היות איך האב געזעהן די שטיפעניש און די געיעג וואס קומט פאר צווישען די צוויי הויפט קאנדידאטען צו כאפען וואס מער "סופער דעלעגאטען" , און דערווייל, איך אליינס האב דאך נאך נישט מחליט געווען צו איך וועל בכלל לויפן אדער נישט. נו, וואס וועט זיין אויב איך וועל מחליט זיין צו לויפן איבער מארגן אדער איבער א יאר, און דערווייל וועלען אלע "סופער דעלעגאטען" שוין זיין פארכאפט ביי מאשקע און באכי, מיט כל'ערליי הבטחות און סטראשונקען, וועלען זיי שוין האבן אלע טיף טיף פארפאקט אין טאש, (נישט טאש אזוי ווי טאהש, נאר אזוי ווי המן טאש!) ואני אנה אני בא?
אבער פון דער אנדערע זייט קען איך דאך נישט פרובירען צו פארכאפען אפאר "סופער דעלעגאטען" פאר מיר און מיין קאמפיין, ווייל אויב איך וועל למעשה צום סוף מחליט זיין נישט צו לויפען, וועל איך זיין סטאק (נקוד חטף קמ"ץ) מיט א גאנצע סטאק (נקוד פת"ח - עי' ערך לאק סטאק און בערעל) פון "סופער דעלעגאטען", וואס איך וועל דאך נישט האבן וואס צו טון מיט זיי!
נו, ווי גיבט מען זיך אן עצה?
האב איך מחליט געווען אז איך וועל גיין זוכען די שטיצע פון אלע "סופער סנעקס"! יא! איר הערט גוט! ווער דארף "סופער דעלעגאטען" ווען מען קען האבן "סופער סנעקס"
. און די מעלות פון "סופער סנעקס" איבער "סופער דעלעגאטען" זענען ווי פאלגענד.
1)איך קען זיי סטארען אין מיין סטארעדזש ביז איך בין מחליט, און אויב איך וועל נישט לויפן קען איך עס האלטען פאר עונג שבת, פאר ווען מען שטייט אויף שבת נאכמיטאג צו עסען צוזאמען מיט די וואסער מעלאנע!
2)"סופער סנעקס" איז זייער גוט! עס טעיסט א מחי'! משא"כ "סופער דעלעגאטען" זענען איין שטיק ......
3)אויב איך דארף עפעס אמאל אונטער צו קויפן וויילער קען איך זיי אלעמאל צוזאגען אז איך וועל זיי אוועק געבן אפאר פון מיינע "סופער סנעקס". גיי זאג צו א מענטש אז אויב ער וועהלט פאר ידר באקומט ער א "סופער דעלעגאט"!
למעשה האט מיר נישט גענומען א לאנגע צייט צו באקומען די פולע שטיצע פון רוב רובם פון די "סופער סנעקס". אלע זאגן אז זיי וועלען מיר בעקען אלל די וועי, בין במאכל ובין בשתמה! אלע מיינט אלע! היקארי פלעיוואער, פאלאפעל, פיצא פלעיווער, בארביקיו, סמאוקי, טאקאו. סיי אוסם, כי טוב, זה טוב. אלע!
די איינציגסטע פלעיווער וואס וויל מיך נישט שטיצען דערווייל איז די אניאן גארליק פלעיווער! איר ווייסט? די געלע סופער סנעק! דער וועלעכער מיר האבן ארויף געלייגט ביי ריסעס אלץ רינגלעך אויף אלע 5 פינגער, איר ווייסט אודאי פון וואס איך רעד!
זיי טענה'ן אז אלטער בחור האט זיי געשטיצט אלע יארן, דורך נאר עסען זייערע פלעיוואר און נישט קיין אנדערע. און דאס האט ער געטון כאטש אפילו ער האט אלעמאל געהאט גראבע פינגער, און ווען ער האט פרובירט ארויף צו לייגען די רינגלעך אויף זיין פינגער האט זיך עס אלע מאל צובראכן, דאך האט ער נאר געגעסן דער פלעיווער! ער האט קיינמאל נישט געגעסען די קרייזעלדיגע פאות סופער סנעק! קיינמאל נישט געגעסן די גרינע אדער די רויטע, נאר די געלע אניאן פלעיווער, און פארדעם גייען זי שטיצען באכי.
מיר האפן נאך בקרוב ממש צו מעלדען אז מיר האבן זיי אויך איבערגערעדט!
נו? וואס זאגט איר? אזא קלוגע קאנדידאט ווי מיר איז דאך נישט דא!!!
