וואו גייט מען? פארברענגען? און וואס, סתם שרייבן אביסל קארני תגובות? איך דארף מיך אויסגעבן, שרייען אויף די העכסטע טענער, עס זאל פליען קלעפ. אה, פאליטיק!!!
גיימיר אריין אין פאליטיק, און איך הייב אן ריקן תגובות אז עס גייט א רויעך. און אט קומט מען אן צו א נושא מיט וואס איך בין (ליידער) גאר גוט באקאנט, און איינער פארדרייט מיר דעם קאפ מיט קלאמפערשטע "פאקטן." אה, דאס איז א געלעגנהייט. איך הייב אן שרייבן א תגובה, זוכן די פונקטליכע נומערן, ברענגען לינקס, ארבעט אריין א גוטע 20 מינוט, און דרוק פיינעלי דעם "שיק" קנעפל.
שטייצעך אז יענער האט געענטפערט נישט צו דער זאך, און אנדערע האבן זיך אנגענומען, און די שמועס האט זיך געענדיגט.
צומארגנס, קום איך אריין אויפ'ן וועלטל, אין דיסקאווער אז מען האט געמעקט דעם "גאנצן" שמועס!!!!!! ס'מיר גוט, די גאנצע הארעוואניע איז געגאנגען אין מיסט!!! איך קוק נאכאמאל איבער דעם אשכול, און איך באמערק, אז מיין תגובה איז געבליבן!!!
דער אחראי האט צוגעלייגט אזא מעסעדזש:
אמר האחראי: די פאלגנדע תגובה באציהט זיך צו תגובות וואס זענען פארמעקט געווארן צוליב פארדרייען די נושא וכדומה, מיר וואלטן אויך דעם תגובה פארמעקט ווען נישט די יגיעה וואס דער שרייבער האט אריינגעלייגט דערין.
וויל איך זיך דעריבער באדאנקען דא אין די עפנטליכקייט פאר די געטרייע אחראים וואס טראץ די שווערע ארבעט וואס זיי האבן צו פארזיכערן דאס אויסגעהאלטנקייט פונ'ם וועלטל, רעכענען זיי זיך נאך מיט די געפילן און ארבעט פון די שרייבער און טראכטן צוויי מאל פאר'ן אויסמעקן א תגובה כאטש וואס דער גאנצער שמועס אויף וואס עס באציט זיך איז מער ווייניגער פארמעקט געווארן.