אידישע וועלט פארומס

וויל דאס קען מסתמה זיין א ישיעה
לויט ווי זי הערט ממפי השמועה

האט זי זיך ארויסגעלאזט אויף די לאנגע נסיעה

די זכרונות זענען צוריק ארויפגעקומען פון יענע צייט

וואוינען אין פאלאץ מיט מאריא נאך די פאגראמען פון ת"ח ות"ט

זי קומט אהן און גייט צום גרויסען שער מיט נערוועזיגקייט

א וועכטער קוקט איר אהן "וואס וואלען זי היער" פרעגט ער שטרענגערהייט

זי זאגט איך בין א גוטע פרוינדין פון די קעניגין איהרע מאיעסטעיט

און אן קיין שום שהי'

אידן זענען אין א סכנה ווער קען פעניען

דער וועכטער זאגט ענטשולדיגט מען קען נישט סתם אריין אהן אנ'אפוינטמענט

זאגט אסתר'קע איך בעהט דיר די קעניגין וועט זיין גאר צופרידען

זאג איר אז איר שוועסטער איז דא די וואס שטאמט פון אידען

זאג איר א סימן אז מען פלעגט אסאך שפילען מיט א בוים לעבען דעם פענסטער פון שלאף צימער...

איך זאג דיר זי וועט זיך זיכער דערמאנען ווי אימער

דער שומר איז געגאנגען צו די קעניגין און איר דאס איבערגעגעבען

וואס? אסתר'קע טוט נאך טאקע לעבען?

קען נישט זיין! מיר אהנטוהן אזא עגמת נפש יאהרען לאנג...

אסתר'קע וואלט מיר נישט געטוהן אזוי באנג

לאז איר אריין, וועלען מיר זעהן ווער זי טאקע איז

אסתר'קע דאווענט: אייבערשטער, העלף, מיר דערקענען זי טאקע מוז....

זי גייט אריין אין קעניגין'ס צימער זעהט זי מאריא שטיין

מאריא זעהט איר און ברעכט אויס אין א געוויין

אסתר'קע! ווי האסטו מיר אזא זאך אהנגעטוהן....

זאגט אסתר'קע געדענקסט נישט ווי דער גלח האט מיר געוואלט פון אמונה אוועקציהען....

כ'האב געמוזט אנטלויפען זיך צו האלטען ביי אידישקייט

ווייטער אהנהאלטען די הייליגע גאלדענע קייט

אבער יעצט דארף מען אויספועל'ן א ישועה

און בעסער ווי שנעלער און ווי פריער

דיין מאן וויל ארויס ווארפען די אידען פון לאנד

ווייל ער האלט אז די אידען זענען א שאנד

לאמיר אים באווייזען אז דאס שטימט נישט

מאריא לאכט און זאגט דער קעניג וועט זיין אינגאנצען צוכישט

לאמיר אים דערציילען אז מיר האבען א גאר ספעציעלע גאסט

די באראנעסס לואיזא דע קראקאווסקא דארף מען מקבל זיין ווי עס פאסט

אבער קודם כל דארף מען טוישען די קליידער מעהר אפ טו דעיט

אויב נישט איז קלאהר ביזט א אידישע יעדער וואס זעהט

אויך דארף מען רעדען פראנצויזיש געדענקסט עס נאך?

מע ביען סור.... די לעקציעס יעדע וואך....

זי האט זיך איבערגעטוהן מיט די נאבעלע בגדים די שיינע

עס איז געקומען א פיאקער מיט פיר פערד פיינע

און איז געגאנגען פאהרען און אזוי ארום צוריק צום פאלאץ

ווען זי קומט אהן צוריק צום באשטימטען פלאץ

דער משרת טוט באגריסען די באראנעס לואיזא איז אהנגעקומען

"לואיזא" קומט אריין און דער קעניג ווערט אין גאנצען באנומען

ער זעהט ווי אזוי די באראנעס האט עדעלע מדות און א קלאהרע פארשטאנד

זיי שמועסען און דעבאטירען וועגען כל מיני ענינים אין דעם לאנד

ביז זיי האבען גערעדט וועגען די אידען

דער קעניג זאגט אז פון זיי איז ער זעהר אומצופרידען

זיי קענען נישט זיין צו ג-ט און צו לייט

זיי קענען זיך נישט אויפפירען מיט עלעגאנץ און איידעלקייט

מאריא שמייכעלט צו אסתר'קע און רופט זיך אהן צו איר מאן

איך מיין מיין טייערע אז אקעגען דעם איז דא א ראיה פארהאן

אז דו ביזט נישט גערעכט מיט דיין מיינונג

ווייל אונזערע באראנעס לואיזא באווייזט צו אונזער שטוינונג

אז אידען קענען זיך אויפפיהרען גאר נאבעל און איידעל

און די בעסטע ראיה וואס איך האב איז דאס מיידעל

וואס שטייט פאר דיר און רעדט צו דיר דא אין צימער

ווייל באראנעס לואיזא הייסט נישט אזוי איממער

נאר אין אמת'ן איז זי אסתר'קע א אידישע פרוי

און דו זעהסט ווי זי פיהרט זיך אויף העפליך אזוי

און זי איז א גאנצע אידישע פערשוין...

דער קעניג האט געזאגט אויב אזוי מוז איך מיין מיינונג אוישען שוין

מבטל זיין די באשלוס צו פארטרייבען די אידען פון אונזער לאנד

זיי קענען אונז גאר העלפען מיט זייערע קלארע פארשטאנד

אסתר'קע האט געבעהטען רשות אהיים צו פאהרען

מיט א לייכט געמיד און מלא שמחה מאלה הדברים

איז זי אהנגעקומען אין דער היים און געלויבט השם

וואס האט זיין פאלק ארויסגענומען פון דעם קלעם

אלץ דערציילט בפרטי פרטים צו אלע אידען

דער עולם איז דעווען אין פרייליכע געמידען

געלויבט דעם באשעפער פאר אזא ישועה

און נאך דעם וואס אסתר'קע'ס אידענטיטעיט איז געווארען בידוע

איז ר' מנחם געווארען באקאנט אלץ חתנא דבי מלכא אין שטאט

דאס לעבען האט זיך צוריקגענומען גיין אזוי ווי עס געראהט

האט זיך געמאכט אז רבי שבתי ראפאפארט איז געקומען אלס גאסט

מען האט אים מכבד געווען צו רעדען א פלפול אזוי ווי עס פאסט

עס האבען געהאנגען פלאקאטען אז הגאון ר' שבתי וועט רעדען וועגען תקפו כהן

די גאנצע שטאט איז געקומען הערן דעם גרויסן גאון

אסתר און ווייבער שול איז געשטאנען און געהערט

צו איר ווייטע יוגענט האט זי זיך געקערט

א לעכטיגע שטוב מיט א טאטע מאמע אזוי זיס און פיין

זי ליגט אין וועגעלע מיט א געוויין

דער טאטע איהרע שאקעלט דאס וועגעלע לערנענדיג גמרא

וועלכע סוגיא האט ער נאר געלערנט ווארט זי אויף אן הארה

אה איך מיין טאקע די זעלבע וואס איך הער דא יעצט און שול

זי שטרענגט זיך איין אראפ צו קוקען ווייל זיין פנים זעהן זי וויל

אזא לעכטיג פנים אזוי באקאנט ביי איר זכרונות שווימען ארויף

ווי אלס קליין מיידל זי שפילט זיך אין הויף

און אינמיטן פילט זי א שטארקע קאפ וויי