Jungle Queen Riverboat
- jungle-queen-boat-1024x543.jpg (143.52 KiB) געזען 969 מאל
אראפגייענדיג אויפן פארט לארידעל גאס ווי אלע האטעלן זענען, איז דא דארט איינע פון די סטאנציעס ווי מ'פארקט די שיפן, מקען דארט זעהן פון ביליגע שמאטעס ביז גאר טייערע יאכט שיפן וואס מולטי ביליאנערן האבן דארט, איינער האט זיך דארט אפילו איינגעהאנדעלט א געוועזענע מיליטערישע שיף און עס געמאכט אלטס זיין יאכט שיף, סהאט נאך דארט א מיליטערישע העליקאפטער וואס קען אבער נישט פליען, סאיז גראדע זייער אינטערסאנט צו באטראכטן, בקיצור (בעסער באריכות) דארט איז אויך דא א קאמפעני וואס הייסט זשאנגעל קווין, זיי שטעלן צו שיף רייזעס מיט זייער קעניגליכע שיף וואס טראגט ארום דעם עולם צווישן די פארט לארידעל קאנאלען און פארט נאכדעם ארויס צום פארט ווי אלע גרויסע קרוז שיפן זענען פארקירט, פארט לארידעל האט פון די גרעסטע קרוז שיפן פארטן, מזעהט דארט ריזיגע שיפן וואס נעמען אריין טויזענטער מענטשן.
די קאמפעני שטעלט צו זייערע רייזעס אפאר מאל א טאג, זיי פארמאגן צוויי שיפן, קאסט בערך $40 דאלער פער מענטש, די וועג נעמט בערך א שעה צוויי, און ווערט באגלייט מיט איינער וואס האלט זיך פאר א בדחן בשעתן טורן דעם עולם אלע מיליאנערישע הייזער, סווערט יעדע פעני...
ווען איך בין דארט געווען האבן זיי געהאט א עלעגעיטער שאו אויף געוויסע פון זייערע רייזעס, ווי דער עולם איז אראפ אויף זייער פרייוועט אינזל, וואס דארט האבן זיי געהאט אפאר חיות'לעך עסן און טרינקן ווי אויך די שאו, היינט צוטאגס איז עס נאר פאר עסן און קינצן שאו'ס אבער נישט די עלעגעיטער שאו, אבער סלוינט זיך צו גיין זעהן יענע אינזל.
בשעתן ארומפארן גייט מען אויף שמאלע קאנאלן צווישן הויכע וואלקן קראצער געביידעס וואס פארגאפט די מענטשהייט און צווינגט צו פלעשן אפאר בילדער, סאיז אינטערסאנט אז אויך אויפן וואסער איז אויך דא טראפיק און די שיף שטעלט זיך אפ ווארטן ביז אנדערע שיפן פארן דורך צוליב די שמאלקייט אבער בשעת מעשה רייסן דורך דזשעט סקי'ס ווי די מאטארסקיילעך אויפן הייוועי טראפיק ארויף צום קאנטרי.
יענער בדחן אויפן שיף רעדט מיט אזא נוסח וואס שפעטער האב איך אויפגעכאפט אז אלע טורגיידס ניצן עס, סגייט בערך אזוי "די הויז באלאנגט פאר יענעם אין יענעם וואס האט געצאלט אזויפיל און אזויפיל, וואס מיט די געלט וואלט איך געקענט קויפן צוואנציג טויזענט מעקדאנעלט סענדוויטשעס...."(די ווארט סענדוויטש זאגט מען מיט די נאז...)
סקוקט אויס ווי מרופט אויס די נגידים ביי די כ"א כסלו דינער יענע הויז איז ווערד צען מיליאן דאללער יענע הויז מיט די פינקע דאך איז ווערד פיפציג מיליאן דאללער.
מיר איז געפאלן די גאנדעלעך וואס האבן זיך אזוי שיין געשווימען, ווי אויך אזאלעכע קליינע כאטקעלעך, וואס לכאורה האבן עס די קובאנע אריינגעברענגט דארט און זיי האבן ארויפגעלייגט א מאטאר דערויף.
ווי אויך איז מיר געפאלן צו זעהן וויאזוי די בריקן הייבן זיך אויף כדי מזאל קענען דורכפארן, וואס אגב טראכט איך אלטס וואס סגעשעהט אויב איינער בלייבט דארט שטעקן אינמיטן ווען סהייבט זיך אויף?
כבין דארט געווען צוויי מאל און צוויי אנדערע צייטן, איינמאל אינמיטן טאג, די צווייטע מאל איז געווען ווען די זון איז אראפ.
בשעתן ארומפארן האב איך אויפגעכאפט אז אינדערזייט לויפט דורך א שיינע וועג ווי מקען גיין שפאצירן אדער בייקן צו גאר סעגוועין, סאיז זייער שיין צוגעשטעלט מיט עטליכע פארקס אויב מוויל זיך סווינגן, קליינע בודקעלעך אויב מדארף עסן אדער טרינקן, עטליכע רענטלס פאר בייקס סעגוועיס און אזאלעכע גרעסערע בייקס וואס עטליכע מענטשן דארפן דרייוון, ווי אויך קען מען דארטן ארויסנעמען זשעט סקי'ס - קייאק שיפלעך – און טורגיידס, ווי אויך איז דא דארט שיינע לייטס צו שפאצירן ביינאכט.
ביים צופארן צום פארט ווי אלע גרויסע קרוז שיפן זענען האב איך מיר געפילט ווי א ים רויבער וואס גרייט זיך צו באפאלן א שיף, כבין שוין געווען גרייט אריבער צו ווארפן די לייטער ווען נישט א קאוסט גארד שיפל וואס איז דארטן ארומגעפארן, וואס גראדע סתם פאר די נאלידזש, ווען סאיז געווען די מלחמה דרעפט אין אמעריקא האבן זיך אסאך אידן איינגעשריבן צו זיין אין די קאוסט גארד אפטיילונג אזוי אז זיי וועלן נישט נישט זיין אויפן שלאכטפעלד און ווי אויך זיין מיט די משפחה, אידישע קעפ...