חלומות וואס איז דאס?

[בנימין הלוי]

גוטע קשיא האסטו, וויאזוי ארבעט עס טאקע, איי רילי דאנט נאוי. לעטס פיגער לייק דיס: אמת איך בין רוב טאג ביי די ביזנעס, שוין, אבער עפעס לערנט מען דאך אויך ביינאכט, יעדע נאכט, מ'שרייעט אויפן חבר, נישט דאס מיינט די גמרא, קוק אן תוספות פרעגט די קשיא, מ'מוטשעט זיך אמאל אפ אויף א שטיקל גמרא אויך.

נו פרעגט זיך פארוואס חלום איך קיינמאל נישט פון א בלעטל גמרא?

שוין זייער לאנג וויל איך וויסן וואס איז דאס א חלום
ווער דארף עס? פארוואס האט דער בורא עולם דאס געמאכט?
וואס קען מען טון צו מונע זיין חלומות מכל וכל? (ס'מיר נישט לרוחי)
ס'דא צוויי מיני חלום'ס? איינס אנפאנג נאכט און עפעס אנדערש ווען מען האלט זיך ביים דערוועקן? אויב וועלעך אויפשטיין א האלבע שעה פריער האב איך פארפאסט דעם חלום?
דער קאפ ארבעט אבער נישט דער שכל? דערפאר קען מען זיין אויפ'ן פליגער אין ארץ ישראל אין בארא פארק אין מאנסי וויזניץ ביים טיש פרייטאג צונאכטס אלעס אין איין שאס
און אפשר דערפאר חלום איך קיינמאל נישט פון א בלעטל גמרא? ווייל דער קאפ איז נישטא?
וואס חלום'סטו דא? הא?!

[בנימין הלוי]

נאך א שאלה
ווען מען חלום'ט שלאפט מען נישט גענוג טיף?
האט עס מיט סטרעס וואס דזשוכעט זיך אויס מיט די חלומות?

[וועלט]

פון גמרא (ברכות) איז משמע אז שלאפן 7 נעכט אן חלומות איז קיין גוטע סימן.

[פיטום]

אינמיטן העלן טאג איז אויך פארהאן דער מושג פון "חלומ'ען" שהיינו ווען א מענטש פארקלאצט זיך איבער למשל אז ער דארף גיין אין גראסערי וועט ער ממש אריין גיין אין גראסערי און אנהייבן פאקן שעלפס, אראפ נעמען פיר לעבענס פאר די קינדער, און עפענען די אייער און קוקן אויב אלע זענען גאנץ, און זיך דורכשטיפן צווישן צווי קערידזשעס אינמיטן די אייל ביי די דעטירדזשענס, ביז ער וועט ארויסוואקן פון סטאר און טוישן סינערי און ער וועט זיך אויפכאפן...
איך רעדט נישט דא פון פאנטאזיעס... א מענטש ווען ער זיצט צו ער ווארט אויף זיין חברותא אין כולל ער האט נישט וואס צו טוהן און ער האפט א שפאציר אויפן דאך וועט ער אריינפארן אין א פאר'חלומ'טקייט.
אדרבה פרובירט עס אויס. (פארגעסט נישט צו ליינען קרי"ש פארדעם...)

[מתבונן]

שכוח בנימין פארן ארויפברענגען די נושא. מקען אסאך מאריך זיין אין די נושא פון חלומות. במשך די היטסוריע פון פסיכולוגען, א שטייגער ווי פרויד, יונג, ואחרון חביב פריץ פערלס, איז געווען אסאך פארשידענע דיעות וואס ווערט ארויסגעברענגט אין א חלום.

איך האפ ווען איך וועל האבן מער צייט צו שרייבן וועל איך קענען בעסער ארויסברענגען די זאך, אבער אין אפאר ווערטער, אין א חלום ווערט ארויסגעברענגט עפעס וואס ליגט שטארק אין קאפ אין קומט נישט ארויס, ווי לדוגמא, א געוויסע פחד וואס מוויל נישט טראכטן פון במשך דעם טאג ווייל ס'איז צו שרעקעדיג פארן מענטש צו זיין וואכזאם מיט דעם. בשעת דער מענטש איז אויף, האט ער אסאך מאל גענוג כוחות הנפש, און מיט זיין כח הדעת, האלט ער די סארט געפילן באהאלטן אין זיך.

עס קען אפילו זיין אז עס איז עפעס וואס ער וויל זייער שטארק אויספירן און ער טראכט פון דעם אסאך, למשל צו זיין א חברותא מיט א גרויסע ערליכע יוד, אבער למעשה איז עס שווער אויסצופירן, 'ווי קום איך אן צו דעם ערליכען יוד צו לערנען בחברותא, האט ער דען צייט פאר מיר?' ביי סתם איינער וועט עס ארויפליען פון קאפ. א שאד צו טראכטן פון דעם. אבער ביי א צווייטען וועט עס בלייבן שטעקן אין קאפ. פארואס? ווייל פאר איהם מיינט דער חברותה'שאפט א גרויסע פלאס פאר זיין 'זיך', היות אין זיך פילט ער זיך זייער צוקלאפט, און ער האפט אז מיטן לערנען מיט דעם ערליכען יוד, וועט דאס אין א געוויסע וועג פאררעכטן זיין צוקלאפטע זיך. אבער היוות ער ווייסט נישט פארוואס ער דמיונ'ט אזוי סאך פון דעם חברותה'שאפט, ווייל באמת וויל ער נישט וויסן אפילו אז ער קוקט זיך אן פאר א צוקלאפטע נשמה, ער קוקט עס אן אז ער וויל סתם האבן שייכות מיט דעם גרויסן ערליכען יוד, ממילא בלייבט דער גאנצע דמיון 'סטאק' אין דמיון און וויל נישט אוועקגיין. וואלט ער זיך געעפענט זיינע אויגען און אריינגעקוקט אין זיך און געזען אז די גאנצע זאך איז א באבע-מעשה, און ס'יאז דאס נאך וועגן וויאזוי צו פאררעכטן זיין צוקלאפטקייט, דעמלאטס וואלט דער דמיון גרינגערהייט ארויסגעפלויגען פון ווי ס'איז געקומען. אבער מיר ליידען אסאך פון גאוה, און מיר פראבירן צו קאנטראלירן די געפילן וואס מיר לאזן פילן און וועלכע נישט.
ביינאכט ווען דער כח הדעת ארבעט נישט, מען שלאפט, קענען די אלע געפילן פילן מער פריי זיך אביסל ארומצושפילן, און דאס קומט ארויס און די פארעם פון סימבאלען, ווייל ווערטער מאכט נאר די דעת, וואס דאס איז די יתרון מן הבהמה אז א מענטש קען רעדן מיט זיין כח הדעת, איז אויב זענען די געפילן נאכנישט ארויסגעקומען אין ווערטער ווייל מען טראכט דאך נישט פון דעם, ממילא זעהט מען עס אין א סימבאל.

איז אזא איינער קען זיך חלומ'ען למשל ווי, טאקע ער לערענט בחברותא מיט דעם גרויסן ערליכען יוד און ס'פילט זיך זייער געשמאק, אבער נאך אביסל זעהט ער א אנדער פיגור שטייט דארט און מאכט חוזק פון איהם, אדער וויל איהם שיסן. ווען ער זאל איבערשפילן בהקיץ דעם חלום און אריינלייגן אין ווערטער די אלע געפילן פון אלע מענטשן פונעם חלום, וועט מען פלוצלינג זיך דערזעהן מיט די אמת'ע געפילן וואס מהאט אין זיך וואס מאיז נאר נישט געווען גענוג אין באוויסטזיין. ער קען זען אז דער וואס שטייט דארט אין מאכט חוזק פון איהם און שיסט איהם, איז א אנדער חלק פון איהם וואס קלאפט איהם ווייטער אראפ אפילו ווען ער לערנט מיט דעם גרויסן יוד, און דער מעסעסדש קען דא זיין, אז ער אליין פילט טיף אין זיך, אז לערנען מיט דעם גרויסן יוד גייט עכט 'נישט' העלפן פאר זיין צוקלאפטע נשמה.

אויב קען דער מענטש פילן זיינע אומבאקוועמע געפילן און ער ארויסברענגען אין ווערטער, איז נישטא מער וואס צו חלומען, היוות עס איז שוין ארויסגעקומען מיט ווערטער אינעם דעת, און עס איז שוין א חלק פון די 'מציאות' נישט קיין דמיון.

דאס איז געווען די שיטה פון פריץ פערלס, דער מייסד פון די 'געשטאלט טערעפי' שיטה, וואס איך האב געזען איז זייער עפעקטיוו מיט פארשטיין וואס די ריכטיגע באדייט פון א חלום איז.

מיט דעם קען מען פארשטיין וואס די גמ' אין ברכות פארציילט (איך געדענקט נישט יעצט די פונקליכע מ"מ), אז א אמורא האט געזאגט פארן קעניג אז דו וועסט חלומן היינט ביינאכט ווי דיינע שונאים פאנגען דיך וכדו', און ער האט עס טאקע געחלומט, ווייל ער האט פארשטייט זיך נישט געוואלט טראכטן פון דעם, און פון אלע זאכן וואס קענען געשען אויב עס פאסירט, ממילא בלייבט מען טראכטן פון דעם אז 'ס'זאל ח"ו נישט געשען!' ווי צו זאגען, 'איך וויל אפילו נישט טראכטן וואס קען פאסירן!' דאס טריגערט אז מזאל יא חלומען די אלע מחשבות וואס מען האט נישט געוועלט וויסן.

איך לינק דא א קליפ פון פריץ פערלס פון א ווארקשאפ וואס ער האט געהאטלן פאר בערך 50 יאר צירוק דאכציך. די קליפ איז וויאזוי ער ארבעט מיט א פרוי, ממילא איז דאס קוקען אויף די אייגענע אחריות, מען קען אויסהערן, אן קוקן אויף דעם.
חלום קליפ

[נישט]

כ'זעה אז הרב מתבונן האט מיר שוין אויסגעכאפט אביסל,

וועל איך נאר צולייגן

א מענטש חלומ'ט אלעס וואס ליגט אים אין מחשבה און אפילו אין אנדערמיינד, למשל ער וויל פירן טיש, אדער עני אנדערע תאווה, וועט ער זיך חלומ'ען וואו ער פירט טיש.
דאס איז בעצם א גרויסע טובה פאר א מענטש, ווייל ס'איז דא זייער אסאך זאכן וואס א מענטש וויל, למשל ער וויל צופיקסען, וועט ער זיך חלומ'ען וואו ער האט אים צוגעפיקסט, ער וועט ניטאמאל וויסן אז ער האט עס געחלומ'ט, אבער אין וועט אויפשטיין אסאך רואיגער, אין נישט זיין מער אזוי ברוגז אויף יענעם, ווייל ער האט אים דאך שוין צוגעפיקסט.

בדרך אגב, קען זיך א מענטש זייער גוט ארויסהאבן דורך אריינטראכטן אין די זאכן וואס ער חלומ'ט, ווייל א מענטש האט זיך נישט אליינס ארויס, אבער ווען ער חלומ'ט עפעס ווייסט אז דאס איז זייין מהות.

אזוי וואו מתבונן האט געזאגט ס'איז אסאך אסאך וועגן דעם אפשר ביי א צווייטע געלעגנהייט

[בנימין הלוי]

בשעת דער מענטש איז אויף, האט ער אסאך מאל גענוג כוחות הנפש, און מיט זיין כח הדעת, האלט ער די סארט געפילן באהאלטן אין זיך.
ביינאכט ווען דער כח הדעת ארבעט נישט, מען שלאפט, קענען די אלע געפילן פילן מער פריי זיך אביסל ארומצושפילן, און דאס קומט ארויס און די פארעם פון סימבאלען, ווייל ווערטער מאכט נאר די דעת, וואס דאס איז די יתרון מן הבהמה אז א מענטש קען רעדן מיט זיין כח הדעת, איז אויב זענען די געפילן נאכנישט ארויסגעקומען אין ווערטער ווייל מען טראכט דאך נישט פון דעם, ממילא זעהט מען עס אין א סימבאל.

געקלערט אזוי, און אפשר דערפאר חלום איך נישט פון לערנען ווייל מיין מח און דעת לאזט מיר דאס טון אגאנצן טאג (ס'דוקא די הארץ וואס האלט נישט ביי דערביי) ממילא איז נישט דא קיין דראנג אויסצוליפטערן די סארט מחשבות מיט א אומקלארן קאפ, משא"כ זאכן וואס דער כח הדעת קאנטאלירט און לאזט נישט קיין קלארקייט במשך דעם טאג, פארגייען זיך די געפילן אומגעשטערט ווען דער דעת איז אין הימל...

מאכט סענס?

[בנימין הלוי]

אינטערעסאנט
פונקט היינט אינעם ירושלמי שיעור, רעדנדיג איבער דין ה'חרש', מאכט ר' מנשה א שטיקל שמועס איבער חלומות זאגט ער אז מען חלום'ט אויף א שפראך... ברענגט ער פון רוקח אז דער דבר השם צו דניאל איז געווען אין אראמיש ווייל דאס איז געווען זיין עיקר שפראך און שיגרת לשון

[מתבונן]

בשעת דער מענטש איז אויף, האט ער אסאך מאל גענוג כוחות הנפש, און מיט זיין כח הדעת, האלט ער די סארט געפילן באהאלטן אין זיך.
ביינאכט ווען דער כח הדעת ארבעט נישט, מען שלאפט, קענען די אלע געפילן פילן מער פריי זיך אביסל ארומצושפילן, און דאס קומט ארויס און די פארעם פון סימבאלען, ווייל ווערטער מאכט נאר די דעת, וואס דאס איז די יתרון מן הבהמה אז א מענטש קען רעדן מיט זיין כח הדעת, איז אויב זענען די געפילן נאכנישט ארויסגעקומען אין ווערטער ווייל מען טראכט דאך נישט פון דעם, ממילא זעהט מען עס אין א סימבאל.

געקלערט אזוי, און אפשר דערפאר חלום איך נישט פון לערנען ווייל מיין מח און דעת לאזט מיר דאס טון אגאנצן טאג (ס'דוקא די הארץ וואס האלט נישט ביי דערביי) ממילא איז נישט דא קיין דראנג אויסצוליפטערן די סארט מחשבות מיט א אומקלארן קאפ, משא"כ זאכן וואס דער כח הדעת קאנטאלירט און לאזט נישט קיין קלארקייט במשך דעם טאג, פארגייען זיך די געפילן אומגעשטערט ווען דער דעת איז אין הימל...

מאכט סענס?

יא. מאכט אסאך סענס.

[מתבונן]

בדרך אגב, קען זיך א מענטש זייער גוט ארויסהאבן דורך אריינטראכטן אין די זאכן וואס ער חלומ'ט, ווייל א מענטש האט זיך נישט אליינס ארויס, אבער ווען ער חלומ'ט עפעס ווייסט אז דאס איז זייין מהות.

[בנימין הלוי]

ווען מען חלום'ט שלאפט מען נישט טיעף?
ווילאנג נעמט א חלום? ס'איז תופס זמן?

[נישט]

ווען מען חלום'ט שלאפט מען נישט טיעף?

רוב חלומות וואס א מענטש חלומ'ט געדענקט ער נישט ווען ער שטייט אויף,
ער געדענקט נאר וואס ער חלומ'ט די לעצטע פאר מינוט פאר ער שטייט אויף

ווילאנג נעמט א חלום? ס'איז תופס זמן?

יא, א חלום איז תופס זמן, אבער מען קען חלומ'ן אין צוויי מינוט, א מעשה פון צוויי יאר
-------
בספרי מהור'ן מברסלב, כ'דענקט נישט די מקור יעצט
ענטפערט ער אויפן באקאנטן קשיא, פון ידיעה וזמן
אז ביי גאט איז דאך נישט שייך זמן, קומט אויס אז ס'איז נישט דא קיין עבר, הוה, עתיד,
קומט אויס אז אלעס איז הוה, והבן

עכ"פ ברענג ער דעם ראיון אביסל נענטער, מיט א משל פון חלומות, פונקט וואו ווען דער מענטש חלומ'ט זיך אין א האלבע שעה א מעשה פון זיבן יאר, און בשעת ער חלומט מיינט ער באמת אז ער לעבט יעצט מיט זיבן שטורעמישע יארן. דערנאך ווען ער דעוועקט זיך זעהט ער לא דובים ולא יער, ס'איז אינגאנצן אדורך אהאלבע שעה. וואס טייטש וואו מער רוחני אזאך איז אלס ווייניגער איז עס במציאות ה'זמן'

[מתבונן]

ווען מען חלום'ט שלאפט מען נישט טיעף?

אמאל יא און אמאל נישט.
ס'איז אויך דא א זאך וואס הייסט 'דעי דרימינג', דאס הייסט אז אין אזא 'נים ולא נים' שלאף אינמיטן טאג, קען מען זיך אויך פלוצלינג נעמען חלומ'ען, און ווען מען גיט זיך א כאפ אויף געדענקט מען ניטאמאל וואס מהאט געחלומט, אבער מווייסט אז מהאט געחלומט עפעס זייער אינטרעסאנט.
די פתרונות פאר דעי דרימינג איז די זעלבע ווי נאכט חלומות, זאכן וואס גייען פאר זייער שטורעמיש אינעם טאג טעגליכען לעבן.

אזוי אויך איז דא אזאך וואס הייסט lucid dreaming, דאס הייסט מחלומט בשעת מ'איז אויף. כדענק נישט יעצט פונקטליך וויאזוי ממאכט דאס, אבער מקען ארבעטן אויף דעם.

[זאל ער קומען]

חלומות איז נישט נאר סופרעסד מחשבות און ווייטאגן. די אלע וואס גלייבן נישט אין העכערס זאגן אזוי.
אבער מ'טרעפט אין די גמרא אז חלומות גייען נאכ'ן מויל, און ס'דא גאנצע ספרים און ענינים ביי הטבת חלום. און מ'מעג פאסטן "שבת" פאר א תענית חלום.
אונזערע רביים האבן אונז געזאגט אז דאס איז נאר פאר די וואס האבן גאר ריינע מחשבות.

אין גאר גאר גאר קורץ.
דער 'מענטש' איז דער דעת פונעם מענטש, ווי דער רמב"ם פסק'נט אין הלכות עירובין ותחומין און אלע ראשונים זאגן עס אז דארט ווי די מזון שתי סעודות ליגן, דארט איז דער מענטש באמת.
דער פיזישער חלק פונעם מענטש קען נאר זיין וואו ער איז פיזיש, אבער די חלק הרוח פונעם מענטש, דער דעת, די קאנטשעסנעס, די פאנטאזיע, אר וואטעווער יו וואנא קאל איט, קען טראגן דעם מענטש - פלעיסעס…

ווען א מענטש טראכט פון עפעס באקומט ער א קאנעקשן צו יענע זאך. המהרהר ביום… ווייל זיי באקומען א שליטה.
וועגן דעם ליינט מען קריאת שמע און מ'זאגט ויהי נועם און שקי ישמרינו - ניצול צו ווערן פון די אלע זאכן.

צדיקים וואס זענען געווען צוגעבינדן צום רבש"ע, האבן באקומען ביים חלומ'ן גאר גרויסע גילויים וואס זיי האבן נישט געקענט משיג זיין ווען זיי זענען אויף געווען.
פון רבי יוסף חיים פון באגדאד איז זייער אסאך מעשיות פון זיינער צייט וואס צדיקים האבן באקומען חזיונות און גילוים ביים חלומ'ן, און אסאך מאל איז זיי באפאלן א שלאף אינמיטן טאג, אינמיטן א שיעור וכדומה, און זיי האבן עפעס געזען און געוואוסט (אדער נישט) וואס דאס האט געמיינט.

ס'איז דא אזא זאך ווי א שר החלום. און ס'באקאנט די מעשה פון רבי שלום שרעבי - געברענגט אין די ליכט שטראלן דאכצעך - וואס ער האט געוויזן פאר רחמים אז זיינע יסורים גייען אים אויסלייזן ביים בי"ד של מעלה אחר פטירתו.

אבער אונז דארפן זיך נישט קימערן דערמיט, ומאן דלא קפיד אינהו לא קפדו.

לוסיד דריעמינג מיינט, אז מ'ווייסט בשעת חלומ'ן אז מ'חלומ'ט, און מ'האט גענוג שליטה אויף די פאנטאזיע צו קענען באשלוסן ווי אזוי דער חלום זאל לויפן. מ'קען עס טון בהקיץ אדער בשינה.

ס'איז א קאזין מיט מעדיטעישן, און ביידע זאכן זענען שעידי…

[לכתחילה אריבער]

אז "מ'ווייסט אז מחלומ'ט" און "קענען קאנטראלירן ווי אזוי די חלום זאל גיין" איז צוויי זאכען, יא?

ווי איך פארשטיי איז "לוסיד דריעמינג", ווי די צוויי קומען זיך צוזאם. ווי אזוי הייסט ווען עס איז נאר דא די ערשטע?

[זאל ער קומען]

ביידע הייסן לוסיד דריעמינג, אבער די אווערנעס אז מ'חלומ'ט איז די סורפעס לעוול, און קענען קאנטראלירן דעם חלום איז עכט וואס לוסיד דריעמינג איז אל אבאוט.

[לכתחילה אריבער]

ביידע הייסן לוסיד דריעמינג, אבער די אווערנעס אז מ'חלומ'ט איז די סורפעס לעוול, און קענען קאנטראלירן דעם חלום איז עכט וואס לוסיד דריעמינג איז אל אבאוט.

צוויי מדריגות אין "לוסיד דריעמינג"? "אויבן אויף" און "טיף"? כ'ברויך מער הסבר.

נאך א פראגע, איז "לוסיד דריעמינג" א "קונצט"? איז עס וואס יעדער קען האבן, איז עס עפעס וואס מען דארף אויף דעם ארבייטן, ווי "מעדיטעשאן"?

[מתבונן]

חלומות איז נישט נאר סופרעסד מחשבות און ווייטאגן. די אלע וואס גלייבן נישט אין העכערס זאגן אזוי.
אבער מ'טרעפט אין די גמרא אז חלומות גייען נאכ'ן מויל, און ס'דא גאנצע ספרים און ענינים ביי הטבת חלום. און מ'מעג פאסטן "שבת" פאר א תענית חלום.
אונזערע רביים האבן אונז געזאגט אז דאס איז נאר פאר די וואס האבן גאר ריינע מחשבות.

אין גאר גאר גאר קורץ.
דער 'מענטש' איז דער דעת פונעם מענטש, ווי דער רמב"ם פסק'נט אין הלכות עירובין ותחומין און אלע ראשונים זאגן עס אז דארט ווי די מזון שתי סעודות ליגן, דארט איז דער מענטש באמת.

ווען א מענטש טראכט פון עפעס באקומט ער א קאנעקשן צו יענע זאך. המהרהר ביום… ווייל זיי באקומען א שליטה.

שכוח זאלער פארן מער קלארער מאכן.
בסה"כ, אין וואס א מענטש איז 'מקושר' דאס איז וואס ער חלומט. נישט סתם מקושר, נאר 'באמת' מקושר, ווי זיין נפש ציט איהם. בפשטות ווען די גמ' זאגט אז חלומות גייען נאכן מויל, איז דאס ווייל וואס מזאגט ארויס פונעם מויל, ווערט א מעטנש מער מקושר צו דעם מיט זיין דעת.
און אין די חלום קומט ארויס אפילו די חלקים וואס טרייבן איהם צו וועלן זיין מקושר מיט יענע זאך, ווייל אין א חלום קומט אלעס ארויס פריי אן קיין מחסומים, און זייער אסאך מאל, אדער כמעט אלעמאל, איז דאס זאכן וואס דער מענטש וואלט בגלוי נישט געטראכט פון דעם.
בקיצור, א חלום איז נישט 'נאר' די צודריקטע געפילן און מחשבות, א חלום איז וואס דער עצם מענטש איז, בלי גבול, מיט אלע אירע צוגעהערן, ווי מיר זאגען אין די תפלה פון ר' ר' אלימלך, 'ואת הרגשותינו... הידועות לנו ואת שאינם ידועים לנו'.

צו דעם איז דא נאך א חלק אין א חלום וואס מאיז מגלה עתידות, וואס נישט יעדער איז זוכה צו דעם.

ווי אויך איז א גרויסע חילוק אין וועלעכע חלק די נאכט מען חלומט, אויב איז עס אנפאנג נאכט ווען מען שלאפט איין, איז דאס בדרך כלל נישט רעלעווענט, און עס קומט פון צופיל עסן וכדו'. נאר די חלומות וואס קומען שפעטער, בפרט די חלומות וואס מען חלומט פארטאגס פאר מען דערוועקט זיך, האט אין זיך מער 'תוכן'.

[מתבונן]

נאך א פראגע, איז "לוסיד דריעמינג" א "קונצט"? איז עס וואס יעדער קען האבן, איז עס עפעס וואס מען דארף אויף דעם ארבייטן, ווי "מעדיטעשאן"?

דאס האסטו אינסטראקיצעס.
www.wikihow.com/Lucid-Dream

[מתבונן]

וואס קען מען טון צו מונע זיין חלומות מכל וכל? (ס'מיר נישט לרוחי)

וואס איז אזוי שלעכט צו חלומען? האסט נייטמערס?

איך ווייס פון מיין זיידע זאל זיין געזונט, אז ער האט פאר א לאנגע צייט געשלאפען ביינאכט מיט אפענע לעקטער (און מיין באבע זאל זיין געזונט די צדיקת, האט מיטגעשפילט) אלטס א מיטל אויסצומיידען זיינע חלומות רעים וואס ער האט אנגעהויבן צו חלומען נייטמערס (בפשטות קומט ארויף זיינע זכרונות פון די מלחמה יארן), און זיינע נייטמערס זענען אוועקגעגאנגען. ער זאגט אז ערהאט דאס געטראפן ערגעץ פאר א סגולה.

אלזא בנימין, פראביר צו שלאפען מיט די אפענע לעקטער, אפשר וועלן זיך דיינע חלומות זיך אויפהערן אויב איז עס טאקע אזוי אומאיינגענעם. (אויב דיין אשת חיל איז מסכים... )

[נישט]

כדענקט נישט יעצט די מקור,
די גמרא זאגט "איינער חלומ'ט נישט זיבן טעג, איז א סימן עפעס טויג נישט"

אלזא, דאנקט גאט אז די חלומסט נאך