מעשה גראמען אשכול!

[שלומי אמוני ישראל]

די קאזאקן שוין געווען אויפן וועג ביים טויער פון שטאט ביים שער

די אידן גענומען לויפן ווי דערשראקענע שאף

[msp]

ר' שבתי האט אויפגעוועקט די רביצין און אסתר'קע פון זייער שלאף

און זיי האבען זיך גענומען אנטלויפען אריין אין וואלד

[שלומי אמוני ישראל]

די רביצין געפאלן אין חלשות באלד

אויך אסתר'קע נישט געבליבן אונטערשטעליג

[msp]

קיין זאך קומט נישט צופעליג

ממילא האט דער רב אלץ באהבה מקבל געווען כדין

און אהנגעהויבען דערמינטערען די רביצין

אבער נצחו האראלים את המצוקים

[שלומי אמוני ישראל]

דורך די קאזאקן די מזיקים

איז די רביצין ליידער אומגעקומען

[מאנ-יימער]

זיי האבן איר פון די וועלט אוועקגענומען

און ר' שבתי איז אן אלמן געבליבן

[שלומי אמוני ישראל]

ר' שבתי זיך זיך געזעצט אבילות די טעג די זיבן

דערנאך ווייטער געלאפן זיך באהאלטן

[msp]

מיט אסתר'קע האט ער זיך אוועק געזעצען אונטער א גרויסע בוים אנ'אלטען

און זיך פון דעם געלויפעכץ אביסעל געטוהן אויס רוהען

אבער אסתר'קע האט אהנגעכאפט א פיבער ממש ווי קוילען בריהען

ר' שבתי האט געמוזט גיין זיכען אביסעל וואסער אויף איר צו געבען

[שלומי אמוני ישראל]

כדי אסתר'קע זאל דאס מחלה אדורכלעבן

שפאצירט ער אזוי אין וואלד שטארק אומרוהיג

[msp]

געבעהטען דער באשעפער עפען מיינע אויגען צו טרעפען עפעס אזוי ווי ביי ערליכע אידען איז נהוג

ער טרעפט טאקע עפעס א בריננע מיט וואסער צו טרינקעןצו דערכאפען די נשמה

לויפט גלייך צוריק מיט געפיהלען פון פארלייכטערונג און נחמה

אבער א פחד און א שרעק כאפט אים געוואלד געשריגען....

[שלומי אמוני ישראל]

ער קומט אן דארט ווי אסתר'קע האט געדארפט ליגן

אבער ואיננו ער זעהט איר נישט פאר זיינע אויגן

[msp]

דאס האט אים פון זיין גלייכגעוויכט ארויסגיצויגען

און ער איז אויסגעבראכען אין א ביטער געוויין

הייליגער באשעפער ווי גרויס איז מיין פיין

נישט געקענט אפילו אסתר'קע ברענגען לקבר ישראל....

[מכטי1]

יעדע דריטע ליין

טוט א גראם זיין

[msp]

אבער א איד איז א איד, אשריכם ישראל

בלית ברירה ר' שבתי איז ווייטער געגאנגען און האט זיך מחזק געווען

וואס איז אבער טאקע מיט אסתר'קע געשעהן

מוז מען אביסעל מסביר זיין די פאליטיק פון יענע צייט

[שלומי אמוני ישראל]

ווען קעניגן האבן זיך א יעדע חודש זיך געגעבן א בייט

עס איז געווען א צומישעניש א שטארקע

[msp]

פוילין האט אין יענע צייטען פארמאגט א סאך קרקע

עס האט אויך געוועלטיגט איבער די גרויסע אוקריינא

אבער די פוילישע באציהונג צו די אוקריינערס איז נישט געוועהן קיין פיינע

דערפאר האט כמעלניצקי אהנגעהויבען א בלוטיגע אויפשטאנד

אבער דער פוילישע קעניג האט זיך נישט וויסענדיג געמאכט פון דעם צושטאנד

ער מיט זיין פמליא זענען געגאנגען אין וואלד שיסען חיות...

[msp]

מיט א גרויסע צאהל פערד און הינט ווי עס פאסט פאר א קעניג לויט אלע דעות

אויף איין מאהל הערט מען קולות משונות פון די הינט

זיי דרייען זיך ארום א חלשות געפאלענע אידיש קינד

די פמליא איז צוגעקומען און זייער רחמנות איז געווארען גאר גרויס....

[msp]

דער קעניג אליין בכבודו ובעצמו נעמט אסתר'קע אויף זיין שויס

און רופט דער דאקטער איר צו באטראכטען צו זי וועט נאך לעבען

ער נעמט איר פולס און זאגט יא! אבער מען דארף זיך מיט איר אפגעבען

זענען זיי צוריק צום פאלאץ שנעל געריטטען....

[msp]

עס האט טאקע אויפגעטוהן א שינוי צום גוטען

די דאקטוירים האבען זיך מיט אסתר'קע שטארק אפגעגעבען

און זי איז צוריק געקומען צו א נארמאל לעבען

דער קעניג האט געטראכט וועגען איר אוועק צו שיקען

[שלומי אמוני ישראל]

אבער דעם קעניגס טאכטער (נאמען געהיט אין רעדאקציע) ווי נאר זי האט אסתרקע געטוהן אנקוקן

האט זי זיך צום קעניג געטוהן ביקן

און געבעטן טאטע אדוני המלך

[msp]

דו ווילסט דאך אז איך זאל זיין פרייליך

נעם חלילה נישט אסתר'קע פון מיר אוועק...

[שלומי אמוני ישראל]

און דער קעניג האט גענומען אסתר'ס העק און פעק

און אריינגעלייגט און די פרינצעסנ'ס שטוב

[msp]

און זיי האבען זיך ממש אזוי ווי שוועסטערס געהאט ליב

אסתרקע האט פארלאנגט כשר'ס עסען און געהיט מצוות ווי ווייט זי האט געדענקט

[msp]

פון צייט צו צייט האט זי זיך נאך א ווארעמע אידישע היים געבענקט

אבער די פריינטשאפט פון מאריא די פרינצעסין האט איבער געוואויגען

און אויך האט זי געפיהלט א הכרת הטוב אין אירע אויגען

דער קעיניג האט דאך איר געראטעוועט דאס לעבען

[שלומי אמוני ישראל]

האט זי געפיהלט אז זי מוז זיך פאר זיי אוועקגעבן

און זי איז געבליבן אין קעניג'ס פאלאץ