אלעס צוזאם - איר פארשטיייט מסתם - בלויז אויפן גראם!

[שמעלקא זאפטיגער]

איך בין אין שאק
אז פון די ווייטע איראק
קומט סאדאם כוסעין אליין
מיט א שטורעם און געוויין
אנאליזירט די מצב הישיבות
ווען ס'יא אדער נישט א מי מריבות...

אבער דער אשכול הייבט אן צו פארפארן
וויל איך דא זאגן מיט א זעץ אויפן טיש א קלארן
דאס איז בלויז צו פארברענגען אויפן גראם
און נישט זיך צו רייסן די קעפ אזוי סתם...

[רביש]

קודם כל איך וויל אויסשרייען הויעך
פאר סאדאם חוסעין א גרויסען יישר כח
אז מ'האט דיין קול אויך אין דעם פארום געטון הערן
איך וויל דיר אויף דעם באעערן
אבער איך וויל דיר זאגן סאדאם חוסעין
אז אזא זאך זאל שוין נישט געשען
אז מ'זאל אריינקומען אינמיטן א שמועס
און אריינשטעקן א פיס
איינער האט סך הכל דערמאנט א ווארט נישט מיינענדיג
האט סאדאם אנגעהויבען בארעדן אזוי וויינענדיג
און אויך דארפסטו געדענקן די תקנות
אז אן גראמען וועט מען נישט האבן קיין רחמנות
און מ'וועט בשום אופן נישט אריינלאזן
אפילו די ביסט מיין ברידער אדער קאזין

און צו דיר זאפטיגער
ביסט דאך גאנץ א קלוגער
וויל איך זאלסטו פארשטיין
אז ס'וועט גארנישט זיין
אז מ'וועט א שמועס ציען
און אפילו ס'וועט דא זיין אומרוען
ווייל אזוי שמועסן און געבן חיזוק
איז טאקע א מוראדיגע זאך רוזיג
אבער צו ציען פון דעם לאנג
טוט מיר זייער באנג
אייך צו זאגן
אז אנדערע אשכולות וועט אונז נאכיאגן
און אונזער טייערע אשכול
וועט ליגן אין בעיסמענט אזוי שיין און וואויל
אשר על כן אזוי ווי גערעדט אנהייב פארום
קען זיך יעדער אנהייבן מיט א שמועס זייער ווארעם
און איך מיין מיין מען זאל זיך אנהייבן רוקן
אין דער הייליגע יו"ט חנוכה'ן
און אוזער הארץ מיט א גוט ווארט דערקוויקן

[שמעלקא זאפטיגער]

זאגן דא פאר רבי'ש איך מוז עס
כ'בין נתפעל פון די שיעור אויף ספרי חסידות
אזעלכע שיינע רייכע נקודות!

זיי אונז ווייטער מהנה
מיט די שיינע תגובות דיינע!

און צו דיר הער סאדאם כוסעין
כ'וויל דיר זאגן פשוט און פלעין
כ'האב דיין תגובה געזען
און ס'איז ליידער אזוי געשען

כ'האב דיר אונטערגעריסן
אבער אין מיין געוויסן
וויל איך דו זאלסט וויסן
כ'בין אינגאנצן צוריסן

דאס מאל זיי מיר מוחל און טו מיר פארגעבן
אין דעם טו איך יעצט שטרעבן!

[סאדאם חוסעין]

קודם כל איך וויל אויסשרייען הויעך
פאר סאדאם חוסעין א גרויסען יישר כח
אז מ'האט דיין קול אויך אין דעם פארום געטון הערן
איך וויל דיר אויף דעם באעערן
באמת פאר מיר א כבוד
רביש זאגט אז איך קען בלייבן אינעם אשכול לבוד
אבער איך וויל דיר זאגן סאדאם חוסעין
אז אזא זאך זאל שוין נישט געשען
אז מ'זאל אריינקומען אינמיטן א שמועס
און אריינשטעקן א פיס
אזוי האט מען זיך אין איראק געפירט
און קיינער זאל נישט חושד זיין אז איך האב מיר פון דעם אוועק גערירט
איינער האט סך הכל דערמאנט א ווארט נישט מיינענדיג
האט סאדאם אנגעהויבען בארעדן אזוי וויינענדיג
געזוכט א ווארט אויף וואס א תגובה צו שיסען
און פון דעי אשכול טוען מיט יעדעם צוזאמען גענוסען
און אויך דארפסטו געדענקן די תקנות
אז אן גראמען וועט מען נישט האבן קיין רחמנות
און מ'וועט בשום אופן נישט אריינלאזן
אפילו די ביסט מיין ברידער אדער קאזין
ביטע מיר קלאר אנווייזען
און וועלכע תגובה איך האב געטוען גרייזן
און אן גראמען געטון שרייבן
און איך וועל עס פון דא טוען ארויס טרייבן
און אויב איז עס נישט פארהאן
פארוואס שרייבן זאכן בלי טעם?

[רביש]

רבותי חנוכה איז נאך אזוי ווייט
איך מיין אין כסליו איז דאך דא י"ט
דער יום החסידות אזוי באוויסט
מ'טאר עס נישט סתם ווארפן אין מיסט
רבותי כאפטס אריין פאר די מצב ווערט נתהפכה
ווייל כ"א כסליו גייט שוין ווערן נשתכחה
איז לאמיר אריינכאפן היינט נאכט אין מארגן
אפאר מינוט פון אייער צייט בארגן
אי"ה אין די קומעדיגע פיר און צוואנציג שעה
גייט מען ממשיך זיין אין די שיעור מאור עינים דא

[סאדאם חוסעין]

זאגן דא פאר רבי'ש איך מוז עס
כ'בין נתפעל פון די שיעור אויף ספרי חסידות
אזעלכע שיינע רייכע נקודות!

זיי אונז ווייטער מהנה
מיט די שיינע תגובות דיינע!

און צו דיר הער סאדאם כוסעין
כ'וויל דיר זאגן פשוט און פלעין
כ'האב דיין תגובה געזען
און ס'איז ליידער אזוי געשען

כ'האב דיר אונטערגעריסן
אבער אין מיין געוויסן
וויל איך דו זאלסט וויסן
כ'בין אינגאנצן צוריסן

דאס מאל זיי מיר מוחל און טו מיר פארגעבן
אין דעם טו איך יעצט שטרעבן!

הלואי אלע מיינע שונאים מיר אזוי אינטעררייסן
ווען דעס זאל ווען הייסן מיר געטון אריינשמייסן
אוי וואלט דאן גוט געווען
אבער קוק וואס דא איז געשעהן
אז איך האב געכאפט א קלאפ אין רוקען פון מיין פריינד
און ער מיינט אז עס איז מיר א שאנד
ח"ו צו טראכטען אזוי
איך בין נישט אזוי האקל ווי בלויזע שטרוי

[רביש]

און וואס איז פשט פון מאכן כאילו מען איז אין א באר?

האסט טאקע נאר געפרעגט א שאלה
אבער האסט געמאכט די תקנות קליא
איך האף אז די פארשטייסט
און זיין וואויל די גייסט

[סאדאם חוסעין]

און וואס איז פשט פון מאכן כאילו מען איז אין א באר?

האסט טאקע נאר געפרעגט א שאלה
אבער האסט געמאכט די תקנות קליא
איך האף אז די פארשטייסט
און זיין וואויל די גייסט

שכוח פארן אויפמערקזאם מאכן
איך האף אז עס וועט נישט געשען מער אעלכע זאכן
געוואלט ביי מיילעך קאהן'ס אשכול שרייבן
איך וועל עס שנעל אהין אריינטרייבן

[רביש]

יעצט כאפ איך דערפאר
נישט פארשטאנען וואס מיינסטו א באר
יא יא מיילעך מיט זיין גאנצע קווייער
זענען געפערלעך עד אין לשער

[eller]

א געשמאק צו כאפן דא א בליק
אזאלעכע געלונגענע ניק
שרייבען זיך אהין אין צוריק
אבער אלעס אזאלעכע געלונגענע שטיק
איך וואלט געקענט באשטיין צו דיין דא אינדערמיט
אין אזא שמועס מיט אזא אפעטיט
עס פארט דאך אזוי גיט
אבער כ'בין עפעס נישט דא אויף די מינוט
כ'וועל ענק זאגען אפען אין גראד
ס'איז ממש א שאד
אבער צו גראמען בין כ'נישט יעצט אין די מאד
ווייל ס'איז זייער יומיט דא אין שטאט
כ'וועל איך וויל מיך נישט האלטן קיוט
אין דעמאלס זיין מיוט
אבער ס'איז א נחת צו שטיין אין די זאט
אין צוקוקען פון דערווייט
ווי די גאנצעעולם צוזאמען
איז היינט יא אין די ראמען
אין שטעלן אהער מיט מלא טאמען
הערליכע גראמען

[שמעלקא זאפטיגער]

עללער,
קום ביטע אפטער אהער

ווען דו ביסט נישט אין די גוסטע
אזעלכע גראמען שרייבן טוסטו

וואס זאלן מיר קלערן
וואס קומט ווען אין די מאד וועסטו יא ווערן?!

[רביש]

יא יא עללער מאך דיר נישט אזא עניו
יעדער ווייסט ידוע לרוב
אז די יסט א מוכשר בכל
ספעצעיל אין דעם אשכול

[eller]

יא יא איך זאג ענק דער אמת אפען
אז היינט האט מיר די מאד נישט גיט געטראפען
לאמער נאר האפן
אז אזוי ווי ס'איז געקומען אזוי זאל עס האבן אנטלאפן

[טריסקער]

אוי בינעך מיד
ווי א איד
ביים גמרא אפן
אינגאנצן פארשלאפן
קיין כח ניט
יעדע ליאדע מינוט
דרימל איך איין
אינעם עולם החלומות אריין

ווי קאן מען גראמען
די אויגן קלעבן צוזאמען
די קאפ נישט קלאר
פארנעפלט ביז גאר

ס'וויל זיך אבער שרייען
און זיך פרייען
אין אזא מאמענט
מיטן פעדער אין די הענט

אז דא איך בין
יא כ'בין דערין
אין דעם לויטערן ארט
אינעם 'אייוועלט' פארט

מיט אזוינע פריינט
כ'שטרעק אויס מיין האנט
מיט א דאנק פאר אייך אלע
ולכה כולכם לקראת הכלה...

[נודה לך]

וואס דא גייט נישט פאר...
וואס איך ווער נישט אלס געוואר

צום ערשטענס צום באגריסן
למע"כ "רביש" לאז איך וויסן

די נייע אוועטער שטייט אייך זייער גוט
עס האט א בחנ'טע אידישע שניט

אצינד וועל מיר דארפן איבערליינען רואיגערהייט
די פרישע תגובות וואס מהאט פארפאסט די לעצטע שטיק צייט

עס האט זיך פארמערט שנעלער ווי געראכטן
אזויפיל תגובות אינעם אשכול ארויפגעפלאכטן

זעהט אויס זייער אינטערעסאנט
יעדע תגובה פאר זיך, יעדער מיט זיין טאלאנט

עס איז פון די געשמאשסטע אשכולות
שטילערהייט אנע קולות

אפילו מיט מיינונגס פארשידענהייטן
טוט מען נישט אראפרייסן א צווייטן

האלטס אהן, נאר אזוי!!
כ"א ב'ניק'ו הטוב יבורך, כה לחי!!

[eller]

עללער,
קום ביטע אפטער אהער

ווען דו ביסט נישט אין די גוסטע
אזעלכע גראמען שרייבן טוסטו

וואס זאלן מיר קלערן
וואס קומט ווען אין די מאד וועסטו יא ווערן?!

יא יא עללער מאך דיר נישט אזא עניו
יעדער ווייסט ידוע לרוב
אז די יסט א מוכשר בכל
ספעצעיל אין דעם אשכול

א קאמפלימענט קען איך ניצן אין א שוואכע טאג אויך
נישט נאר כ'קען נאר איך ברויך
כ'וועל עס עסן ווי פרישע הייסע יוך
ענקערע ווערטער זענען זייער טייער
געבסט נאך עטץ מאכטס מיר א מענטש א נייער
ווער ס'קען אויך זאל זיך ביטע זיין צושטייער

[טשאלענט]

איך קוק און איך קען נישט גלייבן
עללער בעט, און די עולם טוט שטיל בלייבן
פאר אים א קאמפלימענט
זיינע תגובות אויף אייוועלט מדערקענט
יעדע ווארט מיט אזא חן
ממש ווי א פערל שטיין
ווער רעדט נאך פון זיינע גראמען
סהאט דאך ממש אלע טעמ'ן
טו דיר נישט אונטער שאצן
ווייל דאן קענען מיר אלע פלאצן
נעם דיין פעדער אין האנט
און באווייז אונז דיין טאלאנט!!!

[eller]

איך קוק און איך קען נישט גלייבן
עללער בעט, און די עולם טוט שטיל בלייבן
פאר אים א קאמפלימענט
זיינע תגובות אויף אייוועלט מדערקענט
יעדע ווארט מיט אזא חן
ממש ווי א פערל שטיין
ווער רעדט נאך פון זיינע גראמען
סהאט דאך ממש אלע טעמ'ן
טו דיר נישט אונטער שאצן
ווייל דאן קענען מיר אלע פלאצן
נעם דיין פעדער אין האנט
און באווייז אונז דיין טאלאנט!!!

טשולענט איך דארף דיר באמת באדאנקען פון הארצען טיפן
האסט מיר ממש מחי' געווען נאכן הערן מיינע ריפן
כ'בין נישט דא געווען עפעס אזוי בגילופין
איך האב גראדע געבעטן הייסע פרישע יוך
אבער בדיעבד איז זונטיג טשולענט גיט אויך
איך וויל דיר באמת דא געבן א שכח
נאך דעם וואס כ'בין נישט געווען אין די מאד נעכטען
ס'איז געווען אביסל א מצב א געדעכטען
האסטו מיר ממש געטוען אויפרעכטען
דארפסט פארשטיין ס'איז געווען זונטיג אין פארוואלקענט צו דער זייט
האב איך צו גראמען נישט קיין געדולט געהאט
ס'איז נישט געווען קיין גיטע צייט
אבער צו בלייבן שטיל האט דאך אויך נישט קיין פשט
נאך דערצו צו אזאלעכע זאפטיגע שמוסעריי פון ישיבות
די נושא האט א פערזענליכע חשובות
די "גאלדענע בחורישע יארן " ווי אזוי איך ריף עס
מיט די משגיחים זיך קיינמאל נישט פארטראגען
זיך אייביג געטראפען מיט וואס זיך צושלאגען
ווי איך בין געגאנגען האבן זיי מיר געטוען נאך יאגען
פארשטייט זיך אז כ'בין קיינמאל נישט געווען שילדיג כ'דארף אייך נישט זאגען
און ווער רעדט נאך ווען ס'איז געקומען צום צוגרעטל
יעדן טאג געהאט די זעלבע פשעטל
אז כ'פארשטיי נישט וויאזוי מ'קען אנדעם זיך זעצן צום גמרא בלעטל !

אבער לאמיר אייך אויסקלארן
אז צו באשרייבן אלעס וואס כ'האב נאך אין זכרון
פון די בחורישע יארן
וועט צו לאנג צו געדארען
טא לאמיר אנדערש צייט אין טינט שפארן
און עס לאזן אזוי ווייטער פארן

[רביש]

די לעצטע שטיק צייט כמעט נישטא געווען
די גראמען פארום כמעט נישט געזען
איי וועט עטס פרעגן וואס איז געשען
וועל איך אייך מסביר זיין
איך מיין איר וועט מיר פארשטיין
איך האב געוואלט גיין אויף א רעסט
און איך האב זיך דערמאנט פונעם גרויסען פארמעסט
אוי וואס זאל איך ענק זאגן
איך האב מיר געדארפט אביסל אינטער יאגן
און איך גיי אייך מסביר זיין די סיבה
ווייל הזמן קצר והמלאכה מרובה
איך וויל נאך אינעם פארמעסט זיך אריינשטעלן
אזוי וועט דער גאנצער עוילעם קוועלן
ס'נישט קיין גרינגער פאך
די שרייבעריי דארף דאך זיין רייך
איך האף אז די זעלבע איז מיט אייך

אבער נאך א זאך האט מיר אפגעשטעלט
נישט ביזנעס אין נישט געלט
נאר יט כסליו איז דאך א גרויס טאג
האב איך גענומען די מיה אין פלאג
גענומען שרייבן אין מאור עינים
אין ביזדערווייל געטרינקען לחיים
איך וויל טאקע הערן צו דער עוילעם האלט מיט
אדער א שיעור אין מאו"ע איז א פלאן נישט צו גוט
אדער זאגט עטס אז ס'האט א שטארקען ערך
און איך זאל ממשיך זיין אין מיין דרך
אדער זאגט עטס מיר קלאר אין פנים
אז עס איז צו הויעכע ענינים
איך ווארט צו הערן אייער קאמענטארן
צו איז עס גוט אדער א חסרון
פאר ווער ס'וויסט נישט בכלל וואס איך רעד
קען קוקען און צו עדי ראי' זיין א עד

[eller]

מען קען זיך האקן קאפ אין אלע פיר ווענט
אבער טראמפ גייט זיין אונזער פרעזידענט
ס'איז געקומען צו הייבן הענט....
לאמיר נאר זיין אפען
אין מתפלל זיין און בעטן און האפן
אז ער זאל זיין גיט פאר די אידן
און מאכן די וועלט מער זיכערער און צופרידען
לאמיר אים טאקע ווינטשען אסאך הצלחה
זאלסט קענען פירען די לאנד מיט מזל און ברכה
און מיט אלע ברכות וואס נאר מ'קען
MAKE AMERICA GREAT AGAIN !!!

[נודה לך]

רבי'ש איך זאג אייך קורץ אין שארף און קלאר
די שיעור מאו"ע איז ממש להפליא ביז גאר
ביטע ח"ו נישט קלערן פון אפשטעלן
און דיינע רייכע שיעורים זאלן זיך מערן און קוועלן
הנאה האבן אוודאי בעזהשי"ת מיר וועלן

[פטיש]

נודה גם אני מצטרף
רביש ס'דיר אסור לסרב
די עולם שפיצט אויס די אויער
צו הערן ווי ס'עפנט זיך שוין די טויער
און רביש בכבודו ובעצמו איז ענדליך ערשינען
זאל די אייבישטער העלפן די שיעורים זאלן זיך ווייטער שפינען

[שמעלקא זאפטיגער]

כיהודא ועוד לקרא
שטעל איך ארויס מיין תגובה דא
מיר אלע האבן גרויס נחת
פון רבישע שיעורים אחת ואחת
מיר קוקן ארויס אויף נאך מוסיף והולך
און רופן אויס, רביש, כה לך!

[רביש]

בעצם צו שרייבן ווייטער סרבתי
אבער נאכן הערן פון נודה פטיש און זאפטי
מיין איך אז עס איז יא טאקע כדי
ממשיך צו זיין מיט די שיעורים געטריי
ווייל איך האב געטראכט אז היינט ליידער
ווען מ'הערט א יוד זאגט א חסידיש ווארט זאגט מען אים גיי דיר
ווייל ליידער די וועלט איז פיסט אין לער
און דברי הבל פארמערט זיך מער און מער
און נשתכחה תורת הבעש"ט ווערט מער און מער ריכטיג
ווייל אין די וועלט איז ליידר חסידות נישט וויכטיג
אבער דא אוי די אמת'ע ידישע וועלט
אזא רביש קינד האט זי אויפגעשטעלט
און געזאגט מי לד' אלי
און מ'הערט נאך חיזוק פון זיי
מיז איך אייך זאגן איך בין מלא התפעלות
אידישע ועלט פאורום האט אלע מעלות!!!

[רביש]

יעצט געהערט פון א חבר אין אישי
זאגט ער מיר אז סאמטינג איז פישי
ער האט געגעבן א בליק
אויף מיין אוועטאר לעבן מיין ניק
און ער האט מיר געקומען זיין מודיע
אז צו האבן אזא גרויסע רבי איך האב די זכיה
ער האט מיר דעררציילט אז דאס איז די רבי פון מאלטא
און ער זאגט אז ס'איז נייעס נישט אלטע
ער פראוועט לעבן איטאליע
און אין ארץ ישראל האט ער חסידים א כוואליע
אוודאי נישט קיין שאלה
די חסידים זענען נאר פרענקן אלע
היות מ'רעדט דא צאם
פון אלעס צוזאם
ווייסט איינער מן הסתם
פון ווי איז זיין אפשטאם
זאל איינער מיר טוען א באגנאדונג
ווייל ווער ער איז האב איך נישט קיין אנונג