וויאזוי מאכט מען וויין?

[אלטן דור]

דאס הייסט אז די גלעזל שווארצע קאווע האט זיך געטוישט צו וויין! ניין?

[ידיד]

אויף דערווייל.. יעצט ווארט איך עס צו ערזעצן מיט היימישע וויין...

[לכתחילה אריבער]

WOW WOW WOW!!

הערשט נעכטן אנגעקומען צו ליינען לכתחילה'ס ארטיקל, מורא'דיג מורא'דיג!

אזוי שיין און קלאר און צולייגט יעדן דעטאל, אזש מ'קען שפירן דעם גרוך פון וויין בשעת'ן ליינען... תיכף נאכן ענדיגן ליינען בין איך געגאנגען כאפן א גלעזל וויין.. אההה...

ריזיגן יישר כח לכתחילה אריבער!

לויף נאך נישט כאפן קיין גלעזעל!! מען קען דאס נישט כאפן!!

קודם דארף מען דרייען די וויין, אז די אקסיגען זאל ארויסגיין, און אויך אז די לופט אינעם גלעזעל זאל פיל ווערן מיט די גערוך פון די וויין.

דערנאך איז דא כאטש פינעף זאנעס אין די מויל, די שפיץ צינג, די זייט פונעם צינג, די מיטן פונעם צינג, ביי די גומען, און אינטען ביים גארגעל. יעדע פלאץ דארף מען "אויפפיקען" א אנדערע חלק פון די פלעיווער\באדי\זיסקייט\טענין\עסיד\ ועוד ועוד.

[ידיד]

יוי... דו דערמאנסט מיך פון די פינעף S'S דארט מיט פעסטער רב...

עניוועי, דאס וואס כ'האב געטרינקען גיי איך שוין נישט אויסברעכן.. די איבריגע פונעם פלאש לייג איך אוועק פאר נאכן שיעור. אבער לאז נישט לאנג ווארטן! כ'האב מורא כעמעך נישט קענען איינהאלטן...

[שוועמל]

קען מען קויפן דא נעפע וועלי טרויבן? נישט געוואוסט דערפון.
נעפע וועלי מוז דארטן וואקסן אין קליפורניע צי מען קען איבערפלאנצן?
ביי הערצוג, איז דאס א נאטורליכע ארוימא/פלעיוואר אדער צוגעלייגט?
און פארוואס מאכט נישט קעדעם קיין גרעיפ זשוס דערפון.

כגלייך עס פארשטעיסט..
אבער נישט צו קידוש ווייל סיז מבושל. הלואי איז דא נאן-מבושל

[אלטן דור]

ענדליך ענדליך הערט מען שוין עפעס פון דיר קיפ אן שרייב ווייטער

[קיקיון]

נעמען נאך א באטעל פון די זעלבע וויין, פארפרירען זייער שטארק, די "וויין" ווערט פארפרוירען, אבער די "אלקעהאל" נישט, און מען גיסט עס אראפ.
נישט זאגען פאר קיינעם, געדענקט עס איז א סוד.

אין אויב איך בין אן איפכא מיסתברי'ניק
און וויל וויין מיט מיט וואס ווייניגער אלקאהאל אין איך ניץ דעם פאטענט וואס בלייבט נאך אפגיסען דעם אלקאהאל? מען מעג א ברכה מאכען?
לעצטענס ניץ איך REISLING ROSE און וואלט ג'קענט זיך באגיין מיט נאך ווייניגער אלקאהאל

שוין געמאלדען אז דאס איז ניט געלונגען
יעצט געפריווט אן אנדער מהלך אנגעווארעמט REISLING ROSE ביז קרוב צי 100 צעלסיוס און אנגעצינדען
עס האט ג'ברענט א פאר סעקונדעס

dealcohol.JPG (17.26 KiB) געזען 3259 מאל

מבושל איז שוין א סאך פריער ווי 100 צעלסיוס עס איז כאטש ניט יין מגתו

[שוועמל]

איך ווייס נישט אויב שוין פארהאן, אבער דא איז א פדף פונעם ארטיקל "וויאזוי מען מאכט וויין".
די PDF ענטהאלט אויך עטליכע הערות פון הרב יינן.

https://www.dropbox.com/s/3m2azt7btn6nn ... wine-2.pdf

און א גרויסן יישר כח אייך ביידע!

[פועל]

ווילאנג דארף די וויין בלייבען און די air lock די גאז זאל ארויס גיין

[רב טקסט]

עס איז אלעמאל אנדערש, געווענליך לאזט מען עס א פאר וואכן.
מען דארף נאר כסדר בודק זיין אז די וואסער אין די air lock זאל נישט ווערן אריינגעסאקט אין די פאס, דאס געשעהט ווען עס הויבט זיך אהן אפצוקיהלן, ווייל אויב ווערט עס אריינגעצויגן ביז אונטען אז עס קען שוין אריינקומען לופט קען געשעהן וואס איז איינמאל געשעהן ביי מיר.

[שוועמל]

צוגעלייגט די פרישע אינהאלט צום דאונלאוד.
נעמט עס אראפ פון דא און האט הנאה!

נישט פארגעסן, די יישר כח קומט פאר לכתחלה.

[לכתחילה אריבער]

צוגעלייגט די פרישע אינהאלט צום דאונלאוד.
נעמט עס אראפ פון דא און האט הנאה!

נישט פארגעסן, די יישר כח קומט פאר לכתחלה.

גרויסער ישר כח שוועמל. איך דארף נאך צוריק גיין פארעכטען איבער די מוסקאט טרויבן ,ווי די חבירים האבן מעורר געווען אז כ'האב געהאט א טעות. אבער כ'בין נאך נישט 100 פראצענט זיכער אינעם ריכטיגע מהלך.

[שוועמל]

די דאונלאד ענטהאלט הערות פון יינן אויכעט.

[יינן]

שוין לאנג נישט דא געווען, און נישט באמערקט אז לכתחילה איז שוין באלד פארטיג, עמער זיך מיזן ארויפשאצן די ארבעל, און אויך ממשיך זיין, חס ושלום נישט עובר צו זיין אויף לאזן דא א ספר תורה שאינו מוגה.
וועגן ארפנעמען פונעם זאץ איז אזוי, סאיז דא צוויי מיני זאצן, די גראבע און דינע, די גראבע זאץ וואס באשטייט בעיקר פון טויטע ייסט, וועט זיך זעצן אפאר טאג נאכן אויפהערן קאכן, און עס איז זייער וויכטיג עס אראפצונעמען ווי פריער (ביז א וואך נאכן קאכן). ווייל דאס קען קליה מאכן. משא"כ די דינע זאץ, וואס זאמעלט זיך סתם אזוי פון ליגן, איז שוין נישט אזא פראבלעם עס זאל זיין מיטן וויין, און אין אלגעמיין איז רעקאמענדירט אראפצוציען דעם וויין יעדע דריי חדשים.

וועגן האלצערנע פעסער וועל איך נישט שרייבן, סאיז ממילא נישט נוגע פאר בעגינערס.
בנוגע גלאזערנע פעסער, איך גלייך יא די 5 גאלענדיגע גראדע, איבער די גרעסערע רינדעכיגע, עס איז זייער שווער צי הענדלען און איז זייער שוואך און וויבאלד עס ליגט אין א האלטער קען מען נישט זען ביז ווי די זאץ קימט אן.

[יינן]

מעלאלעקטיק פערמענטעישאן
דאס ווערט ביי אונז געווענליך גערופען, די צווייטע קאכן, דאס הייסט אז אפילו נאכדעם וואס די וויין האט שוין אויסגעקאכט די גאנצע צוקער, איז עס נאכנישט רעדי צום באטלען וויל עס גייט נאך אנהייבן צו קאכן א צווייטע מאל, און גייט שוין די וויין זיין געבאטעלט איז דא גרויסע שאנסען אז די באטלעך וועלן אויפרייסן.
די צווייטע קאכן געשעט ווען א געוויסע סארט עסיד וואס הייסט מעליק עסיד, ווערט איבערגעדרייט אויף לעקטיק עסיד, און בשעת דעם פראצעדור ווערט אויך פראדעצירט קארבאן דייאקסייד אלס א בייפראדאקט.
די צווייטע קאכן האט געוויסע מעלות אין רויטע וויין, און אין געוויסע ווייסע, עס רעדיצירט די עסידעטי ווערט עס מער smooth אבער עס נעמט אויך אוועק אביסל פונעם פרוכטיגקייט, ממילא איז עס א חסרון אין ווייסע פרוכטיגע וויין, אבער פאר היימישע וויין מאכערס איז דאס נישט נוגע, ווייל מיר האבן נישט די מעטאדען עס אפצוהאלטן ממילא, דארף מען נאר וויסן דערפון און אכטונג געבן נישט צו באטלען דעם וויין,נאר נאכדעם וואס מען ווייסט זעכער אז עס האט שוין אפגעקאכט.
די צווייטע קאכן איז אסאך מער סענסיטיוו צו טעמפראטור ווי די ערשטע, עס קען נישט געשען אונטער פופציג דעגרי, וועגן דעם אמאל ווען מען האט געהאלטן דעם וויין אין א קאלטן קעלער האט די וויין אנגעהויבן צו קאכן ערשט נאכן ווינטער,ווען עס איז אביסל ווארימער געווארן, משא"כ אויב האלט מען דעם וויין אין א ווארימען שטוב, קען עס שוין שוין זיין פארטיג ממש א פאר וואכן נאכן ערשטן קאכן.

[לכתחילה אריבער]

ישר כח פאר די הוספות.

גראדע בינעך נאכנישט פארטיג. כ'בין פשוט נישט אנגעקומען צוצולייגן.

[שוועמל]

וואס איז די עיקר סיבה צו לאזן שטיין די וויין. אי משום זאץ, פארוואס נישט בפועל זייען?

[יינן]

בפועל זייען הייסט פילטערן וואס לכתחילה האט שוין אויסגעשמועסט. אויב פילטערט מען עס גיט, איז עס טאקע תיכף רעדי צום באטלען, אבער אזויווי כהאב שוין אויסגעשמועסט דארף מען נאך ממילא ווארטן פארן מעלאלעקטיק, איז פארוואס זיך מיטשען צו פילטערן, ווען עס גייט ממילא ווערן קלאר נאטורלעך.

[שוועמל]

איך זע אין די משנה (שבת פ"כ) תולין את המשמרת ביום טוב ונותנין לתלוי'ה בשבת... ומסננין את היין בסודרין. משמע אז דאס איז יא אמאל געווען די פילטערעשאן טעכניק.

איז aged וויין א בלויזע מעלה צו מאכן די וויין מער לויטער אדער גיבט עס אריין טעם (oak וכו')?

לגבי מעלאלעקטיק, דאס איז דאך קאכן, טא וויזוי גייט דעס פילטערן נאטורליך?

דאס וואס א אפענע פלאש וויין קריגט אזא אקסידייזט טעם נאך א טאג צוויי איז צוליב דאס מעלאלעקטיק קאכן, וועט א פריזשידער דאס אפהאלטן (טעמפ. קאנטראלד)?

[נא_שכל]

מעלאלעקטיק פערמענטעישאן
דאס ווערט ביי אונז געווענליך גערופען, די צווייטע קאכן, דאס הייסט אז אפילו נאכדעם וואס די וויין האט שוין אויסגעקאכט די גאנצע צוקער, וכו'

'יישר כוח' מר. יינן פאר אייערע ארטיקלען, לגבי דעם ענין פון קאכען צוויי מאהל, וויל איך וויסען אויב עס איז דא אזא זאך אז ווען מען לאזט שטיין די וויין קאכט עס איבער (אויף א געוויסע פארנעם) יעדעס יאר נאכמאל בערך אנהייב ווינטער און דאס איז מוסיף צו די smoothnes פון די וויין?
פארוואס פרעג איך, ווייל עס איז מיר אויסגעקומען עטליכע מאל ווען איך האב געטרינקען היימישע אלטע וויין אנהייב יאר האט עס געהאט אזא ציפ, אין נאך עטליכע וואכן האט זיך עס בארואיגט, און די וויין איז גאר געווען בעסער פון פריער.

[יינן]

תולין את המשמרת איז די נאך די מאסט אוסגעמישט מיו די שאלאכטץ און מען רעדט דא נאך פארן עס טראגן צום פרעס, האט מען עס קודם געלאזט אראפטראפן אין א זאק ווי מער, זיך צו שפארן ארבעט ביים פרעסן.
(אויב איך מעג בעטן,ביטע מער נישט אריין ברענגן אין דעם אשכול גמרות מיט חינוךס וכדומה, זמן תורה לחוד, און מען קען אויף דעם עפענען אן עקסטערן אשכול, וואס אין דעם האב איך אןיך אסאך וואס צו שרייבן, אבער עס קומט נישט אריין אין אשכול אויף וויין מאכן למעשה.)

אודאי איז עיזשען וויין א מעלה, אבע אויב האלט מען עס נישט אין האלצערנע פעסער, נאר אין גלאזערנע, איז נישט דא קיין סיבה עס נישט געהעריג צו באטלען, אויב איז די וויין קלאר און אונגאנצען פארטיג קאכן.

מעלאלעקטיק פילטערט נישט דעם וויין, נאר אזויווי עס נעמט געווענליך אפאר חדשים ווילאנג עס ווערט פיניש, לוינט זיך צו ווארטן אין די צייט, וואס מען קען עס דאך ממילא נאכנישט באטלען, עס זאל נאטורלעך ווערן קלאר, פון סתם ליגן.

ווען א אפענע באטל ליגט אפאר טעג ווערט עס אקסידייזט, ד.ה. די וויין ווערט געשעדיגט פונעם אקסיזשן וואס איז דא אין די לופט, און עס האט גארנעשט מיט מעלאלעקטיק.
דעס וואס מען פילט א געז טעם אין א געשעדיגטן וויין איז שוין א דריטע מין קאכן. דאס איז ווען באקטעריע דרייט איבער די אלקאהאל צו עסידיק עסיד, אדער ווי מיר רופן עסיג, חומץ, וואס דעמאלטס איז עס נישט כשר פאר קידוש, ואין ברכתו הגפן.
די באקטיריע דארף האבן אקסיזשן דאס צו קענען טוהן, און וועגן דעם מיז מען מוראדיג שטארק אכטונג געבן, אז די וויין זאל אייביג זיין געסיעלט, אז לופט זאל קיינמאל נישט צוקימען צום וויין, ווי אויך "מיז" מען לייגן סאלפייט, אבער וועגן דעם וועלן מיר מוזן שרייבן א באזינדערן לענגערן ארטיקל.

[יינן]

נא שכל. איך האב געשריבן אז עס געשעט געוונליך אנהייב זומער, און עס מאכט דו וויין מער סמודט. פארשטייט זיך אז אמאל קעח עס נעמען לענגער עס זאל זיך אנהייבן.
אבער היימישע וויין וועט רוב מאל האבן א ציפ, פונעם דריטן קאכן, ווי געשריבן אין פריערדיגע תגובה

[יינן]

שוועמל. פארגעסן דיין לעצטע שאלה. אויב וועט מען האלטן די וויין אין פריזשעדער,וועט די אקסידעישען פראצעדור ווערן פארשטייטערט, און עס וועט זיך האלטן גוט פאר אביסל לענגער. פונקט ווי יעדע זאך אין א פריזשעדער האלט זיך לענגער פריש ווי אינדרויסן, אבער נישט אויף אייביג.

[ראשית]

יי"כ פארן מחבר הרב לכתחילה און פארן בעל הגה הרב יינן

[ראשית]

פילע דאנק אייך לכתחילה