אידישע וועלט פארומס

א גוטן טייערע חברים וידידים פה בקרעטשמע והגלילות יצ"ו, הע"י.

שוין א לענגערע צייט וואס איך וויל עפענען דעם אשכול, און כ'שטופ עס אפ מיום ליום ומחודש לחודש שנים עשר, און ס'איז ממש א שאד. האב איך געטראכט יעצט גיי איך עס אויספירן מכח אל הפועל, אחזתיו ולא ארפנו עד שידי מגעת, און ארויסהעלפן יעדן.

איז אזוי:

איך בין א גרויסער ליינער. במשך פון מיין לעבן האב איך שוין אנגעטראפן טויזענטער גוטע עצות פאר כל מיני פראבלעמען און אנשיקענישן. יעדער פון אייך ווייסט מסתמא, סיי פון עקספיריענס, און סיי פון ליינען אדער הערן פון אנדערע, פילע פשוט'ע און נוצליכע עצות וועלכע קענען יעדן טאג צוניצקומען פאר טויזענטער מענטשן.

אבער א מענטש פארגעסט דאך. און ס'איז ממש א שאד נישט אראפצושרייבן די אלע עצות לפונדק אחד, ומשם תדרשנו. איך אליין האב שוין מסתמא פארגעסן שווערע הונדערטער גאר-נוצבארע עצות וואס איז האב שוין געזעהן!!

הן אמת, מיר האבן טאקע אינדיווידועלע אשכולות פאר הילף אויף פארשידענע פראבלעמען, אבער איך וויל דא מאכן אזא סארט "קיצור שולחן ערוך", קליינע עצות וואס לוינט זיך נישט צו עפענען אן אשכול פאר יעדע איינע באזונדער.

בערך די תקנות זאלן זיין ווי פאלגענד. תגובות אין דעם אשכול זאל נישט זיין מער ווי 5-6 שורות. בלויז איין עצה פער פאראגראף כדי צו פארגרינגערן דאס ליינען. נישט זיך ארום טענה'ן נאר שרייבן קורץ און שארף, צו די זאך. אז איר קענט צולייגן אייער מקור (דאקטאר, המספיק גאזעט, צייטונג, אייגענע עקספיריענס, וכדו') איז נאך בעסער. נישט רעדן פון טיפע עניני רפואה און אומ-באקאנטע געזונט פראבלעמען. פארדעם איז פאראן די באזונדערע אשכולות, המספיק גאזעט, מעלות (און פעיסבוק... לויט א טייל שרייבער). נאר פשוט'ע טאג-טעגליכע שוועריגקייטן.

פלאגט איר זיך מיט מאסקיטאס? א שטיקל "Bounce" דרייער שיעט קען זיין א גרויסע הילף. מאסקיטאס האבן דאס פיינט. הענגט אויף איינס אין אייער שטוב און ווערט פטור דערפון, אדער לייגט איינס אריין ביי אייך אין טאש און זיי וועלן שטיין ווייט פון אייך (מקור: די צייטונג).
*
די דרייער שיעטס האבן נאך נוצבארע פונקציעס. איר קענט אריינשטעלן אין אייער שיך עס זאל נישט האבן קיין ריח (לעצטנס געזעהן אין "דער איד"). דא האט איר נאך אפאר גוטע זאכן אויף וואס איר קענט עס נוצן.
*
אוועקצונעמען א ריח פון א שאפע, פריזער (מאכלים זאלן נישט האבן א פריזער טעם), און נאך אנדערע זאכן, בעקינג סאדע איז גאר גוט געאייגענט דערפאר.
*
בעקינג סאדע קען אויך ווערן גענוצט פאר פיל אנדערע זאכן. איר קענט דערמיט אויסשווענקען דאס מויל אוועקצונעמען א ריח; ארונטערלייגן אונטערן ארעם אוועקצונעמען אלע ריחות און בלויז איבערלאזן לאזן די נאטורליכע; און פיל מער. דא קענט איר זעהן איבער 50 זאכן וואס איר קענט טון דערמיט.
*
המשך יבא אי"ה

ליידט איר פון "בליסטערס" אדער בלוטערן אין מויל?

שמירט ארויף אביסל "דארק קארן סירופ", און די ווייטאגן ווערן פארשוואונדן בעזהשי"ת (המספיק גאזעט).

* * *

"שמן זית" איז זייער הילפבאר פאר א "דייפער-רעש". עס איז גוט אריינצוגיסן שמן זית אין א שפריץ באטל, און בשעת'ן איבערטוישן דאס קינד געבן א שפריץ און ארומשמירן (הנ"ל).

* * *

אינגבער (דזשינדזשער) איז זייער א געזונטע און געשמאקע פרוכט. עס קען העלפן אנטקעגן מייגרעין קאפ-וויי אטאקעס. מען ווייקט די אינגבער אין א גלאז וואסער פאר א 15 מינוט, און מען טרינקט אויס די וואסער. (הנ"ל)

* * *

אינגבער העלפט אויכעט פאר "נאושיע" ביים פארן אויפן וועג. קינדער וועלכע פלעגן איבלען און ברעכן ביי יעדן טריפ, זענען פטור געווארן דערפון נאכן טרינקען אזא גלעזל "דזשינדזשער וואסער". (הנ"ל).

* * *

האט איר געכפאט א ברי? אסאך עצות זענען פאראנען דערפאר. שמירן האניג, אדער רויע פאטעיטאס. אבער א ווייניג באקאנטע עצה - באגיסט עס מיט בליטש! יא, עס ציפט א מינוט, עס איז פיינפול, אבער נאך קורצע מאמענטן איז אלעס כלא היו און לאזט נישט קיין זכר פונעם ברי! (הנ"ל, און מערערע רעספאנסעס פון אנדערע שרייבער האבן מודה געווען דערצו אז ס'איז בדוק ומנוסה).

* * *

בליטש קען אויך העלפן פאר "עקזימע", און "טאפ דזשאב" איז גוט אנטקעגן "סארייעסיס". (הנ"ל)

* * *

קינדער וועלכע זענען אביסל לעבעדיג און ליידן פון ADHD זאל מען געבן שטארקע קאווע, און דאס העלפט זיי "בארואיגן". (הנ"ל)

צו לינדערן די שמערצן פון א ברי, קען מען אריינלייגן דאס באטראפענע פלאץ אין מילך (לכאורה געזען אין המספיק גאזעט יארן צוריק).

פאר א שניט האב איך לעצטענס געהערט, איז גוט צו לייגען א בונדעל...צושניטען אין צווייען..(גיב אובאכט זיך נישט צו צושניידען ווען איר ווילט צוטיילען ס'בונדעל....) און לייגט עס אויפן פלאץ פונעם שניט.

די בונדעל וועט זיך צוקלעבן צו די הויט, און נאך אפאר טאג וועט עס אראפ פאלן פון זיך אליינס, די הויט וועט זיין פונקט ווי בעפאר אן קיין שום צייכען.

רויע אייער האט מיר אמאל געהאלפן בארואיגן א ברי אויף די ראט פון מיין באבע ע"ה.

(איך בין מסופק צו עס האט נישט מיט די קעלט דערפון, און מ'קען ציען א פאראלעל מיט די מילך פון קרעמער)

אבי מ׳זאגט אז המספיק גאזעטטט איז ווערד-לאז...

פאר א ברי האב איך געהערט אז רויע פאטאעטס איז מוראדיג גוט
ווי אויך פאר פיבער לייגט ארויף צושניטענע רויע פאטעיטאס אויפן קאפ, דאס נעמט אריין די היץ אין זיך

פאר פליגען הענגט מען אויף א זעקעל וואסער, אין א"י טוען דאס א סאך, דא איז דא א שמועס.

אויב מען קען זיך נישט אן עצה געבן מיט א פליג וכדומה וואס וויל נישט פארלאזן א צימער, זאל מען פארלעשן דעם לאמפ אין דעם צימער און אנצינדן די דרויסענדיגע, אזוי וועט דאס פליגעלע נאכגיין די ליכטיגקייט ביז וואו איר ווילט. (צום שכנ'ס קארידאר אד"ג).

קרעדיט: קראק-פאט אין אן אנדער אשכול, וואו ער ווערט היינט געוואויר...

WD-40, די קעמיקאל ספרעי וואס קומט אייביג צוניץ, איז ארגינעל געמאכט געווארן דורך א ראקעט פירמע וואס האט פראבירט צו טרעפן א קעמיקאל וואס וועט אפהאלטן די מעטאל פון ווערן פארראסטעט דורך וואסער. ביים פערציגסטן פראבע האבן זיי ענדליך באקומען דעם פונקטליכן אויסשטעל\אינהאלט וואס זיי האבן געזוכט. דעריבער הייסט עס: WD-40 וואס מיינט:

Water Displacement, 40th test

נאכן זען ווי נוצבאר די פראדוקט איז האבן זיי עס אנגעהויבן צו פארקויפן פאר די מאסן. אויף זייער סייט האבן זיי א ליסטע מיט איבער 2,000 זאכן (פדף) פאר וואס מען קען דאס נוצן!!

ווען מען קניפט אן נייע ציצית דרך כלל עפענט זיך דער לעצטער קניפ ווייל עס האט נישט וואס זאל אים אנכאפן,
איז דא אן עצה נאס מאכען אביסעל ביים קניפ מיט וואסער, און עס דערנאך פארשטארקערן.

באפעסטיגן דעם לעצטן קניפ און עס דערנאך איינטינקען אין הייס וואסער מאכט דעם דזשאב. בדוק ומנוסה.

ווען עס גייט ה"י בלוט פונעם נאז, העלפט א סאך מאל אז מען זאל אויפהייבן דעם קאפ אויף ארויף, און נישט אנכאפן די נאז, נאר ענדערש מיט
א פינגער עפענען ברייטער די נאז, און ארין אטעטמען דורכען נאז פרישע לופט, פארשטייט זיך קילע לופט איז בעסער, און ארויס אטעמען נאר
דורך די מויל, ווייל דאס איז ווארעמע לופט, און אז מען קען זאל מען עפענען די פריזער אריין שטעקן דעם קאפ פאר א מינוט און אריין אטעמען
די קאלטע לופט דורך די נאז, קאלטע לופט וועט פארגליווערן די בלוט דארט ווי עס שפראצט, און וועט בלאקירן דאס בלוט פון ארויס רינען, מען
זאל אכטונג געבן נישט רירען אדער בלאזען די נאז פאר די קומעדיגע 5-10 מינוט, און מען דארף זיך האלטען רואיג די גאנצע צייט.

ווייסט איינער אן עצה פאר ווייטאג / קראצען אויפען פיס פלאך?

די רבי אין חדר פרעגט; ווער האט ערשט צוריק געשלאגן,

ביי אונזער פאל, ווער האט ערשט צוריק געקראצט ?,
אז מען קראצט נישט צוריק איז א הצלה פורתא,

קען זיין באשפריצן מיט אנטי שוויצן פאודער די שיך און זאקן וואלט געהאלפן אויב דאס איז די מעשה דא אויך

שמעק_טאביק האט געשריבן:פלאגט איר זיך מיט מאסקיטאס? א שטיקל "Bounce" דרייער שיעט קען זיין א גרויסע הילף. מאסקיטאס האבן דאס פיינט. הענגט אויף איינס אין אייער שטוב און ווערט פטור דערפון, אדער לייגט איינס אריין ביי אייך אין טאש און זיי וועלן שטיין ווייט פון אייך (מקור: די צייטונג).
*
די דרייער שיעטס האבן נאך נוצבארע פונקציעס. איר קענט אריינשטעלן אין אייער שיך עס זאל נישט האבן קיין ריח (לעצטנס געזעהן אין "דער איד"). דא האט איר נאך אפאר גוטע זאכן אויף וואס איר קענט עס נוצן.

האט עס אזא שארפע ריח, אז עס קען פארטרייבן עלעמענטן אין מענטשליכע פארמען אויכעט, צומאל אייך אליין, ראו הזהרנוכם; זאגען די מנהלים.

שמעק_טאביק האט געשריבן:ליידט איר פון "בליסטערס" אדער בלוטערן אין מויל?

ס'איז דא א ווינדערליכע ספרעי פון ראזענפעלד פון מאנסי. עס הייסט: TFH
Thrush
Fungus
Herpes

עס פארלייכטערט אויך טשיקען פאקס, שינגעלס, פימפלס אין מויל, הש"י

שטרוי האט געשריבן:

שמעק_טאביק האט געשריבן:פלאגט איר זיך מיט מאסקיטאס? א שטיקל "Bounce" דרייער שיעט קען זיין א גרויסע הילף. מאסקיטאס האבן דאס פיינט. הענגט אויף איינס אין אייער שטוב און ווערט פטור דערפון, אדער לייגט איינס אריין ביי אייך אין טאש און זיי וועלן שטיין ווייט פון אייך (מקור: די צייטונג).
*
די דרייער שיעטס האבן נאך נוצבארע פונקציעס. איר קענט אריינשטעלן אין אייער שיך עס זאל נישט האבן קיין ריח (לעצטנס געזעהן אין "דער איד"). דא האט איר נאך אפאר גוטע זאכן אויף וואס איר קענט עס נוצן.

האט עס אזא שארפע ריח, אז עס קען פארטרייבן עלעמענטן אין מענטשליכע פארמען אויכעט, צומאל אייך אליין, ראו הזהרנוכם; זאגען די מנהלים.

געווענליכע דרייער בלעטער האבן נישט קיין שלעכטן גערוך, עס איז געמאכט צו געבן א גוטן גערוך פאר די קליידער

ווער ווייסט ווילאנג איז עס קעטשי?

אויך, ווער האט עצות צו פארגרינגערן? פון וואס קומט דאס? און צו איז דא ווייטעמינען דערפאר?

אויף האר זאל וואקסען שנעלער שטערקער, איז גוט שמן זית אדער אויל פון פלאקס קערענדלעך.

איינער האט אפשר אן עצה פאר פאנגיסט אויף די פינגער פין די הענט ?

טייבעלע האט געשריבן:אויף האר זאל וואקסען שנעלער שטערקער, איז גוט שמן זית אדער אויל פון פלאקס קערענדלעך.

ווייקן הדסים און נאכדעם וואשן די האר דערמיט.

א גיטע זייף צי וואשען א טלית?

ערגעץ האב איך דא געזעהן נישט לאנג צוריק די עצה, און היות עס האט מיר געהאלפן, וועל איך עס מיטטיילן, אין קעיס איר ווייסט נישט דערפון.

צו פארמיידן די ציפעדיגע טרערן וואס קומען ארויס ביים שניידן צוויבל, נעמט א מעטש (א שוועבעלע) אין מויל, מיט די קאפ ארויסגעשטעקט (די רויטע אינדרויסן פון מויל). די שוועבל זאפט איין די געציפעכץ און צו די אויגן איז לא נגע ולא פגע.