נישט ערלויבט צו שרייבן דא נאר מיט גראמען

[אלטער]

מיינע געפילן זענען עד אין לשער
ווען איך ווער שוין א העכערע שר
שוין פארברענגט דא א וויילע
וואס איז ממש לעילא ולעילא
שמיסן געשמאק
ידיעות א פאק
יעדער ניק וואס ער דא שטעלט
פארקויפט א וועלט
פון יעדן מקען אביסל נאשן
מיט ידיעות זיך פילן די טאשן

ס'וואלט זיך געפאדערט אן אשכול מער בעריכות
און אזוי דא פטרן טו-איך-עס?
אבער כדי דאס זיך צוזאם קלויבן
טוט דער צייט דאס נישט ערלויבן
איז דאס פאר יעצט דער טעסק
העמיר טאקע צוריק לויפן צום דעסק...

[שטומפיג]

ווי קען מען בלייבן שטיין א קאלטער,
קעגן די שנירעלעך פון אלטער,
איך ווער מיטגעשלעפט מיט זיין געזאנג,
זיין פרייד ווען ער שטייגט אין ראנג,
נעם איך טאקע דעם אשכול פאר א לאקאל,
אויסצורופן א מזל טוב הויך אין זאל,
בפרט אז ס'איז אזא מקרה א געשמאקע,
זיינע ערשטע פאר תגובות זענען געווען אין דעם אשכול טאקע.
יה"ר מזאלמיר לאנגע יארן זיין נהנה,
פון די טינט וואס גיסט זיך פון אלטער'ס פענע,
קענען פארברענגען באחוה וריעות,
און ער זאל שנעל פארלירן דעם טיטל "שר חמש מאות"!

[אלטער]

@שטומפיג שכוח פאר די קאמפלימעטן
אויף אייער שריפט איז אויך א דערקענטן
אז איר זענט נישט צוריק געבליבן אסאך
און צו גראמען האט איר אויך דער פאך

איז מיין ברכה יעצט דא באשטום-איך-עס
אי"ה אויך ביי אייך אויף שמחת
איר זאלט אויך גיין מחיל לחיל
און אייער שריפט דא נישט געבן א פארהויל

[פרעזידענט]

געריקט דעם זייגער
אנגעגרייט דעם גראגער
עס מיז נישט האבן אלע טעמ׳ן
עס דארף אבער גראמען

[ששון]

את "ואהאן" בסופה... (אויב דאס דארף אויך גראמען, שרייב איך רופא, אדער הצופה - צו ערפילן דעם אנווייז, אנע גרייז..)

אין אמעריקע אויך אין שפיטעלער - מאסקעס
סטאק מארקעט - טראסקעס
ביי געלע טעקסי - שוואך איז ביזנעס
מענטשן מיט פאניק - דיזינעס
סיטי גיבט הילף,
פאציענטן אין שפיטאל אדער נורסינג האומס אנע געהילף
מענטשן, פאר עסן לויפן עס כאפן
ביים טאנצן מ'וויל זיך נישט אנכאפן
מנינים צעטיילט
אפגעשטעלט הייזער וואו מ'פארוויילט
פליגערס אפגעשטעלט
פארקריפעלט איז א וועלט
אפדעיטס טעגליך
פאר מענטשן אן אמונה, כמעט נישט דערטרעגליך
ס'מאכט אסאך אויס פארמעגליך
מ'פארלירט דעם אפעטיט אין דעם טאוסטעד [בייגליך] בעיגלעך

מ'זעט נישט דעם שונא מיטן געהעריגען אויג
אין אזא מצב אן ערענסטער קלער עס טויג
וואס איז דער ציל
פון הימל וואס מען וויל
ס'איז דאך נישט א שפיל
דערוועגן מ'דארף טראכטן פיל

נחפשה,
דרכינו
וואס וויל מען דא,
כדי צוצוקומען צו ביאת משיח צדקינו

[נתן בן ופסי]

דער עולם איז פארציטערט מיט שרעק
קוקט אויס ווי דער וועלט קומט צי א עק

איינער קויפט טישאס מיט וואסער
א אנדערער מיט זייף זיין האנט מאכן מער נאסער

שמיעות הערט מען פונעם אנדערן זייט וועלט
אבער דא טוט מען גארנישט אלעס וועגן געלט

די ציפערין זענען אמת אדער נישט
די שפירן פונעם מקור זענען ציווישט

יעדן איינציגסטען טאג נייע גזירות
די עיקר ווארטען די קינדער ארויסציגיין לחירות

פאר אונז יודן ארויסצילערנען עס שטעלט
השי''ת און א רגע קען איבערדרייען אזא וועלט

והי רצון שיסיר מגיפה מנחלתך
והשם מרחם על ישראך עמך

[אלטער]

מענטשן אינגאנצן צו קאכט
פון עפעס א וויירוס מ'פארכט

ווי מ'גייט ס'נעמט נישט קיין עק
דער עולם דרייט זיך ארום מיט שרעק

איז נאך דא מענטשן (ניקס) וואס האבן א תענוג
ווי מער מענטשן אריין לייגן אין פאניג

ווי מער אין שטוב אריין צו פאקן
פון וואס מ'קען זיך אנסטאקן...

געשעפטן ליידיג די שעלווס און אויך אין חצר
מ'קען שוין נישט טרעפן וואסער מיט פאפיר פאר אשר יצר...

איבעראל ווי מען לויפט
איז שוין די זייפן אויך פארקויפט

די אינגזייעטי ס'ברענט ביי זיי דאס ווייס-איך
זאגט מיר איינער ער האט שוין מצות אויף פסח

אבער מיר וועלן זיך נישט לאזן
ביי מיר אין שטוב איז נישט דא קיין פלאץ פון אלעס א דאזן


שבת האבן אויף געלעבט די עצמות יבשות
אלע שילן געטוישט די סדרי בראשית...

פון נאך מניינים מ'האט פארקיקט...
דער גבאי נישט געווארן אזוי אנציקט...

פון דעם ווירוס מ'איז געווען א שטארקע דערקענער
די ווייבער שיל איז געווען אפן פאר מענער

וואס נאך מ'קען טון פאר דעם קאראנע
אוועק גענומען די האנטיכער געלייגט פאפירן ברוינע

זאל דיר אויבירשטער העלפן אלע יודן פון דעם ווירוס דע
והסר ממנו את המות הזה

אלע פחדים פון די מאסן
פון די וואס דרייען זיך מיט א פנים א בלאסן
זאל זיך אפטון פון די גאסן

נאר מיט אמונה און ריכטיגע השתדלות
נישט ווייזן אייגענע גדלות

וואס מ'הייסט זאל מען זיך צושטעלן
אפילו עס טוט נישט אזוי געפעלן

זאל דער באשעפער העלפן מיר זאלן נישט זיין פון די יושבי קרנות
און נישט האבן קיין שום יודישע קרבנות...


געדענק נישט דא וואס זארגן און ווערן פארפירט
אלעס איז פון אויבן אויספלאנירט!!!


יעצט זעץ דיר אוועק
בארואויג דיר פון דיין שרעק

[אלטער]

שוין לאנג נישט דא געווען
דעם אשכול לאנג נישט געזען

פון ווען קראנע האט געשאסן פינקען
נאך פורים פון די וויין טרינקען

וויפיל זאכן האבן זיך פון דאן געטוישט
וויפיל זענען געווארן איבער גערוישט

וויפיל אשכולות האבן זיך געגעבן אן עפן
אלעס דא אויפן וועלטל מ'קען טרעפן

ב"ה מ'זעהט שוין פריילעכע געמיטער
מ'האט שוין נישט קיין פנים אן אפ געבריטער

מ'גייט שוין אין שול מענטשן מ'טרעפט שוין
צום בהמ"ד צוריק אנגעטון דעם קרוין

ב"ה א מקוה מ'דארף שוין אויך נישט פארפאסן
ס'טוט זיך שוין לעבעדיג אויף די גאסן

זאל דער אייבירשטער העלפן אלע אידן
יעדער זאל שוין זיין פריילעך און צופרידן

יעדער זאל זיך שוין זעהן אינדרויסן פון זיין פעלער
אלע קראנקע וואס זענען אין שפיטעלער

זאלן ארויס גיין פון דארטן געזנט שטארק
אראפ נעמען פון זיי דעם גרויסן בארג

אלע אידן וואס זענען אינדערהיים מיט מאשינען
א ישועוה זאלן זיי פארדינען

ביז מ'וועט שוין גיין אנטקעגן
משיח צדקנו איז שוין אויף די וועגן!

[אלטער]

געדארפט אפיר זיכן מיט ליכט
קיינער דא באזיכט

אשכול שוין אפגעשטויבט
אבער די אויערן דא פארטויבט

קיינער דא נישט אריין ער קומט
נאר מ'קוקט פון דרויסן פארקרומט

אבער מיין איך יעצט איז דער שעה
און פרעגן צו נאך איינער איז דא?

[simcha]

איך קען נישט שרייבן קיין גראמען,
איך וועל מיך נישט אפנארן,
איך וועל מיך פון דא אוועקשארן,
און גיין עסן בארן.

גראמען איז נישט מיין חוש,
איך קען נאר געבן א מיש,
און איבערדרייען דעם טיש,
און מאכן יעדן צומישט.

וואס פעלט מיר עס אויס,
איך האב מיר מיין אייגענע הויז,
פארוואס זיך האלטן גרויס,
מיט עפעס וואס איז נישט מיין וואויס.

לאמיר גיין פון דא,
אין א גוטע שעה,
נישט מאכן דא א זו,
נאר לאזן אלטער שרייבן נא.

[אלטער]

שמחה, אדאנק פארן אריין פיטשן
מיט גראמען טו דיר נישט מיטשן

אויב ס'איז דיר שווער
דאן גיב נישט קיין קלער

נאר כאפ דיין זעקל ביינער
און טו דאס וואס יעדער איינער..

אבער ווען איך לייען דיינע שטריכן
וואס איז מיר גאנץ געגליכן

זעה איך ביסט נישט אזוי שלעכט
דיינע גראמען קוקן אויס עכט

אפשר אז דו וואלסט דיך דערין אריין געלייגט
וואלסטו מער געשטייגט...

[אלטער]

.

[אויף געבלאזן]

נאר מיט גראמען איז דא ערלויבט
פאר איך גיי מיר אונטון מיין קויט

און פון די אשכול אוועק גיין
ווייל גראמען איז נישט די פאך מיין

איך וועל זוכען א צווייטע פלאץ
וואס לויט ווי איך שאץ

קען איך דארטן שרייבן אן טראכטן
אזוי טוט זיך מיר יעצט דאכטן

די אשכול האט 6 בלעטער
איך וועל גיין צו אנדערע ערטער

אויפצובלאזן גראמען איז שווער
א בחינה פון הא קעיר

אפשר עפענען א אשכול א נייע
און דארט וועל איך זיך שטעלן און די רייע

אויסלערנען ווי אזוי דאס צו מאכען
און מיר וועלן האבן מיט זיך א פאכן

שוין כהאב שוין נישט קיין נערווען צו דעם
כוויל נישט זיין א שעים

זייט מיר געזונט
ווער געהאלפן מיט א קינד

[אלטער]

יעדער האט זיינע נאטארן
מיט וואס ער קען ניצן זיין כשרון

איז איז דאך אזוי בכוונה
פון הימל באקומען די מתנה

יעדער האט זיך זיינס
אבער געדענק אז דאס איז נישט דיינס

עס איז דא א בורא וואס פירט
און ער קאנראלירט

ביי עם איז שוין באשטימט
ווער וואס ער באקומט

ס'איז א וועלט א ברייטע
און יעדער האט א צווייטע

דו זיי א צווייטן נישט מקנה
דו זאלסט נאר ניצן דיינע

און מיט דעם זאלסטו עם דינען
און פאר א צווייטן טו עס פארגינען

אבער ח"ו גיב א קלער
אז דו ביסט פון א צווייטן מער

דער באשעפער האט דיר טאקע געטראסט
אז א גוטע כשרון דו האסט

איז פאר דיר א חובה
נישט צו זיין קיין כפוי טובה...

נאר טו אייביג געדענקען
אז פאר דיר האט מען דאס געטון שענקען

נישט זיך צו דארפן גרויסן
און אזוי א צווייטן אן שטויסן

נעם עס נישט פארזענליך
ווען אין דיין פעלד ווערסטו אנגעריפן דער מלך

אפילו דיין נאמען טוט זיך אין די וועלט פארשפרייטן
ביסטו נאך אלץ נישט מער פון א צווייטן!!

[וואס טוט זיך]

איך ווייס נישט וואס דא טוט פאסירען
אז יעדער טוט אויף אנקעטעס פארפירען

זייט ווען איז אנקעטעס א פראבלעם
אז מ'דארף פארפירען אויף דעם

דער וואס גלייכט עס נישט זאל נישט אריינקומען
בעסער ווי דו זאלסט יא, און זאלסט נאכדעם ברימען

אנקעטעס איז א גוטע זאך
און זיין שיעור האט נישט קיין דאך

[אלטער]

ס'קומט שוין דער שעה
מ'האלט מיר שוין נאך אמאל דא

מ'האלט ביי דעם דעריך גאנג
מ'ווערט געהעכרט אין ראנג

פרעג מיר נישט קיין פראגן
פארוואס איך טו עס פארשוואגן

אלעס גייט אזוי פלען
קיינער זאל נישט זעען

אבער דאך איז דער תגובה טייער'ל
ווייל מיט דעם באקום איך מיין צווייער'ל...

[חוח בין השושנים]

מזל טוב פאר דיין צווייער
ביסטעך נישט א נייער
יעדע תגובה אזוי טייער
ס'לייכט ווי א פייער!

געב אלזא צו שטייער
הויפן צונויף א שייער
ס'זאל שוין אינגיכן זייער
האלטן ביי א דרייער!

[אלטער]

אפאר ווערטער פון חוח
איז אין לשכוח
דאס גיבט שוין כוח
צו קענען גיין הויעך
ס'זאל גיין א רויעך
כריח ניחוח
ס'זאל זיין לנוח ולשמוח
מיט א קלארן מוח

[קנאפער ידען]

אט אזוי א מחיה
נאך א טויזענט אין די רייע
נישט סתם געשריבן
ווערטער געקליבן
אונז אלע מהנה
דיין טאלאנט בינעך מקנא
אלטער טייערע גאו גאו
קיעפ אפ די פלאו!

[שטומפיג]

ווי יעדער אליינס זעהט,
אלטער איז פארשפארט געווען אונטערן געיט,
אבער ארויס איז ער א פנים חדשות אינגאנצן ניי,
אריין מיט טויזנט תגובות און ארויס מיט צוויי,
האמער אונז אלע אסאך בענעפיטירט,
פון דעם וואס ער איז געווען קוואראנטירט,
יעדע תגובה פיינע חדשות,
די תושבי העולם מחיה נפשות,
וואונטשן מיר אים אז די תגובות זאלן זיך מערן ולא יוכל להמנות,
זאלמער ווייטער הנאה האבן פון די "אלטע" און די נייע, חדשות גם ישנות.

[גרויסע עם הארץ]

כ'טריי יעצט אויס
צו פילן גרויס

ווען ס'איז זונטאג
נישט ארבייטן מיט פלאג

אויף סתם שטותים
שרייבן אויף פורמים

ענדערש נעמען א גמרא
און ווער'ן א גברא

האט'ס מיר א גוטן טאג
מיט פיל הצלחה און סיפוק פון אייער מיה און פלאג

וואונטשט גרויסע עם הארץ
פון טיפענישט פון הארץ

[כאניש וואס צו טון]

איך וויל גראמען
אבער איך קען נישט דעם פאך
ס'וועט נישט האבן קיין טעמים
ס'וועט נישט זיין צום זאך

האב איך אבער פארט באשלאסן
מיט א פעסטקייט דעם באשלוס
די אנדערע זייט אריבערקראסן
און אויסטרייען עפעס אנדערשט וואס

אפשר ערגעץ אנדערשט מיין טאלאנט איז
ווער זאגט דווקא דא זיין עס מוז

האצמער און זייצמער געזונט
שוין כאניש קיין גראם אצינד

[אלטער]

וואו קען מען אויסמיידן
שרייבן פאר קנאפער ידן

דו ווייסט דאך מסתמא
מיט דיין געשמאקער אויפנאמע

מיט אזא קרבת יתירה
מיר דא געגעבן די ברירה

נישט באשליסן שנעל
אז מ'דארף קישן דעם שוועל...

איך שפיר מיר זימפיג
ווען איך באגריס מיר מיט שטומפיג

א שריפט וואס שטעלט אהער
צו דערהייבן דעם אטמעספער

כאטש ביסט נישט געווארן שאקירט
און האסט דאך נישט קווארענטירט...

אבער האסט געווארט מיט געדולד געלאסענע
זאלסט קענען פראווענען דעם גרויסן חתונה...

[לעגאו מענטשעלע]

נאר מיט גראמען?
נישטא קיין אויסנאמען?

לעגאו אויך
גראמען ברויך

צאמשטעלן דא צו שרייבן
אויב וויל ער דא פארבלייבן

אין דעם אשכול - דאס געהענגל אזוי געראטן
מיינע גראמען ווערן געשטעלט אין שאטן

קוקנדיג אויף די רייכע שריפטן
גיי איך צום שוועל - דעם מפתן

איך גיי צוריק צו מיין לעכל
מה נאמר ומה נאכל

[קיינער האט נישט געזאגט אז די גראמען דארפן האבן פשט.....]

[אויף געבלאזן]

כגיי מיר שוין
ארויס פון דעי זאון

אפשר באלט
וועלך ברענגען מיין געשטאלט

כגיי מיר נישט אנשטערענגען
כוועל ענדערש גיין צו פארברנגען

ביי
געזונט זיי