אידישע ניגונים

[תרנגול]

ייש"כ מאניימער פארן צולינקען

[PDF]

looking fo the lyrics from yosele "nisht vat tzi gien"

[מוזיקאליש]

http://jewishlyrics.blogspot.com/ פראביר צו שיקען א ריקוועסט דארט

[ניגון עתיק]

looking fo the lyrics from yosele "nisht vat tzi gien"

viewtopic.php?p=788825#p788825

[קאמענטאטאר]

עפעס גריזשעט מיר אין מח ווערטער פון א ניגון אן אלטען, די לעגענדע וואס איך דענק איז אז דאס האט איינער געזונגען מוצ"ש ביי הבדלה פון רביה"ק מ'סאטמאר זי"ע, די ווערטער גייען עפעס ווי "מוצאי שבת ווער מיר שטייען ביי הבדלה צוזאמען, דערמאנען מיר זיך אין די אוישוויצער פלאמען, ..." האט מיר עמיצער אמאל דערציילט אז דער עולם האט זעהר געוויינט און רבינו זי"ע האט פארלאנגט מען זאל עס מער נישט זינגען, ביז האט מען ארומגעטוישט די ווערטער אויפן חורבן ביהמ"ק מיט ירמי' הנביא וואס די מיידלעך (פלעגן) זינגען אין שולע.

איינער האט ס'מינדעסטע השגה פון וואס איך רעד אדער איז עס דאמירן בעלמא?

איך ווארט נאך אלץ דערויף..
איך דרש'ן דאס לשבח.. ס'איז מיר משמע אז עס דרייען זיך נישט דא קיין איינע פון די ווערצבערגער אייניקלעך.

[חסדי אבות]

איך זוך א ניגון אויף אידיש, עפעס א משל מיט א פאסטאך און שעפעלעך, איך געדענק איין שטיקל פון די ניגון "אז די שעפעלעך זענען שוין דא...."

קען מיר איינער ארויסהעלפן מיט די גאנצע ניגון?

[ניגון עתיק]

איך זוך א ניגון אויף אידיש, עפעס א משל מיט א פאסטאך און שעפעלעך, איך געדענק איין שטיקל פון די ניגון "אז די שעפעלעך זענען שוין דא...."

קען מיר איינער ארויסהעלפן מיט די גאנצע ניגון?

אביסל מער אינפארמאציע...

[אין וועלט אריין]

דאכט זיך מיר דוד ווערדיגער זינגט דאס אויף א טעיפ וואס כ'האב געהערט שוין זייער לאנג צוריק - עפעס געדענק איך "דָלֹה דָלֹה, דלה דא", דאס איז מיין איך דער שטיקל וואס קומט א גאנצע צייט צוריק

[לכאורה]

איך זוך א ניגון אויף אידיש, עפעס א משל מיט א פאסטאך און שעפעלעך, איך געדענק איין שטיקל פון די ניגון "אז די שעפעלעך זענען שוין דא...."

קען מיר איינער ארויסהעלפן מיט די גאנצע ניגון?

איך האב דאס פונקט געהערט אויף די "אין חדר אריין" קאסעטע וואס איינער האט ארויפגעשטעלט דא אין היכל נגינה.

אינטערסאנט וואס ליגט אונטער דעם ניגון, גאנץ א מאדנע ניגונ'דל.

[לכאורה]

איך וועל עס פרובירן אפצושרייבן, פון "אין חדר אריין 1":

עס איז אמאל געווען א פאסטוך, האט ער געפאשעט שאף, איז אויף געפאלן א טיפע שלאף
געט ער זיך א כאפ אויף, זעהט ער אז די שעפעלעך זענען נישט דא..
געט ער א געשריי אוי אוי, באראניו באראניו

אז די שעפעלעך זענען נישט דא, אז די שעפעלעך זענען נישט דא
זענען, זענען, זענען נישט דא

ער נעמט זיך צו א פידעלע, און ער שפילט זיך צו א לידעלע
דוליי, דוליי, דוליי דו

יאק יאק וכו' וכו' (מאדנע ווערטער אין א פרעמדע שפראך)
אז די שעפעלעך זענען נישט דא

איז ער געגאנגען ווייטער, האט ער געטראפן א בארג מיט עפעלעך, האט ער געמיינט אז דאס איז פון די שעפעלעך די קעפעלעך...

געט ער א געשריי אוי אוי, באראניו באראניו
אז די שעפעלעך זענען נישט דא, אז די שעפעלעך זענען נישט דא
זענען, זענען, זענען נישט דא


ער נעמט זיך צו א פידעלע, און ער שפילט זיך צו א לידעלע
דוליי, דוליי, דוליי דו

יאק יאק וכו' וכו' (מאדנע ווערטער אין א פרעמדע שפראך)
אז די שעפעלעך זענען נישט דא


איז ער געגאנגען ווייטער, האט ער געטראפן א בארג מיט שטרוי, האט ער געזען אז די שעפעלעך זענען שוין דא

געט ער א געשריי אוי אוי, באראניו באראניו
אז די שעפעלעך זענען שוין דא, אז די שעפעלעך זענען שוין דא
זענען, זענען, זענען שוין דא

ער נעמט זיך צו א פידעלע, און ער שפילט זיך צו א לידעלע
דוליי, דוליי, דוליי דו

(אנדערע מאדנע ווערטער אין א פרעמדע שפראך)

אז די שעפעלעך זענען שוין דא!

כבקרת רועה עדרו, מעביר צאנו תחת שבטו
מעביר, צאנו, תחת שבטו!!

[חסדי אבות]

וואו קען מען הערן דער עצם ניגון?

[לכאורה]

דא האט "ניגון עתיק" ארויפגעשטעלט די "אין חדר אריין" קאסעטעס, נעם אראפ די ערשטע, עס איז אינמיטן דעם טעיפ
viewtopic.php?p=790795#p790795

[חסדי אבות]

K9 בלאקט דעם לינק ביי מיר.

[לכאורה]

פרעג "ניגון עתיק" אויב ער קען דיר עס שיקן אויף א צווייטן אופן.

[קאמענטאטאר]

עפעס גריזשעט מיר אין מח ווערטער פון א ניגון אן אלטען, די לעגענדע וואס איך דענק איז אז דאס האט איינער געזונגען מוצ"ש ביי הבדלה פון רביה"ק מ'סאטמאר זי"ע, די ווערטער גייען עפעס ווי "מוצאי שבת ווער מיר שטייען ביי הבדלה צוזאמען, דערמאנען מיר זיך אין די אוישוויצער פלאמען, ..." האט מיר עמיצער אמאל דערציילט אז דער עולם האט זעהר געוויינט און רבינו זי"ע האט פארלאנגט מען זאל עס מער נישט זינגען, ביז האט מען ארומגעטוישט די ווערטער אויפן חורבן ביהמ"ק מיט ירמי' הנביא וואס די מיידלעך (פלעגן) זינגען אין שולע.

איינער האט ס'מינדעסטע השגה פון וואס איך רעד אדער איז עס דאמירן בעלמא?

באקומען אין אישי:

שתי ניגונים יש כאן, איינס איז די "אוישוויצער טרערן" וואס הייבט זיך אן מיט די ווערטער "מוצאי שבת ביי הבדלה וכו וכו" דאס האט מען קיינמאל נישט געזונגען ביי סאטמאר רבי'ן, נאר דאס איז ארויסגעקומען ריקארדירט אויף א רעקארד געזינגען דורכ'ן מחבר ר' יקותיאל הערש ע"ה באגלייט מיט מוזיק, דער ניגון רייסט ממש שטיקער אזש ר' יקותיאל הערש האט עס קוים געקענט אראפזינגען זיך שטיקענדיג פון טרערן.

די צווייטע ניגון איז אויך איבער אוישוויץ געבויעט אויף א קשיא מיט א תירוץ אויף די שואה, דאס האט ר' יקותיאל הערש ע"ה געזונגען איינמאל מוצ"ש ביי עפעס א מאורע א דינער אדער עפעס ענליך, און אויף דעם האט דער רבי געזאגט אז ער זאל עס מער נישט זינגען וויבאלד מען טאר נישט פרעגן קיין קשיות.

[קאמענטאטאר]

די מער ריכטיגער אויסדריק וואס דער סאטמאר רבי האט זיך אויסגעדריקט אויפן צווייטן ניגון איז "די ניגון האט טאקע א תירוץ אבער די קשיא איז אסאך שטערקער און מען טאר נישט פרעגן קיין קשיות"

[ניגון עתיק]

קום מיין פריינט אין גארטן
לאמיר ארויס אויפן פעלד
און באטראכטן דארטן
די גרויסקייט פון באשעפער פון דער וועלט
קריכט א מוראשקע צו זיך אין שטעטל
און עס טרואגט אויף זיך א שווערע בלעטל
דער זומער גייט אוועק, עס קומען קאלטע טעג
מען דארף זיין ווארעם צוגעדעקט

זע די שיינע בלומען
די בלעטעלעך פונקטליך אין צאל
זומער ווינטער קומען
אלע יאר פונקט אין צייט אלעמאל
פונקטליך קומט די נאכט און טאג נעמט ווערן
און פונקטליך דרייען זיך ארום די שטערן
און ווו די וועלט איז ווייס
אויף די בערג פון אייז
דער ווייסער בער קריגט אויך זיין שפייז

א מענטש פון פלייש און ביינער
האט אונזער גרויסער באשעפער געמאכט
און פארשטיין קיין קיינער
ווי אזוי ער זעט און ער רעדט און ער טראכט
מליאנען שרייפעלעך צונויפגעפלאכטן
רערן פול מיט שלאפן אלע סארטן
און ווער נאר שכל האט
קען פארשטיין דעם סוד
אז אלעס איין באשעפער האט

אני מאמין איך טו גלויבן
אז דער באשעפער דארט פון אויבן
באשאפן האט געקענט נאר איינער
אזא גרויסע וועלט א שיינער
געווען און איז און וועט זיין איינער
און אים דארף נישט העלפן קיינער
ווייל קיינער קען אים נישט פארשטיין
ווי אזוי ער מאכט עס אלץ אליין

ווען טיט וואלט ווערן אלע ימ'ן
און א פען פון יעדן גראז
און אלע הימלען זיי צוזאמען
א שטיק פארמעט אן א מאס
און שרייבן דארט מיליאנען יארן
וואלט קיין אנפאנג נישט געווארן
פון די שבחים פון דעם העלד
דער באשעפער פון דער וועלט

עס ווייסט דאך יעדער איינער
אז מען קען נישט רירן קיין האנט און קיין פיס
דער עסן ביי די ציינער
און מען קען נאך נישט קיין רשות פון אויבן
דער באשעפער זאל אליין ער לויבן
הייסט ער גיין איז גיין
הייסט ער שטיין איז שטיין
מען קען דאך גערנישט טאן אליין

ווו א איד טוט וואוינען
מיט וועמען א שידוך ער טוט
נישט ווייל אים טוט לוינען
און ער מיינט אז דאס איז פאר אים גוט
אלעס שטייט פון אויבן אנגעשריבן
די היט, די שיך, וואס ער האט אויסגעקליבן
און אלעס וועט מען טוט קען נאר ווערן גוט
נאר ווען עס קומט אן די מינוט

א שטרוי עס פאלט פון וואגן
א בלעטל פון בוים אויף דער ערד
דער ווינט טוט עס פארטראגן
און לייגט אוועק דארט ווו עס באשערט
און פונקט אין דער מינוט וואס ער דארף טויגן
און פונקט אויף וועלכן זייט עס דארף זיך לייגן
און קיין זאך איז נישט סתם
א צופאל מן הסתם
נאר יעדער זאך עס האט א טעם

אני מאמין איך טו גלויבן
אז דער באשעפער קוקט פון אויבן
און ער אליין טוט עס אנפירן
מיט אלעס וואס עס טוט פאסירן
און אכטונג גיט אויף יעדן איינעם
און פארזעט נישט קיינמאל קיינעם
און מען דארף גלויבן שטארק אין דעם
און זוך פארלאזן נאר אויף אים

צום הימל וואלט איך מיר געפלויגן
ווען איך וואלט פליגלען נאר פארמאגט
און פון שפיץ פון רעגנבויגן
וואלט איך פאר דער וועלט געזאגט
וואס עס טוט באמת גלויבן
און אז ער דארף א הילף פון אויבן
דארף ער גאנישט טאן צו דעם
און דער באשעפער העלפט גלייך אים

[להגדיל שמו]

עס איז ארויס געקימען א ביך אפאר יאר צוריק מיט אלע ניגונים פון ר' יו"ט ערליך, זייער שיין מסודר.

[loeffler]

אויב איינער קען מיר ארויס העלפן צו וויסן פון ווי קען מען שאפן די טעקס פון אידישע ניגונים

[דע מה שתשיב]

עס איז דא א גאנצע אשכול איבער דעם. א שאד צו עפענען א נייע. און מעגליך אז דער ניגון וואס דו זוכסט ליגט שוין דארט

[א גראם מיט טעם]

שוין דא אן אשכול דערוועגען

viewtopic.php?f=18&t=4505#p114661

[loeffler]

איך זיך י-ה אכסוף אין אידיש

[דע מה שתשיב]

דא איז דער ניגון:

י-ה אכסוף נועם שבת
גליסט, איך מיר אזוי
מיר זענען פאר אייניגט, מיט די שבת
דער איד, און נישט די גוי
צי א זיסקייט, פון דיין מורא
פאר, דיין הייליג פאלק
וואס זיכן צו טוהן, די רצון הבורא
אלעס, מיט ערפאלג
הייליג זיי בהתלהבות – מיט קדושת השבת
וואס זי איז פאראייניגט צוזאמען
די שבת מיט די תורה, פון וואו זיי שטאמען
עפן, פאר זיי, זיסקייט מיט ווילן
עס זאל זיך עפענען, די טויערן, אין די הימלן
אוי באשעפער גרויס דו ביסט - ווי שטארק איך גליסט
א שבת צו פירן - און זיסקייט שפירן
אינאיינעם מיט די שבת טוה איך מיר שטאלצירן
היה, הוה, דו ביסט פון אלץ דא געווען, און דו ביסט דא יעצט
שמור, באהיט און שעטץ
פאר די וואס ווארטן אויף די שבת קודש, אגאנצן צייט
אזוי ווי א אינד, גליסט, פאר וואסער און שרייט
אזוי אויך, די נפש ישראל - גליסט אן א צאל
די זיסקייט פון שבת, אנצונעמען
וואס זי איז פאראייניגט, מיט דיין הייליגע, נאמען
טוה באשיצן, און ראטעווען
ווער עס פארלענגערט, רעווא דרעווין
ס'זאל נישט זיין פארשפארט - זייער אפווארט
פון די השפעות, פונעם שבת באקומען
די זעקס טעג פון וואך, זאלן ווערן מיט דעם, ארום גענומען
מיט א אמת'דיג הארץ, און ריינקייט
דיך קענען דינען מיט א באגלייבטקייט
פזמון
ויהיו רחמיך, מתגוללים
אויף דיין פאלק, וואס איז הייליג
און א רפואה שלימה, אויף אלע חולים
ענטפער אונז, נישט ליידיג
ס'זאל זיך ארויף דרייען, דיין רחמנות
מיט פילע, מתנות
פאר אלע וואס דארשטן, אנצוטרינקען
אין דיין חסד, זיך טינקען
פון גן עדן'ס טייך
וואס קומט ארויס גלייך
צו באקרוינען, די אידן, מיט שיינקייט
וואס זיי טוהען דיך בארימען דורך'ן שבת, דיין הייליגקייט
אויף אלע זעקס טעג, השפעות טוה גיסן
פונעם נחלת יעקב, אהן קיין גרעניץ, געניסן פזמון
השבת, נועם הנשמות
זי לייכט דאך אזוי, אין אלע, עולמות
און די זיבעטע, טאג
פארגעניגן צום רוח, עס טראגט
און א זיסקייט פאר די זעהלן, טוהט אריין גיין
דאס ברענגט אונז נענטער צו דיר אריין
צו אהבת השם
מיט א יראה פארנעם
אוי הייליגער שבת -
מיין זעהל גייט אויס פאר דיר מער פון אלע אהבה'ס
שבת קודש, אלע אידן
אונטער דיינע פליגלעך, באשיצן, און פון דיין אוצרות זעטיגן צופרידן
אוי באשעפער גרויס דו ביסט - ווי שטארק איך גליסט
איך וויל אויך פירן - א זיסקייט אין שבת שפירן
אינאיינעם מיט די שבת טוה איך מיר שטאלצירן

[געלעגער]

שוין דא אן אשכול דערוועגען

viewtopic.php?f=18&t=4505#p114661

צוזאמגעשטעלט די אשכולות

[טשאלנט טאפ]

איך האב אויך הנאה געהאט