כאפצעם האט געשריבן:טענקס פארן הרוצה בעילום שמו פארן ווארעמען אישי מז"טא זעלטענע שמחה נעמט ארום די שפאלטענעס פון אייוועלט, ווען דער אלעמען באליבטער ניק @כאפצעם האט היינט מיטוואך אויפדערנאכט דערגרייכט דער אסטראנאמישער סכום פון 10,000 תגובות אויף אונזער וועלטעל.
יא, אמת, כאפצעם איז נישט דער איינציגסטער ניק אויף אייוועלט, און כאפצעם איז אויך נישט דער איינציגסטער אריבער צו שפרייזן צען טויזענט, אבער כאפצעם איז דער איינציגסטער "כאפצעם", דער נאמען, און אסאך אסאך מער די טיפע משמעות וואס דער נאמען ברענגט פאר אייוועלט.
*
אין א וועלט פון טראמפיזים, אין א צייט פון טראמפיזים, ווען א טייל פון דער חסידישער ציבור, זענען אנשטאט אידאלעך וועלעכע ליפטערן זיך מיט די אמעריקאנע פאליטיק, זענען ליידער אידן געווארן טראמפיסטן, און זענען פארנומען בייטאג און ביינאכט להצדיק את המשוגע, און לערנען שיעור עיון, אויך מיט די לאנגע תוס' פון עמוד ב', איבער דעם מהלך המחשבה פון דעם גוי, וועלעכע איז א נידריגע פערזאן ככל הגוים גם טראמפ.
אין דעם זמן, אחד הי' כאפצעם, וועלעכע האט זיך ארויס געשטעלט מיט איין נקודה, 'רבותי, טראמפ איז הייליג און טייער, אבער דער אמת נאך מער', און זיך קיינמאל דערשראקן פון חיצים ובליסטריות פן אלע זייטן, נישט פון דעם אומ'יושר'דיגן צונאמען 'טראל' וכו'.
נאכן ליינען און לעזן כאפצעם א שיינע תקופה, האב איך איינגעזען אז כאפצעם איז נישט א אנטי-טראמפ ניק, און נישט קיין דעמאקראטישע אדער ליבעראלע ניק, כאפצעם איז כאפצעם, נאר פארן אמת, און פאר פאקטן, זאל עס זיין קלינטאן, טראמפ, בייידען, נישט קיין חילוק ווער, אבער דער אמת, און דער פאקט איז דער ערשטער, און קיין דעמאגאגיע, און רעטאריק, וועט נישט טוישן די מציאות.
און דאס איז די סיבה פארוואס אייוועלט שאלט היינט ביינאכט, אז יא, הכאפצעם שלנו נצח, אונזער כאפצעם איז א שר עשרת אלפים, און איז דא מיט א פרישקייט ווי קיינמאל פריער.
מזל טוב! כה לחי!
----
קענסט ארויפלייגן די תגובה ברבים אין די מזל טוב אשכול צו ווי, אבער שרייב נישט ווער עס האט עס געשיקט
געב איבער פאר יענעם אז ער איז טויט משוגע. און זאג אים עס יא בשמי.
און פון די קטנות שטעלעך שוין צוזאם ווער יענער איז אויך.