן וועם ער דארף לכבודו עפעס ברענגען (גרעב-בעג) די טעמע איז געווען אז יעדער האט געברענגט א תורה-סידי (פון קרן שמואל ישעי' אדער ובלכתך אדער גמ"ח יוסף שלמה) און די טאפיק פון די סידי האט געברויכט אנדייטן פאר וועם ער גיבט עס און דער עולם האט געדארפט געססען פאר וועם עס איז, פארשטייט זיך עס איז געווען בייגעלייגט מיט טשיקאווע פאומ'ס וכדומה.

איין יאר האט מען אויסגעטיילט פאפירן און יעדער האט אפגעשריבן א גברא אויף איין פאפיר און א חפצא אויף א צווייטע
דערנאך טיילט מען אויס פאר אלע מסובים איינס פון יעדע און יעדער ברויך פרובירן מאכן א שילוב פון די חפץ מיט די נאמען פון די מענטש על פי הלכה אדער דרוש אדער אגדה וכדומה.

א צווייטע מאל האט מען פארטיילט פאפירן מיט פעדערס און מען האט אויסגערופן א אות און יעדער האט געדארפט אין דריי מינוט אפשרייבן נעמען פון שטעט ערשטע מענער און פרויען נעמען און לעצטע נעמען וועלכע פאנגן זיך אן מיט יענע אות און אויך ספרים.

איינמאל האט מען אויסגערופן שטעט און יעדער האט אראפגעשריבן ווער עס האט דארט משמש געווען ברבנות און וועלכע מחברי ספרים זענען דארט געווען און אזוי ווייטער

[פאפקארן]

אויסגעטיילט פאפירן און יעדער האט אפגעשריבן
וועלכע מצוות אדער מימרות עס האט ציטוהן מיטען אויער
צב"ש אזנים לכותל, כל המסיר אזנו..., צורם אוזן... או לאוזן שכך....

אדער מיטן נאז.....
ריחה מילתה ועוד ועוד

[סמארט גאי]

אויב די ראש המשפחה האבן בילדער פון 40-50 יאר צוריק, לייג עס ארויף אויף א סלייד און דינג א פראדזשעקטאר.

[יצחקי]

איינער האט עפעס א אינטערעסאנטע לייטישע געדאנק?

[יצחקי]

איינער האט עפעס א אינטערעסאנטע לייטישע געדאנק?

[יצחקי]

ממש אזוי?! קיינער ווייסט נישט פון עפעס א אינטערעסאנטע איידיע?

[שפאניע]

איז דא ווי צי טרעפן אינטרעסאנטע איידיעס / פראגראמען פאר א חנוכה מסיבה פאר קינדער פין 12-13 ?

[גראבט גריבער]

גאר וויכטיג!!

א געדאנק פאר א חנוכה מסיבה וואס זיצן מער ערנסטע מענטשן.

[אויפגעשטעלטערהייט]

האט איר עפעס איידיעס פון געימס וואס מען קען שפילן ביים חנוכה פארטי?
דאן קומט אריין... שכח!

[חמול על מעשיך]

ווארט+

דעי געים ארבעט אז איינער זאגט א ווארט אין די צווייטער זאגט עס איבער אין לייגט צו נאך א ווארט אין אזוי אויך די דריטער, וחזר הדין

ד.ה. דער ערשטער זאגט "שיף" דער צווייטער זאגגט "שיף בוים" דער דריטער "שיף בוים גלעזל".... "שיף בוים גלעזל האר".... "שיף בוים גלעזל האר מילך”.....

אין אידער דארף האלטען קאפ ביז מווערט אזוי צעמישט אז מקען שוין נישט גיין ווייטער

סאיז א גרינגע געים, פארלאנגט נישט קיין שום צוגרייטונגן, אסאך פאן, שפילט זיך די בעסטע מיט בערך אכט שפילער’ס וויל צו סאך קען מען נישט האלטן קאפ אין צי ווייניג גייט מען צופיל ארום... א פרייליכען חנוכה

[אייביג ביזי]

◄ ווייז ספוילער

אינטערוויו: "אז אגמור בשיר" דרייפאכיגער טעגליכער חנוכה פראגראם: "אז אגמור בשיר" חנוכה מסיבה פראגראם עיצות / א ווארט לכבוד חנוכה / פרישע חנוכה ניגון

https://www.yiddish24.com/interviews/12/96808

פון 0:17 ביז 6:16 איז פאסיג פאר די אשכול...

[SimpleSimon]

לשונות התלמוד.pdf

(97.1 KiB) געווארן דאונלאודעד 39 מאל

[SimpleSimon]

שנייד זיי אויס, ווייז דעהם ציבור איינס אויף אמאל, ווער עס ענטפערט ערשט באקומט די קארטל. ווער עס האט די מערסטע קארטלעך געבט זיידי א אויסגעצאלטן מאלטי פעמילי הויז און באשוויק.

[מנשה מאיר]

איז דא א געדאנק וואס נעמט אריין מער ידיעות פאר א משפחה מיט תלמידי חכמים?

[פאמפעניקעל]

גאר א שטאקער פריילעכער געים!

מער געאייגנט פאר א חברים צוזאמקום אדער ווען עס איז דא אסאך חתונה געהאטע ברודערס און שוואגער’ס

מען הייבט אן גיין אין א סדר יעדער דארף זיך אויפשטעלן רעדן אומצוגעגרייט און קיין שום סטראקטשער נישט קיין מעשיות אדער תורה’ס נאר אראפלייגן וואס סקומט נאר אריין אין קאפ, און מען טאר זיך נישט אפשטעלן טראכטן וואס מען גייט זאגן....

איינער צינדט אן א טיימער פאר יעדער הייבט אן רעדן, און ווען יענער ווערט שטיל גייט מען צום נעקסטן אין די שורה.... און מען טיימט נאכאמאל...

און דער וואס האט גערעדט דאס לענגסטע איז דער ערשטער געווינער

און דערנאך וואוט מען פון וועם מען האט דאס מערסטע הנאה געהאט, און דער וואס האט די מערסטע וואוטס איז דער צווייטער געווינער

ווערטער זענען איבריג, לאזט מיר וויאזוי עס איז געווען....

[לעכטל]

גאר א שטאקער פריילעכער געים!

מער געאייגנט פאר א חברים צוזאמקום אדער ווען עס איז דא אסאך חתונה געהאטע ברודערס און שוואגער’ס

מען הייבט אן גיין אין א סדר יעדער דארף זיך אויפשטעלן רעדן אומצוגעגרייט און קיין שום סטראקטשער נישט קיין מעשיות אדער תורה’ס נאר אראפלייגן וואס סקומט נאר אריין אין קאפ, און מען טאר זיך נישט אפשטעלן טראכטן וואס מען גייט זאגן....

איינער צינדט אן א טיימער פאר יעדער הייבט אן רעדן, און ווען יענער ווערט שטיל גייט מען צום נעקסטן אין די שורה.... און מען טיימט נאכאמאל...

און דער וואס האט גערעדט דאס לענגסטע איז דער ערשטער געווינער

און דערנאך וואוט מען פון וועם מען האט דאס מערסטע הנאה געהאט, און דער וואס האט די מערסטע וואוטס איז דער צווייטער געווינער

ווערטער זענען איבריג, לאזט מיר וויאזוי עס איז געווען....

דאס מיינט רעדן פון 'פייער און וואסער'

סאונד זייער א סקערי געים.

[פראהביטש]

IMG-20231212-WA0035.jpg (116.14 KiB) געזען 227 מאל

[מנשה]

איז דא א געדאנק וואס נעמט אריין מער ידיעות פאר א משפחה מיט תלמידי חכמים?

viewtopic.php?t=66268