וויזניצער קה אכסף

פארצייטישע נגינה, נוסח התפילה, מועדים וזמנים

די אחראים: יאנאש,אחראי,געלעגער

משה חובב
שר חמישים
תגובות: 83
זיך איינגעשריבן אום: זונטאג יולי 07, 2013 6:13 am

ק-ה אכסוף - אין ק-ה ריבון

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה חובב »

עין טובה האט געשריבן:ווען מ'ענדיגט זיך טענהן זאל איינער ביטע צוזאמעננעמען וואס ס'איז געבליבן און מיר שיקן אן אישי...


פריעדמאן האט שוין פריער געשריבען בשם דעם וויזניצער חוקר הנגינה, אז עס זענען דא עטליכע השערות, און דער איינציגער וואס טענהט בבירור אז ער ווייסט איז ר' נפתלי חיים הנ"ל, וואס האט בפני קבל ועדה געטענהט אז ער האט עס גיברענגט, אלע אנדערע האט מען נישט גיהערט קלאר נאר בעיקר קושיות ווי אזוי עס קען זיין.
עס איז ממש א פלא - אז אזא שטארקער ניגון זאל זיין אזוי נישט קלאר דער מקור.

אגב; דער זעלביגער איז מיט דער ק-ה ריבון, וואס כידוע איז ציטיילט פון כמה חלקים, וואס דער ערשטער טייל (דער חופה ניגון) איז נישט קלאר דער מקור פון דעם ניגון.

אז מרעדט שוין, דער ק-ה ריבון
דער ערשטער טייל (די חופה ניגון):
נישט קלאר - יש טוענים אז עס איז פונעם הייליגען רוזשינער, אויסצישליסען אז איך האב אמאל גיהערט א שמועה, אז דער ניגון וואס ווערט אנגערופען 'יעקב אבינו'ס ניגון ביים פאשען די שעפעלעך' איז ענדליך, אין די שמועה איז בשם ר' יצחק אונגאר פון ויזניץ בני ברק, איך האב אים גיפרעגט אין ער האט מיר גיענטפערט, אז ער האט גירעדט מיט ר' בנימין הארטמאן הי"ו וירפאהו, אין געוויזען די נאטען פון באטשאטשער רב, האט ער גיזאגט אז מען קען זאגען אז עס איז דא איינציגע נאטען וואס זענען ענדליך, אבער בהחלט איז עס נישט גלייך אין עס האט נישט קיין מקור.
דער צווייטער טייל (וואס מען זינגט אין בני ברק אויף רברבין):
דער הייליגער אמרי חיים האט פארציילט פאר'ן בני ברק'ר שטאטס רב, הרב לאנדאוי, אז דער שטיקעל האט ער גיהערט אין חבד, זייענדיג אויף קעסט ביי זיין שווער אין ראחמיסטריווקא, אין ער האט דענסטמאל גיהערט דעם ניגון, 'אין איך האב אריינגעלייגט מיין אייגען געפיל אין דעם'.
כידוע האט דער אמרי חיים נישט געוואלט זינגען בחיים חיותו פונעם טאטען (דער אלטער רבי דער אהבת ישראל) דער ניגון פון ק-ה ריבון מיט דעם טאטענס ניגון, זאגענדיג אז עס איז שרביטו של מלך, אין ער פלעג דענסטמאל זינגען דער גאנצער ק-ה ריבון מיט די חבדסקער תנועה, דערנאך ווען ער איז געווארען רבי האט ער איבער געלאזט דעם שטיקל אויף רברבין.
דער דריטער טייל (אויף אלקא דיליה):
שטייט אין ספר 'צוואת אבא' פון ר' אלטער אברהם ברוך רוזנבערג, אז דער הייליגער תורת חיים (א זוהן פון דעם ערשטען קאסובער רבי דער אהבת שלים, אין דער טאטע פון דער ערשטער וויזניצר רבי דער צמח צדיק) הא מחבר גיוועהן די תנועה, דארט איז אויך משמע, אזוי ווי עס איז ידוע אז דער אלטער רבי דער אהבת ישראל האט למעשה צאמגישטעלט דעם גאנצען ניגון.
דער פערדער טייל (אויף למקדשך):
שרייבט ר' קלמן שטעקעל אין דעם ערשטען וויזניצער ריקארדינג, וואס איז ארויס נאך פאר תש"ל, אז דער שטיקעל האט דער צמח צדיק געזינגען אויף די שטיקל 'יבנה המקדש' פון 'צור משלו', אין ר' קלמן האט מיר געזאגט אז בשעת ווען ער האט ארויס גיגעבען דעם 'פלאטע' האט דער רבי דער אמרי חיים איבערגעקוקט אלעס וואס ער האט געשריבען, אין באשטעטיגט אלעס וואס שטייט דארט.

אזוי אויך שרייבט ר' קלמן דארט אויף די דעקל פון דעם ערשטען פלאטע אז דער גאנצער ניגון פון 'ק-ה ריבון' האט דער אלטער רבי דער אהבת ישראל צאמגישטעלט, פון די אויבערדערמאנטע ניגונים (פארשטייט זיך אויסער די חלק פון רברבין וואס דאס האט דער אמרי חיים צוגעלייגט.

עס איז דא נאך אסאך צו רעדען איבער די נושא, ווי דער ספר כנסת ישראל אין נאך, אבער דערווייל עמער בלייבען דא שטיין.
אוועטאר
עין טובה
שר ארבעת האלפים
תגובות: 4062
זיך איינגעשריבן אום: דאנערשטאג נאוועמבער 27, 2014 9:46 pm
לאקאציע: 127.0.0.1

  • ציטיר
  • צו לייגן א דאנק דארפט איר זיין אריינגעלאגט

תגובה דורך עין טובה »

יישר כח פאר דיין הערליכע באריכט. גיי אן ווייטער.
...
אוועטאר
יוסף פריעדמאן
שר שבעת אלפים
תגובות: 7415
זיך איינגעשריבן אום: דאנערשטאג אפריל 30, 2015 4:31 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך יוסף פריעדמאן »

שלו' וברכה!
תודה רבה להרב משה חובב, על המאמר הנפלא, ואכתוב את הערותיי
א. לפי מה שהבנתי, האמ"ח זי"ע ניגון בחיי אביו את הקה ריבון בשינוי הניגון למילים רברבין לניגון חב"ד, שאר הניגון [שבחין, אלקא, למקדשך] ניגן כרגיל.
והטעם הוא כמו שכתב ר' משה, שלא רצה להשתמש בשרביטו של מלך [על אף שלא היה זה במקום מושב אביו, אלא בווילחוביץ].
ב. שינוי זה נשאר אצל האמ"ח גם לאחר פטירתו של האהבת ישראל זי"ע, ושרו מידי שבוע את הניגון בשינוי של הבית רברבין, ובשבתות שבתוך הרגל [כגון שבת חוה"מ], שרו את הניגון כמו בחייו של האהבת ישראל.
ג. התקליט ניגוני בית וויז'ניץ [הראשון] שיצא היה לערך בשנת תשל"א, ע"י ר' קלמן שטעקל שליט"א, ומספרים שהאמ"ח עבר על הניגונים,
בתקליט מושר הניגון כפי שהיה מושר בימי האהבת ישראל זצ"ל.
ד. אצל הישועות משה, ניגנו תמיד את הניגון רברבין בניגון של חב"ד וכמו ששינה אביו האמ"ח, היה פעמים ספורות בלבד, שניגן בנוסח של זקינו האהבת ישראל.
ה. אצל האדמו"ר מוויז'ניץ שליט"א , נוהגים כיום כמו אצל זקינו האמרי חיים, ומנגנים אצלו בכל שבת את ה'קה ריבון' עם השינוי של האמ"ח, ובשבתות שבתוך הרגל, מנגנים כמו אצל האהבת ישראל זי"ע.
ו. אם זכור לי טוב, הרי שבוויז'ניץ מאנסי ותולדות אברהם יצחק יש שינוי קטן, בהתאמת המילים לניגון רברבין [בקטע של 'מכיך רמיא וזקיף כפיפין'], וזאת משום שינוי שעשה האמרי חיים בימיו האחרונים בניגון, והשינוי מושר רק בחצר וויז'ניץ בבני ברק, ולא במאנסי ובתולדות א"י.
ז. בחצר סערעט וויז'ניץ [שבחיפה] מנגנים מידי שבוע את ה'רברבין' באותו ניגון של 'שבחין', וכהאהבת ישראל זי"ע.

מצו"ב עטיפת התקליט "ניגוני בית וויז'ניץ".
ניגוני בית וויז'ניץ.jpg
כי לך טוב להודות

. ע . ע . ע . ש . ע . . ש . . ש . ע . ש . ש . ע ולשמחה נאה לזמר . ע . ע
ארך אפים
שר מאה
תגובות: 227
זיך איינגעשריבן אום: דאנערשטאג סעפטעמבער 22, 2016 5:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ארך אפים »

משה חובב האט געשריבן:
עין טובה האט געשריבן:ווען מ'ענדיגט זיך טענהן זאל איינער ביטע צוזאמעננעמען וואס ס'איז געבליבן און מיר שיקן אן אישי...


פריעדמאן האט שוין פריער געשריבען בשם דעם וויזניצער חוקר הנגינה, אז עס זענען דא עטליכע השערות, און דער איינציגער וואס טענהט בבירור אז ער ווייסט איז ר' נפתלי חיים הנ"ל, וואס האט בפני קבל ועדה געטענהט אז ער האט עס גיברענגט,

נישט קיין ראי' אז ער האט עס געברענגט ער איז אנגעקומען קיין ארץ ישראל פארן אמרי חיים, קען זיין אז ער האט עס געברענגט אויף א"י,
יש מזל
שר חמש מאות
תגובות: 591
זיך איינגעשריבן אום: זונטאג יוני 11, 2017 1:46 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יש מזל »

איז אפשר דא בנמצא צו הערן די גאנצע ניגון מיט א געהעריגע קווייער אדער מיט מוזיק
יש"כ למפרע
משה חובב
שר חמישים
תגובות: 83
זיך איינגעשריבן אום: זונטאג יולי 07, 2013 6:13 am

Re:

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה חובב »

ארך אפים האט געשריבן:
משה חובב האט געשריבן:
עין טובה האט געשריבן:ווען מ'ענדיגט זיך טענהן זאל איינער ביטע צוזאמעננעמען וואס ס'איז געבליבן און מיר שיקן אן אישי...


פריעדמאן האט שוין פריער געשריבען בשם דעם וויזניצער חוקר הנגינה, אז עס זענען דא עטליכע השערות, און דער איינציגער וואס טענהט בבירור אז ער ווייסט איז ר' נפתלי חיים הנ"ל, וואס האט בפני קבל ועדה געטענהט אז ער האט עס גיברענגט,

נישט קיין ראי' אז ער האט עס געברענגט ער איז אנגעקומען קיין ארץ ישראל פארן אמרי חיים, קען זיין אז ער האט עס געברענגט אויף א"י,


אויך נישט ריכטיג, ווייל הרה"צ ר' נפתלי חיים זצ"ל האט לפי די גירסא גיברענגט צום אמרי חיים נאך בחיים חיותו פונעם אלטען רעבין דער אהבת ישראל, אין עס איז קלאר אז מען האט עס נאך געשינגען פארען קריג.
בית המשתה
שר חמש מאות
תגובות: 605
זיך איינגעשריבן אום: מאנטאג יוני 19, 2017 4:39 pm

Re: ק-ה ריבון

  • ציטיר
  • צו לייגן א דאנק דארפט איר זיין אריינגעלאגט

תגובה דורך בית המשתה »

משה חובב האט געשריבן:
אז מרעדט שוין, דער ק-ה ריבון
דער ערשטער טייל (די חופה ניגון):
נישט קלאר - יש טוענים אז עס איז פונעם הייליגען רוזשינער, אויסצישליסען אז איך האב אמאל גיהערט א שמועה, אז דער ניגון וואס ווערט אנגערופען 'יעקב אבינו'ס ניגון ביים פאשען די שעפעלעך' איז ענדליך, אין די שמועה איז בשם ר' יצחק אונגאר פון ויזניץ בני ברק, איך האב אים גיפרעגט אין ער האט מיר גיענטפערט, אז ער האט גירעדט מיט ר' בנימין הארטמאן הי"ו וירפאהו, אין געוויזען די נאטען פון באטשאטשער רב, האט ער גיזאגט אז מען קען זאגען אז עס איז דא איינציגע נאטען וואס זענען ענדליך, אבער בהחלט איז עס נישט גלייך אין עס האט נישט קיין מקור.


א הערליכע ארבייט! און שיין צולייגט די גאנצע השתלשלות פון די קה רבון.

נאר אויף דעם חלק האב איך געוואלט צולייגן, אז דאס איז טאקע נישט די ניגון פון די נאטן אין ספר דעת קדושים, נאר יענץ איז גאר א אנדערע ניגון.

די מחבר פון די וויזניצע הימנע קה רבון (די ערשטע חלק וואס מ'זינגט היינט) איז פון הרה"ק רבי מנחם מענדל בעל צמח צדיק מוויזניץ זי"ע, וואס ער האט טאקע געזינגען דעם גאנצן קה רבון מיט דעם ניגון (מפי ר' מענדל פאללאק הי"ו).
לעצט פארראכטן דורך בית המשתה אום פרייטאג אקטאבער 23, 2020 11:05 am, פארראכטן געווארן 1 מאל.
משה חובב
שר חמישים
תגובות: 83
זיך איינגעשריבן אום: זונטאג יולי 07, 2013 6:13 am

Re: וויזניצער קה אכסף

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה חובב »

איך ווייס נישט פון ווי ער נעמט דאס, ווייל דווקא איז מיר דא השערה אז מהאט עס געזינגען די גאנצע קה ריבון מיט דער ניגון פון א-לקא דילה.
עס איז דא גאר א אלטע ריקארדינג פין איינס פין ד אלטע רעביס וואס זינגט בערך אזוי, אין מילא קען מען משער זיין אז אזוי איז עס גיוועהן בימים ההם.
נאכאמאל איך פרעג נישט אפ, אבער איך האב עס קיימאל נישט געהערט, עס זענען פארהאן פיל אנדערע השערות, ווי דער רוזשינער וכדו'.
אוועטאר
וועלוועל קליינער
שר חמישים ומאתים
תגובות: 418
זיך איינגעשריבן אום: מאנטאג יוני 06, 2016 6:27 pm

Re: וויזניצער קה אכסף

  • ציטיר
  • צו לייגן א דאנק דארפט איר זיין אריינגעלאגט

תגובה דורך וועלוועל קליינער »

איך בין אמאל געווען ביים טיש פון טשערנאוויץ'ער רבין שליט"א ער זינגט דאס גענוי ווי רבו מבהק האמרי חיים.
שטייטלך און קלאר. מען קען זיך זייער גוט אויסלערנען.
בית המשתה
שר חמש מאות
תגובות: 605
זיך איינגעשריבן אום: מאנטאג יוני 19, 2017 4:39 pm

Re: וויזניצער קה רבון

  • ציטיר
  • צו לייגן א דאנק דארפט איר זיין אריינגעלאגט

תגובה דורך בית המשתה »

משה חובב האט געשריבן:איך ווייס נישט פון ווי ער נעמט דאס, ווייל דווקא איז מיר דא השערה אז מהאט עס געזינגען די גאנצע קה ריבון מיט דער ניגון פון א-לקא דילה.
עס איז דא גאר א אלטע ריקארדינג פין איינס פין ד אלטע רעביס וואס זינגט בערך אזוי, אין מילא קען מען משער זיין אז אזוי איז עס גיוועהן בימים ההם.
נאכאמאל איך פרעג נישט אפ, אבער איך האב עס קיימאל נישט געהערט, עס זענען פארהאן פיל אנדערע השערות, ווי דער רוזשינער וכדו'.

איר זענט גערעכט, אבער דאס איז געווען די אהבת ישראל וואס האט געזינגען די גאנצע קה רבון מיט דער ניגון פון אלקא דיליה בחייו פון טאטן הרה"ק בעל אמרי ברוך זי"ע פאר'ן ווערן רבי, אלס אין משתמשין וכו'.

הערט אויס זיין גאנצע שמועס וועסטו הערן די גאנצע היסטאריע.
לעצט פארראכטן דורך בית המשתה אום פרייטאג אקטאבער 23, 2020 11:05 am, פארראכטן געווארן 1 מאל.
משה חובב
שר חמישים
תגובות: 83
זיך איינגעשריבן אום: זונטאג יולי 07, 2013 6:13 am

Re: ק-ה אכסוף - אין ק-ה ריבון

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה חובב »

איך ציטיר א שטיקעל וואס איך האב פריער געשריבען:
משה חובב האט געשריבן:
כידוע האט דער אמרי חיים נישט געוואלט זינגען בחיים חיותו פונעם טאטען (דער אלטער רבי דער אהבת ישראל) דער ניגון פון ק-ה ריבון מיט דעם טאטענס ניגון, זאגענדיג אז עס איז שרביטו של מלך, אין ער פלעג דענסטמאל זינגען דער גאנצער ק-ה ריבון מיט די חבדסקער תנועה, דערנאך ווען ער איז געווארען רבי האט ער איבער געלאזט דעם שטיקל אויף רברבין.
דער דריטער טייל (אויף אלקא דיליה):

נישט דער אהבת ישראל האט עס אזוי געזינגען בחיים חיותו פונעם אמרי ברוך, נאר דער ענין פון אין משתמשין, איז נולד געווארען ביים אמרי חיים, בחיים חיותו פון זיין טאטען דער אלטער רבי דער אהבת ישראל.
אין נאכמער, דער גאנצער צאמשטעל פין דער צורה ווי עס איז היינט (וואס צוליב דעם ווערט עס אנגערופען שרביטו של מלך) האט בכלל דער אהבת ישראל מחדש גיוועהן, ווי עס ווערט געצייכענט אין דער שער בלאט פון דער פאטיפאן פון ר' קלמן שטעקל (אראפ גיברענגט פריער), אין ר' קלמן שטעקל איז מעיד אז דער אמרי חיים איז אריבער אויף דעם וואס ער האט געשריבען אין מעיד גיועהן אז עס איז ריכטיג.
אין נאכאמאל אלעס איז נאר א השערה, אין איך זאג נאר, אז איך האב קיינמאל נישט גיהערט די מקור, אז דער ערשטער ניגון איז פונעם צמח צדיק (אגב; דער אמרי חיים וואלט לכאורה געוויסט דערפון, אין געהייסן ר' קלמנ'ן צושרייבען דער פרט), איך האב נאר צוגעלייגט מיין השערה על סמך א ריקארדינג.
אין בפרט די נייע ענין וואס די האסט געשריבען, אז דער אהבת ישראל האט נישט געזינגען ווי זיין טאטען אלץ אין משתמשין, האב שיכער קיינמאל נישט גיהערט אויף דער אלטע רבי דער אהבת ישראל, נאר אויף דער אמרי חיים.
בית המשתה
שר חמש מאות
תגובות: 605
זיך איינגעשריבן אום: מאנטאג יוני 19, 2017 4:39 pm

Re: וויזניצער קה רבון

  • ציטיר
  • צו לייגן א דאנק דארפט איר זיין אריינגעלאגט

תגובה דורך בית המשתה »

אלעס קען זיין, איך שרייב נאר נאך וואס איך געהערט אין א לענגערע שמועס פון ר' מענדל פאללאק אויף וויניצע האטליין וועגן די היסטאריע פון קה רבון, און לויט ווי ער זאגט האט ער דאס מקבל געווען פון עלטערע אידן

ווי פון אים איז משמע האט זיך דער גאנצע הייליגער ענין פון קה רבון זיך אנגעהויבן נאך פריער פונעם אהבת ישראל - נאך ביים צמח, און דאס איז די סיבה פארוואס ס'איז געווארן די צוזאמשטעל פון די דריי ניגונים:

איינס - וואס די צמח האט טאקע געזינגען אריגינעל (זיין ניגון), צווייטע - די ניגון פון למקדשך תוב, וואס די אמרי ברוך האט געזינגען אויפן גאנצן קה רבון בחייו פון טאטן (וואס לויט ר' קלמן שרייבט טאקע האט דאס די צמח געזינגען אויף יבנה המקדש)
דריטע - די ניגון פון אלקא דילי', וואס די אהבת ישראל האט דאס געזינגען אויף קה רבון בחייו פון טאטן (א ניגון פון תורת חיים כנ"ל), און אויף למקדשך האט ער געזינגען דאס וואס זיין טאטע האט געזינגען.

דאס וואס דו פרעגסט אז פארוואס האט די אמרי חיים גארנישט געזאגט אז די ערשטע חלק איז פונעם צמח, איז א גוטע קשיא, אבער נישט אפגעפרעגט, ווייל ס'מוז נישט זיין אז ער האט אלעס געדענקט, ס'קען זיין אז שפעטער האט עפעס א אלטע איד דאס דערמאנט וכו'.
קעדילעק
שר האלף
תגובות: 1130
זיך איינגעשריבן אום: דאנערשטאג אוגוסט 30, 2018 3:31 pm

Re: וויזניצער קה אכסף

  • ציטיר
  • צו לייגן א דאנק דארפט איר זיין אריינגעלאגט

תגובה דורך קעדילעק »

דער דראפבאקס מיט דעם וויזניצער ק-ה אכסוף ארבעט שוין נישט, קען עס אפשר איינער איבערלייגן און אהערברענגען? לאמיר הערן און מיט שפירן פון וואס מ'רעדט דא..
אוועטאר
יוסף פריעדמאן
שר שבעת אלפים
תגובות: 7415
זיך איינגעשריבן אום: דאנערשטאג אפריל 30, 2015 4:31 am

Re: וויזניצער קה רבון

  • ציטיר
  • צו לייגן א דאנק דארפט איר זיין אריינגעלאגט

תגובה דורך יוסף פריעדמאן »

בית המשתה האט געשריבן:דאס וואס דו פרעגסט אז פארוואס האט די אמרי חיים גארנישט געזאגט אז די ערשטע חלק איז פונעם צמח, איז א גוטע קשיא, אבער נישט אפגעפרעגט, ווייל ס'מוז נישט זיין אז ער האט אלעס געדענקט, ס'קען זיין אז שפעטער האט עפעס א אלטע איד דאס דערמאנט וכו'.

אויב די ניגון איז שרביטו של מלך, איז שווער צו זאגן אז ער האט נישט אלעס געדענקט.
כי לך טוב להודות

. ע . ע . ע . ש . ע . . ש . . ש . ע . ש . ש . ע ולשמחה נאה לזמר . ע . ע
אוועטאר
מצב כללי
שר ארבעת האלפים
תגובות: 4759
זיך איינגעשריבן אום: זונטאג אוגוסט 18, 2013 7:09 pm

Re: וויזניצער קה אכסף

  • ציטיר
  • צו לייגן א דאנק דארפט איר זיין אריינגעלאגט

תגובה דורך מצב כללי »

קעדילעק האט געשריבן:דער דראפבאקס מיט דעם וויזניצער ק-ה אכסוף ארבעט שוין נישט, קען עס אפשר איינער איבערלייגן און אהערברענגען? לאמיר הערן און מיט שפירן פון וואס מ'רעדט דא..

ביי מיר ארבעט עס נאך


----

אגב, אפשר קען מען בעטן ר׳ יעקב דאסקאל זאל ארויסגעבן א סינגל פונעם וויזניצער קה אכסוף
קעדילעק
שר האלף
תגובות: 1130
זיך איינגעשריבן אום: דאנערשטאג אוגוסט 30, 2018 3:31 pm

Re: וויזניצער קה אכסף

  • ציטיר
  • צו לייגן א דאנק דארפט איר זיין אריינגעלאגט

תגובה דורך קעדילעק »

מצב כללי האט געשריבן:
קעדילעק האט געשריבן:דער דראפבאקס מיט דעם וויזניצער ק-ה אכסוף ארבעט שוין נישט, קען עס אפשר איינער איבערלייגן און אהערברענגען? לאמיר הערן און מיט שפירן פון וואס מ'רעדט דא..

ביי מיר ארבעט עס נאך


----

אגב, אפשר קען מען בעטן ר׳ יעקב דאסקאל זאל ארויסגעבן א סינגל פונעם וויזניצער קה אכסוף


דאס איז בלויז דער לעצטער חלק, די ערשטע חלק איז כלל נישט דא, איז דא ערגעץ וואו מ'קען עס הערן, אדער משפיע זיין אהער?
אוועטאר
חלב ישראל
שר חמש מאות
תגובות: 868
זיך איינגעשריבן אום: מיטוואך פעברואר 14, 2018 10:19 am

Re: וויזניצער קה אכסף

  • ציטיר
  • צו לייגן א דאנק דארפט איר זיין אריינגעלאגט

תגובה דורך חלב ישראל »

איבער די טעאריעס פונעם מקור פונעם קה אכסוף, די ניגון האט א געוויסע מרירות/עצבות וואס פאסט זיך סיי פאר סלאנימע חסידים פון טבריה (וואס זענען באקאנט מיט זייערע מרירות'דיגע ניגונים) און סיי פאר'ן אמרי חיים (זיין ניגון 'נפשנו חכתה לשם' האט אויך אן ענליכע סארט עצבות צו זיך).
משה חובב
שר חמישים
תגובות: 83
זיך איינגעשריבן אום: זונטאג יולי 07, 2013 6:13 am

Re: וויזניצער קה רבון

  • ציטיר
  • צו לייגן א דאנק דארפט איר זיין אריינגעלאגט

תגובה דורך משה חובב »

נאר יעצט זעי איך וואס די האסט איבערגעשריבען בשמו פון ר' מענדיל פאללאק, אבער ווארשיינליך איז עס איז נישט ריכטיג, אדער נישט גוט פארשטאנען וואס ער האט געזאגט (איך האב אים נישט גיהער ממילא ווייס איך נישט וואס ער האט געזאגט) איר שרייבט ווי פאלגענד

בית המשתה האט געשריבן:ווי פון אים איז משמע האט זיך דער גאנצע הייליגער ענין פון קה רבון זיך אנגעהויבן נאך פריער פונעם אהבת ישראל - נאך ביים צמח, און דאס איז די סיבה פארוואס ס'איז געווארן די צוזאמשטעל פון די דריי ניגונים:


ווי ר' קלמן שטעקיל שרייבט וואס דער אמרי חיים האט אים גיזאגט אז דער צאמשטעל האט דער אהבת ישראל גימאכט פון דריי אנדערע ניגונים וואס מעו האט בשעתו געזינגען אויף אנדערע זאכען, ווי למשל דער למקדשך טוב ווי דערמאנט אויבן.

בית המשתה האט געשריבן:איינס - וואס די צמח האט טאקע געזינגען אריגינעל (זיין ניגון),

היות אז עס איז דא מאנכע וואס זאגן בכלל אז דער ניגון קומט גאר פונעם רוזינער, אין נישט פונעם צמח צדיק, קען זיין אז האט אזוי געזינגען אבער די השערה אז מהאט עס געזינגען אויף די ניגון פון אלקא דיליה איז שאערקער - וויבאלד עס איז דא אן אלטען ריקארדינג ווי איינער זינגט דער ערשטער שטיקלך פון קה ריבון אויף דעם.

בית המשתה האט געשריבן: צווייטע - די ניגון פון למקדשך תוב, וואס די אמרי ברוך האט געזינגען אויפן גאנצן קה רבון בחייו פון טאטן (וואס לויט ר' קלמן שרייבט טאקע האט דאס די צמח געזינגען אויף יבנה המקדש)

עס ווערט נישט דערמאנט אין קיין שום ספר פונעם אמרי ברוך בכלל אז דער אמרי ברוך האט נישט געוואלט זינגען בחייו פונעם טאטען דער ניגון (מ'ווייס נישט בכלל אז ער האט געפירט בחייו פונעם טאטען, אין בכלל די גאנצע מעשה מיט אין משתמשין בשרביטו, איז נולד געווארען ביים אמרי חיים בחייו פונעם אהבת ישראל), עס זענען פארהאן נאך ראיות אז די מעשה איז נישט קראנט, אפשר אין אן אנדערע הזדמנות וועל איך מאריך זיין.

בית המשתה האט געשריבן:דריטע - די ניגון פון אלקא דילי', וואס די אהבת ישראל האט דאס געזינגען אויף קה רבון בחייו פון טאטן (א ניגון פון תורת חיים כנ"ל), און אויף למקדשך האט ער געזינגען דאס וואס זיין טאטע האט געזינגען.

פין פריש - דער גאנצע ענין איז געבוירען געווארען ביים אמרי חיים - עס איז נישטא קיין עדות אויף אזא מעשה פון פריער,
איך מיין זאלסט אים איבער פרעגען, קען זיין אז ער האט נישט דאס געזאגט, אין אדרבא אויב זאגט ער נאך בשם אלטע יודען, זאל ער זאגען וועלכע, ווי איך האב פריער געשריבען איז דא זייער קלארע חלקים, אין נישט פארדרייטע, אז דער האט געזינגען אין יענעם'ס צייטען, אין דער האט געזינגען אין יענעם'ס צייטען - דער איינציגער וואס האט אזוי געמאכט איז געוועהן דער אמרי חיים, אין אלע זיינע ברידער האבען בכלל נישט געזינגען אזוי.
דער אייזעל
שר העשר
תגובות: 26
זיך איינגעשריבן אום: מיטוואך סעפטעמבער 28, 2016 10:33 am

Re: וויזניצער קה אכסף

  • ציטיר
  • צו לייגן א דאנק דארפט איר זיין אריינגעלאגט

תגובה דורך דער אייזעל »

חלב ישראל האט געשריבן:
איבער די טעאריעס פונעם מקור פונעם קה אכסוף, די ניגון האט א געוויסע מרירות/עצבות וואס פאסט זיך סיי פאר סלאנימע חסידים פון טבריה (וואס זענען באקאנט מיט זייערע מרירות'דיגע ניגונים) און סיי פאר'ן אמרי חיים (זיין ניגון 'נפשנו חכתה לשם' האט אויך אן ענליכע סארט עצבות צו זיך).
פערצופאל אריינגעפאלען דא..

וויזניץ קה אכסוף, מרירות? עצבות?

זעהט מיר אויס אז איך האב א טעות געהאט.

מרירות איז לכאורה עפעס א מוראדיגע זאך. הלוואי איך זאל א גאנצע וואך שפירען די (מרירות) מתיקות וואס איך שפיר ביי א וויזניצע קה אכסוף טיש.
שרייב תגובה

צוריק צו “שירי קודש”