אידישע וועלט פארומס

שלום עליכם טייערע חברים.
איך וויל טאקע נישט אריינהאקן אינמיטן די אשכול וואס איז געמאכט פאר אן אנדערע קרי', אבער אזוי ווי איך בין ניי דא האב איך נישט געוואלט אליינס עפענען אן אשכול אבער אויב די מנהלים פילן פאר וויכטיג קענען זיי עס אריבער פירן על מקומו.
צום אלעם וויל איך מודיע זיין אז די מטרה פון די ניק איז צי ברענגען נייעס פון די עיר התורה וחסידות "לעיקוואד" (לעיקוואד האט שוין היינט איבער 1000 חסידי'ישע אידן).
איינע פון די סיבות פארוואס איך האב מיך איינגעשריבן דא אין איי וועלט (הגם איך בין שוין א לאנגע צייט דא אלץ א גאסט) איז צוליב דעם וואס איך זעה אז די שטאט לעיקוואד איז אנדער רעפרעזענטעד (UNDER REPRESENTED בלע"ז).
הגם עימעיצער האט שוין פריער דערמאנט אז חסיד'ישע אידן קענען זיך ארויסציען קיין לעיקוואד, אבער אלץ א לעיקוואד איינוואוינער זעה איך אז ער ווייסט מיטאמאל העלפט וואס עס טוט זיך דא ביי אונז אין לעיקוואד.
איך האב אסאך צושרייבן אבער היום קצר, איך וועל פרובירן צי ענטפערן ווי שנעלער אויב איינער בעט אינפארמאציע וועגן זיך אריבערציען קיין לעיקוואד.
וואס אנבלאנגט צי די אשכול איז די פאלגענדע:
די וואך איז געווען אדווערטייזט דא ביי אונז אז עס בויעט זיך יעצט א דעוועלעפמענט פון טאון הייזער פאר בלויז $209000, עס באשטייט פון 2200 ס"פ, עס קומט מיט אלע אפלייענסעס גרייט אריינצומופן. (איך בין נישט קיין ריעל עסטעיט בראקער, ממילא וועל איך נישט אויסרעכענען די אנדערע מעלות).
די מעלה פון די קאמפלעקס אז עס איז זייער נאנט צי די נייע בעלזא דעוועלאפמענט, און אויך צי די פלאץ וואס עס איז געווען א רעדע אז סאטמאר (מהרז"ל) וועט דארט בויען דירות, (הגם ווי עס קוקט יעצט אויס וועט די סאטמארע פראדזשעקט נישט צושטאנד קומען צוליב דעם וואס די עומדים בראש ביי סאטמאר האבן אנדערע פריוואטע אינטערעסען).
די מעלות פון מופן קיין לעיקוואד VS. קרית הרחבת הדעת און סיי וועלכע אנדערע דעוועלאפמענט וואס זענען שוין געווען אויף די מארקעט ווי מידעלטאון, סוואן לעיק, סקרענטאן, לאק שעלדריק, ועוד, איז אז אין לעיקוואד האט מען אלעס צוגעשטעלט אויפ'ן פלאץ פאר די ביליגסטע פרייז'ן, איך וועל געבן א דוגמא, ק"י פליישט קאסט אין לעיקוואד נאך סאך ביליגער (ביי געוויסע מיני פלייש מיט 2-3 דאלער ביליגער פער פונט) ווי אין ק"י אדער וומסב"ג אליינס, די גראסערי'ס זענען מיט בערך 10 פראצענט ביליגער פון וויליאמסבורג ביי רוב אייטעמ'ס (חוץ ביי וויינשטאק'ס לאקשען, און פרישע פיש וכדו', פראדוקטען וואס עס איז נישט דא קיין גרויסע אויסוואל און עס איז נישט דא קיין פארלאנג פאר דעם ביי די ליטווישע עולם).
איך קען זאגן אז זייט איך האב אהערגעמופט האב איך כמעט נישט געדארפט צוקומען צו קיין סטאר'ס אין וויליאמסבורג, חוץ למשל פאר די חסיד'ישע העמעדער.

פאר די וואס ווילן פרובירן צו קומען וואוינען דא פאר רענט און האבן נאכנישט די דאגה פון איינשרייבן קינדער אין חדר/סקול, איז נישט שייך עפעס גרינגער ווי דעם, מען נעמט א דירה און מען דארף מיטאמאל פעינטען אדער סקרעיפען, אפילו א בעטערי פאר די סמאוק דיטעקטאר וועט דער לענדלארד צושטעלן.
און אנדערע ווערטער: מען קען נישט נעמען אזויפיל עדווענטעדזש פון א קאסטומער.
די סטארס רופן עס אן מיט'ן לשון: SAVVY CUSTOMERS
איך דארף שוין ענדיגען פאר יעצט אבער איך וועל פרובירן צי מער מאריך זיין ביי א צווייטע געלעגנהייט

לעיקוואד, דאכצעך מיר אז ביי שכ"ל צאלט מען אפ דעם דיפערענץ.

אויסער דעם, איז לעיקוואד נאך אלעם נישט קיין חסידישע שטאט, און פאר א ווילי טייפ אינגערמאן איז שווער זיך אהינצוציען און זיך פילן באקוועם.

פליז אריין אין אן אנדערן אשכול

טהור-עיניים האט געשריבן:לעיקוואד, דאכצעך מיר אז ביי שכ"ל צאלט מען אפ דעם דיפערענץ.

אויסער דעם, איז לעיקוואד נאך אלעם נישט קיין חסידישע שטאט, און פאר א ווילי טייפ אינגערמאן איז שווער זיך אהינצוציען און זיך פילן באקוועם.

שלום עליכם טייערע טהור.
איך האב שוין געהערט די ארגומענט פון עטליכע וואס האבן מיר אויפגעברענגט די טענה, אבער די ערשטע און בעסטע תירוץ אלץ איד וועל איך ענטפערן אז שכ"ל באקומט מען דא צוריק פונעם בוכ"ע משא"כ ווען איך וויל מאכן א גריל זונטאג נאכמיטאג וועל איך נישט עס צוריבאקומען...
עס ווערט נישט געברענגט אין די גמ' קיין שום מימרא אז אויב מען צאלט אסאך געלט דירה געלט באקומט מען עס צוריק.
חוץ דעם קען מען זיך דינגען וויפיל מער עס איז טאקע.
ווען איך האב איינגעשריבן מיינע קינדער אין די דארטיגע מוסדות און איך האב פרובירט צי מרמז זיין אז עס איז אסאך געלט, האט מיר דער אדמיניסטראטער געזאגט בזה"ל, אז די ווילס אז מען זאל גיין נאכגעלט פאר דיר איז קיין שום פראבלעם, און מען קען אויך גיין פאר דיינע אנדערע הוצאות, פארשטייט זיך אז איך האב געכאפט דעם וואונק, און עס איז א אמת'דיגע פוינט, אקעי ראנג אשכול פאר די נושא.
די פאקט איז אז די מלמדים באקומען נישט דא צי סאך מער געהאלט ווי אין ברוקלין, און מען לייגט דא אריין מער ארבעט אין די קינדער, (סיי לימודי קודש און סיי לימודי חול) נאר וואס דען, די מוסדות דא האבן נישט די שנאר אפאראטען ווי אין ברוקלין, און די מוסדות דארף זיכער מאכן אז זיי קאווערן זיך סוף יאר, ווייל אויב נישט פארמאכען זיי זיך.
פאר די מקטני אמונה וואס קענען סוף כל סוף נישט אפמאכן ביי זיך אז עס לוינט זיך יא צי צאלן ענדערש מער פאר שכ"ל ווי פאר רענט, איז דא א שטיקל האפענונג, אז דא גייט זיין א וואוטשער פראגרעם, וואס הגם איך ווייס נישט אלע דיטעילס, אבער אזויפיל ווייס איך אז עס וועט לכאורה זיין פאר ארים און רייך גלייך, וואס פאר א גרויסע טייל אידן מאכט דאס אויס וד"ל.

וועגן דיין צווייטע רימארק, ערשטענס וויל איך דיר פרעגן, איז קרית הרחבת הדעת יא געאייגענט "יעצט" פאר א חסיד'ישע אינגערמאן, מען רעדט אויב עטליכע ווילן קומען אויפאיינמאל.
ווי אויך וואלט איך דיר געראטען אז די זאלסט אריבערקומען פאר א שבת אויף א באזוך, און זאלסט איינשטיין נעבן ברוקהיל געגענט, (עס איז נישט דא קיין האטעל'ס, אבער מען קען זיך פרובירן צי פארשאפען אכסניות,) און די זאלסט דאווענען יעדע תפילה אין אן אנדערע חסיד'ישע ביהמ"ד, און נאכדעם וועסטו רעדן אנדערש.

ר' לעיקוואד טייערער, עס איז אסאך גרינגער ווען מען הייבט אן א זאך פון דאסניי און מען סעט א טאון, מען טוט אוועקשטעלן דעם אטמאספערע פון דעם פלאץ ווי ווען איך דארף קומען אין א עקזיסטירנדע פלאץ, אפילו אויב איך קום מיט אפאר הונדערט משפחות אויף אמאל, אבער ווען עס זענען דא טויזענטער וועלכע זענען שוין דארט צענדליגער יארן און האבן שוין אוועק געשטעלט דעם רוח פון דעם פלאץ איז עס זייער שווער.

טהור די האסט א פוינט, אבער די מציאות האט געוויזן אז א נייע געגענט איז סאך שווערער אויפצושטעלן, און חוץ מזה איך האב נישט גארנישט קעגן די קרית הרחבת הדעת, סך הכל וויל איך נאר ארויסברענגען די מעלות פון לעיקוואד, וואס איך פיל אז עס איז UNDER REPRESENTED.

צווישן אלע פלעצער וואס איז האב אויסגעטשעקט איז לעיקוואד אויך געוועהן, לעיקוואד האט אסאך געוואלדיגע מעלות, די פרייזן דארטן זענען אפנארמאל ביליג כלפי אלע אנדערע יודישע געגנטער? אינפעסטרוקטשור איז דא, מוסדות האב איך עט די טיים נישט געטראפן עפעס וואס זאל זיין לרוחי, קען זיין היינט איז שוין דא, ביטע מפרסם זיין, איך בין דארט געוועהן אסאך מאל פאר שבתים, איך האב מיך נישט געקענט פיקטשערן מיינע קינדער זאלן דארט אויפוואקסן, איך האב געזעהן קינדער פון שטובער וואס קןמען פון וויליאמסבורג, עס איז נישט ווי אזוי איך וויל מיינע קינדער זאלן אויסקוקן, ווייט דערפון, איך זאג נישט אז מען דארט נישט אויפשטעלען א גוטע שטוב, אבער איינער וואס וויל איבערלאזן נאך זיך חסידישע דורות וועט אין לעקוואד זיין זייער שווער, אדרבה אויב בין איך זיך טועה ביטע אויפקלערן, מיר זענען דא צו הערן

רב הערליך איך פארשטיי נישט די מטרה פון דיין תגובה. אויב ווילסט עפעס זאגן - זאג, אויב נישט וואס ווילסטו?

כהאב פאראכטן מיין תגובה, איך האף אז איצט זענט איר מער צופרידן

שלום עליכם לעיקווא[ו]ד, מאך דיך היימיש און באקוועם, און לאז דיך הערן אויף אלע סארט טעמעס, ביסט א גוטער שרייבער.

אין לעיקוואד איז זייער שווער אריינצוגיין אין די מוסדות. ממאכט אלץ פראבלעמן ווי למשל דער טאטע דארף זיצן אין כולל, אויב נישט דארף ער געבן א גרויסע סכום געלט כדי צו ווערן אנגענומען
און דאס איז אויך ביי די חסידישע מוסדות

שוין געווען אין ברוקהיל און אין די שכנותדיגע וועספערינג פיינס, באדעם ליין, די חסידישע גייסט איז שוין מער דא אין מאנסי.

מאנסי וועסטו צאלן פאר א דירה מער ווי דאפעלט פון ליקוואד

שלום עליכם לעיקוואד, עס איז אונז א כבוד צו האבן א רעפארטער פון לעיקוואד (קולמבשר האט עטליכע..). און נאכדערצו אזא פיינעם שרייבער.

אדרבה ברענג אונז נייעס פונעם עיר התורה (ובקרוב) והחסידות.

האט איר אפשר אביסל אינפארמאציע וויפיל דירות בעלז בויעט? וויפיל איז שוין פארקויפט וכו'?

א גוט מארגן הרב "לכאורה", א דאנק פאר די קאמפלימענט.
איך וואלט געוואלט בעטן די מנהלים אז אזוי ווי מען האט עס אריבערגעשטעלט אין א נייע אשכול, זאל מען טוישן די קעפל, איך וואלט פארגעשלאגן מען זאל עס א נאמען געבן "עפארדעבל לעבן - לעיקוואד", ווי נישט ווי איז לעיקוואד בכלל נישט א נייע געגענט, אפילו פאר חסיד'ישע אידן.

הרב "הערליך" איך ווייס נישט ווען פונקטליך די האסט זיך נאכגעפרעגט אויף די מוסדות, אבער היינט צוטאגס איז דא עטליכע פרומע חסיד'ישע מוסדות, אבער היות איך ווייס נישט ווער איר זענט, איז זייער שווער צי זאגן צי עס איז געאייגענט פאר אייך, אבער אזויפיל קען איך יא זאגן אז פאר איבער 50% וויליאמסבורג'ע איינוואוינער וועט די מוסדות זיין פערפעקט, און לגבי איבערלאזן חסידישע דורות, האסטו גערעדט פאר פייער און וואסער, ווייל איך קען דיר אויסרעכענן עטליכע סאטמאר'ע און חסידי'ישע (פון אנדערע קרייזן) אידן וואס וואוינען דאהי, און האבן פיינע חסיד'ישע קינדער, נאר מפני כבודם וועל איך נישט אויסרעכענן קיין נעמען אבער עס איז גלוי וידוע פאר סיי ווער עס וויל וויסן. (פאר די אנדערע 50% איז דאך גוט ק"י).
בנוגע וואס עס איז דא א טייל איינוואוינער וואס די זאגסט אז די וואלסט נישט געוואלט אז דיינע קינדער זאלן אזוי אויסקוקן, זאלסטו וויסן אז זייער עיקר ציל צו מופן איז געווען טאקע דאס, וד"ל (די זעלבע סיבה מפני כבודם וועל איך נישט מאריך זיין).
יעצט בנוגע איינשרייבן די קינדער אין די מוסדות, איך האב מיך ספעציעל באווארענט ווען איך האב געשריבן אז פאר איינער וואס האט נאכנישט די דאגה פון איינשרייבן קינדער איז זייער גרינג, ווידעראום פאר די וואס קומען דא מיט גרעסערע קינדער בין איך מודה אז עס זייער שווער און כמעט אוממעגליך, (הגם וואוינען אין וויליאמסבורג איז אויך אוממעגליך, אבער מופן קיין מאנסי אדער ק"י איז יא מעגליך).
די סיסטעם ארבעט דא אז ביז כיתה א' גייען רוב קינדער צי א פלעי גרופ/מורה (מען לערנט שוין דארט די א"ב און די בעיסיק'ס) און פון כיתה א' אדער PRE 1A גייט מען אין חדר/סקול, און מען ברויך זיך שוין איינשרייבן מינומים א יאר פארדעם, יעצט בנוגע די סטעיטמענט וואס עימעיצער האט אויפגעברענגט אז אדער מוז מען לערנען אין כולל אדער געבן שווערע געלטער, איז שקר וכזב, און איך קען אליינס מעיד זיין, ס"ה וויל יעדע מוסד נישט נעמען קיין גארבידזש, אבער אויב האט איינער א שיעור יעדן טאג און ער פירט א נארמאלע שטוב האט נישט קיין שום פראבלעם, נאכאמאל דאס איז נאר אויב די שרייבסט איין פון אנפאנג און די מוסדות האט פלאץ, און טאקע פארדעם יעדע עטליכע יאר עפענט זיך נייערע מוסדות, צוליב דעם וואס די עלטערע האבן שוין נישט קיין פלאץ, ווייל מען געט פארצוג פאר די וואס האבן ברידער'ס אין די עלטערע יארגאנג אבער מען מאכט זיכער אנפאנג יאר אז יעדע קינד איז מסודר, (עס איז אפילו דא א וועד פאר דעם, הויפטזעכליך פאר די ליטווישע אבער עס רינט איבער פאר די חסיד'ישע אויך).
בנוגע מאנסי VS. לעיקוואד, איך געדענק מאנסי פאר 20 - 25 יאר צוריק און עס איז געווען אויף די זעלבע שטייגער, נאר אביסל ווייניגער תורה'דיג (און פאר מיר מער תורה'דיג איז נאר א מעלה), עס איז קלאר אז לעיקוואד איז די נייע מאנסי, און די זעלבע זאך ווי מאנסי ווי שפעטער מען קומט אלץ טייערער באצאלט מען.
בנוגע בעלז לויט מיינע אינפארמאציע, (בלויז מקוה שמועסען...) בויען זיי די ערשטע פאזע פופציג דירות און זיי זאגן אז 10 גייט גיין פאר פרעמדע, ווי אויך זאגן זיי אז זיי האבן שוין 30 קאנטראקט'ס. אבער בוי נישט גארנישט אויף מיין אינפא ווייל איך ווייס נישט קיין אינסייד דיטעילס.
גענוג פאר יעצט, מען דארף גיין אביסל ארבעטען.

50% איז מסתמה איבערגעטריבן, אבער לאמיר הערן, וועלעכע מוסדות פאר מיידליך גייט מען אנגעטון מיטן סטענדערט צנועות ווי אין סאטמער וויליאמסבורג? וועלעכע קהלה באשטייט פון א רוב הניכר וואס רירט נישט די בארד?

איך ווייס נישט צו דא איז דאס פלאץ - אבער עס ליגט מיר שוין אויפן צונג זייער א לאנגע צייט
טא מוז איך עס אויסברעכן.

רוב מענטשן (רובא דרובא דרובא)
ווילן נישט מופן אויף קיין נייע פלאץ.

איינער זאגט א תי' די געלט איינער זאגט א תי' חסידות
איינער איז מודה גראב אז סע איז פוילקייט, משא"כ מאנכע לייגן עס אן אויף די ווייב
זי איז דער וואס וויל בלייבן אין שטאט.

"באדעם ליין" קיינער מופט נישט.
א חוץ אויב זיין שווער האט עם חתונה געמאכט דארט מיט געוואלד.

אוודאי איז דא א יוצא מן הכלל אבער 99.9 מופן נישט.

א גוט שבת.

הרב מ'לעיקוואד, וואס איז מיט סקווירא און ראכמסטריווקא, זיי בויען אויך דארט א באזע, ניין?

שלום עליכם הרב לעיקוואוד.

ביי אייך אין לייקוואוד שרייבט מען לעיקוואוד אדער לייקוואוד?...

איבער לעיקוואוד, איך קען עס נישט פון אינסייד, אבער פון אוטסייד אויב רעדסטו פון דירות פאר 200 אלפים קען עס נאך זיין גאנץ גוט, עס איז טאקע שטאט איינגערישט מיט פולע צוגעהערן.

אבער מוסדות פאר א 'ריכטיגע' שטריימל איד - איך מיין די וואס גייען מיט 'הויכע' קרויס שטריימעלך מיט א צוויי אינטשיגע קרוין - איז נאך נישט דא.

עס קלערט זיך אבער צו זאגן אז ארויף ציען דארט א מוסד קען זיין אסאך גרינגער ווי א גאנצע נייע ישוב.

פריילאך האט געשריבן:האט איר אפשר אביסל אינפארמאציע וויפיל דירות בעלז בויעט? וויפיל איז שוין פארקויפט וכו'?

איך האב געזען א פלייער פון זיי, זיי האבן דארט 50 הייזער, 45 זענען פארקויפט, ס'שטייט אויף יעדע הויז א ראשי תיבות פון א נאמען, 5 זענען נאך ליידיג.
איך זאג נאך וואס כ'האב געזען אויף א פלייער פאר עטליכע וואכן צוריק.

ש.ר. איז מיינס, זאג נישט אויס קיינעם

לעיקוואד האט געשריבן:הרב "הערליך" איך ווייס נישט ווען פונקטליך די האסט זיך נאכגעפרעגט אויף די מוסדות, אבער היינט צוטאגס איז דא עטליכע פרומע חסיד'ישע מוסדות, אבער היות איך ווייס נישט ווער איר זענט, איז זייער שווער צי זאגן צי עס איז געאייגענט פאר אייך, אבער אזויפיל קען איך יא זאגן אז פאר איבער 50% וויליאמסבורג'ע איינוואוינער וועט די מוסדות זיין פערפעקט, און לגבי איבערלאזן חסידישע דורות, האסטו גערעדט פאר פייער און וואסער, ווייל איך קען דיר אויסרעכענן עטליכע סאטמאר'ע און חסידי'ישע (פון אנדערע קרייזן) אידן וואס וואוינען דאהי, און האבן פיינע חסיד'ישע קינדער, נאר מפני כבודם וועל איך נישט אויסרעכענן קיין נעמען אבער עס איז גלוי וידוע פאר סיי ווער עס וויל וויסן. (פאר די אנדערע 50% איז דאך גוט ק"י).

איך ווייס נישט פארוואס איר שרייבט אז איך רעד פאר פייער און פאר וואסער (יא איך בין אביסל באליידיגט) קוק איבער וואס איך האב געשריבן און ענפער צו איך בין זיך טועה, טאמער זאגסטו אז איך האב א טעות בין איך בכלל נישט ברוגז, האסט אבער מיין סטעיטמענט נישט אפגעפרעגט, דאס איז וואס איך האב געשריבן:

הערליך האט געשריבן:איך זאג נישט אז מען דארט נישט אויפשטעלען א גוטע שטוב, אבער איינער וואס וויל איבערלאזן נאך זיך חסידישע דורות וועט אין לעקוואד זיין זייער שווער

איך האב נישט געשריבן אז עס איז נישט מעגליך, איך ווייס פון גאר הערליכע משפחות וואס וואוינען שוין אין לעיקוואד פאר יארן לאנג, "אבער" עס איז זייער שווער, נאכאמאל! עס איז מעגליך, אבער שווער, איז עפעס אין מיינע ווערטער נישט ריכטיג?

הרב לעיקוואד, אויב איך מעג פרעגן וויפל געלט צאלט מען בערך שכ"ל, פאר יונגעל , מיידלעך ?

א גוטען ערב שבת טייערע חברים, אזוי ווי איך האב ב"ה א פול טיים פרנסה האב איך נישט געקענט עטנפערן ביז יעצט.
הרב "דרך ארץ קדמה" איך האב מתחילה געשריבן די צוויי נעמען וואס די ביידע האבן חדרים פאר די יונגלעך, און עס האט זיך נישט וואס צי שעמען פון די חדרים אין וויליאמסבורג, נאר נאכן איבערקוקן עס פאר'ן דריקן "שיק עס" האב איך מחליט געווען עס נישט צי שרייבן, ווייל איך האב נישט געוואלט פוגע בכבוד זיין אין די אנדערע מוסדות, אבער אויב ווילסטו האבן אינפארמאציע און די טראכסט פון לעיקוואד, זאלסטו וויסן אז ראכמיסטריווקא איז זייער שווער אריינצוגיין צוליב דעם וואס זיי זענען איבערגעפילט, חוץ אויב זיי וועלן עפענען א פאראלעל קלאס, ווידעראום סקווירא איז ביזדערווייל גרינגער, צוילב דעם וואס זיי זענען נאך ניי, און לויט ווי איך הער לייגן זיי אריין געוואלדיגע כוחות, זיי האבן א מעכטיגע גוטע סטעף.
הרב" משה קארנפעלד" די צוויי אויבנדערמאנטע מוסדות זענען פאר ריכטיגע חסיד'ישע אידן, טאקע נישט יעדער גייט מיט א 2 אינטשעס קרוין, אבער אויב אין דעם ווענדט זיך די חסידישקייט דאן האסטו רעכט...
און מיט די זעלבע ענטפער וועל איך ענטפערן פאר "הערליך", - קודם בעט איך דיר איבער פאר'ן פוגע בכבוד זיין, עס איז ס"ה געווען א ריתחא דאורייתא, אז עס האט זיך מיר געדאכט אז די זאגסט אז איך וועל נישט קענען אויפשטעלן קיין חסיד'ישע דורות.. אבער איך האב עס אויך געמיינט אמת'דיג, - ווייל לויט ווי איך האב פארשטאנען פון דיינע ווערטער האסטו נישט ארויס וואס עס מיינט זיין א חסיד'ישע איד, און איך רעד נישט לויט די דעה פון "נשתכחה דרך..." אבער היות איך וויל נישט אריינגיין אין קיין וויכוחים ווייל עס איז סייווי נישט שייך אויפצוווייזן קיין איין זייט נאר אויב מען רעדט מיט א בעל חי' בנוכח און מען קען אנצייגן אויף דיין התנהגות און אויף דיין בר פלוגתא, און נישט מיט קיין ניק, ממילא וועל איך מיט דעם ענדיגען די וויכוח, אבער איין הוכחה לצידי וועל איך ברענגען, גייטס פרעגסט אייך נאך, וועט איר אליינס זיך איבערצייגן וויפיל שיינע חסדי'ישע משפחות זענען געווארן אויפגעצויגן אין וויען, בראזיל, וכדו', און אפילו מאנטריאל און אויב וועט איר זיי פרעגן וועלן זיי כולם פה אחד זאגן אז עס איז גרינגער צי ערציען קינדער ווי אזוי מען וויל ווען מען וואוינט נישט אזוי ברוב עם הדרת מלך.
וועגן די שאלה פון מיידל סקול, עס איז דא עטליכע חסיד'ישע סקולס ווי עס איז דא יוניפארמ'ס וואס אין אלע סקולס אין ווילי איז עס שוין היינט דא, חוץ סאטמאר, און אדרבה מאך אליינס די חשבון וויפיל פון סאטמאר וואלטען יא געקענט באשטיין יוניפארמ'ס וועסטו שוין אנקומען צי איבער 50% וויליאמסבורג, בנוגע צניעות אינדערהיים איז מיר שווער דיר צי ענטפערן, איינס ווייל איך ליג נישט אזוי ווייט אין דעם און דערנאך ווייל ביי יעדעם הייסט אנדערש פרום און איך האב דיר שוין פריער געזאגט אז מען קען זיך נישט טענה'נען מיט דיר ווען מען ווייסט נישט פון וועם מען רעדט.
לאמיר דיר קלאר זאגן, אויב דיין ווייב גייט למשל מיט א שפיצל וואלט איך דיר נאכנישט געראטען אהערצוקומען (ביזדערווייל), נאר ענדערש מופן קיין ק"י, ווייל עס וועט איר זיין אביסל אומבאקוועם, אבער איך מיין אז 50% וויליאמסבורג גייט נישט.
דרך אגב עס איז דא דא זייער א פרומע סקול, איך מיין עס איז וויזניץ, איך וועל מיך בל"נ אביסל מער נאכפרעגן דערויף און צוריקומען ענטפערן.
וועגן די בארד איז נישט שייך צי זאגן קהילה ווייל דא מיינט א קהילה אדער א חסידות אדער א געגענט און מען דאווענט אין איין ביהמ"ד פון די שוואכסטע חסיד ביז'ן בעסטען, חוץ אין צענטער פון שטאט אדער אין ברוקהיל/קאונטי ליין געגענט, ווי דארט איז דא עטליכע חסידות שולן, ווי סאטמאר, באבוב, ראכמיסטריווקא, סקווער, סקולען, וויזניץ, ועוד, איך אליינס ווייס פון הונדערטער אינגעלייט וואס האבן נאכנישט געשניטן די בארד (און אויך נישט די פיאות) אדרבה וויפיל קענסטו וואס האבן אזאלכע לאנגע פיאות, אוודאי וועסטי מיר זאגן אז עס איז נישט קיין קונץ ווייל זיי דרייען עס סייוויי ארויף, אבער די וויליאמסבורג אידן דרייע די בארד, אוטן מה נשתנה... איך געדענק א חסיד'ישע איד האט מיר אמאל געזען נאכ'ן מקוה מיט א קעמל, האט ער מיר געטשעפעט אז אין וויליאמסבורג איז עס פארט פון די תפילין פעקעדזש.
הרב דארפמאן" איך באצאל פאר מיינע אינגלעך בע' $350 און איך באצאל נישט קיין טראנספארטעישאן, פאר מיינע מיידלעך באצאל איך בע' $300 אלל אינקלאודעד.

ענגליש ווערט נישט דארט די ערשטע שפראך???