אלעס מיט א חשבון און א פשט

[abimlaibt]

עס איז מיר אויסגעקומען -טראץ מיין פארנומענעם סקעדזשועל- היינט אריינצושפרינגן אינעם רשימת חבירים אפטיילונג, און וואונדער איבער וואונדער איך האב באמערקט אז אלעס (כמעט) האט א פשט און א חשבון, אן קיינע לאנגע בקיצור'ס וועל איך פארשטיין געבן וואס איך מיין,

עס איז דא אן אפטיילונג עס הייסט "מיקום", דהיינו יעדער קען (לולא דמיסתפינא וואלט איך געזאגט מ'דארף) ערגעץ זיין, און רוב מאל כמעט ביי אלע שרייבער האבעך געזעהן אז זיי גייען אריין אין כלל פון המכיר את מקומם, מ'שטיינס צו זאגען אז זייער נאמען האט א שייכות מיט זייער מיקום.

היצטערט כדי צו שפארען צייט פונעם ציבור, וועל איך אראפברענגען א טיילווייזער ליסטע פון די רעכטע זייט פונעם ציבור (פארשטייט אליין עס מיינט ס'גאנצע)

איין צוויי מוקדם ומאוחר ע"פ סדרי

טשעירליפט - צווישן הימל און ערד
קהל'ס נאר - זיצענדיג אויפן טרעפ
בר_חורין - פרייער פויגל
גבאי - נעבן וועם איך דארף באדינען
אלץ-ווייסער - נע ונעד
פריץ - אויפן יאגד
שמייכל - אויף די לעפצען
ריח-ניחוח - אונטער די נאז
סאכדעס - אלעמאל נאנט צו התאחדות
קעכער - אין קאך
התאחדות - אין בעסדין שטיבל
קרעמער - אין די קרעטשמע
גאליציאנער - אין גאליציע
דארפסמאן - אין דארף
לחיים - ביים לקח און ברוינפן טישל
איבערדרייער - אינמיטן א געשלעג
שוועמל - גידולו מן הארץ
מר. פסח - א טריט נאך די חמץ
זשובוי - א פעלפאון מיינט צו זאגען מדינת "ישראל" 'זשו'

ביז אהער איז ממש היינו דאך, דאס נאמען מיטן מיקום,

מכאן ואלך חושבנא, נישט ממש אבער קען האבן פשט, שיין פשט,

יגרסדותא - קאר וואש
האלב טויט - רבש"ע בריאה
קרעזי - צו ס'איז אין מקוה, צו גאר הכנות,א איד בלייבט א איד בכל מקום שהוא,
גרויזאם - הארט נעבן גרויזאמער!!!!!!!!
יא ס'מיך - ווי ס'לאזט זיך
עלי - שיכור פון פרייד
יענטאאש - ערגעצוואו אויף ג-ט'ס וועלטעל
מאשקע - ערגעץ דארט
צייטליך - ערגעץ דא אין די געגנט
ערנסטער - פון יעהופעץ
אבי_געזונט - אלטער מאן אויפן בארג NH
דרך אגב - קופקע
פריעדמאן - נוי יארק
שלום בערגער - ניו יארק
אלבערט - נאך וועקיפעדיע, פאר די קרעטשמע
דו-ריכטיג-5 - קלאב הויז (פארברענג הויז-קרעטשמע)
א אידעלע - דרייט זיך אינמיטן וועג
קנישעס - אצל הפרה זקן (קי-בארד בלע"ז)
בן הרחמן - אויפן רעקליינער
גרויזאמער - אויף די באלעמער שטיגן
שמערל - ביהמ"ד
יאנאש - אין אפיס ביי די גמרא
איך הער - אין אפיס
ירא שמים - אין די מדבר
3X0 - ביים קאמפיוטער
יענטאשס_בחורל - ביי טאטיס קאמפיוטער

בכלל נישט קיין פשט

בין_לאדין - ווילאמסבורג
אבימלעיבט - נישט קיין נפק"מ איך זיך ממילא א נייע ס'פלאץ
לחיים ולברכה - היד על העכבר

זאלט איר אלע אויפ יעדן פלאץ ווי איר זענט נאר, האבן וואגאנען מיט הצלחה.
פאר די וואס האבען נאכנישט קיין פלאץ קענען נאך נעמען א פלאץ ווי עס איז נאך דא א ליידיגע. און האלטן איינס פאר די שותף זיינע אויך.

[מאשקע]

אבי מ'לעבט
מיקום: אין דאמינא צוקער פעקטארי...

[יגרסהדותא]

זייער גוט, פאסט פאר איך הער קער צונעמען פון אזעלכע זאכן.

ביי מיר, איז דער קאש וואש געווען די זאך וואס איך פלעג טון אין קרעטשמע, ביז איך האב מיך גענומען צו שרייבן ארטיקלן..

[abimlaibt]

נאך א אנטערסאנטע זאך האבעך געזעין, אז די מערסטע שרייבער וואס טראגען דעם זעלבן סכום תגובות איז, 4 תגובות ביי 10 מעמבערס.

[מאשקע]

יגר, אפשר גייסטו טאקע צוריק צו דיין אלטע דזשאב?



נעה, איך קינדל בלויז.

[קרעמער]

אבי;

אויב דאס איז שוין ווען דו ביסט פארנומען... שוין, כ'וויל נישט טראכטן ווייטער (ס'גייט אריין בגדר מה לפנים ומה לאחור)

ס'מערסטע איז מיר געפאלן: טיילווייזע ליסטע פון די רעכטע זייט פון ציבור..

[איך_הער]

סי געבליבן ביני לבין אבי, אז א סעקרעטאר באלאנגט פעסט אין אפיס.

און ווי אויך אז שוועמל'ס שטומט נישט, ווייל מיקום איז נישט טייטש פון וואו מ'קומט, נאר ווי מ'איז, ודו"ק.

[סאכדעס]

אבי וואס זאל איך דיר זאגן??? דו ביסט גוט.

[abimlaibt]

דו ביסט דאך ביזי? אוי איך האב שיעור פארגעסן , איך בין דאך אויך געווען.

[ר' דן]

ארויף