לדור ודור נגיד גדלך, ול
נצח נצחים קדושתך נקדיש...
האט א גדול מסביר געווען: שוין געזעהן אמאל א זאמד זייגער? ווען די אויבערשטע חלק ווערט ליידיג, איז די צייט פאראיבער. די צייט ווערט באשטימט, לויט וויפיל זאמד עס קען אריינגיין אין די כלי, און ווי ברייט אדער שמאל דער דורכגאנג איז.
אויב מ'וועט נעמען אלע זאמד וואס געפונט זיך אויף דער וועלט, און מ'וועט עס אריינשטעלן אין א זאמד זייגער וואס ארבעט נישט אזוי שנעל... עס לאזט אדורך איין שטיקל, איינמאל אין א ביליאן יאר (ביליאן כמו ב'ביליאנער)... און מ'וועט ווארטן און ווארטן און ווארטן, ביז ס'לאזט זיך אויס די צייט... וועט מען דאן האלטן נאך פאר די אנפאנג פון
נצח.
(לסבר את האוזן: לאמיר זיך פארשטעלן אז איינער ווערט ח"ו פאראורטיילט צו א לייכטע עונש, ער זאל ארויסלאזן איין אה-אה-האפטשו און ס'זאל דויערן לנצח, וועט דער גרויסער זאמד זייגער זיך אויסלאזן נאך איידער ער וועט האלטן ביים ערשטן אה-אה פונעם אה-אה-האפטשו...)
ס'לוינט זיך איבערצוטראכטן.
אה-אה-האפטשו לנצח.
אז מ'מוז, זאגט מען: חכמינו ז"ל זאגן אין תלמוד בבלי ראש השנה דף יז עמוד א': "המינין (כגון צדוקים ובייתוסים, רש"י) והמסורות (מלשינים שמוסרים ממון ישרא') {והמשומדים} והאפיקורסים (מבזה תלמידי חכמים), און נאך א רייע אינשי דלא מעלי, יורדין לגיהנם ונידונין בה לדורי דורות". מיר זענען היימישע שטריימל אידן, אזוי ווערט אויך געפסקנ'ט אין
אונזער שולחן ערוך.
ווען איר באגעגנט דעם בעל-דבר פון ערכאות, זאלט איר אים ניטאמאל אויסהערן. די אויסזיכטן צו געווינען דעם געריכט קעגען א איד זענען מעגליך פארהאן, אבער מ'האנדעלט פון באקומען דערפאר דעם אורטייל פון "זיצן", אינדרויסן, לנצח.
פארוואס פונקט ערכאות? איז שוין דער הייליגער בני יששכר מסביר. (ווער ס'קען זאל עס ביטע צוברענגען. וכמדומה, ס'קען האבן שייכות מיטן חתם סופר פון
בנים למקום ואכמ"ל)
בחורהזעצער האט געשריבן:לאמיר שוין הערן וואס האט אייך אזוי אויפגעברויזט
מ'האט געשמועסט פון א ענין אין דעם נושא, און צוויי גאנץ פיינע פערזענליכקייטן, פון צוויי גאר באזונדערע קרייזן (טרינקן נישט משקה י"ט כסלו דייקא אדער צדקה כ"א), האבן "געהויבן ברעמען און שטערענס" און געפרעגט מיט תמימות מ'טאר נישט רופן 311 ?!
פון וועלכע פרטיות'דיגע ענין האט מען גערעדט? ס'איז נישט נוגע. ס'האט נישט מיט
אייך, אדער אייער קאלעגע. מעגליך אז יענער האט באקומען א היתר פון א היימישן פוסק, אדער האט ער עס געטון אומוויסנד און אונטער גרויס פיין, ואין אדם נתפס על צערו. מ'האט נישט אים געמיינט, ער וועט האפענטליך זיך געפונען אין די קבוצה פון היימישע אידן.
אבער ווען איר הערט ווי איינער קלערט און איז דן צו ער זאל יא אדער נישט זיך ווענדן לערכאות (אדער רופן 311 און אריינגעבן א אנקלאגע אדער קאמפלעינט) קעגען א איד, זאלט איר הייבן די ברעהמען און אויפמאכן א מויל. ביטע אים דערמאנען וואס "ער" דאווענט: ולמלשינים אל תהי תקוה.
און אויב וועט ער אייך ח"ו נישט הארכן, וועט אים נישט העלפן די בארד, און עס וועט אים נישט העלפן די שטריימל.
איך מיין עס זייער ערנסט, א מסור פארדינט מ'זאל אים קנס'נען. לעולם ועד.
אה-אה-האפטשו, לנצח.
אדער "טייפן אויף א קיבאורד וואס האט זיך אויסגעפלאגט פונעם קאמפיוטער" - לנצח.
מ'וועט מסיים זיין. די תוה"ק זאגט אונז אהן הוכח תוכיח את עמיתך, ולא תשא עליו חטא. וויאזוי ווייסט א איד צו דאס וואס ער טוט איז עולה לרצון, זאגן ספה"ק ער זאל קוקען אויף דעם וואס קומט ארויס פון דעם (וזהו כוונת "ויך לב דוד אותו"). אלזא, דער נושא האט געמוזט ארויפגעברענגט ווערן, הוכח תוכיח, אבער כ'האב מורא, לא תשא עליו חטא.
איז דעריבער איידער איר ווילט דרוקען דעם קנעפל אפצוענטפערן, ארויסצוגעבן וואס עס דרוקט אייך, לוינט זיך איבערצוחזר'ן אז די גמרא ווארענט: די מלשינים און המבזה תלמידי חכמים, און נאך געוויסע בר-מינן'ס, וועלן זיך געפונען אינעם זעלבן קבוצה אויף שטענדיג. דעבאטירן? יא. אבער קאמענטירט ביטע נישט מיט
נעמען פון מענטשן אדער גרופעס, לא במישרין ולא בעקיפין.
עס איז אכשר דרא. בתורה, עבודה ובגמילות חסדים. וועלן די רייד דערהערט ווערן? האפענטליך יא. און אויב נישט גענצליך, איז דער הייליגער ישמח משה מסביר (וישב) אז אויף דעם האט שוין זכרי' הנביא געזאגט וצרפתים כצרוף את הכסף, השי"ת וועט אויסלייטערן אידן לפני הגאולה, ובהשגחה פרטית וועלן די פושעים וואס זענען מעכב די גאולה צוקומען צו מסירה, כדי זיי זאלן ווערן אויס אידן, און כלל ישרא' וועט זיין כולו זכאי. הרחמן יזכינו לזה במהרה.
לחיים ברודער, בזה ובבא!
