פאפיגיי האט געשריבן:מיין שאלה איז, איך זוך נישט דא צו מאכן געלט, נאר צו זיין געקאווערט על כל צרה שלא תבוא (סגולה לאריכות ימים כנודע), ממילא אויב האב איך 7 קינדער למשל, באקום איך פון ערבים 800ק, איז מיין שאלה פארוואס זאל איך נאך ווייטער צאלען מיין פאליסי פון לערך $300, אפילו ס'איז גאר א ביליגע פרייז, ס'איז דאך פשוט ארויסגעווארפן געלט, נישט אזוי?
ערבים איז 'נישט' קיין לייפ אינשורענס, פינטל. זיי שרייבן עס אליינס מערערע מאל.
אינשורענס טייטשט אויף אידיש 'פארזוכערונג' ד.מ. אז א פירמע גיבט א צוזאג פאר אירע פאלעסי האלטער אז אין פאל פון א פריצייטיגע טויט ל''ע וועלן זיי באצאלן כך וכך. ערבים גיבט 'נישט' דעם צוזאג.
ערבים איז געבויט אויף די גוטע-ווילן פון א גרופע מענטשן, זעלבסטפארשטענדליך מען קען נישט צופיל בויען אויף אזא יסוד, צו יעדע צייט קענען די מענטשן מחליט זיין יא אדער נישט צו צאלן און מען קען צו קיינעם נישט האבן קיין טענות אפי'.
אפי' די וואס ווילן צאלן האבן נישט אלעמאל די מעגליכקייט זוי צו טון, כ'קען אינטערשרייבן אז יעדע מאל זיי מאכן א קאלעקשן איז דא א שיינע פראצענט דיקליינט קארטלעך! אין בעסטן פאל קאסט עס אן ארבייטער אפאר שעה איינצוקאסירן און א טייל דערפון בלייבט אומבאצאלט.
במציאות האבן זיי טאקע ביז היינט נישט געגעבן פאר יעדן די פילע סכום פון מאה אלף פער קינד, און זאגן נישט צו אויף ווייטער אויך נישט, עס ווענד זיך אלעס אין וויפיל די מעמבער'ס צאלן אריין, די מער מען צאלט די מער קענן זיי טיילן.
דאָס פארענטפערט אויך די פראגע פון איינער וואס האט געמיינט אז ווען ער וועט אנהויבן אריינצאלן אין ערבים װעט עס ווערן תיכף ביליגער פאר אלעמען...