קעדילעק האט געשריבן:אויב איינער האט געהאט א ספק אדער א הו"א ביז יעצט ווער עס זענען די אנדרייער און ווער עס שטייט אונטער דעם, אז מ'טאר נישט פארמאכן קיין שולן און מ'מוז זיך מוסר נפש זיין און מוסר נפש זיין אנדערע און יא גיין אין שולן און עקספעדירן דאס פארשפרייטונג פון דעם ביטערן וויירוס רח"ל, האט אין די לעצטע פאר טעג באקומען דעם ענטפער דעליווערט פריי..
אין די לעצטע טעג גייען ארום א גרופע אינגעלייט (אויב מ'קען זיי אזוי אנרופן), און שטעלן זיך אפ פראטעסטירן ביי די הייזער פון רבנים און דיינים, און מאכן מעכטיגע מחאות אויף די "חוצפה" פון די רבנים צו פארמאכן שולן, (הלמאי די רבנים האבן זיך נישט דורכגערעדט מיט זיי..), די קולות גייט באגלייט מיט בזיון ת"ח אויפ'ן נידעריגסטן גראד, מיט קללות און שענדליכע לאזונגען. מיין שוואגער האט מיך ארויפגעלייגט אויף די ליין צו מיטהאלטן אפאר מינוט די גרויליגע מאמענטן, איך האב נישט געגלייבט מיינע אויערן, דאס האט זיך אנגעהויבן שוין פאר שבת און נאך שבת אין מאנסי, און נעכטן האט וויליאמסבורג אויך געהאט די געלעגנהייט צו זען דעם ריכטיגן פרצוף פון די אידן "וואס מיינען דעם כביכול", און זיי האלטן נישט אויס אז מ'דאוונט נישט אין די שולן, זיי זענען געגאנגען פון איין רב צום צווייטן און געמאכט די הילכיגע פראטעסטן באזידלענדיג די רבנים אויף וואס זיי גייען "קעגן די תורה", נעבעך..
און אויב איינער האט מסופק געווען ווער ס'האט געפרעשערט און פרעשערט נאך אלס די רבנים וואס זיי זאלן זאגן אדער פסק'ענען האט דא דעם קלארן ענטפער, ס'איז אפן אויף די גאסן פון שטאט פאר יעדן צו זען, נישט מיט סתם פרעשור, נאר מיט טעראר וואס איז בכלל נישט איינגעפירט אין תש20, ה' יצילנו מהם ומהמונם..
שוין, ב"ה האסט געטראפן אויף וועמען עס אנצולייגן....
להוי ידוע אז כמעט קיין איינער פון די אידן וואס גייען יעדן טאג דאווענען מיט מנין בציבור האבן נישט קיין שום שייכות מיט די דאזיגע חברה, דו ווייסט דאס אליינס, די זענען אזעלכע חברה וואס האבן אין די פארגאנגענע יארן געמאכט די זעלבע מיני מחאות ווען עס האט זיי געשמעקט און אויף וואס זיי האבן נאר געוואלט, און יעצט האבן זיי געטראפן די זאך אויף וואס זיך אנצוכאפן, און דאס ווייזט גארנישט ח"ו אויף די אידן וואס דאווענען מיט מנין.
חוץ אויב דו וועסט זאגן אז די וואס האבן צוגעשפארט די בתי מדרשים און מקואות האבן א שייכות מיט די אלע קלים ורקים וואס מסר'ן אידישע קינדער דעמאלט קענסטו דאס אויך זאגן.
אגב, האב איך נעכטן געזעהן איין פלאץ וואו זיי האבן אראפגעלייגט זייערע מחאות און די פאליציי איז אנגעקומען און געמאכט קולות אז זיי שטייען זייער נאנט איינער צום צווייטן און זיי זאלן זיך צושפרייטן וכו', זעהט אויס אז יעצט איז מותר געווארן התגרות באומות....