אידישע וועלט פארומס

איך ווייס נישט צו איך מעג דא שרייבן דערוועגן.... אפשר דארף מען בכלל נישט שרייבן...
איך שפיר אבער איך מוז מיר ערגעץ אויסגעבן.... עס ציפט צו שטארק מען זאל דאס קענען איגנארירן...
דאס האנט ציטערט... דאס הארץ שיסט בלוט... די מח בלייבט שטיין...
דאס פנים פלאמט פאר בושה... בושנו ונכלמנו להרים ראש...
אוי הייליגע באשעפער ווי קען מען דאס אויסהאלטן?... איז כלל ישראל טאקע האפענונגס'לאז?....
די דאזיגע צרה איז שוין למעלה מכוחותינו... וויי פאר אונז אז מיר האבן דאס דערלעבט...
שרעקעדיג שרעקעדיג... ערגער פון אלעם ערגסטן... נידעריגער פון נידעריג... צו האלט עס טאקע דארט??...
צו האט זיך דאס דען אמאל געגלייבט אין ווילדסטן חלום... איז אונזער דור אזא דור השפל אז מיר מוזן דאס צוזעהן?...
אוי ווידער אמאל.... א טייערע אידישע נשמה.... אויף אזא שאנדפולע אופן.... היינו ללעג ולקלס...
טאטע אין הימעל? געוואאאאאאאאאאאאאאאללללללללללללללדדד!!!!!! האם תמה זכות אבות ח"ו????....
ווי קען מען בכלל צו גיין צום יום הדין אויף אזא מצב?... ווי קען מען אויפהייבן די קאפ.... פון ווי נעמט מען די כוחות צו עפענן דאס מויל?...
באלו פנים נשפוך שיח?.. מיר ווילן זיך ענדערש פארשטעקן בין תנור לכריים...
הייליגע טאטע, דו מוזט אונז צוזאגן אז ס'איז נאר אן איבערגאנג. אנדערש איז דאס נישט צום אויסהאלטן....
ס'איז שוין צופיל צו פארנעמען.... עס איז נישט פאר אונזער כוחות דאס צוצוקוקן....
אידישע קינדער מאכן שוין גענוג מיט... מיר זענען שוין צוקלאפט און צוביילט... אבער דאס שטייגט שוין איבער אלעם....
אל תחטאו בילד האט יוסף געזאגט... אלעס ביז אונזער קינדער.... דאס המשך פון כלל ישראל.... מיר דארפן יעדן איינציגע פון זיי...
רבונו של עולם האב שוין רחמנות אויף אונז.... מי יודע מה יולד יום... אין לך יום שאין קללתו מרובה מחברתה... במלא מובן המלה...
עס האלט שוין ביי והפלא ה' את מכותך... אשר לא שערום אבותיכם... ווער איז דען פארזיכערט.. ווער האט א גאראנטי...
גאטעניו... למה יאמרו מצרים איה נא אלוקיהם... זיי שוין מקיים דעם השבת אבידה מיטן גרויסן והשיב לב...
מיר האלטן שוין ביי כלות... מיר קענען פשוט נישט מער...!!

געפילעש און הארציג

יוש צונעמטעס

אוטש

ס'הארץ בלויטיגט, דער נושא איז ליידער זייער אנגעווייטאגט, זייער ווייטאגליך, ליידער איז אזוי געווען פאר די קריג ווען זכות אבות האט ווייניג געהאלפן, עכ"פ אזוי האט אויסגעזעהן.

מיר ווייסן אבער אז כי לא יטש ה' עמו ונחלתו לא יעזוב, מיר האבן א גרויסע באשעפער, ווי טיפער דער מצב איז אלץ מער וועט לעכטיג ווערן, יעדע הערליכע בלום דארף קודם האבן א העדר, ווי שטערקער די העדר אלץ שענער און בעסער וועט זיין דער בליה און וואוקס דערפון.

ס'איז נאר א הסתר פנים, האט אונז דער רבוש"ע געשיקט א מעסעדזש, ואפי' בהסתרה שבתוך הסתרה, כ'זאג אז פאר דעם זינגט נישט דער ר' יואל קליין די גענויע ווערטער פון הרה"ק רבי נחמן זי"ע ווייל דאס איז נישט "אבער דער רבי זאגט" דער באשעפער זאגט, דער אייבערשטער לאזט אונז קיינמאל נישט אליין, ואפילו ס'זעהט אויס אזוי ביטער דער מצב, וועט מען נאך איין טאג זעהן אז אלעס איז לטובה, שם אצמיח קרן לדוד ערכתי נר למשיחי, ס'וועט איין טאג נתגלה ווערן לעין כל אז אלעס איז בלויז ריינע חסדים.

נאר איין זאך, מ'טאר נישט קוקן אויף אלעס וואס פארט ארום, דארט איז דא ראיות אסורות און מ'הערט דברים אסורים, מ'דארף אוועקשטיין פון די סארט זאכן, ס'ברענגט נאר צו עצבות רח"ל.

א גוט געבענטשט יאר.

אוי וויי ס'רייסט.

אזש ביז טרערן

פרשת לך לך... מבית אביך... אוי ס'רייסט שטיקער פון כלל ישראל

טאטע העלף!

איך מעג זאגען אז איך האב נישט קיין אנונג וואס דא גייט פאר. איינער קען מסביר זיין?

לכאורה זאג שנעל וואס דא גייט פאר, ס'האר איז אויפגעשטעלט.

מטעמים האט געשריבן:איך מעג זאגען אז איך האב נישט קיין אנונג וואס דא גייט פאר. איינער קען מסביר זיין?

נשמה האט געשריבן:לכאורה זאג שנעל וואס דא גייט פאר, ס'האר איז אויפגעשטעלט.

לאזט אפ ביטע, ס'איז נישט אלעמאל גוט ווען מ'ווייסט

גלייב מיר אז איך האב קיין מושג וואס פ' לך לך האט אינזין געהאט ביים שרייבן, אבער כדרך פאעזיע וואס קען פארטייטשט ווערן בכמה אנפין, האב איך פארשטאנען אין דעם די מכה אשר לא כתובה בתורה אז קינדער פון היימישע שטובער פארלאזן דעם טאטענס שטוב און גייען פאשן אין פרעמדע פעלדער.

פליז... זאג מיך.

כ'גיי אויס פאר נייגער.

לכאורה, האסט מיך צוהאקט.

יא יא, לכאורה האסט עס גענאגעלט, די זאך איז נאר פון וואס מ'רעדט, ער איז דאך מרומר אינעם פסוק והפלה ה' את מכותך.

לך לך שוין קום אהער. זאג וואסע גייט פאר.

דער נאמען "לך לך" רעדט פאר זיך, וואס דארף מען פייניגען אויסצוזאגען פונקטליך די ערשטע און לעצטע נאמען