אידישע וועלט פארומס

טראץ דעם וואס כמעט קיינער האלט נישט ביים שרייבן היינט, איך ווייס נישט פארוואס, וועל איך מיך האלטן ביי מיינס און ווייטער שרייבן. אפילו איך דארף רעדן צו זיך אליינס.
טאמער איז דאס א סטרייק, און מ'האט מיר פארגעסן צו זאגן דערוועגן, זאל מען מיר ביטע זאגן ווי שנעלער.
טאמער האט מען אן אנדערע תירוץ, זאל מען עס ארויסווארפן פון די פענסטער און צוריק אריינקומען אין די קרעטשמע און שרייבן.
סיי וויאזוי, וועל איך נישט אויפגעבן דעם קאמף, אפילו אויב איך וועל דארפן קעמפן איינער אליין.
חזק חזק ואתחזק!

מאשקע, גיב נישט אויף, איך גיב דיר מיין פילסטע שטיצע,
כה לחי !

זאג, דו ליידיגגייער. האסט נאך עפעס צוצוגעבן, אויסער שטיצע?
כ'מיין, עפעס א באשרייבונג אדער וואס? גארנישט?

און אויב איך געב דיר שטיצע, ביסטו יא צופרידן?

אז דו זאגסט עפעס, בין איך אויך צופרידן.
און אגב, שכוח פאר'ן רחמנות האבן און ארויפברענגען דעם אשכול פונעם צווייטן בלאט.

דו זאגסט מיר פלעין אזוי שכוח, דו ווייסט וואס דאס מיינט, אריין קומען אין קרעטשמע, און דארפן קוקן 77 נייע הודעות, ס'איז נישט גרינג. (די נאמבער לויפט נאר אלץ אשכולות הודעות זענען געווען פיל מער)

אקעי: א גרויסן ריזיגן מעכטיגן שכוח.

ווען איך קום אריין, הייב איך נישט אן צו פארשטיין, וואס דא טוט פארגיין.

מאשקע וויינט און שרייט, בילט און קרייט, אז דער עולם אין א שלאף פארגייט.

אין די צייט וואס איך האב געהאט א קאמפיוטער קראך, און געשריגן ביז צום דאך, פון פרובירן עפענען אשכולות אזוי סאך.

(סארי, איך בין נישט אין די מוט פון גראמען יעצט)
וואס פארשטייסטו נישט? דער עולם איז געשלאפן, און דו הגדול בתוכם, בין איך אנגעקומען און אויפגעוועקט דעם עולם. קומסטו דיך אן, נאכדעם וואס יעדער איז שוין געווען אויף און שוין אפילו צוריקגעגאנגען שלאפן, און דו פרעגסט אזא תמ'ישע (...) קשיא?

סארי איך בין נישט אין די מוט פון ענטפערן יעצט (איך האב געהאט אן ערנסטן קאמפיוטער קראך מיט א צוויי שעה צוריק, אריינקומענדיג כדרכי בגודש צום הויפן אשכולות אין קרעטשמע גופא, האב איך אנגעהויבן עפענען אחת ואחת אחת ושתים אחת ושלש אחת וארבע, אלעס מיטן שיפט און לעפט קליק כמבואר במקום אחר, ווען עס איז אנגעקומען צו 49 (געדענקט, דאס איז נאר אין קרעטשמע גופא, די זייטיגע פורומים האב איך שוין צוויי מאל אינמיטן טאג ערלעדיגט), האט אלעס געקראכט!!!! איך האב געמוזט פארלעשן דעם קאמפיוטער, און אנהייבן פון דאס ניי.

יעצט, וועלכע פראסטראציע איז ערגער? א שטילקייט, אדער א קאמפיוטער קראך צוליב אן איבערפלוס אין ווארע?

א גוטע נאכט (איך קוק אפילו נישט אויב דו ענטפערסט עפעס, די קרעטשמע האט מיר שוין געקאסט צוויי גלאטע שעות, באצאלסטו מיר אויף די שעה איז גוט, אז נישט, האמיר א גוטע נאכט)

אהא, סאו דאס איז שוין ווען דו ביזט "נישט" אין די מוט פון ענטפערן? און וויאזוי וואלט אויסגעקוקט דיין תגובה ווען ביזט ווען יא אין די מוט פון ענטפערן?
און אויף דיין עצם פראסטראציע וועגן די איבערפלוס אין ווארע: הלוואי יעדן טאג.

מאשקע, פארוואס שעלטסו? איך פארשטיי אז דיין הלוואי יעדן טאג, גייט ארויף אויפן איבערפלוס, אבער דו האסט אויך צוגעלייגט די ווערטער, אויף דיין עצם פראסטראציע, אז כאילו אויף דעם וואונטשסטו אויך הלוואי יעדן טאג.

טא לאמיך קלאר שטעלן: די וואונטש איז בלויז געווען אויפ'ן איבערפלוס, נישט אויפ'ן פראסטראציע.

מאשקע, פאלג אויס דעם קעפל פון די אשכול.

ער איז מסתמא נאך אויפן פליגער.

איכער: נישט געזארגט. אזוי ווי סאכדעס האט געזאגט, איז טאקע געווען.
איך האב שוין געשריבן אין אן אנדערן אשכול. איך וועל טאקע נישט שרייבן אזוי אפט ווי אין די ימי עבודה, אבער אינגאנצן איגנארירן די קרעטשמע קען איך נישט.

מאשקע האט געשריבן:איכער: נישט געזארגט. אזוי ווי סאכדעס האט געזאגט, איז טאקע געווען.
איך האב שוין געשריבן אין אן אנדערן אשכול. איך וועל טאקע נישט שרייבן אזוי אפט ווי אין די ימי עבודה, אבער אינגאנצן איגנארירן די קרעטשמע קען איך נישט.

איך פארשטיי נישט געהעריג. דו ביסט היינט געווען אויפן עראפלאן? מיינט דאך דאס אז יעצט ביסטו שוין צוריק עמי בבית, קומען דאך היצטערט די ימי עבודה, נו, וואס שרייבסטו אז דו וועסט טאקע נישט שרייבן אזוי אפט וכו', בלשון עתיד.

געווען אויפ'ן עראפלאן אויפ'ן וועג אהער, צום קור-ארט.
איצטערט בין איך דאהי, און איך בין עוסק אין די עבודת הקודש פון די פרעמד.

וויאזוי טאקען האסטו קאנעקשאן?

וואס הייסט וויאזוי? דער לענדלארד זאל זיין געזונט (לכה"פ ווילאנג איך ענדיג מיין וואקאציע...) האט צוגעשטעלט ווייערלעס אינטערנעט.

מאשקע, פארדריי נישט דעם אידיש, מ'שרייבט אזוי: דער לענדלאר זז"ג.

דו האלטסט מיך סתם אויף מיט דיינע לאנגע ווערטער

און פאר די זעלבע סיבה האסטו אויך אראפגעשניטן דעם "ד" פון לענדלארד?

אוי נאר דאס, ס'איז דא וואס וואלטן אים אינגאנצן צושניטן..