אידישע ווערטער און זייער ריכטיגער אויסלייג (ספעלינג)

די אחראים: אחראי, גבאי ביהמד

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » מיטוואך סעפטעמבער 17, 2008 5:50 pm

איך בין נישט ברוגז אז דו ביסט מחולק. אדרבה, דאס איז דאך די ענדזשין פון אן אשכול. איך ווייס נאר נישט פונקטליך 'פארוואס' דו ביסט מחולק. דו אליין ביסט דאך מודה אז דער אויסלייג, לויט ווי מ'פרענאונסט דאס אין ענגליש, קומט צו זאגן סערא אדער דעיוויד.

כ'טראכט נאר צו דיינע צוויי משלים, פון סערא/סארא און דעיוויד/דאוויד, זענען נישט געוואנדן לויט די אקצענטן פונעם היגן ענגליש ביז צום ענגלישן ענגליש. קאן זיין אז אין ענגלאנד פרענאנסט מען דעם A פון SARAH און DAVID, סארא און דאוויד. ווייס איך נישט.

(לפי שיטתך, קומט לכאורה צו זאגן 'פאלין' נישט 'פעילין'. עניוועי, דער אשכול פארפארט שוין פון אירע רעלסן).

אוועטאר
מיללער
שר עשרים אלפים
תגובות: 25702
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך סעפטעמבער 17, 2008 5:52 pm

מיין צד (און א. פ . מאן איז אויף ביי דער מיינונג) איז אז די 'אידישע' ווערסיע פון 'שרה' איז 'סארא' בשעת וואס די ענגלישע ווערסיע איז 'סערא'

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מיטוואך סעפטעמבער 17, 2008 6:19 pm

מיללער;

אלבערט (כ'האף עס איז נישט קיין כינוי שם לחבירו) איז זיך אליינס סותר די וואך, אויף איין פלאץ האב איך געזען "סערא" און די אנדערע "סארא" (אי נמי יש לומר אז איינע פון די זאכן האט א געהילף געשריבן).

איך שרייב שרה, ווייל "סארא" איז נישט קיין ווארט אין מיין ווערטערבוך. עס איז ביי מיר קאמיש נאכצובאמבלן זייער פארדרייטע ווערסיע פון א ריכטיגע נאמען.

שטעלט אייך אלע אויפן קאפ, אבער איך וועל ווייטער שרייבן אברהם לינקאלן און דניאל סקוואדראן...

אוועטאר
farshlufen
שר עשרים אלפים
תגובות: 22092
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מיטוואך סעפטעמבער 17, 2008 6:35 pm

קרעמער האט געשריבן:איך קען נישט באשלוסן אויב מען שרייבט פארן אדער פאר'ן.

אפשר קען מען מחלק זיין וואס די באדייט דערפון איז?

"פארן" גיין דאווענען האט משה אריינגערוימט א סוד "פארן" רב.

די צוויי ווערטער האבן אנדערע משמעות'ן. די ערשטע איז לפני, די צוויי איז אל.


קרעמער, אחר אלף מחילות, דו ביסט פאר"פארן" מיט דיינע צוויי "פארן",
דער ערשטער "פארן" איז "לפני", און דער צווייטער "פארן" "בפני", אזוי אויך כמעט אלע פני'ס זענען טייטש "פאר", לפני - פאר, בפני - פאר, על פני - פאר, מפני מה - פאר וואס.

. ודו''ק כי כן הוא ע''פ האמת.
לעצט פאראכטן דורך farshlufen אום דאנארשטאג סעפטעמבער 18, 2008 8:06 am, מאל פאראכטן געווארן 1 סך הכל.
סימן דלא ידע כלום, שבוחי.

אוועטאר
מאשקע
מ. ראש הקהל
תגובות: 12582
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » מיטוואך סעפטעמבער 17, 2008 9:56 pm

טרוקן, נישט טריקן.

בלשון עבר "געפונען", בלשון הוה אדער עתיד "געפינען".

לכאורה שרייבט מען "ערפינדער".

פאר'ן גיין דאווענען, און פאר'ן רב. אבער ביידע איז בדיעבד. דער ערשטער פאר איז א קיצור פון בעפאר, און איך שרייב אפילו (דעת יחידאה) "בעפאר'ן גיין דאווענען", הגם איך פרוביר עס אויסצומיידן און שרייבן ענדערש "בעפאר ער איז געגאנגען דאווענען. געגאנגען זאגן "פאר'ן רב" איז גוט מונדליך; ביים שרייבן שרייבט מען צום רב אדער דעם רב, הגם די צווייטע איז א קיצור.

בנוגע ניצן און נוצן: בלשון עבר שרייבט מען זיכער "גענוצט", די שאלה איז נאר בהוה ובעתיד. מר. אידיש האט אמאל געשריבן - דאכט זיך - אז מ'שרייבט ניצן, און אזוי האב איך שטענדיג געטון, אפילו ס'האט מיר אויסגעקוקט אומבא'טעמ'ט. למעשה האט ער געשריבן אין איינע פון זיינע לעצטע אשכולות לפני הסתלקותו לחיי העולם הזה, אז מ'שרייבט שטענדיג "נוצן" מיט א ו'. יעצט זאגסטו מיר, ווען כ'האב מיך שוין צוגעוואוינט מיט א י'?
An article a day keeps the babies away

גד
שר מאה
תגובות: 170
זיך איינגעשריבען אום: מיטוואך פאברואר 20, 2008 12:47 am

תגובהדורך גד » מיטוואך סעפטעמבער 17, 2008 11:11 pm

געפונען און געפינען רעדט שוין אפילו סענדר אין "דאס אידישע יאר" אלס ביישפיל פון א חילוק צווישן עבר און עתיד, וואס טוישט א וי"ו צו א יו"ד

און מ'שרייבט טאקע אויסגעטריקנט מיט א יו"ד, ווי זארעכפעפער האט געזאגט

ניצן, האב איך געזען דא אין אידישע וועלט ווי "אידיש" זאגט אז אנדערש ווי אייביג מאכט מען נישט קיין חילוק צווישן עבר און עתיד, און מ'שרייבט אייביג מיט א יו"ד [ניצען זיכער נישט], יעצט הער איך צום ערשטן מאל אז נישט.?

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג סעפטעמבער 18, 2008 12:46 am

עס קען צוניץ קומען שרייב איך טאקע "ניץ", איך ווייס נישט פארוואס נוצן האב איך געשריבן מיט א ו'.

גד
שר מאה
תגובות: 170
זיך איינגעשריבען אום: מיטוואך פאברואר 20, 2008 12:47 am

תגובהדורך גד » דאנארשטאג סעפטעמבער 18, 2008 1:08 am

פארוואס זאל נוצן זיין אנדערש ווי אלע ווערטער? לגבי דעם כלל פון עבר און עתיד.

ער האט נישט געהאט קיין ענטפער דערפאר. אבער מען זעט אז ביי עבר, נוצט/ניצט מען גענוצט, און נוצן שרייבן אויך אסאך שרייבערס מיט א ויו.

מ'דארף א ענדגילטיגע פסק דא.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג סעפטעמבער 18, 2008 1:37 pm

וויאזוי שרייבט מען?

משה האט "אליין" באשלאסן יא צו גיין
אדער משה האט "אליינס" באשלאסן יא צו גיין

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » דאנארשטאג סעפטעמבער 18, 2008 1:53 pm

קרעמער, כ'דענק אז הרב אידיש האט ערגעץ וואו צווישן די פילע אשכולות אמאל ארומגערעדט איבער די ענדליכע פראגע פון יעדע/יעדעס/יעדן. (אפשר ביים מאכן דעם מפתח וועסטו זיך באגעגענען דערמיט).

כ'מיין אז ס'האט מיט די כללים פון פרעפאזיציע און אקוזאטיוו. כלומר:
משה 'אליין' פאסט זיין באשלוס נישט צו גיין.
משה "האט" (דער 'האט' ברענגט מיט זיך דעם סמ"ך) 'אליינס' באשלאסן נישט צו גיין.

קען זיין איך בין גרייזיג, איך געדענק עפעס אזוי. אדרבה, זוך אפיר דעם אשכול (איך וועל אויך פרובירן, און דיר העלפן עס אפירבראכן).

(אגב דיין פראגע קומט נישט אין דעם אשכול. דאס האט נישט מיט אויסלייג, דאס האט מיט גראמאטיק און דקדוק פון די אידישע כללים).
*

אקעי, ומצאתי תאמין...
נאדיר דעם ביאור וואס 'לעווי' ברענגט בשם הרב אידיש. בכלל די ערשטע פאר תגובות אין יענעם (ביטערן?) אשכול רעדט ארום איבער די ענדליכע פראגע פון יעדן/יעדעס וכו'.

http://www.yiddishworld.com/forum/index ... ic#p135074
לעצט פאראכטן דורך זארעכפעפער אום דאנארשטאג סעפטעמבער 18, 2008 2:00 pm, מאל פאראכטן געווארן 1 סך הכל.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג סעפטעמבער 18, 2008 1:59 pm

(גערעכט. טראץ מיין אחריות אויף דעם פארום, בין איך ווייט פון זיין דער מבין, און איך בין אלץ גרייט צו לערנען).

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דאנארשטאג סעפטעמבער 18, 2008 4:36 pm

ר' זרח;

מיר דאכט זיך אז אליין/אליינס האט נישט מיט יעדן/יעדעס וכדומה וואס ווערט באהאנדלט אין יענעם אשכול.

זארעכפעפער
שר האלפיים
תגובות: 2167
זיך איינגעשריבען אום: דאנארשטאג אוגוסט 24, 2006 2:28 pm

תגובהדורך זארעכפעפער » דאנארשטאג סעפטעמבער 18, 2008 5:31 pm

ר' קרעמער, איך בין אלוועיז מסכים מיט דיר. מיינסט איך ווייס? איך האב נאר געזאגט אזוי ווי אן השערה, זאגסט אז נישט איז נישט. (פארוואס טאקע נישט? או אינו, אפשר יא?).

אוועטאר
מיללער
שר עשרים אלפים
תגובות: 25702
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג סעפטעמבער 18, 2008 7:35 pm

קרעמער האט געשריבן:נוצן/ניצן/ניצען?


אע"פ שאין ראי' לדבר, זכר לדבר, 'ה'ניצנ'ים נראו בארץ עת הזמיר הגיע', דארט זעה איך עס מיט א י'...

אוועטאר
שוועמל
שר עשרת אלפים
תגובות: 14185
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » דאנארשטאג סעפטעמבער 18, 2008 9:09 pm

ענדיג צו דעם ניגון..

וקול התור נשמע בארצינו או הא אוהא אוהא הההעי , בקולו שלמלך המשיח אוהא אוהא אוה א העי.....


חידושים נפלאים בין איך געוואויר געווארן אינעם דאזיגן אשכול. דאנקע אייך אלע
שוש אשיש בה', תגל נפשי באלקי! (ישעיה סא)

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » זונטאג סעפטעמבער 21, 2008 1:36 pm

דאכענע און "קושן" אדער "קישן"?

אוועטאר
אינטעליגענט
שר חמש מאות
תגובות: 876
זיך איינגעשריבען אום: דינסטאג סעפטעמבער 02, 2008 6:23 pm

תגובהדורך אינטעליגענט » זונטאג סעפטעמבער 21, 2008 1:41 pm

מסתבר אז קושן, ווייל אין ענגליש זאגט מען עס אויך אזוי [מיט א ליטווישע מלאופם], און ביידע (אידיש, ענגליש) זענען בשורשם פון איין שפראך (לאטיין).

אוועטאר
אלחנן
שר שלשת אלפים
תגובות: 3032
זיך איינגעשריבען אום: מיטוואך אוגוסט 06, 2008 5:43 pm

תגובהדורך אלחנן » זונטאג סעפטעמבער 21, 2008 1:45 pm

קרעמער האט געשריבן:דאכענע און "קושן" אדער "קישן"?


עס ווענד זיך אויב מען לייגט זיך אויפן 'קושן' אדער אינעם 'קישן' :smile:
יא, מיר זענען שוין אויפ'ן וועג צו אייך..

אוועטאר
מאשקע
מ. ראש הקהל
תגובות: 12582
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » זונטאג סעפטעמבער 21, 2008 5:16 pm

הארקאווי זאגט "קישן".
An article a day keeps the babies away

אוועטאר
מיללער
שר עשרים אלפים
תגובות: 25702
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » זונטאג סעפטעמבער 21, 2008 8:18 pm

אינטעליגענט האט גראדע א פוינט, מ'ברויך זעהן וויאזוי די ליטווישע אידן זאגן דעם ווארט, אויב זאגן זיי דאס מיט א מלואפים (קאָשען) דאן באלאנגט עס מיט א ו'.

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » זונטאג סעפטעמבער 21, 2008 9:04 pm

אויף ענגליש, ווען מ'דארף אנפילן א באקס, אז זאכן זאלן זיך נישט צוברעכן, רופן זיי דאס אויך קאשענינג, ס'קען עפעס ארויס העלפן דא?

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מאנטאג סעפטעמבער 22, 2008 10:28 am

איך האב למעשה געשריבן "קושן", טאקע ווייל אין ענגליש איז דא אזא ווארט.
----

פרישע פראגע: אונטערזוכן? אדער אונטערזיכן? (אדער גאר 'אינטער' מיט א י'?)

אוועטאר
farshlufen
שר עשרים אלפים
תגובות: 22092
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מאנטאג סעפטעמבער 22, 2008 11:27 am

קרעמער,

אונטערזוכן מיט צוויי ויו'ן.

איך הער, ס'איז היינו הך.
סימן דלא ידע כלום, שבוחי.

אוועטאר
קרעמער
שר עשרים אלפים
תגובות: 28277
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » מאנטאג סעפטעמבער 22, 2008 11:33 am

אונטערזוכונג? עס האט נישט צופיל ווי"ן?

אקעי. העמיר אזוי שרייבן.

אוועטאר
מיללער
שר עשרים אלפים
תגובות: 25702
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג סעפטעמבער 22, 2008 11:33 am

קרעמער,

נקוט האי כללא בידך וויאזוי זאגט דער ליטוואק 'אנטער-זאכען' מיט א אונזעריגער קמץ, דאן איז דאס א מלאפום און ער באלאנגט מיט א ו'.


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך איצט דא: נישטא קיין איינגעשריבענע באנוצערס און איין גאסט