העפטיגע קאמפיין: קראק די קראקס!!

[חבקוק]

און יעצט עמער רעדן פון ריכטיגע ברעכעדיגע נייעס, ווען מיקי עספין, א אייוואוינער אין די באהאמעס, האט נארוואס געבראכן איינע פון די קאמפליצירסטע גינעס ווארלד רעקארדס.
מיר וועלן אים איבערגעבן דאס ווארט, און דערנאך עס צוריקנעמען, דערווייל לאמיר הערן וואס ער האט צו פארציילן.

"אין א שיינעם פארוואלקענטן דינסטאג פארמיטאג, האב איך אזוי ארומשפאצירט אויף די טעראסע פארנט פון מיין וואוינארט" הייבט מיקי אן דערציילן די ענטוזיאסטישע געשיכטע זיינע וואס עס ליגט אינטער זיין רעקארד ברעכעריי "און איך האב אזוי באטראכט מיינע גרינע קראקס וואס איך האב געטראגן אויף מיינע פארטריקענטע נאקעטע פיס, זיי האבן הערליך אפגעשפיגלט אין די זון וואס האט געבאקן יענעם אינדערפרי און מיינע מחשבות האבן אנגעהויבן לויפן איבער דעם".
און דא לייגט מיקי צו א זאך וואס איז וויכטיג צו באטאנען "נישט אז איך האב איבריגע צייט צו באטראכטן קראקס, איך בין בעצם זייער א פארנומענע מענטש און אזעלכע זאכן פארנעמען ביי מיר נישט קיין ארט, אבער... אבער..." מיקי האט זיך דא אביסל פארהאנקערט און נישט קלאר ארויסגעברענגט וואס עס האט אים דאסמאל יא צוגעברענגט צו דעם זעלטענעם געשעעניש פון באטראכטן זיינע קראקס, אבער מיר וועלן צוריק גיין צום געשיכטע.

דא הייבט זיך מיקי'ס שטימע און ער ווערט זייער נאסטאלגיש און אויטענטיש "און איך האב געטראכט אז די קראקס איז גאר א סימבאלישע און אינספירירנדע אביעקט. אנגעהויבן ביי די פילע לעכער וואס עס פארמאגט, וואס סימבאלירט די לעכער וואס יעדע מענטש פארמאגט אין זיין לעבן, און ווייזט אז די לעכער זענען גאר א גוטע זאך. אזוי ווי ביי די קראקס וואס עס העלפט די לופט צירקולאציע אין די פיס. דאס איז גאר וויכטיג פאר יעדן צו געדענקן אין זיין לעבן אז א לאך מיינט נישט קיין שלעכטס, פארקערט, עס בויט אויף דעם מענטש'ס כאראקטער און שטופט אים צו גיין פאראויס אין לעבן".
און מיקי זעצט פאר פיל מיט אייפער "דערנאך די סארט ווייכע ביליגע מאטריאל מיט וואס דאס איז צאמגעשטעלט, וואס שטעלט קלאר פארן מענטש אז וואס די טייערע שיך קען נישט געבן פארן מענטש, קען די פשוטע פארשעמטע קראקס העלפן פארן מענטש און אים מאכן באקוועמער אין לעבן, דאס צייגט קלאר און דייטליך אז נישט געלט ברענגט פארן מענטש א גוטע לעבן און נישט טייערע קארס און הייזער, פארקערט גאר, א גליקליך לעבן קומט פון לעבן פשוט און צופרידן".
"און נאך מערערע געדאנקן האב איך דאן ארויסגעלערנט פון מיינע קראקס, גאר וויכטיגע פונקטן וואס קענען יעדן העלפן אינעם טאג טעגליכן לעבן".

"און אזוי טראכטנדיג דאס אלעס האביך באשלאסן צו ברענגען דאס מענטשהייט צום באוואוסטזיין מיט וואספארא אוצרות מיר דרייען זיך ארום טאג טעגליך, און אלעס איינגעוויקלט אין א פשוטע קראק!! פאר אפאר פיאסטער קען מען לעבן א גליקליך לעבן!!"
דעריבער האביך דאן באשלאסן צו טון דעם געוואגטן שריט און גיין ברעכן א ווארלד רעקארד איבער קראקס, מיט דעם איינעם ציל צו אויפוועקן מיט דעם דאס מענטשהייט צו די געהיימניס וואס ליגט באהאלטן אינטער דעם אראפגעקוקטן קראקל".

מיקי האט זיך דאן דורכגערעדט מיט זיינע נאנטע פריינט וואס טיילן אייניגע קלוגשאפט מיט אים, און דאן טאקע נאך מערערע וואכן און חדשים פון זיך גרייטן דערויף האט ער ענדליך באוויזן דאס אוממעגליכע און געבראכן א ריזן רעקארד ווען ער האט אנגעטון און אויסגעטון זיינע קראקס דאס מערסטע מאל אין א מינוט זינט מען האלט רעקארד אויף אזעלכע זאכן!!
פיר און זעכציג מאל האט ער עספיעט צו אויסטאן און אנטון זיינע שיך מיט זיינע גאר פלינקע הענט און מיט דעם געווארן ערקלערט אלץ דער עמטליכער געווינער און 'קראקס העלד'!!

און דאן, באקומענדיג די 'פלעק' וואס באשטעטיגט זיין וואוילע טאהט, האט ער פייערליך געגעבן א רעדע פאר די אלע פארזאמעלטע, ווי ער האט באטאנט די אלע אויבנדערמאנטע מחשבות זיינע מיט זיין קלארע און רייכע שפראך, און דאן אפעלירט ביי די אנוועזנדע אז מען זאל טוישן די ביז יעצטיגן געדאנקן גאנג און אנהייבן טראכטן מער קראקעדיג, און דאן וועט די גאנצע לעבן זיך טוישן און פארן אויף א בעסערן וועג!! קראקעדיג!!
דאן האבן טאקע אלע פארזאמעלטע, זייענדיג אינספערירט פון דער רעדע, אינאיינעם פייערליך אויסגעשריגן 'ווי אלל פאר קראקס'!!, 'ווי ליוו עי לייוו אף קראקס'!!
און אזוי איין מאל און נאכאמאל פאר א לענגערע צייט, און מען האט נישט געקענט איינשטילן די מאסן און גיין ווייטער מיטן פראגראם.

ערשט נאך אפאר שעה ווען די עולם האט זיך שוין בארוהיגט און געווארן הייזעריג, האט מען אויסגעטיילט פילע ערליי באמפער סטיקער'ס און קי טשעינ'ס מיט די סלאגאן פונעם קאמפיין:
'קראק די קראק, ליוו עי לייוו אף קראקס'!!
און די עולם איז ארויס דערמיט באקלעבט און באהאנגען פון אלע זייטן און זינט דאן געקראקט די קראק עד עלות הקראק, וניקראק הקראק עד שנזכה ליקוראק לגמרי בהקראק.

[חבקוק]

לאור בקשת פנימחדשות, האמיר געגעבן א פנים חדשות פאר אונזער העפטיגע קאמפיין און געפענט א באזונדערע אשכול פאר די קראקע קראק.

[פנימחדשות]

וועכע אמט באקום איך אין די קראק אדמיניסטראציע?

א'נישט האט זיך די גאנצע נייע אשכול נישט געלוינט.

[קלאָצקאָפּ]

כ'האב גע'אישי'ט כאניש'ן ער זאל זאפארט קומען זיך אננעמען פאר די צוקלאפטע פאפוטש געמיינדע. ער זאגט אז עריז אויפ'ן וועג..

[חבקוק]

א סענזאציע טוט זיך אין די קראק אדמיניסטראציע, ווען פנימחדשות האט געשטעלט א סיטואציע פון א אויפגעבלאזענע אוויאציע. אין די קראק הויפט סטאנציע פון די אלגעמיינע אילוסטראציע, געפלאנט איז אים צו שטעלן אין די סענעטאציע, א וויכטיגע אמט אין די גארבעזש צירקולאציע פון די בארימטע אויסגעשפראכענע קראק'ואציע.

קראק די קרוק.

[חבקוק]

כ'האב גע'אישי'ט כאניש'ן ער זאל זאפארט קומען זיך אננעמען פאר די צוקלאפטע פאפוטש געמיינדע. ער זאגט אז עריז אויפ'ן וועג..

נע. ער איז יעצט פארנומען מיט א גלעזער קאמפיין.

[בשבילי נברא]

כ'האב גע'אישי'ט כאניש'ן ער זאל זאפארט קומען זיך אננעמען פאר די צוקלאפטע פאפוטש געמיינדע. ער זאגט אז עריז אויפ'ן וועג..

דאס זיך אישי'ען אונטערן באנק איז געהעריגע גאווערמענט אינטערפירענס, געקניפט און געבינדן מיט עלעקשאן מעדלינג, בו ביום מיט קאנספירירן אונטערצוברענגן די יונייטעד סטעיטס אוו קראקעד נעישאנס.

וויל בי פראסקעט-יודעיט טו די פולעסט עקסטענד אוו די לאו ענד ארדער!!!

[קרייסלער]

אז יאמרו הקראקים באו ונחזיק טיבותא לראש הקראקים שיצר הקראק לבעלי הקראקים, אי לאו הא יומא דקאגרים כמה קראקים איכא בשוכא, ולית דין בר נש בלי קראקים

[כאניש וואס צו טון]

לא קראק ולא יער,
נישט קיין קראק און נישט קיין וואלד!

פאפטש לייווס מעטטער!

[באטעמטקייטן]

נאו קראקס נאו פיס...

[כאניש וואס צו טון]

האהאהאהא!
נאו פוס אן א פינטל אין די פ, איא?

[חבקוק]

הגם לכבוש את הקראקס עמי בבית???

דער קומט זיך דא אריין אזוי אומגערופן, הייבט אן צו קאמפיינען פאר זיינע אומבאחנ'טע פאפוטשן. א מין חוצפה דאס!
מיום היווסדה פונעם קראקס קאמפיין איז נאכנישט פארגעקומען אזא אומדערהערטע אקט! געהעריג געהעקט די העק!

ליוו עי לייוו אף קראקס!!

[כאניש וואס צו טון]

פאפאטש וועט נישט אויפגעגעבן!
מיר וועלן גיין אין סופרים קאורט, אויפווייזן די פאלשקייט פון די מעילין קראקסעס

[גרויסע עם הארץ]

חבקוק, אזעלכע מורא'דיגע מוסר השכל'ס פון די קראקס! ייש"כ!

האסט מיר פיין געמאכט קלאכן, כ'מיין לאכן.

[הודו להשם]

אה, ביי דעם מעמד איז מסתמא נתחבר געווארן דעם סינגל:
ירקרק ניגון

[פאלעסיידס]

א קרוק פון קראקע האט זיך באזעצט אין קוק קאונטי און געגאנגען מיט קראקס מיט א קראק פאט אין הענט צווישען היישעריקען וועלכע האבען געקריקעט,
ער איז געגאנגען דארט מאכען די באקאנטע סגולה פון שרייען קו קוקו קוקוריקו מיט איין ציגעמאכטע אויגען

[חבקוק]

זייער א שיינע מעשה, יישר כח פארן מיטיילן.
אבער מען מוז דא באטאנען מיט קלארע קידוש החמה אותיות אז דער מענטש האט נישט קיין שייכות מיט אונזער קראק גרופע. און איך זאג נאכאמאל - קיין שייכות!
ביי אונז פלעגט מען נישט טון אזעלכע זאכן קיינמאל, עס איז קיינמאל נישט געווען אונזער דרך.
אונז פלעגן קיינמאל נישט ניצן קיין קראק פאט'ס, ומשום 'אל תקרק פן תיקרק' גזירה הא אטו הא.
לערן דיך אויס, נישט יעדער וואס גייט מיט קראקס מיינט עס אז ער איז א מיטגליד אין אונזער גרופע. פינטל מיט א א'.

ממילא בלייבט נאר איבער צו ווינטשן...

[פאלעסיידס]

מענין שלא מנין, איז ער געגאנגען מיט א קראק פאטס ווייל זיין קהילה האט שוין דעמאלטס געאסרט א איי פאט כך דרך הקרוקס

[חבקוק]

האביך די זכיה אז די צוויי טויזענסטע פון פאליסעידס האט ער אריינגעשליידערט אין מיין אשכול, וואספארא זכיה. מזל טוב!

אז דו ביסט שוין דא ווילעך טאקע נישט וויסן;

דו הייסט נאך די פאליסעידס הייוועי, אדער נאך די פאליסעידס פירמע פון וועם איך קויף פארטשמענט פאפיר, אדער נאך די פאליסעידס מאאל?

אויב דו שעמסט דיך צו רעדן דערפון, מוזטו בכלל נישט ענטפערן אויף מיין שאלה, קענסט מיך איגנארירן כאילו האסט נישט געכאפט אז איך האב גערעדט צו דיך, כאב גארנישט געמיינט פערזענליך, איך בעטיך שוין איבער אויף מיין הארבע פראגע, כאב נישט געוואוסט בכלל עס איז א פערסענעל קוועסשאן, כ'בין פלעין געווען א נייגעריגע בחור, דעטס אלל, נעם עס נישט אזוי ערנסט און צום הארצן. סאו נאר אויב דו ווילסט מיר ענטפערן און עס איז דיר באקוועם און דו ביסט אפן מיט דעם, ענטפער מיר פליז ווי אמשנעלסטן. איך ווארט דא אויף דיך.

[סאכדעס]

פארוואס ליגט עס דא אין פארברענגן, דאס איז א געהעריגער ארטיקל אזוי פון אלט-שטאט ארויס.

געוואלדעוואנע חבקקוקוקוקוקו, כ'בין צוקראקט און צוקוקוט פון דעם קראקטיקל.