כי חיות הנה - צושטעלן צו חיות (וכדומה) אין אידישע שפראך

[טייבעלע]

סטראשעט מיט די גענץ.

דאכט זיך אז די ריכטיגע אויסדרוק איז: גיי סטראשע די גענז [=דערשרעק זיי, און זאלן זיי אפפיצן פון דאנעט]

די אויסדרוק מיינט צו זאגען אז די סטראשענונגען האט נישט קיין ווערט, אזוי ווי ער זאל סטראשען די גענץ און זיי וועלן זיך דערשרעקען.

[טייבעלע]

ארי בארי באקסער אויבען וואוינט די דאקטער אונטען וואוינט די "קי" און דאס ביסטו

[מאנ-יימער]

ארי בארי באקסער אויבען וואוינט די דאקטער אונטען וואוינט די "קי" און דאס ביסטו

אריין אין "איך געדענק נאך ווען..." אשכול

[טייבעלע]

א קארגע חזיר

[SPUSMN]

כ'מיין אז ווייל אמאליגע צייטען פלעגען זיך בי יעדען (און אונגארן) דריייען גענז און הויף, איז אויב א אינגעלע האט געסטראשעט זיין מאמע אז ער גייט נישט און חדר אויב זי גיט אים נישט נאך וואס ער וויל, האט זי אים אראפ געלאזט א געזונטען פראסק און געזאגט יעצט גיי סטראשע די גענז; א מאמע סטראשעט מען נישט.

[SPUSMN]

ידידי דאט-קאם האט דאס אריין געשיקט; ותשועות חן חן לו.

אין בבא מציעא לח׃ זאגט רב ששת "דלמא מפומבדיתא את, דמעיילין פילא בקופא דמחטא? " איר ווילט אריינשטופן אן עלעפאנט אין א נאדל לאך? ווי צו זאגן אז ער וויל זאגן א סברא וואס איז נישט מעגליך... אויך אין ברכות דף נט ביי די חלומות נוצט עס די גמרא אלס א משל פון א חלום וואס קענישט מקויים ווערן, און נאך פארשידענע פלעצער ווערט עס גענוצט, זעהן מיר אז מ'פלעגט אמאל נוצן דעם אויסשפריך ווארט ווען מ'האט געוואלט ארויסברענגען אז די זאך איז אוממעגליך...

[לכל זמן]

• "עס שטייט אויף הינערנע פיס"
• דער ציטאט איז מיט "גענזן פיס"
• אויף איינעם וואס איז געפיעשטשעט זאגט מען: מען האט אים געפיטערט מיט פויגל מילך.
• "ער האט געעפנט א שאכטל מיט ווערעם"
- - -
אין די אלטע מעשה ביכלעך טרעפט מען ווי איינער איז אריינגעפאלן אין א 'הינערפלעט', עס קוקט עפעס אויס ווי א 'קאומע' ל"ע.

[קרעמער]

זיי לעבן ווי די טויבן [הגם תורים האבן א בעסערע שלום בית, עי' רמב"ן בפרשתן (פ' ויקרא)]

[msp]

לענ"ד איז די אויסדרוק זיי לעבען ווי די טייבעלעך

[מיללער]

שטינקט ווי א טחור

[תרגום יונתן]

שוויצט ווי א טערק (אן אינדיק אדער א טערקישער?)

[מיללער]

שוויצט ווי א טערק (אן אינדיק אדער א טערקישער?)

געמיינט אייביג אז 'טערק' מיינט א מענטש פון טערקיי, זאגט איר אז דאס איז א באשעפעניש? וועלכע?

[קרעמער]

די טערקישע שוויצן צוליב דעם וואס זיי טראגן טערקישע וואל [טליתים..]

[msp]

הרב קרעמער
דעטס עי גוד וואן

[טייבעלע]

אין א"י ווען מען וויל זאגען אז ער רעדט א צובראכענעם העברעאיש, דאס הייסט איין ווארט אידיש און איין ווארט העברעאיש,
זאגט מען:
"ה-דזשוק עושה קריכען על ה-וואנט".

[SPUSMN]

ער קריכט ווען עס כאפט אים דער דזשוק.

[טייבעלע]

ס'האט אים געכאפט א דזשוק

[טייבעלע]

בחנם באקומט מען כינים

[SPUSMN]

געטראפען אן אשכול וועגען דער שנעק און דער האז.

[ים רויבער]

ארי בארי באקסער אויבען וואוינט די דאקטער אונטען וואוינט די "קי" און דאס ביסטו

פרה אדומה, די רויטע קי

[טייבעלע]

ארי בארי באקסער אויבען וואוינט די דאקטער אונטען וואוינט די "קי" און דאס ביסטו

פרה אדומה, די רויטע קי

יש"כ ים רויבער אוי איז דאס גוט כ'האב מיר אזוי צוקייקעלט, מעכטיג.

[טייבעלע]

אמאל איז געוועהן א מעשה א שעפסעלע א ווייסע א ציגעלע א רויטע און דו ביסט א שוטה.

[לכל זמן]

פון איינע פון די הוצאת ספרים בית רחל (שוין דא אן אשכול דערויף?) לערנביכער:
ווער וויל הערן, א מעשה מיט בערן.
אין שטייג איז א האן, די מעשה פאנגט זיך אן.
א קו מיט א קאלב, די מעשה איז שוין האלב.
א ציג מיט א ציגעלע, די מעשה איז שוין פיצעלע.
א קאץ מיט א מויז, די מעשה לאזט זיך אויס.
א פיש מיט גרויסע אויגן, די פייגל זענען אוועקגעפלויגן.
(עפעס אויסגעלאזט?)

[חרמש_בקמה]

אין א"י ווען מען וויל זאגען אז ער רעדט א צובראכענעם העברעאיש, דאס הייסט איין ווארט אידיש און איין ווארט העברעאיש,
זאגט מען:
"ה-דזשוק עושה קריכען על ה-וואנט".

און ווי אזוי זאגט מען עס אין צובראכענעם אמריקאנער-אידיש? [ועיין ב'מנשה לוסטיג' סימן... (איך געפין נישט דעם לינק)]

[msp]

בחנם באקומט מען כינים

ואני שמעתי בחנם עסען כנים