הר ההר האט געשריבן:איך פארשטיי בכלל נישט וואס דער פראבלעם קען זיין.
1) קיינער איז זיך נישט טועה אז ר' ישראל סאלאנטער שרייבט דא אפי' אויב איז דא אזא ניק (און ווער יא, זאל מוחל זיין און נאכקוקן ווען דער גדול איז אוועק)
2) דאס זיך בייהאלטן אינטערן ניק פון אן אדם גדול, מיינט נישט אז דער אדם גדול איז איינשטימיג מיט דאס וואס דער ניק שרייבט.
3) אן אוועיטאר איז זיכער נישט קיין שום פראבלעם, ביי מיר אין אפיס הענגט אויך א בילד פון מיין מורי ורבי.
4) ווען איינער רופט זיך א ניק ירעבם בן נבט, וואלט עס אודאי נישט רעפראזענטירט דעם יעניגער. אדער ווען איינער לייגט אן אוועיטער פון א באני רעבעט, וועט ער זיך דער אזוי אידענטעפעצירן?
5) זיך רופן סקולענער רבי, און דערנאך זיצען אויף אייוועלט איז נישט קיין פראבלעם, זיין א חסיד פון סקולען, און זיצן אויף אייוועלט, ''דאס'' איז דער פראבלעם.
6) אפשר איז בכלל געבן א נאמען נאך א צדיק אויך א פראבלעם, ווייל דער קינד וועט דאך רעדן פון טראמפ?
7)....
8) .....
9)....
איך פארשטיי באמת נישט וואס דו טענה'סט. ס'איז קיינמאל קיינעם בייגעפאלן אז א ניק רעדט בשם די אפטייטש פון זייער ניקַ די שאלה איז אבער כבוד הצדיקים און זלזול ת"ח.
1) דו האלטסט אז מ'דארף נישט פרעגן רשות פון אן אדם גדול בעפאר'ן נוצן זייער נאמען אלס א פאלשע נאמען וואס באהאלט דיר אין א שלייער? דו האלטסט אז ווען דו פרעגסט ווען דער מהרש"א וואלט ער דיר געזאגט "געזונטערהייט"?
2) דו האלטסט נישט אז ס'איז א זלזול ווען איין ניק שרייבט "@אברהם אבינו טענה'ט דאס איז און דאס"? פארשטייט זיך אז ער רעדט נישט פון אונזער זיידע אברהם אבינו ער באציט זיך צו עפעס א מענטש וועם ער קען נאר מיט'ן ניק-נאמען "אברהם אבינו", דעריבער מוז ער זיך באציען צו אים אלס אברהם אבינו. איז דאס אקעי? "אברהם אבינו" איז סתם עפעס א טערמין וואס מ'קען שמועסן פון חוץ ווען מ'מיינט באמת אונזער זיידע?
3) ווען איינער לייגט א בילד פון א באני רעביט איז נישט קיין פראבלעם ווייל מען איז דערמיט נישט מזלזל אן אדם גדול, עס איז נישט א נפקא מינא פארוואס יענער לייגט א באני רעביט.
4) געבן א נאמען אין ריעל לייף נאך אן אדם גדול איז ניטאמאל דומה צו דער פראבלעם פון דאס ניצן אויף אייוועלט. ווען דו קענסט איינעם מיט'ן נאמען שלמה זלמן אויערבאך פארשטייסטו אז דאס איז פשוט יענעמ'ס נאמען און נישט ווייל ער האט געקליבן זיך צו אידענטיפיצירן אלס ר' שלמה זלמן אויערבאך.
משא"כ דא אויף אייוועלט קלויבסטו נישט דיין נאמען, דו קלויבסט א ניק וואס וועט דיר אידענטיפיצירן פאר אנדערע בשעת וואס אנדערע פארשטייען אז דאס איז נישט דיין אמת'ע נאמען. אלזא, ווען דו קלויבסט זיך דייקא צו רופן 'שלמה זלמן אויערבאך' ביסטו מזלזל אין דעם צדיק ווייל דו הייסט נישט באמת נאך אים, האסט נאר געקליבן זיך צו אידענטיפיצירן מיט זיין נאמען אויף אייוועלט, דאס מאכט ליצנות פון אים, כאילוי זיין נאמען, וואס שטעלט פאר זיין פערזענליכקייט, קען געקליבן ווערן אלס אן אידענטיפיקאציע ווען מ'ברויך באהאלטן די אייגענע נאמען.
נאכמער, אין ריעל לייף קענען מערערע מענטשן הייסן שלמה זלמן אויערבאך און דאס באטיטלט זיי נישט אלס 'דער ר' שלמה זלמן אויערבאך', אבער דא אויף אייוועלט וואו עס קענען נישט זיין צוויי ניקס מיט די זעלבע נעמען, ווערט די אידענטיפיקאציע פון די ניק נאמען פיל שטערקער. איינער איז אברהם אבינו, א צווייטער דער מהרש"א, א דריטער ר' שלמה זלמן אויערבאך און ס'נאר דא איינער מיט די אלע נעמען, דאס פארשטערקערט די זלזול פון זיך באצייכענען אלס 'דער ר' שלמה זלמן אויערבאך', וויבאלד עס איז נאר דא איינס, און דאס ביסטו, 'דער' ניק שלמה זלמן אויערבאך.
5).......
6).......
ס'איז א זלזול קעגן צדיקים און א ליצנות צו ניצן זייערע נעמען און פערזענלעכקייטן אלס אן אנאנימע אידענטיפיקאציע דא אויף אייוועלט, און זיכער אן רשות!
דעת הדיוט
