זעלבסט ווירדע – זעלבסט זיכערקייט – קאמפארט זאן
אזוי וואו איך זעה האבן דא זייער אסאך ארויסגעברענגט גאר שיינע נקודות אבער פארט הערשט א געוויסע צעמישעניש
דעריבער וועלעך זיין הדיוט קופץ בראש/במקום שאין איש השתדל להיות איש (די עולם וועט שוין דיסיידען ווי איך געהער)
איך וועל זיך נעמען די מיקראפון אין די הענט, און איבערגיין אלעס וואס מען האט שוין אויסגעשמועסט ביז אהער, און פארשטייט זיך צולייגן קצת נופך משלי
וזה החלי
סיי זעלבסט ווירדע און סיי זעלבסט זיכערקייט דארף מען צוטיילן און דריי חלקים
1) וואס איז דאס, פינטל. וואס איז זעבלסט ווירדע, וואס איז זעלבסט זיכערקייט און וואס איז דאס קאמפארט זאן
נאכן גוט ארויסהאבן די "מציאות" פון זעלבסט ווירדע און זעלבסט זיכערקייט, וואס דאס איז, דארף מען פארשטיין נאך צוויי זאכן
2)וואס ברענגט צו אז מען זאל עס פארלירן,
3)און וואס קען מען טוהן עס אויפצובויען
וועלן גיין על ראשון ועל אחרון אחרון, און אנהייבן מיט מגדיר די מציאות
זעלבסט ווירדע
מען דארף באמת נישט צופיל מסביר זיין, פשוטו כמשמעו, זעלבסט ווירדע, ער פילט זיך פאר א זיך, פאר א יש, ער פילט אז ער איז עפעס, וואו גרעסער זיין עפעס איז אלס גרעסער איז זיין זעלבסט ווירדע, א מענטש וואס פילט זיך פאר א גארנישט, האט טאקע גארנישט פון זעלבסט ווירדע. זעלבסט ווירדע גיט פאר די מענטש די גוטע געפיל אנצוגיין, ווייל א יש קען אנגיין, אבער ווען איינער איז א גארנישט איז ער כמת מונח, א צובראכענע שארבן וואס טוט טאקע גארנישט.
זעלבסט זיכערקייט
א מענטש איז א בעל בחירה, יעדע ספליט סקונדע אין טאג איז זיין מח מחליט מיליאנען החלטות, אויב איז ער נישט זיכער און וואס ער טוט אז ער טוט די ריכטיגע זאך וואס ער האט צוטוהן, איז זיין לעבן וואו אפגעשטעלט, ער קען שוין גארנישט מחליט זיין, ווייל אפשר איז ער נישט גוט מחליט, דעריבער מוז זיך א מענטש פארזיכערן אין עפעס, וואס דאס גיט אים די רואיגקייט מחליט צו זיין, און די רואיגקייט אנצוגיין מיט זיין לעבן. דאס איז זעלבסט זיכערקייט, ער גייט מיט א זיכערקייט, אפילו ער וועט למעשה דורכגעפאלן, בלייבט ער ביי זיך זיכער אז ער האט געמאכט די ריכטיגע החלטה, ווייל דורכפאלן איז א חלק פון די לעבן.
קאמפארט זאן
וועלעך געבן א גוטע דוגמא, "אימתא דצבורא". קען זיין א מענטש האט זעלבסט ווירדע ביזן הימל, האלט פון זיך עולם ומלואו, וואו אויכעט האט ער זעלבסט זיכערקייט, טוט אלעס וואס ער האט צוטוהן אן קיין ספיקות, וועט קיינמאל נישט מורא האבן צוטוהן אזאך וואס ער האלט אז ער דארף טוהן. דאך אפילו ער האט נישט מורא צוצוגיין צום עמוד, וועט ער ביים עמוד נישט קענען דאווענען פונקט וואו אויף זיין פלאץ, ווייל סוף כל סוף איז ער ביי די עמוד אין א ווייטערדיגע "קאמפארט זאנע" וואו אויפן פלאץ אין בעק פון ביהמ"ד. פארשטייט זיך וואו מען אומבאקוועם אלץ ווייניגער ישוב הדעת, און אלץ שווערער איז צומאכן ריכטיגע באשלוסן.
בקיצור, זעלבסט ווירדע איז אזאך אין אים, ער פילט זיך פאר א יש. זעלבסט זיכערקייט ער פארזיכערט זיך און זיין כוח הבחירה און זיין דעת, וואס דאס גיט אים די רואיגקייט, מחליט צו זיין החלטות. און קאמפארט זאנע, איז פשוט וואו באקוועם פאר א מענטש איז צו טוהן א געוויסע זאך.
יעצט וועלעך מלקט זיין אלעס פון ביז אהער און איך וועל פארשטייט מוסף זיין הערות והארות
שאהן הענניטי האט געשריבן:יעצט צוריק צו דיין שאלה, ס'איז זיכער פארהאן א געזונטער סעלף עסטיעם, ווי א איד איז זיך מחשיב בלויז מיט זיינע אויפטוען און השפעות וואס ער האט אויפן ארום, אריינגערעכנט, ווייב און קינדער, ארבעטסגעבער, מיט ארבעטער, אייגענע ארבעטער.
ווער רעדט נאך ווען מ'טראכט אביסל טיפער אין רוחניות, די גרויסע עפעקט וואס א איד'ס בלויזע עקזיסטענץ און אוודאי זיין עבודה - האט אויבן אין הימל, מ'קען זיך נישט סתם אזוי געבן א מאך אוועק מיט די הענט.
ווען איינער האט נישט קיין זעלבסט ווירדע, מיינט ער אז עפעס דראסטיש דארף געשעהן אז ער זאל ווערט זיין עפעס, אבער אלל איט טעיקס, איז אביסל מחשבה אין דאס וואס כ'האב געשריבן, און זיך אליינס איבערצייגן וויפיל מ'איז באמת ווערד.
די געשמאקע געפיל גייט אויסוועפן נאך א שטיקל צייט, פונקט ווי יעדע אזא געפיל, און ס'גייט זיך וועלן צוריקקומען די אלטע זויערע מחשבות, אבער נאך איינמאל, אלל איט טעיקס, איז נאך אמאל זיך אוועקזעצן אין אריינטראכטן, און קומען צו די זעלבע הכרה.
אין אזא דאון טיים, איז שטענדיג גוט זיך אליינס צו זאגן, איך פיהל טאקע נישט זייער גוט יעצט, אבער ס'איז נישט ווייל איך בין באמת נישט גוט, ס'איז נאר ווייל די גוסטע איז יעצט אביסל דאון, און דאס איז דער סדר העולם כגלגל החוזר, און איך ברויך פלעין ווארטן עס זאל דורכגיין, און נישט ציעהן קיין שום מסקנות יעצט.
כאפ א דרימל, וואש דיר אפ דעם פנים, און זעה ווי ס'איז שוין לאנג נישטא.
זייער גוט ארויסגעברענגט די מציאות פון זעלבסט ווירדע
זאל ער קומען האט געשריבן:קודם לגבי דעם חילוק פון סעלף עסטיעם צו סעלף קאנפידענס.
סעלף עסטיעם מיינט ווען א מענטש האלט זיך פאר א לא יצלח, א גארנישט, דער מענטש באשליסט פון עטליכע מצבים וואס ער האט געהאט אז ער איז אויף די שווארצע זייט פון גאטס וועלט, סעלף קאנפידענס איז לגבי א טאלאנט, לאמיר זאגן א איד זינגט באמת זייער שיין יעדער וואס קען אים ווייסט עס, אבער דער חזן אליין איז מוראדיג נישט זיכער מיט זיך, פארדעם ציטערט ער און עס געלונגט טאקע נישט, ער גלייבט נישט נאכן זינגען אז איינער האט הנאה געהאט, ער נעמט נישט אן א פאקט וואס ער האט באמת און ער קען זיך וועגן דעם נישט ארויסשיילן, דאס גייט אן מיט לערנען רעדן שמועסן און יעדע זאך אין לעבן, ער האט סעלפ עסטיעם עס פעלט אים גארנישט ער איז נישט צובראכן, אבער ווען עס קומט צו א ספעסיפעשע זאך אדער צו עטליכע ספעציפישע זאכן ליידט ער.
זאלער זייער גוט ארויסגעברענגט, האסט נאר אויסגעמישט "סעלף קאנפידענס" מיט "קאמפארט זאנע", די ברענגסט זייער גוט ארויס די חילוק צווישן סעלף עסטיעם און קאמפארט זאנע, אבער צו סעלף קאנפידענס האסטו נישט צוגערירט
זאל ער קומען האט געשריבן:דאס איז אין דשענעראל, אבער לגבי דיין שאלה, איך באגעגן יעדען טאג מענטשן וואס האבן נישט קיין פראבלעם צו רעדן צום פרעזידענט אידיש, האבן נישט קיין פראבלעם מיט גארנישט, און האלטן אז זיי האבן טאלאנטן וואס מ'קען זיי נישט ארויס האקן פון קאפ, שטעלן זיך אויף עס ארויסגעבן און יעדער לאכט זיי האלטן מ'פריידט זיך, סא פארשטיי איך נישט ווי דו זעסט א לעק אין קאנפידענס אין דעם דור, יא אסאך מענטשן האבן קאנפידענס אישוס לכאורה מער ווי גוים ווייל מ'האט מורא פון די קאנסיקווענסן מער ווי גוים, שידוכים שכינים, סטאטוס, אונז זעמער דאך ציוויליזירטע מענטשן, אבער נישט מער פון דעם לכאורה, אדער יא...
כ'דארף שוין לויפן דאווענען פארגעב מיר די ספעלינגס מיסטעקים, נישטא קיין צייט איבערצוליינען.
מוז נישט זיין אז דער מענטש האט בכלל סעלף קאנפידענס, און א סעקונדע שפעטער וועט ער חרטה האבן, ער איז פשוט אין די כלל פון שוטה אין לו בושה, און דעריבער האט ער בכלל נישט קיין קאנפענט זאנע בכלל, וואס דאס ברענגט אים צו רעדן צום פרעזידענט.
שאהן הענניטי האט געשריבן:שטארק זיך האט געשריבן:לגבי סעלף קאנפידענץ, ווארט איך שוין יארן איינער זאל מיר מסביר וואס דאס איז און צו וואס מען ברויך עס, סעלף עסטיעם איז עפעס וואס איז נייטיג, און ווי ווייניגער מען איז ביזי מיטן "סעלף אלס מער פארמאגט מען עס
זייער פשוט, כדי א מענטש זאל קענען האבן סיי וואספארא הצלחה אין ביזנעס לדוגמא, מוז ער ארויסקריכען פון זיין קאמפארט זאון, דאס איז דער פלאץ וואו א מענטש געפינט זיך ארגינעל, וואו אלעס איז אים גרינג און באקוועם, און אנהייבן טוהן זאכן וואס איז נישט גרינג און אומבאקוועם, אבער... ברענגט געוואונטשענע רעזולטאטן.
קוק א דוגמא סעילס, וועסט פרעגן א מוצלח'דיגער סעילסמאן, וועט ער דיר זאגן אז יעדער קען מאכן דארט געלט, אויב האלט מען נאר דערביי. וועסטו אוודאי עפענען אפאר גרויסע אויגן און פרעגן וואס הייסט, ווער האלט דען נישט דערביי??? וועט ער דיר מסביר זיין, סעילס איז עי נאמבערס געים, ווי מער מענטשן די פרעזענטירסט דיין פראדוקט פאר, אזויפיל מער וועלן ביי דיר קויפן, און אלל יו העוו טו דא איז ווייזן דיין פראדוקט פאר גענוג מענטשן און דו וועסט מאכן א ליווינג.
שטעלט זיך די פראגע, פארוואס טוט דאס נישט יעדער, אדער פארוואס פאלן אזויפיל ארויס פון סעילס, און זענען נישט מצליח, אויף דעם קומט דער פשוט'ער תירוץ פון "קאמפארט זאון", עס איז פלעין אומבאקוועם צו קאלן מענטשן משוגע מאכן וועגן מיין פראדוקט, מ'גיבט זיך אלע מיני תירוצים פארוואס יענער וועט נישט עפרישיעטן דעם קאול, און.... אז מ'ארבעט נישט, האט מען נישט.
יעצט כדי צו קענען מאכן איין קליינע טריט ארויס פון זיין קאמפארט זאון, און אנהייבן טוהן עפעס צו די זאך, פעלט זיך אויס סעלף קאנפידענץ, ווייל די אינציגע זאך וואס האלט צוריק מענטשן פון ארויסקריכן פון דארט, איז fair of failure, מ'האט מורא מ'וועט דורכפאלן, ווי דער פריערדיגע משל, ממילא הייבט מען נישט אהן לכתחילה, אבער אויב האט מען פון די זיכערקייט אינגרידיענט, ווייסט מען אז ס'וועט גארנישט פאסירן אויב וועט מען דורכפאלן, ווילאנג איך טוה נישט בין איך זיכער א דורכפאל, און געגאנגען.... מ'שפרינגט אריין.
שאהני, זייער גוט אבער אביסל צומישט, ס'איז דא אזאך וואס הייסט אויסברייטערן צו קאמפארט זאנע, וואס אויף דעם ארבעטן סעילס לייט זייער שטארק, ווייל דאס איז זייער וויכטיג פאר זייער פאך. און נאכער איז דא אזאך וואס הייסט סעלף קאנפידענס, טוהן וואס מען האט צוטוהן אפילו ס'איז אומבאקוועם, וואס דאס דארף יעדע מענטש האבן גאר וויכטיג.
ביידעוועי, סעילס איז א טאלאנט וואו יעדע טאלאנט, ווען איינער קען נישט סעילס מיינט נאך נישט אז ער האט נישט סעלף קאנפידענס. אבער לכאורה האט ער טאקע יא א קלענערע קאמפארט זאנע
שאהן הענניטי האט געשריבן:זאל ער קומען האט געשריבן:שטארק זיך האט געשריבן:שאהן:
וואס - פאר א זיס יאר - האט קאמפארט זאנע מיט קאנפידענץ?
ס'האט גראדע.
די קאנפידענס וועגט איבער די פחד.
עס איז אמת וואס דו מיינסט צו פרעגן אז עס מוז נישט האבן, ס'איז דא מענטשן מיט קאנפידענס וואס האבן נישט קיין שום נישט קאמפארט זאן זיי זענען קאנפידענט, אבער א גרויס חלק מענטשן כדי צו באקומען די מאס קאנפידענעס מוזן זיי ארויס קריכן פון זייער קאמפארט זאן, און צוביסלעך האבן זיי גענוג קאנפינדענס אז זיי דארפן שוין נישט קריכן, אלעס ווערט קאמפארט זאן
ארויסגעכאפט די ווערטער פון מויל. ווען אייינער האט קאנפידענץ אין זיך, וועט ער נעמען שאנסן ארויסצוקרוכן פונעם זאנע, וויבאלד ער ווייסט אז דאס איז דער וועג צו אלטימעט סוקסעס, אפי' ס'קען זיין ער וועט דורכפאלן.
זייער קלאר, אבער נישט יעדער וואס האט קאנפידענס איז אינטערסירט ארויסצוקריכן פון די זאנע, אדרבא ווייל ער איז גענוג שטארק קען ער טוהן זאכן וואס איז אים נישט קאמפארט.
זאל ער קומען האט געשריבן:שאהן קומסט אריין זייער קלאר.
ספיידער לכאורה האסטו א טעות.
קאנפידענס מיינט איין זאך, מ'טוט וואס מ'ברויך וועגן א געוויסע שרעק, סעלף קאנפידענס מיינט נישט גאווה, עס מיינט מ'פארגעסט פונעם אנכי און מ'קערט נישט, צו ווייל יעבור עלי מה איך שפרינג אריין מ'עט שוין שפעטער זען וויאזוי ס'איז געלונגען, צו ווייל פשוט עס איז א נארמאלע זאך און פונקט ווי איך שעם מיך נישט צו גיין אין גאס שעם איך מיך נישט צו בלאזן שופר אדער אנצורופן איינעם צו וואטעווער.
פערפעס קומט בכלל נישט אריין אהער, דו מעגסט האבן א ציל מיט א חשבון און דו האסט עס דאך מורא צו טון.
יעדער מענטש האט קאמפארט זאן, מיין פאונט איז נאר לגבי די זאך וואס דיר למשל איז שווער איז פאר א צווייטן גארנישט, יענעם איז עס קאמפארטעבל
הייבסט אן זייער גוט, "קאנפידענס מיינט איין זאך, מ'טוט וואס מ'ברויך", אבער דיין נעקסטע סטעיטמענט "עס מיינט מ'פארגעסט פונעם אנכי און מ'קערט נישט, צו ווייל יעבור עלי מה איך שפרינג אריין מ'עט שוין שפעטער זען וויאזוי ס'איז געלונגען,", ביי מיר רעדטסטו נישטא פון קאנפידענס נאר פון משוגע, איי דא נאט קעיר. ווייטער וואס די שרייבסט וועגן בושה, דאס האט מיט קאמפארט זאנע.
נשמה האט געשריבן:ניין, ווייל דו שטארק זיך פרעגט אז וואס מיינט סעלף קאנפידענץ, און אפשר וועסטו יא דורכפאלן, האב איך געזאגט מיין געפיהל, אז סעלף קאנפידענץ מיינט אז מ'איז זיכער אז מ'קען, פארוואס מ'איז זיכער? ווייל אזוי האט דער אייבערשטער אריינגעלייגט אין א מענטש. ס'דא טאקע מענטשן וואס האבן צופיל סעלף קאנפידענץ. סעלף עסטים איז די זעלבע זאך, דער אייבערשטער האט אריינגעלייגט אין א מענטש ער זאל זיך פיהלן ווערד. ס'א טיפע אינערליכע שפיר, . ניין?
דאס הייסט אז א מענטש ווערט געבוירן דערמיט. איז מ'דארף עס נישט אויפבויען, מ'דארף אוועקנעמען די סיבה וואס ס'מאכט איהם טראכטן אומגעזונט.
נשמל'ה, סעלף קאנפידענס, איז טייטש איך טוה וואס איך האב צוטוהן אפילו איך וועל אדורך פאלן, פארוואס מ'איז זיכער ווענדט זיך שוין א איד אדער א גוי. א גוי פארזיכערט זיך אין די טבע און איד ווייסט איך דארף טוהן מיין השתדלות לויט די שכל וואס גאט האט מיר געגעבן, און וואס ס'וועט למעשה געשעהן, דאס ווייסט שוין גאט. ווען מען טראכט באמת אריין אין דעם אין מען ווייסט אז גאט וויל מען זאל טוהן די השתדלות, און פון די אנדערע זיין ווייסט מען אז אלע דורךפעלער איז גאט "שולדיג" ער האט עס אנגעדרייט, באקומט מען באמת א מורא'דיגע זיכעקייט, און מען קען אנגיין מיטן לעבן מיט רואיקייט אין פרייליכקייט אן קיין דאגות
סעלף עסטיעם, ביסטו גערעכט די אויבערשטער האט אריינגעלייגט אין יעדע מענטש ער זאל זיך פילן וואו א יש. אבער ביסודו איז דאס גאווה, איך בין, איך איך און איך, איך בין א גוטע בעל מחנך, איך בין א גוטע בעל מנגן, איך בין א יש, וכו'. די ריכטיגע סעלף עסטעים איז איין נקודה, איך בין בעצם גארנישט מיט נישט, אבער כ'בין יא!, כ'בין א איד כ'בין א חלק אלוק מלמעל, יאופ'ס כ'בין א חלק פון גאט, ווען מען טראכט באמת אריין דערין באקומט מען א סעלף עסטיעם עד אין סוף
קאמפארט זאנע, דאס איז די מדות הבושה, וואס מען דארף זיין באלאנסירט די גוטע בושה מיט די שלעכטע בושה. וואו אויך דארף יעדע פאכמאן אויסארבעטן זיין קאמפארט זאנע אין זיין פאך, א סעלסמאן דארף אויסברייטערן זיין קאמפארט זאנע אין סעילס, א חזן דארף אויסברייטערן זיין קאמפארט זאנע ביים שטענדער, וכו' כוכ, אבער אויב וועט די סעלסמאן וועלן ווערן א חזן אין אויסברייטען זיין קאמפארט זאנע ביים עמוד אנשטאט אין סעילס, ווייזט דאס אז ער האט נישט קאנפידעס וכ'.
---
יעצט למעשה
וואו אזוי בויעט מען עס? און וואו אזוי פאלירט מען עס?
וועט מען קודם ווארטן אויף די טייערע ליינער צו זעהן צו זיי זענען מסכים מיט די הגדרות וואס כ'האב אראפגעבויעט, און פון דארט וועט מען גיין ווייטער