פעיק נוז האט געשריבן:מחשב האט געשריבן:פעיק נוז האט געשריבן:מחשב האט געשריבן:איך האב נישט גערעדט ווען עס זענען דא ספעציאליסטן אין סיי וועלכע פעלד וואס זאגן אנדערש ווי הצלה, דהיינו אז זיי קענען העלפן אן גיין אין שפיטאל. איך רעד אין אלגעמיין ווען יעדער ווערט א פארשטייער פאר זיך.
אגב, מ'דארף אבאכט געבן פון וועם מ'נעמט עצות, נישט אויף יעדער אזוי-גערופענער מומחה קען מען זיך פארלאזן ביי פיקוח נפש שאלות.
איך רעד נישט דוקא פו פרעגן עצות (וואס א ודאי דארף מען אכטונג געבן וועם מען פרעגט, אבער דאס איז די דזשאב פון דעם פרעגער אפצומאכן). איך רעד פון מענטשן פאר זיך, פאר זייער משפחה.
מען מוז נישט "הייסן" קיין 'ספעציאליסט' עקשולי צו פארשטיין, און עס איז קיינעמ'ס נישט תפקיד צו דן זיין אויב יענער הייסט א ספעציאליסט אדער נישט.
די אלע מענטשן וואס זענען געשטארבן צוליב די עקשנות נישט צו גיין אין שפיטאל, זענען נישט געגאנגען ווייל זיי האבן "געהאלטן" אז זיי פארשטייען.
איז וואס איז לויט דיר די עצה?
די עצה איז טון די מערסטע השתדלות.
אגב, וויפיל אזאנע קענסטו? איך רעד נישט פון איינער וואס איז פארצופאל געשטארבן אינדערהיים, נאר ווייל זיי האבן געהאלטן אז זיי קענען עס באהאנדלען.
פעיק, איך וויל די פארציילען א מעשה שהיה מיט מיין פאטער.
ער האט זיך זייער נישט גוט געשפירט, ער האט שווער געאטעמט, ער האט געהאט הצלה ביי זיך כמה פעמים. אין מען האט זיך געטראכט יא אריין גיין אין שפיטאל אדער נישט.
עס איז נאך געווען אנטפאנג פון די אויסברוך ביים היימישע עולם, אין בינו לבינו האבן אנגעפאנגען אריינקומען שמיעות מבהילות וואס טוט זיך אין די שפיטעלער. אין מיין טאטע האט געזאגט בשום אין אופן, ער גייט נישט אין שפיטאל.
אין הצלה זייענדיג אויך נאך אביסעלע צומישט פונעם מצב, האט אויך פראבירט אפצוהאלטען פון אים אריין פירען, זיי האבען פראבירט צו שטיפען ווי ווייט מעגליך אים צו האלטען אינדערהיים.
בחסדי השם האט מיינ'ס א קרוב א חבר א גרויסע דאקטער, אין האט אונז מקשר געווען מיט אים, אין ער האט גערעדט מיט מיין פאטער אויפן טעלעפאון, ער האט אים אויסגעפרעגט וויאזוי ער שפירט, ער האט געהערט ווי אזוי ער פארלירט די אטעם סשעתן רעדן. האט דער דאקטור זייער קלאר געמאכט פאר מיין טאטע אז אויב ווייסט ער וואס איז גוט פאר אים זאל ער שווין אריין גיין אין שפיטאל.
מיין פאטער האט בחסדי השם אוועק געלייגט אלע פחדים אין א זייט, אין ער האט גענימען די אדווייז פון דעם דאקטער, אין ער איז אריין אין שפיטאל.
למעשה האט מען אים דארט געטעסט, האט זיך ארויס געשטעלט ער האט א זייער שווערע דאבעל נעמאניע (ד.ה אויף ביידע לינגען).
ב"ה מען האט געטריעט אין שפיטאל, ער איז געווען דארט פאר 5 טאג, אין בחסדי השם געפינט ער זיך אינדערהיים.
די דאקטער האט געזאגט פאר מיין מאמע, אז ווען ער קומט ווען אהן אין שפיטאל אפאר טאג שפעטער, וואלט ווען שטארק מעגליך געווען צו שפעט ר"ל.
איך מיין אז די מעשה רעדט אסאך פאר זיך, אין עס פעלט נישט אויס צופיל הסבירים.
