קורס בגראפולוגיה ברמה גבוהה

[נישט]

היינט איז שוין טאקע זונטאג און אזוי וואו אונז האבן אפגעשמועסט וועט מען היינט ארויף לייגן שיעור ב'
למעשה וויל איך איבערבעטן דעם עולם וואס צוליב אן אומפאראויסגעזעענע סיבה וועל איך עס מוזן אפשטופן פאר צוויי וואכן,
ביז זונטאג נאך שבועות,

[מתבונן]

עמער ווארטן מיט געדולד.

[פארוואס נישט...]

עמער ווארטן אן געדולד... אונז זעמער דורשטיג!

[אלטן דור]

איך האף אז עס איז נישט א נייע סטייל פון עפענען אשכולות און לאזן ווארטן.......

[פארוואס נישט...]

ער האט זיך כאטש גענומען די מיה און מודיע געווען אז ס'ווערט אפגעשטופט צוליב אן אומפאראויסגעזעענע סיבה, און אפילו געגעבן א צווייטע דעיט...
האף מיר אז ער וועט אונז נישט לאזן ווארטן.

[חסיד נלהב]

עמער ווארטן אן געדולד... אונז זעמער דורשטיג!

[חסיד נלהב]

היינט איז שוין טאקע זונטאג און אזוי וואו אונז האבן אפגעשמועסט וועט מען היינט ארויף לייגן שיעור ב'
למעשה וויל איך איבערבעטן דעם עולם וואס צוליב אן אומפאראויסגעזעענע סיבה וועל איך עס מוזן אפשטופן פאר צוויי וואכן,
ביז זונטאג נאך שבועות,

עס איז שוין העסט צייט צו אנהייבען די שיעור.

[נישט]

היינט איז שוין טאקע זונטאג און אזוי וואו אונז האבן אפגעשמועסט וועט מען היינט ארויף לייגן שיעור ב'
למעשה וויל איך איבערבעטן דעם עולם וואס צוליב אן אומפאראויסגעזעענע סיבה וועל איך עס מוזן אפשטופן פאר צוויי וואכן,
ביז זונטאג נאך שבועות,

עס איז שוין העסט צייט צו אנהייבען די שיעור.

אי"ה היינט ביינאכט

[חסיד נלהב]

שוין... כ'אמיר שוין מייאש געווען אויף יעצט ביינאכט כ'אף אז מארגען וועט עס שוין זיין.

[נישט]

א ריזן דאנק
איך וויל נאר פארשטיין וואו אזוי קען דאס ארבעטן אויף א מענטש וואס שרייבט אמאל שיין און אמאל צופלויגן

דאס איז באמת זייער א שטארקע קשיא, וואס גייט נאך אסאך אסאך טיפער, למשל מען וועט שפעטער לערנען אז א סארט למ"ד מיינט דאס און אזא סארט למ"ד מיינט עפעס אנדערש, אדער סיי וואספארא סימן, און מען זעהט אז ער מאכט אמאל אזוי און אמאל אזוי, וואס איז פשט דערפון???

אי"ה אין שיעור ב' וועלן מיר ארומרעדן דערפון

[נישט]

ערנסט גערעדט: איז דאס נאר אויף האנט שריפט, אדער דא אויף אייוועלט ווי יעדער געט ארויס מצפוני לבו איז אויכעט שייך חכמת גראפולוגי'.

עס זענעם דא אסאך סימנים פון גראפאלוגיה וואס איז שייך אויך ביים טייפן אויף א קיבארד, ווי למשל וויפל 'ספעיס' מען לאזט צווישן איין פאראגראף און די צווייטע (טראכט אליינס אריין, וויאזוי קוקסטו אן איינעם וואס לאזט זיינע פאראגראפן צושטיפט, אדער לאזט מער פלאץ צווישן איינס אינעם צווייטען?), ספעיס אנפאנג פונעם אשכול, וויפל טעותים מען מאכט בכלל, וויאזוי מען באהאנדעלט נקודות און קאמעס (לייגט מען עס אויפן ריכטיגען פלאץ אדער נישט וכדו', און נאך. פאר דעם אלעם וועלן מיר ווארטן ביז די מגיד שיעור הרב נישט וועט אנקומען צו די אלע נקודות און מסביר זיין וואס דאס אלעס מיינט.

קיין חשש גילוי אויפן אידענטעטעיט פונעם שרייבער איז זיכער נישטא.

מיין טיפע ווינטש פאר הרב נישט ער זאל מצליח זיין מיט זיין פראיעקט. זייער א שיינע איידיע וואס אסאך יודען קענען הנאה האבן.

אין א פריוואטע סעסיע מיט אונזער מדריך ב'גראפולוגי' האט מיר הרב נישט קלארגעשטעלט אז גראפולוגי' האט נאר מיט די ''צורת האותיות'' פינעם כותב, און 'נישט' מיט די טעקסט וואס די מענטש שרייבט וואס לפי'ז האמיר דא א מח' גראפולוגי' צווישען מתבונן און די מדריך דנן צו דא אויף די תגובות פינעם עולם קען מען עפעס אפטייטשען אויפען מענטש וואס באהאלט זיך אינטערן ניק.

יעדער וואס איז עוסק אין גראפאלוגיה ווייסט, און איך גלייב אז דער מדריך רב נישט איז מודה צו דעם, אז נישט נאר די עצם צורת האות זאגט וואס דא גייט פאר, נאר אויך די 'בלענק' דו ווייסע חלק אויף די פאפיר וואס דער כותב האט נישט געשריבן דארט זאגט פונקט אזוי פיל אינפארמאציע אויפן כותב ווי דע טעקסט אליין, ווי למשל וויפעל לאזט מען ליידיג איידער מען הייבט אן שרייבן און ווען מען ענדיגט שרייבן (שרייבט מען ביזן סוף פאפיר אדער מהאלט זיך צירוק און משרייבט נאר ביז א אינטש אדער צוויי פארן סוף פאפיר וכדו' וכיו"ב). די סארט סימנים קען מען זעהן אפילו ווען מען טייפד אויף א קיבארד.

רב נישט וואס זאגט איר?

בעצם אין געדאנק איז כבוד מתבונן הונדערט פראצענט גערעכט.

די פראבלעם איז נאר אז ווען א מענטש טייפט א דף, אדער ער סעט אויף א דף, טוט ער דאס נישט פון מוח, ער טוט לויט די כללים וואס זענען דא.
והא ראיה, יעדער איינער דאס אויף אייוועלט און אלע תגובות בלי אויסנאם לאזט יעדע איינער איבער די זעלבע סאך ספעיס, סיי צווישן די אותיות און צווישן די ווערטער, סיי אנהייב תגובה און צום סוף.

אויכעט איז דאס די כלל על פי רוב ביי אלע צעטלעך וואס וואס מענטשן סעטן אדער טייפן, ס'איז כמעט נישט דא קיין חילוקים, און אוודאי איז נישט בעסער פון די ערשטע דריי שורות פון א געהעריגע שריפט וואס מען קוקט נישט ביי די ערשטע דריי שורות. כל שכן ביי א געטייפטע צעטל

[נישט]

שיעור ב'
אין האבן די לעצטע וואך געלערנט, אז מען זעהט טאקע נישט קיין עתידות, מען זעהט נאר וואס ליגט דעם מענטש אין מוח, אבער זאכן וואס דער מענטש טראכט אז עס וועט זיין אין די עתיד, לדוגמא ער פלאנט אויסצווואקסן א דיין, וועט דאס יא זעהן אין די שריפט, ווייל די זאכן וואס ער טראכט אז עס וועט אזוי זיין ליגט אים אין מוח.

יעדע מענטש שפילט, יעדער איינער וויל אז מען זאל אים אנקוקן אין א געוויסע וועג, איינער וויל הייסן מער אן אריסטאקראטישע מענטש, א צווייטער וועט וועלן אויסקוקן מער וואו אן עסקן, א דריטער וואו גוט זאגער, יעדער איינער האט זיך זיין רמה וואס ער וואלט ווען געוואלט אז אנדערע זאלן אים אנקוקן, און אזוי פרובירט ער צושפילן צוווישן מענטשן. אויפן שריפט זעהט מען ביידע, סיי וואס דער מענטש שפילט און סיי וואס דער מענטש איז.

ווען א מענטש מאכט למשל אן אות אל"ף, גייט מען נאך נישט קענען ארויסהאבן דורך דעם די גאנצע מענטש, פשוט ווייל מען זעהט נישט אלעס אין אן אלף ס'איז דא זאכן וואס מען קען זעהן ביי 'ק' אבער נישט אין אן 'א', ביי 'א' זעהט מען געוויסע זאכן אין ביי א 'ק' זעהט אנדערע זאכן, די זעלבע זאך איז אויכעט ביי די 'א' אליינס, קען זיך מאכן אז א מענטש זאל שרייבן צוויי 'א' וואס קוקן אויס אין גאנצן אנדערש, ס'מיינט נאך נישט אז ס'איז א סתירה, ווייל ס'קען זיין אז ביי איין 'א' האט זיך פונקט ארויסגעוויזן די געוויסע סימן וואס זאגט מיר אז די מענטש האט אין זיך די געוויסע זאך, און ביי א צווייטע 'א' האט פונקט ארויסגעוויזן א צוייטע זאך וואס די מענטש, אלו ואלו דברי אמת וצדק.

אבער מאכט זיך אמאל וואס מען טרעפט סתירות, למשל אמאל זעהט מען אז די שריפט איז צופלויגן און אמאל איז עס שיין מסודר (דאס איז גראדע נישט קיין סתירה ווייל סקען זיין אז ער איז אימפולסיוו אבער מסודר, אבער לו יהא אז ס'איז א סתירה). דארף מען קוקן אויף נאך סימנים, צו זעהן וואס דאמינירט די שריפט, אי"ה מיט די צייט וועט עס ווערן קלארער.

נאך א גאר וויכטיגע זאך פאר מ'הייבט אן, מען דארף זיין זייער געווארנט קיינמאל נישט אפמאכן אזאך פון איין סימן, ס'מוז זיך איבערחזר'ן אפאר מאל די סימן אז מען זאל טאקע וויסן אז דאס איז די מענטש, אויך דארפן מען פאר רוב זאכן האבן מער וואו איין סארט סימן, שפעטער וועט עס ווערן מער קלארער.

אלעס וואס מיר וועלן לערנען אויף אידיש איז די זעלבע זאך אויך אין ענגליש, ס'איז דא צוויי חלקים אין גרפולוגיה איינס די כלליות'דיגע דאס די דף און אלעס ארום, דאס איז ביי ענגליש אויף די האר די זעלבע נאר פארקערט אנשטאט פון רעכט'ס אויף לינקס איז עס פון לינק'ס אויף רעכטס. די אנדערע חלק הייסט מיקרא גראפולוגיה, דאס זענען די צורות האותיות דאס איז אויך כמעט די זעלבע, אבער ס'איז געוויסע חילוקים, למשל א 'ס' וועט מיינען די זעלבע וואו א 'O' און א 'מ' וועט מיינען די זעלבע פון א 'N' אבער ס'איז דא אסאך אויתיות וואס זענען יא אנדערש,

יעצט פאר מען נעמט די שריפט אין די האנט דארפן מען וויסן אפאר זאכן.

אונז האבן געשריבן אז מען זעהט אין א מענטשנ'ס שריפט אלעס אלעס, אבער ביטע נעמט אין אכט, דריי זאכן וואס מען קען נישט, דעריבער איז עס זייער וויכטיג צו וויסן איידער מען הייבט אן צו קוקן אויף א שריפט.
1) מין – דאס הייסט צו מען איז א זכר אדער א נקבה
2) עלטער – מען קען נישט זעהן אויף א שריפט וואו אלט מען איז, ס'איז דא ערוואקסענע מענטשן וואס פירן זיך אויף וואו קינדער, דעריבער שרייבן זיי א קינדערישע שריפט. און פארקערט איז דא קינדער וואס פירן זיך אויף וואו ערוואקסענע וועלן זיי שרייבן א ערוואקסענע שריפט. (שכל האט נישט מיט די יארן).
3) אויכעט קען מען נישט זעהן צו מען איז א ג'רעכטער אדער ג'לינקטער.

די בעסטע איז אז ס'זאל זיין געשריבן אויף א פאפיר אן ליינ'ס, (ס'איז דא צוויי וועגן צו קענען זעהן צו דער מענטש האט אונטערגעלייגט א פאפיר מיט ליינס אונטער א ליידיגע פאפיר און אזוי געשריבן, ס'איז נישט מעגליך אז די אונטערשטע חלק פון די שורה זאל זיין ממש ממש גראד וואו א ראלער אן א פאפיר מיט ליינס, מען נעמט יענמם פאפיר מען דרייט עס איבער אונטן ארויף אזוי קען מען זען תיכף אויב ער האט אונטער געלייגט א פאפיר מיט ליינס. נאך א פשוטע עצה איז דא מען נעמט א פאפיר מיט ליינס און מען לייגט עס אונטער, זעהט צו פאר אויף די זעלבע וועג)

מען זאל שרייבן פופצן שורות,
אלע פופצן שורות מוז זיין דייקא געשריבן אין איין צוה, אזוי וואו אונז האבן אויבן דערמאנט אז די ערשטע דריי שורות, קען נאך דער מענטש טראכטן, קומט אויס אז אויב רוהט ער זיך אפ ביי יעדע דריי שורות, איז עס נישט געשריבן ממש פון מוח, דעריבער איז זייער וויכטיג אז ס'זאל זיין געשריבן אין א צוה.
אי"ה קומענדיגע וואך וועט מען אנהייבן למעשה

כ'וועל פרובירן צו ענטפערן אלע הערות יעדע פאר טאג.

נאכאמאל וואו מער הערות אלץ בעסער וועלן מיר עס אלע קענען.

[פארצייטישער יוד]

יעדע מחשבה וואס א מענטש דמיון'ט אויף בעתיד זעהט מען? אדער נאר זאכען וואס זענען אים נוגע ווי אויסוואקסען א דיין וכו'

2) די סימנים פון א' ב' איז ביי אלע סארט אותיות אייניג? רש''י אשורית וכו'

[לכתחילה אריבער]

ווי אזוי זענען געווארן די סימנים? ווייל זיי ווייזען טאקע אויף עפעס - ווי צופלויגענע שריפט אויף א צופלויגענע מענטש (נאר א משל) - אדער ווייל מען האט גענומען (למשל) טויזענט שריפטן, און עס צוגעשטעלט צו פון פארואויס באוויסטע פאקטען מידות, נטיעות, רצוניות וכו'?

אויב ווייזט עס "פאקטיש", קען מען עס דאך צושטעלען צו יעדע סארט כתב, נאר דאן ברויך מען "קענען ליינען". אויב איז עס פון "טעסטס", ברויך מען יעדע כתב עקסטער שטודירן, און פון די צווייטע זייט איז גרינגער צו "ליינען".

אזוי אויך, איז א טעאריע וואס מען האט "שטודירט" פון פאקטען, אין א געוויסע וועג שטערקער, און ווידער פארקערט אויב איז עס עפעס וואס "ווייזט", קען צומאל זיין שטערקער, ווייל סאטיסטיקטס קענען אמאל זיין זייער ראנג.

[נישט]

יעדע מחשבה וואס א מענטש דמיון'ט אויף בעתיד זעהט מען? אדער נאר זאכען וואס זענען אים נוגע ווי אויסוואקסען א דיין וכו'

די שאלה וואס די מיינסט מיט דמיונ'ן, אויב מיינטסטו אז ער האט געטראכט דערפון פון תענית אסתר ביז פורים, ווען מען דאס ווארשיינליך נישט זעהן אויפן שריפט.
אבער איז דאס זיין ציל אויסצוואקסן, לאו דוקא אז ער טראכט דערפון, אפילו ס'ליגט אנדערמיינד, וועט מען דאס זעהן.

2) די סימנים פון א' ב' איז ביי אלע סארט אותיות אייניג? רש''י אשורית וכו'

די סימני האותיות איז ביי יעדע שפראך אנדערש, כ'גלייב אז רש"י און אשורית וועלן זיין אנדערש פון אידש, אבער זיכער ענדלט עס.

[פארצייטישער יוד]

ייש''כ.
ווען קומט דער נעקסטער זינטיג שיעור?

[נישט]

ווי אזוי זענען געווארן די סימנים? ווייל זיי ווייזען טאקע אויף עפעס - ווי צופלויגענע שריפט אויף א צופלויגענע מענטש (נאר א משל) - אדער ווייל מען האט גענומען (למשל) טויזענט שריפטן, און עס צוגעשטעלט צו פון פארואויס באוויסטע פאקטען מידות, נטיעות, רצוניות וכו'?

אויב ווייזט עס "פאקטיש", קען מען עס דאך צושטעלען צו יעדע סארט כתב, נאר דאן ברויך מען "קענען ליינען". אויב איז עס פון "טעסטס", ברויך מען יעדע כתב עקסטער שטודירן, און פון די צווייטע זייט איז גרינגער צו "ליינען".

אזוי אויך, איז א טעאריע וואס מען האט "שטודירט" פון פאקטען, אין א געוויסע וועג שטערקער, און ווידער פארקערט אויב איז עס עפעס וואס "ווייזט", קען צומאל זיין שטערקער, ווייל סאטיסטיקטס קענען אמאל זיין זייער ראנג.

באמת יישר כוח הרב חילי פאר'ן פרעגן

ס'איז געבויט אויף ביידע, דאס הייסט מען קומט צום מסקנא ווייל דאס ווייזט אויף דאס, אבער מען קען עס נישט אנהייבן צו נוצן פאר די זעהסט עס נישט ביי א שיינע פאר מענטשן.
ס'ארבעט נישט ממש צופלויגענע שריפט איז א צופלויגענע מענטש, ווייל פארדעם דארף מען דאך נישט זיין קיין גראפולוג, מען דארף ארויסהאבן די מוח, וויאזוי זי גיבט ארויס די אינערליכע מציאות אויפן פאפיר,
נאכן דאס פארשטיין קען מען אנהייבן צו ליינען א שריפט, יעצט אז מ'קומט צו א געוויסע סימן וואס מען האט קיינמאל נישט געלערנט, הייבט מען אן אריינצוטראכטן וואס די מוח האט דא ארויסגעבן, פאלט עפעס ביי, אויב איז עס נישט הונדערט פראצענט וועט דער גראפולוג פרעגן דעם מענטש, די האסט דאס און דאס? אויב ענטפערט ער נעגאטיוו, דאן וועט ער פרובירן א צווייטע מאל, אמאל אמאל וועט זיך מאכן אז ער זאל דארפן פרובירן א דריטע, אויב אבער האט ער דאס מאל אויך נישט געכאפט וואס דא מיינט, דאן איז ער נישט קיין גראפולוג.

יעצט לאמיר אביסל צונעמען דעם צופלויגענע שריפט.
זאגן אויף א מענטש צופלויגן, קען באדייטן צוויי זאכן, איינס ער איז בטבע א צופלויגענער, אדער ער פירט זיך אויף וואו א צופלויגענער, ווען א מענטש שרייבט צופלויגן מיינט נאך אז ער איז א צופלויגענער.

צוריק צום נושא
על פי סייענס, איז קיינמאל נישט געפראווד געווארן די חכמה פון גראפולוגיה, און דעריבער קען מען נישט באקומען א קאלעדש דעגרי פארדעם, ס'איז געווען א לאנגע צייט צוריק וואס מען האט געקענט באקומען א דעגרי אין איין קאלעדש (די נאמען האב איך פארגעסן) אבער ס'איז שוין בטל געווארן.

אין געוויסע סטעיט'ס אין לענדער, קען מען נאר פראקטיצירן גראפולוגיה, אויב האט מען א לייסענס אין פסיכולוגיה.

[נישט]

ייש''כ.
ווען קומט דער נעקסטער זינטיג שיעור?

היינט ביינאכט

[פארצייטישער יוד]

איך האב געהערט אז לויט געוויסע חשבונות כשחל ח''י סיון איז 'א' קרח חל ביום ב'.

[אידישע קאפ]

אויב א מענטש ווייסט וואס גראפעלאגיע איז, דאן קען נאכאלץ דער גראפעלאג זען וואס די מענטש איז?

און בעצם ווען מ'ווייסט שוין יא וואס די מענטש איז וואס איז דעמאלטס?

[פארצייטישער יוד]

קען מען וויסען ווי אנצוכאפען דעם מענטש ביים נפשיות'דיגע פראבלעם, און אים בעז''ה העלפן.

[נישט]

אויב א מענטש ווייסט וואס גראפעלאגיע איז, דאן קען נאכאלץ דער גראפעלאג זען וואס די מענטש איז?

די מציאות אפילו ווען דער מענטש שרייבט עס ממש פאר'ן גראפולוג, זעהט מען אויכעט פונקטליך וואס ער איז.
ווילאנג ער שרייבט מיט זיין געווענליכע שנעלקייט אין איין צו פופצן שורות איז נישט מעגליך צו האלטן קאפ, אוואדי ווען איינער וויל פאפען קען ער, אבער מען קען זעהן גראד אז ס'איז געפאפטע מעשות.

און בעצם ווען מ'ווייסט שוין יא וואס די מענטש איז וואס איז דעמאלטס?

דיר רעדסט דאך וואו א אידישע קאפ.

גראפולוגיה ווערט בעיקר באנוצט פאר די פאלגענדע סיבות:
1) ווען מען זעהט עפעס איז ראנג(גייסטיש), איז פונקט וואו מען גייט צום דאקטאר לגבי פיזיקעל, גייט מען צום גראפולוג לגבי מענטעל
2) פשוט א מענטש וויל זיך ארויסהאבן צוויסן צום ביישפיל צו וועלכע ארבעט ער איז געמאכט פאר
3) ווען מען וויל אויפנעמען אן ארבעטער, שיקט מען זיין שריפט צום גראפולוג זעהן צו ער טויג פאר די ספעציפישע ארבעט וואס מען דארף דארטן האבן
4)פאר שלום בית, ס'זאל זיך קיינמאל נישט מאכן קיין פראבלעם

[נישט]

קען מען וויסען ווי אנצוכאפען דעם מענטש ביים נפשיות'דיגע פראבלעם, און אים בעז''ה העלפן.

אוודאי פאר דעם איז דאך גראפולוגיה געמאכט געווארן,

נאך א מורא'דיגע מעלה האט גראפולוגיה, אז מען קען וויסן א נפשיותדיגע פראבלעם גייט קומען נאך פאר ס'קומט.
לאמיר דאס אביסל מסביר זיין

לאמיר אנכאפן אביסל א ווייטע דוגמא פשוט עס צו ממשיך זיין וואס כ'מיין, איינער וואס איז אריינגעפאלן אין א שווערע דעפרעסיע, אזש אז ער וויל זיך נעמען דאס לעבן.
די מחלה קומט נישט צופיס אויפאיינמאל, אפשר אויפן אויבערפלאך איז עס ארויסגעקומען פלוצלינג, אין ביז יענע רגע האבן אלע זיינע ארומיגע געמיינט אז מ'רעדט פון א אמת'דיגע פרייליכע מענטש.
אבער ס'איז נישט אזוי, די זאכן גייען צוביסלעך, ביי אים אין מוח האט עס גענומען חדשים לאנג ביז ער איז אנקומען צו דעם מחלה, ער איז אדורךגעגאנגען צענדליגע שטאפלען, ביז ער האט זיך דעקייקלט צום נידעריקסטן.
די גראפולוג וועט אבער יא זעהן די אלע שטאפלען וואו ער האלט, אזוי אז ער קען ווארענען א מענטש פון פריער, יו אר אן די ראנג דירעקשאן, און אים שיקן פאר טעראפי אויב מ'דארף

[חסיד נלהב]

ייש''כ.
ווען קומט דער נעקסטער זינטיג שיעור?

היינט ביינאכט

??

[אידישע קאפ]

ש'כח הרב נישט!
קיפ איט אן!