***שערוריה אין וויליאמסבורג***
פארעפענטליכט: מיטוואך ספטמבר 10, 2014 12:07 pm
טייערע ברודער תושבי אייוועלט,
איר קענט מיר שוין געניג לאנג (אויב נישט קוקט בעסער אויפ'ן בילד ביז איר דערקענט מיר) און איר ווייסט אז אין חודש אלול מאך איך נישט קיין לצנות, כ'שרייב נישט סתם אזוי שערוריה'ס אויף שערוריה'ס, ס'טוט מיר נאר וויי אז ס'איז א שרעק!
שטייט א צובראכענער אינגערמאן אין איינע פון די קלענערע בתי מדרשים אין וומסב"ג, ס'איז שוין שפעט אויפדערנאכט, ער איז דער איינציגער אין ביהמ"ד, ער גייט צו צום שאנק וואו עס ליגן די שו"ע'ס, די גרויסע אלטע הלכות שבת בענדער, ער וויל ארויסנעמען א שו"ע און זיך לייגן אריבער דעם אבער ואיננו, עפעס א "גוטער" מענטש האט באשלאסן אז דער ביהמ"ד קען נישט זיין אזוי "אלד פעשאנד" און ער האט באשלאסן צו קויפן נייע שו"ע, שענערע בענדער אין א קלענערע פארמאט.
דער אינגערמאן שטייט פארקלעמט, אוי וויי, וואס וועט דא מיט מיר זיין? וועלעך טאקע דארפן מופען אויף בלומינבערג, איבערלאזן דעם באליבטן שטאט וומסב"ג (חן מקום על יושביו)? ער איז ממש פארקלעמט!
הערט און שטוינט, ס'איז נישט קיין לצנות, דער אינגערמאן איז מיר א נאנטער קרוב (כ'וועל קיינעם נישט איינרעדען אז איך בין עס געווען) און ער האט דאס מיר כמ"פ דערציילט. ער וואוינט אין א הערליכע לופטיגע לעכל וואס איז געניג גרויס צו לייגן דערין אפאר בעטן און בענקליך, די פראבלעם איז אז ער האט נישט געניג פלאץ צו לייגן שלאפן זיינע לעכטיגע קינדערליך, לייגט ער יעדע נאכט שלאפן זיינע קינדער אויף זיין בעט און ווען ער קומט אהיים שפעט ביינאכט און זיי שלאפן לייגט מען זיי אויף א געלעגער (נד"נ) וואס מ'מאכט אין האלוועי אדער וואו ס'יאז דא פלאץ.
די פראבלעם איז וואס רופט זיך אין אמעריקא growth pain, זיין גרויסער איז גרויס געווארן און גייט שוין שלאפן שפעט. אויך קען ער נישט אזוי שנעל איינשלאפן, וואס טוט מען דא? פלאץ וואו צו זיצן אין הויז ביז דער גרויסער אינגעל שלאפט איין איז נישטא, א קאוטש מאן דכר שמיה. ביז ער האט זיך אן עצה געגעבן, ער גייט אריין אין יענע ביהמ"ד יעדע נאכט, נעמט ארויס די אלטע הלכות שבת שו"ע און עפענעט עס פונקט און דערמיט און ביז אפאר מינוט שוועבט ער אין העכערע ספערן...
(ער זאגט מיר אמאל: א שאד אז כ'האב נישט קיין פלאץ צו לייגן אויפ'ן טיש אפאר אזאליכע, מיינע קינדער וואלטן פיין געשלאפן דערויף...)
למעשה האט דער וואס מיינט אז ער פארשטייט אז מ'דארף האבן נייע ספרים אין ביהמ"ד אים גוט געפיקסט, נישטא מער די גרויסע שו"ע'ס און ער וועט זיך מוזן איינגעוואוינען צו שלאפן אויף עפעס א דינטשיק גמרא, אפשר א בבא בתרא גמרא וועט זיין עטוואס בעסער ווי גארנישט, אבער קען מען עס דען צוגלייכן צו די אמאליגע אלטע גרויסע שו"ע???
טייערע אידן: דער אינגערמאן איז באמת אויף צרות, ער איז א נארמאלע מענטש ווי אלע מענטשן, און ער זאגט מיר: נאך צענדליגע אדער הונדערטער דרייען זיך ארום יעדע נאכט אויף די גאסן, נישט יעדער גייט אריין אין ביהמ"ד שלאפן, אסאך גייען ארום ליידיג רח"ל אויף די גאסן.
מ'דארף עפעס זעהן צו טוען, מ'דארף זיך אויפהייבן אין זיך אוועקציען פונעם טייערן ברוקלין, קענען מיר דען אלע דריווען א לעקסוס?
און ווער עס האט א השפעה זאל אנרופן דעם גבאי אין יענעם שוהל און בעטן ער זאל צוריקלייגן די אלטע שו"ע, כאטש אויף די אונטערשטע שעלף אז די וואס קענען נישט שלאפן אין שטוב זאלן האבן וואו זיך ארונטערצולייגן דעם קאפ!
העלפט ביטע!
(דיסקלעימער: די שערוריה דא האט גארנישט מיט שערוריה אין מאנסי, יענס וועט בעז"ה ווערן אסאך שנעלער מסדור כפי הנראה, די דאזיגע זעהט אויס ווי א לענגערע פארווייטאגטע מעשה)
איר קענט מיר שוין געניג לאנג (אויב נישט קוקט בעסער אויפ'ן בילד ביז איר דערקענט מיר) און איר ווייסט אז אין חודש אלול מאך איך נישט קיין לצנות, כ'שרייב נישט סתם אזוי שערוריה'ס אויף שערוריה'ס, ס'טוט מיר נאר וויי אז ס'איז א שרעק!
שטייט א צובראכענער אינגערמאן אין איינע פון די קלענערע בתי מדרשים אין וומסב"ג, ס'איז שוין שפעט אויפדערנאכט, ער איז דער איינציגער אין ביהמ"ד, ער גייט צו צום שאנק וואו עס ליגן די שו"ע'ס, די גרויסע אלטע הלכות שבת בענדער, ער וויל ארויסנעמען א שו"ע און זיך לייגן אריבער דעם אבער ואיננו, עפעס א "גוטער" מענטש האט באשלאסן אז דער ביהמ"ד קען נישט זיין אזוי "אלד פעשאנד" און ער האט באשלאסן צו קויפן נייע שו"ע, שענערע בענדער אין א קלענערע פארמאט.
דער אינגערמאן שטייט פארקלעמט, אוי וויי, וואס וועט דא מיט מיר זיין? וועלעך טאקע דארפן מופען אויף בלומינבערג, איבערלאזן דעם באליבטן שטאט וומסב"ג (חן מקום על יושביו)? ער איז ממש פארקלעמט!
הערט און שטוינט, ס'איז נישט קיין לצנות, דער אינגערמאן איז מיר א נאנטער קרוב (כ'וועל קיינעם נישט איינרעדען אז איך בין עס געווען) און ער האט דאס מיר כמ"פ דערציילט. ער וואוינט אין א הערליכע לופטיגע לעכל וואס איז געניג גרויס צו לייגן דערין אפאר בעטן און בענקליך, די פראבלעם איז אז ער האט נישט געניג פלאץ צו לייגן שלאפן זיינע לעכטיגע קינדערליך, לייגט ער יעדע נאכט שלאפן זיינע קינדער אויף זיין בעט און ווען ער קומט אהיים שפעט ביינאכט און זיי שלאפן לייגט מען זיי אויף א געלעגער (נד"נ) וואס מ'מאכט אין האלוועי אדער וואו ס'יאז דא פלאץ.
די פראבלעם איז וואס רופט זיך אין אמעריקא growth pain, זיין גרויסער איז גרויס געווארן און גייט שוין שלאפן שפעט. אויך קען ער נישט אזוי שנעל איינשלאפן, וואס טוט מען דא? פלאץ וואו צו זיצן אין הויז ביז דער גרויסער אינגעל שלאפט איין איז נישטא, א קאוטש מאן דכר שמיה. ביז ער האט זיך אן עצה געגעבן, ער גייט אריין אין יענע ביהמ"ד יעדע נאכט, נעמט ארויס די אלטע הלכות שבת שו"ע און עפענעט עס פונקט און דערמיט און ביז אפאר מינוט שוועבט ער אין העכערע ספערן...
(ער זאגט מיר אמאל: א שאד אז כ'האב נישט קיין פלאץ צו לייגן אויפ'ן טיש אפאר אזאליכע, מיינע קינדער וואלטן פיין געשלאפן דערויף...)
למעשה האט דער וואס מיינט אז ער פארשטייט אז מ'דארף האבן נייע ספרים אין ביהמ"ד אים גוט געפיקסט, נישטא מער די גרויסע שו"ע'ס און ער וועט זיך מוזן איינגעוואוינען צו שלאפן אויף עפעס א דינטשיק גמרא, אפשר א בבא בתרא גמרא וועט זיין עטוואס בעסער ווי גארנישט, אבער קען מען עס דען צוגלייכן צו די אמאליגע אלטע גרויסע שו"ע???
טייערע אידן: דער אינגערמאן איז באמת אויף צרות, ער איז א נארמאלע מענטש ווי אלע מענטשן, און ער זאגט מיר: נאך צענדליגע אדער הונדערטער דרייען זיך ארום יעדע נאכט אויף די גאסן, נישט יעדער גייט אריין אין ביהמ"ד שלאפן, אסאך גייען ארום ליידיג רח"ל אויף די גאסן.
מ'דארף עפעס זעהן צו טוען, מ'דארף זיך אויפהייבן אין זיך אוועקציען פונעם טייערן ברוקלין, קענען מיר דען אלע דריווען א לעקסוס?
און ווער עס האט א השפעה זאל אנרופן דעם גבאי אין יענעם שוהל און בעטן ער זאל צוריקלייגן די אלטע שו"ע, כאטש אויף די אונטערשטע שעלף אז די וואס קענען נישט שלאפן אין שטוב זאלן האבן וואו זיך ארונטערצולייגן דעם קאפ!
העלפט ביטע!
(דיסקלעימער: די שערוריה דא האט גארנישט מיט שערוריה אין מאנסי, יענס וועט בעז"ה ווערן אסאך שנעלער מסדור כפי הנראה, די דאזיגע זעהט אויס ווי א לענגערע פארווייטאגטע מעשה)
