שיעור ד'
אינטערסאנט, אבער קיין איינער האט נישט צוגעטראפן צו אלע דריי שריפטן, (איר דארפט נישט זיין באזארגט, קיין איין גראפולוג וואלט דאס אויך נישט געקענט צוטרעפן), זעהט מען שוין אז מין קען מען נישט זעהן.
(שוועמל, כ'מיין אז די ביסט געגאנגען מיט די הנחה, אז איך ברענט שריפטן וואס קוקן אויס פארקערט...
)
1) איז א נקיבה (לכתחילה, די מאן פון די פרוי איז טאקע א גרויסע רחמנות, און די מאן פון די אנדערע נקיבה אויכעט)
2) איז א זכר
3) איז נקיבה
א וויכטיגע פונקט צו באמערקן, כ'האב צוגעברענגט שריפטן פון א נקיבה, וואס קוקט אויס וואו א זכר, אבער נישט פון א זכר וואס קוקט אויס וואו נקיבה. די סיבה דערצו איז, ווייל עס (ליידער) א וועלט וואס פרויען טוהן די מענערישע פעולת, און פרובירן צו זיין וואו מער א מאן. אבער עס איז 'כמעט' נישט במציאות אז א מאן זאל זיין א פרוי.
------
יעצט וועט מען גיין צו 'גלעגער' קשיא, און מען וועט עס פרובירן אביסל מרחיב צו זיין.
וואו איך זעה האט מיר שוין 'חסיד' אויסגעכאפט מיט'ן חזו"א, וועל דא קודם נאכברענגן לשונו הבהיר
"עס איז זייער מובן די געדאנק אז אין יעדע זאך ליגט די עבר הוה עתיד פון א מענטש, דער הייליגער חזון איש האט אמאל געשריבען צו איינעם וואס האט זיך מיט אים געדינגען אויף א זאך, זאגט דער חזו''א אזוי די עצם נקודה וואס די דינגסט זיך קען איך דיר בנקל אפענטפערן און מסביר זיין פארוואס איך בין מחולק, אבער די הקדמות און הנחות וואס עס ליגט אלס אונטערן באוויסטזיין וואס טרייבט דיר צו דיין יעצטיגע הנחה דאס איז מיר יעצט נישט מעגליך ווייל די צייט ערלויבט מיר נישט.
לענינינו יעדע מענטש טוט פעולות און טראכט מחשבות 24/7 אבער יעדע ריר און אופן המחשבה והתנועה, איז געבויט אויף הינדערטער הקדמות וואס חלקים געהערן צו זיין עבר וואס ער איז אלס אריבער בעפאר, און זיין איצטיגע צושטאנד, און וואס ער האט אין פלאן צו טון בעתיד."
יעדע נקודה קטנה, וואס א מענטש טוט, זעהט, הערט, שמעקט, פילט, ווערט א חלק פון זיין מציאות וואס איז גייען רופן בשם כללי עבר, יעצט יעדע נקודה קטנה וואס ער טוט (הוה), טוט ער דאס לויט זיין גאנצע עבר, לויט אלעס וואס ער האט געהערט אין געזעהן ביז היינט, און לויט וויאזוי ער פלאנט פאר ווייטער.
דאס איז בעיסיקלי די נקודה, אז יעדע זאך וואס א מענטש טוט, איז דא דערין עבר הוה עתיד,
געלעגער, פארשטאנען?
פאר מען פארגעסט,
אין עבר, ליגט אויכעט, עבר, איך, ביתי, משפחתי
אין הוה, ליגט אויכעט, עתיד, יענער, די מענטשן אויפן גאס
יעצט א טריט ווייטער, וואו מיר האבן שוין געשמועסט, איז דאס נישט נאר ביים דף, נאר אפילו ביי די אותיות, די ערשטע חלק אות איז עבר, אינמיטן איז הוה, אום צום סוף איז עתיד, לדוגמא א ש
- 20140630_071822.jpg (9.8 KiB) געזעהן געווארן 235 מאל
1) הייבט אן פון די עבר, און גייט הוה,
2) קומט אן צום עתיד
3) גייט צוריק צום עבר
4) גייט ווייטער פונעם הוה צום עתיד
שואל כענין האט געשריבן:א גיטן הרב נישט און א גרויסן ישר כח פאר די הערליכע שיעורים
איך וויל נאר פארשטיין קען א קראפילאג זיך אליין אפליינען זיין שריפט אדער דארף דאס זיין א צווייטער
דאס איז זייער א טיפע אין ברייטע שאלה, און איינע פון די גרויסע שוועריקייטן פון א גראפולוג, און איך וועל דאס אביסל צוברייטערן.
ווען איר זעהט דעם ערשטען מאל א מענטש, וואס טראכט איר אויף אים? איך ווייס נישט פונקטליך וואס, אבער א מיינונג האט איר זיכער, אויף וואס בויעט איר אייער מיינונג, עעמממ, אויפן נאז צו איך ווייס וואס אלץ. די אמת איז, געווענליך איז דער מיינונג נישט גערעכט, (חוץ אויב איר קענט חכמות הפרצוף), יעצט ווען א מענטש קומט אריין צום גראפולוג, באקומט ער גראד פון זיין אינסטינקט א מיינוג אויפן מענטש, די רגע וואס ער האט שוין א מיינונג אויפן מענטש, קען ער זייער שנעל פארפארן ווען ער קוקט אויפן שריפט וואס איז אזא דקות'דיגע זאך, און בויען אויף זיין מיינונג וואס ער האט אויף אים.
דעריבער, טוען גראפולוגן, ארבעטן זייער שטארק, ווען מען קוקט אויפן שריפט, זאל מען פשוט אפליינען דעם שריפט, וואס מען זעהט דערין.
לדוגמא א מענטש וועט פרעגן דעם גראפולוג, די זעהסט דא איז איך בין אדורך די שוועריקייט פאר צוויי יאר צוריק, יעצט קען א גראפולוג האבן צוויי ריעקשאנ'ס, 1) ער זאגט דאך אז ער האט געהאט אז ער האט געהאט א שוועריקייט, לאמיר זעהן וואו קען מען עס אריינטייטשן אין די שריפט. 2)לאמיר זעהן צו ס'שטייט אינעם שריפט, אויב נישט וועל איך אים זאגן 'איך זעה עס נישט'.
גראפולוג 1 גייט זיכער האבן איין טאג, גרויסע דורכפעלער, און גראפולוג 2 וועט טאקע פארלירן צוויי דריי מאל וואס ער גייט נישט צוטרעפען, אבער ער וועט אייביג זיין סטעבל, וואס ער זעהט, זעהט ער, און וואס נישט, נישט.
יעצט דער גראפולוג 2, וואס האט זיך אויסגעלערנט צו ליינען א שריפט, און נישט קוקן לימין ולשמאל, קען ליינען זיין אייגענע שריפט אויכעט, (וואו האט זיך אויסגעדרוקט איינע פון די גרויסע גראפולוגן, "ערשט יעצט איז ער געוואר געווארן אז ער איז נישט אזא פיינע מענטש וואו ער האט געמיינט...).
-----
אי"ה קומענדיגע וואך וועט מען לערנען ווייטער די יסודות
----
איך וויל זיך נאכאמאל באדאנקן פאר די וואס זענען מגיב, דאס איז די גאזאלין פונעם קורס.
-----
ספעציעלע יישר כוח פאר הרב מתבונן, פאר עדיטען דעם שיעור