אידישע וועלט פארומס

עבודת_הבורא האט געשריבן:יא יא ריכטיג דאס איז די מציאות
מענטשען האבן מורא צו גיין צום דר. ווייל דאס גייט זיי קראנק מאכן,
מענטשען ווילן נישט נעמען מעדעצון ווייל זיי גייען זיין נערווען קראנקע,
מענטשען ווילן נישט שרייבן קיין צוואה ווייל זיי גייען...........

די מציאות בלאבט ביי אלע פעלער איין אמת'ע מציאות, די רעדע איז אריין צו קוקען די מציאות און פנים אריין און טון די ריכטיגע וואס עס פארלאנגט זיך.

אויך גערעכט!!

מ'זאגט עפעס נאך אז ס'איז גאר א סגולה צו אריכת ימים ושנים.

אגב, זיכענדיג אין גוגל אויב כ'טרעף עפעס א מקור דערויף, איז ארויפגעקומען אט א דאס:
השאלה: ב"ה הגעתי לגיל זקנה, אין לי רכוש רב ואינני חושש ממחלוקת בין ילדיי, האם יש טעם שאכתוב צוואה?
תשובת הרב: כתיבת צוואה היא סגולה לאריכות ימים, לכן חשוב שתכתוב צוואה.

מ'קען טראכטן דערפון ווי א געזעגענען בריוואלע צו די משפחה, וואס מ'וואלט זיי געוואלט זאגן, אויב חס ושלום.... טאקע בעיקר אביסל הדרכה ומוסר א.ד.ג. און אביסל ווארעמקייט וואס קען זיי - נאכ'ן פאטער'ס געזונטע 120 יאהר - נאר מעגליך מעורר זיין צו א דבר טוב לעילוי נשמתו בג"ע.

השי"ת זאל יעדן פון אונז בתוך שאר ישראל בענטשן מיט לאנגע געזונטע יארן, ויקוים במהרה ובלע המות לנצח... (דא פארהאנקען זיך רוב מספידים ל"ע....) ומחה ה' אלקים דמעה מעל כל פנים, אמן.

א בילד פאר דעם אשכול

געהערט אז א צדיק פון פאריגן דור האט געזאגט אז ער שרייבט נישט קיין צוואה ווייל אדער ס'העלפט נישט אדער מ'דארף נישט,
און האט אויסגעפירט אז ער האט געהארבעט ביי זיינע קינדער אז מ'זאל נישט דארפן, און ווער ס'קען זיינע קינדער ווייסט אז אפי' ס'איז געווען רילעסטעי"ט און ס'איז דא "אסאך" ווערדפולע חפצים, אלטע ספרים, ירושה זאכן, פונדעסטוועגן האט מען זיך זייער שיין צוטיילט, ער האט נאר אזויפיל יא געזאגט אז זיין צוואה גיבט ער איבער בע"פ ביי ידען געלגעגנהייט.

הרה"ק ר' אלעזר פון ליזענסק איז געפרעגט געווארן צו זיין טאטע האט איבערגאלאזט א צוואה, האט ער אים געהענטפערט יא! און געוויזן אויף זיין הארץ, דא שטייט דאס, זאגנדיג, אז זיין טאטע הרה"ק הרר"א זיע"א האט אריינגעהאמערט אין די קינדער זיין צוואה

הרה"ק רבי אהרן זיע"א פון פינסק קרלין, האט יא געשריבן א צוואה, מיט א הוספה פון א קארגע צוויי חדשים פאר זיין פלוצלימגידע פטירה, (נאכן גרויסן נס תחית המתים איבער א יאר באפאר דעם), און די אלטע צוואות וואס ער האט געשריבן אין די פריערדיגע יארן האט ער פארברענט, כדי ס'זאל זיך נישט מאכן קיין פראבלעמען, אבער אין זיין צוואה זאגט ער אויך גארנישט וועגן געלט זאכן, נאר אזויפיל אז די הנהגה זאל די קהילה מחליט זיין וועמען זיי ווילן, וכלשונו שיבחרו איש על העדה אשר יבוא לפניהם ואשר יצא לפניהם.

קמח פיין געשריבן גאר גוט ממש סולת
שלום עליכם
אם יש קמח יש תורה

לענ"ד דארף מען שרייבען צוואה ווען עס איז נאך א דזשאק אין עס פארעכטען ווען סווערט שוין ערנסט די מציאות ווייזט אז די אלע וואס האבען דאס אפ געשטופט לעת זקנה איז זיי געווען מער שווער צו שרייבען אין די בתי דינים טוענים וכו' האבן גמאכט מער געלט ווי די יורשים
ווען משרייבט אצוואה און מליינט דאס איבער איין מאל א חודש אדער א יאהר זעט מען וואס עס פעלט דערין וואס האב איך נישט געשריבען גענוג קלאר און מען האט צייט צו מתקן זיין משא"כ ווען משרייבט צוואה ווען מליידט שוין אויפן הארץ דארף מען אריין פארען און שפיטאל יעדע מאל וואס מנעמט זיך שרייבן
וחוץ מזה אויב שרייבט איר דברי מוסר פאר אייערע קינדער ווי זיי זאלן זיך פירען וועט אייך דאס גיבען א ציפ ביים הארצען און איר וועט זיך אליין מתקן זיין
און וואס לאכט איר אזוי פון יזכיר לו יום המיתה

צוואת ר' יחזקאל מערץ זיע"א יוכיח
ער האט דאס געשריבן סוף ימיו, האט ער שוין נישט געקענט אליין שרייבן, האט דאס איינער פאר אים געשריבן, און ער האט נאר צוגעשריבן דריי ווערטער, לגבי ווי ער וויל ליגן, ויצא מה שיצא,
גראדע, איז דער כלל אבער נישט גילטיג אלעמאל, ווייל מיינ'ס א קרוב האט געשריבן א צוואה ווען ער איז שוין געווען נישט געזונט, און זיין ברודער האט אים געהאלפן דאס שרייבן, און דאס האט אים גראדע פארבעסערט זיין מצב, וויסנדיג אז וואס ער וויל איז שוין כתוב וחתום.
דער אייבישטער זאל אונז אלע בענטשן מיט אריכות ימים, און דעה צלולה ביז די לעצטע מינוט, אמן.

דאס וואס שמו זאגט איז זייער ריכטיג ווען מען וויסט אז אלעס איז אפגעשריבען געבט דאס צו גזונט וואס וועגען דעם האבען חז"ל מתקן געווען אן ענין פון מתנת שכיב מרע שמא תתרוף דעתו עיי"ש בב"ב ובמפרשים

אוודאי איז דא ענינים און מהגים לכאן ולכאן, וועגן יא אדער נישט שרייבן א צוואה, אבער ביים המון עם, איז דער עיקר סיבה פון נישט שרייבן ווייל מען וויל נישט טראכטן דערפון.
ס'דא א מאמר החכם: ברעך נישט קאפ וואס מענטשן טראכטן... - ווייל זיי טראכטן נישט!
מיר לעבן היינט אין א תקופה - בפרט מיר אמעריקאנישע - יוראפ איז נאך אביסל בעסער אין דער הינזיכט - פון א געיעג און געלויף אן אויפהער אן טראכטן (ר' יו"ט ערליך זינגט דאס.. ביזנעס.. ביזנעס.. ביזנעס.. הארי-אפ הארי-אפ...)
די גאנצע אדווערטייזמענט אינדוסטרי איז געשטעלט אזוי אז דו זאלסט וועלן קויפן וואס דו האסט געזעהן אויפ'ן גרויסן בילד אדער געהערט אן טראכטן בכלל.. ו
דאס רופט זיך קלאר אפ אויך אויפ'ן רוחניות ווי די וועלט זאגט "אזוי ווי ס'גוי'אישט זיך אזוי אידישט זיך", מען שטעלט זיך נישט אפ א מינוט טראכטן.
יא, אונזער עלטערן מיט בלויז איין דור צוריק, אויך נאך אפילו די זיידעס שוין פון נאכ'ן קריעג, האבן פיל אפטער געטראכט פון דעם יזכיר לו יום ה.... און געלעבט מיט א דין וחשבון.
פון זיי איז געווען אן אפטע זאך צו הערן אזעלכע ווערטער ווי, א מענטש לעבט דאך נישט אייביג.. מען נעמט נישט מיט דעם גשמיות.. מען דארף האבן וואס מיטצונעמען.. און זיי האבן געלעבט דערמיט.
היינט זעמיר עפעס אזוי פארזונקן אינעם שמעלץ טאפ פון עולם הזה, אז מ'מיינט טאקע עס מיינט בכלל נישט מיך, און ווען מען הערט לא עלינו - מען זאל נישט הערן - אז א אינגערמאן האט זיך רח"ל אפגעזעגענט, גיט דאס א ציפ אויף א סעקונדע, אבער מען פארטושט זיך באלד דעם מוח און מען לויפט ווייטער, ס'מיינט נישט מיך, אדער ווי כ'האב אמאל געהערט אין א שמועס פון הרה"צ ר' יצחק פרידמאן שליט"א דער אויסדרוק: ער האט זיך נישט איינגעשריבן אין די "חברה שטארבערס"....!!!
מיר זאלן אוודאי אלע מאריך ימים ושנים זיין, אבער דאס איז דער סוף כל האדם, און נישט צו וועלן טראכטן דערפון בכלל, איז בלויז טייל פונעם אמעריקאנעם "טראכט נישט....!! לויף...!!! סינדראם".

אלזא, אויב נוצט אייך די פריערדיגע עצות פון די גמרא:
אם נצחו - מוטב, ואם לאו - יעסוק בתורה, אם נצחו - מוטב, ואם לאו - יקרא קריאת שמע, אם נצחו - מוטב,
איז דאך ארלעדיגט!
אבער, ואם לאו???
- יזכור לו יום המיתה!! זעצט זיך אוועק שרייבן א צוואה, כולי האי ואולי!

החותם בברכת לחיים טובים ארוכים ולשלו' עד מאה ועשרים שנה

חייקל דו האסט א שפיץ!

סביב העולם האט געשריבן:חייקל דו האסט א שפיץ!

א דאנק

איינער זאגט מיר (אונטער די דרייסיג) אז ער האט געשריבן אין צוואה אז 10 פראצענט פון זיין לייפ אינשורענס זאל גיין פאר א געוויסע ארגעניזעישען

ישלהוסיף האט געשריבן:רבי הירשעלע ספינקא אויך נישט געשריבען א צוואה, דער תירוץ דאס ער איז אוועק פלוצלינג, איז נישט אנגענומען היות ער איז שוין געוועהן למעלה מחצי שנותיו של אדם.

ער האט דירעקט נישט געוואלט שרייבן.

ישלהוסיף האט געשריבן:דער אמרי חיים מוייזניץ האט נישט געשריבען (עס האט טאקע געברענגט אסאך קאפ-וויי)

ער האט יא געשריבן.

ישלהוסיף האט געשריבן:דער אמרי אמת פון גור האט געשריבען אין א צוואה אז זיין ברידער הי"ד גאהר זאל איבערנעמען די נשיאות.

דאס האט ער געשריבן פאר די קריג.

ביקסאד האט געשריבן:

ישלהוסיף האט געשריבן:דער אמרי חיים מוייזניץ האט נישט געשריבען (עס האט טאקע געברענגט אסאך קאפ-וויי)

ער האט יא געשריבן.

וואס ווען וואו??????

פרעג זעך נאך ביי די חסידים, מען האט צו-טיילט די ירושה לויט די צוואה.

שרייבן א צוואה? אז וואס?
נכסים? די האסט בכלל?
צוטיילן פאר די קינדער? די ווייסט וויפיל קינדער די גייסט האבן? און די וואס די האסט שוין זענען שוין בר דעות צו וויסן וועם צו געטרויען מיט וואס?
מוסר? אםםם מוסר? מוסר? מוסר? הלואי זאל מען מחנך זיין די קינדער ריכטיג בחיים.

מ'שרייבט נישט וועגן מ'וויל נישט טראכטן פון יום המיתה? זייער גיט אזוי ברויך צו זיין, עיין בספרי מהר"י ט"ב, ובספרי ברסלב, ובעוד כמה וכמה ספרי חסידות שאין להרהר מיום המיתה רק אמאל אמאל לזמן קצר, ולא עוד נישט מער.

עצבות איז נישט קיין עבירה אבער וואס עצבות קען ברענגן קען די גרעסטע עבירה נישט ברענגן
שמחה איז נישט קיין מצוה אבער וואס שמחה קען ברענגן קען די גרעסטע מצוה נישט ברענגן

ויש עוד להאריך בזה איך וועל איבערגעבן די פעדער פאר די בקיעים בספרי חסידות.

הצלחה

מכטי1 האט געשריבן:

ביקסאד האט געשריבן:

ישלהוסיף האט געשריבן:דער אמרי חיים מוייזניץ האט נישט געשריבען (עס האט טאקע געברענגט אסאך קאפ-וויי)

ער האט יא געשריבן.

וואס ווען וואו??????

לבי אומר לי, אז סדא נאך רעבע'ס שמסתמא כתבו ונעלם...

לעולם ירגיז אדם יצר הטוב על יצר הרע, נצחו מוטב.
ואם לאו - יעסוק בתורה.
נצחו מוטב, ואם לאו - יקרא קריאת שמע.
נצחו מוטב, ואם לאו - יזכיר לו יום המיתה"..

msp האט געשריבן:עס איז דא א ספר מיט צוואות פון גדולים געדרוקט דארך הרב יעקב משה הלל

וואס איז די נאמען פונעם ספר?

כתר ישועה האט געשריבן:

מכטי1 האט געשריבן:

ביקסאד האט געשריבן:

ישלהוסיף האט געשריבן:דער אמרי חיים מוייזניץ האט נישט געשריבען (עס האט טאקע געברענגט אסאך קאפ-וויי)

ער האט יא געשריבן.

וואס ווען וואו??????

לבי אומר לי, אז סדא נאך רעבע'ס שמסתמא כתבו ונעלם...

זיכער ופאפא יוכיח ואכמ''ל

שוין געוואלט שרייבן עטליכע מאהל, איך האב עטליכע מאהל געריפן א נמ. פון א עד פאר צוואות, מען האט נישט אויפגעהויבן און נישט צירוק געריפן, דאס איז פארגעקומען עטליכע יאר צירוק.