אנעים זמירות האט געשריבן:עס דרוקט מיר שוין א לענגערע צייט און איך וויל פארשטיין. וואס איז פשט פון די אלע 'לאזונגען' (ליין: מליצות), הלמאי רובם ככולם זענען זינלאז און בכלל נישט לאכעדיג. על הראשונים אנו מצטערים אויף די וואס האבען אריינגעווארפען נארישע מליצות אין זייערע ארטיקלען, ואתה בא ומוסיף לזכרון עולם?
איך וויל נישט אנכאפען קיין דוגמאות פון די נארישע ווייל איך וויל נישט קיינעם פערזענליך טשעפען, ווי אויך רבים הם ואי אפשר לפורטם, נאר בלויז ברענגען עטליכע געלונגענע מליצות שמא יזכה יבחין.
זאלוואסער האט געוואלט ארויסברענגען אז ער איז ווי געצווינגען צו שרייבען האט ער זיך באנוצט מיטען מליצה "מה עשה הפן שלא יכתוב". עס איז באזירט אויפען לשון חז"ל מה יעשה הבן שלא יחטא, און עס האט א משמעות.
שמעלקא טויב האט געוואלט ארויסברענגען ווי ער האט גערעדט צו איינעם אבער יענער איז געוועהן פארקאכט אינעם שמועס אויפען סעלפאון (מיטען בלוי-צאהן), האט ער געשריבען "געפאלען אויף בלויע אויערען." עס איז א יודישע מליצה על משקל 'טויבע אויערען' און עס האט א פשט.
משא"כ רוב אנדערע מליצות אין דעם בלאט (און אינעם אשכול) זענען פשוט פארגרייזטע ווערטער אהן קיין שום פשט אדער זין. ווען איך בין געוועהן קליין איז געוועהן פאני צו זאגען 'טשולענט עליכם', אבער ווי לאנג קען מען בלייבען ניין יאר אלט?
אוי האב איך פארפאסט, דער אנעימ'ל האט שוין יאנואר דעם זעכצענטער אראפגעשאסן דא א זאכליכע תגובה, און איך בעניי, האבעס נישטאמאל באמערקט, ומי יבוא אחר קנישעס? ווער קען נאך אנעימ'ל זיך וואגן צו זאגן א ווארט? דערעמעסן אריין, ער וויל באמת קיינעם נישט טשעפען, הלמאי, טשעפן א איד?! חלילה וחוזר, און בעיקר אויך עס איז רבים הם, עס איז מערערע אידן, איז וועט אנעימ'ל אין זיין לעבן נישט טשעפן. קודם איז דאך אין דרכו בקראך, ער קראכט נישט אזוי, ער האט זייער אן איידל שפראך ער צעלאזט נישט די פענע אין די וועלט אריין, א ווארט וואס ווערט ארויסגעגליטשט פון אנעימ'לס קיבאורד, האט אין זיך אן אינטעליגענטע אריסטאקראטישע משמעות, און אויב שוין אמאל א מליצה, איז עס כמתוק מזפת (גוטע מליצה?) ארויסגעברענגט א בחינה פון מה יעשה הפויער שלא יחשוב, וואס זאל דען דער חכם טראכטן? דאס איז לגבי טשעפן.
ווען עס קומט צו למשל זאגן זאכן וואס די צייט אדער דער הכרח איז נישט מגלח, דאן איז שוין אן אנדער מעשה, נעמט אנעים אראפ די ווייסע שלייקעס, און לאזט זיך וואוילגיין אזש עס קומט א רויעך. דאן איז מען שוין נישט קיין ניין יעריגס, נאו נאופס, דאן פירט מען זיך מעשה ערוואקסענער, און מ'זאגט וואס ליגט אין כרס, אן קיין שום צוריקהאלט חלילה. נישט דא קיין אריסטאקראטיע, נישטא קיין דיפלאמאטיע, און אוודאי נישט קיין אינטעליגענץ, דער אמת 'מוז' ארויסקומען יהי' מה שיהי'.
אלזא דאס איז א בילד פון א איד וואס זיינע מדות זענען געוואויגן און געמאסטן, יעדע מדה האט זיך זיין פלאץ, זאכן געשעען נישט אזוי פאצעריש ווי ס'רוב מליצות דא אינעם אשכול. יעדע זאך איז אויסגערעכנט און אויסגע'חשבונ'ט במשקל במיטוואך מיט א לאך אין קאפ.
איז הארך אויס אנעימ'ל, נאכ'ן לייענען דיין היי-סטיל תגובה, בינעך געקומען צו די הכרה, (א שאד איך האבעס נישט געליינט פריערט.) אז אונזער קרעמל איז בכלל נישט דיין פלאץ, מיר טוען רעספעקטירן אייער הויכן שטאנד, מיר זענען אבער דוקא זייער יא צופרידן פון אונזערע נארישע ניין יעריגע דזשאוקס, ווי למשל טשולענט אלייכען, (הי הי הי, כ'לאך אליינס פון די דזשאוק.) און איך מיין אז אסאך הארץ עסענישן וואלט איר זיך געשפארט ווען איר וואלט פארשפארט איי-וועלט אויף אייער אינטערנעט פילטער, און אונז וואלט מיר זיך נישט געשפירט אזוי קליין קלענער פון מורישקעס קעגן אייך.
פון סאכדעס וואס שפירט דיין צער.
