האט איר ריכטיג פאראויסגאשאצט דעם וויירוס?

אבינו מלכנו מנע מגיפה מנחלתך - אלעס ארום די קאראנא וויירוס

די אחראים: אחראי, געלעגער

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 7:32 pm

נשמה האט געשריבן:
פארווייטאגט האט געשריבן:ליידער זענען די פאניק אטאקעס ערגער פון וואס מענטשען מיינען, און דאס האט מען נאכנישט געזעהן.

זה מה שאמרתי, און עס איז א מציאות.


וואס איז געווען איז שוין געווען. און דער אייבערשטער זאל העלפן אז ס'זאל מער נישט זיין. אבער צום ביישפיהל אויף קול מבשר האט ער ארויפגעברענגט טערעפיסטן. נפשי האט גערעדט דערפון. ר' בערל טויבער שליט"א האט אזוי שיין גערעדט דערפון. און אין אנדערע ערטער האט מען גערעדט דערפון. אלע ריקארדינגס און געדרוקטע ווערטער פון חיזוק איז נאך דא. און אויב מ'האט געוואלט, איז געווען גענוג האטליינס און אויסגאבעס פון וואו צו נעמען גענויע הדרכה וויאזוי זיך צו פירן.

ס'דא אסאך מאל ווען א מענטש קען זיך צוגרייטן מיט מוסר, און מיט הדרכה, וויאזוי אויפצונעמען א מצב. דא - קען מען זאגן אז - די 'פאניק' איז נעבעך געווען א חלק פון די גזירה. קיינער האט נישט געוואלט מאכן פאניק. מ'איז געווארן פארכאפט אין א ציטער. איך טראכט נאך אלץ צו דו רעדסט פון 'פאניק', אדער דו רעדסט פון די שוועריגקייטן וואס מענטשן האבן געהאט זיך צו ספראווענען מיט די מצב.

לאמיר דיר זאגן עפעס. ווען דו שרייסט אויף א קינד זאל נישט גיין אויפן ראוד ווייל ס'קען קומען א קאר, און ער פאלגט נישט השם ישמרינו, דארפסטו שרייען און מאכן געוואלדעס, ווייל נאר אזוי עט הער הערן. קומט אויס פון דעם, אז דאס אליין אז מ'איז נישט געווען גרייט צו פאלגן איז געווען וואס האט צוגעצויגן צו זיך 'פאניק'. קיינער האט נישט געוואלט מאכן פאניק. מ'האט געוואלט מ'זאל הערן די ווארענונגען.

אויב יעדער וואלט געפאלגט, וואלט מען נאר געדארפט זאגן "זייט נישט אין פאניק". אבער אזוי ווי ס'האט געהערשט א לייכטזיניגקייט האבן די וואס האבן געוואלט אויפמערקזאם מאכן, געמוזט אביסל אויפהייבן די שטומע.

ס'איז נישט קיין קונץ צו זיין א חכם למפרע, און זאגן "זעהסט, כאדיר געזאגט, מ'האט נישט געדארפט מאכן אזא פאניק, מ'האט נאר געדארפט זיך היטן וויפיל מ'קען, און שוין. עס וואלט נאר נפטר געווארן דאס וואס זענען נעבעך נפטר געווארן, און שוין". דאס האט נישט קיין שום געוויכט אין שכל. ווייל יעצט - אויף למפרע - קענסטו זאגן וואס דו ווילסט זאגן.

יעצט ווען ס'איז שוין דורך, און דו קוקסט צוריק מיט א רואיגן בליק, טראכסטו ביי דיר, אז מ'וואלט געדארפט אזוי, און מ'וואלט געדארפט אזוי. דאס איז נישט מעגליך צו זאגן. ווייל ס'איז געווען א 'פאניק'. ס'איז געווען א 'גזירה'. וואס מענטשן האבן געדארפט אפקומען. דו קענסט נישט זאגן "מ'האט נישט געדארפט מאכן א פאניק". ווייל פון איין זייט האט מען געמוזט שרייען, ווייל ס'איז געווען זייער שווער צוריקצוהאלטן מענטשן פון זיך אויפפירן לייכטזיניג.

ס'איז אמת אז די פאניק אטאקעס זענען ליידער וואס מען האט נאכנישט געזעהן. און ס'איז א מציאות. אבער ס'איז דא דא אסאך מציאות'ער וואס האט אונז נעבעך באטראפן. וויפיל מ'האט פרובירט זיך צו האלטן רואיג, האט די גזירה געבוזשעוועט. יעצט, צו זיין א חכם למפרע, האט נישט קיין געוויכט.

איינעם האט באטראפן 'פאניק' וואס איז ממש סם המוות. און איינעם האט באטראפן דעם טויט אליין נעבעך. הערסט? ס'דא וועם ס'האט באטראפן דעם טויט לא עלינו. הערסט? ס'איז נעבעך געווען א גזירה.

קענסט נישט זאגן "העכסטנס וועט דער און דער חלילה..., און דער עיקר אז מ'זאל נישט זיין אין פאניק". דאס איז נישט מעגליך. ווייל צו דעם דארף מען וויסן עתידות. און אפילו צדיקים ווייסן נישט עתידות.

דאס איז אלעס איין 'גזירה' נעבעך. מענטשן האבן געטון וואס זיי האבן געקענט אז די בני בית זאלן נישט אריינפאלן אין פאניק. אבער ס'איז געווען א פאניק.

דו מיט דיינע ווערטער קוקט אויס, אז כאילו מ'וואלט געדארפט טון צו ראטעווען די לעבנס געבליבענע פון פאניק. און מ'וואלט טאקע. אבער מ'האט געקענט? וויפיל האט מען געקענט? וויאזוי האט מען געקענט? ווער גייען זיין די לעבנס געבליבענע?

עס איז געווען נעבעך א פאניק. אבער אוודאי דארף מען טון צו ראטעווען פון פאניק אויך. פון ביידע דארף מען זיך ראטעווען בעזרת השי"ת

והשם הטוב יעזור

דעס איז אלעס אמת ביז ווי לאנג די פאניק איז נישט גורם מער ווי נאר אביסעל אימבאקוועמליכקייט,
אבער טאמער דעס איז גורם אז מענטשען זאלען זעך נעמען טון משוגענע פעולות ווי נישט גיין צי א דאקטאר אדער גיין צי א האספיטאל אדער זיך אויווערדאזען מיט מעדעצינען רפואות וד"ל ח"ו,
כזע נישט וואס איז אזוי שווער צי פארשטיין,
כבין נישט מחילוק מיט דיר וועגען דערשרעקען מענטשען זיי זאלען דערהערען, אבער "ווער אין וויאזוי" מזאל עס טון בין איך שוין שטארק מחולק, (טאמער האלסטו נישט ווי מיר אז דא אויף אייוועלט איז דא אלע מיני מענטשען אין יעדער קען ביז א סעקונדע געבען א טייפ ארויס אן טראכטען נישט פראפעשענעל, דעמאלטס זאג מיר, אדרבה)

ווען א דאקטאר געט א מעדעצין וועט ער אייביג קוקען אויף אלע סייד אפעקטס אין מיט סייתא דשמיא איז ער שוקל אלע צדדים, אין נאר ער קען זעען נאך א שטיק צייט צי ער דארף צירוק ציען פון א מעדעצין, די דאקטאר איז זיך נישט סותר, פארשטייסט,
דערפאר ליגט א פליכט אויף די רעגירונג (אדער אויף א קהלה) ביי א קריזיס איינע פון די ערשטע זאכען אז סזאל נישט זיין קיין פאניק, אין ווער רעדט נאך היינט צי טאגס וואס אמבולאנס דרייווערס קענען מיט זייערע כלים ווערען מיטגעשלעפט ביז שעות אין די אומגעווינטשענע פאניק אין היסטעריע, כמיין סאיז נישט אזוי שווער צי פארשטיין אין סדארף נישט פארען אהין אין צירוק,
אין איראן איז געווען כמעט 900 מענטשען וואס האבען איינגענומען עפעס א שעדליכע זאך רח"ל פון פאניק אין שמועות וואס איז ארום געפארען אויף טשעט סייטס אין פארוםס (וואס איז דא?) בה די רעגירונג האט עס טאקע דארט באצייטענס אפגעשטעלט,
ווער איז דער וואס איז דא שוקל ווי לאנג ממאכט א פאניק און ווי שטארק?
ווער איז דער וואס מאכט אפ וואספארע ווערטער מזאל דא נוצען,
דא איז דאך דא מענטשען וואס טענהן אז זיי האבען דא געמאכט א פאניק ווייל לויט "זייערע דעת" האט מען עס געמוזט טון, דאס מיינט צי זאגען אז די מענטשען האלטען אז 'דא' האט געקענט אנקומען א מעסעזש צי טויזענטע טויזענטע מענטשען אנשים נשים וטף אין סעקונדעס אומגעפילטערט, ווער האט קאנטראלט אזוי ווי דער דאקטאר ביי א מעדעצין זאגט איין מינוט דעי מעדעצין ארבעט נישט פאר סאם ריזען, מדארף געבען א אנדערע דאזע אדער מדארף עפעס טוישען?
ווען די מענטשען זאלען זאגען, 'אנכי בשר ודם' כהאב מיך פארלוירען איך בין דאך פארט נאר בלוט אין פלייש כהאב דא געהאט א אפענע וועבסייט, אין מיך גענומען טייפען אלעס וואס סלאזט זיך נישט טראכטענדיג אז מענטשען וואס זענען אויף הויעך אקסעזשין קענען דא ליינען? סאיז געווען אן עת שכרות, מילא, דעמאלטס וודאי איז עס געווען א פארט פון די גזירה,
אבער בשיטה? מאכען דעס פאר א זשיהאד?
מענטשען האבען געפאמפט פון נעמען נעבעך לא עלינו ווייל אפשר אזוי וועט עס דערהערען יענער , האסטו אנגעקאלט אלע ארומיגע בני משפחה זיכער מאכען אז זיי ווייסען עס? איז דע פאניק כאאס אומציטרוי איטליעסט נישט קיין מעדעצין בעסער ווי היידראקלאראקווין? קען עס דען יעדער שוקל זיין,

זאג כהאב מיך פארלוירען, כווינדער מיך פון ווי געוויסע נעמען אזוי סעלף קאנפידענץ? סאיז ממש נתפעל צי ווערען,

איין זאך גייט מיר נישט אריין אין קאפ, וואס מאכט אנדערש דער בעלי ההאטליין, פון דער בעלי האייוועלט שרייבער? ווער סקען מיך דעס ענטפערען גייט אריין אין א גורל אויף א קנאבעל!
ווען אין די צייטען פון הקדוש ר' איסר זלמן מעלצער זיע אין ר' וועלוועלע בריסקער איז געווען א סכנה פון די "ביכער" ווער ווייסט וואס סמיינט ביכער? ביכער מיינט מענטשען מיט פארדרייטע מחשבות אין השקפות האבען געשריבען זאכען וואס די המון עם די יוגענט האט געליינט אין זענען נשפע געווארען,
וואס איז א פאבליק פארום? הא?
אקעי כגיי שוין אריין צי שטארק אין א עדעטאריעל מוד סאיז נישט פאר מיך, איך בין נישט געקומען פארדעם, מיך איז סאך אינטערעסאנטער צי שמועסען פון טראמפ ,אבער איכה ראיתי באבדן מולדתי, איך האב שוין געליינט דא יארען צירוק אין הנאה געהאט, אבער אזוי ווייט?
ביי די יעצטיגע קריזעס טרעף איך מיך איבער זאגען נאכאמאל אין נאכאמאל די שעדליכקייט פון סאושעל מידיא, דעס איז נישט מיין ליין אבער וואס זאל איך טון? דעס איז דאך עפעס נישט נארמאל?
שוין געווען היבש אזוי ביי די מאנסי פרשה/ת גאנס סעלף דעפענס טוויטער שטותים והבלים און געענדיגט ביי קאנספיראציעס וואס האט אראפ געשטיפט די אויספארשונגען פון די טרעקס, און מצער געווען צענדליגע אימשילדיגע מענטשען, דעס איז די נאטור פון נישט קאנטראלירטע סאשעל מידיא, ממוז אבער עפעס טון דערוועגען נישט אזוי?

איז טאקע דא אזא גרויסע ציבור וואס האט זיך דא אויפגעסיינט צי שטופען אייגענע אגענדעס? האטליין אגענדעס? יאאפעד אגענדעס, ?
עפעס פארזע איך דא?
כוויל דאך נישט דא אריינגיין אין דיטעלס אבער יעדע איינציגסטע שמועס ווערט מער אין מער אראפגעשטופט א זייער פראדוקטעבעל ראוד,
כהאב שוין די לעצטע פאר וואכען (אפשר שוין צי סאך) געמענטשענט די שעדליכקייט פון מיסאינפארמעישען אויך סאושעל מידיא און ספעציעל מיט אגענדעס , אין ניקס טאנצען דא אויף ווי זיי באקומען פרישע אקסעזשין כמוצא שלל רוב ווי סוואלט ווען געווען כמים קרים, אין איך שוין זיי סאיז ויחד יתרו,
אבער וואס טוט מען דא?
לעצט פאראכטן דורך פאלעסיידס אום דאנארשטאג מאי 07, 2020 7:39 pm, מאל פאראכטן געווארן 1 סך הכל.

אוועטאר
נשמה
שר חמשת אלפים
תגובות: 5536
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: האט איר ריכטיג פאראויסגאשאצט דעם וויירוס?

תגובהדורך נשמה » דאנארשטאג מאי 07, 2020 8:03 pm

פאליסיידס, דו מיינסט דאך בעיקר וואס מ'זאל פארנעמען זיך צו פארבעסערן אין דעם נושא. יעצט, קיינער וויל נישט אז ס'זאל נאכאמאל זיין דער נושא, אז מ'זאל זיך אין דעם דארפן פארבעסערן.

קיינער זאגט נישט: נעקסטיים ווען די דייטשן קומען זאגן אז מ'זאל גיין צו די באנען, זאל מען... קיינער וויל נישט הערן גארנישט.

האסט עפעס אן עצה וואס מ'קען יעצט טון צו פארבעסערן דעם יעצטיגן מצב, טו עס.

עפן א האטליין, ווייל מענטשן דארפן א האטליין. און נישט א האטליין וואס זאגט "מיר טוען מוחה זיין פאר די עסקנים וואס האבן פארמאכט בתי מדרשים". און אויך נישט "קיינער זאל זיך נישט וואוסנדיג מאכן פון סאושל דיסטענסינג". ווייל דאס איז אויך שעדליכע סאושל מידיע.

אבער א נארמאלער האטליין און זאג אזוי. "טייערע יודן, מיר דארפן זיך מחזק זיין, מ'דארף טאקע אכטונג געבן, אבער זיך נישט פארלירן, ס'דא א באשעפער, מיר דארפן זיך האלטן שטארק אין באשעפער, און מיר דארפן אים בעטן. דאס און דאס איז די נייעס, אבער זיך נישט פארלירן. וואויל זענען די וואס האלטן זיך שטארק. טייערע יודן מיט דארפן אנהאלטן, אבער זיך נישט פארלירן.

אויב וואלט איך געווען הצלה, וואלט איך אזוי געזאגט: טייערע איינוואוינער, נעמטס אריין א טיפער אטעם. מיר בעטן די מענער זאלן מחזק זיין די ווייבער מיט די קינדער. אגב מ'זאל אכטונג געבן דאס און דאס. און נאכאמאל נישט פאלן אין קיין פאניק. זיך האלטן שטארק. נישט זיין פארלוירן.

און ווען איך וואלט געווען א צייטונג וואלט איך געשריבן דעם הויפט קעפל: יודן פאלן נישט אין קיין פאניק, און עינינו צופיות למרום טראץ די שרעקעדיגע וויירוס.

כאפסט? ווילסט? טו.

אגב, ר' הערשל מייזעלס נ"י האט אזוי צוגעגאנגען אין זיין האטליין. ער האט ארויפגעברענגט א ניגון.

און קול מבשר האט געטון זייער זייער זייער זייער אן איבערגעגעבענע ארבעט. אין אט די שווערע שווערע צייטן, ווען שמועות מחרידות זענען געקומען פון אלע זייטן. האבן זיי אריינגעארבעט מיט'ן אראפברענגען פארשידנס. חיזוק און נאך און נאך און נאך און נאך. זיי האבן געהאט א הערליכער אינטערוויו מיט ר' מיכאל שניצלער זאל זיין געזונט. בקיצור, ווער ס'האט געוואלט, האט געהאט פון וואו צו שעפן חיזוק. וואס איז געווען זאל מער נישט זיין.

איך מיין אז איין טאג האט מען אפילו געקענט הערן א דרשה פון הרה"צ ר' יצחק אלעזר מאסקאוויטש שליט"א וואס זיין דרשה אין געווען געדרוקט. ווער ס'האט געוואלט האט געהאט פון וואו זיך צו בארואיגן.

דאס וואס דו זאגסט אז מ'האט נישט געדארפט מאכן אזא פאניק. דאס איז א סטעטמענט וואס האט נישט קיין שום דעקונג. ס'איז אזוי ווי דו זאלסט זאגן פאר א שיכור, אז ער זאל זיך אויפפירן נארמאל.

יעדער איז געווארן פאררוקט. יעדער איז געווארן משוגע. מענטשן האבן יעצט PTSD.

מענטשן פארגעסן וואס דא איז געווען? מענטשן האבן אנגעהויבן ליידן פון Dissociation. דאס מיינט אז מ'מיינט אז ס'גארנישט געווען, אדער ס'איז נאר געווען א קלייניגקייט. מענטשן גייען נאך זאגן אז קיינער איז נישט געשטארבן. דו גייסט זעהן. מענטשן גייען זאגן אז דא איז גארנישט געווען. אזאך וואס איז נישט אמת. מענטשן גייען לייקענען וואס דא האט זיך געטון. דו גייסט זעהן.

און מ'גייט באשולדיגן די חשוב'ע הייליגע רבנים, וואס די איינציגע עוולה איז אז זיי קענען לערנען, פארוואס זיי האבן פארשפארט בתי מדרשים און מוסדות התורה. דו גייסט זעהן.

מענטשן גייען ארומגיין און שמועסן אין די בתי מדרשים אז "קיינער איז נישט געשטארבן". און אז מ'האט עס געמאכט ערגער ווי ס'איז באמת געווען. און "ווי האט מען געהערט אזאנס צו פארשפארן בתי מדרשים???". דו גייסט נאך זעהן.

והשם הטוב יעזור.
לעצט פאראכטן דורך נשמה אום דאנארשטאג מאי 07, 2020 8:57 pm, פאראכטן געווארן 8 מאל סך הכל.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

א פיין שמועס
שר העשר
תגובות: 42
זיך איינגעשריבען אום: מיטוואך דעצמבער 11, 2019 4:47 pm
פארבינד זיך:

Re: האט איר ריכטיג פאראויסגאשאצט דעם וויירוס?

תגובהדורך א פיין שמועס » דאנארשטאג מאי 07, 2020 8:04 pm

א חבר מיינער האט פארלוירן זיין אייוועלט אקאונט פארן אפשאצן די וויירוס גענוי ווי דאס וואס איז טאקע אנגעקומען.

און ניין, ער האט נישט בארעדט קיין רבנים.

אוועטאר
למעלה משבעים
שר עשרת אלפים
תגובות: 10118
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

Re: האט איר ריכטיג פאראויסגאשאצט דעם וויירוס?

תגובהדורך למעלה משבעים » דאנארשטאג מאי 07, 2020 8:27 pm

א פיין שמועס האט געשריבן:א חבר מיינער האט פארלוירן זיין אייוועלט אקאונט פארן אפשאצן די וויירוס גענוי ווי דאס וואס איז טאקע אנגעקומען.

און ניין, ער האט נישט בארעדט קיין רבנים.

פארן ריכטיג אפשאצן פארלירט מען נישט קיין אקאונט. אויב איינער האט פארלוירן אן אקאונט דא איז דאס צוליב די תוכן האט נישט געשטימט מיט תקנות המקום.

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 8:58 pm

נשמה האט געשריבן:פאליסיידס, דו מיינסט דאך בעיקר וואס מ'זאל פארנעמען זיך צו פארבעסערן אין דעם נושא. יעצט, קיינער וויל נישט אז ס'זאל נאכאמאל זיין דער נושא, אז מ'זאל זיך אין דעם דארפן פארבעסערן.

קיינער זאגט נישט: נעקסטיים ווען די דייטשן קומען זאגן אז מ'זאל גיין צו די באנען, זאל מען... קיינער וויל נישט הערן גארנישט.

האסט עפעס אן עצה וואס מ'קען יעצט טון צו פארבעסערן דעם יעצטיגן מצב, טו עס.

עפן א האטליין, ווייל מענטשן דארפן א האטליין. און זאג אזוי. "טייערע יודן, מיר דארפן זיך מחזק זיין, מ'דארף טאקע אכטונג געבן, אבער זיך נישט פארלירן, ס'דא א באשעפער, און מיר דארפן אים בעטן. דאס און דאס איז די נייעס, אבער זיך נישט פארלירן. וואויל זענען די וואס האלטן זיך שטארק.

אויב וואלט איך געווען הצלה, וואלט איך אזוי געזאגט: טייערע איינוואוינער, קיינער זאל נישט פאלן אין קיין פאניק, נעמטס אריין א טיפער אטעם. מיר בעטן די מענער זאלן מחזק זיין די ווייבער מיט די קינדער. אגב מ'זאל אכטונג געבן דאס און דאס. און נאכאמאל נישט פאלן אין קיין פאניק. זיך האלטן שטארק. נישט זיין פארלוירן.

און ווען איך וואלט געווען א צייטונג וואלט איך געשריבן דעם הויפט קעפל: יודן פאלן נישט אין קיין פאניק, און עינינו צופיות למרום טראץ די שרעקעדיגע וויירוס.

כאפסט? ווילסט? טו.

איך אגרי מיט דיר היבש אסאך אויף די תגובה,
כהאפ אויך אז סגייט נישט מער געשען, אונז זעמיר דאך פארט נאר א שוואך דור אין מזאל אונז נישט אויספרובירען מיט קיין נסיונת,
אבער יא סאיז דא עצות, אבער נישט אלעס קען מען טון דא,
נאר אזויפיל וויפיל מקען יא טון דא דארף מען טון דא, ביסט נאך מיט מיר?
על כל פנים אויב ס'ארבעט, דעמאלטס דארף מען טון און טון, ווייל א באן וואס פארט שטאט קומט אן ענדערש ווי א באן וואס פארט בכלל נישט,
מרעדט דאך פארשטייט זיך פון אין מזרזין אלא מזריזין,

בנוגע האטליין הצלה וויאזוי ממעלדט אזא נייעס דא האסטו דאך געטאטשט א קריטישע פוינט אין לאמיר האפען אז סגייט ווערען געטון השתדלות, (דאנט ווארי איך רעדט דארטען וווי מדארף רעדען אויך, און אגב אסאך האבען עס היבש ארויס)
נאר ווי א עסקן און אן הצלה האט מיך געזאגט אז זיי האבען נישט געקענט דורך קומען מיט א מעסעזש צי אונזער ציבור טאקע צוליב סאושעל מידיא אין דא, (ווי די זאגסט ס'גווען א חלק פון די גזרה) מענטשען האבען פארלוירען ציטרוי אין כמעט אלעס פאר א קריטישע פאר טעג,
זשוליאני האט געזאגט א גוטס וועגען פאריגע וואך "סאיז אייביג דא א וועג וויאזוי מקומט אן צי יעדע קאמיונעטי, איך האב עס געטון אלטס מעיאר, און איך בעט דיבלאזיא זאל ארויסווייזען לידערשיפ"
טאמער די אראבישע קאמיונעטי אין קענזיגטאן האט א שפראך וויאזוי מרעדט צי זיי און צי זייערע לידערס דארפסטו אזוי רעדען, מדארף זיי נישט מאכען פאר טשייניזע, און די זעלבע איז מיט טשייניזע מדארף זיי נישט מאכען פאר ספאניאלאס,
ניו יארק איז נישט פון היינט באשאפען געווארען נאר א קאמוניסט קען נישט פארשטיין וויאזוי די דעמאגראפיע פון ניו יארק האט געארבעט אלע יארען, נאר איינער מיט אגענדעס וויל נישט פארשטיין וויאזוי דעמאקראטיע ארבעט און קאמיונעטיס לעבען זייט ביי זייט און פארשטייען זיך אין זאכען פארען ברוך השם,
נאר איגנארענט מענטשען וואס קוקען אן יענעם צירוק געבליבען אויב יענער איז נישט ווי מיר , האלטען דעי שפראך וואס האט פארכאפט די אויבענאן אויף סאושעל מידיא, וואס נאך?
א שטאט לאו דוקא א גויאישע כמיין א געגענט דארף ווערען געפירט מיט אן אחריות , אין כמיין אז מקען זאגען טאהש אנטווערפען יוכיח,
אין וויפיל סאיז נוגע דא , דארף מען צירוק שטופען, כאפסט? נישטא קיין ברירה, האלבוועגס אגריסט די דאך מיט מיר,
אז מוועט עפעס דארפען טוישען דארף מען עס טוישען קיינער וויל נישט בתורת ספק זיין לייכטזיניג,
ווען סאיז ארויסגעקומען די מעלדונג אז מדארף נישט דאווענען מיט מנין האב איך איבערגעפרעגט א דיין (וואס דען זאל איך טון?) זאגט ער מיר קודם סטאפ מווייסמיר נישט וואס דא גייט פאר, אין איך האב געסטאפט ליינענדיג דא און שמועסענדיג מיט מענטשען וואס זענען אויף גרופס האב איך אנגעפאנגען צי ווערען אביסעל צימישט טאקע נאר אביסעל אבער זייער אומבטעמט,
וואס וואלט געווען ווען סאיז ווען דא א מעגליכקייט ציצישפארען דא (די נייעס אפטיילונג) וואטסעפ מיט דע אלע מינע זאכען פאר צוויי וואכען מיינסט טאקע מיין דייןס מעסעזש וואלט נישט אנגעקומען צי מיר? מיינסט ר' אהרן שיףס מעסעזש וואלט נישט אנגעקומען צי אנטווערפען ? מייינסט אז הצלהס מעסעזש וואלט נישט אנגעקומען, איי סאיז דא א קליינע פראצענט וואס הערען האטליינס, נו נו, דארף מען זיך אן עצה געבען אויב מיט זיי טאמער סאיז אזא נעגעטיווע השפעה, נישט אבער אז יעדע מאן דהוא זאל זיך נעמען שרייען פייער אין א טונקעלע זאל איז די ענטפער,
נישט אז די חברה וואס האבען געמאכט א מיסטעיק (מיט גוטע כוונת ) זאלען זיך ארומדרייען כאי' זיי זענען גאר די מצילים, מיט אויפגעהויבענע קעפ, איינער מוז זיי דעס אויפקלערען, איי זאגסטו ביסט גערעכט זיי האבען זיך פארלוירען אבער סגייט נישט געשען? האב איך פאר דיר נייעס מיט יעדע גרעסערע אידישע געשעעניש קען זיך איבערשפילען אין איבערשפילען זייער ענליכע זאכען, אפשר נישט אזוי פארשלייערט אבער פארט די זעלבע יענטע! זאל זיין מיט גאנס זאל זיין מיט מעדעצינען זאל זיין מיט אנטעסעמעטיזעם אדער מיט אינוועסטיגעשעןס וואס מגייט אראפשטיפען פון די טרעיקס צוליב זינלאזע קאנספיראציעס וואס גייען ארויסגעלאזט ווערען,
כפארשטיי אז די נעמסט אחריות אויף דיר אבער נעמסטו טאקע אויף יעדעם אחריות אויף יעדעם? האסט א מעכעניזעם (אויב זעסטו שוין אויך איין די חורבן)דא צי לייגען ברעיקס אויף אן אנטוויקעלדיגע נייעס וואס האלט זיך אינמיטען אויסקאכען?

אין נאך איין זאך וועגען נעקסטע מאל, די קריזיס איז נאכנישט אינגאנצען פאריבער דאסמאל, ביי מיר מיינט ציגעשפארטע חדרים אין קעמפ עפעס ענליך צי א קריזיס, אסאך קריטישע דעסיזשענס וועלען (אונזערע) חברי הנהלה דארפען מאכען זאל די אייבישטער געבען די ריכטיגע כח,

אוועטאר
ליידיג גייער
שר חמישים ומאתים
תגובות: 489
זיך איינגעשריבען אום: דאנארשטאג מאי 09, 2013 4:31 pm

Re: האט איר ריכטיג פאראויסגאשאצט דעם וויירוס?

תגובהדורך ליידיג גייער » דאנארשטאג מאי 07, 2020 9:00 pm

כ'האב געהאלטן אז א וואך צוויי נאכן שפארן די בתי מדרשים גייט מען שוין וויסן ווי מען שטייט (מיין ברודער האט חתונה געמאכט דעמאלט און ס'איז געווען נוגע)
אז ס'איז געקומען די צייט האב איך געזען אז רוב עולם טוישט זיך נישט די מיינונג די אייגענע מיינונג ווערט נאר מער און מער אויס געבויט און אפילו לאחר המעשה וועט אלס זיין א מבוכה

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 9:01 pm

העי נשמה האסט עפעס ציגעלייגט? נו לאמיך עס איבער ליינען, די רעדסט גראדע זייער צי די זאך

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 9:06 pm

נשמה וויאזוי קוואט איך נאר א קליינע שטיקעל?

Programming
שר חמש מאות
תגובות: 531
זיך איינגעשריבען אום: מאנטאג ינואר 16, 2017 8:53 pm

Re: האט איר ריכטיג פאראויסגאשאצט דעם וויירוס?

תגובהדורך Programming » דאנארשטאג מאי 07, 2020 9:07 pm

לאנגע דרשות אן קיין זאכליכע טענות און הסברים, נאר ראציאנאלאזאציע פארן זיך נישט אויפפירן נארמאל. (איך מיין נישט דיר נשמה)

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 9:11 pm

Programming האט געשריבן:לאנגע דרשות אן קיין זאכליכע טענות און הסברים, נאר ראציאנאלאזאציע פארן זיך נישט אויפפירן נארמאל. (איך מיין נישט דיר נשמה)

געב דעקונג אויב די מיינסט מיר
איך קען דאך אויך געבען אזא סטעיטמענט אזוי מירנישריר,
מיינסט כקען נישט נוצען אזא שפראך

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 9:14 pm

איך זאג אז סאשעל מידיא האט געמאכט שווערער אז די מעסעזש זאל אנקומען אין די זאגסט?

Programming
שר חמש מאות
תגובות: 531
זיך איינגעשריבען אום: מאנטאג ינואר 16, 2017 8:53 pm

Re: האט איר ריכטיג פאראויסגאשאצט דעם וויירוס?

תגובהדורך Programming » דאנארשטאג מאי 07, 2020 9:19 pm

אז די גאנצע וועלט האט סאשעל מידיא און צו יעדן איינעם איז אנגעקומען דער מעסעדזש זייער שארף און קלאר.

אוועטאר
נשמה
שר חמשת אלפים
תגובות: 5536
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: האט איר ריכטיג פאראויסגאשאצט דעם וויירוס?

תגובהדורך נשמה » דאנארשטאג מאי 07, 2020 9:20 pm

אין כמיין אז מקען זאגען טאהש אנטווערפען יוכיח,

יא! זייער גוט געזאגט. געב א קוק וויאזוי א קומיוניטי דארף זיך פירן. איך האב געהערט אין א אינטערוויו אז אין טאהש האבן די דיינים געוואלט צומאכן די בתי מדרשים, נאך סך פאר די רעגירונג האט דאס געפאדערט. (אזוי האב איך געהערט) פארוואס האבן זיי געוואלט? ווייל די תורה דיקטירט אזוי. די מצב פון פארשפארן די בתי מדרשים איז געווען א סימבאל אז א יודיש נפש איז ביי אונז טייער. ביי די רעגירונג סימבאליזירט עס "מיר ווילן נישט אז די מגיפה זאל זיך פארשפרייטן". ביי אונז איז עס "מיר ווילן אז ענק אלע זאלן בלייבן לעבן". דאס איז גאר א אפגעשיידטע געדאנקען גאנג.

מיר זאלן נישט פארגעסן וואס דא האט זיך געטון. מיר זאלן נישט פארגעסן די טייכן טרערן וואס זענען נאכנישט פארגאסן געווארן פון אונזערע אויגן נעבעך. וויפיל האט מען נאכנישט געוויינט. נישט חלילה פאניק. אבער פון די אנדערע זייט, נישט זאגן אז "קיינער איז נישט געשטארבן". אדער אז דער עיקר וואס מ'קומט ארויס נאך אזעלכע שווערע טעג אז "מ'האט נישט געדארפט שאפן א פאניק". ניין! מיר קומען ארויס פון די שווערע טעג מיט צוריקגעהאלטענע טרערן וואס זענען נאכנישט פארגאסן געווארן פארן הייליגען באשעפער וואס ער האט אונז אזוי צעקלאפט. ווי א קינד וואס וויינט צו זיין טאטע "טאטע ס'טוט מיר וויי, איך וויל דיך איבערבעטן". נישט אז קיינער איז נישט געשטארבן.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 9:23 pm

Programming האט געשריבן:אז די גאנצע וועלט האט סאשעל מידיא און צו יעדן איינעם איז אנגעקומען דער מעסעדזש זייער שארף און קלאר.

יו כהאב נישט קיין כח, נו לאמיך מיך אביסעל אפריען פאר כקום צירוק מי דיר, סארי, כוועל טרייען

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 9:29 pm

נשמה האט געשריבן:
אין כמיין אז מקען זאגען טאהש אנטווערפען יוכיח,

יא! זייער גוט געזאגט. געב א קוק וויאזוי א קומיוניטי דארף זיך פירן. איך האב געהערט אין א אינטערוויו אז אין טאהש האבן די דיינים געוואלט צומאכן די בתי מדרשים, נאך סך פאר די רעגירונג האט דאס געפאדערט. (אזוי האב איך געהערט) פארוואס האבן זיי געוואלט? ווייל די תורה דיקטירט אזוי. די מצב פון פארשפארן די בתי מדרשים איז געווען א סימבאל אז א יודיש נפש איז ביי אונז טייער. ביי די רעגירונג סימבאליזירט עס "מיר ווילן נישט אז די מגיפה זאל זיך פארשפרייטן". ביי אונז איז עס "מיר ווילן אז ענק אלע זאלן בלייבן לעבן". דאס איז גאר א אפגעשיידטע געדאנקען גאנג.

מיר זאלן נישט פארגעסן וואס דא האט זיך געטון. מיר זאלן נישט פארגעסן די טייכן טרערן וואס זענען נאכנישט פארגאסן געווארן פון אונזערע אויגן נעבעך. וויפיל האט מען נאכנישט געוויינט. נישט חלילה פאניק. אבער פון די אנדערע זייט, נישט זאגן אז "קיינער איז נישט געשטארבן". אדער אז דער עיקר וואס מ'קומט ארויס נאך אזעלכע שווערע טעג אז "מ'האט נישט געדארפט שאפן א פאניק". ניין! מיר קומען ארויס פון די שווערע טעג מיט צוריקגעהאלטענע טרערן וואס זענען נאכנישט פארגאסן געווארן פארן הייליגען באשעפער וואס ער האט אונז אזוי צעקלאפט. ווי א קינד וואס וויינט צו זיין טאטע "טאטע ס'טוט מיר וויי, איך וויל דיך איבערבעטן". נישט אז קיינער איז נישט געשטארבן.

סא אגריסטו אז דארט ווי סאיז דא אחדות טוט מען די ריכטיגע שריט,

כהער אז אין טאהש איז נישט געווען קיין האספיטאליזעשענס בה , און אלעס איז בעסעקלי אפען, זיי האבען דאך פארדינט פון ביידע זייטען ב"ה, האבען זיי דען מער ציטריט צי טוויטער ווי די ניו יארקע אידען, אדער גאר פארקערט, די תירוץ איז אחדות אין א קריזיס,
וואס האט געטון קאנגרעס נאך 911 זיי האבען מארשירט ציזאמען,
איז סאושעל מידיא א טאל פאר אחדות אדער דאס פארקערטע? וואס איז אזוי שווער צי פארשטיין מיין נקודה, איך רעד שוין צי דער אנדערער אויך

אוועטאר
נשמה
שר חמשת אלפים
תגובות: 5536
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: האט איר ריכטיג פאראויסגאשאצט דעם וויירוס?

תגובהדורך נשמה » דאנארשטאג מאי 07, 2020 9:41 pm

Programming האט געשריבן:אז די גאנצע וועלט האט סאשעל מידיא און צו יעדן איינעם איז אנגעקומען דער מעסעדזש זייער שארף און קלאר.

תפסת מרובה לא תפסת. א מעסעדש דארף אלעמאל זיין איין-און-די-זעלבע. עס טאר קיינמאל נישט זיין א סתירה אפילו א משהו צווישן איין מעסעדש פון דעם זעלבן מענטש, און די קומענדיגע מעסעדש. אלעס דארף זיין איין מעסעדש וויאזוי מ'דארף זיך פירן. אויב נישט קען דאס פירן אז מענטשן זאלן איגנארירן וויכטיגע מעסעדשעס.

ווען מענטשן האבן צופיל סאושל מידיע, פון אלע ריכטונגען, דארפן מענטשן פילטערן וואס זיי הערן. פילטערן איז נישט א גוטע זאך. ווייל אז ער פילטערט, דארף ער אליין באשליסן וואס יא און וואס נישט. סאושל מידיע מיינט צופיל דיעות אויף איינמאל. דאס מאכט צעמישט, און דאס מאכט אז מ'זאל נישט פאלגן די אמת'ע מעסעדשעס.

אויב יעדער האט איין מקור פון וואו צו נעמען אדווייז, טוט עס יעדער. אויב אבער ס'דא א איבערפלוס פון דיעות, וועט ער זאגן "דו זאגסט אז מ'דארף אכטונג געבן, אבער יענער זאגט אז נישט, וועל איך פאלגן יענעם".
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 9:50 pm

Programming האט געשריבן:אז די גאנצע וועלט האט סאשעל מידיא און צו יעדן איינעם איז אנגעקומען דער מעסעדזש זייער שארף און קלאר.

לאמיך מאכען א סך הכל, די זאגסט אז סאושעל מידיא האט געראטעוועט די מצב אין ניו יארק, אין יעדער האט זיך ברוך השם געראטעוועט אין ווען נישט סאושעל מידיא וואלט ווען געווען טויזענטע פאטאליטעטען חו,
אבער ביי אידען וויבאלד זיי האבען נישט גענוג סאושעל מידיא אז חו געווען א גרעסערע פראבלעם, איי גענוג אירע האבען סאושעל מידיא? גוטע קשיא,
ווען יעדער האט ווען סאושעל מידיא דעמאלטס וואלט געווען אן עולם התיקן קיינער וואלט זיך נישט געריסען ווי קעץ,

איך זאג, איך רעד בכלל נישט פון דעם,
איך רעד נאר אז נישט יעדע מאן דהו קען פלאפלען בשעת א קריזיס, אין נאר אחריותדיגע מענטשען ראשי קהלות דיינים הצלה מעג רעדען, און אויב סאיז אנדערש איז א פראבלעם,

אין דעס אז ממאכט לא תחנם פון א מעיזשער מיסטעק מגלאריפייד א טיפשות, דאס שוין נישט, ווי נשמה זאגט זיי האבען זיך פארלוירען, נאו פראבלעם, אבער דעס איז געווען די גורם פארוואס אידען האבען זיך נישט געהעריג געוואטשט, דעס האט געשטערט די אחדות, די טראסט,
נאכאמאל מאכטס נישט ענקער מיסטעק פאר א זשיהאד סהאט קיינמאל נישט געטארט געשען אין סטאר מער ווייטער נישט געשען אין יעדער דארף זעען דא אויף אלע מיטלען סזאל מער נישט געשען, אין יעדע שעיפ אין פארעם,

אין פאר שוואכערע ליינערס וועל איך עס איבערזאגען אזוי.

איך רעד בכלל נישט יעצט אריין וועגען סמארטפאנס סאושעל מידיא, גארנישט זירא זילטש נאדא אפס ,
איך רעד יעצט צי א קאמפיין דארף געפירט ווערען דורך אחריותדיגע מענטשען, קהלות, אדער דורך א פלייץ מיט קולות אויף טשעט זייטלעך

פאלעסיידס
שר חמש מאות
תגובות: 604
זיך איינגעשריבען אום: מאנטאג נובעמבער 25, 2019 5:28 pm

Re: האט איר ריכטיג פאראויסגאשאצט דעם וויירוס?

תגובהדורך פאלעסיידס » דאנארשטאג מאי 07, 2020 9:51 pm

נשמה האט געשריבן:
Programming האט געשריבן:אז די גאנצע וועלט האט סאשעל מידיא און צו יעדן איינעם איז אנגעקומען דער מעסעדזש זייער שארף און קלאר.

תפסת מרובה לא תפסת. א מעסעדש דארף אלעמאל זיין איין-און-די-זעלבע. עס טאר קיינמאל נישט זיין א סתירה אפילו א משהו צווישן איין מעסעדש פון דעם זעלבן מענטש, און די קומענדיגע מעסעדש. אלעס דארף זיין איין מעסעדש וויאזוי מ'דארף זיך פירן. אויב נישט קען דאס פירן אז מענטשן זאלן איגנארירן וויכטיגע מעסעדשעס.

ווען מענטשן האבן צופיל סאושל מידיע, פון אלע ריכטונגען, דארפן מענטשן פילטערן וואס זיי הערן. פילטערן איז נישט א גוטע זאך. ווייל אז ער פילטערט, דארף ער אליין באשליסן וואס יא און וואס נישט. סאושל מידיע מיינט צופיל דיעות אויף איינמאל. דאס מאכט צעמישט, און דאס מאכט אז מ'זאל נישט פאלגן די אמת'ע מעסעדשעס.

אויב יעדער האט איין מקור פון וואו צו נעמען אדווייז, טוט עס יעדער. אויב אבער ס'דא א איבערפלוס פון דיעות, וועט ער זאגן "דו זאגסט אז מ'דארף אכטונג געבן, אבער יענער זאגט אז נישט, וועל איך פאלגן יענעם".
אט אזוי ממש א נחת
קענסט דאך עס בעסער ארויסברענגען ווי מיר,

Programming
שר חמש מאות
תגובות: 531
זיך איינגעשריבען אום: מאנטאג ינואר 16, 2017 8:53 pm

Re: האט איר ריכטיג פאראויסגאשאצט דעם וויירוס?

תגובהדורך Programming » דאנארשטאג מאי 07, 2020 10:13 pm

פאלעסיידס האט געשריבן:
Programming האט געשריבן:אז די גאנצע וועלט האט סאשעל מידיא און צו יעדן איינעם איז אנגעקומען דער מעסעדזש זייער שארף און קלאר.

לאמיך מאכען א סך הכל, די זאגסט אז סאושעל מידיא האט געראטעוועט די מצב אין ניו יארק, אין יעדער האט זיך ברוך השם געראטעוועט אין ווען נישט סאושעל מידיא וואלט ווען געווען טויזענטע פאטאליטעטען חו,
אבער ביי אידען וויבאלד זיי האבען נישט גענוג סאושעל מידיא אז חו געווען א גרעסערע פראבלעם, איי גענוג אירע האבען סאושעל מידיא? גוטע קשיא,
ווען יעדער האט ווען סאושעל מידיא דעמאלטס וואלט געווען אן עולם התיקן קיינער וואלט זיך נישט געריסען ווי קעץ,

איך זאג, איך רעד בכלל נישט פון דעם,
איך רעד נאר אז נישט יעדע מאן דהו קען פלאפלען בשעת א קריזיס, אין נאר אחריותדיגע מענטשען ראשי קהלות דיינים הצלה מעג רעדען, און אויב סאיז אנדערש איז א פראבלעם,

אין דעס אז ממאכט לא תחנם פון א מעיזשער מיסטעק מגלאריפייד א טיפשות, דאס שוין נישט, ווי נשמה זאגט זיי האבען זיך פארלוירען, נאו פראבלעם, אבער דעס איז געווען די גורם פארוואס אידען האבען זיך נישט געהעריג געוואטשט, דעס האט געשטערט די אחדות, די טראסט,
נאכאמאל מאכטס נישט ענקער מיסטעק פאר א זשיהאד סהאט קיינמאל נישט געטארט געשען אין סטאר מער ווייטער נישט געשען אין יעדער דארף זעען דא אויף אלע מיטלען סזאל מער נישט געשען, אין יעדע שעיפ אין פארעם,

אין פאר שוואכערע ליינערס וועל איך עס איבערזאגען אזוי.

איך רעד בכלל נישט יעצט אריין וועגען סמארטפאנס סאושעל מידיא, גארנישט זירא זילטש נאדא אפס ,
איך רעד יעצט צי א קאמפיין דארף געפירט ווערען דורך אחריותדיגע מענטשען, קהלות, אדער דורך א פלייץ מיט קולות אויף טשעט זייטלעך


Couldn't agree more

ווי דער ברך משה פלעגט זאגן אז עס איז נישטא קיין מנהיג ווערט דער יצר הרע דער מנהיג. די גוים האבן אויך געזעהן אויף זייערע סאושעל מידיא פיד'ס די מיינונגען פון אויבער חכמים, אבער פאר סאם ריזאן האבן זיי פארשטאנען אז ווען עס קומט צו א לעבן און טויט אישו קוקט מען אויף וואס די אחריות'דיגע אויטאריטעטן זאגן.

ביי אונז איז געווען - און איז נאכאלץ - דער פראבלעם אז מיר פאלגן דוקא נישט וואס די אויטאריטעטן האבן געזאגט, צי אפילו די היימישע אינסטאנצן ווי הצלה און די קהילות הקדושות, און פארשטייט זיך טאקע דער חורבן אז נישט אלע רבנים האבן גערעדט דעם זעלבן שפראך. ואכהמ"ל.

איך בין מסכים מיט דיר אז עס דארף קומען מטעם א אויטאריטעט, בקול אחד, און יעדער איינער זאל עס טאקע מקיים זיין. הלואי ווען די היימישע אינסטאנצן וואלטן טאקע גענומען די זאך אין די האנט אריין, הלואי וואלטן די קהילות געשריבן שארפע צעטלעך אז ווער עס האלט נישט די געזעצן פון סאשעל דיסטענסינג האט נישט קיין דריסת הרגל אין די קהילה און פארלירט זיין זכות קבורה אין בית החיים. הלואי וואלטן די רבנים ארויסגעקומען בחרב ובחנית קעגן די אנדערע רבנים וואס האבן מסכן געווען אידן. און זאג מיר נישט אז זיי קענען נישט ארויסקומען קעגן א רב, מיר האבן דעם ווינטער צוגעזען אז פאר קלענערע זאכן ווי לא תרצח קענען זיי יא. דעמאלס וואלט טאקע נישט אויסגעפעלט אז אנדערע זאלן נעמען די לייצעס אין די האנט אריין, מיט געמישטע רעזולטאטן.

בקיצור, פאר עפעס זייער א פארדרייטע סיבה זעהסטו גאר דעם חסרון אין די סאשעל מידיא, און דו האסט א אמת'ע פוינט אז סאשעל מידיא איז נישט קיין ערזאץ פאר א געהעריגע, רעספעקטירטע אויטאריטעט. אבער דו פארקוקסט דאך דא פונעם עיקר, דער עיקר חורבן איז דאך אז עס איז נישטא קיין געהעריגע אויטאריטעט. די אלגעמיינע אויטאריטעטן האט מען דאך נישט אויסגעלערנט אז מען ברויך הארכן און די היימישע זענען געווען מיסינג אין עקשאן למחצה לשליש ולרביע.

אוועטאר
לכאורה
שר עשרת אלפים
תגובות: 12339
זיך איינגעשריבען אום: דינסטאג אוקטובער 20, 2009 2:43 pm

Re: האט איר ריכטיג פאראויסגאשאצט דעם וויירוס?

תגובהדורך לכאורה » דאנארשטאג מאי 07, 2020 11:56 pm

א פיין שמועס האט געשריבן:א חבר מיינער האט פארלוירן זיין אייוועלט אקאונט פארן אפשאצן די וויירוס גענוי ווי דאס וואס איז טאקע אנגעקומען.

און ניין, ער האט נישט בארעדט קיין רבנים.

געב מיר דעם ניק פון דיין חבר (קען זיין אין אישי), איך וויל נאכגיין זיינע תגובות און זעהן 1) אויב ער האט גוט אפגעשאצט די ווירוס 2) פארוואס ער איז געפלויגן
איך בין צוריקגעבליבן מיט טויזנטער אשכולות, אבער איך געב נישט אויף... שטייטליך און צוביסלעך וועט מען אי"ה "ווייס מאכן די קרעטשמע"

אוועטאר
צל עובר
שר עשרת אלפים
תגובות: 12624
זיך איינגעשריבען אום: מיטוואך סעפטעמבער 27, 2017 6:22 pm

Re: האט איר ריכטיג פאראויסגאשאצט דעם וויירוס?

תגובהדורך צל עובר » פרייטאג מאי 08, 2020 12:09 am

איך זעה און איך ליין איבער אין די געקוואויטע פון @שלמה, אז ער האט יעמאלט געשריבן דאס וואס@מטעמים שרייבט אין דעם אשכול, אז מען האט געזאלט מאכן א פול טיים לאקדאון, און פארטיג.

איך האב צוויי הערות, איינס אז מענטשן בטבע זענען פון אזא סארט ווי די אונגארישע ביים קריג, מען וויל נישט אנערקענען א צרה פאר עס קומט אן, צווייטנס, אז אמעריקאנער זענען בטבע עדיקטעד צו פרייהייט, און אפילו די טיילווייזע לאקדאון'ס הארכט מען בלויז כולי האי ואולי.

דאס איז בנוגע לאקדאון'ס, בנוגע עקוויפמענט, אז טראמפ האט געלאכט אנשטאט אנגערייטן דאס לאנד, דאס געהערט שוין אין אנדערע אשכולות.

----------

@נשמה, איינער האט שוין געשריבן אז למעשה איז דאך כמעט קיינער נישט געשטארבן....
לעצט פאראכטן דורך צל עובר אום פרייטאג מאי 08, 2020 12:24 am, מאל פאראכטן געווארן 1 סך הכל.
כל מה דעביד רחמנא, לטב עביד.
אלעס וואס דער דערבארומדיגער טוט, טוט ער צום גוטן.

מטעמים
שר ששת אלפים
תגובות: 6511
זיך איינגעשריבען אום: זונטאג מאי 04, 2014 10:06 pm

Re: האט איר ריכטיג פאראויסגאשאצט דעם וויירוס?

תגובהדורך מטעמים » פרייטאג מאי 08, 2020 12:16 am

@צל, איך האלט אויך אז מענטשען זענען זייער עדיקטעד צו זייערע פרייהייטען און זיי האבען זייער נישט ליב צו ווערן איינגעצוימט - אבער די פאקט איז אז ״אויב וואלט געוועהן״ א לאקדאון וואלטען זיכער ווייניגער מענטשען געשטארבען - דאס ווערט צוגעשריבען צו די צענדליגע טעותים פון די פירערשאפט אין אמעריקע.
אין וואשינגטאן דארף מען האבן איינעם מיט שלעכטע מידות צו אנהאקן די קעפ פון די פוילע פאליטישענס, און מאכן אז זיי זאלן זיך נעמען ארבעטן, און געט טינגס דאן - קרעדיט פאראינטערסירט

אוועטאר
טוב לב
שר חמישים ומאתים
תגובות: 400
זיך איינגעשריבען אום: דינסטאג ינואר 07, 2020 4:05 pm

Re: האט איר ריכטיג פאראויסגאשאצט דעם וויירוס?

תגובהדורך טוב לב » פרייטאג מאי 08, 2020 12:21 am

די חב''ד רב פון טשיינע האט געגעבן א אינטערוויא אויף ק''מ האט ער געזאגט וואס איז די חילוק פון די אמעריקאנער און די כינעזער?
די כינעזער זענען בכלל נישט געווען פארפאניגט, נאר זיי האבען געטוהן וואס מ'דארף צו טוהן(געגאנגען מיט מאסקעס און זיך נישט געדרייט און גאס),
ווידער די אמעריקאנער זענען געווען אונגאנצען פארפאניגט (געקויפט הויפענעס טישוס מיט וואסער) אבער געטאן האבען זיי גארנישט.

אוועטאר
צל עובר
שר עשרת אלפים
תגובות: 12624
זיך איינגעשריבען אום: מיטוואך סעפטעמבער 27, 2017 6:22 pm

Re: האט איר ריכטיג פאראויסגאשאצט דעם וויירוס?

תגובהדורך צל עובר » פרייטאג מאי 08, 2020 12:25 am

@מטעמים, מען וואלט ווען געדארפט, איר זענט גערעכט, אבער טענות האב איך נישט אויף דעם.
כל מה דעביד רחמנא, לטב עביד.
אלעס וואס דער דערבארומדיגער טוט, טוט ער צום גוטן.

Goodmorning
שר האלפיים
תגובות: 2477
זיך איינגעשריבען אום: דינסטאג מארטש 06, 2018 2:32 pm

Re: האט איר ריכטיג פאראויסגאשאצט דעם וויירוס?

תגובהדורך Goodmorning » פרייטאג מאי 08, 2020 1:33 am

די פאניסטטע סאך איז אז כהאב געזען דווקא מענטשן וואס האבן אמתדיג פארלוירן נאנטע האבן אסאך ווייטער אנגעגאנגען מיטן איגנארירן סאשעל דיסטענסינג וכדומה. אפשר עפעס א מין דענייעל
שויתי ה' לנגדי תמיד


צוריק צו “קאראנא וויירוס”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 24 געסט