אייער מיינונג: דער קאליר יסוד און כוח, פון היינטיגע נגינה!

ניגונים און זינגערס

אחראי: אחראי

אוועטאר
ברוך השם
שר חמישים
תגובות: 63
זיך איינגעשריבען אום: פרייטאג אפריל 11, 2008 6:29 pm

אייער מיינונג: דער קאליר יסוד און כוח, פון היינטיגע נגינה!

תגובהדורך ברוך השם » מאנטאג מאי 10, 2010 5:16 pm

שלום עליכם מיינע ברידער צום נייעם אשכול, אט דער טעמע וועלכע גייט דא אי"ה אויסגעשמועסט ווערן איז אן אחריות און קריטיש וויכטיג פאר אונזער עקזיסטענץ, פאר אונזער צוקונפט און פאר אונזער לעבן, און דאס איז בנוגע דער כוח און די סטיל פון די היינטיגע ניגונים וועלכע ווערן וואס טאג שפעטער מער און מער נאכגעלאזט און פארלירט אירע ריכטיגע רעסעפיס, דער ענין איז זייער א סענסעטיווער אבער גאר קריטיש און עס וואלט כדי געווען זיך אויסשמועסן, לאזן הערן מיינונגען איבער זייער סיטואציע, און היינטיגען צושטאנד!
אין דעם אשכול וועלן מיר געבן א געלעגענהייט פאר אונזערע קאלעגע-שרייבער זיך צו לאזן הערן זייער פריוואטע מיינונגען בנוגע די היינטיגע סיטואציע פון ניגונים, צו דער כוח וואס א ניגון האט אמאל געהאט איז פשוט פארלוירן געווארן אדער עס ווערט שוואכער און שוואכער, אדער גאר זענען די היינטיגע קאמפאזיטארן אנדערש פון אמאל, אדער גאר די היינטיגע זונגער זוכן און פארלאנגען מער אנדערע סארטן ניגונים וועלכע קען צייגען אפטמאל הארציג געפיליש, אבער פארמאגט נישט אין פאקט די ריכטיגע יסודות פון א אידישע ניגון וועלכע איז צוזאמענגעשטעלט פון "הארץ און נשמה"!
הערט מיר צו אפאר מינוט!


ס'איז באקאנט אז היכל הנגינה שטייט צווישן די היכל פון תשובה און די היכל פון גהנים, נגינה פארמאגט א אומבאשרייבליכע כוח, עס האט א כוח וועלכע קען ציען צו רעכט'ס אדער ח"ו צו לינקס, א ניגון קען אומקערן פארבלאנדזשעטע נשמות צו זייער ריכטיגע שורש, א ניגון קען אוועקפירן א מענטש צו רויאיגקייט און מנוחת הנפש און צייט פון דערדרוקונג און דאס זעלביגע פארקערט ח"ו.

א יעדע מענטש קען דערציילן איבער א געלגענהייט וואס ער האט אמאל געהאט ווען ער האט זיך געפינען אינטער געוויסע אומשטענדן און פריידן און אין ליידן, און א פארלעגענהייט, אדער און פארצווייפלונג... ווי ער האט זיך געשפירט פארלוירן... עס האט אים אויסגעזעהן אויפן מינוט מיט די פליישיגע אויגען אז אלע אפציעס זענען אויסגעלאפן, ער איז הילפלאז און מאכטלאז... האט ער אבער געפינען א רעטונג'ס ברעט, א זיכערע שיפל צווישן די שטורמישע כוואליעס וועלכע זאל אים נעמען צו א רויאיגע ארט... אוודאי מיר אידישע קינדער ווען מיר געפינען זיך און א ענגשאפט נישט קיין חילוק און סיי וועלכן מצב וועלן מיר זיך עפענען ס'מויל און רעדן צו אונזער טאטן און הימל, אבער וואס א יעדער קען עדות איז אז אפילו דאן ווען ער בעט ביים רבש"ע האט ער שוין געהאט אמאל און זיין לעבן אז ער ווען ער האט זיך ארויסגערעדט ס'הארץ איז זיין געבעטעלע געזאגט געווארן און א טאן פון געזאנג... עס וועט זיך אומוולענדיג ארויסרייסן פון זיינע זעלישע טיפענישן א אומשילדיגע תניעה'לע וועלכע וועט געזונגען ווערן מיט גרויס מתיקות, און דאס וועט אים שטארק פארגרינגערן און זיין ענגשאפט.

עס איז באקאנט אז דער דער פאפולערער ניגון אני מאמין...אוי עס זינגט זיך איצט ביי מיר אין מיינע מוח קעמערליך...א ניגון וועלכע וועפט נישט אויס.. און ווילאנג די בלוטיגע אייראפעאישע באדן וועלן עקזיסטירן וועט דער ניגון נישט קענען פארגעסן ווערן... קליין און גרויס וועלן אייך קענען נאכזינגען דער ניגון... און נישט בלויז זונגען נאר באלד ווען ער וועט אנפאנגען וועט איר באמערקן אדער וועט ער אויפהייבן זיין האנט צום הימל, אדער פארגלייזן זיינע אויגען...און מאכן פארשידענע תנועות וועלכע וועט ארויסצייגען דביקות און ווארעמקייט.

און אט צוליב דעם וואס דער ניגון איז קאמפאזירט געווארן אינטער אומשטענדן וואס מיר קענען עס נישט ניטאמאל פארשטיין און מיר זאלן דאס קיינמאל נישט פארשטיין... א צייט וואס די וועלט האט געברענט... דער שה פזורה איז געליגען אויף הפקר אין דעם אויסטערלישן הסתרת פנים ווען אידיש בלוט האט זיך געגאסן, און אנשים נשים וטף זענען פארטיליגט און ברוטאל ערמארדעט געווארן הי"ד.
א דערשלאגענע קול'כל האט זיך עטוואס ארויסגעהערט פון א שנעל-לויפנדע אכזריות'דיגער וואגאן וועלכע האט געמאכט איר בלוטיגע וועג צו די אוישוויצער טויט-קאמערן... און אין אט יענע גורל'דיגע מינוט האט א אידישע נשמה זיך צוזונגען צום רבש"ע וע"פ שיתממה עם כל זה אחכה לו... און אט יענע אומשטענדן ווען דער ניגון איז קאמפאזירט געווארן קען מען שפירן, און די געפילן, די האפפענונג, די אמונה און בטחון וועט באגלייטן דעם ניגון אויף שטענדיג.

א יעדער האט זיך שוין איבערצייגט ביי א פאל אז דער כוח הנגינה האט אים שוין אמאל געפירט ערגעץ, געמויטיגט, אויפגעלעבט, דערפרישט, דערפריידט, געמאכט טאנצן, אריינגעווארפן און א צומישעניש, אדער גאר אריין געווארפן און א מרה שחורה, אדער אים גאר אפגעשיידט פון די מענטשהייט נישט וועלענדיג רעדן צו מענטשן ארום, נאר זיך צוגעהערט צו די נגינה מיט פארשלאסענע אויגען איגנארירט זיינע ארימיגע, איז דעריבער וויבאלד "נגינה" איז א זאך וועלכע איז טייל פון אונזער לעבן, אוודאי ביי די וואס פארמאגען א ספעציעלער חוש פון נגינה וועט עס מער דעמאנירן זייער סדר היום, אבער סוף כל סוף האט זיך שוין א יעדער מענטש אנגעשטויסן דערין און זיך געשפירט אינטערגעווארפן אינטער איר און געדארפט צו איר צוקומען, איז אינטערסאנט זיך אויסצושמועסן לאזן הערן פריוואטע מיינונגען איבער די היינטיגע סטיל – קאליר – יסוד – ניגונים, און צו אונזער חיזוק-געצייג דער "ניגון", איז און געפאר פון טאטאל געטוישט ווערן, און צו מיר דארפן טוהן עפעס מער צו פארשטארקערן די אידישע יסודות פון א ניגון.

שארפט אייער פענע, און לאזט אייך הערן!

אוועטאר
ווילדער קאפ
שר מאה
תגובות: 168
זיך איינגעשריבען אום: מיטוואך אוקטובער 14, 2009 2:35 pm
לאקאציע: ביים קאמפיוטער

תגובהדורך ווילדער קאפ » דינסטאג מאי 11, 2010 9:42 am

ברוך השם א הערליכע שריפט. קיפ איט אפ!
"Anyone who has never made a mistake has never tried anything new."

טראכט גוט וועט זיין גוט
שר חמש מאות
תגובות: 559
זיך איינגעשריבען אום: זונטאג מארטש 07, 2010 3:22 pm

תגובהדורך טראכט גוט וועט זיין גוט » דינסטאג מאי 11, 2010 10:27 am

גוט געשריבן.

שטעלט אייך נישט אפ!!
הפתגם "טְרַאכְט גוּט ווֶעט זַיין גוּט" נאמר על ידי אדמו"ר הצמח צדק לאחד שביקש רפואה עבור חולה. מענה זה נהפך ליסוד המבטא את חשיבותה של כח המחשבה ויכולתה לשנות את המציאות. (חב"דפדיא).

אוועטאר
ווילדער קאפ
שר מאה
תגובות: 168
זיך איינגעשריבען אום: מיטוואך אוקטובער 14, 2009 2:35 pm
לאקאציע: ביים קאמפיוטער

תגובהדורך ווילדער קאפ » דינסטאג מאי 11, 2010 10:56 am

נוגע להאשכול. איך בין אינגאנצן איינשטימיג מיט דיר איבער די ווייטאגליכע נושא וואס רופט רופט זיך נגינה כהיום.
"Anyone who has never made a mistake has never tried anything new."

אוועטאר
צייטליך
מ. ראש הקהל
תגובות: 12466
זיך איינגעשריבען אום: מיטוואך נובעמבער 01, 2006 6:13 pm
לאקאציע: ערגעץ דא אין די געגענט.

תגובהדורך צייטליך » דינסטאג מאי 11, 2010 11:34 am

ברוך שמו. איר האט א געלונגענער פעדער און זייער שיין ארויסגעברענגט די ווייטאג איבער שוואכע נגינה. אבער ארויפלייגן א כולל אויף 'היינטיגע' נגינה אז עס איז אפגעשוואכט וואלט איך נישט געטוען.

עס איז געוויס ווייטאגליך ווען מ'הערט פון היימישע מנגנים ווי זיי זינגען נישט ווי אונזערע/זייערע עלטערן. אוודאי זענען דא געוויסע זינגער וואס ברענגען אראפ מיט זייערע געזאנגען די ערליכע נגינה קוואליטעט. אבער עס נישט יעדער און עס איז נישט נאר היינט. עס איז נאר געוויסע וואס ווערן היינט מער אריינגעכאפט אין די יוגנט.

עס איז נאך דא היינט ב"ה גענוג איידעלע און שיינע נגינה אויף די מארקעט. מ'דארף דאס נאר וועלן הערן. דער גרעסערער פראבלעם דערפון איז אז דער עולם זיכט שוין מער היינט די נייע סטייל נגינה.

ווען מיר הערן אזא אלבום ווי "בהר המוריה" פון ר' אייזיק האניג וואס צוגייט מיר אין די גלידער. צו א ניגון פון ר' משה גאלדמאן ע"ה איבער ס'אינגעלע אן די הענט. ר' ירמיה דמן לייגט אראפ א צמאה לך נפשי, איי, אזא כן בקודש חזיתך, וויפיל אידן האבן דאס שוין געזינגען מיט רגש און געפיל. פרעג איך אייך. איז דאס נישט פון די נגינה וואס געפינט זיך הארט נעבן דעם היכל התשובה? מיר קענען נאך ב"ה שטאלצירן מיט די אידישע נגינה! מ'דארף עס נאר וועלן הערן.
איך בין צייטליך און איך האב עפראווד די תגובה.

ברוך_שמו
שר חמישים ומאתים
תגובות: 285
זיך איינגעשריבען אום: דאנארשטאג אפריל 02, 2009 9:22 am

תגובהדורך ברוך_שמו » דינסטאג מאי 11, 2010 11:46 am

ברוך שמו האט דערווייל נישט געטראפן זיין געלונגענער פעדער. אפשר באלד וועל איך נעמען די מי צו שרייבן מיינע געפילן אין דעם ענין.
ברוך הוא וברוך שמו.... איך בין דעם אייבירשטנ'ס א קינד!

אוועטאר
צייטליך
מ. ראש הקהל
תגובות: 12466
זיך איינגעשריבען אום: מיטוואך נובעמבער 01, 2006 6:13 pm
לאקאציע: ערגעץ דא אין די געגענט.

תגובהדורך צייטליך » דינסטאג מאי 11, 2010 12:01 pm

ברוך_שמו האט געשריבן:ברוך שמו האט דערווייל נישט געטראפן זיין געלונגענער פעדער. אפשר באלד וועל איך נעמען די מי צו שרייבן מיינע געפילן אין דעם ענין.


"ברוך השם" האביך געמיינט. סאררי.
איך בין צייטליך און איך האב עפראווד די תגובה.

אוועטאר
פריילאך
שר האלפיים
תגובות: 2591
זיך איינגעשריבען אום: דאנארשטאג דעצמבער 10, 2009 8:45 am

תגובהדורך פריילאך » דינסטאג מאי 11, 2010 12:07 pm

איך וויל נאר מעתיק זיין וואס ר' משה גאלדמאנ'ס ברידער שרייבט אויף איהם בנוגע דעם ענין מיט זיין הערליכע פענע:

כמה דברים גרמו לשנות את דעתו (פון נישט ארויסגעבן טעיפס), אבל הגורם המכריע היה, מצב השיר ברחוב החרדי, שהלך והתדרדר מיום אל יום, ועיניו רואות וכלות. אין זה סוד כי בשנים שחלפו מטבע השיר ירד פלאים, עד שהגיע היום אשר כל איסתירא בנגינה קיש קיש קריא, ושירי כסילים הולכים ומתרבים, וכמים הזידונים נדחקים אל בתי גואי ומציפים כל חלקה טובה.

כאיש אשר לו הרגשה נפלאה בחכמת הניגון, קולמוס הנשמה, לא מצא ר' משה ע"ה מרגוע לנפשו, ואז החליט כי עליו להקדיש מלחמה על טוהר השיר. לא ברעש ולא בכידון היו ידיו של משה עושות מלחמה, אלא בכחו אשר בפה... מעט מן האור דחה הרבה מן החושך. בשיריו היוצאים מן הלב הצליח לחדור יותר ויותר בבתי ישראל עד שהצליח לעשות מהפכה של ממש בשטח זה, ולפתוח עיניהם של רבים להבחין בין שיר קודש לחול, אף כי שניהם נאמרים בלשון הקודש ובפסוקי המקרא.

וכבר אמר מי שאמר, שהר"ת מן המילים נ'יגוני מ'שה ג'אלדמאן הם "מגן" כי המה משמשים מגן ותריס בפני הפורענות, שירי הסרק נטולות טעם וריח, אשר פגיעתן רעה לגוף ולנשמה.
מען זאגט לחיים און מ'איז פריילאך, און מען גייט א קאראהוט

חיים של פרנסה
שר מאה
תגובות: 174
זיך איינגעשריבען אום: דינסטאג סעפטעמבער 15, 2009 6:23 pm

תגובהדורך חיים של פרנסה » דינסטאג מאי 11, 2010 12:48 pm

שכח פארן אויף ברענגען דאס ענין וואס יעדער וויל רעדן.

און נאכאמאל שכח פארן עס "אזוי שיין" אראפ לייגן, האסט געמאכט א גוטער אנהויב דא.

לאמיר דיר זאגן קודם א פראבלעם מיט נגינה וואס אסאך פון אונז האבן לכאורה,

ווען א ניגון פליט אריין פון איך ווייס נישט וואו, און לאנדעט אין מוח, פאנגט ער דעם מענטש אז ער קען זיך נישט ארויסזען, למשל אויב איז דער לכה דודי געווען א גוט'ס, וועט ער עס אללין איבערחזרן, און זיך נישט קענען צוריק קערן צום דאווענען, ער וועט פרובירן ארויפלייגן אויף גוטע ווערטער צו נוצן אמאל, און ווען מען ענדיגט שוין ענדליך טרעט מען זיך פלוצלונג ביי ספירה ציילן...

אבער מען מעג פילן גוט דערפון, ווייל מיט וועלכע ניגון דען זאל איך זיין ביזי, אוודאי נאר פון ביהמ"ד ניגונים.

דאס נאר דרך אגב, אבער דער אמת'ער סבה פון דעם איז ווייל א ניגון פאנגט דאס הארץ, לאמיר טאקע פארשטיין פארוואס.

כהאב ערגעץ וואו געזען, אז ווען הקב"ה האט פארטריבען אדה"ר פון גן עדן האט ער מיט גענומען איין זאך פאר אונזער וועלטעלע צו ווייזן וואס אלס געפינט זיך דארט בעסער ווי דא, און נגינה איז געווען זיין אויסוואהל!

קומט דאך אויס אז זינגען איז א שטיק גן עדן.

און אזוי ווי דו שרייבסט טאקע אז יעדער האט שוין אמאל געפילט דאס.

יעצט בנוגע די היינטיגע נגינה איז זייער שווער צו רעדן ווייל מען דארף פסל'ען צופיל מענטשן, וועלמיר טאקע נישט רעדן פון די זינגערס נאר פון זייער נגינה, און סטייל.

עס ווערט געברענגט בשם ר' חיים וויטאל אז קלעסיקל מיוזיק וואלט געדארפט זיין אין די קדושה נאר צוליב חטא אדה"ר, וואס אונז האמיר נישט קיין השגה וואס דארט איז פארגעקומען, איז עס אריינגעפאלן צו די קליפה. צו קענען מיר זיך פארשטעלן ווי אזוי וואלט געווען קלעסיקל מיוזיק מכח הקדושה? לאמיר ווארטן ווען משיח וועט קומען.

איך וואלט געוואלט אראפשטעלן א הנחה.

ניגונים ברענגט ארויס געפילן, עס טייטשט אפ די הארץ, אזוי ווי דער הייליגער בעל התניא שרייבט, הניגון היא קולמוס הנשמה.

א גוי'אישער ניגון קען אויך באטראכט ווערן שיין, עס מיינט נישט אז די גוי'אישע ניגון איז מיאוס, די מיאוסקייט איז אז עס ברענגט ארויס די געפילן פון א גוי. און א געפיל פון א גוי איז רוב מאל א טומאה.

לאמיר נעמען א משל פון ש. קארלבאך, זיינע ניגונים זענען פאר א סבה אנגענומען היבש ביים ציבור, און די סבה איז, ווייל עס האט בענקשאפט, נאר פאלשע...

די מענטשן וואס זענען "דבוק" אין זיינע ניגונים, און אזוי אויך קען מען זאגן אויף אסאך מענטשן וואס זינגען זיך כסדר אונטער די נייערע ניגונים, ליגן אין א געוויסע גלות-ביטערקייט, און דאס פאלשע בענקשאפט מאכט זיי זינגען זיינע ניגונים.

ווען א מחבר ניגונים איז גוט אנגעזעצט, איז ער זיך מחזק דורכן זיך נעמען זינגען, ס"ה מאכט ער א זויער ניגון. און דער עולם? אין זייערע זויערע מאמענטן וואס זענען מער פון די שמחה של מצוה מאמענטן, כאפן זיך ארויף דערויף.

מען זאגט, איך ווייס נישט ווער, אז איינער האט אמאל געפרעגט דעם אויבדערמאנטן נאך וואס ער איז אוועקגעגאנגען פון עמוד, וואס קרעכעצסטו דארטן, איך ווייס פונקטליך וואס דו האסט געטראכט,

האט ער גע'ענטפערט, גלייב מיר ווען איך בין דארטן געשטאנען און געזאגט, דעמאלטס האב איך עס ערנסט געמיינט.

נעבעך, ער איז געווען ביים היכל התשובה און נישט געקענט פארבלייבן דארט.

ס'קען זיין אז דאס איז די חילוק, א עכט אידישע ניגון, ווי דער הייליגער בעל התניא פלעגט זינגען, האט מחזיר געווען א איד בתשובה, און די תשובה האט זיך געהאלטן ווייל די תורה האט א נצחיות, און א פאלשע אידישע ניגון, (ד.מ. א גוי'אישע תנועה מיט געבארגטע אידישע ווערטער) איז איינגענעם אויפן פלאץ, אבער האט נישט קיין שום אפעקט אויף תשובה.

פארוואס א אלגעמיינע נישט אידישע ניגון זאל אויך זיין איינגענעם איז זייער פשוט, ווייל ווען איך זינג עס, ברענג איך דיר דאך אקארשט יעצט אריין אין די מוד פונעם ניגון, למשל אויב איז עס אנגעזעצט און טרויעריג, האב איך דיר ערוועקט דיין חלק הטרויער וואס יעדער האט למעשה, דער ניגון "ערוועקט" דאס נאר, אבער טאמער איז ער א פרייליך אידל, וועט ער עס ממש נישט קענען פארנעמען דאס ביטערקייט און התנתקות פון מקור הקדושה, און ער וועט זיך מוזן די אויערן מיט וואטע פארשטאפן.

מיר אין היינטיגן אמעריקאנעם גלות לייד מיר היינט פון א מגיפה פון עצבות, ס'עקזיסטירט צענדלגיער חיזוק טעיפס, און יעדער משפיע אויף חיזוק ווערט גלייך אויפגענומען מיט ברייטע ארעם'ס, ווייל דאס איז אונזער נקודה, אונזער שוואכקייט און נסיון, און דערפאר די ניגונים אונזערע, די זויערע, העלפן צו אוז אראפ צו פירן אין מרה שחורה אריין.

[בדרך אפשר] בעפאר די מלחמה האט געהערשט א מוד פון הפקרות, די ציונים האבן געוואלט הפקרות. און אזוי אויך די רעפארמער און משכילים. אן דאס איז געווען גלות אמעריקע בימים ההם. פריקת עול. ליצנות פון די פאנאטישע וואס גלייבן אין די אלטע חומרות וכו',

די ניגונים און אידישע חזנים האבן טאקע דאס געזינגען, די דאזיגע מין, קען זיך איינער היינט פארשטעלן פארוואס מען ליב געהאט גיין אין טיאטער הערן די חזנים? ווער איז היינט אינטרעסירט אין א חזנות? נאר בעלי תפלה, אבער די טעיפס וואס מיר הערן היינט ווי די אלטע אידישיסטישע חזנים האבן געפלאפלט גראמען וואס קלעבן נישט מיט ניגונים וואס שטימען נישט, מקען דאס היינט ניטאמאל נאכזינגען, ווער האט דאס ליעב געהאט?

נאר מען האט געוואלט זיין פריי ווי דער גוי נעבעך. און די חזנים עמי הארצים האבן דאס געזינגען, ווי שיין אידן זענען אין גוישן חלק פון לעבן, ניבול פה געפלאכטן מיט תורה ווערטער צוזאמען און עולם גולם זענען נעבעך מיטגעפארן מיטן שטראם.

די צווייטע וועלט מלחמה האט יעדן געוויזן אז פון באשעפער קען מען נישט זיין פריי, פארקערט אלע פרייע אידן האט היטלער אויסגעזוכט זיי צו קענען פארקנעכטן, ער איז אפילו נאכגעגאנגען 4 דורות יחוס צו קענען אידענטיפיצירן א איד איהם צו קענען פארקנעכטן, און די אלע וואס זענען נעבעך אפגעפארן נאך די מלחמה, זייערע אייניקלעך לעכצן נאך קבלת עול.

אביסל שיריים פון ליצנות האבן מיר נאך אלץ, אבער היינט זעהען מיר אז ס'איז נישט ממש הפקר, רבנים האלטן אין איין ארויפקומען אויף פירצות, מ'איז מעורר דעם ציבור בכה ובכה, מענטשן פאלגן, מ'טוט אלעס אז די יוגנט זאל זיך האלטן, און ס'איז ווייט נישט דער מצב פון הפקרות.

נאר דאס יא, עס הערשט א מגיפה פון עצבות, בחורים אין ישיבות ווערן דערדרוקט, עס הערש נישט א ווילן אויף צו לעבן, קיינער וויל נישט גארנישט, מען לעבט ווייל מען מוז, מען גייט אין קאנטרי ווייל די ווייב הייסט, מען מאכט חתונה ווייל די מחותן פאסט, און דא וועט אריינקומען די הילף פון א ניגון....

יעצט, ווען איינער גייט ליידיג ער ווערט נערוועז דערפון, זינגט ער זיך אונטער א ניגון, ווייל אזוי רעדט ער זיך איין ער האט עפעס געטאן..., ווען איינער לערנט און די רואיגקייט צוגיסט זיך איהם, זינגט ער דעם באקאנטען אזוי גערופענעם גמרא ניגון, (איי איי איי איי יאם, איי א יי איי איי יאם,).

נאר עס איז זיכער אז ווען מען זינגט ביי א שמחה די נארמאלע ניגונים, הערשט א נארמאלקייט, פלוצלונג ווען מען הייבט אן צו זיגען די משו... ניגונים, הערט מען קודם פעסטע דראם'ס וכל המקשקש הרי זה משובח, און מען ווייסט שוין אז יעצט קומט.... דאס נישט ריכטיגע.

פון די אנדערע זייט, איז א רחמנות צו זעהן די שפילערס וואס ארבעטן נעבעך ביטער שווער נאכצושפילן די האלבע תנועות און די שווערע נאטן וואס די בענד'ס האבן געשפילט, ער זאל הייסן אז ער טויג פארצוזינגען אקוראט ווי די INTRO אויפן טעיפ, און דער זינגער מוז נאכמאכן די הברה ווי יענער מגולח זינגט, און דער ציבור שטייט און קוקט ווי ווינדערלעך יענער זינגט, נישט ווייל מען איז איהם מכבד, נאר ווייל זיי, האבן דאך נישט קיין צייט צו הערן יעדן דינסטאג די נייע טעיפ'ס און "היט'ס", קוקן זיי זיך צו און פרובירן צו כאפן וואס פאר א ניגון דאס איז בכלל, ביז זיי געבן אויף און גייען אוועק מיט אזא שאקל מיט'ן קאפ און א קרום מיטן מויל וואס מיינט צו זאגן: דער איז א קונצלער? ווייל ער קען זאגן אותיות וואס זענען "קיין" ווערטער, און תנועות וואס זענען "קיין" ניגון.

יעצט ביי שבת'דיגע באטעס, איז דא א אינטרעסאנטע כור המבחן, ווען מען זינגט ניגוני חב"ד פאסיג לכבוד שבת, שאקלט מען זיך מיט א ערענסטקייט, ווען מען טוישט אריבער צו קקקקרלבךךךךך סטייל, גייט מען אריין אין אזא מוד וואס פאסט ווען איינער זינגט מיט די פיס אויפן טיש און שפייט פאפיטעס.

אדרבה, שטעלט זיך יעצט אפ און פרובירט אנהייבם זינגען זיין ניגון אויף: מזמור מזמור שיר, שיר ליום השבת, גאנץ א פיינער ניגון, וועט איר זעהן אז עס מוז זיין מיט געהויבענען רוקן און ארויסברענגען דעם קול אויף זיין וועג, און פרובירט זינגען דעם חבד'סקער ממקומך, וועט אייך ענדערש אננעמען א ערענסטקייט.

ס"ה מען קען זיך נישט פאפן, א ניגון ברענגט ארויס די אינעווייניגסטע, און דער מחבר קען זיך נישט איינהאלטן און מאכן א פרומען פנים, די ניגונים זאגן אלעס אויס.

איינע פון די גרעסטע חסרונות איז ווען מען נעמט א גאנצע גוי'אישע ניגון און מען לייגט פשוט ארויף אידישע ווערטער, דאס שוין א פשיעות און קען אפילו אריינגיין אין הלכות גניבה פון די מענטשן וואס צאלן דיר געלט פאר אזא טעיפ, צו הערן דעם גוי איז מיר שוין אינטרעסאנט דער גוי אליין, וואס דארף איך איינער וואס מאכט איהן נאך? איך פארשטיי ענגליש, איך קויף דיר ווייל דו ביסט דאך אידיש, נו וואס פאפסטו מיר אויס.

למעשה, מען קען זיך דאך נישט פארהוילן פונעם פאקט אז יעדער מחבר האט פארדישענע גוטע זאכן אויך, פשוט, מיר גלייבן דאך אז יעדער איד האט זיך זיינע מינוטן, אבער קוק אן די שענסטע ניגונים פון זיי, וואס איז מסתמא ארויסגעקומען אין די דערהויבענסטע מינוטען, קומט נישט צו די ווארעמקייט פון די בעלזער צמאה לך נפשי, [וואס דער מחבר אליין איז מעיד אז עס איז נישט זיין כח נאר א מתנה פון הימל, אבער דאך מגלגלין זכות ע"י זכאי].

יעדער לויט זיין דרגה, די איידעלע יונגעלייט מאכן פרומע ניגונים און אין א גוטע מינוט קומט אויף א קנאק פון א ערענסטקייט, און די אזוי גערופענע "סטאר'ס" מאכן ניגונים ווי די גוי'אישע "סטאר'ס" און אמאל אמאל קומט אויף א שיינע שבת'דיגע זאך אויך.

דער חסרון איז אז דער ציבור כשר'ט איינעם אויף אלעם נאר ווייל ער געט ארויס אמאל א גוט'ס,

מען דארף אויך וויסן, אז אויב א מענטש איז א בעל חסד, כשר'ט עס נישט זיינע ניגונים. אזוי ווי למשל, ווען ער פארקויפט דיר עסן, אפילו דער מענטש איז זייער א ערליכער, וועסטו קוקן אויב דאס עסן איז גוט, און נאר דאן וועסטו דארט נאכאמאל קויפן,

א ניגון מאכט איינער מיט זיינע געפילן, די דאזיגע געפילן איז א בלו-פרינט צוזאמען-שטעל פון זיינע נסיונות אנגעהויבן פון אלס קינד ביז יעצט, דארפסטו זיכער מאכן אז ער איז געווען ערליך, אבער א בעל חסד ווערט מען אין איין מינוט, קענסטו עס נישט רעכענען פאר א הכשר אויף זיין טעיפ, נאר ענדערש ווי די כשר'ע קלאען פון א חזיר טריפה.

אט קוקט אויף אברהם פריעד, זיינע חבד'סקער טעיפס זענען מלא חן, זיינע יו"ט ערליך טעיפס איז מוראד'יג שיין, אבער א יעדע צווייטע טעיפ איז מיט אייגענע געקויפטע ניגונים, וואס אסאך מאל טאר מען זיי נישט אויסהערן אינמיטן דרייווען ווייל אויב ווערט מען אינספייערד פון דעם ניגון הייבט מען אן צו ספידן אויף 180.

למשל דער האפ קאזאק טעיפ איז געוואלדיג גוט און ערענסט, די נעקסטע טעיפ זיינע איך ווייס נישט ווי אזוי עס הייסט, אבער עס האט דעם ניגון מודה אני לפניך, זאל מיר איינער זאגן אין וועלכען בהימ"ד ביי וועלכע יו"ט עס פיט אריין צו זינגען אזא ניגון, רבהרבהרבהרבה, רבה אמונתיך... אהא.

[און כ'רעד שוין נישט בנוגע ציונות מיט לבנימין... אכמ"ל.]

קוק אן די לעצטנס ארויסגעקומענע ניגון כי הרבית פון סלאנים, גאנץ ארץ ישראל האט געפילעוועט מיט דעם ניגון, ביי ר' ישראל'טשע וויזניצער האט דער ניגון פוקע געווען דעם דאך! מען פילט די אהבה טרערן אין די לופט אפילו אויפן קאלטן טעיפ, אבער ווען פלוני זינגט דאס איבער מיט זייןי מאדערנעם פענסי אקצענט, האט ער גע'שחט'ן דעם ניגון ביידע סמנים, פארפאלן ס'איז א חסידיש ניגון געמאכט דורך א בן תורה, און ס'איז נישט פאר איהם!!

א ניגון וואס מען קען זינגען לאנג איז א סימן פון די גוטע זייט, א ניגון וואס מען קען נישט זינגען לאנג, צו ווייל עס האט נישט קיין טעם, אדער ווייל מען דארף צו הויעך שרייען איז נישט קיין ניגון, נאר א שריי פון איינער וואס ווערט יעצט גע'הרג'עט.

אויך, די ניגונים וואס ברענגען מען זאל זיך שאקלען ווי קוקו'ס, איז אויסדרוקלעך א טמא'נע זאך כמובן מאליו. ווייל ביי אידן קען זיך אויף יעדן מצב איינהאלטן, צדיקים אלטן איין זייער מדרגות, ערליכע אידן האלטן זיך צוריק אום שבת נישט ארויסצואווייזן אויב ח"ו זיי האבן עפעס א צער. און ביי אט די ניגונים ווערט דער מצב עפעס אזוינס צולאזט מיט א אש של כעס פון טומאה, אז מען טאר נישט שטיין נעבן די טאנצער'ס,

מען קען זעהען ווען עס איז א אש של קדושה, ווען איינער איז מורא'דיגע בשמחה של מצוה, וועסטו צוגיין איהן אראפלאזן א פאטש אין פנים פונקט אויף די גוטע זייט, וועט ער אפשר לאכן אדער אפילו נישט האבן קיין צייט צו דעם, ער טאנצט מיט פארמאכטע אויגן און מיט א שמייכל, אמאל וויינט ער, און ער איז העכער די וועלט, אבער א בחור וואס טאנצט דעמאלטס די צעדרייטע ניגונים, אויב שטייסטו איהם אין וועג איז ער בכח דיר מיט די הענט צו צורייסן. קוק נאר אן די פנים פון שמחה'לע ברייער ווען ער טאנצט לפני חתן וכלה, און קוק אן א בחור וואס "הייבט זיך" וואס פארא פאקס ער מאכט, אוי א שרעק.

און אייןי גוטע שאלה האב איך פאר א שטודיע, פארוואס ווען מען ווערט א יונגערמאן ווערט נעלם די אזוי גערופענע שמחה?

נאר די אמת'ע ברעסלאווע בלייבן מיט די שמחה, (איך רעד פון די היימישע ערענסטע, וואס דרייען זיך צווישן אונז, נישט אויפצוטוישן מיט די פארריקטע, איים סארי), אדער די תמימות'דיגע ווארעמע יונגעלייטלעך קענען טאנצן בשמחה ביי די רבי'שע חתונות. וואו זענען דעמאלטס די אלע חברה טאנצערס, די היינטיגע בחורים פארוועם די שפילערס האבן אזוי מורא?

ווייל זייער שמחה איז נישט עכט.

קוק ביי הקפות וויפיל טויזענטער אידן אין די גאנצע וועלט טאנצן "אן מיוזיק" און ספעלט זיי גארנישט, זיי קומען ארויס נאך א שמחת תורה מיט א געפיל אז ביים טאנצן האט ער זיך אויסגעבעטן אלעס גוטס.

גאר א אינטרעסאנטע זאך האב איך באמערקט, אז ביי א הכנסת ספר תורה, איז נאך געליבן פון די איינציגסטע פלעצער, וואס מען קען נישט אריינמישן די נייערע ניגונים, נאר די חסיד'ישערע פון זיי.

דער עולם וואקט מיט קליינע קינדער, און מען טאנצט מיט א תורה, מען האט שוין געזען טאנצן הורא'דיג אויך, אבער נאר די ירושלימ'ער מינע, ווייל דעמאלטס טאנצט מען פון הארץ ארויס צו הקב"ה גלייך! עס איז אפילו נישט דא וואו, אז א זינגער זאל זיך ווייזן זיינע גראבע שטיק. ב"ה פאר דעם.

אין יסוד ושורש העבודה שטייט ארויס, אז ווען די נקבה פון די סטרא אחרא טאנצט, (כידוע איז דאס די ערגסטע טומאה) שאקלט זי דעם אחור אהער אין אהין. זיייער קלארע ווערטער, אויב ווילן מיר וויסן וואס נישט צו זינגען, זאלן מיר זעהן אויב דער ניגון ברענגט התעוררות אדער עס מאכט מיר שאקלען צו אלע שווארצע רוחות!! אכטונג.

ועוד חזון.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דינסטאג מאי 11, 2010 2:24 pm

אט אויף אזא תגובה שמינה פון דיר האב איך געווארט. ידעתי אז דו האסט א יד ושם אין נגינה (נישט אויסטוישן מיט די ציוני'סטישע יד ושם..) און מען קען דיר אפילו הערן זינגן שלמה ק.'ס ניגונים מיט א ווארימקייט, אבער יעצט זעה איך אז דו האסט פארט ארויס דעם הבדל צווישן קודש לחול, און ערקלערסט דאס טאקע בטוב טעם ודעת, ותשואת חן חן לך.

אוועטאר
משיח
שר האלפיים
תגובות: 2679
זיך איינגעשריבען אום: מיטוואך יולי 22, 2009 1:09 pm

תגובהדורך משיח » דינסטאג מאי 11, 2010 2:46 pm

ידידינו הנכבדים ר' ברוך און ר' חיים,
גוט געזאגט, וואויל געזאגט! יעצט קען מען גיין טאנצן!

געהערט פון א פה מפיק מרגליות, אויף די מאמר הצדיקים אז עולם הנגינה איז נעבן עולם התשובה, זאג ער מיט זיין זיס שפראך: "יא יא, אמאל דארף מען תיכף נאכן זינגן תשובה טוהן...". ודפח"ח.
Professional bookkeeping for your small business
benyomin@thebookkeepingpro.com | 347-708-2079

ביקסאד
שר ארבעת האלפים
תגובות: 4030
זיך איינגעשריבען אום: זונטאג מאי 25, 2008 7:00 pm
לאקאציע: נעבן סאטמאר

תגובהדורך ביקסאד » דינסטאג מאי 11, 2010 6:49 pm

יישר כחכם ברוך השם וביותר חיים של פרנסה, תחזקנה ידיכם, חילכם לאורייתא.
ועמך כולם צדיקים

תרנגול
שר שלשת אלפים
תגובות: 3223
זיך איינגעשריבען אום: מיטוואך נובעמבער 04, 2009 11:33 am

תגובהדורך תרנגול » דינסטאג מאי 11, 2010 8:11 pm

חיים של, דיין תגובה ברויך מען מפרסם זיין בכל קצוי תבל... איך האב שטארק הנאה געהאט.
הנותן לשכוי בינה...

פלוני
שר חמש מאות
תגובות: 620
זיך איינגעשריבען אום: מאנטאג אוגוסט 04, 2008 11:19 pm

תגובהדורך פלוני » דינסטאג מאי 11, 2010 8:21 pm

אה! זייער אן אנגענעמער פארבריינג (חב"ד...).
כ'וועל נאר צולייגן וואס איך האב געהערט אין נאמען פון הייליגן סקולענער רבי'ן זצוק"ל, אויף די שאלה ווי צו דערקענען אויף א ניגון אז עס איז נישט.....
האט ער געזאגט אז אויב עס ברענגט צו טאנצן מיט צושפרייטע פיס איז עס נישט מצד הקדושה.
מלה בסלע משתוקא בתרין (מגילה יח). אם תרצה לקנות הדבור בסלע תקנה השתיקה בשתים. רש"י:
סייג לחכמה שתיקה, והחכמה בעצמה היא לדבר מה שצריך (דברי תורה - מונקאטש)

פינטעל
שר חמש מאות
תגובות: 617
זיך איינגעשריבען אום: דינסטאג דעצמבער 22, 2009 5:41 pm

תגובהדורך פינטעל » דינסטאג מאי 11, 2010 10:15 pm

חיים, פאר אזא תגובה ברויכסטו עפענען א נייעם אשכול, גוט געשריבן? אייזן געשריבן!
פארוואס הערט מען נישט פון דיר אפטער.

אוועטאר
thefact
שר האלפיים
תגובות: 2512
זיך איינגעשריבען אום: מיטוואך ינואר 31, 2007 3:30 pm
לאקאציע: וויליאמסבורג, ברוקלין
פארבינד זיך:

תגובהדורך thefact » מיטוואך מאי 12, 2010 7:20 am

שפתים ישק
הק' משה אהרן (וועבסייט - פראפייל)
לערנט אייך אויס צו שווימען אין די טיפע וואסערן פון קאמפיוטערס

די פאקט איז, אז מ'לערנט, קען מען, און אז נישט...

אוועטאר
קעכער
שר חמישים ומאתים
תגובות: 380
זיך איינגעשריבען אום: דינסטאג יולי 18, 2006 10:40 pm
לאקאציע: אין קאך

תגובהדורך קעכער » מיטוואך מאי 12, 2010 9:38 am

ר' חיים, אמת'דיגע און מורא'דיגע אפשאצונג...

שרייב אפטער..

שכח.

אוועטאר
ברוך השם
שר חמישים
תגובות: 63
זיך איינגעשריבען אום: פרייטאג אפריל 11, 2008 6:29 pm

תגובהדורך ברוך השם » דאנארשטאג מאי 13, 2010 11:38 pm

דערמיט האבן זיך געוואלט אויסדרוקן א הארציגען דאנק פאר די אלע וועלכע האבן זיך גענומען די מי און געלאזט הערן זייער מיינונג בנוגע די היינטיגע נגינה, און ספעציעל פאר מיין קאלעגע חיים של פרנסה וועלכע האט בטוב טעם ודעת ארויסגעברענגט די ווייטאגליכער מציאות איבער די היינטיגע נגינה און ארום.

טייערע אידן, שטעלט אייך נישט אפ, טיילט מיט מיט די חשובע ליינער אייערע פריוואטע מיינונגען הערות איבער היינטיגע נגינה און אלעס ארום דעם, און זעצט פאר מיט די דוסקוסיעס.
מיט דאנק!

אוועטאר
פריילאך
שר האלפיים
תגובות: 2591
זיך איינגעשריבען אום: דאנארשטאג דעצמבער 10, 2009 8:45 am

תגובהדורך פריילאך » זונטאג מאי 16, 2010 10:04 am

הרה"ג ר' משה גרין שליט"א האט געזאגט ביי א דרשה במעמד אלפי ישראל: עס איז אמת אז היכל הנגינה איז נעבן היכל התשובה, אבער עס איז דא נאך א היכל הנגינה, וואס איז נעבן היכל הגיהנם.

(קרעדיט: בריוו אין מעלות)
מען זאגט לחיים און מ'איז פריילאך, און מען גייט א קאראהוט

אדם א מענטש
שר חמישים
תגובות: 50
זיך איינגעשריבען אום: מאנטאג אוגוסט 12, 2019 6:09 pm

תגובהדורך אדם א מענטש » דאנארשטאג נובעמבער 21, 2019 2:36 am

אפגעשטויבט אן אלטען אשכול

אוועטאר
זעקס און ניינציגער
שר חמישים ומאתים
תגובות: 276
זיך איינגעשריבען אום: מיטוואך פאברואר 20, 2019 4:22 pm
לאקאציע: נעבן די לעקעך

תגובהדורך זעקס און ניינציגער » דאנארשטאג נובעמבער 21, 2019 5:36 am

תרנגול האט געשריבן:חיים של, דיין תגובה ברויך מען מפרסם זיין בכל קצוי תבל... איך האב שטארק הנאה געהאט.

thefact האט געשריבן:שפתים ישק

גא"מ
טעיק איט איזי

אוועטאר
ווייזער
שר חמישים ומאתים
תגובות: 374
זיך איינגעשריבען אום: מיטוואך מאי 17, 2017 10:50 am
לאקאציע: על אדמת נכר

תגובהדורך ווייזער » דאנארשטאג נובעמבער 21, 2019 7:37 am


עס ווערט געברענגט בשם ר' חיים וויטאל אז קלעסיקל מיוזיק וואלט געדארפט זיין אין די קדושה נאר צוליב חטא אדה"ר, וואס אונז האמיר נישט קיין השגה וואס דארט איז פארגעקומען, איז עס אריינגעפאלן צו די קליפה. צו קענען מיר זיך פארשטעלן ווי אזוי וואלט געווען קלעסיקל מיוזיק מכח הקדושה? לאמיר ווארטן ווען משיח וועט קומען.


אוואו שטייט אז רבי וויטאל האט געזאגט וועגן קלעסיקל מוזיק, ״אז די קדושה וואלט עס געדארפט באקומען״ וואס @חיים של פרנסה ברענגט נאך.

ס׳איז עפעס א נארישע געבעקס פון איינעם.

צווייער
שר העשר
תגובות: 43
זיך איינגעשריבען אום: מאנטאג נובעמבער 11, 2019 2:56 pm

תגובהדורך צווייער » דאנארשטאג נובעמבער 21, 2019 3:00 pm

ווילסט מיר זאגן אז ווען שלמה האט געמאכט ניגונים האט ער זיך געבענקט צו זיינע שקאצערייען?

מזל מידיע
שר האלף
תגובות: 1027
זיך איינגעשריבען אום: דינסטאג מארטש 24, 2015 9:14 am

תגובהדורך מזל מידיע » דאנארשטאג נובעמבער 21, 2019 6:25 pm

בס"ד

יעצט באמערקט, שטארקע ווערטער.

מ'דארף נישט מער איבערווייז ווי שפירן דעם טויש אין זאל ווען מ'גייט אריבער פון די מינוטקעלעך בא'חנ'טע קארלין/חבד/עכט היימיש טאנץ ניגונים וואס הייבט די בעקיטשעס א טפח אין די לופטן, צו, עהעם, די "היינטיגע" ניגונים וואס די ביטערניש שרייט נעבעך ארויס (חיים של פרנסה האט זייער שטארק באטאנט די נקודה וואס מ'רעדט נישט גענוג דערפון, די פאלנע "עצבות" און צוקוועטשקייט פון אזעלכע ניגונים). אויפאמאל, ממש אין א רגע כמימרא, ווערן די בעקיטשעס צוזעצט אויף בענקלעך און די גאנצע ריח פון די מוזיק גייט אהינציר. ריקטס ענק נאר אין די זייט... אראפ מיט די היטן... בום באם בים בעם טראמבלללללללללל. נעבעך.

ביי ק-ה אכסוף האט מען אויך א דראנג אראפצוטראסקען ס'היט פארדעם? אדער ביים תניא'ס ניגון, זלאטשובער רחמים רבים ניגון, קומי רוני, רחמנא דאמר לעניי, ניע דזשעריצי כלאפצי? חסל סידור פסח? האפ קאזאק? כי הרבית? זעקסטע הקפה? דעמאלט הייבן זיך די הענטעלעך און הערצעלעך צום טאטן אין הימל.
ווי זאגט מען WOW אין אידיש? שיקט אייער מיינונג צו isaac@mazalmedia.com.

געוואלטיג
שר חמישים ומאתים
תגובות: 495
זיך איינגעשריבען אום: מאנטאג אוגוסט 29, 2011 5:12 pm

תגובהדורך געוואלטיג » דאנארשטאג נובעמבער 21, 2019 7:53 pm

די ניגונים זענען היינט בכלל נישט קיין ניגונים עס איז א געוויסע נאויס וועלכע איז געמאכט געווארן פאר געימינגס וועלכע ווילן פארשיקערן מענטשן כדאי זיי זאלן פארנערט ווערן צו אריינווארפן אסאך געלט אינעם מאשין
פון רוב טעיפס וואס קומען ארויס מאכט מען אפשר 1 אדער 2 ניגונים וועלכע מקען נארמאל נאכזינגען און אמאל דאס אויך נישט
די שאלה איז ווער עס שטיפט עס
אפשר איז די ציהל כדאי מזאל שנעל באורד ווערן און קויפן א נייע? גיי ווייס...
והא ראי' אז די רייכע יונגערליך סי די וואס האט אפשר אביסל קנייטשן נישט כל כלו חסידיש אבער איז ע"פ רוב גאר איידל און באטעמט איז די סי די ביי מיינע קינדער היינט פונקט ווי די ערשטע טאג קיינער ווערט נישט מיד דערפון און רוב אנדערע קען מען קוים איינמאל אויסהערן


צוריק צו “היכל הנגינה”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 9 געסט