אידישע וועלט פארומס

היימישער איד האט געשריבן:צו ענטפערן די קשיא: ס'איז עטליכע וואכן צוריק געווען א פאל - וואס לויט די גאס שמועסט - האבן זיי נישט באצאלט ווייל דער טאטע איז ל"ע געווען שטארק נישט געזונט (א פאר ערגערטע צוקער פראבלעם - פאר קיין שום איד געזאגט) און צוריק געגעבן דאס וואס ער האט איינגעצאלט. א נאנטער האט זיי אנגעקאלט זיי האבן נישט געוואלט ארויסגעבן צופיל פרטים צוליב פרייוועסי און כבוד המשפחה אבער געזאגט אז דאס איז א אויסנאם פאל און זייערע רבנים האבן אזוי באשלאסן.

פארדעם טאקע האב איך שוין געפרעגט ווער מאכט די דיסיזשאן ווען מען גיט יא געלט און ווען נישט, למשל אז מען האט א דיון מיט הצלה גייט מען צי ר' משולם פאלאטשעק און בוני עולם איז ר' מיכל שטיינמעץ און אזוי ווייטער, דאס איז דאך א ארגעניזאציע וואס מאכט לייף און דעדט דיסיזשאנס.

מיין דעת הפשוט וואלט געהאלטן אז א יעדער מעמבער זאל מעגן אריינשרייבן ווער זיין דיין איז, און ערבים זאל ארויסשרייבן ווער זייער דיין איז און אין פאל עס איז א שאלה אויב די מענטש איז בארעכטיגט זאלן די צוויי דיינים אריינעמען א דריטן, למעשה איז אלעס עפעס זייער סודות'פול.

איך ווייס נישט די נעמען. אבער ס'נישט איין דיין פאר די גאנצע ארג. לויט ווי זייערע עד'ס זאגן האבן זיי דיינים פון יעדע קהלה עקסטער וואס זענען באקאנט מיט די פרטי הדברים.

סודות'פול איז נאר די פרטים פון א געוויסע קעיס, און ס'איז פארשטענדליך אז ס'דארף אזוי צו זיין. אויב ווילסטו וויסן ווער די דיינים פון דיין קהלה זענען מאך א טעלעפאן קאל צו זיי כ'גלויב אז דאס איז קיין סוד.

און אין פאל פון נויט איז מחליט דער דיין פון די קהילה וואס דער בר-מינן האט געדאוונט?

איך בין ב"ה א מעמבער אין ערבים שוין מן הסתם צוויי יאר, זיי האבן היפש געטשארדזשט ליידער אין די צוויי יאר.
איך וויל אין קורצן איבערגיין די פאר נקודות.
קודם איבער די לעצטע פראגע, יעדער מעמבער שרייבט אריין אין זיין אפליקעישאן ווער עס זאל זיין דער רב איבער זיין קעיס, און זיי געבן אלעמאל ארויס אין פובליק דער נאמען פון דעם רב אין יעדע קעיס.

באופן כללי, איז ערבים בעצם א צדקה ארגאניזאציע, אבער עס איז א שטיקל אינשורנס. דהיינו, אז פון די געלט וואס זיי שטעלן צוזאם פאר א קינד, העלפט דאס שטארק אדורכשטופן (כאטשיג עס קען נישט דעקן אלע הוצאות), און בעז"ה וועט מען פון דעם געלט זיי קענען חתונה מאכן.

אמת, ווען איך וויל אז אויב ח"ו דאס ערגסטע געשעט זאל מיין משפחה זיך קענען אויסהאלטן פאר א דאזען יארן אן דארפן צוקומען צו מענטשן, פארשטייט זיך אז איך מאך לייף אינשורענס.
אבער לאמיר זיך נישט נארן, לייף אינשורענס קען רוב מאל אויך נישט דעקן אלע הוצאות (ווייניג מענטשן קענען מאכן 2,000,000, סיי צוליב די הויכע פרימיומ'ס און סיי צוליב דעם וואס זיי קענען נישט איבערווייזן אז זיי זענען ווערט אזויפיל), בפרט אויב מען דארף האבן פריוואטע צולערנען מיט קינדער, וואס אין אזא פאל ביי א קינדער געבענטשטע משפחה, קענען די סך הכל חודש'ליכע הוצאות ארויפגיין צו אכט אדער אפילו ניין טויזנט דאללער, פאר שכר לימוד - 2,000 פריוואטע צולערנער 2-3 קינדער - 2,000 רענט -2,000 יוטיליטי'ס - 400 קליידונג - 400 און שאר ירקות, און דאס איז קארגערהייט, ווער רעדט נאך ווען עס קומט צו חתונה מאכן וואס וועט אין צען יאר ארום קאסטן ווער ווייסט וויפיל מער ווי היינט.

אבער איך מיין אז פונקט ווי די אינשורענס איז א סגולה, ווייל די אינשורענס קאמפאני'ס האבן מזל, אזוי איז אויך ערבים א סגולה, אין מיינע אויגן איז די מצוה פון שטיצן יתומים און אלמנות בדרך כבוד פיל א גרעסערע סגולה. ליידער שטארבן מענטשן וואס זענען מעמבער'ס אין ערבים, און אויך מענטשן וואס זענען אישורנד שטארבן, אבער אויב אלץ סגולה איז מיר דאס אויך גוט.

און וואס וויכי טענה'ט אז איינמאל קען זיין "צופיל" יתומים ה"י, איז טאקע א לאך וואס מען האפט אז עס וועט נישט געשען, דערווייל איז דאס ב"ה נאכנישט פארגעקומען און מען האפט אויף ווייטער אויך, דאכט זיך מיר אז די אינשורענס פאליסיס (אפשר נישט לייף אינשורענס) האבן אויך אויסנאמען ווען עס פאסירט א "אומנאטורליכע אומגליק", אזוי ווי ביים ווארלד טרעיד צענטער, אדער אזוי ווי די פארפלייצונגען ביי די האריקעין'ס.

אבער אזוי ווי יעדער האט שוין דערמאנט, א מצוה איז עס ממילא, און א אינשורענס איז עס אויך פאר א נויט, אפשר נישט די בעסטע און די גרעסטע וואס "מען קען האבן (פאר מער געלט)", אבער עס איז אויך גוט פאר א "אינשורעס".

דאס איז מיין מיינונג, ודו"ק כי הארכתי.

בנוגע דעם גאנצען טראסט אישו, למשל סטאטיסטיק, חשבון, גאראנטי און אזוי ווייטער קוק איך עס אן אזוי..

ווען איר גייט אריין און א געז סטעשן צו אנפילען אייער טאנק מיט אביסעלע גאז איטרעסירט אייך ווי לאנג די סטאנציע גייט זיין אפען? וויפיל געלט די קאמפעני מאכט? צו איז עס אויסגעהאלטען זייערע חשבונות? צו עס האט א גאראנטי? איר דארפט געז ענד דיס איז וואט יא געטטינג... ענד דעטס איט...

טורם לייף אונשורענס מיינט ווען איר באצאלט זענט איר קאווערט ווען נישט נישט... אויב באצאלט איר דעם חודש זענט איר אינשורד פאר דעם חודש, די נעקסטע חודש זענט איר נישט אינשורד אחוץ אויב איר האט באצאלט פאר דעם...

וכיוון שכן למאי נ״מ אויב עריבים האלט אויס דער עיקר איז יעצט און נאכאמאל יעצט באצאלען זיי...

אויב גייען זיי מארגען קראכען מיינט עס אז יעצט ביניך אינשורד און מארגען וועליך מיר דארפען גיין זוכען עפעס אנדערשט..

אקוראט ווי איעדע טורם לייף אונשורענס...(א חוץ איר האלט אז פונקט ווען איר העט שטארבען וועט עס קראכן)

למעשה האב איך די לעצטע יאר אונשורענס פאר שפאט ביליג אפשר איז עס טאקע ווייניג אפשר קען מען עס נישט קאנווערטן צו א האל לייף, אבער עפעס איז עס..

אלד וויליאמסבורג האט געשריבן:און אין פאל פון נויט איז מחליט דער דיין פון די קהילה וואס דער בר-מינן האט געדאוונט?

ווען מען שרייבט זיך איין דארף מען אריינגעבען א נאמען פון א רב אדער אן ארגעניזאציע וואס איר האט חשק און עס וועט גיין דורך זיי...

בליץ האט געשריבן:בנוגע דעם גאנצען טראסט אישו, למשל סטאטיסטיק, חשבון, גאראנטי און אזוי ווייטער קוק איך עס אן אזוי..

ווען איר גייט אריין און א געז סטעשן צו אנפילען אייער טאנק מיט אביסעלע גאז איטרעסירט אייך ווי לאנג די סטאנציע גייט זיין אפען? וויפיל געלט די קאמפעני מאכט? צו איז עס אויסגעהאלטען זייערע חשבונות? צו עס האט א גאראנטי? איר דארפט געז ענד דיס איז וואט יא געטטינג... ענד דעטס איט...

טורם לייף אונשורענס מיינט ווען איר באצאלט זענט איר קאווערט ווען נישט נישט... אויב באצאלט איר דעם חודש זענט איר אינשורד פאר דעם חודש, די נעקסטע חודש זענט איר נישט אינשורד אחוץ אויב איר האט באצאלט פאר דעם...

וכיוון שכן למאי נ״מ אויב עריבים האלט אויס דער עיקר איז יעצט און נאכאמאל יעצט באצאלען זיי...

אויב גייען זיי מארגען קראכען מיינט עס אז יעצט ביניך אינשורד און מארגען וועליך מיר דארפען גיין זוכען עפעס אנדערשט..

אקוראט ווי איעדע טורם לייף אונשורענס...(א חוץ איר האלט אז פונקט ווען איר העט שטארבען וועט עס קראכן)

למעשה האב איך די לעצטע יאר אונשורענס פאר שפאט ביליג אפשר איז עס טאקע ווייניג אפשר קען מען עס נישט קאנווערטן צו א האל לייף, אבער עפעס איז עס..

אינשורענס כמשמעו, באדייט צו קויפן ביי א גרויסע אינשורענס קאמפאני וואס איז פארזיכערט אז זיי וועלן קענען שטיין אין פאל א גוי דארף עס ניצן. דו וועסט נישט איינצאלן פאר א געז קאמפאני ער זאל דיר דערליווערן געז אויב קלערסטו אז ער וועט נישט קענען דערליווערן... ווען דו גייסט אין גאז סטאנציע זעסטו דאך אז זיי האבן יעצט ואס דו דארפסט. ופשוט.

בליץ
האסט זייער גוט געזאגט
אבער טאקע וועגן דעם שרייבט ערבים קלאר ארויס אז דאס איז נישט במקום לייף אינשורענס ווייל ביי יעדע פאל סזאל זיך נישט מאכן
מוז מען נאכאמאל אנקומען צו צדקת פון אחינו בני ישראל פונקט אזויווי אמאל די חילוק איז אז עס איז בדרך כבוד
אבער דאס ווארט איך בין אינשורד דאס קומט אינגאנצן נישט אריין דא

איך גלייב אז וויכי קען בעסער ענטפערן אויף דעם (און איך ווארט...)
מיין גאנצע דיון דא איז צי א מענשט דארף נישט מורא האבן צי ספענדן די 326 א יאר פאר ערבים צי נישט
וואס דערווייל קוקט עס אויס אז עס איז נישטא וואס מורא צי האבן
א חוץ דעם אז מען קען עס באצאלן פון מעשר געלט און סאיז צדקה


----
ווינקל האקט

פאטאקי, איך ווייס נישט וואס דיין דיון איז, צאלן 326 א יאר פאר צדקה איז מותר לכתחילה! מיין דיון, און דאס האט דער פותח האשכול געפרעגט, איז צו ערבים קען ריפלעיסן אינשורענס, די ענטפער איז לא! מיט א למד!

בליץ, ווי געשריבן, כאניש קיין געדולד זיך צו טענה'ן... אבער איך קעניש דורכלאזן אזעלעכע דיבורים...

וואס הייסט אז אויב כ'וועל זעהן אז ס'גייט עפעס נישט גוט, העלעך דעמאלטס זוכן עפעס אנדערש... א מין ווערטשאפט דאס?!!! דו ווייסט וויפיל יונגעלייט ביי די 30 קענען זיי שוין נישט באקומען די בעסטע רעיט?! למשל איינער איז יעצט 25, זאגסטו אים קויף ערבים, איי אויב ערבים גייט אונטערגיין ווען איך וועל זיין 40... נו, דעמאלטס העסטו קויפן אינשורענס, איא? איז דא עפעס א גאראנטי אז ביי די 40 גייט אים די אינשורענס קאמפאני וועלן גיבן בכלל? וואס גייט זיין זיין צוקער, קאלעסטעראל אדער אנדערע זאכן?!!!

און נאכאמאל, אין בעסטן פאל, אויב ערבים איז סעקיורד 100 פראצענט, רעדט מען אויך ס"ה פון צו ווייניג געלט! א טאטע פון 2 קינדער קריגט בלויז 300 טויזענט דאללער! אין בעסטן פאל, אויב מאכט די געלט 5 פראצענט, רעדט מען פון 15 אלפים א יאר! א טאטע פון 5 קינדערלעך, קריגט 600 טויזענט, אויף 5 פראצענט איזעס 30 אלפים! דאס איז ליצנות מדאוריתא ומדרבן! כל שכן וכל שכן אז ס'איז נישטא קיין גאראנטי! ס"ה "איז דערווייל נאכנישט געווען מער ווי 48 יתומים א יאר"... און דער אייבערשטער זאל העלפן ווייטער... איזעס נישט קיין אישורענס! אינשורענס איז טייטש "פארזיכערונג", דאס איז נישט פארזיכערט! משא"כ א אינשורענס פאלעסי איז פארזיכערט די מערסטע וואסי שייך בדרך הטבע!

וויכטיג מאכער האט געשריבן:פאטאקי, איך ווייס נישט וואס דיין דיון איז, צאלן 326 א יאר פאר צדקה איז מותר לכתחילה! מיין דיון, און דאס האט דער פותח האשכול געפרעגט, איז צו ערבים קען ריפלעיסן אינשורענס, די ענטפער איז לא! מיט א למד!

וועגן דעם דיון צי סריפלעסט אינשורנס צי נישט, איז נישטא וואס זיך צי טעהנ'ען
ווייל ערבים אליינס שרייבט קלאר אז סריפלעסט נישט

און דאס איז געווען מיין ענטפער פארן פותח האשכול.

למעשה האט איינער עקספיריענס מיט ערבים אזויווי דער קעפל זאגט/פרעגט?

--

וויכי א טורם לייף אויב מאכט א גוי ביי די צוואנציג יאר אויף צוואנציג יאר, גייט ער נאכאמאל באקומען -מיט הויכע בלוט דרוק צוקער קאלעסטארעל טרענס פעט- ביי די פערציג א פרישע פאליסי?

שנאפס האט געשריבן:למעשה האט איינער עקספיריענס מיט ערבים אזויווי דער קעפל זאגט/פרעגט?

--

וויכי א טורם לייף אויב מאכט א גוי ביי די צוואנציג יאר אויף צוואנציג יאר, גייט ער נאכאמאל באקומען -מיט הויכע בלוט דרוק צוקער קאלעסטארעל טרענס פעט- ביי די פערציג א פרישע פאליסי?

אויב מאכט ער א 20 יאריגע טוירם, ווערט דאס נישט אוטאומטיש רינו'ט אויף נאך צוואנציג יאר, ס'איז אבער דא טוירמס וואס גייען ביז עידזש 79, פלאס, ווען ער זעהט ביי די 19 יאר אז די געזונט ווערט שוואכער, האטער אן אפשן צו קאנווערטן צו א האלל לייף אדער א UL... ואגב, דו רעדסט פון 20 יאר, 20 יאר איז אויך עפעס... ערבים איז דען 10 יאר יא גאראנטירט?

איך האב פלעין געפרעגט, גארנישט מיט ערבים צוטוהן

און איך האב פלעין געענטפערט...

און נעקסטיים אויב דיין פראגע האט נישט מיט ערבים, דעמאלטס פרעג אין די אינשורענס אשכול... ערגעץ איז שוין אמאל געווען...

ערגעץ געווען אמאל, ווען מען האט נישט געקענט רעדן געהעריג דא

זיי מוחל ברענג עס ארויס

וואס מיינט עקספיריענס? אויב איינער איז א מעמבער אדער אויב איינער האט שוין געדארפט ציקימען דערצי?

וויכטיג מאכער האט געשריבן:און איך האב פלעין געענטפערט...

און נעקסטיים אויב דיין פראגע האט נישט מיט ערבים, דעמאלטס פרעג אין די אינשורענס אשכול... ערגעץ איז שוין אמאל געווען...

נאר איך זעה ויכי מיט א גרימצארן אינטער זיינע שנאצען ווען ער קימט אריין אין די אשכול??

מייקראסאפט האט געשריבן:וואס מיינט עקספיריענס? אויב איינער איז א מעמבער אדער אויב איינער האט שוין געדארפט ציקימען דערצי?

אויב איינער איז א מעמבער, אדער געהאט א פאל ל"ע מיט א קרוב וכדומה

מייקראסאפט האט געשריבן:נאר איך זעה ויכי מיט א גרימצארן אינטער זיינע שנאצען ווען ער קימט אריין אין די אשכול??

יא

וויכטיג מאכער האט געשריבן:פאטאקי, איך ווייס נישט וואס דיין דיון איז, צאלן 326 א יאר פאר צדקה איז מותר לכתחילה! מיין דיון, און דאס האט דער פותח האשכול געפרעגט, איז צו ערבים קען ריפלעיסן אינשורענס, די ענטפער איז לא! מיט א למד!

בליץ, ווי געשריבן, כאניש קיין געדולד זיך צו טענה'ן... אבער איך קעניש דורכלאזן אזעלעכע דיבורים...

וואס הייסט אז אויב כ'וועל זעהן אז ס'גייט עפעס נישט גוט, העלעך דעמאלטס זוכן עפעס אנדערש... א מין ווערטשאפט דאס?!!! דו ווייסט וויפיל יונגעלייט ביי די 30 קענען זיי שוין נישט באקומען די בעסטע רעיט?! למשל איינער איז יעצט 25, זאגסטו אים קויף ערבים, איי אויב ערבים גייט אונטערגיין ווען איך וועל זיין 40... נו, דעמאלטס העסטו קויפן אינשורענס, איא? איז דא עפעס א גאראנטי אז ביי די 40 גייט אים די אינשורענס קאמפאני וועלן גיבן בכלל? וואס גייט זיין זיין צוקער, קאלעסטעראל אדער אנדערע זאכן?!!!

און נאכאמאל, אין בעסטן פאל, אויב ערבים איז סעקיורד 100 פראצענט, רעדט מען אויך ס"ה פון צו ווייניג געלט! א טאטע פון 2 קינדער קריגט בלויז 300 טויזענט דאללער! אין בעסטן פאל, אויב מאכט די געלט 5 פראצענט, רעדט מען פון 15 אלפים א יאר! א טאטע פון 5 קינדערלעך, קריגט 600 טויזענט, אויף 5 פראצענט איזעס 30 אלפים! דאס איז ליצנות מדאוריתא ומדרבן! כל שכן וכל שכן אז ס'איז נישטא קיין גאראנטי! ס"ה "איז דערווייל נאכנישט געווען מער ווי 48 יתומים א יאר"... און דער אייבערשטער זאל העלפן ווייטער... איזעס נישט קיין אישורענס! אינשורענס איז טייטש "פארזיכערונג", דאס איז נישט פארזיכערט! משא"כ א אינשורענס פאלעסי איז פארזיכערט די מערסטע וואסי שייך בדרך הטבע!

וויכי לעבן, איך בין נישטא זיך סתם טענה׳ן, נאר אלס מעמבער פון עריבים האב איך געוואלט ארויסברענגן זייערע מעלות.. בעסער און מער איז אייביג בעסער...

איך וואלט מיר נאר געוואלט אנכאפען אויף די נקודה וואס די שרייבסט אז ביי די 40 מיז נישט זיין אז איך וועל נאך קענען מאכען...

כד הוינא טליא האבן מיר די אונשורענס אגענטן פארגעשלאגען איך זאל קויפען אדער א 250000 האל לייף אדער א750000 טורם.. אויב איך וואלט עס דאן געלאקט פאר 30 יאר, דאס מיינט פאר נאך ארום 15 יאר פון יעצט, וואלט איך איך געווען סתם א לאזער יעצט ? אדער מקען כסדר ארופריקען די בענעפיטן אויף די אלטע געזונטהייט??

אומאפיציעל האט געשריבן:און וואס וויכי טענה'ט אז איינמאל קען זיין "צופיל" יתומים ה"י, איז טאקע א לאך וואס מען האפט אז עס וועט נישט געשען, דערווייל איז דאס ב"ה נאכנישט פארגעקומען און מען האפט אויף ווייטער אויך, דאכט זיך מיר אז די אינשורענס פאליסיס (אפשר נישט לייף אינשורענס) האבן אויך אויסנאמען ווען עס פאסירט א "אומנאטורליכע אומגליק", אזוי ווי ביים ווארלד טרעיד צענטער, אדער אזוי ווי די פארפלייצונגען ביי די האריקעין'ס.

די גאנצע איידיע פון ערבים קומט פון ארץ ישראל, דארט האט זיך עס נישט אויסגעארבעט, זיי זענען בעק דעטעט שוין פאר כמעט א יאר, דאס הייסט אז אפי' עס וועט נישט זיין מער אומגליקען פאר א גאנצע יאר, וועט נאך אלץ נישט זיין גענוג געלט.

א חבר מיינע וואס ארבעט ביי ערבים האט מיר געזאגט אז די מצב פיינענשעלי טויגט נישט דארט.

פארוואס דארף מען אלעמאל זיין קליגער פון די סיסטעם? און אז מען מאכט עפעס פארוואס קען מען נישט זיין באחדות (עס איז דא 2 ארגענעזעישענס ערבים און כל ישראל ערבים)

איך וואלט געעפענט א אנדערע מינע ערבים עס וואלט געארבעט בערך אזוי

א יעדע אינגערמאן א גלייך נאך די שבע ברכות זאל מוזן קויפן אינשארענס (אפי' נאר א 10 year term) פאר זיך און ווייב.
יעדער זאל גיין צו זיין אינשארענס עדזענט.
מינימום א מיליאן און נאך יעדע 3 קינדער נאך א האלבע מיליאן פארן מאן, פאר די ווייב א מינימום פון א האלבע מיליאן.
(א מיליאן פאר א 20 יעריגע אינגערמאן איז נישט מער ווי $290.00 א האלבע מיליאן פאר א פרוי 20 יאר אלט איז $160.00 ( 10year term' preferred plus)
עס זאלן זיין עסקנים און יעדע קהלה וואס זאלן זיכער מאכן אז יעדער האט געמאכט די אינשארענס.
אלע וואס ווייזען אויף אז זיי האבן באצאלט, וועלן באקומען א ערבים קארטעל וואס עקספייערט און 13 חודשים און באקומען דיסקאנטס (לדוגמא 10% שכר לימוד, 10% קהלה מעמבערשיפ, 10% און געשעפטן)
(קינדער זאלן נישט אנגענומען ווערן און חדר און אין סקאל אן די ערבים קארטעל.)
עס וועט זיין א פאנד פאר אלע וואס וועלן זיין אנאינשארד און זיי וועלן מוזן צאלן חודשליכע פרימיומס.
(יעדער וועט מוזן שרייבן א 3% בענעפישיארי פאר די פאנד פון די אנאינשארד)
(מען זאל קויפן נאר ביי עידזענטס וואס וועלן געבן 3% פון די קאמישיאן פאר די אנאינשארד פאנד)



יא איך בין א אינשארענס עידזענט.

(קינדער זאלן נישט אנגענומען ווערן און חדר און אין סקאל אן די ערבים קארטעל.)

דערציילער האט געשריבן: עס וועט זיין א פאנד פאר אלע וואס וועלן זיין אנאינשארד און זיי וועלן מוזן צאלן חודשליכע פרימיומס.
(יעדער וועט מוזן שרייבן א 3% בענעפישיארי פאר די פאנד פון די אנאינשארד)

יא איך בין א אינשארענס עידזענט.

איך פארשטיי נישט די שורה
קענסט דאס בעסער מסביר זיין?
מיינסט אפשר אבאמא קעיר?

פאטאקי08 האט געשריבן:

דערציילער האט געשריבן: עס וועט זיין א פאנד פאר אלע וואס וועלן זיין אנאינשארד און זיי וועלן מוזן צאלן חודשליכע פרימיומס.
(יעדער וועט מוזן שרייבן א 3% בענעפישיארי פאר די פאנד פון די אנאינשארד)

יא איך בין א אינשארענס עידזענט.

איך פארשטיי נישט די שורה
קענסט דאס בעסער מסביר זיין?
מיינסט אפשר אבאמא קעיר?

בענעפישיארי איז דער וואס באקומט די געלט נאך די 120
לדוגמא: פון א מיליאן 3% איז $30,000
$970,000 וועט גיין פאר די ווייב אין קינדער
$30,000 פאר די אנאינשארד פאנד

מיין שאלה איז ווער גייט באצאלן די פריומיוס
וואס מיינסטו אנאינשורענד?
ווער גייט יא באצאלן און ווער נישט?