'אניאגראם'- די 9 סארטן מענטשן און זייערע נאטורן

[מחשב]

א גוטן
אלץ איינער וואס ווייסט נישט גארנישט קען איינער אנצייגן ווי אין די 100 בלעטער איז דא עפעס פאר מתחילים פאר אניגראם אין בריגס מהלך
יישר כח

מאיער בריגס מהלך האט "נשמה" צולייגט הערליך, פאנג אן פון דא

[מחשב]

געמאכט א כמו פי.די.עף. עפעס איז עס נישט מסודר, קודם לייג איך עס ארויף, זאל זיין. ומי שרוצה לתקן יבוא ויתקן.

מאיער בריגס פערסאנאליטי טייפס

[פארשער]

@מחשב
פון דיין ווינט ארטיקל איז אבוויעס אז דו ביסט א 4'ער, דאס איבריגע וועל מיר הערן פון נשמה.

מסתמא מיינסטו ווייל עס מאכט א מצב פון א קלייניקייט.
עס איז מיר בייגעפאלן זיצענדיג צוויי יאר צוריק אין די קאנטרי, איין פרייטאג נאכמיטאג אין דער פארטש, און אריינגעקוקט אין א חומש-רש"י, און אין א מינוט פון לאנגווייליגקייט, האבן מיינע אויגן זיך אויפגעהויבן און ארומגעפלויגן דעם ארומיגע פאנעראמע, מיינע אויגן האבן זיך אפגעשטעלט אויף דעם שאקעלדיגן בלעטעלע, און עס האט אויפגעבליצט דער געדאנק. און עס האט זיך אויסגעגאסן אויף אייוועלט אין א סעקאנדע פון א "שרייב קראמפף", איך האב געוויסט אז עס מאכט א מצב פון גארנישט, און סתם פאר די נישטיגקייט האב איך עס אויסגעשאקעלט.

פון מיין אנדערע ארטיקל "בין איך שטערקער" זעסטו עס אויך?

עס מאכט בכלל נישט קיין מצב פון קיין קלייניקייט נאר עס ברענגט ארויס די באהאלטענע "געפילן" ווס עס זענען דא אין די בריאה און וויאזוי עס באווירקט די געפילן פון מענטשן, אנדערע מענטשן וואלטן נישט אויפגעקומען מיט אזא אבזערוואציע.
צו זען א ביישפיל פון נפלאות הבורא ארטיקלען געשריבן פון א פינעווער INTJ פערספעקטיוו זע דא יענע ארטיקלען זענען באזירט אויף ר' אביגדור מיללער'ס ווערק, אויך אבוויעסלי א פינעווער. (איך האף אי"ה צו אפדעיטן יענע אשכול בקרוב נאך א "ניין און ניינציגער" קרעטשמע סינדראם איבעררייס.)
לגבי דיין אנדערע ארטיקל ווייס איך נישט איך בין נישט קיין עקספערט אוף ענעגרעם נאר אין די ווינט ארטיקל האט עס אויסגעזען אבוויעס.

[Haklal]

הרב נשמה האט גיט געזאגט אין דעם בחירה אשכול( שוין נישטא) אז סאיז דא מענטשן וואס וועלן אייביג זאגן סאיז באשערט אין סאיז דא וואס וועלן זאגן וברכתיך בכל אשר תעשה אלעס געוואנדן אין זייער נאטור

איך האב זייער הנאה געהאט פין דעם ודפח"ח

[נפש׳ל]

הרב נשמה האט גיט געזאגט אין דעם בחירה אשכול( שוין נישטא)....

זעהט אויס אז ס׳איז נישטא קיין בחירה...

[נשמה]

:lol: זעהט אויס אז ס׳איז נישטא קיין בחירה...

ס'איז א פלא'דיגע זאך, אבער ס'קוקט אויס ווי א נאטור. ס'דא מענטשן וואס וועלן זאגן "וואס קען מען טון ס'איז באשערט", אין די צייט וואס ארומיגע באמערקען אז זיי טוען קוים די מינימום וואס פאדערט אז על פי טבע זאל עס יא גיין. און ס'דא וואס וועלן זאגן: "מ'דארף מער מיה".

די ישמח משה זצ"ל אין זיין תהלימ'ל קפיטל נה, השלך על ה' יהבך וכו', זאגט "כי לכאורה הטורח והעמל והיגיעה בעסקי העולם הוא כמעט העדר אמונה?". ער ענטפערט אז ס'דארף אלעס זיין מלובש אין די טבע, אבער די כוונה זאל זיין אז דא זאל זיך מאכן א באהאלטענע השגחה. דאס וואס מ'גייט מיט די טבע, דאס איז נאר אלץ א כסות עינים להשגחה מוסתרת. אז מ'זאל פארדעקן די השגחה וואס איז א נס. נאך אביסל טבע, נאך מער כסות, און נאך מער א מקום פאר השגחה מוסתרת. קומט אויס אז ס'דארף גיין על זה הדרך: "זאג מיר, וויאזוי קען איך בדרך הטבע מאכן געלט"? און בשעת מ'פרעגט אינזין האבן אז דא זאל זיך מאכן עפעס א באהאלטענע השגחה. און אזוי מיט יעדע פעולה וואס מ'טוט.

די קאפ פון די מענטש בלייבט אלעמאל לויט די טבע. ער איז אלעמאל פארבינדן מיט די כסות עינים. ער רעכנט זיך אויס לויט די טבע. ער רירט זיך קיינמאל נישט אוועק דערפון. פון אויבנאויף. אבער אינערליך וויל ער אז דא זאל זיך מאכן עפעס.

"דו האלסט אז בדרך הטבע אויב איך אדווערטייז נאר אזויפיל און אזויפיל איז עס גענוג, אדער דו האלסט אז על פי טבע דארף איך מער אדווערטייזן?" ווייל אויב א מענטש אדווערטייזד ווייניגער ווי די דרך הטבע, קען שוין זיין אז ער ערווארטעט א נס נגלה. ס'קוקט עפעס אויס ווי מ'דארף צוגיין דערצו דייקא בדרך הטבע. דאס מוז זיין א כסות עינים. אבער אויך אינזין האבן אז דא זאל זיך פירן אן השגחה פרטית, אז אין הארץ זאל מען וויסן אז די תוצאה פון פרנסה דאס האט גארנישט מיט די טבע. דהיינו, אז מיר דארפן עפענען ווי כאילו א געוויסע בוך, וואו דארט שטייט: "אזוי און אזוי מאכט מען געלט בדרך הטבע, און אזוי און אזוי מאכט מען נישט בדרך הטבע". און מיר דארפן זיך פירן לויט דעם. אבער מיט די כוונה אז דא זאל זיך עפעס מאכן.

ס'איז זייער אינטערעסאנט ווי מ'קען זיך קיינמאל נישט אוועקריקן פון די מיטל-פונקט. מ'קען עס קיינמאל נישט אפלאזן און זאגן: "אקעי, איך לייג צאם מיין הענט, באשעפער דו טו אלעס!" ווייל ס'קומט אויס אז מ'ווארט אויף א נס נגלה. און מ'קען זיך קיינמאל נישט געבן א שטארק און זאגן: "איך נעם עס אין מיין האנט אריין. איך נעם איבער קאנטראל!" ס'איז אלעמאל, אגאנצן צייט, די ביידע. די דרך הטבע, מיט די בטחון אויף די באהאלטענע השגחה.

ס'דא כאראקטערס, טייפס, וואס דארפן נישט אז מ'זאל זיי זאגן אז מ'דארף זיך פירן לויט די טבע, זיי פארשטייען דאס אליין. אבער ס'איז דא וואס כאפן נישט אז השי"ת וויל אז מ'זאל דאס מלבש זיין אין די טבע. די ישמח משה איז מסביר אז מ'דארף דוקא אזוי מאכן אז ס'זאל זיין מלובש אין די טבע, אבער די אינעווייניג, די הארץ, עיקר בטחונו זאל זיין אז דא זאל זיין א השגחה פון אייבערשטן און אז ס'האט נישט צו טון מיט די טבע. ס'קוקט אויס אז מיר דארפן אנהייבן צו קוקן אויף די טבע, אבער דאך מכוון לבינו לאבינו שבשמים אז ס'האט גארנישט מיט די טבע. "ווער על פי טבע מאכט געלט, און ווער נישט". און מכוון זיין בשעת מעשה אז ס'איז נאר אזא כסות עינים אז ס'זאל דא קענען זיין א באהאלטענע השגחה.

והשם הטוב יעזור.

[מחשב]

הרב נשמה האט גיט געזאגט אין דעם בחירה אשכול( שוין נישטא)....

זעהט אויס אז ס׳איז נישטא קיין בחירה...

דאס איז איינמאל זיכער, אז עס זענען דא מעטשן ווואס האבן ווייניגער נסיון אויף א געוויסע זאך, ווי למשל צו גלייבן און שפירן אז דער באשעפער פירט דער וועלט בהשגחה מיוחדת, און דער טבע איז נאר א מסתיר, און עס זענען דא מענטשן מיט גרעסערע נסיונות אין דעם זעלבן ענין, און עס ווענדט זיך טאקע לויט זייער תכונת הנפש. אבער דאס איז זיכער אז דער נקודת הבחירה בלייבט אלץ ביים מענטש לטוב ולמוטב. נאר יעדער האט טאקע זיין עיקר נסיון ביי די זאכן וואס זיין נפש האט א שוואכקייט דערצו.

[פעיק ניוז]

אניגראם אשכול אלערט!

[מחשב]

אניגראם אשכול אלערט!

דאס איז זיכער 'אכטעריי'... אדרבה ברענג צוריק אויף א טאפיק.

[נשמה]

אניגראם אשכול אלערט!

דאס איז זיכער 'אכטעריי'... אדרבה ברענג צוריק אויף א טאפיק.

פארוואס איז דאס 'אכטעריי'? טראכט איך אזוי. אכטערס זענען ווארשיינליך Te. דהיינו, עקסטראווערד טינקינג. דאס מיינט אז די מערסטע וואס ארבעט ביי זיי איז צו מאכן אז זאכן ארום זאלן האבן א לאגישן סדר. Te זעען די וועלט, ווי כאילו די וועלט זאל האבן אזא לאגישקייט וואס איז אינקאודעד אין די אביעקטן פון די וועלט ארום. א Te קומט אריין אין ביהמ"ד, וועט ער זעהן די לאגישע מהלכים וויאזוי זאכן פירן זיך. און וויאזוי מ'קען דאס שטעלן אין פלאץ. און ער וועט וועלן אז ס'זאל ווערן אויסגעשטעלט לויט לאגישקייט. Estj, Entj, זענען ווארשיינליך אכטערס. זיי קוקן אלעמאל מיט אזאנע שטארקע לאגישע קאלטע בליקן אויף ארויס, ווי איינער וואס וויל מסדר זיין די סביבה. א Te וועט צום ביישפיל אריינקומען אין א פלאץ וואו עס איז צואווארפן אן קיין לאגישע סדר, און ער וועט שוין מאכן א פלאן וויאזוי צו שטעלן זאכן אויפן פלאץ. צומאל אן נעמען אין באטראכט די געפילן פון די מענטשן. ווי כאילו מענטשן זאלן אויך זיין א חלק פון די אביעקטיווער וועלט

זיי זאגן אז אכטערס האבן אויך א זיסע איידעלערער חלק אין זיך. דאס איז ווארשיינליך זייער פערטער פאנקציע. די Fi. און צומאל קענען זיי אפילו מיינען אז זיי זענען געפילישע מענטשן. בעת זענען אזאנע טאף גייס אז נאר. נעמען זייער ווייניג אין באטראכט אז דא איז דא מענטשן וואס האבן געפילן. ווייל זייער אטענשאן לויפט ענדערש צום לאגישן סדר וואס מ'קען יענעם אפזאגן פון אמט, און יענעם ארויפברענגען, כדי לאגיש זאל עס ראנע"ן. ניטאמאל געגעבן זיך א טראכט, אז דא איז דא געפילן.

ISFP זענען אדער מער ניינעריש, אדער מער פירעריש, אדער מער זעקסעריש. אבער נישט קיין חילוק די עניאגראם טייפ, זענען זיי ISFP.

אינטראווערד פילינג איז די מערסטע וואס דער מענטש נוצט. דאס האב איך יא ליב, דאס האב איך נישט ליב מילא ס'כאילו עקזיסטירט נישט, יא ליב, נישט ליב, יא ליב, נישט ליב. אזוי אגאנצן טאג.

נאכדעם קומט עקסטראווערד סענסינג. דאס מיינט, "איך בין מיך מחבר מיט די אביעקטן וואס זענען ארום מיר אין מיין סביבה. איך וויל מיט זיי פארברענגען."

נאכדעם קומט אינטראווערד אינטואישן. דאס מיינט "האט די אביעקט וואס איך זעה יעצט, עפעס צו טון מיט וואס איך ווייס[בילדער וואס איך ווייס]" אדער "וואס האט דאס צו טון מיט וואס איך ווייס שוין".

נאכדעם קומט עקסטראווערד טינקינג. וואס דאס איז די שוואכסטע ביי א ISFP. דאס מיינט אז לאגישע סדר איז ביי זיי די שווערסטע. די מערסטע אונטערדרוקט.

די ISFP האבן א מעלה אז זיי קענען זיך מחבר זיין מיט וואס עס קומט פאר ארום זיי. זיי זענען נישט פאר'חלומ'ט אין אן אנדערע ספעיס אזוי ווי EFNP ENTP. הגם זיי וועלן אפשר א משהו חלומ'ן טיפע בילדער וואס קומט זיי ארויף, משום זייער Ni וואס איז די דריטע אין די פונקציע. זענען זיי אבער פארט דאהי און צוגעבינדן צום ארום. זיי זענען זייער געפיליש, און יעדע זאך אויף די וועלט וואס זיי זעען וועט נאר טרעפן חן אין זייערע אויגן נאר אויב ס'געפעלט זיי, "נאר וואס עס איז מיין טעיסט זאל עקזיסטירן אין די סביבה, עפעס אנדערש האב איך נישט ליב, און איך דארף עס נישט". . ISFP האבן ליב שיינקייט. ווייל דאס איז וואס זיי זעען. א INFP זעהט נישט זיין פיזישע סביבה. א ISFP זעהט יא זיין פיזישע סביבה. ער האט בעסער ליב צו ארבעטן אויף א פלאץ וואס איז אויסגעשטעלט שיין פאר די געפילן.

פארשטייט זיך אז א ISFP וועט וועלן ארבעטן מיט זאכן וואס איז זיין פערזענליכער געשמאק, ווייל ער איז דאך א Fi. ער האט נישט ליב צו ארבעטן אין א פלאץ און זיך פרעגן "פארוואס דארף מען עס טון?" ער וויל ארבעטן מיט א זאך וואס "דאס איז וואס מיינע געפילן קוקן ארויף, אז ס'איז וויכטיג צו האבן אויף די וועלט". די מח פון א ISFP לויפט נישט אזוי ארום. ווי א שטייגער די enfp אדער infp אדער entp. ווייל ער האט נישט NE.

א ISFP זאל זיך אויסלערנען (אויב ער וויל) וויאזוי צו אהערשטעלן א געוויסע פיזיש-געשמאקע זאך פאר א סביבה. "וואס ער האט ליב". למשל, איך קלער אז זיי וואלטן ליב געהאט צו ארבעטן מיט ווינדאו שעדס וואס ס'האט געכאפט זייער פערזענליכן געשמאק. אדער קארפעטס וואס עס האט געכאפט זייער פערזענליכן געשמאק. אדער זיי וואלטן ליב געהאט צו ארבעטן מיט ספרים שענק וואס זיי האבן ליב צו זעהן אויפגעבויעט. זיי זאלן בויען ספרים שענק וואס איז זייער געשמאק. ISFP וואלטן געקענט זיך אויסלערנען וויאזוי מ'שטעלט אויס א סטאר אדער א גראסערי, לויט אז ס'זאל ציען די געשמאק פון די קוסטומערס וואס קומען אריין. ווייל אויב איך האב עס ליב מן הסתם איז עס א באליבטע זאך. "דא און דא זאלסטו לייגן דעס און דעס. דעס זאלסטו נישט לייגן דא, ווייל דאס פאר'מיאוס'ט די פלאץ".

די אלע זאכן קען מען זיך אויסלערנען! גיי לערן דיך אויס וויאזוי מ'שטעלט אויס א טעיק אוט. א חתונה זאל למשל פאדערט אויך אז מ'זאל דאס אויסשטעלן לויט א געוויסע שיינקייט. א ESFP, וועט לכאורה מער ליב האבן צו ארבעטן מיט די זאכן וואס איך שלאג פאר. א ESFP האט זייער ליב דיזיין. ווייל דאס זעהט ער אגאנצן טאג. די חילוק צווישן א ISFP און א ESFP איז לכאורה, אז א ESFP וועט מער קוקן אויף די דיזיין. אז ס'זאל זיין ווי מער פיזיש. נישט אזוי ווייט Tasteful. אויב זיי דארפן מאכן א הויפט טיר, וואלטן זיי עס געמאכט מער שרייעדיג. דער עיקר אז ס'זאל אויפוועקן די חושים. משא"כ, א ISFP וועט בעיקר קוקן אויף די געפיל וואס עס ברענגט ארויף א הויפט טיר.

ביי א חתונה זאל דארף מען מער א ESFP. ווייל דער עיקר איז וואס ס'זאל אויפרייסן די אויג. אבער למשל א קליינע פארמאסי, (מיט סענטעראל וואס בלאזט פון דאך, מיט די קלינגער ווען מ'עפנט די טיר) אדער אזא קליינע געשעפטעלע וואס דער עיקר וואס מ'דארף דארט איז Tasteful, געפילן. אדער למשל, אויסשטעלן א קינדער רום. דארט דארף מען נישט אויפרייסעריש. מ'דארף מער די געפילן. די פערזענליכער טאטש, טעסט. הגם איך קלער אז א isfp וועט נישט אזוי גרינג דשענערעטאן נייע איידיעס. ווייל ער האט נישט די Ne. אבער דארט ווי מ'דארף נישט אויפקומען מיט צופיל נייע איידיעס. און מ'דארף נאר בעיקר אז ס'זאל טעסטפול פאר די חושים. א INFP אדער א ENFP קענען שווער מאכן אז ס'זאל זיין געשמאק פאר די חושים. זיי וועלן מער מאכן אז ס'זאל זיין געשמאק פאר די טיפע מיינונגען.

צום ביישפיהל, א ENFP און א INFP וועלן אויפקומען מיט א סימבאל צו דערמאנען די נשמה פונעם אומפארגעסליכן באליבטן...

הגם איך בין זייער נייגעריג. ווייל למשל א ESFJ, וואס ער איז א עקסטראוועד פילינג, ער וועט אלעמאל קוקן Whats the latest. ער וועט אלעמאל קוקן "אה, איך מיין אז לעצטענס פעינטן זיי ווייס". אלעס ווייס. "איר ווילט עס מאכן ווייס? דאס איז די סטייל היינט." . פארשטייסט? דער ESFJ ער איז צופרידן צו גיין מיט די אנגענומענע Collective טעיסט. און ער צופרידן דערמיט. דאס איז וואס א Fe וויל. אבער א Fi זאגט. "איך ווייס נישט, איך קען נישט לייגן ווינדאו שעידס וואס איז נישט מיין פערזענליכער טעיסט. איך האלט אז די סארט ווינדאו שעדס וואס איך האב אייך פארגעשלאגן זענען אויסטערליש שיין. איך קען נישט פארשטיין פארוואס איר ווילט לייגן אזאנע נישט שיינע ווינדאו שעידס?" דאס קומט, ווייל ער איז א Fi. ער קען נישט, נאר מיט זיין פערזענליכער טעסט. אבער נאך אלץ איז דא זאכן וואס דייקא פערזענליכער טעסט איז וואס קאונט.

א דיזיינער מוז נישט דיזיינען לויט וויאזוי ס'איז אנגענומען אין די וועלט. ער קען דיזיינען לויט זיין געשמאק. די בענקלעך מיט אלעם וועלן זיין אזא און אזא סארט האלץ. וכו' די אלע שטותים. ווייל אזוי איז מיין טעסט. און מענטשן ווילן בעיקר אז ס'זאל זיין טעסטפול. "איך האב דיר א גוטע איידיע, איך וועל דיך מאכן אז ס'זאל אויסזעהן ווי אן אמאליגער קרעטשמע? גוט?" און יענער איז מסכים. אזוי ווי א גרעפיקער, מאכט אויך זיינע אייגענע איידיעס.

אבער די פעלד פון דיזיין איז א סך. ס'ווערט נישט אפגעשטעלט ביי איין זאך. ס'איז אלעס. ס'איז פעינט. ס'איז סטעפס. ס'איז וויאזוי דו ווילסט אז דיין גראז זאל זיין אויסגעשטעלט. ס'איז וויאזוי דו ווילסט אז דיין אפיס זאל זיין אויסגעשטעלט. ס'איז וויאזוי דו ווילסט אז א ספר זאל זיין אויסגעשטעלט. ס'דא פלעצער ווי מענטשן זוכן א פערזענליכן טעסט פון איין מענטש. אבער ס'דא פלעצער ווי מענטשן זוכן "מאך מיר וואס די וועלט האט ליב." דאס איז שוין מער Fe און נישט Fi.

צום ביישפיל אויב איך וויל אז איינער זאל מיר מאכן בעט געוואנט, דער עיקר אז ס'זאל זיין לויט א פערזענליכער געפיל. באמת איז אלע דיזיינטע זאכן פערזענליכע געפילן. געב א קוק די לעצטיגע תפילין/טלית בייטלעך, איז געווען איין מענטש וואס זיין Fi האט באשלאסן אז אזוי האט ער ליב. און ער האט דאס ארויסגעגעבן אין די מארקעט. מענטשן זעען עס און זאגן: wow אזוי שיין. דאס האב איך ליב. ווייל געפילן - אפילו ס'איז פערזענליך - רעדט צום געפיל, רעדט צום שיינקייט, צום געשמאק.

אבער אויב דו ווילסט אריינגיין אין דעם ליין, זאלסטו וויסן אז דו האסט די פאטענציאל. און דו דארפסט דיך נאר אביסל צולערנען דאס אלעס. און בלייב נישט סטאק ביי "wow, איך מיין איך גיי ארבעטן מיט ווינדאו שעדס". פארוואס יא? ס'דא אזויפיל איידיעס וואס מ'קען טון. מ'מוז נישט עפענען נאך א ביזנעס פון וואס עס איז שוין דא אין די מארקעט. מ'מוז נישט ארבעטן מיט די זעלבע זאך וואס יענער ארבעט שוין. געפין אויס א נייע געברויך. געדענק, אויב האסטו די פאטענציאל, איז דא א מקום ווי ס'זאל חל זיין די ברכה. אויב ביסטו א ISFP, יש מקום צו ארבעטן מיט אזאנע זאכן.

עסן איז אויך דיזיין! טשאקלאד איז אויך דיזיין. יעצט מ'מוז זיך נישט אפשטעלן ביי טשאקלעד. מיר ליגט נישט אין קאפ אז ס'איז אלעמאל געווען אזא ביזנעס ווי מיניטשער טשאקלעד. איך מיין אז ס'איז לעצטענס געווארן פארשפרייט. מ'קען מאכן אזויפיל מינע זאכן. בלייב נישט סטאק ביי איין ביזנעס. אדער ביי איין סארט איידיע. יעדע איידיע וואס איז דיין נאטור האט א פאטענציאל. און טראכט נישט "ווער גייט עס דארפן". פארוואס טראכסטו נעגעטיוו. גיי פרעג דיך נאך ביי איינעם וואס חלומ'ט נאך צו מאכן א ביזנעס פון Research. גיי פרעג יענעם וואס האלט נאך אינמיטן חלומ'ן. ווייל אויב וואלט יענער אנגעהויבן זיין ביזנעס. וואלט היינט געווען פון וועם צו פרעגן וועלכע ביזנעס ס'קען גיין. נאר מענטשן חלומ'ן און מ'טוט נישט גארנישט. וויייל ס'פעלט שטופ. מ'דארף טון. זרח עפנט א ביזנעס, און ברוך עפנט א צווייטס, און שלמה עפנט א ביזנעס וואס ער באנוצט זיך מיט די פאריגע צוויי. אזוי האבן שוין ביידע געלט. און משה זעהט אז ס'דא ביזנעס, עפנט ער זיך זיין אייגענע.

יעדער איינער קען זיך אויסצייכענען ביי זיין זאך. איינער קען גוט אדווערטייזן א ביזנעס. איינער קען גוט זיין א קאוטש. איינער קען גוט פיזיש בויען. יעדער ארבעט דארט ווי ער האט פאטענציאל לויט זיין נאטור. דער אייבערשטער איז דא צו געבן ברכה, מ'דארף עס נאר מאכן בדרך הטבע.

מ'דארף געדענקען אז א ISFP קען האקן קעפ פון מייערן. ער קען! (עכט בין איך סקעפטיש, ווייל ס'האט גארנישט מיט'ן געפיל.) אבער ס'דא זאכן וואס ער קען נישט. און אויב מ'טוט עפעס וואס מ'קען נישט, גייט מען נישט קענען אנציען. פארוואס? ווייל מ'קען נישט! מחשבה ארבעט, איז שווער פאר א ISFP. ער איז מער אין געפיל. א באס דרייווער איז נישט שווער צו זיין פאר א ISFP. פארקערט, ס'קען נאך אמאל זיין אז ער פילט מקושר צו די קינדער. א נורסערי מלמד קוקט מיר אויך נישט אויס טעארעטיש, אז ס'זאל זיין שווער. און געדענק, איך קלער זייער שטארק אז נישט ווייל א דשאב איז נישט מכובדיג, לאט מען עס אפ. מ'לאט עס אפ, ווייל מ'קען נישט. אויב מ'וואלט געקענט, וואלט מען עס נישט אזוי שנעל אפגעלאזט חוץ אויב מ'האט א בעסערע.

ארבעטן אין א אפיס מיט פאפירן איז שווער פאר א ISFP. ער פילט ווי ער פלאצט. ער האט נישט ליב טרוקענע פאפירן! ער קען צו זיי נישט רעדן! ער קען מיט זיי נישט פארברענגען! סתם נומערן! זייער שווער פאר א ISFP. טעארעטיש. (טעארעטיש, מיין איך צו זאגן, לויט ווי איך שטעל מיך פאר וואס עס מיינט א ISFP). פאקן באקסעס דארף אויך זיין גאנץ שווער פאר א ISFP. א ISTJ מיין איך וואלט מער געקענט. ווי א ISFP. פאקן ספרים איז אויך גאנץ שווער. און מ'דארף געדענקען אז א ISFP האבן לכאורה נישט אזא סדר היום. ווייל ס'פעלט די Si. נאך סך מער ווי א ENFP.

און איך טראכט אז שטיין ביי א רעדשיסטער פאר א ISFP דארף אויך זיין שווער. אבער איך טראכט אז די Se, מאכט עס גרינגער. ווייל זיי ווערן צוגעשלעפט צום רעדשיסטער. אבער ווייטער א ISFP איז דאך א אינטראווערד, און פאר א אינטראווערד איז שווער צו שטיין צווישן מענטשן. ער קען. ווייל ער איז צוגעבינדן צו זאכן ארום, דורך די Se. אבער דאך איז עס שווער.

איך וואלט געזאגט אז ס'איז ענדערש פאר א ISFP צו ארבעטן אין למשל א Clothing געשעפט. ער וועט זיין צוריקגעצויגן. אבער ענדערש ווי ארבעטן אין א גראסערי ביי א רעדשיסטער. א קלאודינג וויהייסטעס ברענגט ער כאטש ארויס זיין געשמאק בשעת'ן ארבעטן מיט די קלייענטן, ווען ער טרייט אן די בעקעטשע, איבעראל ווי מ'ארבעט האט נישט צו טון צו ס'איז יא בכבוד'יג צו נישט. ארבעטן ביי א רעדשיסטער איז נישט ארבעטן מיט אומ'בכבוד'יגע ארבעט. ס'איז נאר קענסט, אדער קענסט נישט. דאס אלעס. אויב דו קענסט נישט, גייסטו פילן אז ס'איז שווער און טו עס נישט. אויב דו קענסט יא, גייסטו פילן אז דו ווילסט עס נישט אויפגעבן פאר גארנישט אויף דער וועלט.

אפילו ווען א ISFP איז אן ארבעטער, דארף מען אויך זעהן צו ארבעטן ביי אזאנע פלעצער ווי למשל א פלאץ וואס ארבעט מיט פלענטס. אדער בלומען. איך געב נאר א משל, ווער נישט רויט. איך וויל ארויסברענגן אז די פלאץ וואו דו ארבעטס זאל אויך זיין עפעס וועגן דיין טעיסט. אפילו דו וועסט ארבעטן שווער, וועסטו אבער קענען שטופן דעם טאג. און א טאג וואס איז גוט איז דאך אוודאי גוט.

והשם הטוב יעזור.

[נשמת השכל]

נשמה! יו ביסטו גוט!
ווייסט וואס עס טייטש: מהפך קערה על פיה....?

[מחשב]

נשמה! יו ביסטו גוט!
ווייסט וואס עס טייטש: מהפך קערה על פיה....?

זאג מיר נישט אז די האסט אין אינטער דריי מינוט אדורך געליינט די גאנצע מערכה דא...

[נשמת השכל]

נשמה! יו ביסטו גוט!
ווייסט וואס עס טייטש: מהפך קערה על פיה....?

זאג מיר נישט אז די האסט אין אינטער דריי מינוט אדורך געליינט די גאנצע מערכה דא...

?

[פעיק ניוז]

1) וואס האט די גאנצע מערכה מיט מיין תגובה?
2) נאר דער אכטער איז לאגיש?
3) און וואס האט מיין תגובה מיט טיייפ 8?

[מחשב]

1) וואס האט די גאנצע מערכה מיט מיין תגובה?
2) נאר דער אכטער איז לאגיש?
3) און וואס האט מיין תגובה מיט טיייפ 8?

ס'האט גארנישט.. נוסח "נשמה"...

[פעיק ניוז]

כ'הער..

אבער למעשה וואס איז טאקע פשט אז מען איז אריינגעפארן פון אניגראם צו בריגס? איז נישט ראטזאם צו עפענען א נייע אשכול און אהינפירן אלע תגובות וואס רעדן פון די נושא אהין? מילא ווען ס'איז צוויי דריי תגובות, אבער מען רעדט שוין דא פון די מהלך אין עטליכע בלעטער.

[דערבארומדיג'ער]

אניגראם אשכול אלערט!

דאס איז זיכער 'אכטעריי'... אדרבה ברענג צוריק אויף א טאפיק.

[דערבארומדיג'ער]

כ'הער..

אבער למעשה וואס איז טאקע פשט אז מען איז אריינגעפארן פון אניגראם צו בריגס? איז נישט ראטזאם צו עפענען א נייע אשכול און אהינפירן אלע תגובות וואס רעדן פון די נושא אהין? מילא ווען ס'איז צוויי דריי תגובות, אבער מען רעדט שוין דא פון די מהלך אין עטליכע בלעטער.

עס וואלט געווען ראטזאם אבער עס איז פראבלעמאטיש, די שמועס דא איז אזא מקוה שמועס ווי מעיר בריגס איז אויך געווארן אריינגעדרייט אבער וועסט זען אז איינער וואס איז נישט באהאווענט מיט עניאגראם וועט נישט פארשטיין דעם שמועס דא, מען רעדט דא פון ENFP וואס זענען פירער, ISTJ וואס זענען זעקסער אדער איינזער, וכו'

וועסט אפט זען אין נשמה'ס לימודים לדעת אשכול ווי ער רעדט פון פינעווערס וכו'

יעצט ווילסטו איך זאל ארויסגיין פון די מקווה יעדע מאל איך וועל רעדן פון מעיער בריגס?

[עס וועט זיין גיט]

https://www.metarasa.com/ איך האב דא געמאכט מיין פערסענלטי טעסט
קען איינער מיר איבער טיישען די טעסט
עס איז זייער א שווערע ענגליש

[פעיק ניוז]

כ'הער..

אבער למעשה וואס איז טאקע פשט אז מען איז אריינגעפארן פון אניגראם צו בריגס? איז נישט ראטזאם צו עפענען א נייע אשכול און אהינפירן אלע תגובות וואס רעדן פון די נושא אהין? מילא ווען ס'איז צוויי דריי תגובות, אבער מען רעדט שוין דא פון די מהלך אין עטליכע בלעטער.

עס וואלט געווען ראטזאם אבער עס איז פראבלעמאטיש, די שמועס דא איז אזא מקוה שמועס ווי מעיר בריגס איז אויך געווארן אריינגעדרייט אבער וועסט זען אז איינער וואס איז נישט באהאווענט מיט עניאגראם וועט נישט פארשטיין דעם שמועס דא, מען רעדט דא פון ENFP וואס זענען פירער, ISTJ וואס זענען זעקסער אדער איינזער, וכו'

וועסט אפט זען אין נשמה'ס לימודים לדעת אשכול ווי ער רעדט פון פינעווערס וכו'

יעצט ווילסטו איך זאל ארויסגיין פון די מקווה יעדע מאל איך וועל רעדן פון מעיער בריגס?

יא אבער איינמאל ס'איז אריינגעדרייט געווארן פאר עטליכע בלעטער צוריק איז עס געווארן די מעין שמועס אדורכצוטוהן, סאו מען קען דערפון רואיג מאכן א אשכול פאר זיך

[מחשב]

און וואס זאגט דער עולם צו אזא רעזאלט?? אויף די 'הארעלע' ארויף און אראפ, קען מען לכאורה נישט בויען, חוץ די 'אינטראווערד'. סא אזא מענטש איז מער ווייניגער אזא באלאנס צווישן אלע? (כ'רעד נישט אויף די קראנטקייט פונעם טעסט, ס'מאכט נישט קיין סענס די גאנצע זאך דא...)

image (2).png (24.76 KiB) געזען 1449 מאל

[נשמה]

און וואס זאגט דער עולם צו אזא רעזאלט?? אויף די 'הארעלע' ארויף און אראפ, קען מען לכאורה נישט בויען, חוץ די 'אינטראווערד'. סא אזא מענטש איז מער ווייניגער אזא באלאנס צווישן אלע? (כ'רעד נישט אויף די קראנטקייט פונעם טעסט, ס'מאכט נישט קיין סענס די גאנצע זאך דא...)

image (2).png

איך וויל דיר אביסל מיטטיילן מיינע מחשבות בנוגע א טעסט וואס מ'נעמט אנליין. איך קען דיר נישט גענוג מסביר זיין ווי ווייט מענטשן זעען אז זאכן זענען נישט גוט, אבער דאך נעמט זיך קיינער נישט די מיה און זאגן די פשוט'ע מושכל ראשון וואס יעדער פארשטייט אליין. יעדער וואס נעמט א טעסט ווייסט אז ס'איז גאנץ שווער צו ענטפערן פונקטליך וואס מ'טוט אין א געוויסע מאמענט. דאס צו זאגן אז א מענטש איז מער ווייניגער אזא באלאנס צווישן אלע, דאס זאגסטו נאר ווייל דו זעהסט די רעזולטאטן פון א טעסט. א מענטש קען ענטפערן אזוי נישט ריכטיג אויף א טעסט אז נאר. א מענטש איז דאך אזוי אנדערש איינעם פונעם צווייטן. א מענטש קען זיין אזא INTP אז נאר. אבער ווען ס'קומט צו די טעסט און ער דארף ענטפערן זאכן וואס "איך כאפ נישט פונקטליך וואס דו מיינסט צו פרעגן". און "איך כאפ נישט פונקטליך וואס איך טו ענדערש" "איך טו ביידע"!!!

איך האלט אז מ'דארף מער קוקן גראד אין פנים אריין פון זיך אליין און זיך פרעגן: וואסערע פאנקציע נוץ איך דאס מערסטע. דאס איז דאך אזוי אנדערש פונעם אניאגראם. נישט אז די אניאגראם איז נישט ריכטיג. נאר די אניאגראם איז זייער "איך בין א איינזער מיט א פינעווער מיט א זעקסער מיט א ניינער און אסאך מאל א אכטער". כאפסט? דא ביי ר' מאיר שליט"א איז נישט אזוי. דער מענטש נוצט, ער נוצט רוב טאג, נוצט ער אקטיוועלי די און די געוויסע פאנקציע. א NE טוט דעס דאס מערסטע אגאנצן טאג. פונקט אזוי ווי א גערעכטער איז א גרעכטער. ער נוצט זיין רעכטע האנט.

דערפאר, איך וואלט דיך געראטן זאלסט דיך מער אריינלייגן "וואס דארף איך זעהן ביי מיר, און איך וועל זעהן אז דאס און דאס נוץ איך". ביי די אניאגראם, א מענטש קען איין טאג זעהן אויף זיך דריי, און נאכדעם סוף טאג זעהט ער פיר, און נאכדעם פינף און נאכדעם זעקס. אזוי ס'דרייט א קאפ. דא ביי MBTI איז נישט אזוי. ס'איז א קלארער פאקט וואס דער מענטש נוצט. אדער געפילן, אדער מחשבה. נישטא קיין אינדערמיטן.

יא, יעדע מענטש נוצט אלע זיינע אכט פאנקציעס. אבער ס'איז קלאר אז דער מענטש נוצט איינע דערפון דאס מערסטע. דאס איז וואס ער נוצט. די שאלות ביי א פראגע בויגן, איז זייער" דו שטייסט אינמיטן פון די צענטער אדער אין די זייט? קאם אן. איך ווייס נישט. איבעראל. דער מענטש הייבט אן טראכטן, "לאמיר זעהן, פרייטאג צונאכטס פאריגע וואך בין איך געשטאנען מער אינמיטן, אבער שבת ביי שלוש סעודות בין איך געווען מער ביי די זייט" און... אפילו ס'האט אויסדרוקליך א קלארער זאך צו דער מענטש בעפארציגט די צענטער העכער צו שטיין אין די זייט רוב מאל. איז אבער נישט דאס די וועג צו וויסן אונזער כאראקטער. וואס דו און איך ווייסן אז נישט דאס איז די עכטע וועג.

די עכטע וועג איז "וואס דארף איך זעהן אויף מיר, צו זעהן וואסערע פאנקציע איך נוץ! דאס אלעס. אויב ביסטו א INTP, וועסטו מיט אזא קלארקייט ווי יעצט איז טאג, וועסטו זיין א מענטש וואס וויל דיפיינען, ארויסהאבן, פארשטיין מיט זיין קאפ די וועלט ארום. דאס איז וואס דו טוסט. ווען דו קוקסט אויף דיר, דארפסטו דאס קלאר באמערקן. ס'איז נישט אזוי בלורי ווי די אניאגראם. וואס מ'דארף זיך דערגרינטעווען ווי אראפטויכן צום טיטאניק, כדי צו טרעפן "אה, יא, איך מיין אז איך בין א פינעווער מיט א..." דא, איז נישט אזוי. דער מענטש נוצט, ער נוצט איינע פון די פאנקציעס מער

און איך מיין זייער שטארק אז דו ביסט א INTP. איך וויל דיך פרעגן: דו טראכסט איין רגע אז די טעסט איז וואס דו ביסט. דו האסט געזאגט אז דו ביסט א NE, און דו בעפארציגסט טראכטן! און דו ביסט צוריקגעצויגן. וואס נאך דארפסטו האבן צו וויסן אז דו ביסט INTP? ביסט דאך נישט קיין F.

והשם הטוב יעזור.

[נשמת השכל]

די פראבלעם וואס דו שטעלסט דא אוועק מיטן אניגראם, דאס גופא איז די געוואלדיגע מעלה פונעם אניגראם!
טאקע ווייל עס איז נישט אוועקגעשטעלט אויפן אויבערפלעכליכקייט פונעם מענטש, טאקע ווייל דו קענסט נישט אפמאכן מיטן אניגראם איינמאל פאר אלעמאל וואס בין איך? א געפילישער! אקעי, סוי בין איך א 4'רער... ניין עס גייט נישט אזוי!! ווייל אזוי ווי דו זאגסט, אינמיטן טאג פילט ער אז ער איז א 4'ער און סוף טאג א 8'טער און ביינאכט א ניינער.....
אניגראם זאגט דיך נישט וואס דו ביסט אויבערפלעכליך, נאר ער זאגט דיך ווער איז דיין דרייווער!! וואס איז דער שורש פון דאס וואס איך בין?!! און נישט סתם וואס בין איך?!
און טאקע צוליב דעם האב א שטיקל פראבלעם מיטן גאנצן בריגס מהלך (איך רעד פאר מיר פערזענליך...).

און טאקע דאס איז דער פראבלעם מיט א אנליין טעסט, ודו"ק.

[נשמה]

די פראבלעם וואס דו שטעלסט דא אוועק מיטן אניגראם, דאס גופא איז די געוואלדיגע מעלה פונעם אניגראם!
טאקע ווייל עס איז נישט אוועקגעשטעלט אויפן אויבערפלעכליכקייט פונעם מענטש,

איך האב מורא אז אפילו טיפער און נאך טיפער באגעגנט מען אויך נישט קיין שום נומער פאר זיך אן זיך באנוצן מיט מאיר בריגס. אפילו דער "גויאישער פארשער" פון די אניאגראם האט זיך אויך באנוצט מיט יונג, אויף וואס די מאיר בריגס האט צוגעבויט איר מהלך.

די וואס פארקויפן דעם אניאגראם געבן דעם "צוזאג" אז יעדער האט איין טייפ די מערסטע, און מ'דארף עס נאר טרעפן. האבן מיר ארויסגענומען אונזערע שאוולעך, אבער עס נישט געטראפן. און אפילו מ'האט יא עפעס געטראפן איז דאך דאס אזוי בלורי אז נאר. אפילו דער אליין שרייבט קלאר אז יעדער האט אלע נומערן, נאר איינס מער. און יעדער בר דעת קען זעהן פון אויבנאויף אז א מענטש איז נישט נאר איינע פון די נומערן. איך קען דיך נישט גענוג מסביר זיין דעס.

איך זאג נישט אז איך באנוץ מיך נישט מיט די אניאגראם ווען איך וויל תחומ'ענען א מענטש. אבער זייער אויבערפלעכליך. נאר אלץ א פרעמווארק. און איך בלייב נישט ביי דעם. איך גיי גראד אריבער צו די פאנקציעס וואס דער מענטש נוצט יעצט בשעת מעשה. די עכטע מענטש זענען זיינע פאנקציעס. לאמיר נעמען א מענטש פון וועם איך טראכט יעצט. ער איז ווארשיינליך א ESFP. איצט, (ר' שרגא פליישמאן נ"י זאגט איצט) איצט, פאר איך האב געוואוסט פון מאיר בריגס האט איך נישט געקענט באשליסן וואס דער מענטש איז. וואסערע נומער. יעדן טאג איז געווען א נייע נומער. א זיבענער, א פירער, נישט אזא פירער, נאר אזא פירער, ס'דא אסך מינע פירערס... ער איז מער א עקסטראווערד פירער. א געבראטענער אכטער, צו א זעקסער.

היינט שטומט אלעס. און זיי זאגן אז מיט די אניאגראם גייט אלעס שטומען, און די תירוץ איז ניין. מיסטער, מיט די אניאגראם שטומט עס נאכנישט. די אניאגראם האט אפשר א געוואלדיגע שיינקייט אין זיך, ווייל ס'איז אזא סוד. אבער די אניאגראם פאר זיך אן צולייגן מאיר בריגס, לפי עניוות שמיוועס דעתי שטומט עס נאכנישט. ס'זאגט נאך גארנישט. נישט גארנישט, אוודאי זאגט עס עפעס, אבער נישט גענוג אז מ'זאל "בקיצור וואס זאל איך יעצט טון דערוועגן?" ס'איז נישט אז איך זאג אז די אניאגראם איז גארנישט. ס'איז אז ס'איז עפעס אזא: למשל.

נעמסט א מענטש וואס איז מסודר'דיגער מענטש, א אינטראווערד סענסעט, און ער איז אויך אלץ די צווייטע אין ראנק, איז ער א עקסטראווערד טינקינג טייפ, א ISTJ, און דו פסק'נסט אפ אז ער איז א זעקסער מיט א פינעווער פליגל. וואס דאס איז ער טאקע. איי דו זעהסט אויף אים אכטערישקייט (עקסטראווערד טינקינג) "ניין, דארפסט פארשטיין אז זעקסער זענען אויך אביסל אכטערס. אבער ס'איז נישט ממש אכט. די פשט פון קאנטרא-פאביק, און אויך איז ער ענדערש פינף", גוט איך הער. "איי איך זעה אויף אים איינס?". "ניין, דארפסט פארשטיין אז זעקסער קענען אויך זיין איינזער, אבער זענען נישט איינס". אקעי פיין. ביסט גערעכט. מסכים.

אבער ענדע טאג, ווען איך שמועס מיט דעם זעקסער פליגל פינף, ווער גייט מיך געבן א טרעק אין וואס צו פארן מיט דעם מענטש? די אניאגראם געט מיך נישט מער ווי "דארפסט רעדן מיט אים און אים צושטעלן סעקיוריטי". און ער דארף טאקע. איך בין נישט דא צו זאגן אז א זעקסער דארף נישט קיין סעקיוריטי, און אז ער טוט נישט פאר סעקיוריטי. אבער טו מיר א טובה, דאס דארף ער? דאס דארף איך טראכטן ווען איך שמועס מיט אים? דאס וויל ער? דאס איז די גאנצע מענטש?

ער איז א זעקסער, פיין, און? ער דארף סעקיוריטי, און ער איז לאיאל! און?... אויב אבער איך גיי מיט מיסטער בריגס, דאן ווייס איך ב"ה זייער גוט וואס צו טראכטן ווען איך שמועס מיט אים. אוודאי. ער וויל אז זאכן זאלן בלייבן אזוי ווי עס איז געווען! דאס איז דאך אינטראווערד סענסינג. עפעס טוט זיך יעצט מיט אים.

שרייט דער פראפעסער פונעם אניאגראם, "נו, איך האב דאך אויך דאס געזאגט אז א זעקסער האט ליב זאכן וואס זענען שוין באקאנט פאר אים". זאג איך אים: מיסטער, דו האסט געזאגט אז א זעקסער זוכט סעקיוריטי, און איך זאג דיר מיסטער, אז א זעקסער זוכט זאכן וואס זענען שוין אים באקאנט. ווילסט עס רופן סעקיוריטי, רוף עס וויאזוי דו ווילסט, אבער נישט דאס איז די שורש פון די מענטש וואס עס איז מיר איצט נוגע. נישט דאס איז וואס טרייבט אים. ווען איך רעד מיט אים און איך האלט קאפ אז ער זוכט סעקיוריטי, גייט אונזער שמועס גיין ווי א גרעיפ דשוס דעקל אויף די עפענונג פון א סעלצער באטל. ער גייט נישט וויסן וואס אויף די וועלט דו רעדסט מיט אים. אבער איך גיי אז ער זוכט זאכן וואס ער ווייסט שוין. זאכן וואס איז באקאנט פאר אים. היר ווי גאו. ס'איז מער זאכליך.

און נישט נאר דאס, נאר איינמינוט, האסט פארגעסן אז זיין צווייטע פאנקציע איז עקסטראווערד טינקינג. שרייט ער ווייטער "אה, נו, האב איך דאך געשריבן אז א זעקסער מיט א פינעווער פליגל האט אויך ליב צו מאכן א דרויסנדיגע סטרוקטור". (אגב, דו כאפסט ווי די אניאגראם מיט מאיר בריגס איז די זעלבע זאך). זאג איך צוריק, "וואס האב איך יעצט בשעת די שמועס צו וויסן אז זעקסער דארפן א דרויסנדיגע סטרוקטור?" וואס קען דאס מיר בייהילפיג זיין אין אונזער שמועס? אפשר זאגסטו מיר? אבער ווען איך גיי מיט בריגס מאיר'ס, אה, אוודאי, איך האלט קאפ אז דער מענטש נוצט זיין "עקסטראווערד טינקינג" פאנקציע. דערפאר דארף ער דרויסנדיגע סטרוקטור. ער וויל אז זאכן זאלן לויפן לאגיש. איז איך רעד מיט אים אויף א לאגישער אופן. ווייל דאס איז וואס ער זוכט. יא ס'קומט אויס אז דער מענטש דארף סעקיוריטי, און ער טוט פאר סעקיוריטי. זייער פשוט, נעם אינטראווערד סענסינג מיט עקסטראווערד טינקיניג לייג צו J וועט אויסקומען אז דער מענטש איז לאיאל און ער טוט פאר סעקיוריטי. אבער דאס האט גארנישט מיט די עולם המעשה. דאס האט גארנישט מיט די אינעווייניגסטע פראסעסעס וואס עס קומט יעצט פאר מיטן מענטש. וויפיל קען מען טון מיטן אניאגראם? וואס קען מען טון דערמיט?

און מ'קען נישט זאגן אז דער מענטש נוצט די פאנקציעס ווייל ער איז א זעקסער. וואס דאס איז נישט אזוי. א מענטש ווערט געבוירן מיט א פרעפערענ"ס צו נוצן געוויסע פאנקציעס. און נאכדעם און פון דעם, בויט זיך אויף אן איגו, אז דער מענטש וויל ווייטער עקזיסטירן אזוי ווי ער ווייסט זיין עקזיסטענץ.

אוודאי דארף מען נעמען אין באטראכט יענעמ'ס אניאגראם טייפ, אוודאי. אבער נאכדעם? לאמיר צוריקגיין צו דעם ESFP. דער ESFP קען מען זעהן אויף אים פירערישקייט. געפילישקייט. ס'דא וואס וועלן שרייען "ער איז א זעקסער..." פארוואס? ווייל אזוי. ווייל ער איז א זעקסער! מיט וואס? ווייל אזוי! אבער איך זעה אויף אים פירערישקייט. נע, א זעקסער קען אויך זיין א פירער. לאדיך אפ. אבער מיט מאיר בריגס, וועל איך זאגן אזא אויבערפלעכליכע זיבענער. ס'איז מיר יעצט גארנישט מחייב. און ווען איך שמועס מיט אים ווייס איך אז ער איז א עקסטראווערד סענסינג. אה... יעצט ווייסעך וואס דער מענטש וויל. ער וויל זיך מחבר זיין צו מיר. און איך ווייס וויאזוי צו רעדן צו אים. יעצט וויל איך דיר פרעגן: וואס האב איך פון דעם אז איך ווייס אז ער איז א זיבענער? וואס?... אבער אז איך ווייס אז ער נוצט SE קען דאס מיר בייהילפיג זיין. אויף די יעצט.

אבער ער האט אויך ארט אין זיך, טעיסט, שרייט דער פראפעסער "נו, זיבענער האבן אויך אין זיך טעיסט!" איך דארף יעצט נעמען א באנדל פון הונדערטער שטריכן, און עס געדענקען און פארשטיין וואס עס האט מיט זיבן. אויב איך גיי מיט דעם אז ער איז א ESFP, בינגאו. ער איז א אינטראווערד פילינג אין זיין צווייטע אין ראנק פאנקציע. און דערפאר אוודאי האט ער טעיסט. זייער פשוט, זייער סימפל. איך דארף נישט געדענקען הונדערט זאכן. ווייל אלעס מאכט סענס ווען מ'איז א ESFP. אלעס שטומט. נישט ער איז א זיבענער וואס איז אויך קריעטיוו.

מיין נקודה איז: די אניאגראם איז גוט, אבער ס'פארפעלט! יעדער האט דאס אלעמאל געוואוסט! מ'האט זייער גוט געוואוסט אז עפעס פעלט דא. די אניאגראם צוזאמען מיט מאיר בריגס איז וואס געט די גאנצע פיקטשער ב"ה.

טאקע ווייל דו קענסט נישט אפמאכן מיטן אניגראם איינמאל פאר אלעמאל וואס בין איך? א געפילישער! אקעי, סוי בין איך א 4'רער... ניין עס גייט נישט אזוי!! ווייל אזוי ווי דו זאגסט, אינמיטן טאג פילט ער אז ער איז א 4'ער און סוף טאג א 8'טער און ביינאכט א ניינער.....
אניגראם זאגט דיך נישט וואס דו ביסט אויבערפלעכליך, נאר ער זאגט דיך ווער איז דיין דרייווער!!

איך האב אמאל אזוי געהאלטן, אבער איך זאג דיר אז איך מיין זייער שטארק אז ס'הייבט זיך נישט אן. ס'איז אלעס לופטיגע טעאריעס. (איך זאג נישט אז איך האלט אזוי, איך זאג אז יעצט מיין איך אזוי) אזוי וויל איך זאגן. און לאמיר זעהן ווי ס'פירט. און דו אליין ווייסט דאך זייער גוט ווי שווער ס'איז ארויסצוהאבן א מענטש מיטן אניאגראם אליין. זאג זיי אלע אז ס'פעלט נישט אויס ארויסצוגעבן נאך ביכער אויף די אניאגראם. ס'שטומט נישט. נישט ווייל ס'איז נישט אמת. נאר ווייל ס'פעלט דערפון. הערסט? אדאהאן אליין אין איר בוך האט געשריבן א דרייער אכטער קאמבינעשן, א פירער זעקסער קאמבינעשן. כאפסט? כאפסט וואס דא גייט פאר? ס'פעלט! לויט מאיר בריגס איז סך מער סמוטער. סך מער סענס. פארשטייט זיך אז מ'גייט מיטן אניאגראם אלץ א פרעמווארק, אבער די עכטע פאנקציעס, דאס איז מאיר בריגס. נישט מאיר בריגס. דער אייבערשטער. די פאנקציעס וואס השי"ת האט איינגעפלאנצט אין א מענטש.

וואס איז דער שורש פון דאס וואס איך בין?!! און נישט סתם וואס בין איך?!

יו, איך געדענק נאך ווען איך האב דארט געהאלטן. היינט טראכט איך אז ס'ארבעט פארקערט. אלעס הייבט זיך אן מיט די פאנקציעס, נאר וועגן דעם, באקומט א מענטש א געוויסע איגו. למשל ווייל א פירער איז א אינטראווערד פילינג, דערפאר זוכט ער זיך. אבער נישט דאס דארף מען נוצן בחיי יום יום.

און טאקע צוליב דעם האב א שטיקל פראבלעם מיטן גאנצן בריגס מהלך (איך רעד פאר מיר פערזענליך...).

און טאקע דאס איז דער פראבלעם מיט א אנליין טעסט, ודו"ק.

אלעס וואס איך האב געשריבן ביז אהער, איז נישט ווייל איך האלט אזוי. נאר יעצט קלער איך זייער שטארק אזוי.

והשם הטוב יעזור.

[מחשב]

איך וויל דיר אביסל מיטטיילן מיינע מחשבות בנוגע א טעסט וואס מ'נעמט אנליין. איך קען דיר נישט גענוג מסביר זיין ווי ווייט מענטשן זעען אז זאכן זענען נישט גוט, אבער דאך נעמט זיך קיינער נישט די מיה און זאגן די פשוט'ע מושכל ראשון וואס יעדער פארשטייט אליין. יעדער וואס נעמט א טעסט ווייסט אז ס'איז גאנץ שווער צו ענטפערן פונקטליך וואס מ'טוט אין א געוויסע מאמענט. דאס צו זאגן אז א מענטש איז מער ווייניגער אזא באלאנס צווישן אלע, דאס זאגסטו נאר ווייל דו זעהסט די רעזולטאטן פון א טעסט. א מענטש קען ענטפערן אזוי נישט ריכטיג אויף א טעסט אז נאר. א מענטש איז דאך אזוי אנדערש איינעם פונעם צווייטן. א מענטש קען זיין אזא INTP אז נאר. אבער ווען ס'קומט צו די טעסט און ער דארף ענטפערן זאכן וואס "איך כאפ נישט פונקטליך וואס דו מיינסט צו פרעגן". און "איך כאפ נישט פונקטליך וואס איך טו ענדערש" "איך טו ביידע"!!!

עס ווענדט זיך וועלכע טעסט. עס זענען דא טעסטס וואס פרעגן פשוטע שאלות, וואס דו דארפסט פשוט זיין זייער אויפריכטיג, צו ענטפערן די אמת'ע תשובה, למשל טאקע, די שאלה פון ווי די זעצט דיך אין ביהמ"ד. דער תירוץ איז א גלאטער, אז דו וועסט דיך גוט מתבונן זיין וועסטו כאפן וואס דו טוסט. דו כאפסט נאר נישט אייביג ווייל דו ביזט זיך נישט מתבונן דערין. (איך למשל, האב שוין לאנג גאנצעטע בנינים אויף דאס וואו מענטשן זעצן זיך אין ביהמ"ד, און פארוואס. דער דרייער קומט אריין אין ביהמ"ד, גראד צום צענטער מיט א אויפגעהויבענע קאפ, דער געוויסער פירער שלייכט זיך גראד צום ווינקעלע, פריוואט, קוק מיך נישט אן. זייער אינטערעסאנט מיטצוהאלטן). אבער עס זענען דא טעסטס וואס פרעגן אזעלכע מאדנע שאלות וואס איין זייט איז נישט פארקערט פון די צווייטע, ווי למשל, "די האסט ליב א טאמעיטא, אדער דו ביזט א פעשליכער"? איינע פון די צוויי!, א מין שאלה דאס. דעמאלטס זענען בדרך כלל די תשובות נישט ריכטיג.

איך האלט אז מ'דארף מער קוקן גראד אין פנים אריין פון זיך אליין און זיך פרעגן: וואסערע פאנקציע נוץ איך דאס מערסטע. דאס איז דאך אזוי אנדערש פונעם אניאגראם. נישט אז די אניאגראם איז נישט ריכטיג. נאר די אניאגראם איז זייער "איך בין א איינזער מיט א פינעווער מיט א זעקסער מיט א ניינער און אסאך מאל א אכטער". כאפסט? דא ביי ר' מאיר שליט"א איז נישט אזוי. דער מענטש נוצט, ער נוצט רוב טאג, נוצט ער אקטיוועלי די און די געוויסע פאנקציע. א NE טוט דעס דאס מערסטע אגאנצן טאג. פונקט אזוי ווי א גערעכטער איז א גרעכטער. ער נוצט זיין רעכטע האנט.

פון דער אנדערע זייט. ביי דער אניאגראם דארפסט נאר אנקומען צו איין מסקנא, דורך א צוזאמשטעל פון זאכן וואס קאטאגאריזירן דיך אלס א איינזער. אדער אלס פירער. פון דארט און ווייטער גייט מיך נישט אהן. ווידעראום ביי מאיער בריגס, דארפסו אויסשטעלן א ליסט פון 8 פונקציעס איין אונטער דאס צווייטע. וואס קען מאכן א צומישעניש.

דערפאר, איך וואלט דיך געראטן זאלסט דיך מער אריינלייגן "וואס דארף איך זעהן ביי מיר, און איך וועל זעהן אז דאס און דאס נוץ איך". ביי די אניאגראם, א מענטש קען איין טאג זעהן אויף זיך דריי, און נאכדעם סוף טאג זעהט ער פיר, און נאכדעם פינף און נאכדעם זעקס. אזוי ס'דרייט א קאפ. דא ביי MBTI איז נישט אזוי. ס'איז א קלארער פאקט וואס דער מענטש נוצט. אדער געפילן, אדער מחשבה. נישטא קיין אינדערמיטן.

ביי די אניגראם איז יא דא א מיטל וועג. דאס איז דער פליגל. א זאך וואס - ווי איך פארשטיי - איז נישט דא ביי מאיער בריגס. דאס הייסט אזוי, כאטש וואס עס איז כמעט נישט מעגליך אז די פונקציע פון למשל "טראכטן" און "געפיל" זאלן זיין ממש אייניג, אבער עס קען זיין איין מענטש וואס האט קיין געפילן נישט, הארט ווי א שטיין, אלעס איז קאלטע לאגיק, גארנישט מער. נאכדעם איז דא א מענטש וואס זיין עיקר פונקציע איז טראכטן. אבער ער האט שטארקע געפילן אויך, ביי מאיער בריגס ביזטו א INTP און פערטיג, וויפיל געפילן דו האסט יא ווערט נישט דערמאנט (ווי איך פארשטיי). נאר אז עס איז די פערטע פונקציע. אבער עס קען פונקט אזוי זיין אז די פילסט שטארק כאטש אין די רייע איז עס די פערטע. (קאן זיין אז דא ווערט געזאגט אסאך שטותים איך קען דאך נישט די זאכן גוט) ביי די אניגראם ווערסטו א פליגל. [נישט אינגאנצן, אבער ביי געוויסע חלקים.]

בי מיר, פיל איך, אז איך האב פון ביידע זאכן שטארק און טיף, איך טראכט גאר שטארק, און איך פיל אויך גאר שטארק, כאטש איך קלער טאקע אז איך בין מער T ווי F אבער עס איז נישט אזוי געהאקט.
די זעלבע ביי J און P. עס זענען דא מענטשן וואס טוען זאכן ממש אינסטיקטיוו, און עס זענען דא מענטשן וואס טראכטן טויזענט שעה אויף יעדע זאך. נאכדעם זענען דא מענטשן וואס טראכטן אביסל. סא וואס זענען זיי? א הארעלע ארויף א הארעלע אראפ.

און איך מיין זייער שטארק אז דו ביסט א INTP. איך וויל דיך פרעגן: דו טראכסט איין רגע אז די טעסט איז וואס דו ביסט. דו האסט געזאגט אז דו ביסט א NE, און דו בעפארציגסט טראכטן! און דו ביסט צוריקגעצויגן. וואס נאך דארפסטו האבן צו וויסן אז דו ביסט INTP? ביסט דאך נישט קיין F.

איך האב נאר איין שאלה. איך פיל אז די שטערקסטע פונקציע ביי מיר איז Ne, אבער אויב בין איך א INTP אדער INFP, דארף דאך די T אדער F זיין די שטארקסטע. נישט אזוי? איז דאמאלטס מוכרח אז איך בין יא א ENTP ?

וה' הטוב עזר ועוזר ובודאי א"כ יעזור.