נייע אויפגעמאכטע ניגונים, מישמאש אידיש און לשה"ק

[מחנך]

נאך א שלב ווי די היינטיגע מחברי ניגונים זענען ארויס פון טרעק, א נייע "לעבעדיגע" ניגון "מה נאמר לפניך יושב מרום ומה נספר לפניך שוכן שחקים, הלא כל הנסתרות והנגלות אתה יודע, אתה יודע, אתה אתה אתה יודע, לעבעדיג"!

ביסט פאררוקט אינגאנצן? דעם ניגון זאגט מען איינגעבויגן מיט הכנעה יום כיפור די הייליגסטע טאג אין יאר ווען מ'רעדט צום רבוש"ע מיט בושה און הכנעה אויף די עוונות וואס מ'האט אפגעטון, מ'מאכט דערפון א לעבעדיגע טאנץ ניגון? נאך איין מזל אז משוגע מאכט נישט וואקסן.

איך בין דן די מחבר לכף זכות אז ער ווייסט נישט די טייטש פון די ווערטער

[יוד אלף]

אויב איך מעג צולייגען מיינע צוויי צענט
ס'איז א גוטע איידיע צו נוצן אידישע ווערטער אין א ניגון
סקען אסאך מאל ארויסברענגן בעסער די געפיל
(בדרך אגב איז עס מער אויסגעהאלטן להלכה ווי זינגען א פסוק עקסטערע שמועס)

ווי איך פארשטיי די וואס ס'באדערט זיי
איז ווען די ווערטער איז דירעקט פאלש געלערנט פשט
די עצה אויף דעם איז צו פרעגן מה הפשט פון די ווערטער
און מען קען צומאל באקומען א צופרידענשטעלנטע תשובה, כאטש די געפיל וועט נישט אזוי שנעל קומען ווי ווען מען כאפט גלייך די מהלך פון די ווערטער

די פראבלעם ווערט ווען עס זענען דא אסאך פסוקים, מימרות, וואס בשטחיות זענען מענטשן זיך טועה און די "פשוטע" באדייט, און איינער וואס קען נאר אביסל לערנען ווייסט אז די פשט איז אנדערש
און מען טייטשט עס איבער פאלש אוי שטעכט עס די אויערן
אביסל ערגער איז ווען סאיז א ניגון וואס די תנועה האט געכאפט די מענטש
און מען וויל עס איבער זינגן ודא קאקא האט געגעבן א שמייס אריין אפאר ווערטער וואס נעמט אוועק די געפיל פאר איינעם וואס האט שכל נאך צו באמבלען
(למשל שערי דמעות - יודל, אדער, מי שענה מונה 4 נישט אידיש אבער הודל מיט בודל)

מיר שטערט די ניגון ״זאג נישט פארן באשעפער ווי גרויס דיינע צרות איז...״
פארוואס נישט?
דוד המלך האלט אנדערש, ״השם מה רבו צרי״ האט ער געזאגט.
ביי מיר זינגט מען ״ווען דו זאגסט פארן באשעפער ווי גרויס דיינע צרות איז...״ וכו׳.

דו האסט א פוינט, אבער די מקור פון די ווערטער איז אן אלטער סעיאינג אין ענגליש און מען קען עס פארשטיין
פראבלעם איז אז "איז" אנשטאט "זענען" איז אזוי שלעכט גראמאטיש אז 10 יערעגיע קינדער קענען זיך מוטשענען עס צו איבערזאגן

אלזא מיין בקשה צו די זינגערס
איך פארשטיי אז היינט גייט בעסער מיט אידיש
איז אויב ווילסטו ניצן א ניגון מיט אידיש
אדער בעט א איינער וואס זיין ליין איז - נישט מוזיק, מארקעטינג, וכדו',- נאר תורה, זאל דיר זאגן צו די טייטשט איז נארמאל
אדער לייג עס אויף די תנועה וואס איך גיי מילא נישט נאכזינגען נאר דורך סובסטענס אינפלאענס

אדער טוה ווי די ווילסט (מיין פראבלעם איז נאר נאכדעם ווען איך זאג פאר מיין אינגעל אז יענער זינגער וואס מהאט אינטערוויאט אויף קול מבשר איז א טיפש עצום בין איך אפשר צו אן עקסטרעמיסט און עס קען אים חלילה שאטן, ווייסעכניש)

[יוד אלף]

לכתך אין אלע שווערע זמנים
,,,,,,,,,,פארהאנען
,,,,,,,,,,(מיטגעגאנגען)מיטגעגאנגען

גראדע דעם מחבר בין איך מכיר טוב ווייל ס'איז א שיינע תנועה, און ער האט עס געמאכט אזוי,
אז ווער סמשעקט נישט קען אויסקראסן די אידיש אינגאנצן, און נאך אלץ האבן דעם גאנצן ניגון ובזה יצא ידי שניהם, קודוס
,

[זבולון ווייס]

דער אמת איז, אז אויב למשל דער זינגער ווען ער זינגט עפעס האט ער אינזין די ווערטער וואס ער זינגט, איז א קשיא פארוואס די לשה"ק קלעבט נישט מיט די אידיש

אבער אויב רוב זינגערס טראכטן נישט א רגע וואס זיי זינגען, מען זינגט אבי אין די וועלט אריין, איז בכלל נישט קיין פראבלעם צו מאכן א מישמאש פון הוידל בוידל שלאכזעם מאמצעם

עס איז אלעס איין זאך, ער קען זינגען היברעיש, געמישט מיט ענגליש, און אידיש, און לשה"ק און אפי' אונגאריש און כינעזיש צוזאמען, ער האט סייווי אינזין די זעלבע כונה, עס זאל זיין מעכטיג, רייסעריש, און די בחורים זאלן פליען ביז די לבנה, און יעדער זאל זאגן WOW ער זינגט צו די זאך...

[טישטוך]

sorry dont have a yiddish keyboard
its from amnon yitzchak

[פלטי חרץ]

אויף די ניגון מצליח - משיח פון אברהם פריעד זינגט ער יהי רצון מלפניך שתשרה שכינה
די ווארט מלפניך טוישט די משמעות פון א ברכה וואס משה רבינו בענטשט די אידן צו א תפילה
ח"ו צו בעהטן דעם אייבערשטן "שתשרה שכינה במעשה ידיכם רח"ל

[אבן יקרה]

געדענק איך נישט פונקטליך, אבער ביי די ווערטער פונעם ניגון ממלא כל עלמין, האב איך עפעס געשפריט א סקרוך אין די ביינער, טשילס בלע"ז, אפשר קען איינער אפשרייבן די ווערטער וועט מען פארשטיין וואס איך מיין.

ממלא כל עלמין וסובב כל עלמין
אין שום מציאות מבלעדיך יתברך כלל
ובכל תנועה ותנועה שם אלופו של עולם

מבלעדיך מיט יתברך, גייט נישט צוזאמען
אדער מבלעדו יתברך, אדער מבלעדיך תתברך

[פארנימען]

צווישן די ניגון און די אינטראדאקשן פון ויתן לך אויף שמילי אונגאר'ס ערשטע סידי זאגט ער
"And then Hashem said"
בעת ס'איז יצחק אבינו'ס ברכה...

[פארנימען]

גראדע דערמאנט עס מיר, ער האט איבערגעפרינט יענעם סידי נאכדעם וואס משה לאופער האט געכאפט אז ער זאגט מה יתרון לאדם 'ל'כל עמלו אנשטאט 'ב'כל...
כ'האלט נישט נפתלי משה דארף אויפנעמען א פול טיים בן תורה אין סטודיא פאר דעם אבער ער וואלט דעפיניטלי געמעגט געבן אויסצוהערן זיינע פראזשעקטס פאר צוויי דריי יודעי ספר פארן ארויסגעבן...
ס'וואלט אים געשפארט געלט און בישות...
דאונט געט מי ווראנג ח"וו ער איז א חשובע אינגערמאן באט מיט'ן זיין אזוי פארנימען ב"ה קענען זאכן פארזעהן ווערן, יו נאו וואט איי מין.

[חוח בין השושנים]

מבלעדיך מיט יתברך, גייט נישט צוזאמען
אדער מבלעדו יתברך, אדער מבלעדיך תתברך

יא יא, אזוי ווי אונז זאגן אלעמאל ברוך אתה ה' אשר קדשתנו במצוותיך וצויתנו וכו'. אדער ברוך הוא ה' אשר קדשנו במצותיו וצונו.

דאונט געט מי ראנג, איך האלט אויך נישט פונעם ווערטער צאמשטעל מבלעדיך יתברך, אבער אונז זענען שוין צוגעוואוינט צו אזעלכע מימי קדם, אבל הבו דלא לוסיף עלה.

[חוח בין השושנים]

גראדע דערמאנט עס מיר, ער האט איבערגעפרינט יענעם סידי נאכדעם וואס משה לאופער האט געכאפט אז ער זאגט מה יתרון לאדם 'ל'כל עמלו אנשטאט 'ב'כל...
כ'האלט נישט נפתלי משה דארף אויפנעמען א פול טיים בן תורה אין סטודיא פאר דעם אבער ער וואלט דעפיניטלי געמעגט געבן אויסצוהערן זיינע פראזשעקטס פאר צוויי דריי יודעי ספר פארן ארויסגעבן...
ס'וואלט אים געשפארט געלט און בישות...
דאונט געט מי ווראנג ח"וו ער איז א חשובע אינגערמאן באט מיט'ן זיין אזוי פארנימען ב"ה קענען זאכן פארזעהן ווערן, יו נאו וואט איי מין.

איך האב שוין געטראפן אסאך מיסטעיקס אין ניגונים, נאך זיי זענען ארויסגעקומען.
א שאד זיי האבן מיר עס נישט געלאזט הערן קודם.
למשל 'אינו דומה השומע מפי שליח לשמוע מפי המלך'... אנשטאט 'לשומע'.

[איינפאכער איד]

איך קען נישט פארגעסן ווי ביי איינע פון די הדלקות דא אין ברוקלין מיט א 6-7 יאר צוריק האט דער זינגער געזינגען דעם פיוט "אשרינו מה טוב חלקנו בהילולא דבר יוחאי" און האט אויסגעלאזט הויך ביי יעדן צווייטן שטיקל "בזכות אדונינו דבר יוחאי" אן קיין שום בושה [נישט קענענדיג אפילו כאטש אריינטראכטן מיט 2 צענטיגע שכל אין די ריכטיגע טייטש]... עס האט מיר דאן געגעבן א שטיקל בילד על הכלל כולו איבער די שרעקליכע טפשות און עמ-הארצות אין די היינטיגע זינגעריי.

[פארנימען]

לא"ל, ס'שטימט בעסער מיט'ן רידם...

[חוח בין השושנים]

צ/ק:
יעלילי טאנץ חביבי שתהא למזל שתהא אי"ה ביי דיר שתהא את החתן ספרדי כלה נאה אשכנזי רחל אמנו ספרדי מאמע רחל אשכנזי באבא סלי ספרדי רבי נחמן אשכנזי שתהא למזל ספרדי אי"ה ביי דיר אשכנזי יעלילי טאנץ חביבי ג'ינה ג'ינה ספרדי עוד ישמע אשכנזי יוסי אבי ספרדי יום השמיני אשכנזי מועדים לשמחה ספרדי א גוט יום טוב אשכנזי שתהא למזל ספרדי אי"ה ביי דיר אשכנזי

#א באנדע בהמות

[משיח]

געדענק איך נישט פונקטליך, אבער ביי די ווערטער פונעם ניגון ממלא כל עלמין, האב איך עפעס געשפריט א סקרוך אין די ביינער, טשילס בלע"ז, אפשר קען איינער אפשרייבן די ווערטער וועט מען פארשטיין וואס איך מיין.

ממלא כל עלמין וסובב כל עלמין
אין שום מציאות מבלעדיך יתברך כלל
ובכל תנועה ותנועה שם אלופו של עולם

מבלעדיך מיט יתברך, גייט נישט צוזאמען
אדער מבלעדו יתברך, אדער מבלעדיך תתברך

איר זענט גערעכט אז די ריכטיגע ווארט איז מבלעדו, אבער מ׳רעדט דא פון אפאר ווארימע ווערטער וואס אן אדם גדול האט ארויסגעגעבן זיינע געפילן מיט געגועים פון הארץ,
בכלל נישט דומה צו די עמהארצות פון מלחינים וואס די אשכול רעדט.

[נאר מיט שמחה]

צ/ק:
יעלילי טאנץ חביבי שתהא למזל שתהא אי"ה ביי דיר שתהא את החתן ספרדי כלה נאה אשכנזי רחל אמנו ספרדי מאמע רחל אשכנזי באבא סלי ספרדי רבי נחמן אשכנזי שתהא למזל ספרדי אי"ה ביי דיר אשכנזי יעלילי טאנץ חביבי ג'ינה ג'ינה ספרדי עוד ישמע אשכנזי יוסי אבי ספרדי יום השמיני אשכנזי מועדים לשמחה ספרדי א גוט יום טוב אשכנזי שתהא למזל ספרדי אי"ה ביי דיר אשכנזי

#א באנדע בהמות

אז מ'רעדט שוין פון דעם (ניגון???)..., היינט וואלט מען געדארפט מאכן פארקערט: "באבא סאלי אשכנזי רבי נחמן ספרדי".......

[פראצעדור]

אבא, אבא, אבא, מלך העולם,
מלך, מלך, מלך, אבא של כולם,
שוב ושוב אתה סולח,
רק אליך עוד בורח,
אבא, טאטע.

טאטע, טאטע, טאטע, ווען גייט מען שוין אהיים?
מלך, מלך, מלך, צוריק אין חדר גיין,
נאר צו דיר איך שטענדיק לויף,
נאר צו זיין ביי דיר אין הויף,
טאטע, טאטע.

Father, Father, Father, to You we sing and pray,
You never turn away,
שוב ושוב אתה סולח,
רק אליך עוד בורח,
טאטע, טאטעניו.

[חוח בין השושנים]

how about דער ניגון פון MBD?

אין אדם שר שירה אלא מתוך שמחה וטוב לבב,
איז דאך משמע פון רש"י, אז צו זינגען א ניגון, קען מען נאר ווען א איד איז בשמחה.

וואס איז פשט פון משמע?
איז עס נאר משמע אזוי, אדער האט ער בערכ'דיג געטייטשט די ווערטער?

[חוח בין השושנים]

גראדע דערמאנט עס מיר, ער האט איבערגעפרינט יענעם סידי נאכדעם וואס משה לאופער האט געכאפט אז ער זאגט מה יתרון לאדם 'ל'כל עמלו אנשטאט 'ב'כל...
כ'האלט נישט נפתלי משה דארף אויפנעמען א פול טיים בן תורה אין סטודיא פאר דעם אבער ער וואלט דעפיניטלי געמעגט געבן אויסצוהערן זיינע פראזשעקטס פאר צוויי דריי יודעי ספר פארן ארויסגעבן...
ס'וואלט אים געשפארט געלט און בישות...
דאונט געט מי ווראנג ח"וו ער איז א חשובע אינגערמאן באט מיט'ן זיין אזוי פארנימען ב"ה קענען זאכן פארזעהן ווערן, יו נאו וואט איי מין.

איך האב שוין געטראפן אסאך מיסטעיקס אין ניגונים, נאך זיי זענען ארויסגעקומען.
א שאד זיי האבן מיר עס נישט געלאזט הערן קודם.
למשל 'אינו דומה השומע מפי שליח לשמוע מפי המלך'... אנשטאט 'לשומע'.

ביי איין זינגער האב איך געהערט ותומכיה מֵאושר.
ערגעץ אנדערש ואני בחסדך בטָחתי.
אויך ונהורא מֵעליא.
און חסדי ה' כי לא תַמנו.
אפשר דארף עס צו זיין א פענסי וועג פון ארויסזאגן די ווערטער. וואס פארשטייען מיר...

[גרויסע עם הארץ]

צ/ק:
יעלילי טאנץ חביבי שתהא למזל שתהא אי"ה ביי דיר שתהא את החתן ספרדי כלה נאה אשכנזי רחל אמנו ספרדי מאמע רחל אשכנזי באבא סלי ספרדי רבי נחמן אשכנזי שתהא למזל ספרדי אי"ה ביי דיר אשכנזי יעלילי טאנץ חביבי ג'ינה ג'ינה ספרדי עוד ישמע אשכנזי יוסי אבי ספרדי יום השמיני אשכנזי מועדים לשמחה ספרדי א גוט יום טוב אשכנזי שתהא למזל ספרדי אי"ה ביי דיר אשכנזי

#א באנדע בהמות

אז מ'רעדט שוין פון דעם (ניגון???)..., היינט וואלט מען געדארפט מאכן פארקערט: "באבא סאלי אשכנזי רבי נחמן ספרדי".......

גוט!!

[גרויסע עם הארץ]

how about דער ניגון פון MBD?

אין אדם שר שירה אלא מתוך שמחה וטוב לבב,
איז דאך משמע פון רש"י, אז צו זינגען א ניגון, קען מען נאר ווען א איד איז בשמחה.

וואס איז פשט פון משמע?
איז עס נאר משמע אזוי, אדער האט ער בערכ'דיג געטייטשט די ווערטער?

וויאזוי פלעגט מיין רבי זאגן? ס'איז א באהאלטענע רש"י.

[יוסף פריעדמאן]

ביי איין זינגער האב איך געהערט חסדי ה' כי לא תַמנו.
אפשר דארף עס צו זיין א פענסי וועג פון ארויסזאגן די ווערטער. וואס פארשטייען מיר...

אולי זה לא מדוקדק, אך עיין בפי' רש"י וזה אכן המשמעות.

[דריידל]

כ'האב געהערט איינער מעורר זיין אויף אייזיק האניג'ס אתה הראית, אין כמוך באלקים אז מ'מעג ארויסזאגן די שם ווייל ס'מיינט עבודה זרה אדער מלאכים

[farshlufen]

כ'האב געהערט איינער מעורר זיין אויף אייזיק האניג'ס אתה הראית, אין כמוך באלקים אז מ'מעג ארויסזאגן די שם ווייל ס'מיינט עבודה זרה אדער מלאכים

viewtopic.php?f=18&t=23315

[העלאו]

how about דער ניגון פון MBD?

אין אדם שר שירה אלא מתוך שמחה וטוב לבב,
איז דאך משמע פון רש"י, אז צו זינגען א ניגון, קען מען נאר ווען א איד איז בשמחה.

וואס איז פשט פון משמע?
איז עס נאר משמע אזוי, אדער האט ער בערכ'דיג געטייטשט די ווערטער?

האט מיר איינער געזאגט ער האט געפרעגט די קושיא פון ר' מרדכי בן דוד אליינס און ער האט עהם גענטפערט במתק לשונו ''טאקע א שווערע מרדכי''.....