געלויבט ביסטו
קודשא בריך הוא
דער באשעפער פון דער וועלט
וואס האט אלס אויפגעשטעלט
אונזער אייביגער גאט
מיר היטן זיינע געבאט
איבער דער וועלט איז ער דער קעניג
און מיר זענען אים אונטערטעניג
ער שפייזט די גאנצע וועלט
נאר ווייל אים געפעלט
צוליב זיין גוטס וואס ער וויל
משפיע זיין אהן א גבול
מיט חן חסד און רחמנות
ער דארף נישט קיינעמ'ס מתנות
פאר אלע באשעפענישן צוגעשטעלט
יעדער וואס אים געפעלט
ווייל זיין חסד אהן א צאל
באגלייט זיי אלעמאל
און מיט זיין גרויס גוטסקייט
האט אונז קיינמאל געפעלט
און מיר בעטן און זענען זיכער
אז תמיד לא יחסר
און אזוי ווייטער אויך
וועט ער געבן אונזער געברויך
אלע גוטע שפייזן
אונז געבן צו לייזן
אויף אייביג און אייביג
קיינמאל נישט ווערן ליידיג
צוליב זיין גרויסן נאמען
טוען מיר דאס באקומען
ווייל ער איז דער גאט דער שפייזער
און מאכט זאל זיך איינזאפן אין די גלידער
יעדער באשעפעניש באקומט
לויט ווי ס'איז אים באשטימט
און אלע גוטע זאכן
טוט אויך נאר ער מאכן
און פאר אלע באשעפענישן אנגרייטן
יעדער עקסטער צו זיינע צייטן
אזוי ווי אין פסוק שטייט
און דוד המלך'ס רייד
'דו עפענסט דיינע הענט
און דו טוסט זעטיגן
יעדער וואס לעבט
וויאזוי ער טוט באוויליגן'
געלויבט ביסטו גאט
וואס מיט דיין גרויס גענאד
טוסטו וואונדער באווייזן
מיטן אונז אלעמען שפייזן
איז דער ארטיקל געשריבן אין 'גראמען'? דאן רעיט אינעם ערשטן אפציע לויט'ן שטאפל איר האלט אז עס איז. איז דער ארטיקל 'פאעטיש' געשריבן? דאן רעיט אינעם צווייטן אפציע לויט'ן שטאפל איר האלט אז עס איז. אויב פעלט פון דעם ארטיקל איינס פון די צוויי אויבנדערמאנטע, דאן מאכט א טשעק ביי "נישט נוגע".